Adhikarana pratij~jA (1) · Śloka 1
അഥാതഃ സ്നപനാധ്യായം വ്യാഖ്യാസ്യാമഃ| ഇതി ഹ സ്മാഹുരാത്രേ യാദയോ മഹര്ഷയഃ||൧||
View original
अथातः स्नपनाध्यायं व्याख्यास्यामः| इति ह स्माहुरात्रे यादयो महर्षयः||१||
🔊 Audio coming soon
5. snapanavidhiḥ
Adhikarana snapanasthAnam (2) · Śloka 2
സരിത്സങ്ഗമഗോതീര്ഥഗജേന്ദ്രസ്കന്ധഗോകുലേ| ചതുഷ്പഥേ ച സ്നപയേദ്ബാലം സസ്തന്യമാതരമ്| ശ്മശാനേ ദീര്ഘരോഗാര്ത്തം മൃതാപത്യാം ച യോഷിതമ്||൨||
View original
सरित्सङ्गमगोतीर्थगजेन्द्रस्कन्धगोकुले| चतुष्पथे च स्नपयेद्बालं सस्तन्यमातरम्| श्मशाने दीर्घरोगार्त्तं मृतापत्यां च योषितम्||२||
🔊 Audio coming soon
Adhikarana snapanayogyA mahI (3) · Śloka 3
ദൂര്വാക്ഷീരിദ്രുമവതീ പ്രാഗുദക്പ്രവണാ മഹീ| സ്നിഗ്ധനീരുജപുഷ്പാഢ്യപാദപാ സ്നപനേ ശുഭാ||൩||
View original
दूर्वाक्षीरिद्रुमवती प्रागुदक्प्रवणा मही| स्निग्धनीरुजपुष्पाढ्यपादपा स्नपने शुभा||३||
🔊 Audio coming soon
Adhikarana snapanayogyaH kAlaH (4) · Śloka 4
രേവതീശ്രവണസ്വാതീപ്രാജാപത്യോത്തരൈന്ദേവേ| പുഷ്യേ മൂലേ ച ബാലസ്യ സ്നാനം പര്വദിനേഷു ച||൪||
View original
रेवतीश्रवणस्वातीप्राजापत्योत्तरैन्देवे| पुष्ये मूले च बालस्य स्नानं पर्वदिनेषु च||४||
🔊 Audio coming soon
Adhikarana snapanasthale maNDalanirmANam (5) · Śloka 5
ചതുര്ഹസ്താഷ്ടഹസ്തം വാ ദ്വാത്രിംശദ്ധസ്തമേവ വാ| നല്വമാത്രപ്രമാണം വാ ത്രിവര്ണം മണ്ഡലം ലിഖേത്| ഗോചര്മചാപേഷുമിതസ്ത്രിവിധോ നല്വ ഉച്യതേ| ചതുരസ്രം ചതുര്ദ്വാരം പതാകാഭിരലങ്കൃതമ്| ആകീര്ണം പരിതോ ദൂര്വാസിദ്ധാര്ഥകയവാങ്കുരൈഃ||൫||
View original
चतुर्हस्ताष्टहस्तं वा द्वात्रिंशद्धस्तमेव वा| नल्वमात्रप्रमाणं वा त्रिवर्णं मण्डलं लिखेत्| गोचर्मचापेषुमितस्त्रिविधो नल्व उच्यते| चतुरस्रं चतुर्द्वारं पताकाभिरलङ्कृतम्| आकीर्णं परितो दूर्वासिद्धार्थकयवाङ्कुरैः||५||
🔊 Audio coming soon
Adhikarana maNDale devatA~gkanam (6) · Śloka 6
