Adhikarana 1 (1-2) · Śloka 2
অথাতো যোনিব্যাপত্প্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो योनिव्यापत्प्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
গ্রহোত্পত্ত্যধ্যাযানন্তরং ‘তির্যগ্যোনিং মানুষং চ’ ইতি বচনেন যোনের্নামসঙ্কীর্তনাত্ কুমারজন্মবিকারকারণত্বাচ্চ যোনের্ব্যাপচ্চিকিত্সিতার্থং যোনিব্যাপত্প্রতিষেধাধ্যাযারম্ভো যুজ্যত ইত্যাহ- অথাত ইত্যাদি| যোনিব্যাপদো যোনিরোগাঃ, তেষাং প্রতিষেধশ্চিকিত্সিতমিতি||১-২||
Adhikarana 2 (3) · Śloka 4
প্রবৃদ্ধলিঙ্গং পুরুষং যাঽত্যর্থমুপসেবতে | রূক্ষদুর্বলবালা যা তস্যা বাযুঃ প্রকুপ্যতি ||৩|| স দুষ্টো যোনিমাসাদ্য যোনিরোগায কল্পতে |৪|
प्रवृद्धलिङ्गं पुरुषं याऽत्यर्थमुपसेवते | रूक्षदुर्बलबाला या तस्या वायुः प्रकुप्यति ||३|| स दुष्टो योनिमासाद्य योनिरोगाय कल्पते |४|
🔊 Audio coming soon
প্রবৃদ্ধেত্যাদি| রূক্ষদুর্বলবালা যা স্ত্রী প্রবৃদ্ধলিঙ্গমতিপ্রলম্বমেহনং পুরুষমতিশযেন সেবতে| তস্যা বাযুঃ প্রকোপমাপদ্যতে, স বাযুঃ প্রকুপিতঃ সন্ পিত্তশ্লেষ্মাণৌ কোপযতি, অথবা বাতঃ পিত্তশ্লেষ্মাণৌ স্বহেতুভিঃ কুপিতৌ গৃহীত্বা যোনিরোগায কল্পতে সমর্থো ভবতি||৩||-
Adhikarana 3 (4-5) · Śloka 6
ত্রযাণামপি দোষাণাং যথাস্বং লক্ষণেন তু ||৪|| বিংশতির্ব্যাপদো যোনের্নির্দিষ্টা রোগসঙ্গ্রহে | মিথ্যাচারেণ যাঃ স্ত্রীণাং প্রদুষ্টেনার্তবেন চ ||৫|| জাযন্তে বীজদোষাচ্চ দৈবাচ্চ শৃণু তাঃ পৃথক্ |৬|
त्रयाणामपि दोषाणां यथास्वं लक्षणेन तु ||४|| विंशतिर्व्यापदो योनेर्निर्दिष्टा रोगसङ्ग्रहे | मिथ्याचारेण याः स्त्रीणां प्रदुष्टेनार्तवेन च ||५|| जायन्ते बीजदोषाच्च दैवाच्च शृणु ताः पृथक् |६|
🔊 Audio coming soon
তেষাং যোনিরোগাণাং সামান্যজ্ঞানোপাযমাহ- ত্রযাণামিত্যাদি| যথাস্বং লক্ষণেন যোনিরোগং জানীযাদিত্যর্থঃ||৪-৫||-
Adhikarana 4 (6-8) · Śloka 9
উদাবর্তা তথা বন্ধ্যা বিপ্লুতা চ পরিপ্লুতা ||৬|| বাতলা চেতি বাতোত্থাঃ, পিত্তোত্থা রুধিরক্ষরা | বামিনী স্রংসিনী চাপি পুত্রঘ্নী পিত্তলা চ যা ||৭|| অত্যানন্দা চ যা যোনিঃ কর্ণিনী চরণাদ্বযম্ | শ্লেষ্মলা চ কফাজ্জ্ঞেযা, ষণ্ডাখ্যা ফলিনী তথা ||৮|| মহতী সূচিবক্ত্রা চ সর্বজেতি ত্রিদোষজা |৯|
