Adhikarana 1 (1-2) · Śloka 2
অথাতো বিসূচিকাপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो विसूचिकाप्रतिषेधमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
উদাবর্তপ্রতিষেধানন্তরমুদাবর্তাশ্রিতবাতপ্রতিলোম্যকৃতমন্দাগ্নের্বিসূচিকাহেতুত্বাদ্বিসূচিকাপ্রতিষেধারম্ভো যুক্ত ইত্যত আহ- অথাত ইত্যাদি| বিসূচিকেত্যত্র আদিশব্দো লুপ্তো দ্রষ্টব্যঃ, তেনালসকবিলম্বিকযোর্গ্রহণম্||১-২||
Adhikarana 2 (3) · Śloka 3
অজীর্ণমামং বিষ্টব্ধং বিদগ্ধং চ যদীরিতম্ | বিসূচ্যলসকৌ তস্মাদ্ভবেচ্চাপি বিলম্বিকা ||৩||
अजीर्णमामं विष्टब्धं विदग्धं च यदीरितम् | विसूच्यलसकौ तस्माद्भवेच्चापि विलम्बिका ||३||
🔊 Audio coming soon
বিসূচ্যাদীনাং কারণমাহ- অজীর্ণমামমিত্যাদি| যদীরিতমিতি ‘অন্নপানবিধৌ’ ইতি শেষঃ| তস্মাত্ অজীর্ণাত্| যদত্র চতুর্থাজীর্ণস্য রসশেষস্যোপাদানং ন কৃতং তদপরিণামমাত্রত্বেন তস্য বিসূচ্যাদ্যারম্ভকত্বাভাবাদেকীযমতত্বেনোক্তত্বাচ্চ| বিসূচ্যলসকাভ্যাং যদ্বিলম্বিকাযাঃ পৃথগ্বিভক্তিনির্দেশঃ কৃতঃ, তত্তস্যা অসাধ্যত্বাববোধনার্থম্, ইতরযোশ্চ প্রাযঃ কৃচ্ছ্রসাধ্যত্ববোধনার্থম্||৩||
Adhikarana 3 (4) · Śloka 4
সূচীভিরিব গাত্রাণি তুদন্ সন্তিষ্ঠতেঽনিলঃ | যস্যাজীর্ণেন সা বৈদ্যৈরুচ্যতে তি বিসূচিকা ||৪||
सूचीभिरिव गात्राणि तुदन् सन्तिष्ठतेऽनिलः | यस्याजीर्णेन सा वैद्यैरुच्यते ति विसूचिका ||४||
🔊 Audio coming soon
বিসূচ্যা নিরুক্তিমাহ- সূচীভিরিত্যাদি| বৈদ্যৈঃ আদ্যৈরিত্যর্থঃ| উচ্যতে তি ‘বর্ণাগম-’ ইত্যাদিনা ইকারলোপাত্ সাধুঃ| ‘তুদন্’ ইত্যত্র ‘ভিন্দন্’ ইতি কেচিত্ পঠন্তি| যদত্র বিসূচ্যাদীনাং প্রাগ্রূপং ন ভণিতং তদ্রূপাণ্যেবাল্পান্যাসাং প্রাগ্রূপং, ন তু প্রাগ্রূপান্তরমস্তীতি বোধযতি||৪||
Adhikarana 4 (5) · Śloka 5
ন তাং পরিমিতাহারা লভন্তে বিদিতাগমাঃ | মূঢাস্তামজিতাত্মানো লভন্তে কলুষাশযাঃ ||৫||
न तां परिमिताहारा लभन्ते विदितागमाः | मूढास्तामजितात्मानो लभन्ते कलुषाशयाः ||५||
🔊 Audio coming soon
ইদানীমজীর্ণপরিবর্জনে যত্নাতিশযঃ কার্য ইতি প্রতিপাদনার্থমাহ- ন তামিত্যাদি| পরিমিতাহারা অনিষিদ্ধাশনং ভুঞ্জানাঃ| বিদিতাগমা জ্ঞাতভোজনোপদেশাঃ| মূঢাঃ পশুতুল্যাঃ, সেব্যাসেব্যাহারানভিজ্ঞা ইত্যর্থঃ| অজিতাত্মানঃ অজিতেন্দ্রিযাঃ| কলুষাশযাঃ প্রদুষ্টামাশযাঃ, আমাশযদুষ্টিশ্চ দুষ্টান্নসম্পর্কাদ্বাতাদিকোপাচ্চ; কেচিত্ ‘অশনলোলুপাঃ’ ইতি পঠন্তি||৫||
Adhikarana 5 (6) · Śloka 6
মূর্চ্ছাতিসারৌ বমথুঃ পিপাসা শূলং ভ্রমোদ্বেষ্টনজৃম্ভদাহাঃ | বৈবর্ণ্যকম্পৌ হৃদযে রুজশ্চ ভবন্তি তস্যাং শিরসশ্চ ভেদঃ ||৬||
