Adhikarana bhUtapratiShedhAdhyAyaH||5| (2-3) · Śloka 3
athātō bhūtapratiṣēdhaṁ vyākhyāsyāmaḥ| iti ha smāhurātrayādayō maharṣayaḥ| (gadyasūtrē||2|| )||3||
अथातो भूतप्रतिषेधं व्याख्यास्यामः| इति ह स्माहुरात्रयादयो महर्षयः| (गद्यसूत्रे||२|| )||३||
🔊 Audio coming soon
Adhikarana ahiMsecchaM bhUtaM japAdibhirjayet (1) · Śloka 1
bhūtaṁ jayēdahiṁsēcchaṁ japahōmabalivrataiḥ| tapaḥśīlasamādhānadānajñānadayādibhiḥ||1||
भूतं जयेदहिंसेच्छं जपहोमबलिव्रतैः| तपःशीलसमाधानदानज्ञानदयादिभिः||१||
🔊 Audio coming soon
Adhikarana sarvagrahanASakaM hiMgvAdi ghRutaM tailaM vA (2-8) · Śloka 8
hiṅguvyōṣālanēpālīlaśunārkajaṭājaṭāḥ| ajalōmī sagōlōmī bhūtakēśī vacā latā||2|| kukkuṭī sarpagandhākhyā tilāḥ kāṇavikāṇikē| vajraprōktā vayaḥsthā ca śr̥ṅgī mōhanavallyapi||3|| srōtōjāñjanarakṣōghnaṁ rakṣōghnaṁ cānyadauṣadham| kharāśvaśvāviduṣṭrarkṣagōdhānakulaśalyakāt||4|| dvīpimārjāragōsiṁhavyāghrasāmudrasattvataḥ| carmapittadvijanakhā vargē'smin sādhayēdghr̥tam||5|| purāṇamathavā tailaṁ navaṁ tatpānanasyayōḥ| abhyaṅgē ca prayōktavyamēṣāṁ cūrṇaṁ ca dhūpanē||6|| ēbhiśca guṭikāṁ yuñjyādañjanē sāvapīḍanē| pralēpē kalkamētēṣāṁ kvāthaṁ ca pariṣēcanē||7|| prayōgō'yaṁ grahōnmādān sāpasmārāñśamaṁ nayēt| |8|
हिङ्गुव्योषालनेपालीलशुनार्कजटाजटाः| अजलोमी सगोलोमी भूतकेशी वचा लता||२|| कुक्कुटी सर्पगन्धाख्या तिलाः काणविकाणिके| वज्रप्रोक्ता वयःस्था च शृङ्गी मोहनवल्ल्यपि||३|| स्रोतोजाञ्जनरक्षोघ्नं रक्षोघ्नं चान्यदौषधम्| खराश्वश्वाविदुष्ट्रर्क्षगोधानकुलशल्यकात्||४|| द्वीपिमार्जारगोसिंहव्याघ्रसामुद्रसत्त्वतः| चर्मपित्तद्विजनखा वर्गेऽस्मिन् साधयेद्घृतम्||५|| पुराणमथवा तैलं नवं तत्पाननस्ययोः| अभ्यङ्गे च प्रयोक्तव्यमेषां चूर्णं च धूपने||६|| एभिश्च गुटिकां युञ्ज्यादञ्जने सावपीडने| प्रलेपे कल्कमेतेषां क्वाथं च परिषेचने||७|| प्रयोगोऽयं ग्रहोन्मादान् सापस्माराञ्शमं नयेत्| |८|
🔊 Audio coming soon
Adhikarana sarvagrahanAshakaM gajAhvAdikalkaH (8-9) · Śloka 9
| gajāhvāpippalīmūlavyōṣāmalakasarṣapān||8|| gōdhānakulamārjārajhaṣapittaprapēṣitān| nāvanābhyaṅgasēkēṣu vidadhīta grahāpahān||9||
| गजाह्वापिप्पलीमूलव्योषामलकसर्षपान्||८|| गोधानकुलमार्जारझषपित्तप्रपेषितान्| नावनाभ्यङ्गसेकेषु विदधीत ग्रहापहान्||९||
🔊 Audio coming soon
Adhikarana sarvagrahanASakaM siddhArthakaM ghRutam (10-13) · Śloka 13
