37. śalyāharaṇavidhiḥ

Adhikarana atha shalyAharaNavidhirnAma saptatriMsho~adhyAyaH pratij~jA (1) · Śloka 1

অথাতঃ শল্যাহরণবিধিং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

Adhikarana shalyagatiBedAH (2) · Śloka 2

ত্রিবিধা হি গতিঃ শল্যানামুর্ধ্বমধস্তির্যক্ চ| সা পুনঃ প্রত্যেকমৃজুবক্রভেদেন দ্বিধা||২||

Adhikarana sashalyavraNalakShaNam (3) · Śloka 3

তত্র ধ্যামং পিটকাচিতং শোফবেদনাবন্তং মুহুর্মুহুঃ শোণিতাস্ত্রাবিণং বুদ্বুদবদুদ্গতং মৃদুমাংসঞ্চ ব্রণং সশল্যং বিদ্যাত্||৩||

Adhikarana tvagAdigatashalyalakShaNAni (4) · Śloka 4

বিশেষতস্তু ত্বগ্গতে শল্যে বিবর্ণঃ শোফো ভবত্যাযতঃ কঠিনশ্চ| মাংসগতে শোফাভিবৃদ্ধিঃ শল্যমার্গানুপসংরোহঃ পীডনাসহিষ্ণুতা চোষঃ পাকশ্চ| পেশ্যন্তরস্থে শোফবর্জ্যং মাংসপ্রাপ্তবত্| সিরাগতে সিরাধ্মানং শূলঞ্চ| স্নাবগতে স্নাবজালাবক্ষেপণং সংরম্ভশ্চোগ্ররুক্| স্রোতোগতে স্রোতসাং স্বকর্মগুণহানিঃ| ধমনীস্থে সফেনং রক্তমীরযন্ননিলঃ| সশব্দো নির্গচ্ছত্যঙ্গপীডাহৃল্লাসশ্চ| অস্থিগতে বিবিধা বেদনাঃ শোফশ্চ| সন্ধিগতেঽস্থিবচ্চেষ্টোপরোধশ্চ| অস্থিসন্ধিগতেঽস্থিপূর্ণতা সঙ্ঘর্ষে বলবাংশ্চ||৪||

Adhikarana koShThagatashalyalakShaNam (5) · Śloka 5

কোষ্ঠগতে ত্বাটোপানাহৌ মূত্রপুরীষাহারদর্শনানি চ ব্রণমুখাদ্ভবন্তি||৫||

Adhikarana marmagatashalyalakShaNam (6) · Śloka 6

মর্মগতে মর্মবিদ্ধবত্||৬||

Adhikarana parisrAvataH tvagAdigatashalyalakShaNam (7) · Śloka 7

যথাযথং চোপদিষ্টৈঃ পরিস্রাবৈস্ত্বগাদিষু শল্যমুপলক্ষযেত্||৭||

Adhikarana sUkShmagatishalyalakShaNAni (8) · Śloka 8

সূক্ষ্মগতিষু শল্যেষ্বেতান্যেব লক্ষণান্যবিস্পষ্টানি ভবন্তি||৮||

Adhikarana shalyoparohaNam (9) · Śloka 9

শুদ্ধদেহানামনুলোমসন্নিবিষ্টান্যুপরুহ্যন্তে||৯||

Adhikarana shalyAnAM punarabAdhanam (10) · Śloka 10

দোষপ্রকোপব্যবাযব্যাযামাভিঘাতেভ্যশ্চ প্রচলিতানি পুনরাবাধযন্তি||১০||

Adhikarana tvakpranaShTashalyaj~jAnopAyAH (11) · Śloka 11

তত্র ত্বক্প্রনষ্টে স্নিগ্ধস্বিন্নাযাং মৃন্মাষযবগোধূমগোমযচূর্ণমর্দিতাযাং ত্বচি যত্র সংরম্ভো বেদনা বা ভবতি| যত্র বা স্ত্যানং সর্পির্নিহিতমাশু বিলীযতে প্রলেপো বা শুষ্যতি তত্র শল্যং জানীযাত্|১১|

Adhikarana mAMsapranaShTasya koShThAsthipeshIvivaragatasya ca shalyasya j~jAnopAyAH (11) · Śloka 11

মাংসপ্রনষ্টে স্নেহাদিভিঃ ক্রিযাভিরাতুরমুপপাদযেত্কর্শিতস্য চ শিথিলীভূতমনববদ্ধং ক্ষুভ্যমানং যত্র সংরম্ভং বা জনযতি তত্র শল্যম্| এবং কোষ্ঠাস্থিপেশীবিবরেষ্বপি||১১||

