Adhikarana timirapratiShedhAdhyAyaH||13|| (2-3) · Śloka 3
asmādanantaraṁ timiripratiṣēdha ucyatē athātastimirapratiṣēdhaṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē||2|| )||3||
अस्मादनन्तरं तिमिरिप्रतिषेध उच्यते अथातस्तिमिरप्रतिषेधं व्याख्यास्यामः| इति ह स्माहुरात्रेयादयो महर्षयः| (गद्यसूत्रे||२|| )||३||
🔊 Audio coming soon
Adhikarana timirasya shIghraM sAdhanam (1) · Śloka 1
timiraṁ kācatāṁ yāti kācō'pyāndhyamupēkṣayā| nētrarōgēṣvatō ghōraṁ timiraṁ sādhayēd drutam||1||
तिमिरं काचतां याति काचोऽप्यान्ध्यमुपेक्षया| नेत्ररोगेष्वतो घोरं तिमिरं साधयेद् द्रुतम्||१||
🔊 Audio coming soon
Adhikarana timiraharaM jIvantyAdighRutam (2-4) · Śloka 4
tulāṁ pacēt jīvantyā drōṇē'pāṁ pādaśēṣitē| tatkvāthē dviguṇakṣīraṁ ghr̥taprasthaṁ vipācayēt||2|| prapauṇḍarīkakākōlīpippalīrōdhrasaindhavaiḥ| śatahvāmadhukadrākṣāsirādāruphalatrayaiḥ||3|| karṣikairniśi tatpītaṁ timirāpaharaṁ param| |4|
तुलां पचेत् जीवन्त्या द्रोणेऽपां पादशेषिते| तत्क्वाथे द्विगुणक्षीरं घृतप्रस्थं विपाचयेत्||२|| प्रपौण्डरीककाकोलीपिप्पलीरोध्रसैन्धवैः| शतह्वामधुकद्राक्षासिरादारुफलत्रयैः||३|| कर्षिकैर्निशि तत्पीतं तिमिरापहरं परम्| |४|
🔊 Audio coming soon
Adhikarana kAcatimirAdiharaM drAkShAdighRutam (4-6) · Śloka 6
| drākṣācandanamañjiṣṭhākākōlīdvayajīvakaiḥ||4|| sitāśatāvarīmēdāpuṇḍrāhvamadhukōtpalaiḥ| pacējjīrṇaghr̥taprasthaṁ samakṣīraṁ picūnmitaiḥ||5|| hanti tatkācatimiraraktarājīśirōrujaḥ| |6|
| द्राक्षाचन्दनमञ्जिष्ठाकाकोलीद्वयजीवकैः||४|| सिताशतावरीमेदापुण्ड्राह्वमधुकोत्पलैः| पचेज्जीर्णघृतप्रस्थं समक्षीरं पिचून्मितैः||५|| हन्ति तत्काचतिमिररक्तराजीशिरोरुजः| |६|
🔊 Audio coming soon
Adhikarana shukratimirAdiharaM paTolAdighRutam (6-10) · Śloka 10
| paṭōlanimbakaṭukādārvīsēvyavarāvr̥ṣam||6|| sadhanvayāsatrāyantīparpaṭaṁ pālikaṁ pr̥thak| prasthamāmalakānaṁ ca kvāthayēnnalvaṇē'mbhasi||7|| tadāḍhakē'rdhapalikaiḥ piṣṭaiḥ prasthaṁ ghr̥tātpacēt| mustabhūnimbayaṣṭyāhvakuṭajōdīcyacandanaiḥ||8|| sapippalīkaistatsarpighrāṇakarṇāsyarōgajit| vidradhijvaraduṣṭārurvisarpāpacikuṣṭhanut||9|| viśēṣācchukratimiranaktāndhyōṣṇāmladāhahr̥t| |10|
| पटोलनिम्बकटुकादार्वीसेव्यवरावृषम्||६|| सधन्वयासत्रायन्तीपर्पटं पालिकं पृथक्| प्रस्थमामलकानं च क्वाथयेन्नल्वणेऽम्भसि||७|| तदाढकेऽर्धपलिकैः पिष्टैः प्रस्थं घृतात्पचेत्| मुस्तभूनिम्बयष्ट्याह्वकुटजोदीच्यचन्दनैः||८|| सपिप्पलीकैस्तत्सर्पिघ्राणकर्णास्यरोगजित्| विद्रधिज्वरदुष्टारुर्विसर्पापचिकुष्ठनुत्||९|| विशेषाच्छुक्रतिमिरनक्तान्ध्योष्णाम्लदाहहृत्| |१०|
🔊 Audio coming soon
Adhikarana timiraghnaM triphalAghRutam (10-12) · Śloka 12
| triphalāṣṭapalaṁ kvāthyaṁ pādaśēṣaṁ jalāḍhakē||10|| tēna tulyapayaskēna triphalāpalakalkavān| ardhaprasthō ghrutātsiddhaḥ sitayā mākṣikēṇa vā||11|| yuktaṁ pibēttattimirī tadyuktaṁ vā varārasam| |12|
| त्रिफलाष्टपलं क्वाथ्यं पादशेषं जलाढके||१०|| तेन तुल्यपयस्केन त्रिफलापलकल्कवान्| अर्धप्रस्थो घ्रुतात्सिद्धः सितया माक्षिकेण वा||११|| युक्तं पिबेत्तत्तिमिरी तद्युक्तं वा वरारसम्| |१२|
🔊 Audio coming soon
Adhikarana timiraghnaM mahAtraiphalaghRRutam (12-14) · Śloka 14
| yaṣṭīmadhudvikākōlīvyāghrīkr̥ṣṇāmr̥tōtpalaiḥ||12|| pālikaiḥ sasirādrākṣairghr̥taprasthaṁ pacētsamaiḥ| ajākṣīravarāvāsāmārkavasvarasaiḥ pr̥thak||13|| mahātraiphalamityētatparaṁ dr̥ṣṭivikārajit| |14|
| यष्टीमधुद्विकाकोलीव्याघ्रीकृष्णामृतोत्पलैः||१२|| पालिकैः ससिराद्राक्षैर्घृतप्रस्थं पचेत्समैः| अजाक्षीरवरावासामार्कवस्वरसैः पृथक्||१३|| महात्रैफलमित्येतत्परं दृष्टिविकारजित्| |१४|
🔊 Audio coming soon
Adhikarana timiraghnaM traiphalaghRutaleho gArutmatadRuShTikaraH (14-16) · Śloka 16