उदावर्ता तथा वन्ध्या विप्लुता च परिप्लुता ||६|| वातला चेति वातोत्थाः, पित्तोत्था रुधिरक्षरा | वामिनी स्रंसिनी चापि पुत्रघ्नी पित्तला च या ||७|| अत्यानन्दा च या योनिः कर्णिनी चरणाद्वयम् | श्लेष्मला च कफाज्ज्ञेया, षण्डाख्या फलिनी तथा ||८|| महती सूचिवक्त्रा च सर्वजेति त्रिदोषजा |९|
🔊 Audio coming soon
বাতজাঃ পঞ্চ যোনিব্যাপদ আহ- উদাবর্তেত্যাদি| উদাবর্তা, বন্ধ্যা, বিপ্লুতা, পরিপ্লুতা, বাতলা, ইতি পঞ্চ বাতোত্থাঃ| পিত্তজাঃ পঞ্চাহ- রুধিরক্ষরা, বামিনী, স্রংসিনী, পুত্রঘ্নী, পিত্তলা, ইতি পঞ্চ পিত্তোত্থাঃ| কফজাঃ পঞ্চোচ্যন্তে- অত্যানন্দা, কর্ণিনী, চরণাদ্বযং, শ্লেষ্মলা, ইতি পঞ্চ কফোত্থাঃ| সন্নিপাতজাঃ পঞ্চোচ্যন্তে- ষণ্ডী, ফলিনী, মহতী, সূচিবক্ত্রা, সর্বজা, ইতি পঞ্চ সন্নিপাতজাঃ||৬-৮||-
Adhikarana 5 (9-11) · Śloka 11
সফেনিলমুদাবর্তা রজঃ কৃচ্ছ্রেণ মুঞ্চতি ||৯|| বন্ধ্যাং নষ্টার্তবাং বিদ্যাদ্বিপ্লুতাং নিত্যবেদনাম্ | পরিপ্লুতাযাং ভবতি গ্রাম্যধর্মে রুজা ভৃশম্ ||১০|| বাতলা কর্কশা স্তব্ধা শূলনিস্তোদপীডিতা | চতসৃষ্বপি চাদ্যাসু ভবন্ত্যনিলবেদনাঃ ||১১||
सफेनिलमुदावर्ता रजः कृच्छ्रेण मुञ्चति ||९|| वन्ध्यां नष्टार्तवां विद्याद्विप्लुतां नित्यवेदनाम् | परिप्लुतायां भवति ग्राम्यधर्मे रुजा भृशम् ||१०|| वातला कर्कशा स्तब्धा शूलनिस्तोदपीडिता | चतसृष्वपि चाद्यासु भवन्त्यनिलवेदनाः ||११||
🔊 Audio coming soon
বাতজানাং যোনিব্যাপদাং পৃথগ্লক্ষণমাহ- সফেনিলমিত্যাদি| যা উদাবর্তা যোনিঃ সা ফেনিলং ফেনসহিতং রজ আর্তবং কৃচ্ছ্রেণ দুঃখেন মুঞ্চতি| বিপ্লুতা নিত্যং রুজাবতী, পরিপ্লুতা পুনর্ব্যবায এব পীডাবতীত্যনযোর্ভেদঃ| বাতলেত্যাদি| স্তব্ধা তনটিতেব| শূলং বাতশূলং, নিস্তোদঃ সূচীভিরিব ব্যধনম্| কিং বাতলাযামেবানিলবেদনা ভবন্তি উতান্যাস্বপীত্যাহ- চতসৃষ্বিত্যাদি| আদ্যাসু উদাবর্তাদিষ্বপীত্যর্থঃ||৯-১১||
Adhikarana 6 (12-14) · Śloka 14
