Adhikarana 1 (1-3) · Śloka 3
অথাতঃ স্কন্দাপস্মারপ্রতিষেধং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
বিল্বঃ শিরীষো গোলোমী সুরসাদিশ্চ যো গণঃ |
পরিষেকে প্রযোক্তব্যঃ স্কন্দাপস্মারশান্তযে ||৩||
View original
अथातः स्कन्दापस्मारप्रतिषेधं व्याख्यास्यामः ||१||
यथोवाच भगवान् धन्वन्तरिः ||२||
बिल्वः शिरीषो गोलोमी सुरसादिश्च यो गणः |
परिषेके प्रयोक्तव्यः स्कन्दापस्मारशान्तये ||३||
স্কন্দপ্রতিষেধানন্তরং প্রত্যাসত্ত্যা স্কন্দাপস্মারপ্রতিষেধারম্ভো যুজ্যত ইত্যাহ- বিল্ব ইত্যাদি| গোলোমী দূর্বা||১-৩||
Adhikarana 2 (4) · Śloka 5
সর্বগন্ধবিপক্বং তু তৈলমভ্যঞ্জনে হিতম্ |
ক্ষীরবৃক্ষকষাযে চ কাকোল্যাদৌ গণে তথা ||৪||
বিপক্তব্যং ঘৃতং চাপি পানীযং পযসা সহ |৫|
View original
सर्वगन्धविपक्वं तु तैलमभ्यञ्जने हितम् |
क्षीरवृक्षकषाये च काकोल्यादौ गणे तथा ||४||
विपक्तव्यं घृतं चापि पानीयं पयसा सह |५|
সর্বেত্যাদি| সর্বগন্ধা এলাদিকাঃ, যথালাভমেলাদিকত্বেন বিল্বশিরীষাদীনাং ক্বাথেন তৈলং পক্তব্যম্| অন্যে তু ‘গন্ধমূত্রবিপক্বম্’ ইতি পঠন্তি; গন্ধাঃ সর্বগন্ধাঃ পূর্বোক্তাঃ, মূত্রং গোমূত্রম্| ক্ষীরেত্যাদি| ক্ষীরবৃক্ষকষাযে চতুর্গুণে, পযসা দুগ্ধেন চতুর্গুণেন, কাকোল্যাদৌ গণে কল্কীকৃতে স্নেহচতুর্থাংশে ঘৃতং বিপক্তব্যম্| তদ্ঘৃতং কিং কার্যমিত্যাহ,- পানীযং পাতব্যম্, ‘অন্নাদেন’ ইতি শেষঃ| অন্যে তু পানীযং চতুর্গুণং দত্ত্বা ঘৃতং পক্তব্যমিতি মন্যন্তে, শেষং পূর্ববত্||৪||-
Adhikarana 3 (5-6) · Śloka 6
উত্সাদনং বচাহিঙ্গুযুক্তং স্কন্দগ্রহে হিতম্ ||৫||
গৃধ্রোলূকপুরীষাণি কেশা হস্তিনখা ঘৃতম্ |
বৃষভস্য চ রোমাণি যোজ্যান্যুদ্ধূপনেঽপি চ ||৬||
View original
उत्सादनं वचाहिङ्गुयुक्तं स्कन्दग्रहे हितम् ||५||
गृध्रोलूकपुरीषाणि केशा हस्तिनखा घृतम् |
वृषभस्य च रोमाणि योज्यान्युद्धूपनेऽपि च ||६||
উত্সাদনমিত্যাদি| উত্সাদনম্ উদ্বর্তনম্| স্কন্দগ্রহে হিতমিত্যত্র চকারো লুপ্তো জ্ঞেযঃ, তেন স্কন্দগ্রহে স্কন্দাপস্মারে চ হিতম্| (‘এতদুদ্বর্তনং হিতম্’ ইত্যত্রান্যে ‘এতদুদ্বর্তনেরিতম্’ ইতি পঠন্তি; তন্ন, উত্সাদনস্যানুক্তত্বাত্)||৫-৬||
Adhikarana 4 (7) · Śloka 7
