7. rājayakṣmacikitsitam

Adhikarana atha rAjayakShmacikitsitaM nAma saptamo~adhyAyaH adhyAya pratij~jA (1) · Śloka 1

ಅಥಾತೋ ರಾಜಯಕ್ಷ್ಮಚಿಕಿತ್ಸಿತಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana balinaH Sodhanam (2) · Śloka 2

ಬಲಿನೋಬಹುದೋಷಸ್ಯ ಸ್ನಿಗ್ಧಸ್ವಿನ್ನಸ್ಯ ಶೋಧನಮ್| ಊರ್ಧ್ವಾಧೋ ಯಕ್ಷ್ಮಿಣಃ ಕುರ್ಯಾತ್ಸಸ್ನೇಹಂ ಯನ್ನ ಕರ್ಶನಮ್| ಪಯಸಾ ಫಲಯುಕ್ತೇನ ಮಧುರೇಣ ರಸೇನ ವಾ| ಸರ್ಪಿಷ್ಮತ್ಯಾ ಯವಾಗ್ವಾ ವಾ ವಮನದ್ರವ್ಯಸಿದ್ಧಯಾ| ವಮೇದ್ವಿರೇಚನಂ ದದ್ಯಾತ್ತ್ರಿವೃಚ್ಛ್ಯಾಮಾನ್ನೃಪದ್ರುಮಾನ್| ಶರ್ಕರಾಮಧುಸರ್ಪಿರ್ಭಿಃ ಪಯಸಾ ತರ್ಪಣೇನ ವಾ| ದ್ರಾಕ್ಷಾವಿದಾರೀಕಾಶ್ಮರ್ಯಮಾಂಸಾನಾಂ ವಾ ರಸೈರ್ಯುತಾನ್||೨||

Adhikarana SodhanottaraM bRuMhaNaM dIpana~jca (3) · Śloka 3

ಶುದ್ಧಕೋಷ್ಠಸ್ಯ ಯುಞ್ಜೀತ ವಿಧಿಂ ಬೃಂಹಣದೀಪನಮ್| ಹೃದ್ಯಾನಿ ಚಾನ್ನಪಾನಾನಿ ವಾತಘ್ನಾನಿ ಲಘೂನಿ ಚ| ಶಾಲಿಷಷ್ಟಿಕಗೋಧೂಮಯವಮುದ್ಗಂ ಸಮಾಸ್ಥಿತಮ್| ಲಘುಮಚ್ಯುವೀರ್ಯಂ ಚ ಸುಜರಂ ಬಲಕೃಚ್ಚ ಯತ್| ಆಜಂ ಕ್ಷೀರಂ ಘೃತಂ ಮಾಂಸಂ ಕ್ರವ್ಯಾನ್ಮಾಂಸಞ್ಚ ಶೋಷಜಿತ್| ಕಾಕೋಲುಕವೃಕದ್ವೀಪಿಗವಾಶ್ವನಕುಲೋರಗಮ್| ಗೃಧ್ರಮಾಂಸಖರೋಷ್ಟ್ರಂ ಚ ಹಿತಂ ಛದ್ಮೋಪಸಂಹಿತಮ್| ಜ್ಞಾತಂ ಜುಗುಪ್ಸಿತಂ ತದ್ಧಿ ಛರ್ದಿಷೇ ನ ಬಲೌಜಸೇ||೩||

Adhikarana mRugAdimAMsasevane vidhiH (4) · Śloka 4

ಮೃಗಾದ್ಯಾಃ ಪಿತ್ತಕಫಯೋಃ ಪವನೇ ಪ್ರಸಹಾದಯಃ| ವೇಶವಾರೀಕೃತಾಃ ಪಥ್ಯಾ ರಸಾದಿಷು ಚ ಕಲ್ಪಿತಾಃ| ಭೃಷ್ಟಾಃ ಸರ್ಷಪತೈಲೇನ ಸರ್ಪಿಷಾ ವಾ ಯಥಾಯಥಮ್| ರಸಿಕಾ ಮೃದವಃ ಸ್ನಿಗ್ಧಾಃ ಪಟುದ್ರವ್ಯಾಭಿಸಂಸ್ಕೃತಾಃ| ಹಿತಾ ಮೌದ್ಗಕಕೌಲತ್ಥಾಸ್ತದ್ವದ್ಯೂಷಾಶ್ಚ ಸಾಧಿತಾಃ| ಸಪಿಪ್ಪಲೀಕಂ ಸಯವಂ ಸಕುಲತ್ಥಂ ಸನಾಗರಮ್| ಸದಾಡಿಮಂ ಸಾಮಲಕಂ ಸ್ನಿಗ್ಧಮಾಜಂ ರಸಂ ಪಿಬೇತ್| ತೇನ ಷಡ್ ವಿನಿವರ್ತನ್ತೇ ವಿಕಾರಾಃ ಪೀನಸಾದಯಃ||೪||

Adhikarana kolAdiBiScandrakAntaH (5) · Śloka 5

ಕೋಲದಾದಿಮನಿರ್ಯಾಸಪಿಷ್ಟಯಾಸ್ಥಿವಿಹೀನಯಾ| ದ್ರಾಕ್ಷಯಾ ಸ್ವಚ್ಛಧಾನ್ಯಾಮ್ಬುಪ್ಲುತಾಲೋಡಿತಕಲ್ಕಯಾ| ಕಾರ್ಯಃ ಸೌವರ್ಚಲವ್ಯೋಷಪತ್ರೈಲಾದೀಪ್ಯಕಾನ್ವಿತಃ| ಸಮಾಕ್ಷಿಕಃ ಸಕರ್ಪೂರಃ ಸಲವಙ್ಗ ಸಕೇಸರಃ| ಚನ್ದ್ರಕಾನ್ತೋ ಯಥಾರ್ಯಾಖ್ಯಃ ಶೋಷಹಾಗ್ನಿರುಚಿಪ್ರದಃ||೫||

Adhikarana drAkShArAgaH (6) · Śloka 6

ಶುಕ್ತಾಮ್ಲಧಾತ್ರೀಸ್ವರಸೈರ್ದ್ರಾಕ್ಷಾಯಾಃ ಕಲ್ಕಿತಂ ಪಲಮ್| ಗುಡಶರ್ಕರಸಂಯುಕ್ತಂ ಯುಕ್ತಂ ಶ್ಲಕ್ಷ್ಣೈಶ್ಚ ಕಾರ್ಷಿಕೈಃ| ವೃಕ್ಷಾಮ್ಲಧಾನ್ಯದ್ರಮಿಲೀರಾಜಿಕಾದಾಡಿಮೋಷಣೈಃ| ಪಲೇನ ನಾಗಪುಷ್ಪಸ್ಯ ಕಿಞ್ಚಿತ್ಸೌವರ್ಚಲೇನ ಚ| ಸಸೇವ್ಯಪತ್ರತ್ವಕ್ತೋಯಸುರಸಾರಸಮೂರ್ಚ್ಛಿತಃ| ಭೂರಿಭೂಸ್ತೃಣಕೋ ರೋಗಃ ಕಣ್ಠ್ಯೋ ರುಚ್ಯಃ ಸಮಾಕ್ಷಿಕಃ||೬||

