Adhikarana 1 (1-2) · Śloka 2
ಅಥಾತಃ ಸ್ಕನ್ಧಗ್ರಹಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
अथातः स्कन्धग्रहप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ನವಗ್ರಹಾಕೃತಿವಿಜ್ಞಾನೀಯಾನನ್ತರಂ ವಿಜ್ಞಾತನವಗ್ರಹಾಕೃತೇಶ್ಚಿಕಿತ್ಸಿತಮುಚಿತಂ; ತತ್ರಾಪಿ ಸ್ಕನ್ದಗ್ರಹಸ್ಯ ಪ್ರಥಮತ್ವಾತ್ತಪ್ರತಿಷೇಧಾಧ್ಯಾಯ ಆರಭ್ಯತೇ- ಅಥಾತ ಇತ್ಯಾದಿ||೧-೨||
Adhikarana 2 (3) · Śloka 3
ಸ್ಕನ್ದಗ್ರಹೋಪಸೃಷ್ಟಾನಾಂ ಕುಮಾರಾಣಾಂ ಪ್ರಶಸ್ಯತೇ | ವಾತಘ್ನದ್ರುಮಪತ್ರಾಣಾಂ ನಿಷ್ಕ್ವಾಥಃ ಪರಿಷೇಚನೇ ||೩||
स्कन्दग्रहोपसृष्टानां कुमाराणां प्रशस्यते | वातघ्नद्रुमपत्राणां निष्क्वाथः परिषेचने ||३||
🔊 Audio coming soon
ಸ್ಕನ್ದೇತ್ಯಾದಿ| ಉಪಸೃಷ್ಟಾನಾಂ ಗೃಹೀತಾನಾಮ್| ದ್ರುಮಗ್ರಹಣಂ ವಿಟಪನಿಷೇಧಾರ್ಥಮ್| ಸ್ಕನ್ದಗ್ರಹಪ್ರಭಾವೇಣ ತೇನಾವಿಷ್ಟೇ ಬಾಲೇ ವಾಯುಃ ಕುಪ್ಯತೀತಿ ವಾತಹರೈಃ ಸೇಕಾದಯಃ ಕಾರ್ಯೋಃ; ಅಥವಾ ವಾತಘ್ನದ್ರುಮಾಃ ಸ್ವಪ್ರಭಾವೇಣ ಗ್ರಹಾವೇಶಮಪಿ ನಿವರ್ತಯನ್ತಿ, ಅಚಿನ್ತ್ಯಶಕ್ತಿತ್ವಾತ್||೩||
Adhikarana 3 (4) · Śloka 4
ತೇಷಾಂ ಮೂಲೇಷು ಸಿದ್ಧಂ ಚ ತೈಲಮಭ್ಯಞ್ಜನೇ ಹಿತಮ್ | ಸರ್ವಗನ್ಧಸುರಾಮಣ್ಡಕೈಡರ್ಯಾವಾಪಮಿಷ್ಯತೇ ||೪||
तेषां मूलेषु सिद्धं च तैलमभ्यञ्जने हितम् | सर्वगन्धसुरामण्डकैडर्यावापमिष्यते ||४||
🔊 Audio coming soon
ತೇಷಾಮಿತ್ಯಾದಿ| ತೇಷಾಂ ವಾತಘ್ನದ್ರುಮಾಣಾಂ ಬಿಲ್ವಾದೀನಾಮ್| ಸರ್ವಗನ್ಧಾ ಏಲಾದಿಪಠಿತಾಃ, ಸುರಾಮಣ್ಡಃ ಸುರಾಯಾ ಉಪರ್ಯಚ್ಛೋ ಭಾಗಃ, ಕೈಡರ್ಯೋ ಮಹಾನಿಮ್ಬಃ| ಏತೇನ ಬಿಲ್ವಾದಿಮೂಲಕ್ವಾಥೇನ ಏಲಾದೀನಾಂ ಕಲ್ಕೇನ ಸಿದ್ಧಂ ತೈಲಮಭ್ಯಞ್ಜನೇ ಹಿತಮಿಷ್ಯತ ಇತಿ ಸಿದ್ಧಮ್||೪||
Adhikarana 4 (5) · Śloka 5
ದೇವದಾರುಣಿ ರಾಸ್ನಾಯಾಂ ಮಧುರೇಷು ದ್ರುಮೇಷು ಚ | ಸಿದ್ಧಂ ಸರ್ಪಿಶ್ಚ ಸಕ್ಷೀರಂ ಪಾನಮಸ್ಮೈ ಪ್ರಯೋಜಯೇತ್ ||೫||
