Adhikarana atha rAjayakShmacikitsitaM nAma saptamo~adhyAyaH adhyAya pratij~jA (1) · Śloka 1
అథాతో రాజయక్ష్మచికిత్సితం నామాధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातो राजयक्ष्मचिकित्सितं नामाध्यायं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana balinaH Sodhanam (2) · Śloka 2
బలినోబహుదోషస్య స్నిగ్ధస్విన్నస్య శోధనం| ఊర్ధ్వాధో యక్ష్మిణః కుర్యాత్సస్నేహం యన్న కర్శనం| పయసా ఫలయుక్తేన మధురేణ రసేన వా| సర్పిష్మత్యా యవాగ్వా వా వమనద్రవ్యసిద్ధయా| వమేద్విరేచనం దద్యాత్త్రివృచ్ఛ్యామాన్నృపద్రుమాన్| శర్కరామధుసర్పిర్భిః పయసా తర్పణేన వా| ద్రాక్షావిదారీకాశ్మర్యమాంసానాం వా రసైర్యుతాన్||2||
बलिनोबहुदोषस्य स्निग्धस्विन्नस्य शोधनम्| ऊर्ध्वाधो यक्ष्मिणः कुर्यात्सस्नेहं यन्न कर्शनम्| पयसा फलयुक्तेन मधुरेण रसेन वा| सर्पिष्मत्या यवाग्वा वा वमनद्रव्यसिद्धया| वमेद्विरेचनं दद्यात्त्रिवृच्छ्यामान्नृपद्रुमान्| शर्करामधुसर्पिर्भिः पयसा तर्पणेन वा| द्राक्षाविदारीकाश्मर्यमांसानां वा रसैर्युतान्||२||
🔊 Audio coming soon
Adhikarana SodhanottaraM bRuMhaNaM dIpana~jca (3) · Śloka 3
శుద్ధకోష్ఠస్య యుంజీత విధిం బృంహణదీపనం| హృద్యాని చాన్నపానాని వాతఘ్నాని లఘూని చ| శాలిషష్టికగోధూమయవముద్గం సమాస్థితం| లఘుమచ్యువీర్యం చ సుజరం బలకృచ్చ యత్| ఆజం క్షీరం ఘృతం మాంసం క్రవ్యాన్మాంసంచ శోషజిత్| కాకోలుకవృకద్వీపిగవాశ్వనకులోరగం| గృధ్రమాంసఖరోష్ట్రం చ హితం ఛద్మోపసంహితం| జ్ఞాతం జుగుప్సితం తద్ధి ఛర్దిషే న బలౌజసే||3||
शुद्धकोष्ठस्य युञ्जीत विधिं बृंहणदीपनम्| हृद्यानि चान्नपानानि वातघ्नानि लघूनि च| शालिषष्टिकगोधूमयवमुद्गं समास्थितम्| लघुमच्युवीर्यं च सुजरं बलकृच्च यत्| आजं क्षीरं घृतं मांसं क्रव्यान्मांसञ्च शोषजित्| काकोलुकवृकद्वीपिगवाश्वनकुलोरगम्| गृध्रमांसखरोष्ट्रं च हितं छद्मोपसंहितम्| ज्ञातं जुगुप्सितं तद्धि छर्दिषे न बलौजसे||३||
🔊 Audio coming soon
Adhikarana mRugAdimAMsasevane vidhiH (4) · Śloka 4
మృగాద్యాః పిత్తకఫయోః పవనే ప్రసహాదయః| వేశవారీకృతాః పథ్యా రసాదిషు చ కల్పితాః| భృష్టాః సర్షపతైలేన సర్పిషా వా యథాయథం| రసికా మృదవః స్నిగ్ధాః పటుద్రవ్యాభిసంస్కృతాః| హితా మౌద్గకకౌలత్థాస్తద్వద్యూషాశ్చ సాధితాః| సపిప్పలీకం సయవం సకులత్థం సనాగరం| సదాడిమం సామలకం స్నిగ్ధమాజం రసం పిబేత్| తేన షడ్ వినివర్తంతే వికారాః పీనసాదయః||4||
मृगाद्याः पित्तकफयोः पवने प्रसहादयः| वेशवारीकृताः पथ्या रसादिषु च कल्पिताः| भृष्टाः सर्षपतैलेन सर्पिषा वा यथायथम्| रसिका मृदवः स्निग्धाः पटुद्रव्याभिसंस्कृताः| हिता मौद्गककौलत्थास्तद्वद्यूषाश्च साधिताः| सपिप्पलीकं सयवं सकुलत्थं सनागरम्| सदाडिमं सामलकं स्निग्धमाजं रसं पिबेत्| तेन षड् विनिवर्तन्ते विकाराः पीनसादयः||४||
🔊 Audio coming soon
Adhikarana kolAdiBiScandrakAntaH (5) · Śloka 5
కోలదాదిమనిర్యాసపిష్టయాస్థివిహీనయా| ద్రాక్షయా స్వచ్ఛధాన్యాంబుప్లుతాలోడితకల్కయా| కార్యః సౌవర్చలవ్యోషపత్రైలాదీప్యకాన్వితః| సమాక్షికః సకర్పూరః సలవంగ సకేసరః| చంద్రకాంతో యథార్యాఖ్యః శోషహాగ్నిరుచిప్రదః||5||
कोलदादिमनिर्यासपिष्टयास्थिविहीनया| द्राक्षया स्वच्छधान्याम्बुप्लुतालोडितकल्कया| कार्यः सौवर्चलव्योषपत्रैलादीप्यकान्वितः| समाक्षिकः सकर्पूरः सलवङ्ग सकेसरः| चन्द्रकान्तो यथार्याख़्यः शोषहाग्निरुचिप्रदः||५||
🔊 Audio coming soon
Adhikarana drAkShArAgaH (6) · Śloka 6
శుక్తామ్లధాత్రీస్వరసైర్ద్రాక్షాయాః కల్కితం పలం| గుడశర్కరసంయుక్తం యుక్తం శ్లక్ష్ణైశ్చ కార్షికైః| వృక్షామ్లధాన్యద్రమిలీరాజికాదాడిమోషణైః| పలేన నాగపుష్పస్య కించిత్సౌవర్చలేన చ| ససేవ్యపత్రత్వక్తోయసురసారసమూర్చ్ఛితః| భూరిభూస్తృణకో రోగః కంఠ్యో రుచ్యః సమాక్షికః||6||