Adhikarana pAnam (7) · Śloka 7

ಪಿಬೇಚ್ಚ ಸುತರಾಂ ಮದ್ಯಂ ಜೀರ್ಣಂ ಸ್ರೋತೋವಿಶೋಧನಮ್| ಪಿತ್ತಾದಿಷು ವಿಶೇಷೇಣ ಮಧ್ವರಿಷ್ಟಾಚ್ಛವಾರುಣೀಃ| ಸಿದ್ಧಂ ವಾ ಪಞ್ಚಮೂಲೇನ ತಾಮಲಕ್ಯಾಥವಾ ಜಲಮ್| ಪರ್ಣಿನೀಭಿಶ್ಚತಸೃಭಿರ್ಧಾನ್ಯನಾಗರಕೇಣ ವಾ| ಕಲ್ಕಯೇಚ್ಚಾನುಕೂಲೋಽಸ್ಯ ತೇನಾನ್ನಂ ಶುಚಿ ಯತ್ನವಾನ್||೭||

Adhikarana balAgarbhaM dashamUlaghRutam (8) · Śloka 8

ದಶಮೂಲೇನ ಪಯಸಾ ಸಿದ್ಧಂ ಮಾಂಸರಸೇನ ವಾ| ಬಲಾಗರ್ಭಂ ಘೃತಂ ಯೋಜ್ಯಂ ಕ್ರವ್ಯಾನ್ಮಾಂಸರಸೇನವಾ| ಸಕ್ಷೌದ್ರಂ ಪಯಸಾ ಸಿದ್ಧಂ ಸರ್ಪಿರ್ದಶಗುಣೇನ ವಾ||೮||

Adhikarana jIvantyAdighRutam (9) · Śloka 9

ಜೀವನ್ತೀಂ ಮಧುಕಂ ದ್ರಾಕ್ಷಾಂ ಫಲಾನಿ ಕುಟಜಸ್ಯ ಚ| ಪುಷ್ಕರಾಹ್ವಂ ಶಠೀಂ ಕೃಷ್ಣಾಂ ವ್ಯಾಘ್ರೀಂ ಗೋಕ್ಷುರಕಂ ಬಲಾಮ್| ನೀಲೋತ್ಪಲಂ ತಾಮಲಕೀಂ ತ್ರಾಯಮಾಣಾಂ ದುರಾಲಭಾಮ್| ಕಲ್ಕೀಕೃತ್ಯ ಘೃತಂ ಪಕ್ವಂ ರೋಗರಾಜಹರಂ ಪರಮ್||೯||

Adhikarana durAlabhAdighRutam (10) · Śloka 10

ದುರಾಲಭಾಂ ಗೋಕ್ಷುರಕಂ ಚತಸ್ರಃ ಪರ್ಣಿನೀರ್ಬಲಾಮ್| ಭಾಗಾನ್ ಪಲೋನ್ಮಿತಾನ್ ಕೃತ್ವಾ ಪಲಂ ಪರ್ಪಟಕಸ್ಯ ಚ| ಪಚೇದ್ದಶಗುಣೇ ತೋಯೇ ದಶಭಾಗಾವಶೇಷಿತೇ| ಪೂತೇ ತಸ್ಮಿನ್ ಘೃತಪ್ರಸ್ಥಂ ಕ್ಷೀರದ್ವಿಗುಣಿತಂ ಪಚೇತ್| ಗರ್ಭಂ ದತ್ವಾ ಶಠೀಕೃಷ್ಣಾಭೂನಿಮ್ಬೋತ್ಪಲಸಾರಿವಾಃ| ತ್ರಾಯನ್ತೀಂ ಪೌಷ್ಕರಂ ಮೂಲಂ ಸಹಪತ್ರಫಲಾಂ ಫಲಮ್| ಕುಟಜಾಚ್ಚ ಜಯೇತ್ತದ್ಧಿ ಶಿರಃಪರ್ಶ್ವಾಂಸವೇದನಾಮ್| ತೃಷ್ಣಾಂ ಛರ್ದ್ಯಮತೀಸಾರಂ ಕಾಸದಾಹಭ್ರಮಜ್ವರಾನ್||೧೦||

Adhikarana kharjUrAdighRutam (11) · Śloka 11

ಘೃತಂ ಖರ್ಜೂರಮೃದ್ವೀಕಾಮಧುಕೈಃ ಸಪರೂಷಕೈಃ| ಸಪಿಪ್ಪಲೀಕಂ ವೈಸ್ವರ್ಯಕಾಸಶ್ವಾಸಜ್ವರಾಪಹಮ್||೧೧||

Adhikarana dashamUlakShIrodbhavaM ghRutam (12) · Śloka 12

ದಶಮೂಲಶೃತಾತ್ ಕ್ಷೀರಾತ್ ಸರ್ಪಿರ್ಯದುದಿಯಾನ್ನವಮ್| ಸಪಿಪ್ಪಲೀಕಂ ಸಕ್ಷೌದ್ರಂ ತತ್ ಪರಂ ಸ್ವರಬೋಧನಮ್| ಶಿರಃಪಾರ್ಶ್ವಾಂಸಶೂಲಘ್ನಂ ಕಾಸಶ್ವಾಸಜ್ವರಾಪಹಮ್||೧೨||

Adhikarana pa~jcapa~jcamUlodbhavaM ghRUtam (13) · Śloka 13

ಪಞ್ಚಭಿಃ ಪಞ್ಚಮೂಲೈರ್ವಾ ಶೃತಾದ್ಯದುದಿಯಾದ್ ಘೃತಮ್| ಪಞ್ಚಾನಾಂ ಪಞ್ಚಮೂಲಾನಾಂ ರಸೇ ಕ್ಷೀರಚತುರ್ಗುಣೇ| ಸಿದ್ಧಂ ಸರ್ಪಿರ್ಜಯತ್ಯೇತದ್ಯಕ್ಷ್ಮಣಃ ಸಪ್ತಕಂ ಬಲಮ್||೧೩||