देवदारुणि रास्नायां मधुरेषु द्रुमेषु च | सिद्धं सर्पिश्च सक्षीरं पानमस्मै प्रयोजयेत् ||५||
🔊 Audio coming soon
ದೇವದಾರುಣೀತ್ಯಾದಿ| ಮಧುರದ್ರುಮಾ ಮಧುರವೃಕ್ಷಾಃ, ಮಧು(ಧೂ)ಕರಾಜಾದನಾದಯಃ| ಪಾನಮ್ ಅನ್ನಾದಸ್ಯ ಬಾಲಸ್ಯ||೫||
Adhikarana 5 (6) · Śloka 6
ಸರ್ಷಪಾಃ ಸರ್ಪನಿರ್ಮೋಕೋ ವಚಾ ಕಾಕಾದನೀ ಘೃತಮ್ | ಉಷ್ಟ್ರಾಜಾವಿಗವಾಂ ಚೈವ ರೋಮಾಣ್ಯುದ್ಧೂಪನಂ ಶಿಶೋಃ ||೬||
सर्षपाः सर्पनिर्मोको वचा काकादनी घृतम् | उष्ट्राजाविगवां चैव रोमाण्युद्धूपनं शिशोः ||६||
🔊 Audio coming soon
ಕಾಕಾದನೀ ಕಾಕಜಙ್ಘಾ||೬||
Adhikarana 6 (7) · Śloka 7
ಸೋಮವಲ್ಲೀಮಿನ್ದ್ರವಲ್ಲೀಂ ಶಮೀಂ ಬಿಲ್ವಸ್ಯ ಕಣ್ಟಕಾನ್ | ಮೃಗಾದನ್ಯಾಶ್ಚ ಮೂಲಾನಿ ಗ್ರಥಿತಾನ್ಯೇವ ಧಾರಯೇತ್ ||೭||
सोमवल्लीमिन्द्रवल्लीं शमीं बिल्वस्य कण्टकान् | मृगादन्याश्च मूलानि ग्रथितान्येव धारयेत् ||७||
🔊 Audio coming soon
ಸೋಮವಲ್ಲೀತ್ಯಾದಿ| ಸೋಮವಲ್ಲೀ ಗುಡೂಚೀ, ಇನ್ದ್ರವಲ್ಲೀ ಮತ್ಸಾಣ್ಡಕಃ ಗಣ್ಡದೂರ್ವೇತಿ ಲೋಕೇ, ಮೃಗಾದನೀ ಇನ್ದ್ರವಾರುಣೀ||೭||
Adhikarana 7 (8) · Śloka 8
ರಕ್ತಾನಿ ಮಾಲ್ಯಾನಿ ತಥಾ ಪತಾಕಾ ರಕ್ತಾಶ್ಚ ಗನ್ಧಾ ವಿವಿಧಾಶ್ಚ ಭಕ್ಷ್ಯಾಃ | ಘಣ್ಟಾ ಚ ದೇವಾಯ ಬಲಿರ್ನಿವೇದ್ಯಃ ಸುಕುಕ್ಕುಟಃ ಸ್ಕನ್ದಗ್ರಹೇ ಹಿತಾಯ ||೮||
रक्तानि माल्यानि तथा पताका रक्ताश्च गन्धा विविधाश्च भक्ष्याः | घण्टा च देवाय बलिर्निवेद्यः सुकुक्कुटः स्कन्दग्रहे हिताय ||८||
🔊 Audio coming soon
ಬಲಿಂ ನಿರ್ದಿಶನ್ನಾಹ- ರಕ್ತಾನೀತ್ಯಾದಿ| ತಥಾ ಪತಾಕಾ ರಕ್ತೇತ್ಯರ್ಥಃ| ರಕ್ತಾಶ್ಚ ಗನ್ಧಾಃ ಕುಙ್ಕುಮಾದಿಕಾಃ| ಭಕ್ಷ್ಯಾಃ ಸ್ವಸ್ತಿಕಮೋದಕಾದಯಃ| ದೇವಾಯ ಸ್ಕನ್ದನಾಮ್ನೇ, ಸ್ಕನ್ದಗ್ರಹೇ ವಕ್ಷ್ಯಮಾಣೇ ಚತ್ವಾರಾಖ್ಯೇ| ಹಿತಾಯ ಹಿತಾರ್ಥಂ ಬಾಲಕಸ್ಯ| ಬಲಿಶ್ಚ ಶುಚಿನಾ ವೈದ್ಯೇನ ಕೃತಸ್ನಾನೇನ ಶಸ್ತ್ರಹಸ್ತೇನ ರಾತ್ರೌ ದಾತವ್ಯಃ||೮||