Adhikarana sirAsrotodhamanIsnAvapranaShTashalyaj~jAnopAyaH (12) · Śloka 12

সিরাস্রোতোধমনীস্নাবপ্রণষ্টে খণ্ডচক্রমশ্বযুক্তং রথমারোপ্যাতুরং বিষমেঽধ্বনি শীঘ্রং নযেত্| ততঃ সংরম্ভাদিভির্জানীযাত্||১২||

Adhikarana sandhipranaShTashalyaj~jAnopAyaH (13) · Śloka 13

সন্ধিপ্রণষ্টে স্নেহস্বেদোপপন্নং সন্ধিং প্রসারণাকুঞ্চনবন্ধনপীডনৈরুপাচরন্ পূর্ববদবগচ্ছেত্|১৩|

Adhikarana asthipranaShTashalyaj~jAnopAyaH (13) · Śloka 13

অস্থিপ্রণষ্টে স্নিগ্ধস্বিন্নান্যস্থীনি বন্ধনপীডনাভ্যাং ভৃশমুপচরংস্তদ্বদুপলক্ষযেত্||১৩||

Adhikarana marmapranaShTashalyaM mAMsAdibahushalyaj~jAnopAyaH (14) · Śloka 14

মর্মপ্রণষ্টে ত্বনন্যভাবান্মাংসাদিভ্যো মর্মণা মুক্তং পরীক্ষণং ভবতি||১৪||

Adhikarana sAmAnyaM shalyapranaShTalakShaNam (15) · Śloka 15

সামান্যলক্ষণং তূচ্ছ্রিতহস্তিস্কন্ধাশ্বমাদ্গুরোহণদ্রুতযানলঙ্ঘনপ্লবনব্যাযামৈর্জৃম্ভোদ্গারকাস ক্ষবথুষ্ঠীবনহসনপ্রাণাযামৈর্মলশুক্রোত্সর্গৈর্বা যত্র সংরম্ভো বেদনা বা ভবতি| যত্র বা স্বল্পেঽপ্যাযাসে স্বাপো গৌরবম্ ঘট্টনং শোফো বা স্যাত্তত্র শল্যমাদিশেত্||১৫||

Adhikarana shalyaBedAH (16) · Śloka 16

সমাসতশ্চতুর্বিধং শল্যং ভবতি| বৃত্তদ্বিত্রিচতুরস্রভেদেন| তদদৃশ্যমানং বৃত্তসম্স্থানাদনুমিমীত||১৬||

Adhikarana mahatAM shalyAnAmAharaNopAyau (17) · Śloka 17

সর্বশল্যানাং মহতামাহরণে দ্বাবেবোপাযৌ প্রতিলোমোঽনুলোমশ্চ| তত্র প্রতিলোমমর্বাচীনমানযেদনুলোমং পরাচীনম্| তির্যগ্গতং যতঃ সুখাহার্যং ভবতি| ততশ্ছিত্বাঽপহরেত্||১৭||

Adhikarana anirGAtanIyashalyaprakAshaH (18) · Śloka 18

প্রতিলোমমনুত্তুণ্ডিতং ছেদনীযং পৃথুমুখং চ শল্যং নির্ঘাতযেত্| তথা কক্ষ্যাবঙ্ক্ষণোরঃ পরশুকান্তরপতিতানি| নৈব চাহরেদ্বিশল্যঘ্নং মর্মপ্রণষ্টং বাঽশোফবেদনং পাকবিরহিতম্||১৮||

Adhikarana shalyoddharaNopAyAH (19) · Śloka 19

অথ হস্তপ্রাপ্যং শল্যং হস্তেনাহরেত্| তদশক্যং যথাযথং যন্ত্রেণ| তথাপ্যশক্যং শস্ত্রেণ বিশস্য ততো নির্লোহিতং ব্রণং কৃত্বাঽগ্নিঘৃতমধুপ্রভৃতিভিঃ স্বেদযিত্বাঽবদহ্য তর্পযিত্বা সর্পির্মধুভ্যাং বধ্বাঽঽচারিকমাদিশেত্|১৯|

Adhikarana sirAsnAyulagnashalyoddharaNopAyAH, hRudayapranaShTashalyAharaNopAyAH (19) · Śloka 19

সিরাস্নাবলগ্নং শলাকাগ্রণাভিমোচ্যাহরেত্| হৃদযেঽভিবর্তমানং শল্যং শীতজলাদিভিরুদ্বেজিতস্যাহরেদ্যথামার্গম্| দুরাহরমন্যতোঽপ্যেবমাহরেত্||১৯||