Adhikarana pa~jcakoladighRutam (14) · Śloka 14

ಪಞ್ಚಕೋಲಯವಕ್ಷಾರಷಟ್ಪಲೇನ ಪಚೇದ್ ಘೃತಮ್| ಪ್ರಸ್ಥೋನ್ಮಿತಂ ತುಲ್ಯಪಯಃ ಸ್ರೋತಸಾಂ ತದ್ವಿಶೋಧನಮ್| ಗುಲ್ಮಜ್ವರೋದರಪ್ಲೀಹಗ್ರಹಣೀಪಾಣ್ಡುಪೀನಸಾನ್| ಕಾಸಶ್ವಾಸಾಗ್ನಿಸದನಶ್ವಯಥೂರ್ಧ್ವಾನಿಲಾನ್ ಜಯೇತ್||೧೪||

Adhikarana rAsnAdighRutam (15) · Śloka 15

ರಾಸ್ನಾಬಲಾಗೋಕ್ಷುರಕಸ್ಥಿರಾವರ್ಷಾಭೂವಾರಿಣಿ| ಜೀವನ್ತೀಪಿಪ್ಪಲೀಗರ್ಭಂ ಸಕ್ಷೀರಂ ಶೋಷಜಿದ್ಘೃತಮ್||೧೫||

Adhikarana ashvagandhAghRutam (16) · Śloka 16

ಅಶ್ವಗನ್ಧಾಶೃತಾತ್ ಕ್ಷೀರಾತ್ ಘೃತಂ ಚ ಸಸಿತಾಪಯಃ||೧೬||

Adhikarana mAMsasarpiH (17) · Śloka 17

ಸಾಧಾರಣಾಮಿಷತುಲಾಂ ತೋಯೇದ್ರೋಣದ್ವಯೇ ಪಚೇತ್| ತೇನಾಷ್ಟಭಾಗಶೇಷೇಣ ಜೀವನೀಯೈಃ ಪಲೋನ್ಮಿತೈಃ| ಸಾಧಯೇತ್ಸರ್ಪಿಷಃ ಪ್ರಸ್ಥಂ ವಾತಪಿತ್ತಾಮಯಾಪಹಮ್| ಮಾಂಸಸರ್ಪಿರಿದಂ ಪೀತಂ ಯುಕ್ತಂ ಮಾಂಸರಸೇನ ವಾ| ಕಾಸಶ್ವಾಸಸ್ವರಭ್ರಂಶಶೋಷಹೃತ್ಪಾರ್ಶ್ವಶೂಲಜಿತ್||೧೭||

Adhikarana pArAsharaM ghRutam (18) · Śloka 18

ಯಷ್ಟೀಬಲಾಗುಡೂಚ್ಯಲ್ಪಂ ಪಞ್ಚಮೂಲತುಲಾಂ ಪಚೇತ್| ಶೂರ್ಪೇಽಪಾಮಷ್ಟಭಾಗಸ್ಥೇ ತತ್ರ ಪಾತ್ರಮ್ಪಚೇದ್ಘೃತಾತ್| ಧಾತ್ರೀವಿದಾರೀಕ್ಷುರಸತ್ರಿಪಾತ್ರೇ ಪಯಸೋಽರ್ಮಣೇ| ಸುಪಿಷ್ಟೈರ್ಜೀವನೀಯೈಶ್ಚ ಪಾರಾಶರಮಿದಂ ಘೃತಮ್| ಸಸೈನ್ಯಂ ರಾಜಯಕ್ಷ್ಮಾಣಮುನ್ಮೂಲಯತಿ ಶೀತಿತಮ್||೧೮||

Adhikarana svAduskandhaM ghRutam (19) · Śloka 19

ಮೂರ್ವಾಹರಿದ್ರಾಖದಿರಕ್ವಾಥಸರ್ಪಿಃ ಶಕೃದ್ರಸಮ್| ಗೋಗಜಾಜಾವಿಹಯಜಂ ಪಯಸ್ತುಲ್ಯಾನ್ ದಶದ್ರವಾನ್| ಸ್ವಾದುಸ್ಕನ್ಧಂ ತ್ರಿಕಟುಕಂ ಕಲ್ಕಿತಂ ದೇವದಾರೂ ಚ| ಪಚೇತ್ತಚ್ಚಾಶು ದೋಷಘ್ನಂ ತದ್ವದ್ವಾಸಾವರೀಘೃತಮ್||೧೯||

Adhikarana dvipa~jcamUlAdighRutam (20) · Śloka 20

ಕರಞ್ಜಬೋಲಸ್ಥವಿರಕುಲತ್ಥಬದರಾಗ್ನಿಕಾಃ| ಭಲ್ಲಾತಕಞ್ಚ ತತ್ಕ್ವಾಥೇ ಷಡ್ಗುಣೇ ಸಾಧಯೇದ್ಘೃತಮ್| ಗರ್ಭಂ ಧೃತ್ವಾ ಸ್ನುಹಿಕ್ಷೀರಂ ಶುಕಾಖ್ಯಾಚವ್ಯಸೈನ್ಧವಮ್| ಹರಿತಕೀಂ ಚ ತಚ್ಛೇಷಶೋಫಮೇಹೋದರಾಪಹಮ್||೨೦||

Adhikarana siddhaghRutAnAM prayogAH (21) · Śloka 21

ಯವಾಗ್ವಾ ವಾ ಪಿಬೇನ್ಮಾತ್ರಾಂ ಲಿಹ್ಯಾದ್ವಾ ಮಧುನಾನ್ವಿತಾಮ್| ಸಿದ್ಧಾನಾಂ ಸರ್ಪಿಷಾಮೇಷಾಂ ದದ್ಯಾದಮ್ಭೇನ ವಾ ಸಹ||೨೧||

Adhikarana elAdiko lehaH (22) · Śloka 22

ಏಲಾಜಮೋದಾತ್ರಿಫಲಾಸೌರಾಷ್ಟ್ರೀವ್ಯೋಷಚಿತ್ರಕಾನ್| ಸಾರಾನರಿಷ್ಟಗಾಯತ್ರೀಸಾಲಬೀಜಕಸಮ್ಭವಾನ್| ಭಲ್ಲಾತಕಂ ವಿಡಙ್ಗಞ್ಚ ಪೃಥಗಷ್ಟಪಲೋಮಿನ್ತಮ್| ಸಲಿಲೇ ಷೋಡಶಗುಣೇ ಷೋಡಶಾಂಶಸ್ಥಿತಂ ಪಚೇತ್| ಪುನಸ್ತೇನ ಘೃತಪ್ರಸ್ಥಂ ಸಿದ್ಧೇ ಚಾಸ್ಮಿನ್ ಪಲಾನಿ ಷಟ್| ತವಕ್ಷೀರ್ಯಾಃ ಕ್ಷಿಪೇತ್ತ್ರಿಂಶತ್ ಸಿತಾಯಾ ದ್ವಿಗುಣಂ ಮಧು| ಘೃತಾತ್ತ್ರಿಜಾತಾತ್ತ್ರಿಫಲಂ ತತೋ ಲೀಢಂ ಖಜಾಹತಮ್| ಪಯೋನುಪಾನಂ ತತ್ ಪ್ರಾಹ್ಣೇ ರಸಾಯನಮಯನ್ತ್ರಣಮ್| ಮೇಧ್ಯಂ ಚಕ್ಷುಷ್ಯಮಾಯುಷ್ಯಂ ದೀಪನಂ ಹನ್ತಿ ಚಾಚಿರಾತ್| ಮೇಹಗುಲ್ಮಕ್ಷಯವ್ಯಾಧಿಪಾಣ್ಡುರೋಗಭಗನ್ದರಾನ್| ಯೇ ಚ ಸರ್ಪಿರ್ಗುಡಾಃಪ್ರೋಕ್ತಾಃ ಕ್ಷತೇ ಯೋಜ್ಯಾಃ ಕ್ಷಯೇಽಪಿ ತೇ||೨೨||

