6. kr̥tavēdhanakalpaḥ

Adhikarana 1 (1-2) · Śloka 2

ಅಥಾತಃ ಕೃತವೇಧನಕಲ್ಪಂ ವ್ಯಾಖ್ಯಾಸ್ಯಾಮಃ||೧|| ಇತಿ ಹ ಸ್ಮಾಹ ಭಗವಾನಾತ್ರೇಯಃ||೨||

Adhikarana 2 (3-4) · Śloka 4

ಕೃತವೇಧನನಾಮಾನಿ ಕಲ್ಪಂ ಚಾಸ್ಯ ನಿಬೋಧತ| ಕ್ಷ್ವೇಡಃ ಕೋಶಾತಕೀ ಚೋಕ್ತಂ ಮೃದಙ್ಗಫಲಮೇವ ಚ||೩|| ಅತ್ಯರ್ಥಕಟುತೀಕ್ಷ್ಣೋಷ್ಣಂ ಗಾಢೇಷ್ವಿಷ್ಟಂ ಗದೇಷು ಚ| ಕುಷ್ಠಪಾಣ್ಡ್ವಾಮಯಪ್ಲೀಹಶೋಫಗುಲ್ಮಗರಾದಿಷು||೪||

Adhikarana 3 (5) · Śloka 5

ಕ್ಷೀರಾದಿ ಕುಸುಮಾದೀನಾಂ ಸುರಾ ಚೈತೇಷು ಪೂರ್ವವತ್|೫|

Adhikarana 4 (5-7) · Śloka 7

ಸುಶುಷ್ಕಾಣಾಂ ತು ಜೀರ್ಣಾನಾಮೇಕಂ ದ್ವೇ ವಾ ಯಥಾಬಲಮ್||೫|| ಕಷಾಯೈರ್ಮಧುಕಾದೀನಾಂ ನವಭಿಃ ಫಲವತ್ ಪಿಬೇತ್| ಕ್ವಾಥಯಿತ್ವಾ ಫಲಂ ತಸ್ಯ ಪೂತ್ವಾ ಲೇಹಂ ನಿಧಾಪಯೇತ್||೬|| ಕೃತವೇಧನಕಲ್ಕಾಂಶಂ ಫಲಾದ್ಯರ್ಧಾಂಶಸಂಯುತಮ್ | ಪೃಥಕ್ ಚಾರಗ್ವಧಾದೀನಾಂ ತ್ರಯೋದಶಭಿರಾಸುತಮ್||೭||

Adhikarana 5 (8) · Śloka 8

ಶಾಲ್ಮಲೀಮೂಲಚೂರ್ಣಾನಾಂ ಪಿಚ್ಛಾಭಿರ್ದಶಭಿಸ್ತಥಾ|೮|

Adhikarana 6 (8) · Śloka 8

ವರ್ತಿಕ್ರಿಯಾಃ ಷಟ್ ಫಲವತ್, ಫಲಾದೀನಾಂ ಘೃತಂ ತಥಾ||೮||

Adhikarana 7 (9-10) · Śloka 10

ಕೋಶಾತಕಾನಿ ಪಞ್ಚಾಶತ್ ಕೋವಿದಾರರಸೇ ಪಚೇತ್| ತಂ ಕಷಾಯಂ ಫಲಾದೀನಾಂ ಕಲ್ಕೈರ್ಲೇಹಂ ಪುನಃ ಪಚೇತ್||೯|| ಕ್ಷ್ವೇಡಸ್ಯ ತತ್ರ ಭಾಗಃ ಸ್ಯಾಚ್ಛೇಷಾಣ್ಯರ್ಧಾಂಶಿಕಾನಿ ತು| ಕಷಾಯೈಃ ಕೋವಿದಾರಾದ್ಯೈರೇವಂ ತತ್ ಕಲ್ಪಯೇತ್ ಪೃಥಕ್||೧೦||

Adhikarana 8 (11) · Śloka 12

ಕಷಾಯೇಷು ಫಲಾದೀನಾಮಾನೂಪಂ ಪಿಶಿತಂ ಪೃಥಕ್| ಕೋಶಾತಕ್ಯಾ ಸಮಂ ಪಕ್ತ್ವಾ ರಸಂ ಸಲವಣಂ ಪಿಬೇತ್||೧೧|| ಫಲಾದಿಪಿಪ್ಪಲೀತುಲ್ಯಂ ತದ್ವತ್ ಕ್ಷ್ವೇಡರಸಂ ಪಿಬೇತ್|೧೨|

Adhikarana 9 (12) · Śloka 12

ಕ್ಷ್ವೇಡಂ ಕಾಸೀ ಪಿಬೇತ್ ಸಿದ್ಧಂ ಮಿಶ್ರಮಿಕ್ಷುರಸೇನ ಚ||೧೨||

Adhikarana 10 (13-14) · Śloka 14

ತತ್ರ ಶ್ಲೋಕೌ- ಕ್ಷೀರೇ ದ್ವೌ ದ್ವೌ ಸುರಾ ಚೈಕಾ ಕ್ವಾಥಾ ದ್ವಾವಿಂಶತಿಸ್ತಥಾ| ದಶ ಪಿಚ್ಛಾ ಘೃತಂ ಚೈಕಂ ಷಟ್ ಚ ವರ್ತಿಕ್ರಿಯಾಃ ಶುಭಾಃ||೧೩|| ಲೇಹೇಽಷ್ಟೌ ಸಪ್ತ ಮಾಂಸೇ ಚ ಯೋಗ ಇಕ್ಷುರಸೇಽಪರಃ| ಕೃತವೇಧನಕಲ್ಪೇಽಸ್ಮಿನ್ ಷಷ್ಟಿರ್ಯೋಗಾಃ ಪ್ರಕೀರ್ತಿತಾಃ||೧೪||

Adhikarana puShpikA · Śloka 6

ಇತ್ಯಗ್ನಿವೇಶಕೃತೇ ತನ್ತ್ರೇ ಚರಕಪ್ರತಿಸಂಸ್ಕೃತೇಽಪ್ರಾಪ್ತೇ ದೃಢಬಲಸಮ್ಪೂರಿತೇ ಕಲ್ಪಸ್ಥಾನೇ ಕೃತವೇಧನಕಲ್ಪೋ ನಾಮ ಷಷ್ಠೋಽಧ್ಯಾಯಃ||೬||