Adhikarana asthipranaShTashalyAharaNopAyAH (20) · Śloka 20

অস্থিবিবরপ্রণষ্টমস্থিবিদষ্টং বা অবগৃহ্য পদ্ভ্যাং পুরুষং যন্ত্রেণাপকর্ষেত্| অশক্যমেবং ব বলবদ্ভিঃ সুগৃহীতস্য যন্ত্রেণ গ্রাহযিত্বা শল্যং বারঙ্গং প্রতিভুজ্য বা ধনুর্গুণৈরেকতো বধ্বাঽন্যতশ্চ পঞ্চাঙ্গ্যা সুসংযতস্যাশ্বস্য বক্ত্রকটকে বধ্নীযাত্| অথৈনমেবং কশযা তাডযেদ্যথোন্নমযঞ্ছিরো বেগেন শল্যমুদ্ধরতি| দৃঢাং বা বৃক্ষশাখামবনম্য তস্যাং পুর্ববদ্বধ্বোদ্ধরেত্| দুর্বলবারঙ্গং তু কুশাভির্বধ্বা| শ্বযথুগ্রস্তবারঙ্গমুত্পীড্য শ্বযথুম্||২০||

Adhikarana adeshottuNDitashalyAharaNopAyAH (21) · Śloka 21

অদেশোত্তুণ্ডিতমশ্মমুদ্গরপ্রহারেণ বিচাল্য যথামার্গমেব||২১||

Adhikarana karNayuktashalyAharaNopAyAH (22) · Śloka 22

কর্ণবত্তু যন্ত্রেণ বিমৃদিতকর্ণং কৃত্বা| নাডীযন্ত্রেণ বা বহুমুখেন যথাস্বমুপসঙ্গৃহ্য শলাকাযন্ত্রেণাঽন্যেন বা পূর্ববদাহরেত্||২২||

Adhikarana akarNashalyAharaNopAyAH (23) · Śloka 23

অনুলোমমকর্ণমনল্পব্রণমুখমযস্কান্তেন||২৩||

Adhikarana pakvAshayagatashalyAharaNopAyaH (24) · Śloka 24

পক্বাশযগতং বিরেচনেন||২৪||

Adhikarana vAtaviNmUtragarBashalyAharaNopAyaH (25) · Śloka 25

বাতবিণ্মূত্রগর্ভসঙ্গং প্রবাহণেন||২৫||

Adhikarana duShTavAtAdishalyAharaNopAyAH (26) · Śloka 26

দুষ্টবাতবিষস্তন্যাদীন্যাস্যবিষাণচূষণেন||২৬||

Adhikarana kaNThasrotogatashalyAharaNopAyAH (27) · Śloka 27

কণ্ঠস্রোতোগতে তু শল্যে বিসংসক্তং সূত্রং কণ্ঠে প্রবেশযেত্| অথ তদ্গৃহীতং বিজ্ঞায শল্যং সমমেব সূত্রং বিসং চাক্ষিপেত্| বিসাভাবে মৃণালেঽপ্যযমেব বিধিঃ|২৭|

Adhikarana kaNThAsakte jAtuShAjAtuShashalyAharaNopAyAH (27) · Śloka 27

জাতুষে তু কণ্ঠসক্তে নাডীং প্রবেশযেত্তদা চাগ্নিতপ্তাং সূক্ষ্মমুখীং শলাকামথ তাং গৃহীতশল্যাং শীতাভিরদ্ভিঃ পরিষিচ্য স্থিরীভূতামাহরেত্| অজাতুষেঽপ্যেবমেব প্রতপ্তাং জতুমধূচ্ছিষ্টান্যতরপ্রদিগ্ধাং শলাকাম্|২৭|

Adhikarana kaNThasaktakaNTakashalyAharaNopAyAH (27) · Śloka 27

মত্স্যকণ্টকমন্যদ্বা তাদৃগস্থিশল্যং কণ্ঠলগ্নং সূত্রেণ সূত্রপ্লোতেন বা বেষ্টিতযাঽঙ্গুল্যাঽপহরেত্| অথবা কেশোণ্ডুকং দৃঢদীর্ঘসূত্রবদ্ধং দ্রবোপহিতং পাযযেদ্বামযেচ্চ| বমতশ্চ শল্যৈকদেশসক্তং সূত্রং সহসৈবাক্ষিপেত্| মৃদুনা বা দন্তধাবনকূর্চ্চেনাপহরেত্| পরতো ব প্রণদেত্| বালোণ্ডুকে বিলগ্নে তদ্বত্কণ্টকম্| ক্ষতকণ্ঠশ্চ ত্রিফলাচূর্ণং মধুঘৃতসিতোপেতমনুকণ্ঠযন্ লিহ্যাত্||২৭||

Adhikarana apshalyAharaNopAyAH (28) · Śloka 28

অপাং পূর্ণং পুরুষমবাক্শিরসমবপীডযেদ্ধুনুযাদ্বামযেচ্চ ভস্মরাশৌ ব নিখন্যাদামুখাত্| অন্যথা হ্যুন্মার্গগামিভিরদ্ভিরাধ্মানকাসশ্বাসপীনসেন্দ্রিযোপঘাতজ্বরাদযঃ শ্লেষ্মবিকারা মৃত্যুশ্চ| তত্র যথাস্বং কফে প্রতিকুর্যাত্|২৮|