Adhikarana kharjUrAdipa~jcalehAH (23) · Śloka 23

ಖರ್ಜೂರಪಿಪ್ಪಲೀದ್ರಾಕ್ಷಾಪಥ್ಯಾಶೃಙ್ಗೀದುರಾಲಭಾಃ| ತ್ರಿಫಲಾಪಿಪ್ಪಲೀಮುಸ್ತಾಶೃಙ್ಗಾಟಗುಡಶರ್ಕರಾಃ| ವೀರಾಶಠೀಪುಷ್ಕರಾಖ್ಯಾಸುರಸಾಶರ್ಕರಾಗುಡಃ| ನಾಗರಂ ಚಿತ್ರಕೋ ಲಾಜಾಃ ಪಿಪ್ಪಲ್ಯಾಮಲಕಂ ಗುಡಃ| ವಿಡಙ್ಗಂ ಸಾರಶ್ಚವಿಕಾತ್ರ್ಯೂಷಣಂ ಚ ವಿಚೂರ್ಣಿತಮ್| ಅರ್ಧಶ್ಲೋಕೈಃ ಸ್ಮೃತಾ ಲೇಹಾಃ ಪಞ್ಚೈತೇ ಮಧುಸರ್ಪಿಷಾ| ಸ್ವರ್ಯಾಃ ಕಾಸಕ್ಷಯಶ್ವಾಸಪಾರ್ಶ್ವರುಕ್ಕಫನಾಶನಾಃ||೨೩||

Adhikarana tvagelAdikaM cUrNam (24) · Śloka 24

ತ್ವಗೇಲಾಪಿಪ್ಪಲೀಕ್ಷೀರೀಶರ್ಕರಾ ದ್ವಿಗುಣಾಃ ಕ್ರಮಾತ್| ಚೂರ್ಣಿತಾ ಭಕ್ಷಯೇಲ್ಲಿಹ್ಯಾತ್ ಪೂರ್ವವದ್ವಾ ತಥಾಗುಣಾಃ||೨೪||

Adhikarana tilAdikaM cUrNAdikam (25) · Śloka 25

ತಿಲಮಾಷಾಶ್ವಗನ್ಧಾ ವಾ ಮಾಕ್ಷಿಕಾಜಘೃತಾದ್ರುತಾಃ| ಪೂರ್ವೋಕ್ತೇಷ್ವೇವ ರೋಗೇಷು ವಾತಪ್ರಾಯೇಷು ಪೂಜಿತಾ||೨೫||

Adhikarana svarasAdacikitsitam vAtaje svarasAde (26) · Śloka 26

ವಿಶೇಷಾತ್ಸ್ವರಸದೇಽಸ್ಯ ನಸ್ಯಧೂಮಾದಿ ಯೋಜಯೇತ್| ತತ್ರಾಪಿ ವಾತಜೇ ಕೋಷ್ಣಂ ಪಿಬೇದೌತ್ತರಭಕ್ತಿಕಮ್| ಕಾಸಮರ್ದಕವಾರ್ತಾಕೀಮಾರ್ಕವಸ್ವರಸೈರ್ಘೃತಮ್| ಸಾಧಿತಂ ಕಾಸಜಿತ್ಸ್ವರ್ಯಂ ಸಿದ್ಧಮಾರ್ತಗಲೇನ ವಾ| ಬದರೀಪತ್ರಕಲ್ಕಂ ವಾ ಘೃತಭೃಷ್ಟಂ ಸಸೈನ್ಧವಮ್| ತೈಲಂ ವಾ ಮಧುಕದ್ರಾಕ್ಷಾಪಿಪ್ಪಲೀಕೃಮಿನುತ್ಫಲೈಃ| ಹಂಸಪಾದ್ಯಾಶ್ಚ ಮೂಲೇನ ಪಕ್ವಂ ನಸ್ತೋ ನಿಷೇಯಚೇತ್| ಸುಖೋದಕಾನುಪಾನಂ ಚ ಸಸರ್ಪಿಷ್ಕಂ ಗುಡೌದನಮ್| ಅಶ್ನೀಯಾತ್ಪಾಯಸಞ್ಚೈವ ಸ್ನಿಗ್ಧಂ ಸ್ವೇದಞ್ಚ ಯೋಜಯೇತ್||೨೬||

Adhikarana pittaje svarasAde (27) · Śloka 27

ಪಿತ್ತೋದ್ಭವೇ ಪಿಬೇತ್ ಸರ್ಪಿಃ ಶೃತಶೀತಪಯೋನುಪಃ| ಕ್ಷೀರಿವೃಕ್ಷಾಙ್ಕುರಕ್ವಾಥಕಲ್ಕಸಿದ್ಧಂ ಸಮಾಕ್ಷಿಕಮ್| ಅಶ್ನೀಯಾಚ್ಚ ಸಸರ್ಪಿಷ್ಕಂ ಯಷ್ಟೀಮಧುಕಪಾಯಸಮ್| ಬಲಾವಿದಾರಿಗನ್ಧಾಭ್ಯಾಂ ವಿದಾರ್ಯಾ ಮಧುಕೇನ ಚ| ಸಿದ್ಧಂ ಸಲವಣಂ ಸರ್ಪಿರ್ನಸ್ಯಂ ಸ್ವರ್ಯಮನುತ್ತಮಮ್| ಪ್ರಪೌಣ್ಡರೀಕಂ ಮಧುಕಂ ಪಿಪ್ಪಲೀ ಬೃಹತೀ ಬಲಾ| ಸಾಧಿತಂ ಕ್ಷೀರಸರ್ಪಿಶ್ಚ ತತ್ಸ್ವರ್ಯಂ ನಾವನಂ ಪರಮ್| ಲಿಹ್ಯಾನ್ಮಧುರಕಾಣಾಂ ಚ ಚೂರ್ಣಂ ಮಧುಘೃತಾನ್ವಿತಮ್| ವರೀಂ ಬಲಾಂ ಪಯಸ್ಯಾಂ ವಾ ಕಾಕೋಲೀಮಧುಕೇ ತಥಾ| ಏವಮಸ್ಯಾನುಪಶಮೇ ಲಲಾಟೇ ವ್ಯಧಯೇತ್ ಸಿರಾಮ್||೨೭||