| traiphalēnātha haviṣā lihānastriphalāṁ niśi||14|| yaṣṭīmadhukasaṁyuktāṁ madhunā ca pariplutām| māsamēkaṁ hitāhāraḥ pibannāmalakōdakam||15|| sauparṇaṁ labhatē cakṣurityāha bhagavānnimiḥ| |16|
| त्रैफलेनाथ हविषा लिहानस्त्रिफलां निशि||१४|| यष्टीमधुकसंयुक्तां मधुना च परिप्लुताम्| मासमेकं हिताहारः पिबन्नामलकोदकम्||१५|| सौपर्णं लभते चक्षुरित्याह भगवान्निमिः| |१६|
🔊 Audio coming soon
Adhikarana timiraghnaM triphalAkvAthaH (16-17) · Śloka 17
| tāpyāyōhēmayaṣṭyāhvasitājīrṇājyamākṣikaiḥ||16|| saṁyōjitā yathākāmaṁ timiraghnī varā varā| |17|
| ताप्यायोहेमयष्ट्याह्वसिताजीर्णाज्यमाक्षिकैः||१६|| संयोजिता यथाकामं तिमिरघ्नी वरा वरा| |१७|
🔊 Audio coming soon
Adhikarana timiraghnaM apUpasUpasaktavaH (17-18) · Śloka 18
| saghr̥taṁ vā varākvāthaṁ śīlayēttimirāmayī||17|| apūpasūpasaktūn vā triphalācūrṇasaṁyutān| |18|
| सघृतं वा वराक्वाथं शीलयेत्तिमिरामयी||१७|| अपूपसूपसक्तून् वा त्रिफलाचूर्णसंयुतान्| |१८|
🔊 Audio coming soon
Adhikarana timiraghnaM pAyasAdibhakShaNam (18-19) · Śloka 19
| pāyasaṁ vā varāyuktaṁ śītaṁ samadhuśarkaram||18|| prātarbhaktasya vā pūrvamadyātpathyāṁ pr̥thak pr̥thak| mr̥dvīkāśarkarākṣaudraiḥ satataṁ timirāturaḥ||19||
| पायसं वा वरायुक्तं शीतं समधुशर्करम्||१८|| प्रातर्भक्तस्य वा पूर्वमद्यात्पथ्यां पृथक् पृथक्| मृद्वीकाशर्कराक्षौद्रैः सततं तिमिरातुरः||१९||
🔊 Audio coming soon
Adhikarana timiraghnaM cUrNA~jjanam (20-22) · Śloka 22
srōtōjāṁśāṁścatuḥṣaṣṭiṁ tāmrāyōrūpyakāñcanaiḥ| yuktān pratyēkamēkāṁśairandhamūṣōdarasthitān||20|| dhmāpayitvā samāvr̥ttaṁ tatastacca niṣēcayēt| rasaskandhakaṣāyēṣu saptakr̥tvaḥ pr̥thak pr̥thak||21|| vaiḍūryamuktāśaṅkhānāṁ tribhirbhāgairyutaṁ tataḥ| cūrṇāñjanaṁ prayuñjīta tatsarvatimirāpaham||22||
स्रोतोजांशांश्चतुःषष्टिं ताम्रायोरूप्यकाञ्चनैः| युक्तान् प्रत्येकमेकांशैरन्धमूषोदरस्थितान्||२०|| ध्मापयित्वा समावृत्तं ततस्तच्च निषेचयेत्| रसस्कन्धकषायेषु सप्तकृत्वः पृथक् पृथक्||२१|| वैडूर्यमुक्ताशङ्खानां त्रिभिर्भागैर्युतं ततः| चूर्णाञ्जनं प्रयुञ्जीत तत्सर्वतिमिरापहम्||२२||
🔊 Audio coming soon
Adhikarana timiraghnaM mAMsyAdya~jjanam (23-24) · Śloka 24
māṁsītrijātakāyaḥkuṅkumanīlōtpalābhayātutthaiḥ| sitakācaśaṅkhaphēnakamaricāñjanapippalīmadhukaiḥ||23|| candrē'śvanīsanāthē sucūrṇitairañjayēdyugulamakṣṇōḥ| timirārmaraktarājīkaṇḍūkācādiśamamicchan||24||
मांसीत्रिजातकायःकुङ्कुमनीलोत्पलाभयातुत्थैः| सितकाचशङ्ख़फेनकमरिचाञ्जनपिप्पलीमधुकैः||२३|| चन्द्रेऽश्वनीसनाथे सुचूर्णितैरञ्जयेद्युगुलमक्ष्णोः| तिमिरार्मरक्तराजीकण्डूकाचादिशममिच्छन्||२४||
🔊 Audio coming soon
Adhikarana timiraghnaM maricAdicUrNam timiraghnaM manohvAdya~jjanam (25-2) · Śloka 2
maricavaralavaṇabhāgau bhāgau dvau kaṇasamudraphēnābhyām| sauvīrabhāganavakaṁ citrāyāṁ cūrṇitaṁ kaphamayajit||25|| | manōhvātutthakastūrīmāṁsīmalayarōcanāḥ| daśakarpūrasaṁyuktamaśītiguṇamañjanam||1|| piṣṭaṁ citrāśvinīpuṣyē ṣaḍvidhē timirē hitam| prasādanaṁ ca dr̥ṣṭēḥ syāccakṣuṣēṇāvabhāṣitam]||2||
मरिचवरलवणभागौ भागौ द्वौ कणसमुद्रफेनाभ्याम्| सौवीरभागनवकं चित्रायां चूर्णितं कफमयजित्||२५|| | मनोह्वातुत्थकस्तूरीमांसीमलयरोचनाः| दशकर्पूरसंयुक्तमशीतिगुणमञ्जनम्||१|| पिष्टं चित्राश्विनीपुष्ये षड्विधे तिमिरे हितम्| प्रसादनं च दृष्टेः स्याच्चक्षुषेणावभाषितम्]||२||
🔊 Audio coming soon
Adhikarana timiraghnaM videhapatikRutama~jjanam (26-27) · Śloka 27
drākṣāmr̥ṇālīsvarasē kṣīramadyavasāsu ca| pr̥thak divyāpsu srōtōjaṁ saptakr̥tvō niṣēcayēt||26|| taccūrṇitaṁ sthitaṁ śaṅkhē dr̥kprasādanamañjanam| śastaṁ sarvākṣirōgēṣu vidēhapatinirmitam||27||
द्राक्षामृणालीस्वरसे क्षीरमद्यवसासु च| पृथक् दिव्याप्सु स्रोतोजं सप्तकृत्वो निषेचयेत्||२६|| तच्चूर्णितं स्थितं शङ्खे दृक्प्रसादनमञ्जनम्| शस्तं सर्वाक्षिरोगेषु विदेहपतिनिर्मितम्||२७||