Adhikarana grAsashalyapraveshanopAyaH (28) · Śloka 28

গ্রাসশল্যমম্বুনা প্রবেশযেত্স্কন্ধে বা মুষ্টিনাভিহন্যাত্|২৮|

Adhikarana kaNThasthashleShmAdishalyanirharaNopAyaH (28) · Śloka 28

কণ্ঠস্থং শ্লেষ্মাণমন্নলবং বা প্রধমনোত্কাসনাপকসনৈর্বিধমেত্||২৮||

Adhikarana netrashalyAharaNopAyAH (29) · Śloka 29

সূক্ষ্মমক্ষিশল্যং লেখনপ্রধমনবালজলবস্ত্রজিহ্বাভিরপনযেত্| তথা নির্ভুজ্য বর্ত্ম বর্ত্মগতমপনীয চোষ্ণাম্বুবাষ্পস্বেদং সমধুমধুকক্বাথেন সর্পিষা চ পরিষেকং কুর্যাত্| স্বযমপি চ শল্যমশ্রুক্ষবথুকাসোদ্গারমূত্রপুরীষানিলৈর্নযনাদিভ্যোঙ্গাবযবেভ্যঃ পততি||২৯||

Adhikarana karNagatakITashalyAharaNopAyAH (30) · Śloka 30

কীটে কর্ণস্রোতঃপ্রবিষ্টে তোদো গৌরবং ভরভরাযমাণং চ ভবতি স্পন্দমানে চাপ্যধিকং বেদনা| তত্র সলবণেনাম্বুনা মধুকযুক্তেন মদ্যেন বা সুখোষ্ণেন পূরণম্| নির্গতে চ কীটে তদুত্সর্জনম্| তত্রৈব তু মৃতে পাককোথক্লেদা ভবন্তি| তেষু কর্ণস্রাবোক্তং কুর্যাত্প্রতিনাহোক্তঞ্চ| তোযপূর্ণং কর্ণং হস্তোন্মথিতেন তৈলাম্বুনা পূরযেত্| পার্শ্বাবনতং বা কৃত্বা হস্তেনাহন্যান্নাড্যা বাঽঽচূষযেত্||৩০||

Adhikarana dehe vilIyamAnAni shalyAni (31) · Śloka 31

ভবন্তি চাত্র শ্লোকাঃ- জাতুষং হেমরূপ্যাদিধাতুজং চ চিরস্থিতম্| ঊষ্মণা প্রাযশঃ শল্যং দেহজেন বিলীযতে|৩১|

Adhikarana dehe avilIyamAnAni shalyAni (31) · Śloka 31

বিষাণবেণুদার্বস্থিদন্তবালোপলানি তু| শল্যানি ন বিশীর্যন্তে শরীরে মৃন্মযানি চ| বিষাণবেণ্বযস্তালদারুশল্যং চিরাদপি| প্রাযো নির্ভুজ্যতে তদ্ধি পচত্যাশু পলাসৃজী||৩১||

Adhikarana avagADhashalyAharaNopAyAH (32) · Śloka 32

শল্যে মাংসাবগাঢে চেত্স দেশো ন বিদহ্যতে| ততস্তং মর্দনস্বেদশুদ্ধিকর্শনবৃংহণৈঃ| তীক্ষ্ণোপনাহপানান্নঘনশস্ত্রপদাঙ্কনৈঃ| পাচযিত্বা হরেচ্ছল্যং পাটনৈষণপীডনৈঃ||৩২||

Adhikarana upasaMhAraH (33) · Śloka 33

শল্যপ্রদেশযন্ত্রাণামবেক্ষ্য বহুরূপতাম্| তৈস্তৈরুপাযৈর্মতিমান্ শল্যং বিদ্যাত্তথাহরেত্||৩৩||

Adhikarana niHshalyavraNalakShaNam (34) · Śloka 34

ব্রণে প্রশান্তে প্রান্তেষু নাতিস্পর্শাসহিষ্ণুষু| অল্পে শোফে চ তাপে চ নিঃশল্যমিতি নির্দিশেত্|৩৪|

Adhikarana kAya eva shalyam (34-35) · Śloka 35

কায এব পরং শল্যং নিজদোষমলাবিলঃ| শল্যে শল্যং শরাদ্যং তু বিশেষাত্তেন চিন্ত্যতে||৩৪|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে শল্যাহরণবিধির্নাম সপ্তত্রিংশোঽধ্যাযঃ||৩৫||