Adhikarana kaPaje svarasAde (28) · Śloka 28

ಪಿಬೇತ್ ಕಟೂನಿ ಮೂತ್ರೇಣ ಕಫಜೇ ರೂಕ್ಷಭೋಜನಃ| ಕಟ್ಫಲಾಮಲಕವ್ಯೋಷಂ ಲಿಹ್ಯಾತ್ತೈಲಮಧುಘೃತಮ್| ವ್ಯೋಷಕ್ಷಾರಾಗ್ನಿಚವಿಕಾಭಾರ್ಙ್ಗೀಪಥ್ಯಾಮಧೂನಿ ವಾ| ಯವೈರ್ಯವಾಗೂಂ ಯಮಕೇ ಕಣಾಧಾತ್ರೀಕೃತಾಂ ಪಿಬೇತ್||೨೮||

Adhikarana uccaBAShaNaje svarasAde (29) · Śloka 29

ಶರ್ಕರಾಕ್ಷೌದ್ರಮಿಶ್ರಾಣಿ ಶೃತಾನಿ ಮಧುರೈಃ ಸಹ| ಪಿಬೇತ್ಪಯಾಂಸಿ ಯಸ್ಯೋಚ್ಚೈರ್ವದತೋ ವಿಹಿತಃ ಸ್ವರಃ||೨೯||

Adhikarana arocakacikitsitam sAmAnyopacArAH (30) · Śloka 30

ವಿಚಿತ್ರಮನ್ನಮರುಚೌ ಹಿತೈರುಪಹಿತಂ ಹಿತಮ್| ಬಹಿರನ್ತರ್ಮೃಜಾ ಚಿತ್ತನಿರ್ವಾಣಂ ಹೃದ್ಯಮೌಷಧಮ್| ದ್ವೌ ಕಾಲೌ ದನ್ತಪವನಂ ಭಕ್ಷಯೇನ್ಮುಖಧಾವನೈಃ| ಕಷಾಯೈಃ ಕ್ಷಾಲಯೇದಾಸ್ಯಂ ಧೂಮಂ ಪ್ರಾಯೋಗಿಕಂ ಪಿಬೇತ್| ತಾಲೀಸಪತ್ರವಟಕಾಃ ಸಕರ್ಪೂರಸಿತೋಪಲಾಃ| ಶಶಾಙ್ಕಕಿರಣಾಖ್ಯಾಶ್ಚ ಭಕ್ಷ್ಯಾ ರುಚಿಕರಾಃ ಪರಮ್||೩೦||

Adhikarana vAtaje~arocake (31) · Śloka 31

ವಾತಾದರೋಚಕೇ ತತ್ರ ಪಿಬೇಚ್ಚೂರ್ಣಂ ಪ್ರಸನ್ನಯಾ| ಹರೇಣುಕೃಷ್ಣಾಕೃಮಿನುದ್ದ್ರಾಕ್ಷಾಸೈನ್ಧವನಾಗರಾತ್| ಏಲಾಭಾರ್ಙ್ಗೀಯವಕ್ಷಾರಹಿಙ್ಗುಯುಕ್ತಾದ್ ಘೃತೇನ ವಾ||೩೧||

Adhikarana pittaje~arocake (32) · Śloka 32

ಛರ್ದಯೇದ್ವಾ ವಚಾಮ್ಭೋಭಿಃ ಪಿತ್ತಾಚ್ಚ ಗುಡವಾರಿಭಿಃ| ಲಿಹ್ಯಾದ್ವಾ ಶರ್ಕರಾಸರ್ಪಿರ್ಲವಣೋತ್ತಮಮಾಕ್ಷಿಕಮ್||೩೨||

Adhikarana kaPaje~arocake (33) · Śloka 33

ಕಫಾದ್ವಮೇನ್ನಿಮ್ಬಜಲೈರ್ದೀಪ್ಯಕಾರಗ್ವಧೋದಕಮ್| ಪಾನಂ ಸಮಧ್ವರಿಷ್ಟಾಚ್ಚ ತೀಕ್ಷ್ಣಾಃ ಸಮಧುಮಾಧವಾಃ| ಪಿಬೇಚ್ಚೂರ್ಣಞ್ಚ ಪೂರ್ವೋಕ್ತಂ ಹರೇಣ್ವಾದ್ಯುಷ್ಣವಾರಿಣಾ| ತ್ರಿಕಟುತ್ರಿಫಲಾರಾತ್ರೀಯವಕ್ಷಾರಂ ಮಧುಘೃತಮ್| ಪ್ರಾತರಾಹಾರಕಾಲೇ ಚ ಯುಞ್ಜೀತ ಮುಖಧಾವನಮ್||೩೩||

Adhikarana kavalagrahAH (34) · Śloka 34

ಬಿಡಂ ಸೌವರ್ಚಲಂ ಕುಷ್ಟಮಜಾಜೀಮರಿಚಂ ಸಿತಾ| ಧಾತ್ರ್ಯೇಲಾಪದ್ಮಕೋಶೀರಪಿಪ್ಪಲೀಚನ್ದನೋತ್ಪಲಮ್| ಲೋಧ್ರಂ ತೇಜೋವತೀಪಥ್ಯಾಯವಕ್ಷಾರಂ ಕಟುತ್ರಯಮ್| ಆರ್ದ್ರದಾಡಿಮನಿರ್ಯಾಸಃ ಸಾಜಾಜೀಸಿತಶರ್ಕರಃ| ಸತೈಲಮಾಕ್ಷಿಕಾಯುಕ್ತಾಶ್ಚಾಚಾರಃ ಕವಲಗ್ರಹಾಃ| ಚತುರೋಽರೋಚಕಾನ್ ಹನ್ಯುರೇಕದೋಷಸಮಸ್ತಜಾನ್| ಕಾರವ್ಯಜಾಜೀಮರಿಚದ್ರಾಕ್ಷಾವೃಕ್ಷಾಮ್ಲದಾಡಿಮಮ್| ಸೌವರ್ಚಲಗುಡಕ್ಷೌದ್ರಂ ಸರ್ವಾರೋಚಕನಾಶನಮ್||೩೪||