🔊 Audio coming soon
Adhikarana timiraghnaM bhAskaracUrNam (28-31) · Śloka 31
nirdagdhaṁ bādarāṅgāraistutthaṁ cētthaṁ niṣēcitam| kramādajāpayaḥ sarpiḥkṣaudrē tasmāt paladvayam||28|| kārṣikaistāpyamaricasrōtōjakaṭukānataiḥ| paṭurōdhnaśilāpathyākaṇailāñjanaphēnakaiḥ||29|| yuktaṁ palēna yaṣṭyāśca mūṣāntardhmātacūrṇitam| hanti kācārmanaktāndhyaraktarājīḥ suśīlataḥ||30|| cūrṇō viśēṣāttimiraṁ bhāskarō bhāskarō yathā| |31|
निर्दग्धं बादराङ्गारैस्तुत्थं चेत्थं निषेचितम्| क्रमादजापयः सर्पिःक्षौद्रे तस्मात् पलद्वयम्||२८|| कार्षिकैस्ताप्यमरिचस्रोतोजकटुकानतैः| पटुरोध्नशिलापथ्याकणैलाञ्जनफेनकैः||२९|| युक्तं पलेन यष्ट्याश्च मूषान्तर्ध्मातचूर्णितम्| हन्ति काचार्मनक्तान्ध्यरक्तराजीः सुशीलतः||३०|| चूर्णो विशेषात्तिमिरं भास्करो भास्करो यथा| |३१|
🔊 Audio coming soon
Adhikarana bhAskarA~jjanam (31-33) · Śloka 33
| triṁśadbhāgā bhujaṅgasya gandhapāṣāṇapañcakam||31|| śulbatālakayōrdvau dvau vaṅgasyaikō'ñjanāttrayam| andhamūṣīkr̥taṁ dhmātaṁ pakvaṁ vimalamañjanam||32|| timirāntakaraṁ lōkē dvitīya iva bhāskaraḥ| |33|
| त्रिंशद्भागा भुजङ्गस्य गन्धपाषाणपञ्चकम्||३१|| शुल्बतालकयोर्द्वौ द्वौ वङ्गस्यैकोऽञ्जनात्त्रयम्| अन्धमूषीकृतं ध्मातं पक्वं विमलमञ्जनम्||३२|| तिमिरान्तकरं लोके द्वितीय इव भास्करः| |३३|
🔊 Audio coming soon
Adhikarana timiraghnaM tutthaM garuDasamacakShuHkaram (33) · Śloka 33
gōmūtrē chagaṇarasē'mlakāñjikē ca strīstanyē haviṣi viṣē ca mākṣikē ca| yattutthaṁ jvalitamanēkaśō niṣiktaṁ tatkuryādgaruḍasamaṁ narasya cakṣuḥ||33||
गोमूत्रे छगणरसेऽम्लकाञ्जिके च स्त्रीस्तन्ये हविषि विषे च माक्षिके च| यत्तुत्थं ज्वलितमनेकशो निषिक्तं तत्कुर्याद्गरुडसमं नरस्य चक्षुः||३३||
🔊 Audio coming soon
Adhikarana timiraghnaM sIsashalAkA (34-35) · Śloka 35
śrēṣṭhājalaṁ bhr̥ṅgarasaṁ saviṣājyamajāpayaḥ| yaṣṭīrasaṁ ca yatsīsaṁ saptakr̥tvaḥ pr̥thak pr̥thak||34|| taptaṁ taptaṁ pāyitaṁ tacchalākā nētrē yuktā sāñjanā'nañjanā vā| taimiryārmasrāpapaicchilyapaillaṁ kaṇḍūṁ jāḍyaṁ raktarājīṁ ca hanti||35||
श्रेष्ठाजलं भृङ्गरसं सविषाज्यमजापयः| यष्टीरसं च यत्सीसं सप्तकृत्वः पृथक् पृथक्||३४|| तप्तं तप्तं पायितं तच्छलाका नेत्रे युक्ता साञ्जनाऽनञ्जना वा| तैमिर्यार्मस्रापपैच्छिल्यपैल्लं कण्डूं जाड्यं रक्तराजीं च हन्ति||३५||
🔊 Audio coming soon
Adhikarana timiraghnaM rasendrAdya~jjanam (36) · Śloka 36
rasēndrabhujagau tulyau tayōstulyamathāñjanam| īṣātkarpūrasaṁyuktamañjanaṁ timirāpaham||36||
रसेन्द्रभुजगौ तुल्यौ तयोस्तुल्यमथाञ्जनम्| ईषात्कर्पूरसंयुक्तमञ्जनं तिमिरापहम्||३६||
🔊 Audio coming soon
Adhikarana timiraghnaM gRudhrA~jjanam (37) · Śloka 37
yō gr̥dhrastaruṇaraviprakāśagalla- stasyāsyaṁ samayamr̥tasya gōśakr̥dbhiḥ| nirdagdhaṁ samadhr̥tamañjanaṁ ca pēṣyaṁ yōgō'yaṁ nayanabalaṁ karōti gārdhram||37||
यो गृध्रस्तरुणरविप्रकाशगल्ल- स्तस्यास्यं समयमृतस्य गोशकृद्भिः| निर्दग्धं समधृतमञ्जनं च पेष्यं योगोऽयं नयनबलं करोति गार्ध्रम्||३७||
🔊 Audio coming soon
Adhikarana timiraghnaM kRuShNasarpAsyAdya~jjanam (38) · Śloka 38
kr̥ṣṇasarpavadanē sahaviṣkaṁ dagdhamañjananiḥsr̥tadhūmam| cūrṇitaṁ naladapatravimiśraṁ bhinnatāramapi rakṣati cakṣuḥ||38||
कृष्णसर्पवदने सहविष्कं दग्धमञ्जननिःसृतधूमम्| चूर्णितं नलदपत्रविमिश्रं भिन्नतारमपि रक्षति चक्षुः||३८||
🔊 Audio coming soon
Adhikarana timiraghnaM andhadRuShTipradaM kukkuTapurISham (39-40) · Śloka 40
kr̥ṣṇasarpaṁ mr̥taṁ nyasya caturaścāpi vr̥ścikān| kṣīrakumbhē trisaptāhaṁ klēdayitvā pramanthayēt||39|| tatra yannavanītaṁ syātpuṣṇīyāttēna kukkuṭam| andhastasya purīṣēṇa prēkṣatē dhruvamañjanāt||40||
कृष्णसर्पं मृतं न्यस्य चतुरश्चापि वृश्चिकान्| क्षीरकुम्भे त्रिसप्ताहं क्लेदयित्वा प्रमन्थयेत्||३९|| तत्र यन्नवनीतं स्यात्पुष्णीयात्तेन कुक्कुटम्| अन्धस्तस्य पुरीषेण प्रेक्षते ध्रुवमञ्जनात्||४०||