शुक्ताम्लधात्रीस्वरसैर्द्राक्षायाः कल्कितं पलम्| गुडशर्करसंयुक्तं युक्तं श्लक्ष्णैश्च कार्षिकैः| वृक्षाम्लधान्यद्रमिलीराजिकादाडिमोषणैः| पलेन नागपुष्पस्य किञ्चित्सौवर्चलेन च| ससेव्यपत्रत्वक्तोयसुरसारसमूर्च्छितः| भूरिभूस्तृणको रोगः कण्ठ्यो रुच्यः समाक्षिकः||६||
🔊 Audio coming soon
Adhikarana pAnam (7) · Śloka 7
పిబేచ్చ సుతరాం మద్యం జీర్ణం స్రోతోవిశోధనం| పిత్తాదిషు విశేషేణ మధ్వరిష్టాచ్ఛవారుణీః| సిద్ధం వా పంచమూలేన తామలక్యాథవా జలం| పర్ణినీభిశ్చతసృభిర్ధాన్యనాగరకేణ వా| కల్కయేచ్చానుకూలోఽస్య తేనాన్నం శుచి యత్నవాన్||7||
पिबेच्च सुतरां मद्यं जीर्णं स्रोतोविशोधनम्| पित्तादिषु विशेषेण मध्वरिष्टाच्छवारुणीः| सिद्धं वा पञ्चमूलेन तामलक्याथवा जलम्| पर्णिनीभिश्चतसृभिर्धान्यनागरकेण वा| कल्कयेच्चानुकूलोऽस्य तेनान्नं शुचि यत्नवान्||७||
🔊 Audio coming soon
Adhikarana balAgarbhaM dashamUlaghRutam (8) · Śloka 8
దశమూలేన పయసా సిద్ధం మాంసరసేన వా| బలాగర్భం ఘృతం యోజ్యం క్రవ్యాన్మాంసరసేనవా| సక్షౌద్రం పయసా సిద్ధం సర్పిర్దశగుణేన వా||8||
दशमूलेन पयसा सिद्धं मांसरसेन वा| बलागर्भं घृतं योज्यं क्रव्यान्मांसरसेनवा| सक्षौद्रं पयसा सिद्धं सर्पिर्दशगुणेन वा||८||
🔊 Audio coming soon
Adhikarana jIvantyAdighRutam (9) · Śloka 9
జీవంతీం మధుకం ద్రాక్షాం ఫలాని కుటజస్య చ| పుష్కరాహ్వం శఠీం కృష్ణాం వ్యాఘ్రీం గోక్షురకం బలాం| నీలోత్పలం తామలకీం త్రాయమాణాం దురాలభాం| కల్కీకృత్య ఘృతం పక్వం రోగరాజహరం పరం||9||
जीवन्तीं मधुकं द्राक्षां फलानि कुटजस्य च| पुष्कराह्वं शठीं कृष्णां व्याघ्रीं गोक्षुरकं बलाम्| नीलोत्पलं तामलकीं त्रायमाणां दुरालभाम्| कल्कीकृत्य घृतं पक्वं रोगराजहरं परम्||९||
🔊 Audio coming soon
Adhikarana durAlabhAdighRutam (10) · Śloka 10
దురాలభాం గోక్షురకం చతస్రః పర్ణినీర్బలాం| భాగాన్ పలోన్మితాన్ కృత్వా పలం పర్పటకస్య చ| పచేద్దశగుణే తోయే దశభాగావశేషితే| పూతే తస్మిన్ ఘృతప్రస్థం క్షీరద్విగుణితం పచేత్| గర్భం దత్వా శఠీకృష్ణాభూనింబోత్పలసారివాః| త్రాయంతీం పౌష్కరం మూలం సహపత్రఫలాం ఫలం| కుటజాచ్చ జయేత్తద్ధి శిరఃపర్శ్వాంసవేదనాం| తృష్ణాం ఛర్ద్యమతీసారం కాసదాహభ్రమజ్వరాన్||10||
दुरालभां गोक्षुरकं चतस्रः पर्णिनीर्बलाम्| भागान् पलोन्मितान् कृत्वा पलं पर्पटकस्य च| पचेद्दशगुणे तोये दशभागावशेषिते| पूते तस्मिन् घृतप्रस्थं क्षीरद्विगुणितं पचेत्| गर्भं दत्वा शठीकृष्णाभूनिम्बोत्पलसारिवाः| त्रायन्तीं पौष्करं मूलं सहपत्रफलां फलम्| कुटजाच्च जयेत्तद्धि शिरःपर्श्वांसवेदनाम्| तृष्णां छर्द्यमतीसारं कासदाहभ्रमज्वरान्||१०||
🔊 Audio coming soon
Adhikarana kharjUrAdighRutam (11) · Śloka 11
ఘృతం ఖర్జూరమృద్వీకామధుకైః సపరూషకైః| సపిప్పలీకం వైస్వర్యకాసశ్వాసజ్వరాపహం||11||
घृतं खर्जूरमृद्वीकामधुकैः सपरूषकैः| सपिप्पलीकं वैस्वर्यकासश्वासज्वरापहम्||११||
🔊 Audio coming soon
Adhikarana dashamUlakShIrodbhavaM ghRutam (12) · Śloka 12
దశమూలశృతాత్ క్షీరాత్ సర్పిర్యదుదియాన్నవం| సపిప్పలీకం సక్షౌద్రం తత్ పరం స్వరబోధనం| శిరఃపార్శ్వాంసశూలఘ్నం కాసశ్వాసజ్వరాపహం||12||
दशमूलशृतात् क्षीरात् सर्पिर्यदुदियान्नवम्| सपिप्पलीकं सक्षौद्रं तत् परं स्वरबोधनम्| शिरःपार्श्वांसशूलघ्नं कासश्वासज्वरापहम्||१२||
🔊 Audio coming soon
Adhikarana pa~jcapa~jcamUlodbhavaM ghRUtam (13) · Śloka 13
పంచభిః పంచమూలైర్వా శృతాద్యదుదియాద్ ఘృతం| పంచానాం పంచమూలానాం రసే క్షీరచతుర్గుణే| సిద్ధం సర్పిర్జయత్యేతద్యక్ష్మణః సప్తకం బలం||13||
पञ्चभिः पञ्चमूलैर्वा शृताद्यदुदियाद् घृतम्| पञ्चानां पञ्चमूलानां रसे क्षीरचतुर्गुणे| सिद्धं सर्पिर्जयत्येतद्यक्ष्मणः सप्तकं बलम्||१३||
🔊 Audio coming soon
Adhikarana pa~jcakoladighRutam (14) · Śloka 14
పంచకోలయవక్షారషట్పలేన పచేద్ ఘృతం| ప్రస్థోన్మితం తుల్యపయః స్రోతసాం తద్విశోధనం| గుల్మజ్వరోదరప్లీహగ్రహణీపాండుపీనసాన్| కాసశ్వాసాగ్నిసదనశ్వయథూర్ధ్వానిలాన్ జయేత్||14||