Adhikarana samaSarkara~jcUrNam (35) · Śloka 35

ಏಲಾತ್ವಙ್ನಾಗಕುಸುಮತೀಕ್ಷ್ಣಕೃಷ್ಣಾಮಹೌಷಧಮ್| ಭಾಗವೃದ್ಧಂ ಕ್ರಮಾಚ್ಚೂರ್ಣಂ ನಿಹನ್ತಿ ಸಮಶರ್ಕರಮ್| ಪ್ರಸೇಕಾರುಚಿಹೃತ್ಪಾರ್ಶ್ವಕಾಸಶ್ವಾಸಗಲಾಮಯಾನ್||೩೫||

Adhikarana yavAnyAdicUrNam (36) · Śloka 36

ಯವಾನೀತಿನ್ತಿಣೀಕಾಮ್ಲವೇತಸೌಷಧದಾಡಿಮಮ್| ಕೃತ್ವಾ ಕೋಲಞ್ಚ ಕರ್ಷಾಶಂ ಸಿತಾಯಾಶ್ಚ ಚತುಷ್ಪಲಮ್| ಧಾನ್ಯಸೌವರ್ಚಲಾಜಾಜೀವರಾಙ್ಗಂ ಚಾರ್ಧಕಾರ್ಷಿಕಮ್| ಪಿಪ್ಪಲೀನಾಂ ಶತಂ ಚೈಕಂ ದ್ವೇ ಶತೇ ಮರಿಚಸ್ಯ ಚ| ಚೂರ್ಣಮೇತತ್ ಪರಂ ರುಚ್ಯಂ ಹೃದ್ಯಂ ಗ್ರಾಹಿ ಹಿನಸ್ತಿ ಚ| ವಿಬನ್ಧಕಾಸಹೃತ್ಪಾರ್ಶ್ವಪ್ಲೀಹಾರ್ಶೋಗ್ರಹಣೀಗದಾನ್||೩೬||

Adhikarana tAlIsAdicUrNam (37) · Śloka 37

ತಾಲೀಸಪತ್ರಂ ಮರಿಚಂ ನಾಗರಂ ಪಿಪ್ಪಲೀ ಶುಭಾ| ಯಥೋತ್ತರಂ ಭಾಗವೃದ್ಧಸ್ತ್ವಗೇಲೇ ಚಾರ್ದ್ಧಭಾಗಿಕೇ| ತದ್ರುಚ್ಯಂ ದೀಪನಂ ಚೂರ್ಣಂ ಕಣಾಷ್ಟಗುಣಶರ್ಕರಮ್| ಕಾಸಶ್ವಾಸಾರುಚಿಚ್ಛರ್ದಿಪ್ಲೀಹಹೃತ್ಪಾರ್ಶ್ವಶೂಲಜಿತ್| ಪಾಣ್ಡುಜ್ವರಾತಿಸಾರಘ್ನಂ ಮೂಢವಾತಾನುಲೋಮನಮ್||೩೭||

Adhikarana tAlIsAdimodakaH (38) · Śloka 38

ತಾಲೀಸಪತ್ರಚವಿಕಾಮರೀಚಾನಾಂ ಪಲಂ ಪಲಮ್| ಕೃಷ್ಣಾತನ್ಮೂಲಯೋರ್ದ್ವೇ ದ್ವೇ ಪಲೇ ಶುಣ್ಠೀ ಪಲತ್ರಯಮ್| ಚತುರ್ಜಾತಮುಶೀರಂ ಚ ಕರ್ಷಾಶಂ ಶ್ಲಕ್ಷ್ಣಶ್ಚೂರ್ಣಿತಮ್| ತತ್ರ ತ್ರಿಂಶತ್ಪಲಂ ದತ್ವಾ ಕ್ವಥಿತಾದಮಲಾದ್ಗುಡಾತ್| ಕುರ್ವೀತ ಮೋದಕಾನಕ್ಷಸಮ್ಮಿತಾಂಸ್ತೇಽಪಿ ತದ್ಗುಣಾಃ||೩೮||

Adhikarana prasekacikitsitam (39) · Śloka 39

ಅರ್ಕಾಮೃತಾಕ್ಷಾರಜಲೇ ಶರ್ವರೀಮುಷಿತೈರ್ಯವೈಃ| ಪ್ರಸೇಕೇ ಕಲ್ಪಿತಾನ್ಸಕ್ತೂನ್ಭಕ್ಷ್ಯಾಂಶ್ಚಾದ್ಯಾದ್ಬಲೀ ವಮೇತ್| ಕಟುತಿಕ್ತೈಸ್ತಥಾ ಶೂಲ್ಯಂ ಭಕ್ಷಯೇಜ್ಜಾಙ್ಗಲಂ ಪಲಮ್| ಶುಷ್ಕಾಂಶ್ಚ ಭಕ್ಷ್ಯಾನ್ ಸುಲಘೂಂಶ್ಚಣಕಾದಿರಸಾನುಪಃ| ಶ್ಲೇಷ್ಮಣೋಽತಿಪ್ರಸೇಕೇನ ವಾಯುಃ ಶ್ಲೇಷ್ಮಾಣಮಸ್ಯತಿ| ಕಫಪ್ರಸೇಕಂ ತಂ ವಿದ್ಯಾತ್ ಸ್ನಿಗ್ಧೋಷ್ಣೈರೇವ ನಿರ್ಜಯೇತ್||೩೯||

Adhikarana pInasavamathvoScikitsitam (40) · Śloka 40

ಪೀನಸೇಽಪಿ ಕ್ರಮಮಿಮಂ ವಮಥೌ ಚ ಪ್ರಯೋಜಯೇತ್| ವಿಶೇಷಾತ್ಪೀನಸೇಽಭ್ಯಙ್ಗಾನ್ಸೇಹಾನ್ಸ್ವೇದಾಂಶ್ಚ ಶೀಲಯೇತ್| ಸ್ನಿಗ್ಧಾನುತ್ಕಾರಿಕಾಪಿಣ್ಡೈಃ ಶಿರಃಪಾರ್ಶ್ವಗಲಾದಿಷು| ಲವಣಾಮ್ಲಕಟೂಷ್ಣಾಂಶ್ಚ ರಸಾನ್ ಸ್ನೇಹೋಪಸಂಹಿತಾನ್||೪೦||

Adhikarana SiraHpArSvAMsaSUleShu cikitsA doShAnusAraM vidhiSca (41) · Śloka 41

ಶಿರೋಂಽಸಪಾರ್ಶ್ವಶೂಲೇಷು ಯಥಾದೋಷವಿಧಿಂ ಚರೇತ್| ಔದಕಾನೂಪಪಿಶಿತೈರುಪನಾಹಾಃ ಸುಸಂಸ್ಕೃತಾಃ| ಶಸ್ಯನ್ತೇ ಸಚತುಃಸ್ನೇಹಾಃ ಶಿರಃಪಾರ್ಶ್ವಾಂಸಶೂಲಿನಾಮ್| ಲೇಪಶ್ಚ ನತಯಷ್ಟ್ಯಾಹ್ವಶತಾಹ್ವಾಕುಷ್ಠಚನ್ದನೈಃ||೪೧||