ക്രമാത്പ്രാച്യാദിഷു ലിഖേദ്ഗജാരൂഢം പുരന്ദരമ്| ധര്മരാജം മഹിഷഗം ചക്രാഹ്വസ്ഥമപാമ്പതിമ്| ധനദം ച ഗദാപാണിം യമസ്ഥാനമതീത്യ ച| മാതൃസ്ഥാനം ലിഖേത്തസ്മിന് സവൃഷം നന്ദികേശ്വരമ്| സവധ്വനുചരം ചാദൌ മൃന്മയം ച വിനായകമ്||൬||
View original
क्रमात्प्राच्यादिषु लिखेद्गजारूढं पुरन्दरम्| धर्मराजं महिषगं चक्राह्वस्थमपाम्पतिम्| धनदं च गदापाणिं यमस्थानमतीत्य च| मातृस्थानं लिखेत्तस्मिन् सवृषं नन्दिकेश्वरम्| सवध्वनुचरं चादौ मृन्मयं च विनायकम्||६||
🔊 Audio coming soon
Adhikarana maNDale vividhacihnAnAma~gkanam (7) · Śloka 7
അതീത്യ വരുണാവാസം സഹസ്രാരം നിവേശയേത്| വിഷ്ണുപ്രഹരണം ചക്രം സര്വവിഘ്നനിവാരണമ്| സുരയക്ഷേശയോര്മധ്യേ പദ്മഹസ്താലയാം ശ്രിയമ്| നന്ദ്യാവര്താങ്കുശാദര്ശമത്സ്യസ്വസ്തികതോരണമ്| ശങ്ഖം ച ദക്ഷിണാവര്തം ശ്രീവത്സം മാല്യദാമ ച| ഇന്ദ്രാദീനാം പരീവാരമൈശാന്യാദി വിദിക്ഷു ച||൭||
View original
अतीत्य वरुणावासं सहस्रारं निवेशयेत्| विष्णुप्रहरणं चक्रं सर्वविघ्ननिवारणम्| सुरयक्षेशयोर्मध्ये पद्महस्तालयां श्रियम्| नन्द्यावर्ताङ्कुशादर्शमत्स्यस्वस्तिकतोरणम्| शङ्खं च दक्षिणावर्तं श्रीवत्सं माल्यदाम च| इन्द्रादीनां परीवारमैशान्यादि विदिक्षु च||७||
🔊 Audio coming soon
Adhikarana maNDale rAkShasInAma~gkanam (8) · Śloka 8
ലമ്ബോദരീ ലമ്ബഭുജാ ലമ്ബകര്ണീ ച രാക്ഷസീ| ഇന്ദ്രദ്വാരേ നിവേശ്യാഃ സ്യുര്യമദ്വാരേ പ്രലമ്ബിനീ| ലമ്ബകേശ്യപതിദ്വാരേ കൌബരേ ലമ്ബനാസികാ||൮||
View original
लम्बोदरी लम्बभुजा लम्बकर्णी च राक्षसी| इन्द्रद्वारे निवेश्याः स्युर्यमद्वारे प्रलम्बिनी| लम्बकेश्यपतिद्वारे कौबरे लम्बनासिका||८||
🔊 Audio coming soon
Adhikarana maNDale sha~gkUnAma~gkanam (9) · Śloka 9
ഷട്കീലാനായസാന്കുര്യാത്സപ്തത്രൈലൌഹികാന് ഭിഷക്| ദ്വൌ ചാത്ര ഖാദിരൌ ശങ്കൂ ചന്ദനാമ്ബുസമുക്ഷിതൌ||൯||
View original
षट्कीलानायसान्कुर्यात्सप्तत्रैलौहिकान् भिषक्| द्वौ चात्र खादिरौ शङ्कू चन्दनाम्बुसमुक्षितौ||९||
🔊 Audio coming soon
Adhikarana maNDale ghaTAnAM niveshanam (10) · Śloka 10