সদাহং প্রক্ষরত্যস্রং যস্যাং সা লোহিতক্ষরা | সবাতমুদ্গিরেদ্বীজং বামিনী রজসা যুতম্ ||১২|| প্রস্রংসিনী স্যন্দতে তু ক্ষোভিতা দুঃপ্রসূশ্চ যা | স্থিতং স্থিতং হন্তি গর্ভং পুত্রঘ্নী রক্তসংস্রবাত্ ||১৩|| অত্যর্থং পিত্তলা যোনির্দাহপাকজ্বরান্বিতা | চতসৃষ্বপি চাদ্যাসু পিত্তলিঙ্গোচ্ছ্রযো ভবেত্ ||১৪||
सदाहं प्रक्षरत्यस्रं यस्यां सा लोहितक्षरा | सवातमुद्गिरेद्बीजं वामिनी रजसा युतम् ||१२|| प्रस्रंसिनी स्यन्दते तु क्षोभिता दुःप्रसूश्च या | स्थितं स्थितं हन्ति गर्भं पुत्रघ्नी रक्तसंस्रवात् ||१३|| अत्यर्थं पित्तला योनिर्दाहपाकज्वरान्विता | चतसृष्वपि चाद्यासु पित्तलिङ्गोच्छ्रयो भवेत् ||१४||
🔊 Audio coming soon
সদাহমিত্যাদি| অস্রম্ আর্তবং, ‘সদাহং ক্ষীযতে রক্তং যস্যাং সা লোহিতক্ষযা’ ইতি কেচিত্ পঠন্তি| বীজং শুক্রম্| উদ্গিরেত্ বমেত্| রজসা যুতম্ আর্তবমিশ্রম্| স্যন্দতে স্রবতি, ক্ষোভিতা সঞ্চালিতা, দুঃপ্রসূঃ দুঃখেন প্রসূযতে যা এবংবিধা যোনিঃ সা প্রস্রংসিনীতি সম্বন্ধঃ| দুঃপ্রসূশ্চেত্যত্রান্যে ‘দুঃপ্রজাযনা’ ইতি পঠন্তি, দুষ্টীভূতাপত্যমার্গেতি ব্যাখ্যানযন্তি| স্থিতমিত্যাদি| স্থিতং স্থিতং গর্ভং হন্তি নোত্পন্নমাত্রম্| চতসৃষু আদ্যাসু লোহিতক্ষরাদিষু| পিত্তলিঙ্গোচ্ছ্রযঃ ওষচোষাদিকা বেদনাঃ||১২-১৪||
Adhikarana 7 (15-17) · Śloka 17
অত্যানন্দা ন সন্তোষং গ্রাম্যধর্মেণ গচ্ছতি | কর্ণিন্যাং কর্ণিকা যোনৌ শ্লেষ্মাসৃগ্ভ্যং প্রজাযতে ||১৫|| মৈথুনেঽচরণা পূর্বং পুরুষাদতিরিচ্যতে | বহুশশ্চাতিচরণাদন্যা বীজং ন বিন্দতি ||১৬|| শ্লেষ্মলা পিচ্ছিলা যোনিঃ কণ্ডূযুক্তাঽতিশীতলা | চতসৃষ্বপি চাদ্যাসু শ্লেষ্মলিঙ্গোচ্ছ্রিতির্ভবেত্ ||১৭||
अत्यानन्दा न सन्तोषं ग्राम्यधर्मेण गच्छति | कर्णिन्यां कर्णिका योनौ श्लेष्मासृग्भ्यं प्रजायते ||१५|| मैथुनेऽचरणा पूर्वं पुरुषादतिरिच्यते | बहुशश्चातिचरणादन्या बीजं न विन्दति ||१६|| श्लेष्मला पिच्छिला योनिः कण्डूयुक्ताऽतिशीतला | चतसृष्वपि चाद्यासु श्लेष्मलिङ्गोच्छ्रितिर्भवेत् ||१७||
🔊 Audio coming soon