पञ्चकोलयवक्षारषट्पलेन पचेद् घृतम्| प्रस्थोन्मितं तुल्यपयः स्रोतसां तद्विशोधनम्| गुल्मज्वरोदरप्लीहग्रहणीपाण्डुपीनसान्| कासश्वासाग्निसदनश्वयथूर्ध्वानिलान् जयेत्||१४||
🔊 Audio coming soon
Adhikarana rAsnAdighRutam (15) · Śloka 15
రాస్నాబలాగోక్షురకస్థిరావర్షాభూవారిణి| జీవంతీపిప్పలీగర్భం సక్షీరం శోషజిద్ఘృతం||15||
रास्नाबलागोक्षुरकस्थिरावर्षाभूवारिणि| जीवन्तीपिप्पलीगर्भं सक्षीरं शोषजिद्घृतम्||१५||
🔊 Audio coming soon
Adhikarana ashvagandhAghRutam (16) · Śloka 16
అశ్వగంధాశృతాత్ క్షీరాత్ ఘృతం చ ససితాపయః||16||
अश्वगन्धाशृतात् क्षीरात् घृतं च ससितापयः||१६||
🔊 Audio coming soon
Adhikarana mAMsasarpiH (17) · Śloka 17
సాధారణామిషతులాం తోయేద్రోణద్వయే పచేత్| తేనాష్టభాగశేషేణ జీవనీయైః పలోన్మితైః| సాధయేత్సర్పిషః ప్రస్థం వాతపిత్తామయాపహం| మాంససర్పిరిదం పీతం యుక్తం మాంసరసేన వా| కాసశ్వాసస్వరభ్రంశశోషహృత్పార్శ్వశూలజిత్||17||
साधारणामिषतुलां तोयेद्रोणद्वये पचेत्| तेनाष्टभागशेषेण जीवनीयैः पलोन्मितैः| साधयेत्सर्पिषः प्रस्थं वातपित्तामयापहम्| मांससर्पिरिदं पीतं युक्तं मांसरसेन वा| कासश्वासस्वरभ्रंशशोषहृत्पार्श्वशूलजित्||१७||
🔊 Audio coming soon
Adhikarana pArAsharaM ghRutam (18) · Śloka 18
యష్టీబలాగుడూచ్యల్పం పంచమూలతులాం పచేత్| శూర్పేఽపామష్టభాగస్థే తత్ర పాత్రంపచేద్ఘృతాత్| ధాత్రీవిదారీక్షురసత్రిపాత్రే పయసోఽర్మణే| సుపిష్టైర్జీవనీయైశ్చ పారాశరమిదం ఘృతం| ససైన్యం రాజయక్ష్మాణమున్మూలయతి శీతితం||18||
यष्टीबलागुडूच्यल्पं पञ्चमूलतुलां पचेत्| शूर्पेऽपामष्टभागस्थे तत्र पात्रम्पचेद्घृतात्| धात्रीविदारीक्षुरसत्रिपात्रे पयसोऽर्मणे| सुपिष्टैर्जीवनीयैश्च पाराशरमिदं घृतम्| ससैन्यं राजयक्ष्माणमुन्मूलयति शीतितम्||१८||
🔊 Audio coming soon
Adhikarana svAduskandhaM ghRutam (19) · Śloka 19
మూర్వాహరిద్రాఖదిరక్వాథసర్పిః శకృద్రసం| గోగజాజావిహయజం పయస్తుల్యాన్ దశద్రవాన్| స్వాదుస్కంధం త్రికటుకం కల్కితం దేవదారూ చ| పచేత్తచ్చాశు దోషఘ్నం తద్వద్వాసావరీఘృతం||19||
मूर्वाहरिद्राखदिरक्वाथसर्पिः शकृद्रसम्| गोगजाजाविहयजं पयस्तुल्यान् दशद्रवान्| स्वादुस्कन्धं त्रिकटुकं कल्कितं देवदारू च| पचेत्तच्चाशु दोषघ्नं तद्वद्वासावरीघृतम्||१९||
🔊 Audio coming soon
Adhikarana dvipa~jcamUlAdighRutam (20) · Śloka 20
కరంజబోలస్థవిరకులత్థబదరాగ్నికాః| భల్లాతకంచ తత్క్వాథే షడ్గుణే సాధయేద్ఘృతం| గర్భం ధృత్వా స్నుహిక్షీరం శుకాఖ్యాచవ్యసైంధవం| హరితకీం చ తచ్ఛేషశోఫమేహోదరాపహం||20||
करञ्जबोलस्थविरकुलत्थबदराग्निकाः| भल्लातकञ्च तत्क्वाथे षड्गुणे साधयेद्घृतम्| गर्भं धृत्वा स्नुहिक्षीरं शुकाख्याचव्यसैन्धवम्| हरितकीं च तच्छेषशोफमेहोदरापहम्||२०||
🔊 Audio coming soon
Adhikarana siddhaghRutAnAM prayogAH (21) · Śloka 21
యవాగ్వా వా పిబేన్మాత్రాం లిహ్యాద్వా మధునాన్వితాం| సిద్ధానాం సర్పిషామేషాం దద్యాదంభేన వా సహ||21||
यवाग्वा वा पिबेन्मात्रां लिह्याद्वा मधुनान्विताम्| सिद्धानां सर्पिषामेषां दद्यादम्भेन वा सह||२१||
🔊 Audio coming soon
Adhikarana elAdiko lehaH (22) · Śloka 22
ఏలాజమోదాత్రిఫలాసౌరాష్ట్రీవ్యోషచిత్రకాన్| సారానరిష్టగాయత్రీసాలబీజకసంభవాన్| భల్లాతకం విడంగంచ పృథగష్టపలోమింతం| సలిలే షోడశగుణే షోడశాంశస్థితం పచేత్| పునస్తేన ఘృతప్రస్థం సిద్ధే చాస్మిన్ పలాని షట్| తవక్షీర్యాః క్షిపేత్త్రింశత్ సితాయా ద్విగుణం మధు| ఘృతాత్త్రిజాతాత్త్రిఫలం తతో లీఢం ఖజాహతం| పయోనుపానం తత్ ప్రాహ్ణే రసాయనమయంత్రణం| మేధ్యం చక్షుష్యమాయుష్యం దీపనం హంతి చాచిరాత్| మేహగుల్మక్షయవ్యాధిపాండురోగభగందరాన్| యే చ సర్పిర్గుడాఃప్రోక్తాః క్షతే యోజ్యాః క్షయేఽపి తే||22||
