28. skandagrahapratiṣēdhādhyāyaḥ

Adhikarana 1 (1-2) · Śloka 2

ಅಥಾತಃ ಸ್ಕನ್ಧಗ್ರಹಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3) · Śloka 3

ಸ್ಕನ್ದಗ್ರಹೋಪಸೃಷ್ಟಾನಾಂ ಕುಮಾರಾಣಾಂ ಪ್ರಶಸ್ಯತೇ | ವಾತಘ್ನದ್ರುಮಪತ್ರಾಣಾಂ ನಿಷ್ಕ್ವಾಥಃ ಪರಿಷೇಚನೇ ||೩||

Adhikarana 3 (4) · Śloka 4

ತೇಷಾಂ ಮೂಲೇಷು ಸಿದ್ಧಂ ಚ ತೈಲಮಭ್ಯಞ್ಜನೇ ಹಿತಮ್ | ಸರ್ವಗನ್ಧಸುರಾಮಣ್ಡಕೈಡರ್ಯಾವಾಪಮಿಷ್ಯತೇ ||೪||

Adhikarana 4 (5) · Śloka 5

ದೇವದಾರುಣಿ ರಾಸ್ನಾಯಾಂ ಮಧುರೇಷು ದ್ರುಮೇಷು ಚ | ಸಿದ್ಧಂ ಸರ್ಪಿಶ್ಚ ಸಕ್ಷೀರಂ ಪಾನಮಸ್ಮೈ ಪ್ರಯೋಜಯೇತ್ ||೫||

Adhikarana 5 (6) · Śloka 6

ಸರ್ಷಪಾಃ ಸರ್ಪನಿರ್ಮೋಕೋ ವಚಾ ಕಾಕಾದನೀ ಘೃತಮ್ | ಉಷ್ಟ್ರಾಜಾವಿಗವಾಂ ಚೈವ ರೋಮಾಣ್ಯುದ್ಧೂಪನಂ ಶಿಶೋಃ ||೬||

Adhikarana 6 (7) · Śloka 7

ಸೋಮವಲ್ಲೀಮಿನ್ದ್ರವಲ್ಲೀಂ ಶಮೀಂ ಬಿಲ್ವಸ್ಯ ಕಣ್ಟಕಾನ್ | ಮೃಗಾದನ್ಯಾಶ್ಚ ಮೂಲಾನಿ ಗ್ರಥಿತಾನ್ಯೇವ ಧಾರಯೇತ್ ||೭||

Adhikarana 7 (8) · Śloka 8

ರಕ್ತಾನಿ ಮಾಲ್ಯಾನಿ ತಥಾ ಪತಾಕಾ ರಕ್ತಾಶ್ಚ ಗನ್ಧಾ ವಿವಿಧಾಶ್ಚ ಭಕ್ಷ್ಯಾಃ | ಘಣ್ಟಾ ಚ ದೇವಾಯ ಬಲಿರ್ನಿವೇದ್ಯಃ ಸುಕುಕ್ಕುಟಃ ಸ್ಕನ್ದಗ್ರಹೇ ಹಿತಾಯ ||೮||

Adhikarana 8 (9) · Śloka 9

ಸ್ನಾನಂ ತ್ರಿರಾತ್ರಂ ನಿಶಿ ಚತ್ವರೇಷು ಕುರ್ಯಾತ್ ಪುರಂ ಶಾಲಿಯವೈರ್ನವೈಸ್ತು | ಅದ್ಭಿಶ್ಚ ಗಾಯತ್ರ್ಯಭಿಮನ್ತ್ರಿತಾಭಿಃ ಪ್ರಜ್ವಾಲನಂ ವ್ಯಾಹೃತಿಭಿಶ್ಚ ವಹ್ನೇಃ ||೯||

Adhikarana 9 (10-14) · Śloka 14

ರಕ್ಷಾಮತಃ ಪ್ರವಕ್ಷ್ಯಾಮಿ ಬಾಲಾನಾಂ ಪಾಪನಾಶಿನೀಮ್ | ಅಹನ್ಯಹನಿ ಕರ್ತವ್ಯಾ ಯಾ ಭಿಷಗ್ಭಿರತನ್ದ್ರಿತೈಃ ||೧೦|| ತಪಸಾಂ ತೇಜಸಾಂ ಚೈವ ಯಶಸಾಂ ವಪುಷಾಂ ತಥಾ | ನಿಧಾನಂ ಯೋಽವ್ಯಯೋ ದೇವಃ ಸ ತೇ ಸ್ಕನ್ದಃ ಪ್ರಸೀದತು ||೧೧|| ಗ್ರಹಸೇನಾಪತಿರ್ದೇವೋ ದೇವಸೇನಾಪತಿರ್ವಿಭುಃ | ದೇವಸೇನಾರಿಪುಹರಃ ಪಾತು ತ್ವಾಂ ಭಗವಾನ್ ಗುಹಃ ||೧೨|| ದೇವದೇವಸ್ಯ ಮಹತಃ ಪಾವಕಸ್ಯ ಚ ಯಃ ಸುತಃ | ಗಙ್ಗೋಮಾಕೃತ್ತಿಕಾನಾಂ ಚ ಸ ತೇ ಶರ್ಮ ಪ್ರಯಚ್ಛತು ||೧೩|| ರಕ್ತಮಾಲ್ಯಾಮ್ಬರಃ ಶ್ರೀಮಾನ್ ರಕ್ತಚನ್ದನಭೂಷಿತಃ | ರಕ್ತದಿವ್ಯವಪುರ್ದೇವಃ ಪಾತು ತ್ವಾಂ ಕ್ರೌಞ್ಚಸೂದನಃ ||೧೪||

Adhikarana puShpikA · Śloka 28

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ಸ್ಕನ್ದಪ್ರತಿಷೇಧೋ ನಾಮಾ(ದ್ವಿತೀಯೋಽಧ್ಯಾಯಃ, ಆದಿತೋಽ)ಷ್ಟಾವಿಂಶೋಽಧ್ಯಾಯಃ ||೨೮||