Adhikarana 8 (9) · Śloka 9
ಸ್ನಾನಂ ತ್ರಿರಾತ್ರಂ ನಿಶಿ ಚತ್ವರೇಷು ಕುರ್ಯಾತ್ ಪುರಂ ಶಾಲಿಯವೈರ್ನವೈಸ್ತು | ಅದ್ಭಿಶ್ಚ ಗಾಯತ್ರ್ಯಭಿಮನ್ತ್ರಿತಾಭಿಃ ಪ್ರಜ್ವಾಲನಂ ವ್ಯಾಹೃತಿಭಿಶ್ಚ ವಹ್ನೇಃ ||೯||
स्नानं त्रिरात्रं निशि चत्वरेषु कुर्यात् पुरं शालियवैर्नवैस्तु | अद्भिश्च गायत्र्यभिमन्त्रिताभिः प्रज्वालनं व्याहृतिभिश्च वह्नेः ||९||
🔊 Audio coming soon
ಸ್ನಾನಮಿತ್ಯಾದಿ| ಚತ್ವರೇಷು ಚತುಷ್ಪಥೇಷು, ಅಪರೇ ಚತ್ವರಶಬ್ದೇನ ತ್ರಿಪಥಂ ಕಥಾಸ್ಥಾನಂ ಚೇತ್ಯಾಹುಃ| ಪುರಂ ಮಣ್ಡಲಮ್| ಅದ್ಭಿಶ್ಚ ಗಾಯತ್ರ್ಯಭಿಮನ್ತ್ರಿತಾಭಿಃ ಸ್ನಾನಮಿತಿ ಸಮ್ಬನ್ಧನೀಯಮ್| ವ್ಯಾಹೃತಿಭಿಸ್ತಿಸೃಭಿಃ ಸಪ್ತಭಿರ್ದಶಭಿರ್ವಾ ಸ್ವಾಹಾನ್ತಾಭಿಃ| ಸ್ಕನ್ದಗ್ರಹೇ ಚತ್ವರಾಖ್ಯೇ ಶಾಲಿಯವೈರ್ವಿರಚಿತಮಣ್ಡಲಾಭ್ಯನ್ತರಸದ್ಮನಿ ಪುರಾಭಿಧಾನೇ, ತ್ರಿರಾತ್ರಂ ರಾತ್ರೌ ಬಲಿಸ್ನಾನಹೋಮಾಃ ಕಾರ್ಯಾಃ||೯||
Adhikarana 9 (10-14) · Śloka 14
ರಕ್ಷಾಮತಃ ಪ್ರವಕ್ಷ್ಯಾಮಿ ಬಾಲಾನಾಂ ಪಾಪನಾಶಿನೀಮ್ | ಅಹನ್ಯಹನಿ ಕರ್ತವ್ಯಾ ಯಾ ಭಿಷಗ್ಭಿರತನ್ದ್ರಿತೈಃ ||೧೦|| ತಪಸಾಂ ತೇಜಸಾಂ ಚೈವ ಯಶಸಾಂ ವಪುಷಾಂ ತಥಾ | ನಿಧಾನಂ ಯೋಽವ್ಯಯೋ ದೇವಃ ಸ ತೇ ಸ್ಕನ್ದಃ ಪ್ರಸೀದತು ||೧೧|| ಗ್ರಹಸೇನಾಪತಿರ್ದೇವೋ ದೇವಸೇನಾಪತಿರ್ವಿಭುಃ | ದೇವಸೇನಾರಿಪುಹರಃ ಪಾತು ತ್ವಾಂ ಭಗವಾನ್ ಗುಹಃ ||೧೨|| ದೇವದೇವಸ್ಯ ಮಹತಃ ಪಾವಕಸ್ಯ ಚ ಯಃ ಸುತಃ | ಗಙ್ಗೋಮಾಕೃತ್ತಿಕಾನಾಂ ಚ ಸ ತೇ ಶರ್ಮ ಪ್ರಯಚ್ಛತು ||೧೩|| ರಕ್ತಮಾಲ್ಯಾಮ್ಬರಃ ಶ್ರೀಮಾನ್ ರಕ್ತಚನ್ದನಭೂಷಿತಃ | ರಕ್ತದಿವ್ಯವಪುರ್ದೇವಃ ಪಾತು ತ್ವಾಂ ಕ್ರೌಞ್ಚಸೂದನಃ ||೧೪||