मूर्च्छातिसारौ वमथुः पिपासा शूलं भ्रमोद्वेष्टनजृम्भदाहाः | वैवर्ण्यकम्पौ हृदये रुजश्च भवन्ति तस्यां शिरसश्च भेदः ||६||
🔊 Audio coming soon
বিসূচিকালক্ষণমাহ- মূর্চ্ছাতিসারাবিত্যাদি| বমথুঃ ছর্দিঃ| উদ্বেষ্টনং জঙ্ঘাদীনাং মোটনং, খল্লীতি লোকে| তস্যাং বিসূচিকাযাম্| শিরসশ্চ ভেদঃ শিরোবিদারণমিব বেদনা||৬||
Adhikarana 6 (7-8) · Śloka 8
কুক্ষিরানহ্যতেঽত্যর্থং প্রতাম্যতি বিকূজতি | নিরুদ্ধো মারুতশ্চাপি কুক্ষৌ বিপরিধাবতি ||৭|| বাতবর্চোনিরোধশ্চ কুক্ষৌ যস্য ভৃশং ভবেত্ | তস্যালসকমাচষ্টে তৃষ্ণোদ্গারাবরোধকৌ ||৮||
कुक्षिरानह्यतेऽत्यर्थं प्रताम्यति विकूजति | निरुद्धो मारुतश्चापि कुक्षौ विपरिधावति ||७|| वातवर्चोनिरोधश्च कुक्षौ यस्य भृशं भवेत् | तस्यालसकमाचष्टे तृष्णोद्गारावरोधकौ ||८||
🔊 Audio coming soon
অলসকলক্ষণমাহ- কুক্ষিরিত্যাদি| কুক্ষিঃ উদরম্| আনহ্যতে আধ্মানযুক্তো ভবতি| অত্যর্থমতিশযং যথা তথা| তাম্যতি তমসি প্রবিশতীব| বিকূজতি অব্যক্তশব্দং করোতি| বিপরিধাবতি বিশেষেণ সমন্তাদ্গচ্ছতি||৭-৮||
Adhikarana 7 (9) · Śloka 9
দুষ্টং তু ভুক্তং কফমারুতাভ্যাং প্রবর্ততে নোর্ধ্বমধশ্চ যস্য | বিলম্বিকাং তাং ভৃশদুশ্চিকিত্স্যামাচক্ষতে শাস্ত্রবিদঃ পুরাণাঃ ||৯||
दुष्टं तु भुक्तं कफमारुताभ्यां प्रवर्तते नोर्ध्वमधश्च यस्य | विलम्बिकां तां भृशदुश्चिकित्स्यामाचक्षते शास्त्रविदः पुराणाः ||९||
🔊 Audio coming soon
বিলম্বিকালক্ষণমাহ- দুষ্টমিত্যাদি| ভুক্তং ভোজনম্| দুষ্টমিত্যত্র ‘কফমারুতাভ্যাম্’ ইতি সম্বন্ধনীযম্| যদ্যপি বিলম্বিকা বাহুল্যেন বিদগ্ধাজীর্ণাজ্জাযতে, বিদগ্ধাজীর্ণাচ্চ পিত্তং দুষ্টং ন বাযুর্দুষ্টো ভবতি ন বা শ্লেষ্মা, তথাঽপি পিত্তদুষ্ট্যা ইতরযোরপি দুষ্টিঃ, তস্মাত্ কফমারুতাভ্যাং দুষ্টমিত্যুক্তম্; এবং বাহুল্যেন আমাবিশিষ্টত্বোত্থিতযোর্বিসূচ্যলসকযোঃ কফবাতাধিকযোরপীতরদোষসদ্ভাবো জ্ঞেযঃ| ‘দুষ্টম্’ ইত্যত্র ‘লীনম্’ ইতি কেচিত্ পঠন্তি| ইযমেব বিলম্বিকা তন্ত্রান্তরে ‘দণ্ডালসক’ ইতি নাম্না কথ্যতে||৯||
Adhikarana 8 (10) · Śloka 10
যত্রস্থমামং বিরুজেত্তমেব দেশং বিশেষেণ বিকারজাতৈঃ | দোষেণ যেনাবততং স্বলিঙ্গৈস্তং লক্ষযেদামসমুদ্ভবৈশ্চ ||১০||
यत्रस्थमामं विरुजेत्तमेव देशं विशेषेण विकारजातैः | दोषेण येनावततं स्वलिङ्गैस्तं लक्षयेदामसमुद्भवैश्च ||१०||
🔊 Audio coming soon