Adhikarana saMsRuShTadoSheShu pradehAH (42) · Śloka 42

ಬಲಾರಾಸ್ನಾಸ್ತಿಲಾಃ ಸರ್ಪಿರ್ಮಧುಕಂ ನೀಲಮುತ್ಪಲಮ್| ಪಲಙ್ಕಷಾ ದೇವದಾರೂ ಚನ್ದನಂ ಮಧುಕಂ ಘೃತಮ್| ಕೃಷ್ಣಗನ್ಧಾ ಬಲಾ ವೀರಾ ವಿದಾರೀ ಸಪುನರ್ನವಾ| ಅಭೀರೂಯಷ್ಟೀಮಧುಕಂ ಪಯಸ್ಯಾಕತ್ತೃಣಂ ಘೃತಮ್| ಇಲ್ಯರ್ಧಯೋಗೈಶ್ಚತ್ವಾರಃ ಪ್ರದೇಹಾಃ ಪರಿಕೀರ್ತಿತಾಃ| ಶಸ್ತಾಃ ಸಂಸೃಷ್ಟದೋಷಾಣಾಂ .....................||೪೨||

Adhikarana nAvanAdyanye upacArAH (43) · Śloka 43

...........................ಶಿರಃಪಾರ್ಶ್ವಾಂಶೂಲಿನಾಮ್| ನಾವನಂ ಧೂಮಪಾನಾನಿ ಸ್ನೇಹಾಶ್ಚೌತ್ತರಭಕ್ತಿಕಾಃ| ತೈಲಾಭ್ಯಙ್ಗಯೋಗೀನಿ ಬಲಿಕರ್ಮ ತಥಾ ಪರಮ್| ಶೃಙ್ಗಾದ್ಯೈರ್ವಾ ಯಥಾದೋಷಂ ದುಷ್ಟಮೇಷಾಂ ಹರೇದಸೃಕ್| ಪ್ರದೇಹೈಃ ಸಘೃತೈಶ್ಚೇಷ್ಟಃ ಪದ್ಮಕೋಶೀರಚನ್ದನೈಃ| ದೂರ್ವಾಮಧುಕಮಞ್ಜಿಷ್ಠಾಕೇಸರೈರ್ವಾ ಘೃತಾಪ್ಲುತೈಃ| ಚನ್ದನಾದ್ಯೇನ ತೈಲೇನ ಶತಧೌತೇನ ಸರ್ಪಿಷಾ| ಅಭ್ಯಙ್ಗಃ ಪಯಸಾ ಸೇಕಃ ಶಸ್ತಶ್ಚ ಮಧುಕಾಮ್ಬುನಾ||೪೩||

Adhikarana atisAracikitsitam (44) · Śloka 44

ಪ್ರಾಯೇಣೋಪಹತಾಗ್ನಿತ್ವಾತ್ ಸಪಿಚ್ಛಾಮತಿಸಾರ್ಯತೇ| ತಸ್ಯಾತಿಸಾರಗ್ರಹಣೀವಿಹಿತಂ ಹಿತಮೌಷಧಮ್| ಸನಾಗರಾನಿನ್ದ್ರಯವಾನ್ ಪಾಯಯೇತ್ತಣ್ಡುಲಾಮ್ಬುನಾ| ಜೀರ್ಣೇಷು ತೇಷು ಪೇಯಾಂ ಚ ಚಾಙ್ಗೇರೀತಕ್ರದಾಡಿಮೈಃ| ಪಾಠಾನಿಮ್ಬಯವಾನೀನಾಂ ಚೂರ್ಣಂ ತಕ್ರೇಣ ವಾ ಪಿಬೇತ್| ಸುರಯಾ ವಾ ಯುತಾಂ ಪಾಠಾಂ ಸನಾಗರದುರಾಲಭಾಮ್| ಜಮ್ಬ್ವಾಮ್ರವಿಲ್ವಮಧ್ಯಂ ವಾ ಸಕಪಿತ್ಥಂ ಸನಾಗರಮ್| ಪೇಯಾಮಣ್ಡೇನ.................................||೪೪||

Adhikarana atisAre KaDAH (45) · Śloka 45

..........ಯೋಗೈಶ್ಚ ಪಾಠಾದ್ಯೈಃ ಕಾರಯೇತ್ ತ್ರಿಭಿಃ| ಸಸೂಪ್ಯಧಾನ್ಯಾನ್ಸಸ್ನೇಹಾನ್ಸಾಮ್ಲಾನ್ಸಲವಣಾಙ್ಖಡಾನ್| ವೇತಸಾರ್ಜುನಜಮ್ಬೂನಾಂ ಮೃಣಾಲೀಕೃಷ್ಣಗನ್ಧಯೋಃ| ಶ್ರೀಪರ್ಣ್ಯಾ ಮಾತುಲುಙ್ಗಸ್ಯ ಧಾತಕ್ಯಾ ದಾಡಿಮಸ್ಯ ಚ| ಚಾಙ್ಗೇರ್ಯಾ ಮದಯನ್ತ್ಯಾಶ್ಚ ಯೂಥಿಕಾಯಾಶ್ಚ ಪಲ್ಲವೈಃ| ಕಾಲವಿದ್ದುಗ್ಧಿಕಾಯಾಶ್ಚ ಚುಕ್ರಿಕಾಯಾಶ್ಚ ಯೋಜಯೇತ್| ಖಡಾನ್ ದಧಿಸರೋಪೇತಾನ್ ಸಸರ್ಪಿಷ್ಕಾನ್ ಸದಾಡಿಮಾನ್| ರೋಚನಾನ್ ದೀಪನಾನ್ ದದ್ಯಾದತೀಸಾರಹರಾನ್ ಪರಮ್||೪೫||

Adhikarana rAjayakShmiNaH purIShaM rakShet (46) · Śloka 46

ಪುರೀಷಂ ಯತ್ನತೋ ರಕ್ಷೇಚ್ಛುಷ್ಯತೋ ರಾಜಯಕ್ಷ್ಮಿಣಃ| ಸರ್ವಧಾತುಕ್ಷಯಾರ್ತಸ್ಯ ಬಲಂ ತಸ್ಯ ಹಿ ವಿಡ್ಬಲಮ್||೪೬||