siddhārthakavacāhiṅgupriyaṅgurajanīdvayam| mañjiṣṭhā śvētakaṭabhī varā śvētā'drikarṇikā||10|| nimbasya patraṁ bījaṁ tu naktamālaśirīṣayōḥ| surāhvaṁ tryūṣaṇaṁ sarpirgōmūtrē taiścaturguṇē||11|| siddhaṁ siddhārthakaṁ nāma pānē nasyē ca yōjitam| grahān sarvānnihantyāśu viśēṣādāsurān grahān||12|| kr̥tyālakṣmīviṣōnmādajvarāpasmārapāpma ca| |13|
सिद्धार्थकवचाहिङ्गुप्रियङ्गुरजनीद्वयम्| मञ्जिष्ठा श्वेतकटभी वरा श्वेताऽद्रिकर्णिका||१०|| निम्बस्य पत्रं बीजं तु नक्तमालशिरीषयोः| सुराह्वं त्र्यूषणं सर्पिर्गोमूत्रे तैश्चतुर्गुणे||११|| सिद्धं सिद्धार्थकं नाम पाने नस्ये च योजितम्| ग्रहान् सर्वान्निहन्त्याशु विशेषादासुरान् ग्रहान्||१२|| कृत्यालक्ष्मीविषोन्मादज्वरापस्मारपाप्म च| |१३|
🔊 Audio coming soon
Adhikarana sarvagrahanASakaM agadaH (13-14) · Śloka 14
| ēbhirēvauṣadhairbastavāriṇā kalpitō'gadaḥ||13|| pānanasyāñjanālēpasnānōddharṣaṇayōjitaḥ| guṇaiḥ pūrvavaduddiṣṭō rājadvārē ca siddhikr̥t||14||
| एभिरेवौषधैर्बस्तवारिणा कल्पितोऽगदः||१३|| पाननस्याञ्जनालेपस्नानोद्धर्षणयोजितः| गुणैः पूर्ववदुद्दिष्टो राजद्वारे च सिद्धिकृत्||१४||
🔊 Audio coming soon
Adhikarana sarvagrahanASakaM siddhArthakAdiguDAH (15-17) · Śloka 17
siddhārthakavyōṣavacāśvagandhā- niśādvayaṁ hiṅgupalāṇḍukandaḥ| bījaṁ karañjāt, kusumaṁ śirīṣāt phalaṁ ca valkaṁ ca kapitthavr̥kṣāt||15|| samāṇimanthaṁ sanataṁ sakuṣṭhaṁ syōnākamūlaṁ kiṇihī sitā ca| bastasya mūtrēṇa subhāvitaṁ tat pittēna gavyēna guḍān vidadhyāt||16|| duṣṭavraṇōnmādatamōniśāndhā- nudbandhakān vārinimagnadēhān| digdhāhatān darpitasarpadaṣṭāṁ- stē sādhayantyañjananasyalēpaiḥ||17||
सिद्धार्थकव्योषवचाश्वगन्धा- निशाद्वयं हिङ्गुपलाण्डुकन्दः| बीजं करञ्जात्, कुसुमं शिरीषात् फलं च वल्कं च कपित्थवृक्षात्||१५|| समाणिमन्थं सनतं सकुष्ठं स्योनाकमूलं किणिही सिता च| बस्तस्य मूत्रेण सुभावितं तत् पित्तेन गव्येन गुडान् विदध्यात्||१६|| दुष्टव्रणोन्मादतमोनिशान्धा- नुद्बन्धकान् वारिनिमग्नदेहान्| दिग्धाहतान् दर्पितसर्पदष्टां- स्ते साधयन्त्यञ्जननस्यलेपैः||१७||
🔊 Audio coming soon
Adhikarana skandAdigrahanAshakaM kArpAsAsthyAdidhUpanam (18) · Śloka 18
kārpāsāsthimayūrapatrabr̥hatīnirmālyapiṇḍītaka- tvaṅmāṁsīvr̥ṣadaṁśaviṭtuṣavacākēśāhinirmōkakaiḥ| nāgēndradvijaśr̥ṅgahiṅgumaricaistulyaiḥ kr̥taṁ dhūpanaṁ skandōnmādapiśācarākṣasasurāvēśajvaraghnaṁ param||18||
कार्पासास्थिमयूरपत्रबृहतीनिर्माल्यपिण्डीतक- त्वङ्मांसीवृषदंशविट्तुषवचाकेशाहिनिर्मोककैः| नागेन्द्रद्विजशृङ्गहिङ्गुमरिचैस्तुल्यैः कृतं धूपनं स्कन्दोन्मादपिशाचराक्षससुरावेशज्वरघ्नं परम्||१८||
🔊 Audio coming soon
Adhikarana sarvagrahaghnaM bhUtarAvaM ghRutaM (19) · Śloka 19