অনন্তাং কুক্কুটীং বিম্বীং মর্কটীং চাপি ধারযেত্ |৭|
View original
अनन्तां कुक्कुटीं बिम्बीं मर्कटीं चापि धारयेत् |७|
অনন্তেত্যাদি| অনন্তা উত্পলসারিবা, কুক্কুটী কুক্কুটীশরীরবত্ কুসুমচিত্রা বল্লী স্ফটিকরচিতকুক্কুটাণ্ডতুল্যকন্দা, মর্কটী কপিকচ্ছুঃ| ধারযেত্ শরীরে ইতি বোদ্ধব্যম্|৭|-
Adhikarana 5 (7) · Śloka 8
পক্বাপক্বানি মাংসানি প্রসন্না রুধিরং পযঃ ||৭||
ভূতৌদনো নিবেদ্যশ্চ স্কন্দাপস্মারিণেঽবটে |৮|
View original
पक्वापक्वानि मांसानि प्रसन्ना रुधिरं पयः ||७||
भूतौदनो निवेद्यश्च स्कन्दापस्मारिणेऽवटे |८|
পক্বেত্যাদি| প্রসন্না সুরা, রুধিরং ছাগলস্য, পযো দুগ্ধম্| ভূতৌদনঃ ভূতানামোদনঃ সোপহারো বলিঃ, উত্স্বিন্না মাষবিকৃতির্বলিরিত্যন্যে| অবটে গর্তাযাম্||৭||-
Adhikarana 6 (8) · Śloka 8
চতুষ্পথে চ কর্তব্যং স্নানমস্য যতাত্মনা ||৮||
View original
चतुष्पथे च कर्तव्यं स्नानमस्य यतात्मना ||८||
চতুষ্পথে ইত্যাদি| অস্য বালকস্য| যতাত্মনা উপবাসাদিযুতেন| ‘যতাত্মনা’ ইত্যত্র কেচিত্ ‘যথাবিধি’ ইতি পঠন্তি; স্কন্দপ্রতিষেধোক্তস্নানবিধানেনেতি চ ব্যাখ্যানযন্তি||৮||
Adhikarana 7 (9) · Śloka 9
স্কন্দাপস্মারসঞ্জ্ঞো যঃ স্কন্দস্য দযিতঃ সখা |
বিশাখসঞ্জ্ঞশ্চ শিশোঃ শিবোঽস্তু বিকৃতাননঃ ||৯||
View original
स्कन्दापस्मारसञ्ज्ञो यः स्कन्दस्य दयितः सखा |
विशाखसञ्ज्ञश्च शिशोः शिवोऽस्तु विकृताननः ||९||
রক্ষামন্ত্রমাহ- স্কন্দেত্যাদি| স্কন্দস্য কার্তিকেযস্য, দযিতঃ অভীষ্টঃ, সখা মিত্রং, বিশাখসঞ্জ্ঞ ইতি স্কন্দাপস্মারস্য দ্বিতীযং নাম| শিশোঃ বালকস্য, শিবোঽস্তু কল্যাণকৃদ্ভবতু, বিকৃতাননো বিকৃতমুখঃ| ‘বিশাখসঞ্জ্ঞস্য’ ইতি কেচিত্ পঠন্তি, তত্র স্কন্দস্য বিশেষণম্||৯||
Adhikarana puShpikA · Śloka 29
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে স্কন্দাপস্মারপ্রতিষেধো নাম (তৃতীযোঽধ্যাযঃ, আদিতঃ) একোনত্রিংশোঽধ্যাযঃ ||২৯||
View original
इति सुश्रुतसंहितायामुत्तरतन्त्रान्तर्गते कुमारतन्त्रे स्कन्दापस्मारप्रतिषेधो नाम (तृतीयोऽध्यायः, आदितः) एकोनत्रिंशोऽध्यायः ||२९||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে স্কন্দাপস্মারপ্রতিষেধো নামৈকোনত্রিংশত্তমোঽধ্যাযঃ||২৯||