13. timirapratiśēdhādhyāyaḥ

Adhikarana timirapratiShedhAdhyAyaH||13|| (2-3) · Śloka 3

ಅಸ್ಮಾದನನ್ತರಂ ತಿಮಿರಿಪ್ರತಿಷೇಧ ಉಚ್ಯತೇ ಅಥಾತಸ್ತಿಮಿರಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| )||೩||

Adhikarana timirasya shIghraM sAdhanam (1) · Śloka 1

ತಿಮಿರಂ ಕಾಚತಾಂ ಯಾತಿ ಕಾಚೋಽಪ್ಯಾನ್ಧ್ಯಮುಪೇಕ್ಷಯಾ| ನೇತ್ರರೋಗೇಷ್ವತೋ ಘೋರಂ ತಿಮಿರಂ ಸಾಧಯೇದ್ ದ್ರುತಮ್||೧||

Adhikarana timiraharaM jIvantyAdighRutam (2-4) · Śloka 4

ತುಲಾಂ ಪಚೇತ್ ಜೀವನ್ತ್ಯಾ ದ್ರೋಣೇಽಪಾಂ ಪಾದಶೇಷಿತೇ| ತತ್ಕ್ವಾಥೇ ದ್ವಿಗುಣಕ್ಷೀರಂ ಘೃತಪ್ರಸ್ಥಂ ವಿಪಾಚಯೇತ್||೨|| ಪ್ರಪೌಣ್ಡರೀಕಕಾಕೋಲೀಪಿಪ್ಪಲೀರೋಧ್ರಸೈನ್ಧವೈಃ| ಶತಹ್ವಾಮಧುಕದ್ರಾಕ್ಷಾಸಿರಾದಾರುಫಲತ್ರಯೈಃ||೩|| ಕರ್ಷಿಕೈರ್ನಿಶಿ ತತ್ಪೀತಂ ತಿಮಿರಾಪಹರಂ ಪರಮ್| |೪|

Adhikarana kAcatimirAdiharaM drAkShAdighRutam (4-6) · Śloka 6

| ದ್ರಾಕ್ಷಾಚನ್ದನಮಞ್ಜಿಷ್ಠಾಕಾಕೋಲೀದ್ವಯಜೀವಕೈಃ||೪|| ಸಿತಾಶತಾವರೀಮೇದಾಪುಣ್ಡ್ರಾಹ್ವಮಧುಕೋತ್ಪಲೈಃ| ಪಚೇಜ್ಜೀರ್ಣಘೃತಪ್ರಸ್ಥಂ ಸಮಕ್ಷೀರಂ ಪಿಚೂನ್ಮಿತೈಃ||೫|| ಹನ್ತಿ ತತ್ಕಾಚತಿಮಿರರಕ್ತರಾಜೀಶಿರೋರುಜಃ| |೬|

Adhikarana shukratimirAdiharaM paTolAdighRutam (6-10) · Śloka 10

| ಪಟೋಲನಿಮ್ಬಕಟುಕಾದಾರ್ವೀಸೇವ್ಯವರಾವೃಷಮ್||೬|| ಸಧನ್ವಯಾಸತ್ರಾಯನ್ತೀಪರ್ಪಟಂ ಪಾಲಿಕಂ ಪೃಥಕ್| ಪ್ರಸ್ಥಮಾಮಲಕಾನಂ ಚ ಕ್ವಾಥಯೇನ್ನಲ್ವಣೇಽಮ್ಭಸಿ||೭|| ತದಾಢಕೇಽರ್ಧಪಲಿಕೈಃ ಪಿಷ್ಟೈಃ ಪ್ರಸ್ಥಂ ಘೃತಾತ್ಪಚೇತ್| ಮುಸ್ತಭೂನಿಮ್ಬಯಷ್ಟ್ಯಾಹ್ವಕುಟಜೋದೀಚ್ಯಚನ್ದನೈಃ||೮|| ಸಪಿಪ್ಪಲೀಕೈಸ್ತತ್ಸರ್ಪಿಘ್ರಾಣಕರ್ಣಾಸ್ಯರೋಗಜಿತ್| ವಿದ್ರಧಿಜ್ವರದುಷ್ಟಾರುರ್ವಿಸರ್ಪಾಪಚಿಕುಷ್ಠನುತ್||೯|| ವಿಶೇಷಾಚ್ಛುಕ್ರತಿಮಿರನಕ್ತಾನ್ಧ್ಯೋಷ್ಣಾಮ್ಲದಾಹಹೃತ್| |೧೦|

Adhikarana timiraghnaM triphalAghRutam (10-12) · Śloka 12

| ತ್ರಿಫಲಾಷ್ಟಪಲಂ ಕ್ವಾಥ್ಯಂ ಪಾದಶೇಷಂ ಜಲಾಢಕೇ||೧೦|| ತೇನ ತುಲ್ಯಪಯಸ್ಕೇನ ತ್ರಿಫಲಾಪಲಕಲ್ಕವಾನ್| ಅರ್ಧಪ್ರಸ್ಥೋ ಘ್ರುತಾತ್ಸಿದ್ಧಃ ಸಿತಯಾ ಮಾಕ್ಷಿಕೇಣ ವಾ||೧೧|| ಯುಕ್ತಂ ಪಿಬೇತ್ತತ್ತಿಮಿರೀ ತದ್ಯುಕ್ತಂ ವಾ ವರಾರಸಮ್| |೧೨|

Adhikarana timiraghnaM mahAtraiphalaghRRutam (12-14) · Śloka 14

| ಯಷ್ಟೀಮಧುದ್ವಿಕಾಕೋಲೀವ್ಯಾಘ್ರೀಕೃಷ್ಣಾಮೃತೋತ್ಪಲೈಃ||೧೨|| ಪಾಲಿಕೈಃ ಸಸಿರಾದ್ರಾಕ್ಷೈರ್ಘೃತಪ್ರಸ್ಥಂ ಪಚೇತ್ಸಮೈಃ| ಅಜಾಕ್ಷೀರವರಾವಾಸಾಮಾರ್ಕವಸ್ವರಸೈಃ ಪೃಥಕ್||೧೩|| ಮಹಾತ್ರೈಫಲಮಿತ್ಯೇತತ್ಪರಂ ದೃಷ್ಟಿವಿಕಾರಜಿತ್| |೧೪|