ইদানীং পূর্বোক্তলক্ষণবিশেষমতিদেশেনাহ- যত্রস্থমামমিত্যাদি| যত্রস্থং যস্মিন্ দেশে স্থিতং, যেন চ দোষেণাবততং ব্যাপ্তমামং স্যাত্, তমেব দেশং যস্মাদ্বিশেষেণ রুজেত্ তস্মাত্ কারণাত্তং দেশং তদ্দোষলক্ষণৈর্বিকারজাতৈস্তোদাদিভিরামসমুদ্ভবৈশ্চ লিঙ্গৈঃ স্তম্ভাধ্মানাদিভির্লক্ষযেদিতি পিণ্ডার্থঃ| ননু, যত্রস্থমিত্যনেন আমস্থানকথনেন কিং প্রযোজনং? যস্মাদ্যত্র স্থিতো বিকৃতো দোষো ভবিষ্যতি তত্রৈব রুজং করিষ্যতি? সত্যং, নৈবং সর্বত্র, যথা গণ্ডমালাদৌ পিণ্ডিকাস্থিতস্যাপি দোষস্য গ্রীবাদৌ বিকারকর্তৃত্বদর্শনাত্| আমপীডিতদেশাববোধশ্চাত্র সুখচিকিত্সাকরণার্থমুক্তঃ| অর্থাত্ যত্র যস্মিন্ স্থানে স্থিতমামমজীর্ণং বিরুজেদ্বিশিষ্টং রুজং কুর্যাত্ তমেব দেশং লক্ষযেদ্বৈদ্যঃ, কৈর্বিকারজাতৈঃ? আমসমুদ্ভবৈঃ স্তম্ভগৌরবাদিভিঃ| ব্রহ্মদেবস্তু যেন দোষেণ বাতাদ্যন্যতমেনানুগতমামজং দোষং স্বলিঙ্গৈর্বাতাদ্যন্যতমদোষলিঙ্গৈর্লক্ষযেদিতি ব্যাখ্যানযতি| অপরেঽন্যথা পঠিত্বা ব্যাখ্যানযন্তি, তচ্চ শিষ্যবুদ্ধিব্যাকুলকর্তুত্বাদ্গ্রন্থগৌরবভযাচ্চ পরিহৃতম্||১০||
Adhikarana 9 (11) · Śloka 11
যঃ শ্যাবদন্তৌষ্ঠনখোঽল্পসঞ্জ্ঞশ্ছর্দ্যর্দিতোঽভ্যন্তরযাতনেত্রঃ | ক্ষামস্বরঃ সর্ববিমুক্তসন্ধির্যাযান্নরঃ সোঽপুনরাগমায ||১১||
यः श्यावदन्तौष्ठनखोऽल्पसञ्ज्ञश्छर्द्यर्दितोऽभ्यन्तरयातनेत्रः | क्षामस्वरः सर्वविमुक्तसन्धिर्यायान्नरः सोऽपुनरागमाय ||११||
🔊 Audio coming soon
অসাধ্যলক্ষণমাহ- য ইত্যাদি| শ্যাবশব্দো দন্তাদিভিঃ প্রত্যেকং সম্বধ্যতে| অল্পসঞ্জ্ঞো মন্দচেতনঃ| অভ্যন্তরযাতনেত্রঃ ক্ষীণদৃষ্টিঃ| অপুনরাগমায অপুনরাবৃত্তযে||১১||
Adhikarana 10 (12) · Śloka 12
সাধ্যাসু পার্ষ্ণ্যোর্দহনং প্রশস্তমগ্নিপ্রতাপো বমনং চ তীক্ষ্ণম্ | পক্বে ততোঽন্নে তু বিলঙ্ঘনং স্যাত্ সম্পাচনং চাপি বিরেচনং চ ||১২||
साध्यासु पार्ष्ण्योर्दहनं प्रशस्तमग्निप्रतापो वमनं च तीक्ष्णम् | पक्वे ततोऽन्ने तु विलङ्घनं स्यात् सम्पाचनं चापि विरेचनं च ||१२||
🔊 Audio coming soon
ইদানীং চিকিত্সিতমাহ- সাধ্যাস্বিত্যাদি| সাধ্যাসু বিসূচিকাসু| পার্ষ্ণিদহনমত্র সঞ্জ্ঞাপ্রবোধনার্থমধোঽতিপ্রবৃত্তিবারণার্থং চ| অগ্নিপ্রতাপনম্ আমপাচনার্থম্| তীক্ষ্ণং চ বমনমন্নশল্যনির্হরণার্থম্| সাধ্যাস্বিতি পদমসাধ্যপরিহারার্থং, সাধ্যজ্ঞানে যত্নাতিশযপ্রতিপাদনার্থং চ| পাকাভিমুখেঽন্নে দোষশেষনির্হরণার্থমাহ - পক্ব ইত্যাদি| পক্বে পাকাভিমুখে| বিলঙ্ঘনং বিবিধলঙ্ঘনং, তচ্চ যথাবস্থং যোজ্যং; অন্যে বিশিষ্টং লঙ্ঘনমাহুঃ, তচ্চোপবাসঃ| সম্পাচনমত্র স্বেদাদিভিঃ| বিরেচনমত্র ফলবর্ত্যাদিভিঃ| যদ্যপি বিরেচনমত্র সামান্যেনোক্তং, তথাঽপি বিষ্টম্ভে সতি জ্ঞাতব্যম্| অন্যে তু পঠন্তি ‘বান্তে ততোঽন্নে তু বিলঙ্ঘনং স্যাত্ সম্পাচনং রেচনদীপনে চ’ ইতি| তে চ বিসূচ্যাং বমনে প্রযুক্তে পশ্চাদ্বিলঙ্ঘনাদিকং যোজ্যমিতি মন্যন্তে| পাচনমতীসারোক্তং ‘দেবদার্বভযা’ ইত্যাদিকং, দীপনং পিপ্পল্যাদিকং, শেষং পূর্ববত্| অন্যে ‘পক্ষে ততোঽন্যে তু’ ইতি পঠন্তি, তে চ পক্ষাদ্বিরেচনং দেযমিতি কেচিন্মন্যন্ত ইতি ব্যাখ্যানযন্তি; তত্র টীকাকৃদ্ভির্বহু ব্যাহৃতং তচ্চ গ্রন্থগৌরবভযাত্ পরিত্যক্তম্||১২||