एलाजमोदात्रिफलासौराष्ट्रीव्योषचित्रकान्| सारानरिष्टगायत्रीसालबीजकसम्भवान्| भल्लातकं विडङ्गञ्च पृथगष्टपलोमिन्तम्| सलिले षोडशगुणे षोडशांशस्थितं पचेत्| पुनस्तेन घृतप्रस्थं सिद्धे चास्मिन् पलानि षट्| तवक्षीर्याः क्षिपेत्त्रिंशत् सिताया द्विगुणं मधु| घृतात्त्रिजातात्त्रिफलं ततो लीढं खजाहतम्| पयोनुपानं तत् प्राह्णे रसायनमयन्त्रणम्| मेध्यं चक्षुष्यमायुष्यं दीपनं हन्ति चाचिरात्| मेहगुल्मक्षयव्याधिपाण्डुरोगभगन्दरान्| ये च सर्पिर्गुडाःप्रोक्ताः क्षते योज्याः क्षयेऽपि ते||२२||
🔊 Audio coming soon
Adhikarana kharjUrAdipa~jcalehAH (23) · Śloka 23
ఖర్జూరపిప్పలీద్రాక్షాపథ్యాశృంగీదురాలభాః| త్రిఫలాపిప్పలీముస్తాశృంగాటగుడశర్కరాః| వీరాశఠీపుష్కరాఖ్యాసురసాశర్కరాగుడః| నాగరం చిత్రకో లాజాః పిప్పల్యామలకం గుడః| విడంగం సారశ్చవికాత్ర్యూషణం చ విచూర్ణితం| అర్ధశ్లోకైః స్మృతా లేహాః పంచైతే మధుసర్పిషా| స్వర్యాః కాసక్షయశ్వాసపార్శ్వరుక్కఫనాశనాః||23||
खर्जूरपिप्पलीद्राक्षापथ्याशृङ्गीदुरालभाः| त्रिफलापिप्पलीमुस्ताशृङ्गाटगुडशर्कराः| वीराशठीपुष्कराख्यासुरसाशर्करागुडः| नागरं चित्रको लाजाः पिप्पल्यामलकं गुडः| विडङ्गं सारश्चविकात्र्यूषणं च विचूर्णितम्| अर्धश्लोकैः स्मृता लेहाः पञ्चैते मधुसर्पिषा| स्वर्याः कासक्षयश्वासपार्श्वरुक्कफनाशनाः||२३||
🔊 Audio coming soon
Adhikarana tvagelAdikaM cUrNam (24) · Śloka 24
త్వగేలాపిప్పలీక్షీరీశర్కరా ద్విగుణాః క్రమాత్| చూర్ణితా భక్షయేల్లిహ్యాత్ పూర్వవద్వా తథాగుణాః||24||
त्वगेलापिप्पलीक्षीरीशर्करा द्विगुणाः क्रमात्| चूर्णिता भक्षयेल्लिह्यात् पूर्ववद्वा तथागुणाः||२४||
🔊 Audio coming soon
Adhikarana tilAdikaM cUrNAdikam (25) · Śloka 25
తిలమాషాశ్వగంధా వా మాక్షికాజఘృతాద్రుతాః| పూర్వోక్తేష్వేవ రోగేషు వాతప్రాయేషు పూజితా||25||
तिलमाषाश्वगन्धा वा माक्षिकाजघृताद्रुताः| पूर्वोक्तेष्वेव रोगेषु वातप्रायेषु पूजिता||२५||
🔊 Audio coming soon
Adhikarana svarasAdacikitsitam vAtaje svarasAde (26) · Śloka 26
విశేషాత్స్వరసదేఽస్య నస్యధూమాది యోజయేత్| తత్రాపి వాతజే కోష్ణం పిబేదౌత్తరభక్తికం| కాసమర్దకవార్తాకీమార్కవస్వరసైర్ఘృతం| సాధితం కాసజిత్స్వర్యం సిద్ధమార్తగలేన వా| బదరీపత్రకల్కం వా ఘృతభృష్టం ససైంధవం| తైలం వా మధుకద్రాక్షాపిప్పలీకృమినుత్ఫలైః| హంసపాద్యాశ్చ మూలేన పక్వం నస్తో నిషేయచేత్| సుఖోదకానుపానం చ ససర్పిష్కం గుడౌదనం| అశ్నీయాత్పాయసంచైవ స్నిగ్ధం స్వేదంచ యోజయేత్||26||
विशेषात्स्वरसदेऽस्य नस्यधूमादि योजयेत्| तत्रापि वातजे कोष्णं पिबेदौत्तरभक्तिकम्| कासमर्दकवार्ताकीमार्कवस्वरसैर्घृतम्| साधितं कासजित्स्वर्यं सिद्धमार्तगलेन वा| बदरीपत्रकल्कं वा घृतभृष्टं ससैन्धवम्| तैलं वा मधुकद्राक्षापिप्पलीकृमिनुत्फलैः| हंसपाद्याश्च मूलेन पक्वं नस्तो निषेयचेत्| सुखोदकानुपानं च ससर्पिष्कं गुडौदनम्| अश्नीयात्पायसञ्चैव स्निग्धं स्वेदञ्च योजयेत्||२६||
🔊 Audio coming soon
Adhikarana pittaje svarasAde (27) · Śloka 27
పిత్తోద్భవే పిబేత్ సర్పిః శృతశీతపయోనుపః| క్షీరివృక్షాంకురక్వాథకల్కసిద్ధం సమాక్షికం| అశ్నీయాచ్చ ససర్పిష్కం యష్టీమధుకపాయసం| బలావిదారిగంధాభ్యాం విదార్యా మధుకేన చ| సిద్ధం సలవణం సర్పిర్నస్యం స్వర్యమనుత్తమం| ప్రపౌండరీకం మధుకం పిప్పలీ బృహతీ బలా| సాధితం క్షీరసర్పిశ్చ తత్స్వర్యం నావనం పరం| లిహ్యాన్మధురకాణాం చ చూర్ణం మధుఘృతాన్వితం| వరీం బలాం పయస్యాం వా కాకోలీమధుకే తథా| ఏవమస్యానుపశమే లలాటే వ్యధయేత్ సిరాం||27||
पित्तोद्भवे पिबेत् सर्पिः शृतशीतपयोनुपः| क्षीरिवृक्षाङ्कुरक्वाथकल्कसिद्धं समाक्षिकम्| अश्नीयाच्च ससर्पिष्कं यष्टीमधुकपायसम्| बलाविदारिगन्धाभ्यां विदार्या मधुकेन च| सिद्धं सलवणं सर्पिर्नस्यं स्वर्यमनुत्तमम्| प्रपौण्डरीकं मधुकं पिप्पली बृहती बला| साधितं क्षीरसर्पिश्च तत्स्वर्यं नावनं परम्| लिह्यान्मधुरकाणां च चूर्णं मधुघृतान्वितम्| वरीं बलां पयस्यां वा काकोलीमधुके तथा| एवमस्यानुपशमे ललाटे व्यधयेत् सिराम्||२७||