Adhikarana timiraghnaM traiphalaghRutaleho gArutmatadRuShTikaraH (14-16) · Śloka 16

| ತ್ರೈಫಲೇನಾಥ ಹವಿಷಾ ಲಿಹಾನಸ್ತ್ರಿಫಲಾಂ ನಿಶಿ||೧೪|| ಯಷ್ಟೀಮಧುಕಸಂಯುಕ್ತಾಂ ಮಧುನಾ ಚ ಪರಿಪ್ಲುತಾಮ್| ಮಾಸಮೇಕಂ ಹಿತಾಹಾರಃ ಪಿಬನ್ನಾಮಲಕೋದಕಮ್||೧೫|| ಸೌಪರ್ಣಂ ಲಭತೇ ಚಕ್ಷುರಿತ್ಯಾಹ ಭಗವಾನ್ನಿಮಿಃ| |೧೬|

Adhikarana timiraghnaM triphalAkvAthaH (16-17) · Śloka 17

| ತಾಪ್ಯಾಯೋಹೇಮಯಷ್ಟ್ಯಾಹ್ವಸಿತಾಜೀರ್ಣಾಜ್ಯಮಾಕ್ಷಿಕೈಃ||೧೬|| ಸಂಯೋಜಿತಾ ಯಥಾಕಾಮಂ ತಿಮಿರಘ್ನೀ ವರಾ ವರಾ| |೧೭|

Adhikarana timiraghnaM apUpasUpasaktavaH (17-18) · Śloka 18

| ಸಘೃತಂ ವಾ ವರಾಕ್ವಾಥಂ ಶೀಲಯೇತ್ತಿಮಿರಾಮಯೀ||೧೭|| ಅಪೂಪಸೂಪಸಕ್ತೂನ್ ವಾ ತ್ರಿಫಲಾಚೂರ್ಣಸಂಯುತಾನ್| |೧೮|

Adhikarana timiraghnaM pAyasAdibhakShaNam (18-19) · Śloka 19

| ಪಾಯಸಂ ವಾ ವರಾಯುಕ್ತಂ ಶೀತಂ ಸಮಧುಶರ್ಕರಮ್||೧೮|| ಪ್ರಾತರ್ಭಕ್ತಸ್ಯ ವಾ ಪೂರ್ವಮದ್ಯಾತ್ಪಥ್ಯಾಂ ಪೃಥಕ್ ಪೃಥಕ್| ಮೃದ್ವೀಕಾಶರ್ಕರಾಕ್ಷೌದ್ರೈಃ ಸತತಂ ತಿಮಿರಾತುರಃ||೧೯||

Adhikarana timiraghnaM cUrNA~jjanam (20-22) · Śloka 22

ಸ್ರೋತೋಜಾಂಶಾಂಶ್ಚತುಃಷಷ್ಟಿಂ ತಾಮ್ರಾಯೋರೂಪ್ಯಕಾಞ್ಚನೈಃ| ಯುಕ್ತಾನ್ ಪ್ರತ್ಯೇಕಮೇಕಾಂಶೈರನ್ಧಮೂಷೋದರಸ್ಥಿತಾನ್||೨೦|| ಧ್ಮಾಪಯಿತ್ವಾ ಸಮಾವೃತ್ತಂ ತತಸ್ತಚ್ಚ ನಿಷೇಚಯೇತ್| ರಸಸ್ಕನ್ಧಕಷಾಯೇಷು ಸಪ್ತಕೃತ್ವಃ ಪೃಥಕ್ ಪೃಥಕ್||೨೧|| ವೈಡೂರ್ಯಮುಕ್ತಾಶಙ್ಖಾನಾಂ ತ್ರಿಭಿರ್ಭಾಗೈರ್ಯುತಂ ತತಃ| ಚೂರ್ಣಾಞ್ಜನಂ ಪ್ರಯುಞ್ಜೀತ ತತ್ಸರ್ವತಿಮಿರಾಪಹಮ್||೨೨||

Adhikarana timiraghnaM mAMsyAdya~jjanam (23-24) · Śloka 24

ಮಾಂಸೀತ್ರಿಜಾತಕಾಯಃಕುಙ್ಕುಮನೀಲೋತ್ಪಲಾಭಯಾತುತ್ಥೈಃ| ಸಿತಕಾಚಶಙ್ಖಫೇನಕಮರಿಚಾಞ್ಜನಪಿಪ್ಪಲೀಮಧುಕೈಃ||೨೩|| ಚನ್ದ್ರೇಽಶ್ವನೀಸನಾಥೇ ಸುಚೂರ್ಣಿತೈರಞ್ಜಯೇದ್ಯುಗುಲಮಕ್ಷ್ಣೋಃ| ತಿಮಿರಾರ್ಮರಕ್ತರಾಜೀಕಣ್ಡೂಕಾಚಾದಿಶಮಮಿಚ್ಛನ್||೨೪||

Adhikarana timiraghnaM maricAdicUrNam timiraghnaM manohvAdya~jjanam (25-2) · Śloka 2

ಮರಿಚವರಲವಣಭಾಗೌ ಭಾಗೌ ದ್ವೌ ಕಣಸಮುದ್ರಫೇನಾಭ್ಯಾಮ್| ಸೌವೀರಭಾಗನವಕಂ ಚಿತ್ರಾಯಾಂ ಚೂರ್ಣಿತಂ ಕಫಮಯಜಿತ್||೨೫|| | ಮನೋಹ್ವಾತುತ್ಥಕಸ್ತೂರೀಮಾಂಸೀಮಲಯರೋಚನಾಃ| ದಶಕರ್ಪೂರಸಂಯುಕ್ತಮಶೀತಿಗುಣಮಞ್ಜನಮ್||೧|| ಪಿಷ್ಟಂ ಚಿತ್ರಾಶ್ವಿನೀಪುಷ್ಯೇ ಷಡ್ವಿಧೇ ತಿಮಿರೇ ಹಿತಮ್| ಪ್ರಸಾದನಂ ಚ ದೃಷ್ಟೇಃ ಸ್ಯಾಚ್ಚಕ್ಷುಷೇಣಾವಭಾಷಿತಮ್]||೨||

Adhikarana timiraghnaM videhapatikRutama~jjanam (26-27) · Śloka 27

ದ್ರಾಕ್ಷಾಮೃಣಾಲೀಸ್ವರಸೇ ಕ್ಷೀರಮದ್ಯವಸಾಸು ಚ| ಪೃಥಕ್ ದಿವ್ಯಾಪ್ಸು ಸ್ರೋತೋಜಂ ಸಪ್ತಕೃತ್ವೋ ನಿಷೇಚಯೇತ್||೨೬|| ತಚ್ಚೂರ್ಣಿತಂ ಸ್ಥಿತಂ ಶಙ್ಖೇ ದೃಕ್ಪ್ರಸಾದನಮಞ್ಜನಮ್| ಶಸ್ತಂ ಸರ್ವಾಕ್ಷಿರೋಗೇಷು ವಿದೇಹಪತಿನಿರ್ಮಿತಮ್||೨೭||