Adhikarana 11 (13) · Śloka 13
বিশুদ্ধদেহস্য হি সদ্য এব মূর্চ্ছাতিসারাদিরুপৈতি শান্তিম্ |১৩|
विशुद्धदेहस्य हि सद्य एव मूर्च्छातिसारादिरुपैति शान्तिम् |१३|
🔊 Audio coming soon
কস্মাদ্বিসূচ্যাং বমনবিরেচনে প্রযোক্তব্যে ইত্যাহ- বিশুদ্ধদেহস্যেত্যাদি| হি যস্মাত্| উপৈতি গচ্ছতি|১৩|-
Adhikarana 12 (13) · Śloka 13
আস্থাপনং চাপি বদন্তি পথ্যং সর্বাসু যোগানপরান্নিবোধ ||১৩||
आस्थापनं चापि वदन्ति पथ्यं सर्वासु योगानपरान्निबोध ||१३||
🔊 Audio coming soon
ইদানীমাস্থাপনস্যাপি হিতত্বং দর্শযিতুমাহ- আস্থাপনমিত্যাদি| যদ্যপি ‘তত্রোন্মাদভযশোকপিপাসারোচকাজীর্ণার্শ-‘ ইত্যাদিনাঽজীর্ণে আস্থাপননিষেধ উক্তঃ, তথাঽপ্যত্র পাকাভিমুখেঽন্নে বিষ্টম্ভনাশনায পাচনপূর্বকমাস্থাপনমপি শস্যতে| সর্বাসু বিসূচীষু; কেচিত্ সর্বাসু বিসূচ্যলসকবিলম্বিকাস্বিতি মন্যন্তে| ‘সর্বাসু’ ইত্যত্র কেচিত্ ‘সর্বাংশ্চ’ ইতি পঠন্তি, তে বক্ষ্যমাণযোগবিশেষণং কুর্বন্তি| যোগানিত্যাদি| অপরান্ বক্ষ্যমাণান্| নিবোধ জানীহি| অপক্বস্য পাচনার্থং পক্বস্য চানুলোমনার্থং' ইতি শেষঃ||১৩||
Adhikarana 13 (14) · Śloka 14
পথ্যাবচাহিঙ্গুকলিঙ্গগৃঞ্জসৌবর্চলৈঃ সাতিবিষৈশ্চ চূর্ণম্ | সুখাম্বুপীতং বিনিহন্ত্যজীর্ণং শূলং বিসূচীমরুচিং চ সদ্যঃ ||১৪||
पथ्यावचाहिङ्गुकलिङ्गगृञ्जसौवर्चलैः सातिविषैश्च चूर्णम् | सुखाम्बुपीतं विनिहन्त्यजीर्णं शूलं विसूचीमरुचिं च सद्यः ||१४||
🔊 Audio coming soon
তানেব যোগানাহ- পথ্যেত্যাদি| কলিঙ্গ ইন্দ্রযবঃ| গৃঞ্জনো রসোনভেদঃ| অজীর্ণম্ আমশেষঃ, ন তু তরুণাজীর্ণং; তত্রৌষধনিষেধাত্| বিসূচীতি শেষা নতু সদ্যোত্থা বিসূচী, তত্রাপ্যৌষধনিষেধাত্||১৪||
Adhikarana 14 (15-16) · Śloka 16
ক্ষারাগদং বা লবণং বিডং বা গুডপ্রগাঢানথ সর্ষপান্ বা | অম্লেন বা সৈন্ধবহিঙ্গুযুক্তৌ সবীজপূর্ণৌ সঘৃতৌ ত্রিবর্গৌ ||১৫|| কটুত্রিকং বা লবণৈরুপেতং পিবেত্ স্নুহীক্ষীরবিমিশ্রিতং তু | কল্যাণকং বা লবণং পিবেতু যদুক্তমাদাবনিলামযেষু ||১৬||
क्षारागदं वा लवणं विडं वा गुडप्रगाढानथ सर्षपान् वा | अम्लेन वा सैन्धवहिङ्गुयुक्तौ सबीजपूर्णौ सघृतौ त्रिवर्गौ ||१५|| कटुत्रिकं वा लवणैरुपेतं पिबेत् स्नुहीक्षीरविमिश्रितं तु | कल्याणकं वा लवणं पिबेतु यदुक्तमादावनिलामयेषु ||१६||
