32. pūtanāpratiṣēdhādhyāyaḥ

Adhikarana 1 (1-2) · Śloka 2

ಅಥಾತಃ ಪೂತನಾಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3-4) · Śloka 4

ಕಪೋತವಙ್ಕಾಽರಲುಕೋ ವರುಣಃ ಪಾರಿಭದ್ರಕಃ | ಆಸ್ಫೋತಾ ಚೈವ ಯೋಜ್ಯಾಃ ಸ್ಯುರ್ಬಾಲಾನಾಂ ಪರಿಷೇಚನೇ ||೩|| ವಚಾ ವಯಃಸ್ಥಾ ಗೋಲೋಮೀ ಹರಿತಾಲಂ ಮನಃಶಿಲಾ | ಕುಷ್ಠಂ ಸರ್ಜರಸಶ್ಚೈವ ತೈಲರ್ಥೇ ವರ್ಗ ಇಷ್ಯತೇ ||೪||

Adhikarana 3 (5-7) · Śloka 7

ಹಿತಂ ಘೃತಂ ತುಗಾಕ್ಷೀರ್ಯಾಂ ಸಿದ್ಧಂ ಮಧುರಕೇಷು ಚ | ಕುಷ್ಠತಾಲೀಶಖದಿರಚನ್ದನಸ್ಯನ್ದನೇ ತಥಾ ||೫|| ದೇವದಾರುವಚಾಹಿಙ್ಗುಕುಷ್ಠಂ ಗಿರಿಕದಮ್ಬಕಃ | ಏಲಾ ಹರೇಣವಶ್ಚಾಪಿ ಯೋಜ್ಯಾ ಉದ್ಧೂಪನೇ ಸದಾ ||೬|| ಗನ್ಧನಾಕುಲಿಕುಮ್ಭೀಕೇ ಮಜ್ಜಾನೋ ಬದರಸ್ಯ ಚ | ಕರ್ಕಟಾಸ್ಥಿ ಘೃತಂ ಚಾಪಿ ಧೂಪನಂ ಸರ್ಷಪೈಃ ಸಹ ||೭||

Adhikarana 4 (8) · Śloka 8

ಕಾಕಾದನೀಂ ಚಿತ್ರಫಲಾಂ ಬಿಮ್ಬೀಂ ಗುಞ್ಜಾಂ ಚ ಧಾರಯೇತ್ | ಮತ್ಸ್ಯೌದನಂ ಚ ಕುರ್ವೀತ ಕೃಶರಾಂ ಪಲಲಂ ತಥಾ | ಶರಾವಸಮ್ಪುಟೇ ಕೃತ್ವಾ ಬಲಿಂ ಶೂನ್ಯಗೃಹೇ ಹರೇತ್ ||೮||

Adhikarana 5 (9-11) · Śloka 11

ಉಚ್ಛಿಷ್ಟೇನಾಭಿಷೇಕೇಣ ಶಿಶೋಃ ಸ್ನಪನಮಿಷ್ಯತೇ | ಪೂಜ್ಯಾ ಚ ಪೂತನಾ ದೇವೀ ಬಲಿಭಿಃ ಸೋಪಹಾರಕೈಃ ||೯|| ಮಲಿನಾಮ್ಬರಸಂವೀತಾ ಮಲಿನಾ ರೂಕ್ಷಮೂರ್ಧಜಾ | ಶೂನ್ಯಾಗಾರಾಶ್ರಿತಾ ದೇವೀ ದಾರಕಂ ಪಾತು ಪೂತನಾ ||೧೦|| ದುರ್ದರ್ಶನಾ ಸುದುರ್ಗನ್ಧಾ ಕರಾಲಾ ಮೇಘಕಾಲಿಕಾ | ಭಿನ್ನಗಾರಾಶ್ರಯಾ ದೇವೀ ದಾರಕಂ ಪಾತು ಪೂತನಾ ||೧೧||

Adhikarana puShpikA · Śloka 32

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ (ಷಷ್ಠೋಽಧ್ಯಾಯಃ, ಆದಿತಃ) ದ್ವಾತ್ರಿಂಶೋಽಧ್ಯಾಯಃ ||೩೨||