অত্যানন্দেত্যাদি| গ্রাম্যধর্মেণ মৈথুনেন| কর্ণিকা মাংসকন্দী| মৈথুনেত্যাদি| পূর্বা চরণী অতিরিচ্যতে মৈথুনাচরণেঽধিকা ভবতি; অন্যে ‘মৈথুনেঽচরণা পূর্বং’ ইতি পঠন্তি, শেষং সমম্| পুরুষাত্ পূর্বমতিরিচ্যতে, অত্যর্থং কণ্ডূযত ইত্যর্থঃ| বহুশো অতিচরণাত্ মৈথুনাত্, অন্যা অতিচরণা, বীজং গর্ভাঙ্কুরজননং, ন বিন্দতি ন প্রাপ্নোতি| ‘বহুশশ্চাতিচরণী তযোর্বীজং ন তিষ্ঠতি’ ইতি কেচিত্ পঠন্তি, অতিচরণা বহুশো মৈথুনং ব্রজতি, তযোশ্চরণাতিচরণযোর্বীজং ন তিষ্ঠতি, স্থিতিং ন করোতীত্যর্থঃ| শ্লেষ্মলেত্যাদি| আদ্যাসু অত্যানন্দাদিষু শ্লেষ্মলিঙ্গোচ্ছ্রিতিঃ পৈচ্ছিল্যকণ্ড্বাদিকাঃ||১৫-১৭||
Adhikarana 8 (18-20) · Śloka 20
অনার্তবস্তনা ষণ্ডী খরস্পর্শা চ মৈথুনে | অতিকাযগৃহীতাযাস্তরুণ্যাঃ ফলিনী ভবেত্ ||১৮|| বিবৃতাঽতিমহাযোনিঃ সূচীবক্ত্রাঽতিসংবৃতা | সর্বলিঙ্গসমুত্থানা সর্বদোষপ্রকোপজা ||১৯|| চতসৃষ্বপি চাদ্যাসু সর্বলিঙ্গোচ্ছ্রিতির্ভবেত্ | পঞ্চাসাধ্যা ভবন্তীমা যোনযঃ সর্বদোষজাঃ ||২০||
अनार्तवस्तना षण्डी खरस्पर्शा च मैथुने | अतिकायगृहीतायास्तरुण्याः फलिनी भवेत् ||१८|| विवृताऽतिमहायोनिः सूचीवक्त्राऽतिसंवृता | सर्वलिङ्गसमुत्थाना सर्वदोषप्रकोपजा ||१९|| चतसृष्वपि चाद्यासु सर्वलिङ्गोच्छ्रितिर्भवेत् | पञ्चासाध्या भवन्तीमा योनयः सर्वदोषजाः ||२०||
🔊 Audio coming soon
সান্নিপাতিকাঃ পঞ্চোচ্যন্তে| বন্ধ্যাষণ্ড্যোঃ সস্তনত্বনিস্তনত্বে বিশেষতঃ| স্বরস্পর্শা চেতি চকারান্মৈথুনদ্বেষনিষেধঃ| অতিকাযো বৃহত্সাধনো নরস্তেন গৃহীতাযা ফলিনীতি সঞ্জ্ঞা, ‘অফলিনী’ ইত্যন্যে পঠন্তি, তত্র অতিকাযগৃহীতা যা তরুণী সা অফলিনী অপ্রজা ইতি ব্যাখ্যা| অতিবিবৃতা মহাযোনিরুচ্যতে| সূচীবক্ত্রা অতিসংবৃতা অত্যর্থসঙ্কুচিতমুখী, সঙ্কুচিতমুখেত্যুচ্যতে| সর্বলিঙ্গা সর্বচিহ্না, সর্বসমুত্থানা সর্বকারণা, যা সা সর্বজা কথ্যতে| চতসৃষ্বিত্যাদি| চতসৃষ্বপি চাদ্যাসু ষণ্ডীপ্রভৃতিষু; সর্বলিঙ্গোচ্ছ্রিতিরিতি রৌক্ষ্যতোদাদিকা বাতলিঙ্গোচ্ছ্রিতযঃ, চোষাদিকাঃ পিত্তলিঙ্গোচ্ছ্রিতযঃ, স্নেহকণ্ড্বাদিকাঃ শ্লেষ্মলিঙ্গোচ্ছ্রিতযশ্চ||১৮-২০||
Adhikarana 9 (21) · Śloka 21
প্রতিদোষং তু সাধ্যাসু স্নেহাদিক্রম ইষ্যতে | দদ্যাদুত্তরবস্তীংশ্চ বিশেষেণ যথোদিতান্ ||২১||
प्रतिदोषं तु साध्यासु स्नेहादिक्रम इष्यते | दद्यादुत्तरबस्तींश्च विशेषेण यथोदितान् ||२१||