അഷ്ടൌ ഘടാഃ ഷോഡശ വാ ദ്വാത്രിംശദ് ദ്വിഗുണാ അപി| സ്വസ്തികാങ്കാഃ പ്രവാലാഭാ രങ്ഗൈരശ്ലേഷകൈഃ കൃതാഃ| യഥാര്ഹൌഷധസംയുക്തശുചിതോയപ്രപൂരിതാഃ| ക്ഷീരിവൃക്ഷപലാശാബ്ജഗന്ധമാല്യോപശോഭിതാഃ| മണ്ഡലസ്യ ചതുദ്വരി കര്തവ്യാഃ സുനിവേശിതാഃ||൧൦||
View original
अष्टौ घटाः षोडश वा द्वात्रिंशद् द्विगुणा अपि| स्वस्तिकाङ्काः प्रवालाभा रङ्गैरश्लेषकैः कृताः| यथार्हौषधसंयुक्तशुचितोयप्रपूरिताः| क्षीरिवृक्षपलाशाब्जगन्धमाल्योपशोभिताः| मण्डलस्य चतुद्वरि कर्तव्याः सुनिवेशिताः||१०||
🔊 Audio coming soon
Adhikarana ghaTAdiShu hemAdinikShepaNam (11) · Śloka 11
പൂര്വേഷു പ്രക്ഷിപേദ്ധേമ തതശ്ച മണിമൌക്തികമ്| അപരേഷ്വൌഷധീബീജാനുദക്ഷ്വക്ഷതസര്ഷപാന്||൧൧||
View original
पूर्वेषु प्रक्षिपेद्धेम ततश्च मणिमौक्तिकम्| अपरेष्वौषधीबीजानुदक्ष्वक्षतसर्षपान्||११||
🔊 Audio coming soon
Adhikarana mRudAdisAmagryAharaNam (12) · Śloka 12
മൃദഃ പവിത്രാ രക്ഷോഘ്നീരാഹരേത സുരാലയാത്| ഹസ്തിശാലാശ്വശാലാഭ്യാം ശൃങ്ഗാടകചതുഷ്പഥാത്| വല്മീകാഗ്രാന്നദീതീരാദ്വേശ്യാകോശനൃപാലയാത്| ഗുപ്തിദ്വാരാത്സമുദ്രാച്ച സമിദ്ധം ചാഗ്നിമാഹരേത്| സമിധഃ ക്ഷീരിവൃക്ഷാണാം ഗന്ധമാല്യം ഘൃതം മധു| അക്ഷതാംസ്തണ്ഡുലാന് ലാജാന് പഞ്ചവര്ണോദനം തിലാന്||൧൨||
View original
मृदः पवित्रा रक्षोघ्नीराहरेत सुरालयात्| हस्तिशालाश्वशालाभ्यां शृङ्गाटकचतुष्पथात्| वल्मीकाग्रान्नदीतीराद्वेश्याकोशनृपालयात्| गुप्तिद्वारात्समुद्राच्च समिद्धं चाग्निमाहरेत्| समिधः क्षीरिवृक्षाणां गन्धमाल्यं घृतं मधु| अक्षतांस्तण्डुलान् लाजान् पञ्चवर्णोदनं तिलान्||१२||
🔊 Audio coming soon
Adhikarana tatra pIThe dhAtrIbAlayorupaveshanam (13) · Śloka 13
തതോ മധ്യസ്ഥിതേ പദ്മേ സഹ ധാത്ര്യോപവേശയേത്| ബാലമൌദുമ്ബരേ പീഠേ പാലാശേ വാപ്യുദങ്മുഗ്ഖമ്| ആസ്തൃതേ ഹരിതൈര്ദര്ഭൈര്ന തു പ്രാച്യാദിദിങ്മുഖമ്||൧൩||
View original
ततो मध्यस्थिते पद्मे सह धात्र्योपवेशयेत्| बालमौदुम्बरे पीठे पालाशे वाप्युदङ्मुग्खम्| आस्तृते हरितैर्दर्भैर्न तु प्राच्यादिदिङ्मुखम्||१३||