trikaṭukadalakuṅkumagranthikakṣārasiṁhī- niśādārusiddhārthayugmāmbuśakrāhvayaiḥ sitalaśunaphalatrayōśīratiktāvacā- tutthayaṣṭībalālōhitailāśilāpadmakaiḥ| dadhitagaramadhūkasārapriyāhvāviṣākhyā- viṣātārkṣyaśailaiḥ sacavyāmayaiḥ kalkitairghr̥tamanavamaśēṣamūtrāṁśasiddhaṁ mataṁ bhūtarāvāhvayaṁ pānatastad grahaghnaṁ param||19||
त्रिकटुकदलकुङ्कुमग्रन्थिकक्षारसिंही- निशादारुसिद्धार्थयुग्माम्बुशक्राह्वयैः सितलशुनफलत्रयोशीरतिक्तावचा- तुत्थयष्टीबलालोहितैलाशिलापद्मकैः| दधितगरमधूकसारप्रियाह्वाविषाख्या- विषातार्क्ष्यशैलैः सचव्यामयैः कल्कितैर्घृतमनवमशेषमूत्रांशसिद्धं मतं भूतरावाह्वयं पानतस्तद् ग्रहघ्नं परम्||१९||
🔊 Audio coming soon
Adhikarana sarvagrahaghnaM mahAbhUtarAvaM ghRutam (20) · Śloka 20
natamadhukarañjalākṣāpaṭōlīsamaṅgāvacā- pāṭalīhiṅgusiddhārthasiṁhīniśāyuglatārōhiṇī- badarakaṭuphalatrikākāṇḍadārukr̥mighnājagandhā- marāṅkōllakōśātakīśigrunimbāmbudēndrāhvayaiḥ| gadaśukatarupuṣpabījōgrayaṣṭyadrikarṇīnikumbhā- gnibilvaiḥ samaiḥkalkitairmūtravargēṇa siddhaṁ ghr̥taṁ vidhivinihitamāśu sarvaiḥ kramairyōjitaṁ hanti sarvagrahōnmādakuṣṭhajvarāṁstanmahābhūtarāvaṁ smr̥tam||20||
नतमधुकरञ्जलाक्षापटोलीसमङ्गावचा- पाटलीहिङ्गुसिद्धार्थसिंहीनिशायुग्लतारोहिणी- बदरकटुफलत्रिकाकाण्डदारुकृमिघ्नाजगन्धा- मराङ्कोल्लकोशातकीशिग्रुनिम्बाम्बुदेन्द्राह्वयैः| गदशुकतरुपुष्पबीजोग्रयष्ट्यद्रिकर्णीनिकुम्भा- ग्निबिल्वैः समैःकल्कितैर्मूत्रवर्गेण सिद्धं घृतं विधिविनिहितमाशु सर्वैः क्रमैर्योजितं हन्ति सर्वग्रहोन्मादकुष्ठज्वरांस्तन्महाभूतरावं स्मृतम्||२०||
🔊 Audio coming soon
Adhikarana grahagrahaNadine balyAdi (21) · Śloka 21
grahā gr̥hṇanti yē yēṣu tēṣāṁ tēṣu viśēṣataḥ| dinēṣu balihōmādīn prayuñjīta cikitsakaḥ||21||
ग्रहा गृह्णन्ति ये येषु तेषां तेषु विशेषतः| दिनेषु बलिहोमादीन् प्रयुञ्जीत चिकित्सकः||२१||
🔊 Audio coming soon
Adhikarana sarvagrahANAM sAmAnyo vidhiH (22) · Śloka 22
snānavastravasāmāṁsamadyakṣīraguḍādi ca| rōcatē yadyadā yēbhyastattēṣāmāharēttadā||22||
स्नानवस्त्रवसामांसमद्यक्षीरगुडादि च| रोचते यद्यदा येभ्यस्तत्तेषामाहरेत्तदा||२२||
🔊 Audio coming soon
Adhikarana surAdibhyo balidAnasthAnAni (23) · Śloka 23
ratnāni gandhamālyāni bījāni madhusarpiṣī| bhakṣyāśca sarvē sarvēṣāṁ sāmānyō vidhirityayam||23||
रत्नानि गन्धमाल्यानि बीजानि मधुसर्पिषी| भक्ष्याश्च सर्वे सर्वेषां सामान्यो विधिरित्ययम्||२३||
🔊 Audio coming soon
Adhikarana devAnAmiShTo baliH (24-28) · Śloka 28
