6. kr̥tavēdhanakalpaḥ

Adhikarana 1 (1-2) · Śloka 2

અથાતઃ કૃતવેધનકલ્પં વ્યાખ્યાસ્યામઃ||૧|| ઇતિ હ સ્માહ ભગવાનાત્રેયઃ||૨||

Adhikarana 2 (3-4) · Śloka 4

કૃતવેધનનામાનિ કલ્પં ચાસ્ય નિબોધત| ક્ષ્વેડઃ કોશાતકી ચોક્તં મૃદઙ્ગફલમેવ ચ||૩|| અત્યર્થકટુતીક્ષ્ણોષ્ણં ગાઢેષ્વિષ્ટં ગદેષુ ચ| કુષ્ઠપાણ્ડ્વામયપ્લીહશોફગુલ્મગરાદિષુ||૪||

Adhikarana 3 (5) · Śloka 5

ક્ષીરાદિ કુસુમાદીનાં સુરા ચૈતેષુ પૂર્વવત્|૫|

Adhikarana 4 (5-7) · Śloka 7

સુશુષ્કાણાં તુ જીર્ણાનામેકં દ્વે વા યથાબલમ્||૫|| કષાયૈર્મધુકાદીનાં નવભિઃ ફલવત્ પિબેત્| ક્વાથયિત્વા ફલં તસ્ય પૂત્વા લેહં નિધાપયેત્||૬|| કૃતવેધનકલ્કાંશં ફલાદ્યર્ધાંશસંયુતમ્ | પૃથક્ ચારગ્વધાદીનાં ત્રયોદશભિરાસુતમ્||૭||

Adhikarana 5 (8) · Śloka 8

શાલ્મલીમૂલચૂર્ણાનાં પિચ્છાભિર્દશભિસ્તથા|૮|

Adhikarana 6 (8) · Śloka 8

વર્તિક્રિયાઃ ષટ્ ફલવત્, ફલાદીનાં ઘૃતં તથા||૮||

Adhikarana 7 (9-10) · Śloka 10

કોશાતકાનિ પઞ્ચાશત્ કોવિદારરસે પચેત્| તં કષાયં ફલાદીનાં કલ્કૈર્લેહં પુનઃ પચેત્||૯|| ક્ષ્વેડસ્ય તત્ર ભાગઃ સ્યાચ્છેષાણ્યર્ધાંશિકાનિ તુ| કષાયૈઃ કોવિદારાદ્યૈરેવં તત્ કલ્પયેત્ પૃથક્||૧૦||

Adhikarana 8 (11) · Śloka 12

કષાયેષુ ફલાદીનામાનૂપં પિશિતં પૃથક્| કોશાતક્યા સમં પક્ત્વા રસં સલવણં પિબેત્||૧૧|| ફલાદિપિપ્પલીતુલ્યં તદ્વત્ ક્ષ્વેડરસં પિબેત્|૧૨|

Adhikarana 9 (12) · Śloka 12

ક્ષ્વેડં કાસી પિબેત્ સિદ્ધં મિશ્રમિક્ષુરસેન ચ||૧૨||

Adhikarana 10 (13-14) · Śloka 14

તત્ર શ્લોકૌ- ક્ષીરે દ્વૌ દ્વૌ સુરા ચૈકા ક્વાથા દ્વાવિંશતિસ્તથા| દશ પિચ્છા ઘૃતં ચૈકં ષટ્ ચ વર્તિક્રિયાઃ શુભાઃ||૧૩|| લેહેઽષ્ટૌ સપ્ત માંસે ચ યોગ ઇક્ષુરસેઽપરઃ| કૃતવેધનકલ્પેઽસ્મિન્ ષષ્ટિર્યોગાઃ પ્રકીર્તિતાઃ||૧૪||

Adhikarana puShpikA · Śloka 6

ઇત્યગ્નિવેશકૃતે તન્ત્રે ચરકપ્રતિસંસ્કૃતેઽપ્રાપ્તે દૃઢબલસમ્પૂરિતે કલ્પસ્થાને કૃતવેધનકલ્પો નામ ષષ્ઠોઽધ્યાયઃ||૬||