🔊 Audio coming soon
Adhikarana tatra samantraM juhuyAt (14) · Śloka 14
ഉദാഹരിഷ്യതേ മന്ത്രോ യഃ സ്കന്ദബലികര്മണി| ജുഹുയാത്തേന തത്രാഗ്നിമുദീച്യാം സ്ഥാപിതം ദിശി||൧൪||
View original
उदाहरिष्यते मन्त्रो यः स्कन्दबलिकर्मणि| जुहुयात्तेन तत्राग्निमुदीच्यां स्थापितं दिशि||१४||
🔊 Audio coming soon
Adhikarana vaidyadvArA snapanavidhiH (15) · Śloka 15
ത്രിരാത്രോപോഷിതോ വൈദ്യഃ ശുക്ലവാസാ ജിതേന്ദ്രിയഃ| സര്ഷപാക്ഷതയുക്താഭിര്മൃദ്ധിര്ഗാത്രാണി മാര്ജയേത്| യഥോദിതാഭിഃ സ്നപയേദ് ഘടൈഃ പ്രാച്യാദിദിക്സ്ഥിതൈഃ| ക്രമാത് പ്രദക്ഷിണോത്ക്ഷിപ്തഃ ....................||൧൫||
View original
त्रिरात्रोपोषितो वैद्यः शुक्लवासा जितेन्द्रियः| सर्षपाक्षतयुक्ताभिर्मृद्धिर्गात्राणि मार्जयेत्| यथोदिताभिः स्नपयेद् घटैः प्राच्यादिदिक्स्थितैः| क्रमात् प्रदक्षिणोत्क्षिप्तः ....................||१५||
🔊 Audio coming soon
Adhikarana atha mantrAH - tatra prathamakalashamantraH (indrakalashamantraH) (17) · Śloka 17
...................................... തത്ര മന്ത്രം പ്രയോജയേത്| അമൃതാത് പൂര്വമുത്പന്നമിമം തേ കലശം ശുഭമ്| ദദാതു ഭഗവാനിന്ദ്രോ വിജയം നാമ നാമതഃ| രക്തപീതാമ്ബരധരൈര്ഭൂതൈര്ബഹുഭിരന്വിതഃ| രാക്ഷസോരഗഗന്ധര്വപിശാചൈശ്ചാനുസേവിതഃ| വജ്രഘണ്ടാശനിധരൈര്മേഘൈശ്ച വിവിധസ്വനൈഃ| ദേവസങ്ഘൈഃ പരിവൃതോ ഗജേന്ദ്രസ്കന്ധസംശ്രിതഃ| ഏഭിഃ സാര്ധം മഹാനിന്ദ്രഃ സ്നപനം തേऽനുമന്യതാമ്| പൂര്വദ്വാരേ സ്ഥിതം ദിവ്യം വജ്രമിന്ദ്രാജ്ഞയാ ശുഭമ്| തത്ര സര്വാണി പാപാനി നിഹന്താ ചാപരാജിതഃ| ഇന്ദ്രായ നമഃ സ്വാഹാ| ഇന്ദ്രാണ്യൈ നമഃ സ്വാഹാ| അപരാ- ജിതായ സ്വാഹാ| മേഘാധിപതയേ സ്വാഹാ| ദേവാധിപതയേ സ്വാഹാ| ശതക്രതവേ സ്വാഹാ| ൧൬(൧)|൧൭|
View original