surarṣiguruvr̥ddhēbhyaḥ siddhēbhyaśca surālayē| diśyuttarasyāṁ tatrāpi dēvāyōpaharēdbalim||24|| paścimāyāṁ yathākālaṁ daityabhūtāya catvarē| gandharvāya gavāṁ mārgē savastrābharaṇaṁ balim||25|| pitr̥nāgagrahē nadyāṁ nāgēbhyaḥ pūrvadakṣiṇē| yakṣāya yakṣāyatanē saritōrvā samāgamē||26|| catuṣpathē rākṣasāya bhīmēṣu gahanēṣu ca| rakṣasāṁ dakṣiṇasyāṁ tu pūrvasyāṁ brahmarakṣasām||27|| śūnyālayē piśācāya paścimāṁ diśamāsthitē| |28|
सुरर्षिगुरुवृद्धेभ्यः सिद्धेभ्यश्च सुरालये| दिश्युत्तरस्यां तत्रापि देवायोपहरेद्बलिम्||२४|| पश्चिमायां यथाकालं दैत्यभूताय चत्वरे| गन्धर्वाय गवां मार्गे सवस्त्राभरणं बलिम्||२५|| पितृनागग्रहे नद्यां नागेभ्यः पूर्वदक्षिणे| यक्षाय यक्षायतने सरितोर्वा समागमे||२६|| चतुष्पथे राक्षसाय भीमेषु गहनेषु च| रक्षसां दक्षिणस्यां तु पूर्वस्यां ब्रह्मरक्षसाम्||२७|| शून्यालये पिशाचाय पश्चिमां दिशमास्थिते| |२८|
🔊 Audio coming soon
Adhikarana devagrahamokShaNaM hiMgvAdighRutam (28-30) · Śloka 30
| śuciśuklāni mālyāni gandhāḥ kṣairēyamōdanam||28|| dadhi chatraṁ ca dhavalaṁ dēvānāṁ baliriṣyatē| hiṅgusarṣapaṣaḍgranthāvyōṣairardhapalōnmitaiḥ||29|| caturguṇē gavāṁ mūtrē ghr̥taprasthaṁ vipācayēt| tatpānanāvanābhyaṅgairdēvagrahavimōkṣaṇam||30||
| शुचिशुक्लानि माल्यानि गन्धाः क्षैरेयमोदनम्||२८|| दधि छत्रं च धवलं देवानां बलिरिष्यते| हिङ्गुसर्षपषड्ग्रन्थाव्योषैरर्धपलोन्मितैः||२९|| चतुर्गुणे गवां मूत्रे घृतप्रस्थं विपाचयेत्| तत्पाननावनाभ्यङ्गैर्देवग्रहविमोक्षणम्||३०||
🔊 Audio coming soon
Adhikarana devagrahamokShaNaM vacAdinasyA~jjanam (31) · Śloka 31
nasyāñjanaṁ vacāhiṅgulaśunaṁ bastavāriṇā| |31|
नस्याञ्जनं वचाहिङ्गुलशुनं बस्तवारिणा| |३१|
🔊 Audio coming soon
Adhikarana daityAnAmiShTo baliH (31) · Śloka 31
| daityē balirbahuphalaḥ sōśīrakamalōtpalaḥ||31||
| दैत्ये बलिर्बहुफलः सोशीरकमलोत्पलः||३१||
🔊 Audio coming soon
Adhikarana nAgAnAmiShTo baliH nAgAnAmiShTo SvetapatrAdinasyA~jjanam (32-34) · Śloka 34
nāgānāṁ sumanōlājaguḍāpūpaguḍaudanaiḥ| paramānnamadhukṣīrakr̥ṣṇamr̥nnāgakēsaraiḥ||32|| vacāpadmapurōśīraraktōtpaladalairbaliḥ| śvētapatraṁ ca rōdhraṁ ca tagaraṁ nāgasarṣapāḥ||33|| śītēna vāriṇā piṣṭaṁ nāvanāñjanayōrhitam| |34|
नागानां सुमनोलाजगुडापूपगुडौदनैः| परमान्नमधुक्षीरकृष्णमृन्नागकेसरैः||३२|| वचापद्मपुरोशीररक्तोत्पलदलैर्बलिः| श्वेतपत्रं च रोध्रं च तगरं नागसर्षपाः||३३|| शीतेन वारिणा पिष्टं नावनाञ्जनयोर्हितम्| |३४|
🔊 Audio coming soon
Adhikarana yakShANAmiShTo baliH (34-35) · Śloka 35