Adhikarana timiraghnaM bhAskaracUrNam (28-31) · Śloka 31

ನಿರ್ದಗ್ಧಂ ಬಾದರಾಙ್ಗಾರೈಸ್ತುತ್ಥಂ ಚೇತ್ಥಂ ನಿಷೇಚಿತಮ್| ಕ್ರಮಾದಜಾಪಯಃ ಸರ್ಪಿಃಕ್ಷೌದ್ರೇ ತಸ್ಮಾತ್ ಪಲದ್ವಯಮ್||೨೮|| ಕಾರ್ಷಿಕೈಸ್ತಾಪ್ಯಮರಿಚಸ್ರೋತೋಜಕಟುಕಾನತೈಃ| ಪಟುರೋಧ್ನಶಿಲಾಪಥ್ಯಾಕಣೈಲಾಞ್ಜನಫೇನಕೈಃ||೨೯|| ಯುಕ್ತಂ ಪಲೇನ ಯಷ್ಟ್ಯಾಶ್ಚ ಮೂಷಾನ್ತರ್ಧ್ಮಾತಚೂರ್ಣಿತಮ್| ಹನ್ತಿ ಕಾಚಾರ್ಮನಕ್ತಾನ್ಧ್ಯರಕ್ತರಾಜೀಃ ಸುಶೀಲತಃ||೩೦|| ಚೂರ್ಣೋ ವಿಶೇಷಾತ್ತಿಮಿರಂ ಭಾಸ್ಕರೋ ಭಾಸ್ಕರೋ ಯಥಾ| |೩೧|

Adhikarana bhAskarA~jjanam (31-33) · Śloka 33

| ತ್ರಿಂಶದ್ಭಾಗಾ ಭುಜಙ್ಗಸ್ಯ ಗನ್ಧಪಾಷಾಣಪಞ್ಚಕಮ್||೩೧|| ಶುಲ್ಬತಾಲಕಯೋರ್ದ್ವೌ ದ್ವೌ ವಙ್ಗಸ್ಯೈಕೋಽಞ್ಜನಾತ್ತ್ರಯಮ್| ಅನ್ಧಮೂಷೀಕೃತಂ ಧ್ಮಾತಂ ಪಕ್ವಂ ವಿಮಲಮಞ್ಜನಮ್||೩೨|| ತಿಮಿರಾನ್ತಕರಂ ಲೋಕೇ ದ್ವಿತೀಯ ಇವ ಭಾಸ್ಕರಃ| |೩೩|

Adhikarana timiraghnaM tutthaM garuDasamacakShuHkaram (33) · Śloka 33

ಗೋಮೂತ್ರೇ ಛಗಣರಸೇಽಮ್ಲಕಾಞ್ಜಿಕೇ ಚ ಸ್ತ್ರೀಸ್ತನ್ಯೇ ಹವಿಷಿ ವಿಷೇ ಚ ಮಾಕ್ಷಿಕೇ ಚ| ಯತ್ತುತ್ಥಂ ಜ್ವಲಿತಮನೇಕಶೋ ನಿಷಿಕ್ತಂ ತತ್ಕುರ್ಯಾದ್ಗರುಡಸಮಂ ನರಸ್ಯ ಚಕ್ಷುಃ||೩೩||

Adhikarana timiraghnaM sIsashalAkA (34-35) · Śloka 35

ಶ್ರೇಷ್ಠಾಜಲಂ ಭೃಙ್ಗರಸಂ ಸವಿಷಾಜ್ಯಮಜಾಪಯಃ| ಯಷ್ಟೀರಸಂ ಚ ಯತ್ಸೀಸಂ ಸಪ್ತಕೃತ್ವಃ ಪೃಥಕ್ ಪೃಥಕ್||೩೪|| ತಪ್ತಂ ತಪ್ತಂ ಪಾಯಿತಂ ತಚ್ಛಲಾಕಾ ನೇತ್ರೇ ಯುಕ್ತಾ ಸಾಞ್ಜನಾಽನಞ್ಜನಾ ವಾ| ತೈಮಿರ್ಯಾರ್ಮಸ್ರಾಪಪೈಚ್ಛಿಲ್ಯಪೈಲ್ಲಂ ಕಣ್ಡೂಂ ಜಾಡ್ಯಂ ರಕ್ತರಾಜೀಂ ಚ ಹನ್ತಿ||೩೫||

Adhikarana timiraghnaM rasendrAdya~jjanam (36) · Śloka 36

ರಸೇನ್ದ್ರಭುಜಗೌ ತುಲ್ಯೌ ತಯೋಸ್ತುಲ್ಯಮಥಾಞ್ಜನಮ್| ಈಷಾತ್ಕರ್ಪೂರಸಂಯುಕ್ತಮಞ್ಜನಂ ತಿಮಿರಾಪಹಮ್||೩೬||

Adhikarana timiraghnaM gRudhrA~jjanam (37) · Śloka 37

ಯೋ ಗೃಧ್ರಸ್ತರುಣರವಿಪ್ರಕಾಶಗಲ್ಲ- ಸ್ತಸ್ಯಾಸ್ಯಂ ಸಮಯಮೃತಸ್ಯ ಗೋಶಕೃದ್ಭಿಃ| ನಿರ್ದಗ್ಧಂ ಸಮಧೃತಮಞ್ಜನಂ ಚ ಪೇಷ್ಯಂ ಯೋಗೋಽಯಂ ನಯನಬಲಂ ಕರೋತಿ ಗಾರ್ಧ್ರಮ್||೩೭||

Adhikarana timiraghnaM kRuShNasarpAsyAdya~jjanam (38) · Śloka 38

ಕೃಷ್ಣಸರ್ಪವದನೇ ಸಹವಿಷ್ಕಂ ದಗ್ಧಮಞ್ಜನನಿಃಸೃತಧೂಮಮ್| ಚೂರ್ಣಿತಂ ನಲದಪತ್ರವಿಮಿಶ್ರಂ ಭಿನ್ನತಾರಮಪಿ ರಕ್ಷತಿ ಚಕ್ಷುಃ||೩೮||