रक्षामतः प्रवक्ष्यामि बालानां पापनाशिनीम् | अहन्यहनि कर्तव्या या भिषग्भिरतन्द्रितैः ||१०|| तपसां तेजसां चैव यशसां वपुषां तथा | निधानं योऽव्ययो देवः स ते स्कन्दः प्रसीदतु ||११|| ग्रहसेनापतिर्देवो देवसेनापतिर्विभुः | देवसेनारिपुहरः पातु त्वां भगवान् गुहः ||१२|| देवदेवस्य महतः पावकस्य च यः सुतः | गङ्गोमाकृत्तिकानां च स ते शर्म प्रयच्छतु ||१३|| रक्तमाल्याम्बरः श्रीमान् रक्तचन्दनभूषितः | रक्तदिव्यवपुर्देवः पातु त्वां क्रौञ्चसूदनः ||१४||
🔊 Audio coming soon
ರಕ್ಷಮಿತ್ಯಾದಿ| ರಕ್ಷಾ ಸ್ವಸ್ತ್ಯಯನಂ; ಮನ್ತ್ರಾಣಾಮಚಿನ್ತ್ಯಶಕ್ತಿತ್ವಾನ್ಮನ್ತ್ರಮಯೀ ರಕ್ಷಾ ಪಾಪನಾಶಿನೀ| ತಪಸಾಮಿತ್ಯಾದಿ| ವಪುಷಾಮಿತಿ ವಪುಷಾಂ ನಿಧಾನಂ ಸ್ಥಾನಮಿತ್ಯನೇನ ಕಾಮರೂಪತ್ವಮುಕ್ತಮ್| ಅವ್ಯಯೋ ನಿತ್ಯಃ| ಗ್ರಹಾಃ ಸ್ಕನ್ದಗ್ರಹಾದಿಕಾಃ, ತೇಷಾಂ ಸೇನಾ ತಸ್ಯಾಃ ಪತಿಃ ದೇವಸೇನಾಪತಿಃ| ದೇವಸೇನಾರಿಪವೋ ದೈತ್ಯಾಃ| ದೇವದೇವಸ್ಯ ರುದ್ರಸ್ಯ, ಉಮಾ ಪಾರ್ವತೀ, ಕೃತ್ತಿಕಾಃ ಷಟ್ಸಙ್ಖ್ಯೋಪೇತಾಃ ಸಪ್ತರ್ಷಿಭಾರ್ಯಾಃ| ಶರ್ಮ ಸುಖಮ್| ಕ್ರೌಞ್ಚನಾಮಾ ಪರ್ವತಃ ತಂ ಸೂದಯತಿ ನಿಹನ್ತೀತಿ ಕ್ರೌಞ್ಚಸೂದನಃ||೧೦-೧೪||
Adhikarana puShpikA · Śloka 28
ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ಸ್ಕನ್ದಪ್ರತಿಷೇಧೋ ನಾಮಾ(ದ್ವಿತೀಯೋಽಧ್ಯಾಯಃ, ಆದಿತೋಽ)ಷ್ಟಾವಿಂಶೋಽಧ್ಯಾಯಃ ||೨೮||
इति सुश्रुतसंहितायामुत्तरतन्त्रान्तर्गते कुमारतन्त्रे स्कन्दप्रतिषेधो नामा(द्वितीयोऽध्यायः, आदितोऽ)ष्टाविंशोऽध्यायः ||२८||
🔊 Audio coming soon
ಇತಿ ಶ್ರೀಡಲ್ಹ(ಹ್ಲ)ಣವಿರಚಿತಾಯಾಂ ನಿಬನ್ಧಸಙ್ಗ್ರಹಾಖ್ಯಾಯಾಂ ಸುಶ್ರುತವ್ಯಾಖ್ಯಾಯಾಮುತ್ತರತನ್ತ್ರಾನ್ತರ್ಗತೇ ಕೌಮಾರಭೃತ್ಯತನ್ತ್ರೇ ಸ್ಕನ್ದಗ್ರಹಪ್ರತಿಷೇಧೋ ನಾಮಾಽಷ್ಟಾವಿಂಶತಿತಮೋಽಧ್ಯಾಯಃ||೨೮||