🔊 Audio coming soon
Adhikarana timiraghnaM andhadRuShTipradaM rasakriyA (41) · Śloka 41
kr̥ṣṇasarpavasā śaṅkhaḥ katakāt phalamañjanam| rasakriyēyamacirādandhānaṁ darśanapradā||41||
कृष्णसर्पवसा शङ्खः कतकात् फलमञ्जनम्| रसक्रियेयमचिरादन्धानं दर्शनप्रदा||४१||
🔊 Audio coming soon
Adhikarana timiraghnaM pratIsArAkhyama~jjanam (42) · Śloka 42
maricāni daśārdhapicu- stāpyāttutthātpalaṁ picuryaṣṭyāḥ| kṣīrārdradagdhamañjana- mapratisārākhyamuttamaṁ timirē||42||
मरिचानि दशार्धपिचु- स्ताप्यात्तुत्थात्पलं पिचुर्यष्ट्याः| क्षीरार्द्रदग्धमञ्जन- मप्रतिसाराख्यमुत्तमं तिमिरे||४२||
🔊 Audio coming soon
Adhikarana timiraghnaM akShabIjAdiguTikA (43) · Śloka 43
akṣabījamaricāmalakatvak- tutthayaṣṭimadhukairjalapiṣṭaiḥ| chāyayaiva guṭikāḥ pariśuṣkā nāśanyanti timirāṇyacirēṇa||43||
अक्षबीजमरिचामलकत्वक्- तुत्थयष्टिमधुकैर्जलपिष्टैः| छाययैव गुटिकाः परिशुष्का नाशन्यन्ति तिमिराण्यचिरेण||४३||
🔊 Audio coming soon
Adhikarana timiraghnaM ShaNmAkShiko yogaH (44) · Śloka 44
maricāmalakajalōdbhava- tutthāñjanatāpyadhātubhiḥ kramavr̥ddhaiḥ| ṣaṇmākṣika iti yōga- stimirārmaklēdakācakaṇḍūhantā||44||
मरिचामलकजलोद्भव- तुत्थाञ्जनताप्यधातुभिः क्रमवृद्धैः| षण्माक्षिक इति योग- स्तिमिरार्मक्लेदकाचकण्डूहन्ता||४४||
🔊 Audio coming soon
Adhikarana timiraghnaM cUrNA~jjanam (45) · Śloka 45
ratnāni rūpyaṁ sphaṭikaṁ suvarṇaṁ srōtōñjanaṁ tāmramayaḥ saśaṅkham| kucandanaṁ lōhitagairikaṁ ca cūrṇāñjanaṁ sarvadr̥gāmayaghnam||45||
रत्नानि रूप्यं स्फटिकं सुवर्णं स्रोतोञ्जनं ताम्रमयः सशङ्खम्| कुचन्दनं लोहितगैरिकं च चूर्णाञ्जनं सर्वदृगामयघ्नम्||४५||
🔊 Audio coming soon
Adhikarana timiraghnaM tilatailAdinasyam (46) · Śloka 46
tilatailamakṣatailaṁ bhr̥ṅgasvarasō'sanācca niryūhaḥ| āyasapātravipakvaṁ karōti dr̥ṣṭērbalaṁ nasyam||46||
तिलतैलमक्षतैलं भृङ्गस्वरसोऽसनाच्च निर्यूहः| आयसपात्रविपक्वं करोति दृष्टेर्बलं नस्यम्||४६||
🔊 Audio coming soon
Adhikarana doShAnurodhena snehAdyupacAraH (47) · Śloka 47
dōṣānurōdhēna ca naikaśastaṁ snēhāsravisravaṇarēkanasyaiḥ| upācarēdañjanamūrdhabasti- bastikriyātarpaṇalēpasēkaiḥ||47||
दोषानुरोधेन च नैकशस्तं स्नेहास्रविस्रवणरेकनस्यैः| उपाचरेदञ्जनमूर्धबस्ति- बस्तिक्रियातर्पणलेपसेकैः||४७||
🔊 Audio coming soon
Adhikarana ataHparaM pratidoShaM sAdhanam (48) · Śloka 48
| sāmānyaṁ sādhanamidam pratidōṣamataḥ śr̥ṇu||48||
| सामान्यं साधनमिदम् प्रतिदोषमतः शृणु||४८||
🔊 Audio coming soon
Adhikarana vAtaje timire dashamUlAdighRutam (49-50) · Śloka 50
kiṁ tat ? ityāha vātajē timirē tatra daśamūlāmbhasā ghr̥tam| kṣīrē caturguṇē śrēṣṭhākalkapakvaṁ pibēttataḥ||49|| triphalāpañcamūlānāṁ kaṣāyaṁ kṣīrasaṁyutam| ēraṇḍatailasaṁyuktaṁ yōjayēcca virēcanam||50||
किं तत् ? इत्याह वातजे तिमिरे तत्र दशमूलाम्भसा घृतम्| क्षीरे चतुर्गुणे श्रेष्ठाकल्कपक्वं पिबेत्ततः||४९|| त्रिफलापञ्चमूलानां कषायं क्षीरसंयुतम्| एरण्डतैलसंयुक्तं योजयेच्च विरेचनम्||५०||
🔊 Audio coming soon
Adhikarana vAtaje timire triphalAdivirecanam (51-54) · Śloka 54
samūlajālajīvantītulāṁ drōṇē'mbhasaḥ pacēt| aṣṭabhāgasthaitē tasmiṁstailaprasthaṁ payaḥsamē||51|| balātritayajīvantīvarīmūlaiḥ palōnmitaiḥ| yaṣṭīpalaiścaturbhiśca lōhapātrē vipācayēt||52|| lōha ēva sthitaṁ māsaṁ nāvanādūrdhvajatrujān| vātapittāyamayān hanti tadviśēṣāddr̥gāśrayān||53|| kēśāsyakandharāskandhapuṣṭilāvaṇyakāntidam| |54|
समूलजालजीवन्तीतुलां द्रोणेऽम्भसः पचेत्| अष्टभागस्थैते तस्मिंस्तैलप्रस्थं पयःसमे||५१|| बलात्रितयजीवन्तीवरीमूलैः पलोन्मितैः| यष्टीपलैश्चतुर्भिश्च लोहपात्रे विपाचयेत्||५२|| लोह एव स्थितं मासं नावनादूर्ध्वजत्रुजान्| वातपित्तायमयान् हन्ति तद्विशेषाद्दृगाश्रयान्||५३|| केशास्यकन्धरास्कन्धपुष्टिलावण्यकान्तिदम्| |५४|