Adhikarana timiraghnaM andhadRuShTipradaM kukkuTapurISham (39-40) · Śloka 40

ಕೃಷ್ಣಸರ್ಪಂ ಮೃತಂ ನ್ಯಸ್ಯ ಚತುರಶ್ಚಾಪಿ ವೃಶ್ಚಿಕಾನ್| ಕ್ಷೀರಕುಮ್ಭೇ ತ್ರಿಸಪ್ತಾಹಂ ಕ್ಲೇದಯಿತ್ವಾ ಪ್ರಮನ್ಥಯೇತ್||೩೯|| ತತ್ರ ಯನ್ನವನೀತಂ ಸ್ಯಾತ್ಪುಷ್ಣೀಯಾತ್ತೇನ ಕುಕ್ಕುಟಮ್| ಅನ್ಧಸ್ತಸ್ಯ ಪುರೀಷೇಣ ಪ್ರೇಕ್ಷತೇ ಧ್ರುವಮಞ್ಜನಾತ್||೪೦||

Adhikarana timiraghnaM andhadRuShTipradaM rasakriyA (41) · Śloka 41

ಕೃಷ್ಣಸರ್ಪವಸಾ ಶಙ್ಖಃ ಕತಕಾತ್ ಫಲಮಞ್ಜನಮ್| ರಸಕ್ರಿಯೇಯಮಚಿರಾದನ್ಧಾನಂ ದರ್ಶನಪ್ರದಾ||೪೧||

Adhikarana timiraghnaM pratIsArAkhyama~jjanam (42) · Śloka 42

ಮರಿಚಾನಿ ದಶಾರ್ಧಪಿಚು- ಸ್ತಾಪ್ಯಾತ್ತುತ್ಥಾತ್ಪಲಂ ಪಿಚುರ್ಯಷ್ಟ್ಯಾಃ| ಕ್ಷೀರಾರ್ದ್ರದಗ್ಧಮಞ್ಜನ- ಮಪ್ರತಿಸಾರಾಖ್ಯಮುತ್ತಮಂ ತಿಮಿರೇ||೪೨||

Adhikarana timiraghnaM akShabIjAdiguTikA (43) · Śloka 43

ಅಕ್ಷಬೀಜಮರಿಚಾಮಲಕತ್ವಕ್- ತುತ್ಥಯಷ್ಟಿಮಧುಕೈರ್ಜಲಪಿಷ್ಟೈಃ| ಛಾಯಯೈವ ಗುಟಿಕಾಃ ಪರಿಶುಷ್ಕಾ ನಾಶನ್ಯನ್ತಿ ತಿಮಿರಾಣ್ಯಚಿರೇಣ||೪೩||

Adhikarana timiraghnaM ShaNmAkShiko yogaH (44) · Śloka 44

ಮರಿಚಾಮಲಕಜಲೋದ್ಭವ- ತುತ್ಥಾಞ್ಜನತಾಪ್ಯಧಾತುಭಿಃ ಕ್ರಮವೃದ್ಧೈಃ| ಷಣ್ಮಾಕ್ಷಿಕ ಇತಿ ಯೋಗ- ಸ್ತಿಮಿರಾರ್ಮಕ್ಲೇದಕಾಚಕಣ್ಡೂಹನ್ತಾ||೪೪||

Adhikarana timiraghnaM cUrNA~jjanam (45) · Śloka 45

ರತ್ನಾನಿ ರೂಪ್ಯಂ ಸ್ಫಟಿಕಂ ಸುವರ್ಣಂ ಸ್ರೋತೋಞ್ಜನಂ ತಾಮ್ರಮಯಃ ಸಶಙ್ಖಮ್| ಕುಚನ್ದನಂ ಲೋಹಿತಗೈರಿಕಂ ಚ ಚೂರ್ಣಾಞ್ಜನಂ ಸರ್ವದೃಗಾಮಯಘ್ನಮ್||೪೫||

Adhikarana timiraghnaM tilatailAdinasyam (46) · Śloka 46

ತಿಲತೈಲಮಕ್ಷತೈಲಂ ಭೃಙ್ಗಸ್ವರಸೋಽಸನಾಚ್ಚ ನಿರ್ಯೂಹಃ| ಆಯಸಪಾತ್ರವಿಪಕ್ವಂ ಕರೋತಿ ದೃಷ್ಟೇರ್ಬಲಂ ನಸ್ಯಮ್||೪೬||

Adhikarana doShAnurodhena snehAdyupacAraH (47) · Śloka 47

ದೋಷಾನುರೋಧೇನ ಚ ನೈಕಶಸ್ತಂ ಸ್ನೇಹಾಸ್ರವಿಸ್ರವಣರೇಕನಸ್ಯೈಃ| ಉಪಾಚರೇದಞ್ಜನಮೂರ್ಧಬಸ್ತಿ- ಬಸ್ತಿಕ್ರಿಯಾತರ್ಪಣಲೇಪಸೇಕೈಃ||೪೭||

Adhikarana ataHparaM pratidoShaM sAdhanam (48) · Śloka 48

| ಸಾಮಾನ್ಯಂ ಸಾಧನಮಿದಮ್ ಪ್ರತಿದೋಷಮತಃ ಶೃಣು||೪೮||

Adhikarana vAtaje timire dashamUlAdighRutam (49-50) · Śloka 50

ಕಿಂ ತತ್ ? ಇತ್ಯಾಹ ವಾತಜೇ ತಿಮಿರೇ ತತ್ರ ದಶಮೂಲಾಮ್ಭಸಾ ಘೃತಮ್| ಕ್ಷೀರೇ ಚತುರ್ಗುಣೇ ಶ್ರೇಷ್ಠಾಕಲ್ಕಪಕ್ವಂ ಪಿಬೇತ್ತತಃ||೪೯|| ತ್ರಿಫಲಾಪಞ್ಚಮೂಲಾನಾಂ ಕಷಾಯಂ ಕ್ಷೀರಸಂಯುತಮ್| ಏರಣ್ಡತೈಲಸಂಯುಕ್ತಂ ಯೋಜಯೇಚ್ಚ ವಿರೇಚನಮ್||೫೦||