🔊 Audio coming soon
প্রতীত্যাদি| সাধ্যাসু যোনিব্যাপত্সু প্রতিদোষং যঃ স্নেহাদিক্রমঃ স ইষ্যত ইত্যর্থঃ| এতেন যস্য দোষস্য যঃ প্রত্যনীকঃ স্নেহস্তেন স্নেহেন সংস্নেহ্য সংস্বেদ্য ততো বমনাদীন্ সাধ্যাস্ববচারযেদিত্যর্থঃ| যথোদিতানিতি বাতাদিভেদেনেত্যর্থঃ||২১||
Adhikarana 10 (22-23) · Śloka 24
কর্কশাং শীতলাং স্তব্ধামল্পস্পর্শাং চ মৈথুনে | কুম্ভীস্বেদৈরুপচরেত্ সানূপৌদকসংযুতৈঃ ||২২|| মধুরৌষধসংযুক্তান্ বেশবারাংশ্চ যোনিষু | নিক্ষিপেদ্ধারযেচ্চাপি পিচুতৈলমতন্দ্রিতঃ ||২৩|| ধাবনানি চ পথ্যানি কুর্বীতাপূরণানি চ |২৪|
कर्कशां शीतलां स्तब्धामल्पस्पर्शां च मैथुने | कुम्भीस्वेदैरुपचरेत् सानूपौदकसंयुतैः ||२२|| मधुरौषधसंयुक्तान् वेशवारांश्च योनिषु | निक्षिपेद्धारयेच्चापि पिचुतैलमतन्द्रितः ||२३|| धावनानि च पथ्यानि कुर्वीतापूरणानि च |२४|
🔊 Audio coming soon
কর্কশামিত্যাদি| অল্পস্পর্শামিতি অতিব্যবাযক্রুদ্ধবাতজনিতসুপ্তিত্বাত্| ‘শীতলাং’ ইত্যত্রান্যে তু ‘তুমুলাম্’ ইতি পঠন্তি, তত্র শূলতোদবেদনাসঙ্কুলামিতি ব্যাখ্যা| কুম্ভীস্বেদৈঃ আনূপৌদকমাংসবাতঘ্নদ্রব্যক্বাথপূর্ণাং কুম্ভীং কৃত্বা ভূমৌ নিখন্য তদুপরি শয্যাং সংস্থাপ্যাগ্নিসন্তপ্তলৌহপাষাণগুডকান্ ক্বাথে নিক্ষিপ্য তদুত্থিতৈর্বাষ্পস্বেদৈর্যোনিপ্রদেশমাত্রগামিভিরুপচরেত্; অন্যে তু কুম্ভীং বাতহরদ্রব্যানূপৌদকমাংসপূর্ণাং সজলাং কৃত্বা প্রবৃত্তোষ্মাণং গৃহ্ণীযাদিতি ব্যাখ্যানযন্তি| উপনাহবিশেষমাহ- মধুরেত্যাদি| মধুরাণি কাকোল্যাদীনি কল্কীকৃতানি, তৈর্যুক্তান্ বেশবারান্ কৃতান্নবর্গোক্তান্ যোনিষু নিক্ষিপেত্, পিচুতৈলং পিচুনা তুলকেন তৈলং বাতঘ্নদ্রব্যক্বাথসিদ্ধং যোনিষু ধারযেত্| অতন্দ্রিতো নিরন্তরকারীত্যর্থঃ | পিচুতৈলং বলাশৃতমিত্যন্যে| ধাবনানি প্রক্ষালনানি| পথ্যানি বাতহরৌষধসিদ্ধানীত্যর্থঃ||২২-২৩||-
Adhikarana 11 (24) · Śloka 24
ওষচোষান্বিতাসূক্তং কুর্যাচ্ছীতং বিধিং ভিষক্ ||২৪||
ओषचोषान्वितासूक्तं कुर्याच्छीतं विधिं भिषक् ||२४||
🔊 Audio coming soon
শীতং বিধিং রক্তপিত্তহরম্||২৪||
Adhikarana 12 (25) · Śloka 25