🔊 Audio coming soon
ক্ষারাগদমিত্যাদি| ক্ষারাগদং ‘ধবাশ্বকর্ণশিরীষ-’ (ক. ৬ ) ইত্যাদিনা দুন্দুভিস্বনীযোক্তম্| লবণং বিডলবণম্| অত্রাপ্যুষ্ণাম্বুনা পিবেদিতি সম্বন্ধনীযম্| গুডপ্রগাঢানিত্যাদি| গুডপ্রগাঢান্ গুডাঢ্যান্ | অম্লেনেত্যাদি| অম্লেন কাঞ্জিকেন| সবীজপূরৌ বীজপূরসহিতৌ| সঘৃতৌ তুল্যপ্রমাণৌ| ত্রিবর্গৌ ত্রিফলাত্রিকটুকৌ| 'সবীজপূরৌ' ইত্যত্র কেচিত্ 'সশাকবীজৌ' ইতি পঠিত্বা শাকবৃক্ষবীজসহিতাবিতি ব্যাখ্যানযন্তি| যদুক্তমাদাবিতি 'গণ্ডীরপলাশ' (চি. ৪ ) ইত্যাদিনা বাতব্যাধিচিকিত্সিতে যদুক্তমিত্যর্থঃ| 'আমেষ্বনিলামযেষু' ইতি কেচিত্ পঠিত্বা আমবাতে ইতি ব্যাখ্যানযন্তি| অত্রাপি অম্লেনেতি সম্বধ্যতে||১৫-১৬||
Adhikarana 15 (17) · Śloka 18
কৃষ্ণাজমোদক্ষবকাণি বাঽপি তুল্যৌ পিবেদ্বা মগধানিকুম্ভৌ | দন্তীযুতং বা মগধোদ্ভবানাং কল্কং পিবেত্ কোষবতীরসেন ||১৭|| উষ্ণাভিরদ্ভির্মগধোদ্ভবানাং কল্কং পিবেন্নাগরকল্কযুক্তম্ |১৮|
कृष्णाजमोदक्षवकाणि वाऽपि तुल्यौ पिबेद्वा मगधानिकुम्भौ | दन्तीयुतं वा मगधोद्भवानां कल्कं पिबेत् कोषवतीरसेन ||१७|| उष्णाभिरद्भिर्मगधोद्भवानां कल्कं पिबेन्नागरकल्कयुक्तम् |१८|
🔊 Audio coming soon
কৃষ্ণাজমোদেত্যাদি| ক্ষবঃ ফণিজ্জকাকারঃ প্রাযশঃ পারিযাত্রে ভবতি| 'ক্ষবকাণি বাঽপি' ইত্যত্র 'ক্ষবকাগ্নিকান্ বা' ইতি কেচিত্ পঠন্তি| অত্রাপি অম্লেনেতি সম্বধ্যতে| তুল্যৌ পিবেদ্বেত্যাদি| নিকুম্ভো দন্তী| অত্রাপ্যম্লেনেতি সম্বধ্যতে| মগধানিকুম্ভপানং বিষ্টম্ভে সতি বিরেকার্থম্| কেচিদুষ্ণোদকেন পানমিচ্ছন্তি| দন্তীযুতমিত্যাদি| কোষবতী ঘোষকঃ| কেচিত্ “উষ্ণাভিরদ্ভির্মগধোদ্ভবানাং কল্কং পিবেন্নাগরচূর্ণযুক্তম্” ঈদৃশং পঠন্তি||১৭||-
Adhikarana 16 (18) · Śloka 19
ব্যোষং করঞ্জস্য ফলং হরিদ্রে মূলং সমং চাপ্যথ মাতুলুঙ্গ্যাঃ ||১৮|| ছাযাবিশুষ্কা গুটিকাঃ কৃতাস্তা হন্যুর্বিসূচীং নযনাঞ্জনেন |১৯|
व्योषं करञ्जस्य फलं हरिद्रे मूलं समं चाप्यथ मातुलुङ्ग्याः ||१८|| छायाविशुष्का गुटिकाः कृतास्ता हन्युर्विसूचीं नयनाञ्जनेन |१९|
🔊 Audio coming soon
বিসূচ্যাং প্রমীলকাদিশান্ত্যর্থমঞ্জনমাহ- ব্যোষমিত্যাদি| কেচিন্মাতুলুঙ্গীং মধুকর্কটীমাহুঃ| বিসূচীশব্দেন বিসূচীজনিতাঃ প্রমীলকশিরোরোগাদযো গৃহ্যন্তে, কারণে কার্যোপচারাত্; অথবা বিসূচীমেবাঞ্জনপ্রভাবাত্ হন্যুঃ||১৮||-
Adhikarana 17 (19) · Śloka 20
সুবামিতং সাধুবিরেচিতং বা সুলঙ্ঘিতং মনুজং বিদিত্বা ||১৯|| পেযাদিভির্দীপনপাচনীযৈঃ সম্যক্ক্ষুধার্তং সমুপক্রমেত |২০|