🔊 Audio coming soon
Adhikarana kaPaje svarasAde (28) · Śloka 28
పిబేత్ కటూని మూత్రేణ కఫజే రూక్షభోజనః| కట్ఫలామలకవ్యోషం లిహ్యాత్తైలమధుఘృతం| వ్యోషక్షారాగ్నిచవికాభారంగీపథ్యామధూని వా| యవైర్యవాగూం యమకే కణాధాత్రీకృతాం పిబేత్||28||
पिबेत् कटूनि मूत्रेण कफजे रूक्षभोजनः| कट्फलामलकव्योषं लिह्यात्तैलमधुघृतम्| व्योषक्षाराग्निचविकाभार्ङ्गीपथ्यामधूनि वा| यवैर्यवागूं यमके कणाधात्रीकृतां पिबेत्||२८||
🔊 Audio coming soon
Adhikarana uccaBAShaNaje svarasAde (29) · Śloka 29
శర్కరాక్షౌద్రమిశ్రాణి శృతాని మధురైః సహ| పిబేత్పయాంసి యస్యోచ్చైర్వదతో విహితః స్వరః||29||
शर्कराक्षौद्रमिश्राणि शृतानि मधुरैः सह| पिबेत्पयांसि यस्योच्चैर्वदतो विहितः स्वरः||२९||
🔊 Audio coming soon
Adhikarana arocakacikitsitam sAmAnyopacArAH (30) · Śloka 30
విచిత్రమన్నమరుచౌ హితైరుపహితం హితం| బహిరంతర్మృజా చిత్తనిర్వాణం హృద్యమౌషధం| ద్వౌ కాలౌ దంతపవనం భక్షయేన్ముఖధావనైః| కషాయైః క్షాలయేదాస్యం ధూమం ప్రాయోగికం పిబేత్| తాలీసపత్రవటకాః సకర్పూరసితోపలాః| శశాంకకిరణాఖ్యాశ్చ భక్ష్యా రుచికరాః పరం||30||
विचित्रमन्नमरुचौ हितैरुपहितं हितम्| बहिरन्तर्मृजा चित्तनिर्वाणं हृद्यमौषधम्| द्वौ कालौ दन्तपवनं भक्षयेन्मुख़धावनैः| कषायैः क्षालयेदास्यं धूमं प्रायोगिकं पिबेत्| तालीसपत्रवटकाः सकर्पूरसितोपलाः| शशाङ्ककिरणाख़्याश्च भक्ष्या रुचिकराः परम्||३०||
🔊 Audio coming soon
Adhikarana vAtaje~arocake (31) · Śloka 31
వాతాదరోచకే తత్ర పిబేచ్చూర్ణం ప్రసన్నయా| హరేణుకృష్ణాకృమినుద్ద్రాక్షాసైంధవనాగరాత్| ఏలాభారంగీయవక్షారహింగుయుక్తాద్ ఘృతేన వా||31||
वातादरोचके तत्र पिबेच्चूर्णं प्रसन्नया| हरेणुकृष्णाकृमिनुद्द्राक्षासैन्धवनागरात्| एलाभार्ङ्गीयवक्षारहिङ्गुयुक्ताद् घृतेन वा||३१||
🔊 Audio coming soon
Adhikarana pittaje~arocake (32) · Śloka 32
ఛర్దయేద్వా వచాంభోభిః పిత్తాచ్చ గుడవారిభిః| లిహ్యాద్వా శర్కరాసర్పిర్లవణోత్తమమాక్షికం||32||
छर्दयेद्वा वचाम्भोभिः पित्ताच्च गुडवारिभिः| लिह्याद्वा शर्करासर्पिर्लवणोत्तममाक्षिकम्||३२||
🔊 Audio coming soon
Adhikarana kaPaje~arocake (33) · Śloka 33
కఫాద్వమేన్నింబజలైర్దీప్యకారగ్వధోదకం| పానం సమధ్వరిష్టాచ్చ తీక్ష్ణాః సమధుమాధవాః| పిబేచ్చూర్ణంచ పూర్వోక్తం హరేణ్వాద్యుష్ణవారిణా| త్రికటుత్రిఫలారాత్రీయవక్షారం మధుఘృతం| ప్రాతరాహారకాలే చ యుంజీత ముఖధావనం||33||
कफाद्वमेन्निम्बजलैर्दीप्यकारग्वधोदकम्| पानं समध्वरिष्टाच्च तीक्ष्णाः समधुमाधवाः| पिबेच्चूर्णञ्च पूर्वोक्तं हरेण्वाद्युष्णवारिणा| त्रिकटुत्रिफलारात्रीयवक्षारं मधुघृतम्| प्रातराहारकाले च युञ्जीत मुखधावनम्||३३||
🔊 Audio coming soon
Adhikarana kavalagrahAH (34) · Śloka 34
బిడం సౌవర్చలం కుష్టమజాజీమరిచం సితా| ధాత్ర్యేలాపద్మకోశీరపిప్పలీచందనోత్పలం| లోధ్రం తేజోవతీపథ్యాయవక్షారం కటుత్రయం| ఆర్ద్రదాడిమనిర్యాసః సాజాజీసితశర్కరః| సతైలమాక్షికాయుక్తాశ్చాచారః కవలగ్రహాః| చతురోఽరోచకాన్ హన్యురేకదోషసమస్తజాన్| కారవ్యజాజీమరిచద్రాక్షావృక్షామ్లదాడిమం| సౌవర్చలగుడక్షౌద్రం సర్వారోచకనాశనం||34||
बिडं सौवर्चलं कुष्टमजाजीमरिचं सिता| धात्र्येलापद्मकोशीरपिप्पलीचन्दनोत्पलम्| लोध्रं तेजोवतीपथ्यायवक्षारं कटुत्रयम्| आर्द्रदाडिमनिर्यासः साजाजीसितशर्करः| सतैलमाक्षिकायुक्ताश्चाचारः कवलग्रहाः| चतुरोऽरोचकान् हन्युरेकदोषसमस्तजान्| कारव्यजाजीमरिचद्राक्षावृक्षाम्लदाडिमम्| सौवर्चलगुडक्षौद्रं सर्वारोचकनाशनम्||३४||
🔊 Audio coming soon
Adhikarana samaSarkara~jcUrNam (35) · Śloka 35
ఏలాత్వఙ్నాగకుసుమతీక్ష్ణకృష్ణామహౌషధం| భాగవృద్ధం క్రమాచ్చూర్ణం నిహంతి సమశర్కరం| ప్రసేకారుచిహృత్పార్శ్వకాసశ్వాసగలామయాన్||35||