🔊 Audio coming soon
Adhikarana vAtaje timire jIvantItailanasyaM keshAsyAdikAntidaM ca (54-55) · Śloka 55
| sitairaṇḍajaṭāsiṁhīphaladāruvacānataiḥ||54|| ghōṣayā bilvamūlaiśca tailaṁ pakvaṁ payōnvitam| nasyaṁ sarvōrdhvajatrūtthavātaślēṣmāmayārtijit||55||
| सितैरण्डजटासिंहीफलदारुवचानतैः||५४|| घोषया बिल्वमूलैश्च तैलं पक्वं पयोन्वितम्| नस्यं सर्वोर्ध्वजत्रूत्थवातश्लेष्मामयार्तिजित्||५५||
🔊 Audio coming soon
Adhikarana vAtaje timire sitairaNDAditailanasyam (56) · Śloka 56
vasā'ñjanē ca vaiyāghrī vārāhī vā praśasyatē| gr̥dhrāhikukkuṭōtthā vā madhukēnānvitā pr̥thak||56||
वसाऽञ्जने च वैयाघ्री वाराही वा प्रशस्यते| गृध्राहिकुक्कुटोत्था वा मधुकेनान्विता पृथक्||५६||
🔊 Audio coming soon
Adhikarana vAtaje timire vaiyAghryAdivasA~jjanam vAtaje timire sroto~jjanamM pratya~jjane (57) · Śloka 57
pratyañjanē ca srōtōjaṁ rasakṣīraghr̥tē kramāt| niṣiktaṁ pūrvavadyōjyaṁ timiraghnamanuttamam||57||
प्रत्यञ्जने च स्रोतोजं रसक्षीरघृते क्रमात्| निषिक्तं पूर्ववद्योज्यं तिमिरघ्नमनुत्तमम्||५७||
🔊 Audio coming soon
Adhikarana vAtaje timire evaM timirAshAntau tarpaNam (58) · Śloka 58
na cēdēvaṁ śamaṁ yāti tatastarpaṇamācarēt| |58|
न चेदेवं शमं याति ततस्तर्पणमाचरेत्| |५८|
🔊 Audio coming soon
Adhikarana vAtaje timire shatAhvAdighRutamM tarpaNam (58-59) · Śloka 59
| śatāhvākuṣṭhanaladakākōlīdvayaṣṭibhiḥ||58|| prapauṇḍarīkasaralapippalīdēvadārubhiḥ| sarpiraṣṭaguṇakṣīraṁ pakvaṁ tarpaṇamuttamam||59||
| शताह्वाकुष्ठनलदकाकोलीद्वयष्टिभिः||५८|| प्रपौण्डरीकसरलपिप्पलीदेवदारुभिः| सर्पिरष्टगुणक्षीरं पक्वं तर्पणमुत्तमम्||५९||
🔊 Audio coming soon
Adhikarana vAtaje timireaiNeyamedotejaH tarpaNam (60) · Śloka 60
mēdasastadvadaiṇēyāddugdhasiddhāt khajāhatāt| uddhr̥taṁ sādhitaṁ tējō madhukōśīracandanaiḥ||60||
मेदसस्तद्वदैणेयाद्दुग्धसिद्धात् खजाहतात्| उद्धृतं साधितं तेजो मधुकोशीरचन्दनैः||६०||
🔊 Audio coming soon
Adhikarana vAtaje timire shvAvidAdivasA tarpaNam (61) · Śloka 61
śvāvicchalyakagōdhānāṁ dakṣatittiribarhiṇām| pr̥thakpr̥thaganēnaiva vidhinā kalpayēdvasām||61||
श्वाविच्छल्यकगोधानां दक्षतित्तिरिबर्हिणाम्| पृथक्पृथगनेनैव विधिना कल्पयेद्वसाम्||६१||
🔊 Audio coming soon
Adhikarana vAtaje timire puTapAkaH (62) · Śloka 62
prasādanaṁ snēhanaṁ ca puṭapākaṁ prayōjayēt| |62|
प्रसादनं स्नेहनं च पुटपाकं प्रयोजयेत्| |६२|
🔊 Audio coming soon
Adhikarana vAtaje timire vAtapInasavannirUhAdi (62) · Śloka 62
| vātapīnasavaccātra nirūhaṁ sānuvāsanam||62||
| वातपीनसवच्चात्र निरूहं सानुवासनम्||६२||
🔊 Audio coming soon
Adhikarana pittaje timire jIvanIyAdighRutasnigdhasya sirAvyadhaH (63) · Śloka 63
pittajē timirē sarpirjīvanīyaphalatrayaiḥ| vipācitaṁ pāyayitvā snigdhasya vyadhayētsirām||63||
पित्तजे तिमिरे सर्पिर्जीवनीयफलत्रयैः| विपाचितं पाययित्वा स्निग्धस्य व्यधयेत्सिराम्||६३||
🔊 Audio coming soon
Adhikarana pittaje timire sharkarAdivirecanam (64) · Śloka 64
śarkarailātrivr̥ccūrṇairmadhuyuktairvirēcayēt| |64|
शर्करैलात्रिवृच्चूर्णैर्मधुयुक्तैर्विरेचयेत्| |६४|
🔊 Audio coming soon
Adhikarana pittaje timire netrAdiShu sishItAH sekalepAdayaH (64) · Śloka 64
| suśītān sēkalēpādīn yuñjyānnētrāsyamūrdhasu||64||
| सुशीतान् सेकलेपादीन् युञ्ज्यान्नेत्रास्यमूर्धसु||६४||
🔊 Audio coming soon
Adhikarana pittaje timire sArivAdivartiH a~jjane (65-66) · Śloka 66
sārivāpadmakōśīramuktāśābaracandanaiḥ| vartiḥ śastā'ñjanē, cūrṇastathā patrōtpalāñjanaiḥ||65|| sanāgapuṣpakarpūrayaṣṭyāhvasvarṇagairikaiḥ| ||66||
सारिवापद्मकोशीरमुक्ताशाबरचन्दनैः| वर्तिः शस्ताऽञ्जने, चूर्णस्तथा पत्रोत्पलाञ्जनैः||६५|| सनागपुष्पकर्पूरयष्ट्याह्वस्वर्णगैरिकैः| ||६६||