सुवामितं साधुविरेचितं वा सुलङ्घितं मनुजं विदित्वा ||१९|| पेयादिभिर्दीपनपाचनीयैः सम्यक्क्षुधार्तं समुपक्रमेत |२०|
🔊 Audio coming soon
শুদ্ধস্য সুলঙ্ঘিতস্য পথ্যদানার্থমাহ- সুবামিতমিত্যাদি| কেচিদত্র “কুষ্ঠং চাগুরু পত্রং চ রাস্নাশিগ্রুবচাত্বচম্| পিষ্টমম্লেন তচ্ছ্রেষ্ঠং বিসূচ্যামঙ্গমর্দনম্||চিত্রকং পূতিপিণ্যাকং কুষ্ঠং ভল্লাতকানি চ| দ্বৌ ক্ষারৌ সৈন্ধবং চৈব শুক্লং তৈলং বিপাচযেত্|| এতদুদ্বর্তনং কুর্যাত্ প্রদেহং বা বিচক্ষণঃ|” ইতি যোগদ্বযং পঠন্তি; তন্ন পঠিতব্যং, সমানতন্ত্রাদর্শনাত্||১৯||-
Adhikarana 18 (20) · Śloka 21
আমং শকৃদ্বা নিচিতং ক্রমেণ ভূযো বিবদ্ধং বিগুণানিলেন ||২০|| প্রবর্তমানং ন যথাস্বমেনং বিকারমানাহমুদাহরন্তি |২১|
आमं शकृद्वा निचितं क्रमेण भूयो विबद्धं विगुणानिलेन ||२०|| प्रवर्तमानं न यथास्वमेनं विकारमानाहमुदाहरन्ति |२१|
🔊 Audio coming soon
ইদানীং বিসূচিকাতুল্যচিকিত্সিতত্বাদ্বিসূচিকোপদ্রবত্বাচ্চানুক্তমপ্যানাহমাহ- আমমিত্যাদি| আমম্ অপক্বান্নরসঃ, শকৃত্ পুরীষং, নিচিতং বৃদ্ধিগতং, বিবদ্ধম্ অবরুদ্ধং, বিগুণানিলেন উন্মার্গবাযুনা, ন প্রবর্তমানমিতি নাধঃপ্রবর্তমানমিত্যর্থঃ, যথাস্বং যথামার্গমিত্যর্থঃ; এবম্ আমং নিচিতং বিগুণানিলেন বিবদ্ধং সত্ স্বমার্গেঽপ্রবর্তমানং শকৃদ্বা এবম্ভূতমানাহং বিকারমুদাহরন্তীতি পিণ্ডার্থঃ| কেচিদামমিতি শকৃদ্বিশেষণং মন্যন্তে; তন্ন, সমানতন্ত্রে আমাদপ্যানাহস্য দর্শিতত্বাত্| তথা চ তদ্বচঃ- “আনাহে ত্বামসম্ভূতে বিডুদ্ভূতেঽপি বা ভিষক্”- ইত্যাদি||২০||-
Adhikarana 19 (21) · Śloka 22
তস্মিন্ ভবন্ত্যামসমুদ্ভবে তু তৃষ্ণাপ্রতিশ্যাযশিরোবিদাহাঃ ||২১|| আমাশযে শূলমথো গুরুত্বং হৃল্লাস উদ্গারবিঘাতনং চ |২২|
तस्मिन् भवन्त्यामसमुद्भवे तु तृष्णाप्रतिश्यायशिरोविदाहाः ||२१|| आमाशये शूलमथो गुरुत्वं हृल्लास उद्गारविघातनं च |२२|
🔊 Audio coming soon
আমজানাহলক্ষণমাহ- তস্মিন্নিত্যাদি| তস্মিন্ আনাহে| গুরুত্বমপি আমাশযে আমজানাহে প্রাযশো ভবতি| কেচিত্ ‘হৃল্লাস’ ইত্যত্র ‘হৃত্স্তম্ভ’ ইতি পঠিত্বা হৃদযস্য বিবন্ধত্বমিতি ব্যাখ্যানযন্তি| উদ্গারবিঘাতনম্ উদ্গারস্যাসম্যক্প্রবৃত্তিঃ| কেচিদামসমুদ্ভবে আমাশযসমুদ্ভবে ইতি ব্যাখ্যানযন্তি, পদেষ্বপি পদৈকদেশপ্রযোগাত্; তে চ আমাশযসমুদ্ভবমামাদেবেচ্ছন্তি; তত্রাপি স এব তাত্পর্যার্থঃ||২১||-
Adhikarana 20 (22) · Śloka 23
স্তম্ভঃ কটীপৃষ্ঠপুরীষমূত্রে শূলোঽথ মূর্চ্ছা স শকৃদ্বমেচ্চ ||২২|| শ্বাসশ্চ পক্বাশযজে ভবন্তি লিঙ্গানি চাত্রালসকোদ্ভবানি |২৩|