দুর্গন্ধাং পিচ্ছিলাং চাপি চূর্ণৈঃ পঞ্চকষাযজৈঃ | পূরযেদ্রাজবৃক্ষাদিকষাযৈশ্চাপি ধাবনম্ ||২৫||
दुर्गन्धां पिच्छिलां चापि चूर्णैः पञ्चकषायजैः | पूरयेद्राजवृक्षादिकषायैश्चापि धावनम् ||२५||
🔊 Audio coming soon
দুর্গন্ধাং পিত্তেন, পিচ্ছিলাং কফেন| পঞ্চ কষাযা ন্যগ্রোধোদুম্বরপ্লক্ষাশ্বত্থগর্দভাণ্ডাঃ| তচ্চূর্ণেন যোনিং পূরযেত্| রাজবৃক্ষাদিঃ আরগ্বধাদিঃ||২৫||
Adhikarana 13 (26) · Śloka 26
যোন্যাং তু পূযস্রাবিণ্যাং শোধনদ্রব্যসম্ভৃতৈঃ | সগোমূত্রৈঃ সলবণৈঃ শোধনং হিতমিষ্যতে ||২৬||
योन्यां तु पूयस्राविण्यां शोधनद्रव्यसम्भृतैः | सगोमूत्रैः सलवणैः शोधनं हितमिष्यते ||२६||
🔊 Audio coming soon
শোধনদ্রব্যাণি মিশ্রকোক্তানি||২৬||
Adhikarana 14 (27-30) · Śloka 30
বৃহতীফলকল্কস্য দ্বিহরিদ্রাযুতস্য চ | কণ্ডূমতীমল্পস্পর্শাং পূরযেদ্ধূপযেত্তথা ||২৭|| বর্তিং প্রদদ্যাত্ কর্ণিন্যাং শোধনদ্রব্যসম্ভৃতাম্ | প্রস্রংসিনীং ঘৃতাভ্যক্তাং ক্ষীরস্বিন্নাং প্রবেশযেত্ ||২৮|| পিধায বেশবারেণ ততো বন্ধং সমাচরেত্ | প্রতিদোষং বিদধ্যাচ্চ সুরারিষ্টাসবান্ ভিষক্ ||২৯|| প্রাতঃ প্রাতর্নিষেবেত রসোনাদুদ্ধৃতং রসম্ | ক্ষীরমাংসরসপ্রাযমাহারং বিদধীত চ ||৩০||
बृहतीफलकल्कस्य द्विहरिद्रायुतस्य च | कण्डूमतीमल्पस्पर्शां पूरयेद्धूपयेत्तथा ||२७|| वर्तिं प्रदद्यात् कर्णिन्यां शोधनद्रव्यसम्भृताम् | प्रस्रंसिनीं घृताभ्यक्तां क्षीरस्विन्नां प्रवेशयेत् ||२८|| पिधाय वेशवारेण ततो बन्धं समाचरेत् | प्रतिदोषं विदध्याच्च सुरारिष्टासवान् भिषक् ||२९|| प्रातः प्रातर्निषेवेत रसोनादुद्धृतं रसम् | क्षीरमांसरसप्रायमाहारं विदधीत च ||३०||
🔊 Audio coming soon
তথাশব্দাদ্ধূপনমপি বৃহতীফলাদিভিরেব||২৭-৩০||
Adhikarana 15 (31-32) · Śloka 32
শুক্রার্তবাদযো দোষাঃ স্তনরোগাশ্চ কীর্তিতাঃ | ক্লৈব্যস্থানানি মূঢস্য গর্ভস্য বিধিরেব চ ||৩১|| গর্ভিণীপ্রতিরোগেষু চিকিত্সা চাপ্যুদাহৃতা | সর্বথা তাং প্রযুঞ্জীত যোনিব্যাপত্সু বুদ্ধিমান্ | অপপ্রজাতারোগাংশ্চ চিকিত্সেদুত্তরাদ্ভিষক্ ||৩২||