| yakṣāṇāṁ kṣīradadhyājyamiśrakaudanaguggulu||34|| dēvadārūtpalaṁ padmamuśīraṁ vastrakāñcanam| hiraṇyaṁ ca baliryōjyō|35|
| यक्षाणां क्षीरदध्याज्यमिश्रकौदनगुग्गुलु||३४|| देवदारूत्पलं पद्ममुशीरं वस्त्रकाञ्चनम्| हिरण्यं च बलिर्योज्यो|३५|
🔊 Audio coming soon
Adhikarana yakShANAM mUtrAdi pAnanasyA~jjanam (35-36) · Śloka 36
| mūtrājyakṣīramēkataḥ||35|| siddhaṁ samōnmitaṁ pānanāvanābhyañjanē hitam| |36|
| मूत्राज्यक्षीरमेकतः||३५|| सिद्धं समोन्मितं पाननावनाभ्यञ्जने हितम्| |३६|
🔊 Audio coming soon
Adhikarana yakShANAM harItakyAdi pAnanasyA~jjanam (36-37) · Śloka 37
| haritakī haridrē dvē laśunō maricaṁ vacā||36|| nimbapatram ca bastāmbukalkitaṁ nāvanāñjanam| |37|
| हरितकी हरिद्रे द्वे लशुनो मरिचं वचा||३६|| निम्बपत्रम् च बस्ताम्बुकल्कितं नावनाञ्जनम्| |३७|
🔊 Audio coming soon
Adhikarana brahmarAkShasAnAmiShTo baliH (37-38) · Śloka 38
| brahmarakṣōbaliḥ siddhaṁ yavānāṁ pūrṇamāḍhakam||37|| tōyasya kumbhaḥ palalaṁ chatraṁ vastraṁ vilēpanam| ||38||
| ब्रह्मरक्षोबलिः सिद्धं यवानां पूर्णमाढकम्||३७|| तोयस्य कुम्भः पललं छत्रं वस्त्रं विलेपनम्| ||३८||
🔊 Audio coming soon
Adhikarana rAkShasAnAM naktamAlAdyagadaH (41-43) · Śloka 43
| naktamālaśirīṣatvaṅmūlapuṣpaphalāni ca||41|| tadvacca kr̥ṣṇapāṭalyā bilvamūlaṁ kaṭutrikam| hiṁgvindrayavasiddhārthalaśunāmalakīphalam||42|| nāvanāñjanayōryōjyō bastamūtrayutō'gadaḥ| |43|
| नक्तमालशिरीषत्वङ्मूलपुष्पफलानि च||४१|| तद्वच्च कृष्णपाटल्या बिल्वमूलं कटुत्रिकम्| हिंग्विन्द्रयवसिद्धार्थलशुनामलकीफलम्||४२|| नावनाञ्जनयोर्योज्यो बस्तमूत्रयुतोऽगदः| |४३|
🔊 Audio coming soon
Adhikarana rAkShasAnAM naktamAlAdighRutam (43-44) · Śloka 44
| ēbhirēva ghr̥taṁ siddhaṁ gavāṁ mūtrē caturguṇē||43|| rakṣōgrahān vārayatē pānābhyañjananāvanaiḥ| |44|
| एभिरेव घृतं सिद्धं गवां मूत्रे चतुर्गुणे||४३|| रक्षोग्रहान् वारयते पानाभ्यञ्जननावनैः| |४४|
🔊 Audio coming soon
Adhikarana piSAcAnAmiShTo baliH (44-45) · Śloka 45
| piśācānāṁ baliḥ sīdhuḥ piṇyākaḥ palalaṁ dadhi||44|| mūlakaṁ lavaṇaṁ sarpiḥ sabhūtaudanayāvakam| |45|
| पिशाचानां बलिः सीधुः पिण्याकः पललं दधि||४४|| मूलकं लवणं सर्पिः सभूतौदनयावकम्| |४५|
🔊 Audio coming soon
Adhikarana pishAcAnAmiShTo haridrAdighRutam (45-47) · Śloka 47
| haridrādvayamañjiṣṭhāmiśisaindhavanāgaram||45|| hiṅgupriyaṅgutrikaṭurasōnatriphalā vacā| pāṭalīśvētakaṭabhīśirīṣakusumairghr̥tam||46|| gōmūtrapādikaṁ siddhaṁ pānābhyañjanayōrhitam| |47|