एलात्वङ्नागकुसुमतीक्ष्णकृष्णामहौषधम्| भागवृद्धं क्रमाच्चूर्णं निहन्ति समशर्करम्| प्रसेकारुचिहृत्पार्श्वकासश्वासगलामयान्||३५||
🔊 Audio coming soon
Adhikarana yavAnyAdicUrNam (36) · Śloka 36
యవానీతింతిణీకామ్లవేతసౌషధదాడిమం| కృత్వా కోలంచ కర్షాశం సితాయాశ్చ చతుష్పలం| ధాన్యసౌవర్చలాజాజీవరాంగం చార్ధకార్షికం| పిప్పలీనాం శతం చైకం ద్వే శతే మరిచస్య చ| చూర్ణమేతత్ పరం రుచ్యం హృద్యం గ్రాహి హినస్తి చ| విబంధకాసహృత్పార్శ్వప్లీహార్శోగ్రహణీగదాన్||36||
यवानीतिन्तिणीकाम्लवेतसौषधदाडिमम्| कृत्वा कोलञ्च कर्षाशं सितायाश्च चतुष्पलम्| धान्यसौवर्चलाजाजीवराङ्गं चार्धकार्षिकम्| पिप्पलीनां शतं चैकं द्वे शते मरिचस्य च| चूर्णमेतत् परं रुच्यं हृद्यं ग्राहि हिनस्ति च| विबन्धकासहृत्पार्श्वप्लीहार्शोग्रहणीगदान्||३६||
🔊 Audio coming soon
Adhikarana tAlIsAdicUrNam (37) · Śloka 37
తాలీసపత్రం మరిచం నాగరం పిప్పలీ శుభా| యథోత్తరం భాగవృద్ధస్త్వగేలే చార్ద్ధభాగికే| తద్రుచ్యం దీపనం చూర్ణం కణాష్టగుణశర్కరం| కాసశ్వాసారుచిచ్ఛర్దిప్లీహహృత్పార్శ్వశూలజిత్| పాండుజ్వరాతిసారఘ్నం మూఢవాతానులోమనం||37||
तालीसपत्रं मरिचं नागरं पिप्पली शुभा| यथोत्तरं भागवृद्धस्त्वगेले चार्द्धभागिके| तद्रुच्यं दीपनं चूर्णं कणाष्टगुणशर्करम्| कासश्वासारुचिच्छर्दिप्लीहहृत्पार्श्वशूलजित्| पाण्डुज्वरातिसारघ्नं मूढवातानुलोमनम्||३७||
🔊 Audio coming soon
Adhikarana tAlIsAdimodakaH (38) · Śloka 38
తాలీసపత్రచవికామరీచానాం పలం పలం| కృష్ణాతన్మూలయోర్ద్వే ద్వే పలే శుంఠీ పలత్రయం| చతుర్జాతముశీరం చ కర్షాశం శ్లక్ష్ణశ్చూర్ణితం| తత్ర త్రింశత్పలం దత్వా క్వథితాదమలాద్గుడాత్| కుర్వీత మోదకానక్షసమ్మితాంస్తేఽపి తద్గుణాః||38||
तालीसपत्रचविकामरीचानां पलं पलम्| कृष्णातन्मूलयोर्द्वे द्वे पले शुण्ठी पलत्रयम्| चतुर्जातमुशीरं च कर्षाशं श्लक्ष्णश्चूर्णितम्| तत्र त्रिंशत्पलं दत्वा क्वथितादमलाद्गुडात्| कुर्वीत मोदकानक्षसम्मितांस्तेऽपि तद्गुणाः||३८||
🔊 Audio coming soon
Adhikarana prasekacikitsitam (39) · Śloka 39
అర్కామృతాక్షారజలే శర్వరీముషితైర్యవైః| ప్రసేకే కల్పితాన్సక్తూంభక్ష్యాంశ్చాద్యాద్బలీ వమేత్| కటుతిక్తైస్తథా శూల్యం భక్షయేజ్జాంగలం పలం| శుష్కాంశ్చ భక్ష్యాన్ సులఘూంశ్చణకాదిరసానుపః| శ్లేష్మణోఽతిప్రసేకేన వాయుః శ్లేష్మాణమస్యతి| కఫప్రసేకం తం విద్యాత్ స్నిగ్ధోష్ణైరేవ నిర్జయేత్||39||
अर्कामृताक्षारजले शर्वरीमुषितैर्यवैः| प्रसेके कल्पितान्सक्तून्भक्ष्यांश्चाद्याद्बली वमेत्| कटुतिक्तैस्तथा शूल्यं भक्षयेज्जाङ्गलं पलम्| शुष्कांश्च भक्ष्यान् सुलघूंश्चणकादिरसानुपः| श्लेष्मणोऽतिप्रसेकेन वायुः श्लेष्माणमस्यति| कफप्रसेकं तं विद्यात् स्निग्धोष्णैरेव निर्जयेत्||३९||
🔊 Audio coming soon
Adhikarana pInasavamathvoScikitsitam (40) · Śloka 40
పీనసేఽపి క్రమమిమం వమథౌ చ ప్రయోజయేత్| విశేషాత్పీనసేఽభ్యంగాన్సేహాన్స్వేదాంశ్చ శీలయేత్| స్నిగ్ధానుత్కారికాపిండైః శిరఃపార్శ్వగలాదిషు| లవణామ్లకటూష్ణాంశ్చ రసాన్ స్నేహోపసంహితాన్||40||
पीनसेऽपि क्रममिमं वमथौ च प्रयोजयेत्| विशेषात्पीनसेऽभ्यङ्गान्सेहान्स्वेदांश्च शीलयेत्| स्निग्धानुत्कारिकापिण्डैः शिरःपार्श्वगलादिषु| लवणाम्लकटूष्णांश्च रसान् स्नेहोपसंहितान्||४०||
🔊 Audio coming soon
Adhikarana SiraHpArSvAMsaSUleShu cikitsA doShAnusAraM vidhiSca (41) · Śloka 41
శిరోంఽసపార్శ్వశూలేషు యథాదోషవిధిం చరేత్| ఔదకానూపపిశితైరుపనాహాః సుసంస్కృతాః| శస్యంతే సచతుఃస్నేహాః శిరఃపార్శ్వాంసశూలినాం| లేపశ్చ నతయష్ట్యాహ్వశతాహ్వాకుష్ఠచందనైః||41||
शिरोंऽसपार्श्वशूलेषु यथादोषविधिं चरेत्| औदकानूपपिशितैरुपनाहाः सुसंस्कृताः| शस्यन्ते सचतुःस्नेहाः शिरःपार्श्वांसशूलिनाम्| लेपश्च नतयष्ट्याह्वशताह्वाकुष्ठचन्दनैः||४१||
🔊 Audio coming soon
Adhikarana saMsRuShTadoSheShu pradehAH (42) · Śloka 42