🔊 Audio coming soon
Adhikarana pittaje timire patrAdicUrNaH a~jjane (67) · Śloka 67
| sauvīrāñjanatutthakaśr̥ṅgīdhātrīphalasphaṭikakarpūtam| pañcāṁśaṁ pañcāṁśaṁ tryaṁśamathaikāṁśamañjanaṁ timiraghnam| |67|
| सौवीराञ्जनतुत्थकशृङ्गीधात्रीफलस्फटिककर्पूतम्| पञ्चांशं पञ्चांशं त्र्यंशमथैकांशमञ्जनं तिमिरघ्नम्| |६७|
🔊 Audio coming soon
Adhikarana pittaje timire sauvIrA~jjanAdi a~jjane (67) · Śloka 67
| nasyaṁ cājyaṁ śr̥taṁ kṣīrajīvanīyasitōtpalaiḥ||67||
| नस्यं चाज्यं शृतं क्षीरजीवनीयसितोत्पलैः||६७||
🔊 Audio coming soon
Adhikarana pittaje timire jIvanIyAdighRutanasyam (68-69) · Śloka 69
ślēṣmōdbhavē'mr̥tākvāthavarākaṇaśr̥taṁ ghr̥tam| vidhyētsirāṁ pītavatō dadyāccānu virēcanam||68|| kvāthaṁ pūgābhayāśuṇṭhīkr̥ṣṇākumbhanikumbhajam| |69|
श्लेष्मोद्भवेऽमृताक्वाथवराकणशृतं घृतम्| विध्येत्सिरां पीतवतो दद्याच्चानु विरेचनम्||६८|| क्वाथं पूगाभयाशुण्ठीकृष्णाकुम्भनिकुम्भजम्| |६९|
🔊 Audio coming soon
Adhikarana kaphaje timire amRutAdighRutam (69-70) · Śloka 70
| hnībēradārudviniśākr̥ṣṇākalkaiḥ payōnvitaiḥ||69|| dvipañcamūlaniryūhē tailaṁ pakvaṁ ca nāvanam| |70|
| ह्नीबेरदारुद्विनिशाकृष्णाकल्कैः पयोन्वितैः||६९|| द्विपञ्चमूलनिर्यूहे तैलं पक्वं च नावनम्| |७०|
🔊 Audio coming soon
Adhikarana kaphaje timire pUgAdivirecanam (70-71) · Śloka 71
| śaṅkhapriyaṅgunēpālīkaṭutrikaphalatrikaiḥ||70|| dr̥gvaimalyāya vimalā vartiḥ syāt| |71|
| शङ्खप्रियङ्गुनेपालीकटुत्रिकफलत्रिकैः||७०|| दृग्वैमल्याय विमला वर्तिः स्यात्| |७१|
🔊 Audio coming soon
Adhikarana kaphaje timire hrIberAditailanasyam (71) · Śloka 71
kōkilā punaḥ| kr̥ṣṇalōharajōvyōṣasaindhavatriphalāñjanaiḥ||71||
कोकिला पुनः| कृष्णलोहरजोव्योषसैन्धवत्रिफलाञ्जनैः||७१||
🔊 Audio coming soon
Adhikarana kaphaje timire vimalA vartiH (72-73) · Śloka 73
śaśagōkharasiṁhōṣṭradvijā lālāṭamasthi ca| śvētagōvālamaricaśaṅkhacandanaphēnakam||72|| piṣṭaṁ stanyājadugdhābhyāṁ vartistimiśukrajit| |73|
शशगोखरसिंहोष्ट्रद्विजा लालाटमस्थि च| श्वेतगोवालमरिचशङ्खचन्दनफेनकम्||७२|| पिष्टं स्तन्याजदुग्धाभ्यां वर्तिस्तिमिशुक्रजित्| |७३|
🔊 Audio coming soon
Adhikarana kaphaje timire kokilA vartiH (73) · Śloka 73
| raktajē pittavatsiddhiḥ śītaiścāsraṁ prasādayēt||73||
| रक्तजे पित्तवत्सिद्धिः शीतैश्चास्रं प्रसादयेत्||७३||
🔊 Audio coming soon
Adhikarana kaphaje timire shashadvijAdivartiH (74) · Śloka 74
drākṣayā naladarōdhrayaṣṭibhiḥ śaṅkhatāmrahimapadmapadmakaiḥ| sōtpalaiśchagaladugdhavartitai- rasrajaṁ timiramāśu naśyati||74||
द्राक्षया नलदरोध्रयष्टिभिः शङ्खताम्रहिमपद्मपद्मकैः| सोत्पलैश्छगलदुग्धवर्तितै- रस्रजं तिमिरमाशु नश्यति||७४||
🔊 Audio coming soon
Adhikarana raktaje timire pittavat (75) · Śloka 75
saṁsargasannipātōtthē yathādōṣōdayaṁ kriyā| |75|
संसर्गसन्निपातोत्थे यथादोषोदयं क्रिया| |७५|
🔊 Audio coming soon
Adhikarana raktaje timire shItaiH raktaprasAdanam (75-76) · Śloka 76
| siddhaṁ madhūkakr̥mijinmaricāmaradārubhiḥ||75|| sakṣīraṁ nāvanaṁ tailaṁ piṣṭairlēpō mukhasya ca| |76|
| सिद्धं मधूककृमिजिन्मरिचामरदारुभिः||७५|| सक्षीरं नावनं तैलं पिष्टैर्लेपो मुखस्य च| |७६|
🔊 Audio coming soon
Adhikarana raktaje timire drAkShAdibheShajam (76-77) · Śloka 77
| natanīlōtpalānantāyaṣṭyāhvasuniṣaṇṇakaiḥ||76|| sādhitaṁ nāvanē tailaṁ śirōbastau ca śasyatē| |77|
| नतनीलोत्पलानन्तायष्ट्याह्वसुनिषण्णकैः||७६|| साधितं नावने तैलं शिरोबस्तौ च शस्यते| |७७|
🔊 Audio coming soon
Adhikarana saMsargasannipAtaje yathAdoSham (77-78) · Śloka 78
| dadyāduśīraniryūhē cūrṇitaṁ kaṇasaindhavam||77|| tatsrutaṁ saghr̥taṁ bhūyaḥ pacētkṣaudraṁ ghanē kṣipēt| śītē cāsmin hitamidaṁ sarvajē timirē'ñjanam||78||