...................................... तत्र मन्त्रं प्रयोजयेत्| अमृतात् पूर्वमुत्पन्नमिमं ते कलशं शुभम्| ददातु भगवानिन्द्रो विजयं नाम नामतः| रक्तपीताम्बरधरैर्भूतैर्बहुभिरन्वितः| राक्षसोरगगन्धर्वपिशाचैश्चानुसेवितः| वज्रघण्टाशनिधरैर्मेघैश्च विविधस्वनैः| देवसङ्घैः परिवृतो गजेन्द्रस्कन्धसंश्रितः| एभिः सार्धं महानिन्द्रः स्नपनं तेऽनुमन्यताम्| पूर्वद्वारे स्थितं दिव्यं वज्रमिन्द्राज्ञया शुभम्| तत्र सर्वाणि पापानि निहन्ता चापराजितः| इन्द्राय नमः स्वाहा| इन्द्राण्यै नमः स्वाहा| अपरा- जिताय स्वाहा| मेघाधिपतये स्वाहा| देवाधिपतये स्वाहा| शतक्रतवे स्वाहा| १६(१)|१७|
🔊 Audio coming soon
Adhikarana dvitIyakalashamantraH (yamakalashamantraH) (16(2)) · Śloka 17
ദ്വിതീയം കലശം പുണ്യമാദിത്യസദൃശപ്രഭമ്| യമോ ദദാതു ഭഗവന് വൈജയന്തം തു നാമതഃ| കൃഷ്ണാഞ്ജനനിഭൈര്ഘോരൈഃ കൃഷ്ണാമ്ബരധരൈസ്തഥാ| വൃതഃ കരാലൈര്വികൃതൈ രാക്ഷസൈരുഗ്രവിക്രമൈഃ| ശ്മശാനാരണ്യനിലയൈര്മൃതവസ്ത്രാന്ത്രഭൂഷണൈഃ| ത്വഗസ്ഥിമജ്ജമാംസാദൈഃ പ്രേതൈര്ബഹുഭിരാവൃതഃ| ധര്മരാജോ യമഃ ശ്രീമാന് സത്യസന്ധോ മഹാതപാഃ| ദിവ്യം മഹിഷമാരുഹ്യ സ്നപനം തേऽനുമന്യതാമ്| ദക്ഷിണദ്വാരസംസ്ഥസ്തേ യമദണ്ഡഃ പ്രതാപവാന്| ദുഃസ്വപ്നം ദുഷ്കൃതം പാപം സര്വമദ്യ ഹനിഷ്യതി| യമായ നമഃ സ്വാഹാ| യമദണ്ഡായ നമഃ സ്വാഹാ| മഹിഷ വാഹനായ സ്വാഹാ| പ്രേതാധിപതയേ സ്വാഹാ| ധര്മാധിപതയേ സ്വാഹാ| വൈജയന്തായ സ്വാഹാ| ൧൬(൨)||൧൭||
View original
द्वितीयं कलशं पुण्यमादित्यसदृशप्रभम्| यमो ददातु भगवन् वैजयन्तं तु नामतः| कृष्णाञ्जननिभैर्घोरैः कृष्णाम्बरधरैस्तथा| वृतः करालैर्विकृतै राक्षसैरुग्रविक्रमैः| श्मशानारण्यनिलयैर्मृतवस्त्रान्त्रभूषणैः| त्वगस्थिमज्जमांसादैः प्रेतैर्बहुभिरावृतः| धर्मराजो यमः श्रीमान् सत्यसन्धो महातपाः| दिव्यं महिषमारुह्य स्नपनं तेऽनुमन्यताम्| दक्षिणद्वारसंस्थस्ते यमदण्डः प्रतापवान्| दुःस्वप्नं दुष्कृतं पापं सर्वमद्य हनिष्यति| यमाय नमः स्वाहा| यमदण्डाय नमः स्वाहा| महिष वाहनाय स्वाहा| प्रेताधिपतये स्वाहा| धर्माधिपतये स्वाहा| वैजयन्ताय स्वाहा| १६(२)||१७||
🔊 Audio coming soon
Adhikarana tRutIyakalashamantraH (varuNakalashamantraH) (16(3)) · Śloka 15