Adhikarana vAtaje timire triphalAdivirecanam (51-54) · Śloka 54

ಸಮೂಲಜಾಲಜೀವನ್ತೀತುಲಾಂ ದ್ರೋಣೇಽಮ್ಭಸಃ ಪಚೇತ್| ಅಷ್ಟಭಾಗಸ್ಥೈತೇ ತಸ್ಮಿಂಸ್ತೈಲಪ್ರಸ್ಥಂ ಪಯಃಸಮೇ||೫೧|| ಬಲಾತ್ರಿತಯಜೀವನ್ತೀವರೀಮೂಲೈಃ ಪಲೋನ್ಮಿತೈಃ| ಯಷ್ಟೀಪಲೈಶ್ಚತುರ್ಭಿಶ್ಚ ಲೋಹಪಾತ್ರೇ ವಿಪಾಚಯೇತ್||೫೨|| ಲೋಹ ಏವ ಸ್ಥಿತಂ ಮಾಸಂ ನಾವನಾದೂರ್ಧ್ವಜತ್ರುಜಾನ್| ವಾತಪಿತ್ತಾಯಮಯಾನ್ ಹನ್ತಿ ತದ್ವಿಶೇಷಾದ್ದೃಗಾಶ್ರಯಾನ್||೫೩|| ಕೇಶಾಸ್ಯಕನ್ಧರಾಸ್ಕನ್ಧಪುಷ್ಟಿಲಾವಣ್ಯಕಾನ್ತಿದಮ್| |೫೪|

Adhikarana vAtaje timire jIvantItailanasyaM keshAsyAdikAntidaM ca (54-55) · Śloka 55

| ಸಿತೈರಣ್ಡಜಟಾಸಿಂಹೀಫಲದಾರುವಚಾನತೈಃ||೫೪|| ಘೋಷಯಾ ಬಿಲ್ವಮೂಲೈಶ್ಚ ತೈಲಂ ಪಕ್ವಂ ಪಯೋನ್ವಿತಮ್| ನಸ್ಯಂ ಸರ್ವೋರ್ಧ್ವಜತ್ರೂತ್ಥವಾತಶ್ಲೇಷ್ಮಾಮಯಾರ್ತಿಜಿತ್||೫೫||

Adhikarana vAtaje timire sitairaNDAditailanasyam (56) · Śloka 56

ವಸಾಽಞ್ಜನೇ ಚ ವೈಯಾಘ್ರೀ ವಾರಾಹೀ ವಾ ಪ್ರಶಸ್ಯತೇ| ಗೃಧ್ರಾಹಿಕುಕ್ಕುಟೋತ್ಥಾ ವಾ ಮಧುಕೇನಾನ್ವಿತಾ ಪೃಥಕ್||೫೬||

Adhikarana vAtaje timire vaiyAghryAdivasA~jjanam vAtaje timire sroto~jjanamM pratya~jjane (57) · Śloka 57

ಪ್ರತ್ಯಞ್ಜನೇ ಚ ಸ್ರೋತೋಜಂ ರಸಕ್ಷೀರಘೃತೇ ಕ್ರಮಾತ್| ನಿಷಿಕ್ತಂ ಪೂರ್ವವದ್ಯೋಜ್ಯಂ ತಿಮಿರಘ್ನಮನುತ್ತಮಮ್||೫೭||

Adhikarana vAtaje timire evaM timirAshAntau tarpaNam (58) · Śloka 58

ನ ಚೇದೇವಂ ಶಮಂ ಯಾತಿ ತತಸ್ತರ್ಪಣಮಾಚರೇತ್| |೫೮|

Adhikarana vAtaje timire shatAhvAdighRutamM tarpaNam (58-59) · Śloka 59

| ಶತಾಹ್ವಾಕುಷ್ಠನಲದಕಾಕೋಲೀದ್ವಯಷ್ಟಿಭಿಃ||೫೮|| ಪ್ರಪೌಣ್ಡರೀಕಸರಲಪಿಪ್ಪಲೀದೇವದಾರುಭಿಃ| ಸರ್ಪಿರಷ್ಟಗುಣಕ್ಷೀರಂ ಪಕ್ವಂ ತರ್ಪಣಮುತ್ತಮಮ್||೫೯||

Adhikarana vAtaje timireaiNeyamedotejaH tarpaNam (60) · Śloka 60

ಮೇದಸಸ್ತದ್ವದೈಣೇಯಾದ್ದುಗ್ಧಸಿದ್ಧಾತ್ ಖಜಾಹತಾತ್| ಉದ್ಧೃತಂ ಸಾಧಿತಂ ತೇಜೋ ಮಧುಕೋಶೀರಚನ್ದನೈಃ||೬೦||

Adhikarana vAtaje timire shvAvidAdivasA tarpaNam (61) · Śloka 61

ಶ್ವಾವಿಚ್ಛಲ್ಯಕಗೋಧಾನಾಂ ದಕ್ಷತಿತ್ತಿರಿಬರ್ಹಿಣಾಮ್| ಪೃಥಕ್ಪೃಥಗನೇನೈವ ವಿಧಿನಾ ಕಲ್ಪಯೇದ್ವಸಾಮ್||೬೧||

Adhikarana vAtaje timire puTapAkaH (62) · Śloka 62

ಪ್ರಸಾದನಂ ಸ್ನೇಹನಂ ಚ ಪುಟಪಾಕಂ ಪ್ರಯೋಜಯೇತ್| |೬೨|

Adhikarana vAtaje timire vAtapInasavannirUhAdi (62) · Śloka 62

| ವಾತಪೀನಸವಚ್ಚಾತ್ರ ನಿರೂಹಂ ಸಾನುವಾಸನಮ್||೬೨||

Adhikarana pittaje timire jIvanIyAdighRutasnigdhasya sirAvyadhaH (63) · Śloka 63

ಪಿತ್ತಜೇ ತಿಮಿರೇ ಸರ್ಪಿರ್ಜೀವನೀಯಫಲತ್ರಯೈಃ| ವಿಪಾಚಿತಂ ಪಾಯಯಿತ್ವಾ ಸ್ನಿಗ್ಧಸ್ಯ ವ್ಯಧಯೇತ್ಸಿರಾಮ್||೬೩||

Adhikarana pittaje timire sharkarAdivirecanam (64) · Śloka 64

ಶರ್ಕರೈಲಾತ್ರಿವೃಚ್ಚೂರ್ಣೈರ್ಮಧುಯುಕ್ತೈರ್ವಿರೇಚಯೇತ್| |೬೪|

Adhikarana pittaje timire netrAdiShu sishItAH sekalepAdayaH (64) · Śloka 64

| ಸುಶೀತಾನ್ ಸೇಕಲೇಪಾದೀನ್ ಯುಞ್ಜ್ಯಾನ್ನೇತ್ರಾಸ್ಯಮೂರ್ಧಸು||೬೪||

Adhikarana pittaje timire sArivAdivartiH a~jjane (65-66) · Śloka 66

ಸಾರಿವಾಪದ್ಮಕೋಶೀರಮುಕ್ತಾಶಾಬರಚನ್ದನೈಃ| ವರ್ತಿಃ ಶಸ್ತಾಽಞ್ಜನೇ, ಚೂರ್ಣಸ್ತಥಾ ಪತ್ರೋತ್ಪಲಾಞ್ಜನೈಃ||೬೫|| ಸನಾಗಪುಷ್ಪಕರ್ಪೂರಯಷ್ಟ್ಯಾಹ್ವಸ್ವರ್ಣಗೈರಿಕೈಃ| ||೬೬||