| हरिद्राद्वयमञ्जिष्ठामिशिसैन्धवनागरम्||४५|| हिङ्गुप्रियङ्गुत्रिकटुरसोनत्रिफला वचा| पाटलीश्वेतकटभीशिरीषकुसुमैर्घृतम्||४६|| गोमूत्रपादिकं सिद्धं पानाभ्यञ्जनयोर्हितम्| |४७|
🔊 Audio coming soon
Adhikarana pishAcAnAmiShTo haridrAdi nAvanA~jjanam (47) · Śloka 47
| bastāmbupiṣṭaistairēva yōjyamañjananāvanam||47||
| बस्ताम्बुपिष्टैस्तैरेव योज्यमञ्जननावनम्||४७||
🔊 Audio coming soon
Adhikarana devarShipitRugandharve varjyAvarjyam (48) · Śloka 48
dēvarṣipitr̥gandharvē tīkṣṇaṁ nasyādi varjayēt| sarpiṣpānādi mr̥dvasmin bhaiṣajyamavacārayēt||48||
देवर्षिपितृगन्धर्वे तीक्ष्णं नस्यादि वर्जयेत्| सर्पिष्पानादि मृद्वस्मिन् भैषज्यमवचारयेत्||४८||
🔊 Audio coming soon
Adhikarana pishAcAdRute sarveShvanukUlAcaraNam (49) · Śloka 49
r̥tē piśācātsarvēṣu pratikūlaṁ ca nācarēt| savaidyamāturaṁ ghnanti kruddhāstē hi mahaujasaḥ||49||
ऋते पिशाचात्सर्वेषु प्रतिकूलं च नाचरेत्| सवैद्यमातुरं घ्नन्ति क्रुद्धास्ते हि महौजसः||४९||
🔊 Audio coming soon
Adhikarana sarvagrahanASako ISvarAdi japaH (50-51) · Śloka 51
īśvaraṁ dvādaśabhujaṁ nāthamāryāvalōkitam| sarvavyādhicikitsāṁ ca japan sarvagrahān jayēt||50|| tathōnmādānapasmārānanyaṁ vā cittaviplavam| |51|
ईश्वरं द्वादशभुजं नाथमार्यावलोकितम्| सर्वव्याधिचिकित्सां च जपन् सर्वग्रहान् जयेत्||५०|| तथोन्मादानपस्मारानन्यं वा चित्तविप्लवम्| |५१|
🔊 Audio coming soon
Adhikarana sarvagrahanAshako mAyUrImahAvidyAshravaNam (51) · Śloka 51
| mahāvidyāṁ ca māyūrīṁ śuciṁ taṁ śrāvayētsadā||51||
| महाविद्यां च मायूरीं शुचिं तं श्रावयेत्सदा||५१||
🔊 Audio coming soon
Adhikarana sarvagrahanAshako bhUteshAdipUjanaM tanmantrajapashca (52) · Śloka 52
bhūtēśaṁ pūjayēt sthāṇuṁ pramathākhyāṁśca tadgaṇān| japan siddhāṁśca tanmantrān grahān sarvānapōhati||52||
भूतेशं पूजयेत् स्थाणुं प्रमथाख्यांश्च तद्गणान्| जपन् सिद्धांश्च तन्मन्त्रान् ग्रहान् सर्वानपोहति||५२||
🔊 Audio coming soon
Adhikarana sarvagrahanAshako vakShamANAdhyAyayorukta upakramaH (5) · Śloka 5
yaccānantarayōḥ kiñcidvakṣyatē'dhyāyayōrhitam| yaccōktamiha tatsarvaṁ prayuñjīta parasparam||53|| iti śrīvaidyapatisiṁhaguptasūnuśrīmadvāgbhaṭavira- citāyāmaṣṭāṅgahr̥dayasaṁhitāyāṁ ṣaṣṭhē uttara- sthānē bhūtapratiṣēdhō nāma pañcamō'dhyāyaḥ||5||
यच्चानन्तरयोः किञ्चिद्वक्ष्यतेऽध्याययोर्हितम्| यच्चोक्तमिह तत्सर्वं प्रयुञ्जीत परस्परम्||५३|| इति श्रीवैद्यपतिसिंहगुप्तसूनुश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने भूतप्रतिषेधो नाम पञ्चमोऽध्यायः||५||
🔊 Audio coming soon