ജയന്തം ജയവൃദ്ധ്യര്ഥം തൃതീയം കലശം ശുഭമ്| ദദാതു മധുരാജസ്തേ ഭഗവാന് വരുണഃ സ്വയമ്| ശ്വേതമാല്യാമ്ബരധരൈഃ ശ്വേതഗന്ധാനുലേപനൈഃ| ഗന്ധര്വൈഃ പത്രഗേന്ദ്രൈശ്ച ഭഗവാനനുശോഭിതഃ| തീര്ഥകൂപനദീവൃക്ഷനിഷ്കുടോദ്യാനവാസിഭിഃ| പ്രബലൈഃ കപിലൈഃ മുണ്ഡൈര്വികടൈര്വാമനൈസ്തഥാ| വൃതഃ പരിഷദൈര്ഭൂതൈഃ പാശമുദ്ഗരപാണിഭിഃ| ഏഭിഃ സഹാദ്യ ഭഗവാന് വരുണസ്ത്വാഭിഷിഞ്ചതു| വരുണസ്യ മഹാപാശോऽപ്യപരദ്വാരമാശ്രിതഃ| തവ പാപം വിഹന്ത്യാശു സര്വവിഘ്നനിവാരണഃ| വരുണായ നമഃ സ്വാഹാ| ശ്വേതാമ്ബരധരായ സ്വാഹാ| മകര വാഹനായ സ്വാഹാ| ജയന്തായ സ്വാഹാ| ൧൬(൩)||൧൫||
View original
जयन्तं जयवृद्ध्यर्थं तृतीयं कलशं शुभम्| ददातु मधुराजस्ते भगवान् वरुणः स्वयम्| श्वेतमाल्याम्बरधरैः श्वेतगन्धानुलेपनैः| गन्धर्वैः पत्रगेन्द्रैश्च भगवाननुशोभितः| तीर्थकूपनदीवृक्षनिष्कुटोद्यानवासिभिः| प्रबलैः कपिलैः मुण्डैर्विकटैर्वामनैस्तथा| वृतः परिषदैर्भूतैः पाशमुद्गरपाणिभिः| एभिः सहाद्य भगवान् वरुणस्त्वाभिषिञ्चतु| वरुणस्य महापाशोऽप्यपरद्वारमाश्रितः| तव पापं विहन्त्याशु सर्वविघ्ननिवारणः| वरुणाय नमः स्वाहा| श्वेताम्बरधराय स्वाहा| मकर वाहनाय स्वाहा| जयन्ताय स्वाहा| १६(३)||१५||
🔊 Audio coming soon
Adhikarana caturthakalashamantraH (dhanadakalashamantraH) (16(4)) · Śloka 13
ചതുര്ഥം കലശം പുണ്യം പ്രധാനമപരാജിതമ്| ധനേശ്വരോ മഹാബാഹുഃ പ്രയച്ഛത്വലകാധിപഃ| ചിത്രമാല്യാമ്ബരധരൈശ്ചിത്രഗന്ധാനുലോപനൈഃ| ചിത്രമദ്യമദോന്മത്തൈര്യക്ഷൈഃ സമുപസേവിതഃ| മുദിതോദ്ഗീതഗന്ധര്വൈഃ സേവിതശ്ചാപ്സരോഗണൈഃ| സ തേ വൈശ്രവണഃ ശ്രീമാന് സ്നപനത്വനുമന്യതാമ്| സര്വവ്യാധിഹരാ ദീപ്താ ദ്വാരമുത്തരമാശ്രിതാ| ഗദാ തേ നാശയത്വദ്യ സര്വപാപം ദിശോ ദശ| ധനാധിപതയേ സ്വാഹാ| ഗദാപാണയേ സ്വാഹാ| അപരാജിതായ സ്വാഹാ| ചിത്രാമ്ബരധരായ സ്വാഹാ| ൧൬(൪)||൧൩||
View original
चतुर्थं कलशं पुण्यं प्रधानमपराजितम्| धनेश्वरो महाबाहुः प्रयच्छत्वलकाधिपः| चित्रमाल्याम्बरधरैश्चित्रगन्धानुलोपनैः| चित्रमद्यमदोन्मत्तैर्यक्षैः समुपसेवितः| मुदितोद्गीतगन्धर्वैः सेवितश्चाप्सरोगणैः| स ते वैश्रवणः श्रीमान् स्नपनत्वनुमन्यताम्| सर्वव्याधिहरा दीप्ता द्वारमुत्तरमाश्रिता| गदा ते नाशयत्वद्य सर्वपापं दिशो दश| धनाधिपतये स्वाहा| गदापाणये स्वाहा| अपराजिताय स्वाहा| चित्राम्बरधराय स्वाहा| १६(४)||१३||