Adhikarana pittaje timire patrAdicUrNaH a~jjane (67) · Śloka 67

| ಸೌವೀರಾಞ್ಜನತುತ್ಥಕಶೃಙ್ಗೀಧಾತ್ರೀಫಲಸ್ಫಟಿಕಕರ್ಪೂತಮ್| ಪಞ್ಚಾಂಶಂ ಪಞ್ಚಾಂಶಂ ತ್ರ್ಯಂಶಮಥೈಕಾಂಶಮಞ್ಜನಂ ತಿಮಿರಘ್ನಮ್| |೬೭|

Adhikarana pittaje timire sauvIrA~jjanAdi a~jjane (67) · Śloka 67

| ನಸ್ಯಂ ಚಾಜ್ಯಂ ಶೃತಂ ಕ್ಷೀರಜೀವನೀಯಸಿತೋತ್ಪಲೈಃ||೬೭||

Adhikarana pittaje timire jIvanIyAdighRutanasyam (68-69) · Śloka 69

ಶ್ಲೇಷ್ಮೋದ್ಭವೇಽಮೃತಾಕ್ವಾಥವರಾಕಣಶೃತಂ ಘೃತಮ್| ವಿಧ್ಯೇತ್ಸಿರಾಂ ಪೀತವತೋ ದದ್ಯಾಚ್ಚಾನು ವಿರೇಚನಮ್||೬೮|| ಕ್ವಾಥಂ ಪೂಗಾಭಯಾಶುಣ್ಠೀಕೃಷ್ಣಾಕುಮ್ಭನಿಕುಮ್ಭಜಮ್| |೬೯|

Adhikarana kaphaje timire amRutAdighRutam (69-70) · Śloka 70

| ಹ್ನೀಬೇರದಾರುದ್ವಿನಿಶಾಕೃಷ್ಣಾಕಲ್ಕೈಃ ಪಯೋನ್ವಿತೈಃ||೬೯|| ದ್ವಿಪಞ್ಚಮೂಲನಿರ್ಯೂಹೇ ತೈಲಂ ಪಕ್ವಂ ಚ ನಾವನಮ್| |೭೦|

Adhikarana kaphaje timire pUgAdivirecanam (70-71) · Śloka 71

| ಶಙ್ಖಪ್ರಿಯಙ್ಗುನೇಪಾಲೀಕಟುತ್ರಿಕಫಲತ್ರಿಕೈಃ||೭೦|| ದೃಗ್ವೈಮಲ್ಯಾಯ ವಿಮಲಾ ವರ್ತಿಃ ಸ್ಯಾತ್| |೭೧|

Adhikarana kaphaje timire hrIberAditailanasyam (71) · Śloka 71

ಕೋಕಿಲಾ ಪುನಃ| ಕೃಷ್ಣಲೋಹರಜೋವ್ಯೋಷಸೈನ್ಧವತ್ರಿಫಲಾಞ್ಜನೈಃ||೭೧||

Adhikarana kaphaje timire vimalA vartiH (72-73) · Śloka 73

ಶಶಗೋಖರಸಿಂಹೋಷ್ಟ್ರದ್ವಿಜಾ ಲಾಲಾಟಮಸ್ಥಿ ಚ| ಶ್ವೇತಗೋವಾಲಮರಿಚಶಙ್ಖಚನ್ದನಫೇನಕಮ್||೭೨|| ಪಿಷ್ಟಂ ಸ್ತನ್ಯಾಜದುಗ್ಧಾಭ್ಯಾಂ ವರ್ತಿಸ್ತಿಮಿಶುಕ್ರಜಿತ್| |೭೩|

Adhikarana kaphaje timire kokilA vartiH (73) · Śloka 73

| ರಕ್ತಜೇ ಪಿತ್ತವತ್ಸಿದ್ಧಿಃ ಶೀತೈಶ್ಚಾಸ್ರಂ ಪ್ರಸಾದಯೇತ್||೭೩||

Adhikarana kaphaje timire shashadvijAdivartiH (74) · Śloka 74

ದ್ರಾಕ್ಷಯಾ ನಲದರೋಧ್ರಯಷ್ಟಿಭಿಃ ಶಙ್ಖತಾಮ್ರಹಿಮಪದ್ಮಪದ್ಮಕೈಃ| ಸೋತ್ಪಲೈಶ್ಛಗಲದುಗ್ಧವರ್ತಿತೈ- ರಸ್ರಜಂ ತಿಮಿರಮಾಶು ನಶ್ಯತಿ||೭೪||

Adhikarana raktaje timire pittavat (75) · Śloka 75

ಸಂಸರ್ಗಸನ್ನಿಪಾತೋತ್ಥೇ ಯಥಾದೋಷೋದಯಂ ಕ್ರಿಯಾ| |೭೫|

Adhikarana raktaje timire shItaiH raktaprasAdanam (75-76) · Śloka 76

| ಸಿದ್ಧಂ ಮಧೂಕಕೃಮಿಜಿನ್ಮರಿಚಾಮರದಾರುಭಿಃ||೭೫|| ಸಕ್ಷೀರಂ ನಾವನಂ ತೈಲಂ ಪಿಷ್ಟೈರ್ಲೇಪೋ ಮುಖಸ್ಯ ಚ| |೭೬|

Adhikarana raktaje timire drAkShAdibheShajam (76-77) · Śloka 77

| ನತನೀಲೋತ್ಪಲಾನನ್ತಾಯಷ್ಟ್ಯಾಹ್ವಸುನಿಷಣ್ಣಕೈಃ||೭೬|| ಸಾಧಿತಂ ನಾವನೇ ತೈಲಂ ಶಿರೋಬಸ್ತೌ ಚ ಶಸ್ಯತೇ| |೭೭|