स्तम्भः कटीपृष्ठपुरीषमूत्रे शूलोऽथ मूर्च्छा स शकृद्वमेच्च ||२२|| श्वासश्च पक्वाशयजे भवन्ति लिङ्गानि चात्रालसकोद्भवानि |२३|
🔊 Audio coming soon
পুরীষজানাহলক্ষণমাহ- স্তম্ভ ইত্যাদি| স্তম্ভশব্দঃ কট্যাদিভির্মূত্রান্তৈঃ সহ প্রত্যেকং সম্বধ্যতে| শূলোঽপ্যত্র কট্যাদিষ্বেব| স পুরুষঃ| পক্বাশযজে আনাহে ইত্যর্থঃ| ‘মঞ্চাঃ ক্রোশন্তি’ ইতিবদুপচারাত্ পক্বাশযশব্দেনাত্র পুরীষমভিপ্রেতং, অথ চ বাহুল্যেন পক্বাশযে ভবতি| কেচিত্ পক্বাশযজে পক্বাশযস্থে আনাহে ইতি ব্যাখ্যানযন্তি| তে চ পক্বাশযোদ্ভূত আনাহঃ পুরীষাদ্ভবতি ইতীচ্ছন্তি; তথাঽপি স পূর্বোক্ত এব পরিফলিতার্থঃ||২২||-
Adhikarana 21 (23) · Śloka 23
আমোদ্ভবে বান্তমুপক্রমেত সংসর্গভক্তক্রমদীপনীযৈঃ ||২৩||
आमोद्भवे वान्तमुपक्रमेत संसर्गभक्तक्रमदीपनीयैः ||२३||
🔊 Audio coming soon
সম্প্রত্যামোত্থানাহচিকিত্সামাহ- আমোদ্ভব ইত্যাদি| আমোদ্ভবে অবিপক্বরসজে আনাহে| কেচিদামোদ্ভবে আমাশযোদ্ভবে, পদেষ্বপি পদৈকদেশপ্রযোগাত্| এষ পক্ষশ্চানন্তরমেব বিবৃতঃ| বান্তং কৃতবমনং নরম্| সংসর্গভক্তক্রমঃ পেযাদিক্রমঃ| দীপনীযানি পিপল্যাদিসাধিতানি||২৩||
Adhikarana 22 (24) · Śloka 24
অথেতরং যো ন শকৃদ্বমেত্তমামং জযেত্ স্বেদনপাচনৈশ্চ |২৪|
अथेतरं यो न शकृद्वमेत्तमामं जयेत् स्वेदनपाचनैश्च |२४|
🔊 Audio coming soon
পুরীষজানাহচিকিত্সামাহ- অথেতরমিত্যাদি| যঃ পুমান্ শকৃত্ পুরীষং ন বমেত্ , তস্য পুংসস্তমানাহমিতরং পুরীষজম্ আমান্বিতং স্বেদনাদিভির্জযেদিতি সম্বন্ধঃ| যস্তু শকৃদ্বমেত্তস্য আমং ন জযেত্, তথা সত্যসাধ্যত্বাদিতি ভাবঃ| কার্তিককুণ্ডস্তু ইতরং পক্বাশযজানাহবন্তং নরং, মত্বর্থীযপ্রত্যযান্তত্বাত্|| অসাবপি পক্ষোঽনন্তরং বিবৃতঃ| 'স্বেদনপাচনীযৈঃ' ইত্যত্র চ কার্তিককুণ্ডঃ 'স্বেদ্য যথাবিধানং' ইতি পঠিত্বা ব্যাখ্যানযতি- স্বেদ্য স্বেদযিত্বা, উপসর্গলোপাত্ সাধু; যথাবিধানমিতি বিণ্মূত্রানুলোমনবিধানেন|২৪|-
Adhikarana 23 (24-25) · Śloka 25
বিসূচিকাযাং পরিকীর্তিতানি দ্রব্যাণি বৈরেচনিকানি যানি ||২৪|| তান্যেব বর্তীর্বিরচেদ্বিচূর্ণ্য মহিষ্যজাবীভগবাং তু মূত্রৈঃ | স্বিন্নস্য পাযৌ বিনিবেশ্য তাশ্চ চূর্ণানি চৈষাং প্রধমেত্তু নাড্যা ||২৫||
विसूचिकायां परिकीर्तितानि द्रव्याणि वैरेचनिकानि यानि ||२४|| तान्येव वर्तीर्विरचेद्विचूर्ण्य महिष्यजावीभगवां तु मूत्रैः | स्विन्नस्य पायौ विनिवेश्य ताश्च चूर्णानि चैषां प्रधमेत्तु नाड्या ||२५||
🔊 Audio coming soon