🔊 Audio coming soon
Adhikarana mantrapAThaH (16(5)) · Śloka 33
ആപഃ പവിത്രം ലോകേऽസ്മിന്നാപോ വൈ പരമം ശുചിഃ| ആപോ വൈ ദേവതാഃ സര്വാ ആപസ്ത്വാമഭിഷിച്യതാമ്| ബ്രഹ്മാ ബ്രഹ്മര്ഷിഭിഃ സാര്ധം ഭഗവാംസ്ത്വാഭിഷിഞ്ചതു| സ്വാഹാ| സാങ്ഗോപാങ്ഗാസ്തഥാ വേദാഃ കീര്തിര്ലക്ഷ്മീഃ സരസ്വതീ| ബാലാ ദാക്ഷായണീ സീതാ സാവിത്രീ സരമാ ദ്യുതിഃ| ആകാശഗങ്ഗാ ഗങ്ഗാദ്യാ മഹാനദ്യോ മഹോദധിഃ| നദീനാം സങ്ഗമാസ്തീര്ഥാ നിര്ഝരാഃ സാഗരാസ്തഥാ| മേരുര്മഹേന്ദ്രോ ഹിമവാന് ജഗച്ച സ്ഥാവരത്ത്രയമ്| സ്കന്ദാദയോ ഗ്രഹാശ്ചൈവ തോഷിതാ ബലികര്മണാ| അദ്യ ത്വാമിഭിഷിഞ്ചന്തു നീരുജോ ഭവ ദാരക| നമോ ഭഗവതേ പിതാമഹായ| ഔമ് - മം ഔമ് - മം - ല്മി - ല്മി - ലിമുക് - ലിമുക് - ലിപിഭവനേഭ്യഃ സ്വാഹാ| നമോ ഭഗവതേ രുദ്രായ ഹിലി - ഹിലി മേല്ലി - മേല്ലി വേല്ലി - വേല്ലി മ്മിലി -മ്മിലി സ്വാഹാ| രാക്ഷസാശ്ച പലായന്തു ഭൂതാശ്ച ത്രസ്തമാനസാഃ| മൃതാശനാ മഹാജിഹ്വാസ്തഥാ വിഘ്നവിനായകാഃ| നമോ ഭഗവതേ കുമാരായ പിലി-പിലി ഖില്ലി-ഖില്ലി ഖിണി-ഖിണി സ്വാഹാ| പുഷ്കരം പുഷ്കരാഖ്യം നൈമിശം ച തഥാ ഗയാ| പ്രഭാസം പ്രവരം തീര്ഥം തഥാ പിണ്ഡാരകാഹ്വയമ്| തീര്ഥാന്യേതാനി സര്വാണി അഭിഷിഞ്ചന്തു സ്വസ്തി തേ| നമോ ഭഗവതീഭ്യോ മഹായോഗീശ്വരീഭ്യോ നിമി-നിമി മേനു- മേനു തരു-തുരു സ്വാഹാ| യാശ്ച ജാതാപഹാരിണ്യോ രാക്ഷസ്യോ വികൃതാനനാഃ| അപി താ നിഹതാഃ സര്വാഃ യാശ്ചാന്യാഃ പാപചിന്തകാഃ| സതീനാം കപിലാനാം ച സിദ്ധാനം ചൈവ തേജസാ| തേജസാ ചര്ഷിവിപ്രാണാം മയാദ്യ സ്നപിതോ ഭവാന്| പ്രഭുര്മൃത്യുരലക്ഷ്മീശ്ച കാലരാത്രിശ്ച സാരഥിഃ (സാരതിഃ)| ലമ്ബാ ച ലോഹശങ്കുശ്ച പൂതനാ കൂടപൂതനാ| അശുഭം യച്ച തേ കിഞ്ചിത്സര്വം പ്രതിഹതം മയാ| ആദിത്യാ വസവോ രുദ്രാ അശ്വിനാവൌഷധീഗണാഃ| ഗാവോऽന്തരിക്ഷം സന്ധ്യേ ച നക്ഷത്രഗ്രഹവത്സരാഃ| വിശ്വാവസുശ്ച ഹാഹാ ച നാരദസ്തുമ്ബുരുസ്തഥാ| ധന്വന്തരിരഗസ്ത്യശ്ച സുസ്നാതം പ്രദിശന്തു തേ| ൧൬(൫)||൩൩||