Adhikarana saMsargasannipAtaje yathAdoSham (77-78) · Śloka 78

| ದದ್ಯಾದುಶೀರನಿರ್ಯೂಹೇ ಚೂರ್ಣಿತಂ ಕಣಸೈನ್ಧವಮ್||೭೭|| ತತ್ಸ್ರುತಂ ಸಘೃತಂ ಭೂಯಃ ಪಚೇತ್ಕ್ಷೌದ್ರಂ ಘನೇ ಕ್ಷಿಪೇತ್| ಶೀತೇ ಚಾಸ್ಮಿನ್ ಹಿತಮಿದಂ ಸರ್ವಜೇ ತಿಮಿರೇಽಞ್ಜನಮ್||೭೮||

Adhikarana saMsargasannipAtaje madhUkAditailaM nasyam (79-81) · Śloka 81

ಅಸ್ಥೀನಿ ಮಜ್ಜಪೂರ್ಣಾನಿ ಸತ್ತ್ವಾನಾಂ ರಾತ್ರಿಚಾರಿಣಾಮ್| ಸ್ರೋತೋಜಾಞ್ಜನಯುಕ್ತಾನಿ ವಹತ್ಯಮ್ಭಸಿ ವಾಸಯೇತ್||೭೯|| ಮಾಸಂ ವಿಂಶತಿರಾತ್ರಂ ವಾ ತತಶ್ಚೋದ್ಧೃತ್ಯ ಶೋಷಯೇತ್| ಸಮೇಷಶೃಙ್ಗೀಪುಷ್ಪಾಣಿ ಸಯಷ್ಟ್ಯಾಹ್ವಾನಿ ತಾನ್ಯನು||೮೦|| ಚೂರ್ಣಿತಾನ್ಯಞ್ಜನಂ ಶ್ರೇಷ್ಠಂ ತಿಮಿರೇ ಸಾನ್ನಿಪಾತಿಕೇ| |೮೧|

Adhikarana saMsargasannipAtaje madhUkAdirmukhalepaH (81-82) · Śloka 82

| ಕಾಚೇಽಪ್ಯೇಷಾ ಕ್ರಿಯಾ ಮುಕ್ತ್ವಾ ಸಿರಾಂ, ಯನ್ತ್ರನಿಪೀಡಿತಾಃ||೮೧|| ಆನ್ಧ್ಯಾಯ ಸ್ಯುರ್ಮಲಾ ದದ್ಯಾತ್ಸ್ರಾವ್ಯೇ ತ್ವಸ್ರೇ ಜಲೌಕಸಃ| |೮೨|

Adhikarana saMsargasannipAtaje natAditailaM nasye shiro bastau ca (82-83) · Śloka 83

| ಗುಡಃ ಫೇನೋಽಞ್ಜನಂ ಕೃಷ್ಣಾ ಮರಿಚಂ ಕುಙ್ಕುಮಾದ್ರಜಃ||೮೨|| ರಸಕ್ರಿಯೇಯಂ ಸಕ್ಷೌದ್ರಾ ಕಾಚಯಾಪನಮಞ್ಜನಮ್| |೮೩|

Adhikarana nakulAndhe timiravidhiH (83) · Śloka 83

| ನಕುಲನ್ಧೇ ತ್ರಿದೋಷೋತ್ಥೇ ತೈಮಿರ್ಯವಿಹಿತೋ ವಿಧಿಃ||೮೩||

Adhikarana rAtryandhe tArkShyAdirasakriyA (84) · Śloka 84

ರಸಕ್ರಿಯಾ ಘೃತಕ್ಷೌದ್ರಗೋಮಯಸ್ವರಸದ್ರುತೈಃ| ತಾರ್ಕ್ಷ್ಯಗೈರಿಕತಾಲೀಸೈರ್ನಿಶಾನ್ಧೇ ಹಿತಮಞ್ಜನಮ್||೮೪||

Adhikarana rAtryandhe maricA~jjanam (85) · Śloka 85

ದಘ್ನಾ ವಿಘೃಷ್ಟಂ ಮರಿಚಂ ರಾತ್ರ್ಯನ್ಧೇಽಞ್ಜನಮುತ್ತಮಮ್| |೮೫|

Adhikarana rAtryandhe kauntyAdivartiH (85-86) · Śloka 86

| ಕರಞ್ಜಿಕೋತ್ಪಲಸ್ವರ್ಣಗೈರಿಕಾಮ್ಭೋಜಕೇಸರೈಃ||೮೫|| ಪಿಷ್ಟೈರ್ಗೋಮಯತೋಯೇನ ವರ್ತಿದೋಷಾನ್ಧನಾಶಿನೀ| |೮೬|

Adhikarana rAtryandhe kAlAnusAryAdayo vartayaH (86-87) · Śloka 87

| ಅಜಾಮೂತ್ರೇಣ ವಾ ಕೌನ್ತೀಕೃಷ್ಣಾಸ್ರೋತೋಜಸೈನ್ಧವೈಃ||೮೬|| ಕಾಲಾನುಸಾರೀತ್ರಿಕಾತುತ್ರಿಫಲಾಲಮನಃಶಿಲಾಃ| ಸಫೇನಾಶ್ಛಾಗದುಗ್ಧೇನ ರಾತ್ರ್ಯನ್ಧೇ ವರ್ತಯೋ ಹಿತಾಃ||೮೭||

Adhikarana rAtryandhe pippalya~jjanam (88) · Śloka 88

ಸನ್ನಿವೇಶ್ಯ ಯಕೃನ್ಮಧ್ಯೇ ಪಿಪ್ಪಲೀರದಹನ್ಪಚೇತ್| ತಾಃ ಶುಷ್ಕಾ ಮಧುನಾ ಘೃಷ್ಟಾ ನಿಶಾನ್ಧೇ ಶ್ರೇಷ್ಠಮಞ್ಜನಮ್||೮೮||

Adhikarana rAtryandhe mAhiShaplIhayakRudbhakShaNam (89) · Śloka 89

ಖಾದೇಚ್ಚ ಪ್ಲೀಹಯಕೃತೀ ಮಾಹಿಷೇ ತೈಲಸರ್ಪಿಷಾ| |೮೯|

Adhikarana rAtryandhe jIvantyAdipallavabhakShaNam (89-90) · Śloka 90

| ಘೃತೇ ಸಿದ್ಧಾನಿ ಜೀವನ್ತ್ಯಾಃ ಪಲ್ಲವಾನಿ ಚ ಭಕ್ಷಯೇತ್||೮೯|| ತಥಾಽತಿಮುಕ್ತಕೈರಣ್ಡಾಶೋಫಾಲ್ಯಭೀರುಜಾನಿ ಚ| ಭೃಷ್ಟಂ ಘೃತಂ ಕುಮ್ಭಯೋನೇಃ ಪತ್ರೈಃ ಪಾನೇ ಚ ಪೂಜಿತಮ್||೯೦||