शुक्रार्तवादयो दोषाः स्तनरोगाश्च कीर्तिताः | क्लैब्यस्थानानि मूढस्य गर्भस्य विधिरेव च ||३१|| गर्भिणीप्रतिरोगेषु चिकित्सा चाप्युदाहृता | सर्वथा तां प्रयुञ्जीत योनिव्यापत्सु बुद्धिमान् | अपप्रजातारोगांश्च चिकित्सेदुत्तराद्भिषक् ||३२||
🔊 Audio coming soon
শুক্রেত্যাদি| শুক্রার্তবাদযো দোষাঃ শুক্রশোণিতশুদ্ধিশারীরে সলক্ষণচিকিত্সিতা উক্তাঃ; আদিশব্দাদ্ধাত্রীস্তন্যদোষাশ্চ| স্তনরোগা বিসর্পনাডীস্তনরোগনিদানে, তচ্চিকিত্সিতে তচ্চিকিত্সা উক্তা| ক্লৈব্যস্থানানি ক্লৈব্যকারণানি ক্ষীণবলীযবাজীকরণোদিতানি| মূঢগর্ভস্যেতি স্থানানীত্যত্রাপি সম্বধ্যতে, তেন মূঢগর্ভস্য স্থানানি কারণানি, বিধিরেব চ ক্রিযা চেত্যর্থঃ| এতদ্দ্বযং মূঢগর্ভনিদানে তচ্চিকিত্সিতে চোক্তম্| গর্ভিণীপ্রতিরোগেষ্বিতি গর্ভিণীপ্রতিরোগেষু গর্ভিণ্যা মাসানুমাসং প্রতিরোগেষু রক্তস্রাবাদিষু চিকিত্সোক্তা| চিকিত্সা চেতি চকারাদ্গর্ভিণ্যাঃ স্বস্থাযা অপি চিকিত্সা উদাহৃতা গর্ভিণীব্যাকরণশারীরে| কেচিত্ ‘গর্ভিণীপ্রতিরোগেষু’ ইত্যত্র ‘গর্ভিণীপ্রতিমাসেষু’ ইতি পঠন্তি| তাং চিকিত্সাং যোনিব্যাপত্স্বপি সর্বথা প্রযুঞ্জীতেত্যর্থঃ| অপপ্রজাতা অকালপ্রসূতা, তস্যা রোগান্ জ্বরাদিকান্| তানুত্তরাদুত্তরতন্ত্রোক্তজ্বরাদিচিকিত্সিতাত্| রোগাংশ্চেতি চকার উত্তরতন্ত্রাদিত্যত্র যোজনীযঃ| তেনাপপ্রজাতারোগানুত্তরাদুত্তরতন্ত্রোক্তাচ্চিকিত্সেত্, চকারাদপতানকাদীন্ সংহিতোক্তেন বিধিনা চিকিত্সেদিত্যর্থঃ| অন্যে তু ‘উত্তরান্’ ইতি পঠন্তি, উত্তরকালভাবিনোঽপতানকাদীন্ ভিষক্ চিকিত্সেত্, ‘স্বৈশ্চিকিত্সিতৈঃ’ ইতি শেষঃ||৩১-৩২||
Adhikarana puShpikA · Śloka 2
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে যোনিব্যাপত্প্রতিষেধো নাম(দ্বাদশোঽধ্যাযঃ, আদিতোঽ)ষ্টত্রিংশত্তমোঽধ্যাযঃ ||৩৮|| উত্তরতন্ত্রে দ্বিতীযং কৌমারতন্ত্রং সমাপ্তম্ ||২||
इति सुश्रुतसंहितायामुत्तरतन्त्रान्तर्गते कुमारतन्त्रे योनिव्यापत्प्रतिषेधो नाम(द्वादशोऽध्यायः, आदितोऽ)ष्टत्रिंशत्तमोऽध्यायः ||३८|| उत्तरतन्त्रे द्वितीयं कौमारतन्त्रं समाप्तम् ||२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাযামুত্তরতন্ত্রান্তর্গতে কৌমারভৃত্যতন্ত্রে যোনিব্যাপত্প্রতিষেধাধ্যাযোঽষ্টত্রিংশত্তমঃ||৩৮||