অতিদেশেনানাহচিকিত্সামাহ- বিসূচিকাযামিত্যাদি| বিসূচিকাযাং পরিকীর্তিতানি কথিতানি যানি বৈরেচনিকানি দ্রব্যাণি দন্ত্যাদীনি, তানি বিচূর্ণ্য মহিষ্যাদীনাং মূত্রৈর্বিপাচ্য বর্তীর্বিরচেত্ কুর্যাত্| তাশ্চ বর্তীঃ স্বিন্নস্য নরস্য গুদে বিনিবেশ্য, এষাং বৈরেচনিকানামেব চূর্ণানি নাড্যা প্রধমেদিতি সম্বন্ধঃ| ইভো হস্তী||২৪-২৫||
Adhikarana 24 (26) · Śloka 27
মূত্রেষু সংসাধ্য যথাবিধানং দ্রব্যাণি যান্যূর্ধ্বমধশ্চ যান্তি | ক্বাথেন তেনাশু নিরুহযেচ্চ মূত্রার্ধযুক্তেন সমাক্ষিকেণ ||২৬|| ত্রিভণ্ডিযুক্তং লবণপ্রকুঞ্চং দত্ত্বা বিরিক্তক্রমমাচরেচ্চ |২৭|
मूत्रेषु संसाध्य यथाविधानं द्रव्याणि यान्यूर्ध्वमधश्च यान्ति | क्वाथेन तेनाशु निरुहयेच्च मूत्रार्धयुक्तेन समाक्षिकेण ||२६|| त्रिभण्डियुक्तं लवणप्रकुञ्चं दत्त्वा विरिक्तक्रममाचरेच्च |२७|
🔊 Audio coming soon
আনাহে নিরূহমাহ- মূত্রেষু সংসাধ্যেত্যাদি| যানি দ্রব্যাণি ঊর্ধ্বমধশ্চ যান্তি তানি মূত্রেষু যথাবিধানং সংসাধ্য তেন ক্বাথেনার্ধমূত্রান্বিতেন সমাক্ষিকেণ ত্রিভণ্ডিযুক্তলবণং প্রকুঞ্চং দত্ত্বা নিরুহযেদিতি পিণ্ডার্থঃ| মূত্রেষ্বিতি অনন্তরোক্তেষু মহিষ্যাদিজেষু| সংসাধ্য পক্ত্বা| যথাবিধানং ক্বাথপাকবিধিনা| দ্রব্যাণি যান্যূর্ধ্বমধশ্চ যান্তি সংশোধনসংশমনীযোক্তানি কোশাতক্যাদীনি| আশু শীঘ্রম্| মূত্রার্ধযুতেন অর্ধমূত্রান্বিতেন ক্বাথেন| কার্তিককুণ্ডস্তু মাত্রার্ধযুক্তেনেতি পঠতি, ব্যাখ্যানযতি চ- অর্ধমাত্রিকেণেতি| মাক্ষিকং মধু| ত্রিভণ্ডিযুক্তং লবণপ্রকুঞ্চমিতি ত্রিবৃত্সহিতমেব সৈন্ধবপলমিত্যর্থঃ| বিরিক্তক্রমং সম্যগ্বিরিক্তস্য যঃ ক্রমস্তমাচরেদিত্যর্থঃ; কেচিত্ আচরেদিত্যন্তর্ভাবিতকারিতার্থং মন্যন্তে; তেন, আচরেত্ বৈদ্যেনাচারযেদিত্যর্থঃ| ইদমাস্থাপনমানাহে পাচনোত্তরকালং দেযং, ন ত্বামাবস্থাযাম্||২৬||-
Adhikarana 25 (27) · Śloka 27
এষ্বেব তৈলেন চ সাধিতেন প্রাপ্তং যদি স্যাদনুবাসযেচ্চ ||২৭||
एष्वेव तैलेन च साधितेन प्राप्तं यदि स्यादनुवासयेच्च ||२७||
🔊 Audio coming soon
আনাহেঽনুবাসনমাহ- এষ্বেবেত্যাদি| এষ্বিতি অনন্তরাভিহিতনিরূহোক্তেষু কোশাতক্যাদিষু| প্রাপ্তং প্রাপ্তকালং প্রাপ্তাবস্থমিত্যর্থঃ; এতেন পরিপক্বামং সুনিরূঢং বাতকোপে সত্যনুবাসযেদিত্যর্থঃ||২৭||
Adhikarana puShpikA · Śloka 56
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে বিসূচিকাপ্রতিষেধো নাম (অষ্টাদশোঽধ্যাযঃ, আদিতঃ ) ষট্পঞ্চাশত্তমোঽধ্যাযঃ ||৫৬||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे विसूचिकाप्रतिषेधो नाम (अष्टादशोऽध्यायः, आदितः ) षट्पञ्चाशत्तमोऽध्यायः ||५६||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে বিসূচিকাপ্রতিষেধো নাম ষট্পঞ্চাশত্তমোঽধ্যাযঃ||৫৬||