Adhikarana dhUmarAmlapittoShNavidagdhAsu jIrNasarpirvirecanam shItalepashca (91) · Śloka 91

ಧೂಮರಾಖ್ಯಾಮ್ಲಪಿತ್ತೋಷ್ಣವಿದಾಹೇ ಜೀರ್ಣಸರ್ಪಿಷಾ| ಸ್ನಿಗ್ಧಂ ವೇರೇಚಯೇಚ್ಛೀತೈಃ ಶೀತೋರ್ದಿಹ್ಯಾಚ್ಚ ಸರ್ವತಃ||೯೧||

Adhikarana dhUmarAmlapittoShNavidagdhAsu goshakRudrasA~jjanam dhUmarAmlapittoShNavidagdhAsu svarNagairikAdirasakriyA (92) · Śloka 92

ಗೋಶಕೃದ್ರಸದುಗ್ಧಾಜ್ಯೈರ್ವಿಪಕ್ವಂ ಶಸ್ಯತೇಽಞ್ಜನಮ್| ಸ್ವರ್ಣಗೈರಿಕತಾಲೀಸಚೂರ್ಣಾವಾಪಾ ರಸಕ್ರಿಯಾ||೯೨||

Adhikarana dhUmarAmlapittoShNavidagdhAsu medAdighRutatailaM nasyam (93) · Śloka 93

ಮೇದಾಶಾಬರಕಾನನ್ತಾಮಞ್ಜಿಷ್ಠಾದಾರ್ವಿಯಷ್ಟಿಭಿಃ| ಕ್ಷೀರಾಷ್ಟಾಂಶಂ ಘೃತಂ ಪಕ್ವಂ ಸತೈಲಂ ನಾವನಂ ಹಿತಮ್||೯೩||

Adhikarana dhUmarAmlapittoShNavidagdhAsu kShIrasarpistarpaNam (94) · Śloka 94

ತರ್ಪಣಂ ಕ್ಷೀರಸರ್ಪಿಃ ಸ್ಯಾದಶಾಮ್ಯತಿ ಸಿರಾವ್ಯಧಃ| |೯೪|

Adhikarana dhUmarAmlapittoShNavidagdhAsu evamashAntau sirAvyadhaH timirarogivadavalokane kAraNAni (94-96) · Śloka 96

| ಚಿನ್ತಾಭಿಘಾತಭೀಶೋಕರೌಕ್ಷ್ಯಾತ್ ಸೋತ್ಕಟಕಾಸನಾತ್||೯೪|| ವಿರೇಕನಸ್ಯವಮನಪುಟಪಾಕಾದಿವಿಭ್ರಮಾತ್| ವಿದಗ್ಧಾಹಾರವಮನಾತ್ ಕ್ಷುತ್ತೃಷ್ಣಾದಿವಿಧಾರಣಾತ್||೯೫|| ಅಕ್ಷಿರೋಗಾವಸಾನಾಚ್ಚ ಪಶ್ಯೇತ್ತಿಮಿರರೋಗಿವತ್| |೯೬|

Adhikarana timirarogivadavalokane yathAdoShamauShadham (96) · Śloka 96

| ಯಥಾಸ್ವಂ ತತ್ರ ಯುಞ್ಜೀತ ದೋಷಾದೀನ್ ವೀಕ್ಷ್ಯ ಭೇಷಜಮ್||೯೬||

Adhikarana sUryo parAgAdyupahatekShaNe santarpaNam sUryo parAgAdyupahatekShaNe suvarNA~jjanam (97) · Śloka 97

ಸೂರ್ಯೋಪರಾಗಾನಲವಿದ್ಯುದಾದಿ- ವಿಲೋಕನೇನೋಪಹತೇಕ್ಷಣಸ್ಯ| ಸನ್ತರ್ಪಣಂ ಸ್ನಿಗ್ಧಹಿಮಾದಿ ಕಾರ್ಯಂ ತಥಾಞ್ಜನಂ ಹೇಮ ಘೃತೇನ ಘೃಷ್ಟಮ್||೯೭||

Adhikarana netrarakShaNaM sarvadA kartavyam (98) · Śloka 98

ಚಕ್ಷೂರಕ್ಷಾಯಾಂ ಸರ್ವಕಾಲಂ ಮನುಷ್ಯೈ- ರ್ಯತ್ನಃ ಕರ್ತವ್ಯೋ ಜೀವಿತೇ ಯಾವದಿಚ್ಛಾ| ವ್ಯರ್ಥೋ ಲೋಕೋಽಯಂ ತುಲ್ಯರಾತ್ರಿಂದಿವಾನಾಂ ಪುಂಸಾಮನ್ಧಾನಾಂ ವಿದ್ಯಮಾನೇಽಪಿ ವಿತ್ತೇ||೯೮||

Adhikarana netrarakShaNakaraM triphalAdi (99) · Śloka 99

ತ್ರಿಫಲಾ ರುಧಿರಸ್ರುತಿರ್ವಿಶುದ್ಧಿ- ರ್ಮನಸೋ ನಿರ್ವೃತಿರಞ್ಜನಂ ಸನಸ್ಯಮ್| ಶಕುನಾಶನತಾ ಸಪಾದಪೂಜಾ ಘೃತಪಾನಂ ಚ ಸದೈವ ನೇತ್ರರಕ್ಷಾ||೯೯||

Adhikarana netrarakShaNakaraM ahitAshananivRuttyAdi (13) · Śloka 13

ಅಹಿತಾದಶನಾತ್ಸದಾ ನಿವೃತ್ತಿ- ರ್ಭೃಶಭಾಸ್ವಚ್ಚಲಸೂಕ್ಷ್ಮವೀಕ್ಷಣಾಚ್ಚ| ಮುನಿನಾ ನಿಮಿನೋಪದಷ್ಟಮೇತತ್ ಪರಮಂ ರಕ್ಷಣಮೀಕ್ಷಣಸ್ಯ ಪುಂಸಾಮ್||೧೦೦|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿ- ತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಷಷ್ಠೇ ಉತ್ತರ ಸ್ಥಾನೇ ತಿಮಿರಪ್ರತಿಷೇಧೋ ನಾಮ ತ್ರಯೋದಶೋಽಧ್ಯಾಯಃ||೧೩||