| दद्यादुशीरनिर्यूहे चूर्णितं कणसैन्धवम्||७७|| तत्स्रुतं सघृतं भूयः पचेत्क्षौद्रं घने क्षिपेत्| शीते चास्मिन् हितमिदं सर्वजे तिमिरेऽञ्जनम्||७८||
🔊 Audio coming soon
Adhikarana saMsargasannipAtaje madhUkAditailaM nasyam (79-81) · Śloka 81
asthīni majjapūrṇāni sattvānāṁ rātricāriṇām| srōtōjāñjanayuktāni vahatyambhasi vāsayēt||79|| māsaṁ viṁśatirātraṁ vā tataścōddhr̥tya śōṣayēt| samēṣaśr̥ṅgīpuṣpāṇi sayaṣṭyāhvāni tānyanu||80|| cūrṇitānyañjanaṁ śrēṣṭhaṁ timirē sānnipātikē| |81|
अस्थीनि मज्जपूर्णानि सत्त्वानां रात्रिचारिणाम्| स्रोतोजाञ्जनयुक्तानि वहत्यम्भसि वासयेत्||७९|| मासं विंशतिरात्रं वा ततश्चोद्धृत्य शोषयेत्| समेषशृङ्गीपुष्पाणि सयष्ट्याह्वानि तान्यनु||८०|| चूर्णितान्यञ्जनं श्रेष्ठं तिमिरे सान्निपातिके| |८१|
🔊 Audio coming soon
Adhikarana saMsargasannipAtaje madhUkAdirmukhalepaH (81-82) · Śloka 82
| kācē'pyēṣā kriyā muktvā sirāṁ, yantranipīḍitāḥ||81|| āndhyāya syurmalā dadyātsrāvyē tvasrē jalaukasaḥ| |82|
| काचेऽप्येषा क्रिया मुक्त्वा सिरां, यन्त्रनिपीडिताः||८१|| आन्ध्याय स्युर्मला दद्यात्स्राव्ये त्वस्रे जलौकसः| |८२|
🔊 Audio coming soon
Adhikarana saMsargasannipAtaje natAditailaM nasye shiro bastau ca (82-83) · Śloka 83
| guḍaḥ phēnō'ñjanaṁ kr̥ṣṇā maricaṁ kuṅkumādrajaḥ||82|| rasakriyēyaṁ sakṣaudrā kācayāpanamañjanam| |83|
| गुडः फेनोऽञ्जनं कृष्णा मरिचं कुङ्कुमाद्रजः||८२|| रसक्रियेयं सक्षौद्रा काचयापनमञ्जनम्| |८३|
🔊 Audio coming soon
Adhikarana nakulAndhe timiravidhiH (83) · Śloka 83
| nakulandhē tridōṣōtthē taimiryavihitō vidhiḥ||83||
| नकुलन्धे त्रिदोषोत्थे तैमिर्यविहितो विधिः||८३||
🔊 Audio coming soon
Adhikarana rAtryandhe tArkShyAdirasakriyA (84) · Śloka 84
rasakriyā ghr̥takṣaudragōmayasvarasadrutaiḥ| tārkṣyagairikatālīsairniśāndhē hitamañjanam||84||
रसक्रिया घृतक्षौद्रगोमयस्वरसद्रुतैः| तार्क्ष्यगैरिकतालीसैर्निशान्धे हितमञ्जनम्||८४||
🔊 Audio coming soon
Adhikarana rAtryandhe maricA~jjanam (85) · Śloka 85
daghnā vighr̥ṣṭaṁ maricaṁ rātryandhē'ñjanamuttamam| |85|
दघ्ना विघृष्टं मरिचं रात्र्यन्धेऽञ्जनमुत्तमम्| |८५|
🔊 Audio coming soon
Adhikarana rAtryandhe kauntyAdivartiH (85-86) · Śloka 86
| karañjikōtpalasvarṇagairikāmbhōjakēsaraiḥ||85|| piṣṭairgōmayatōyēna vartidōṣāndhanāśinī| |86|
| करञ्जिकोत्पलस्वर्णगैरिकाम्भोजकेसरैः||८५|| पिष्टैर्गोमयतोयेन वर्तिदोषान्धनाशिनी| |८६|
🔊 Audio coming soon
Adhikarana rAtryandhe kAlAnusAryAdayo vartayaH (86-87) · Śloka 87
| ajāmūtrēṇa vā kauntīkr̥ṣṇāsrōtōjasaindhavaiḥ||86|| kālānusārītrikātutriphalālamanaḥśilāḥ| saphēnāśchāgadugdhēna rātryandhē vartayō hitāḥ||87||
| अजामूत्रेण वा कौन्तीकृष्णास्रोतोजसैन्धवैः||८६|| कालानुसारीत्रिकातुत्रिफलालमनःशिलाः| सफेनाश्छागदुग्धेन रात्र्यन्धे वर्तयो हिताः||८७||
🔊 Audio coming soon
Adhikarana rAtryandhe pippalya~jjanam (88) · Śloka 88
sannivēśya yakr̥nmadhyē pippalīradahanpacēt| tāḥ śuṣkā madhunā ghr̥ṣṭā niśāndhē śrēṣṭhamañjanam||88||
सन्निवेश्य यकृन्मध्ये पिप्पलीरदहन्पचेत्| ताः शुष्का मधुना घृष्टा निशान्धे श्रेष्ठमञ्जनम्||८८||
🔊 Audio coming soon
Adhikarana rAtryandhe mAhiShaplIhayakRudbhakShaNam (89) · Śloka 89
khādēcca plīhayakr̥tī māhiṣē tailasarpiṣā| |89|
खादेच्च प्लीहयकृती माहिषे तैलसर्पिषा| |८९|
🔊 Audio coming soon
Adhikarana rAtryandhe jIvantyAdipallavabhakShaNam (89-90) · Śloka 90
| ghr̥tē siddhāni jīvantyāḥ pallavāni ca bhakṣayēt||89|| tathā'timuktakairaṇḍāśōphālyabhīrujāni ca| bhr̥ṣṭaṁ ghr̥taṁ kumbhayōnēḥ patraiḥ pānē ca pūjitam||90||
| घृते सिद्धानि जीवन्त्याः पल्लवानि च भक्षयेत्||८९|| तथाऽतिमुक्तकैरण्डाशोफाल्यभीरुजानि च| भृष्टं घृतं कुम्भयोनेः पत्रैः पाने च पूजितम्||९०||
🔊 Audio coming soon