Adhikarana jvarAdiShu kriyopadeSaH (47) · Śloka 47

ಜ್ವರಾದಿಷ್ವಪಿ ಕುರ್ವೀತ ವಿಕಾರೇಷು ಯಥಾಮಯಮ್| ಬಹ್ವಾಮಯಸಮೂಹೋ ಹಿ ಯಕ್ಷ್ಮಾತಃ ಸೋಽತಿದುಃಸಹಃ|೪೭|

Adhikarana ajArasAyanam (47) · Śloka 47

ಅಜಾಂ ವಾ ಪರ್ಯುಪಾಸೀತ ಷಣ್ಮಾಸಾನುಟಜೇ ವಸನ್| ತತ್ಪಯೋಮೂತ್ರವಿಡ್ವೃತ್ತಿಪರಿಷೇಕಪ್ರಘರ್ಷಣಃ| ತಾಭಿಃ ಪರಿವೃತಃ ಸ್ವಪ್ಯತ್ತಚ್ಛಕೃದ್ರೇಣುಸಙ್ಕುರೇ| ಏತದ್ರಸಾಯನಂ ಶ್ರೇಷ್ಠಂ ರೋಗರಾಜಸ್ಯ ನಾಶನಮ್||೪೭||

Adhikarana pa~jcAjaM ghRutam (49) · Śloka 49

ಅಜಾಶಕೃದ್ರಸಕ್ಷೀರದಧಿಮೂತ್ರೈಃ ಶೃತಂ ಘೃತಮ್| ಸಪಞ್ಚಪಟು ಪಞ್ಚಾಜಂ ಕ್ಷಯೀ ಕ್ಷೀರಾನುಪಃ ಪಿಬೇತ್||೪೯||

Adhikarana mAMsamadyayorupayogaH (50) · Śloka 50

ಮಾಂಸಮೇವಾಶ್ನತೋ ಯುಕ್ತ್ಯಾ ಮಾರ್ದ್ವೀಕಂ ಪಿಬತೋಽನು ಚ| ಅವಿಧಾರಿತವೇಗಸ್ಯ ಯಕ್ಷ್ಮಾ ನ ಲಭತೇಽನ್ತರಮ್| ಸುರಾಂ ಸಮಣ್ಡಾಂ ಮಾರ್ದ್ವೀಕಮರಿಷ್ಟಾನ್ ಸೀಧುಮಾಧವಾನ್| ಯಥಾರ್ಹಮನುಪಾನಾರ್ಥಂ ಪಿಬೇನ್ಮಾಂಸಾನಿ ಭಕ್ಷಯನ್| ಸ್ರೋತೋವಿಬನ್ಧಮೋಕ್ಷಾರ್ಥಂ ಬಲೌಜಃಪುಷ್ಟಯೇ ಚ ತತ್||೫೦||

Adhikarana abhya~ggAvagAhAdikam (51) · Śloka 51

ಸ್ನೇಹಕ್ಷೀರಾಮ್ಬುಕೋಷ್ಠೇಷು ಸ್ವಭ್ಯಕ್ತಮವಗಾಹಯೇತ್| ಉತ್ತೀರ್ಣಂ ಮಿಶ್ರಕಸ್ನೇಹೈಃ ಪುನರಾಕ್ತಂ ಸುಖೈಃ ಕರೈಃ| ಮೃದ್ನೀಯಾತ್ಸುಖಮಾಸೀನಂ ಸುಖಂ ಚೋದ್ವರ್ತಯೇತ್ ಪರಮ್||೫೧||

Adhikarana jIvantyAdicUrNamudvartanArthe (52) · Śloka 52

ಜೀವನ್ತೀಂ ಶತವೀರ್ಯಾಞ್ಚ ವಿಕಸಾಂ ಸಪುನರ್ನವಾಮ್| ಅಶ್ವಗನ್ಧಾಮಪಾಮಾರ್ಗಂ ತರ್ಕಾರೀಂ ಮಧುಕಂ ಬಲಾಮ್| ವಿದಾರೀಂ ಸರ್ಷಪಾನ್ ಕುಷ್ಠಂ ತಣ್ಡುತಾನತಸೀಫಲಮ್| ಮಾಷಾಂಸ್ತಿಲಾಂಶ್ಚ ಕಿಣ್ವಞ್ಚ ಸರ್ವಮೇಕತ್ರ ಚೂರ್ಣಯೇತ್| ಯವಚೂರ್ಣಂ ತ್ರಿಗುಣಿತಂ ದಧ್ನಾ ಯುಕ್ತಂ ಸಮಾಕ್ಷಿಕಮ್| ಏತದುದ್ವರ್ತನಂ ಕಾರ್ಯಂ ಪುಷ್ಟಿವಱ್ರ್ಣಬಲಪ್ರದಮ್||೫೨||

Adhikarana snAnArthaM jalam (53) · Śloka 53

ಗೌರಸರ್ಷಪಕಲ್ಕೇನ ಸ್ನಾನೀಯೌಷಧಿಭಿಶ್ಚ ಸಃ| ಸ್ನಾಯಾದೃತುಸುಖೈಸ್ತೋಯೈಃ ಜೀವನೀಯೋಪಸಾಧಿತೈಃ||೫೩||

Adhikarana gandhamAlyAdisevanam (54) · Śloka 54

ಗನ್ಧಮಾಲ್ಯಾದಿಕಾಂ ಭೂಷಾಮಲಕ್ಷ್ಮೀನಾಶನೀಂ ಭಜೇತ್| ಸುಹೃದಾಂ ದರ್ಶನಂ ಗೀತವಾದಿತ್ರೋತ್ಸವಸಂಶ್ರುತೀಃ| ಬಸ್ತಯಃ ಕ್ಷೀರಸರ್ಪೀಂಷಿ ಮದ್ಯಂ ಮಾಂಸಂ ಸುಶೀಲತಾ||೫೪||

Adhikarana daivavyapAshrayamauShadham (55-7) · Śloka 7

ದೈವವ್ಯಪಾಶ್ರಯಂ ತದ್ವದಥರ್ವೋಕ್ತಂ ಚ ಪೂಜಿತಮ್| ಇಷ್ಟ್ಯಾ ಯಥಾ ಚ ಚನ್ದ್ರಸ್ಯ ರಾಜಯಕ್ಷ್ಮಾ ಪುರಾ ಜಿತಃ| ಪುರೋಹಿತಃ ಪ್ರಯುಞ್ಜೀತ ವೇದೋಕ್ತಾಂ ತಾಂ ಜಿತಾತ್ಮನಃ||೫೫|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗಸಂಙ್ಗ್ರಹಸಂಹಿತಾಯಾಂ ಚಿಕಿತ್ಸಿತಸ್ಥಾನೇ ರಾಜಯಕ್ಷ್ಮಚಿಕಿತ್ಸಿತನ್ನಾಮ ಸಪ್ತಮೋಽಧ್ಯಾಯಃ||೭||