బలారాస్నాస్తిలాః సర్పిర్మధుకం నీలముత్పలం| పలంకషా దేవదారూ చందనం మధుకం ఘృతం| కృష్ణగంధా బలా వీరా విదారీ సపునర్నవా| అభీరూయష్టీమధుకం పయస్యాకత్తృణం ఘృతం| ఇల్యర్ధయోగైశ్చత్వారః ప్రదేహాః పరికీర్తితాః| శస్తాః సంసృష్టదోషాణాం .....................||42||
बलारास्नास्तिलाः सर्पिर्मधुकं नीलमुत्पलम्| पलङ्कषा देवदारू चन्दनं मधुकं घृतम्| कृष्णगन्धा बला वीरा विदारी सपुनर्नवा| अभीरूयष्टीमधुकं पयस्याकत्तृणं घृतम्| इल्यर्धयोगैश्चत्वारः प्रदेहाः परिकीर्तिताः| शस्ताः संसृष्टदोषाणां .....................||४२||
🔊 Audio coming soon
Adhikarana nAvanAdyanye upacArAH (43) · Śloka 43
...........................శిరఃపార్శ్వాంశూలినాం| నావనం ధూమపానాని స్నేహాశ్చౌత్తరభక్తికాః| తైలాభ్యంగయోగీని బలికర్మ తథా పరం| శృంగాద్యైర్వా యథాదోషం దుష్టమేషాం హరేదసృక్| ప్రదేహైః సఘృతైశ్చేష్టః పద్మకోశీరచందనైః| దూర్వామధుకమంజిష్ఠాకేసరైర్వా ఘృతాప్లుతైః| చందనాద్యేన తైలేన శతధౌతేన సర్పిషా| అభ్యంగః పయసా సేకః శస్తశ్చ మధుకాంబునా||43||
...........................शिरःपार्श्वांशूलिनाम्| नावनं धूमपानानि स्नेहाश्चौत्तरभक्तिकाः| तैलाभ्यङ्गयोगीनि बलिकर्म तथा परम्| शृङ्गाद्यैर्वा यथादोषं दुष्टमेषां हरेदसृक्| प्रदेहैः सघृतैश्चेष्टः पद्मकोशीरचन्दनैः| दूर्वामधुकमञ्जिष्ठाकेसरैर्वा घृताप्लुतैः| चन्दनाद्येन तैलेन शतधौतेन सर्पिषा| अभ्यङ्गः पयसा सेकः शस्तश्च मधुकाम्बुना||४३||
🔊 Audio coming soon
Adhikarana atisAracikitsitam (44) · Śloka 44
ప్రాయేణోపహతాగ్నిత్వాత్ సపిచ్ఛామతిసార్యతే| తస్యాతిసారగ్రహణీవిహితం హితమౌషధం| సనాగరానింద్రయవాన్ పాయయేత్తండులాంబునా| జీర్ణేషు తేషు పేయాం చ చాంగేరీతక్రదాడిమైః| పాఠానింబయవానీనాం చూర్ణం తక్రేణ వా పిబేత్| సురయా వా యుతాం పాఠాం సనాగరదురాలభాం| జంబ్వామ్రవిల్వమధ్యం వా సకపిత్థం సనాగరం| పేయామండేన.................................||44||
प्रायेणोपहताग्नित्वात् सपिच्छामतिसार्यते| तस्यातिसारग्रहणीविहितं हितमौषधम्| सनागरानिन्द्रयवान् पाययेत्तण्डुलाम्बुना| जीर्णेषु तेषु पेयां च चाङ्गेरीतक्रदाडिमैः| पाठानिम्बयवानीनां चूर्णं तक्रेण वा पिबेत्| सुरया वा युतां पाठां सनागरदुरालभाम्| जम्ब्वाम्रविल्वमध्यं वा सकपित्थं सनागरम्| पेयामण्डेन.................................||४४||
🔊 Audio coming soon
Adhikarana atisAre KaDAH (45) · Śloka 45
..........యోగైశ్చ పాఠాద్యైః కారయేత్ త్రిభిః| ససూప్యధాన్యాన్సస్నేహాన్సామ్లాన్సలవణాంఖడాన్| వేతసార్జునజంబూనాం మృణాలీకృష్ణగంధయోః| శ్రీపర్ణ్యా మాతులుంగస్య ధాతక్యా దాడిమస్య చ| చాంగేర్యా మదయంత్యాశ్చ యూథికాయాశ్చ పల్లవైః| కాలవిద్దుగ్ధికాయాశ్చ చుక్రికాయాశ్చ యోజయేత్| ఖడాన్ దధిసరోపేతాన్ ససర్పిష్కాన్ సదాడిమాన్| రోచనాన్ దీపనాన్ దద్యాదతీసారహరాన్ పరం||45||
..........योगैश्च पाठाद्यैः कारयेत् त्रिभिः| ससूप्यधान्यान्सस्नेहान्साम्लान्सलवणाङ्ख़डान्| वेतसार्जुनजम्बूनां मृणालीकृष्णगन्धयोः| श्रीपर्ण्या मातुलुङ्गस्य धातक्या दाडिमस्य च| चाङ्गेर्या मदयन्त्याश्च यूथिकायाश्च पल्लवैः| कालविद्दुग्धिकायाश्च चुक्रिकायाश्च योजयेत्| ख़डान् दधिसरोपेतान् ससर्पिष्कान् सदाडिमान्| रोचनान् दीपनान् दद्यादतीसारहरान् परम्||४५||
🔊 Audio coming soon
Adhikarana rAjayakShmiNaH purIShaM rakShet (46) · Śloka 46
పురీషం యత్నతో రక్షేచ్ఛుష్యతో రాజయక్ష్మిణః| సర్వధాతుక్షయార్తస్య బలం తస్య హి విడ్బలం||46||
पुरीषं यत्नतो रक्षेच्छुष्यतो राजयक्ष्मिणः| सर्वधातुक्षयार्तस्य बलं तस्य हि विड्बलम्||४६||
🔊 Audio coming soon
Adhikarana jvarAdiShu kriyopadeSaH (47) · Śloka 47
జ్వరాదిష్వపి కుర్వీత వికారేషు యథామయం| బహ్వామయసమూహో హి యక్ష్మాతః సోఽతిదుఃసహః|47|
ज्वरादिष्वपि कुर्वीत विकारेषु यथामयम्| बह्वामयसमूहो हि यक्ष्मातः सोऽतिदुःसहः|४७|
🔊 Audio coming soon