Adhikarana dhUmarAmlapittoShNavidagdhAsu jIrNasarpirvirecanam shItalepashca (91) · Śloka 91
dhūmarākhyāmlapittōṣṇavidāhē jīrṇasarpiṣā| snigdhaṁ vērēcayēcchītaiḥ śītōrdihyācca sarvataḥ||91||
धूमराख्याम्लपित्तोष्णविदाहे जीर्णसर्पिषा| स्निग्धं वेरेचयेच्छीतैः शीतोर्दिह्याच्च सर्वतः||९१||
🔊 Audio coming soon
Adhikarana dhUmarAmlapittoShNavidagdhAsu goshakRudrasA~jjanam dhUmarAmlapittoShNavidagdhAsu svarNagairikAdirasakriyA (92) · Śloka 92
gōśakr̥drasadugdhājyairvipakvaṁ śasyatē'ñjanam| svarṇagairikatālīsacūrṇāvāpā rasakriyā||92||
गोशकृद्रसदुग्धाज्यैर्विपक्वं शस्यतेऽञ्जनम्| स्वर्णगैरिकतालीसचूर्णावापा रसक्रिया||९२||
🔊 Audio coming soon
Adhikarana dhUmarAmlapittoShNavidagdhAsu medAdighRutatailaM nasyam (93) · Śloka 93
mēdāśābarakānantāmañjiṣṭhādārviyaṣṭibhiḥ| kṣīrāṣṭāṁśaṁ ghr̥taṁ pakvaṁ satailaṁ nāvanaṁ hitam||93||
मेदाशाबरकानन्तामञ्जिष्ठादार्वियष्टिभिः| क्षीराष्टांशं घृतं पक्वं सतैलं नावनं हितम्||९३||
🔊 Audio coming soon
Adhikarana dhUmarAmlapittoShNavidagdhAsu kShIrasarpistarpaNam (94) · Śloka 94
tarpaṇaṁ kṣīrasarpiḥ syādaśāmyati sirāvyadhaḥ| |94|
तर्पणं क्षीरसर्पिः स्यादशाम्यति सिराव्यधः| |९४|
🔊 Audio coming soon
Adhikarana dhUmarAmlapittoShNavidagdhAsu evamashAntau sirAvyadhaH timirarogivadavalokane kAraNAni (94-96) · Śloka 96
| cintābhighātabhīśōkaraukṣyāt sōtkaṭakāsanāt||94|| virēkanasyavamanapuṭapākādivibhramāt| vidagdhāhāravamanāt kṣuttr̥ṣṇādividhāraṇāt||95|| akṣirōgāvasānācca paśyēttimirarōgivat| |96|
| चिन्ताभिघातभीशोकरौक्ष्यात् सोत्कटकासनात्||९४|| विरेकनस्यवमनपुटपाकादिविभ्रमात्| विदग्धाहारवमनात् क्षुत्तृष्णादिविधारणात्||९५|| अक्षिरोगावसानाच्च पश्येत्तिमिररोगिवत्| |९६|
🔊 Audio coming soon
Adhikarana timirarogivadavalokane yathAdoShamauShadham (96) · Śloka 96
| yathāsvaṁ tatra yuñjīta dōṣādīn vīkṣya bhēṣajam||96||
| यथास्वं तत्र युञ्जीत दोषादीन् वीक्ष्य भेषजम्||९६||
🔊 Audio coming soon
Adhikarana sUryo parAgAdyupahatekShaNe santarpaNam sUryo parAgAdyupahatekShaNe suvarNA~jjanam (97) · Śloka 97
sūryōparāgānalavidyudādi- vilōkanēnōpahatēkṣaṇasya| santarpaṇaṁ snigdhahimādi kāryaṁ tathāñjanaṁ hēma ghr̥tēna ghr̥ṣṭam||97||
सूर्योपरागानलविद्युदादि- विलोकनेनोपहतेक्षणस्य| सन्तर्पणं स्निग्धहिमादि कार्यं तथाञ्जनं हेम घृतेन घृष्टम्||९७||
🔊 Audio coming soon
Adhikarana netrarakShaNaM sarvadA kartavyam (98) · Śloka 98
cakṣūrakṣāyāṁ sarvakālaṁ manuṣyai- ryatnaḥ kartavyō jīvitē yāvadicchā| vyarthō lōkō'yaṁ tulyarātriṁdivānāṁ puṁsāmandhānāṁ vidyamānē'pi vittē||98||
चक्षूरक्षायां सर्वकालं मनुष्यै- र्यत्नः कर्तव्यो जीविते यावदिच्छा| व्यर्थो लोकोऽयं तुल्यरात्रिंदिवानां पुंसामन्धानां विद्यमानेऽपि वित्ते||९८||
🔊 Audio coming soon
Adhikarana netrarakShaNakaraM triphalAdi (99) · Śloka 99
triphalā rudhirasrutirviśuddhi- rmanasō nirvr̥tirañjanaṁ sanasyam| śakunāśanatā sapādapūjā ghr̥tapānaṁ ca sadaiva nētrarakṣā||99||
त्रिफला रुधिरस्रुतिर्विशुद्धि- र्मनसो निर्वृतिरञ्जनं सनस्यम्| शकुनाशनता सपादपूजा घृतपानं च सदैव नेत्ररक्षा||९९||
🔊 Audio coming soon
Adhikarana netrarakShaNakaraM ahitAshananivRuttyAdi (13) · Śloka 13
ahitādaśanātsadā nivr̥tti- rbhr̥śabhāsvaccalasūkṣmavīkṣaṇācca| muninā niminōpadaṣṭamētat paramaṁ rakṣaṇamīkṣaṇasya puṁsām||100|| iti śrīvaidyapatisiṁhaguptasūnuśrīmadvāgbhaṭaviraci- tāyāmaṣṭāṅgahr̥dayasaṁhitāyāṁ ṣaṣṭhē uttara sthānē timirapratiṣēdhō nāma trayōdaśō'dhyāyaḥ||13||
अहितादशनात्सदा निवृत्ति- र्भृशभास्वच्चलसूक्ष्मवीक्षणाच्च| मुनिना निमिनोपदष्टमेतत् परमं रक्षणमीक्षणस्य पुंसाम्||१००|| इति श्रीवैद्यपतिसिंहगुप्तसूनुश्रीमद्वाग्भटविरचि- तायामष्टाङ्गहृदयसंहितायां षष्ठे उत्तर स्थाने तिमिरप्रतिषेधो नाम त्रयोदशोऽध्यायः||१३||
🔊 Audio coming soon