Adhikarana ajArasAyanam (47) · Śloka 47
అజాం వా పర్యుపాసీత షణ్మాసానుటజే వసన్| తత్పయోమూత్రవిడ్వృత్తిపరిషేకప్రఘర్షణః| తాభిః పరివృతః స్వప్యత్తచ్ఛకృద్రేణుసంకురే| ఏతద్రసాయనం శ్రేష్ఠం రోగరాజస్య నాశనం||47||
अजां वा पर्युपासीत षण्मासानुटजे वसन्| तत्पयोमूत्रविड्वृत्तिपरिषेकप्रघर्षणः| ताभिः परिवृतः स्वप्यत्तच्छकृद्रेणुसङ्कुरे| एतद्रसायनं श्रेष्ठं रोगराजस्य नाशनम्||४७||
🔊 Audio coming soon
Adhikarana pa~jcAjaM ghRutam (49) · Śloka 49
అజాశకృద్రసక్షీరదధిమూత్రైః శృతం ఘృతం| సపంచపటు పంచాజం క్షయీ క్షీరానుపః పిబేత్||49||
अजाशकृद्रसक्षीरदधिमूत्रैः शृतं घृतम्| सपञ्चपटु पञ्चाजं क्षयी क्षीरानुपः पिबेत्||४९||
🔊 Audio coming soon
Adhikarana mAMsamadyayorupayogaH (50) · Śloka 50
మాంసమేవాశ్నతో యుక్త్యా మార్ద్వీకం పిబతోఽను చ| అవిధారితవేగస్య యక్ష్మా న లభతేఽంతరం| సురాం సమండాం మార్ద్వీకమరిష్టాన్ సీధుమాధవాన్| యథార్హమనుపానార్థం పిబేన్మాంసాని భక్షయన్| స్రోతోవిబంధమోక్షార్థం బలౌజఃపుష్టయే చ తత్||50||
मांसमेवाश्नतो युक्त्या मार्द्वीकं पिबतोऽनु च| अविधारितवेगस्य यक्ष्मा न लभतेऽन्तरम्| सुरां समण्डां मार्द्वीकमरिष्टान् सीधुमाधवान्| यथार्हमनुपानार्थं पिबेन्मांसानि भक्षयन्| स्रोतोविबन्धमोक्षार्थं बलौजःपुष्टये च तत्||५०||
🔊 Audio coming soon
Adhikarana abhya~ggAvagAhAdikam (51) · Śloka 51
స్నేహక్షీరాంబుకోష్ఠేషు స్వభ్యక్తమవగాహయేత్| ఉత్తీర్ణం మిశ్రకస్నేహైః పునరాక్తం సుఖైః కరైః| మృద్నీయాత్సుఖమాసీనం సుఖం చోద్వర్తయేత్ పరం||51||
स्नेहक्षीराम्बुकोष्ठेषु स्वभ्यक्तमवगाहयेत्| उत्तीर्णं मिश्रकस्नेहैः पुनराक्तं सुखैः करैः| मृद्नीयात्सुखमासीनं सुखं चोद्वर्तयेत् परम्||५१||
🔊 Audio coming soon
Adhikarana jIvantyAdicUrNamudvartanArthe (52) · Śloka 52
జీవంతీం శతవీర్యాంచ వికసాం సపునర్నవాం| అశ్వగంధామపామార్గం తర్కారీం మధుకం బలాం| విదారీం సర్షపాన్ కుష్ఠం తండుతానతసీఫలం| మాషాంస్తిలాంశ్చ కిణ్వంచ సర్వమేకత్ర చూర్ణయేత్| యవచూర్ణం త్రిగుణితం దధ్నా యుక్తం సమాక్షికం| ఏతదుద్వర్తనం కార్యం పుష్టివRర్ణబలప్రదం||52||
जीवन्तीं शतवीर्याञ्च विकसां सपुनर्नवाम्| अश्वगन्धामपामार्गं तर्कारीं मधुकं बलाम्| विदारीं सर्षपान् कुष्ठं तण्डुतानतसीफलम्| माषांस्तिलांश्च किण्वञ्च सर्वमेकत्र चूर्णयेत्| यवचूर्णं त्रिगुणितं दध्ना युक्तं समाक्षिकम्| एतदुद्वर्तनं कार्यं पुष्टिवऱ्र्णबलप्रदम्||५२||
🔊 Audio coming soon
Adhikarana snAnArthaM jalam (53) · Śloka 53
గౌరసర్షపకల్కేన స్నానీయౌషధిభిశ్చ సః| స్నాయాదృతుసుఖైస్తోయైః జీవనీయోపసాధితైః||53||
गौरसर्षपकल्केन स्नानीयौषधिभिश्च सः| स्नायादृतुसुखैस्तोयैः जीवनीयोपसाधितैः||५३||
🔊 Audio coming soon
Adhikarana gandhamAlyAdisevanam (54) · Śloka 54
గంధమాల్యాదికాం భూషామలక్ష్మీనాశనీం భజేత్| సుహృదాం దర్శనం గీతవాదిత్రోత్సవసంశ్రుతీః| బస్తయః క్షీరసర్పీంషి మద్యం మాంసం సుశీలతా||54||
गन्धमाल्यादिकां भूषामलक्ष्मीनाशनीं भजेत्| सुहृदां दर्शनं गीतवादित्रोत्सवसंश्रुतीः| बस्तयः क्षीरसर्पींषि मद्यं मांसं सुशीलता||५४||
🔊 Audio coming soon
Adhikarana daivavyapAshrayamauShadham (55-7) · Śloka 7
దైవవ్యపాశ్రయం తద్వదథర్వోక్తం చ పూజితం| ఇష్ట్యా యథా చ చంద్రస్య రాజయక్ష్మా పురా జితః| పురోహితః ప్రయుంజీత వేదోక్తాం తాం జితాత్మనః||55|| ఇతి వైద్యపతిసింహగుప్తస్య సూనోర్వాగ్భటస్య కృతావష్టాంగసంంగ్రహసంహితాయాం చికిత్సితస్థానే రాజయక్ష్మచికిత్సితన్నామ సప్తమోఽధ్యాయః||7||
दैवव्यपाश्रयं तद्वदथर्वोक्तं च पूजितम्| इष्ट्या यथा च चन्द्रस्य राजयक्ष्मा पुरा जितः| पुरोहितः प्रयुञ्जीत वेदोक्तां तां जितात्मनः||५५|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंङ्ग्रहसंहितायां चिकित्सितस्थाने राजयक्ष्मचिकित्सितन्नाम सप्तमोऽध्यायः||७||
🔊 Audio coming soon