View original
आपः पवित्रं लोकेऽस्मिन्नापो वै परमं शुचिः| आपो वै देवताः सर्वा आपस्त्वामभिषिच्यताम्| ब्रह्मा ब्रह्मर्षिभिः सार्धं भगवांस्त्वाभिषिञ्चतु| स्वाहा| साङ्गोपाङ्गास्तथा वेदाः कीर्तिर्लक्ष्मीः सरस्वती| बाला दाक्षायणी सीता सावित्री सरमा द्युतिः| आकाशगङ्गा गङ्गाद्या महानद्यो महोदधिः| नदीनां सङ्गमास्तीर्था निर्झराः सागरास्तथा| मेरुर्महेन्द्रो हिमवान् जगच्च स्थावरत्त्रयम्| स्कन्दादयो ग्रहाश्चैव तोषिता बलिकर्मणा| अद्य त्वामिभिषिञ्चन्तु नीरुजो भव दारक| नमो भगवते पितामहाय| औम् - मं औम् - मं - ल्मि - ल्मि - लिमुक् - लिमुक् - लिपिभवनेभ्यः स्वाहा| नमो भगवते रुद्राय हिलि - हिलि मेल्लि - मेल्लि वेल्लि - वेल्लि म्मिलि -म्मिलि स्वाहा| राक्षसाश्च पलायन्तु भूताश्च त्रस्तमानसाः| मृताशना महाजिह्वास्तथा विघ्नविनायकाः| नमो भगवते कुमाराय पिलि-पिलि खिल्लि-खिल्लि खिणि-खिणि स्वाहा| पुष्करं पुष्कराख्यं नैमिशं च तथा गया| प्रभासं प्रवरं तीर्थं तथा पिण्डारकाह्वयम्| तीर्थान्येतानि सर्वाणि अभिषिञ्चन्तु स्वस्ति ते| नमो भगवतीभ्यो महायोगीश्वरीभ्यो निमि-निमि मेनु- मेनु तरु-तुरु स्वाहा| याश्च जातापहारिण्यो राक्षस्यो विकृताननाः| अपि ता निहताः सर्वाः याश्चान्याः पापचिन्तकाः| सतीनां कपिलानां च सिद्धानं चैव तेजसा| तेजसा चर्षिविप्राणां मयाद्य स्नपितो भवान्| प्रभुर्मृत्युरलक्ष्मीश्च कालरात्रिश्च सारथिः (सारतिः)| लम्बा च लोहशङ्कुश्च पूतना कूटपूतना| अशुभं यच्च ते किञ्चित्सर्वं प्रतिहतं मया| आदित्या वसवो रुद्रा अश्विनावौषधीगणाः| गावोऽन्तरिक्षं सन्ध्ये च नक्षत्रग्रहवत्सराः| विश्वावसुश्च हाहा च नारदस्तुम्बुरुस्तथा| धन्वन्तरिरगस्त्यश्च सुस्नातं प्रदिशन्तु ते| १६(५)||३३||
🔊 Audio coming soon
Adhikarana snapanottarA caryA (17) · Śloka 17
സ്നാതോ ദ്വിജഭിഷഗ്ഭൃത്യാന്യഥാവിഭവമര്ചയേത്| മാംസവ്യവായാഹഃ സ്വപ്നാന് പഞ്ചരാത്രം വിവര്ജയേത്||൧൭||
View original
स्नातो द्विजभिषग्भृत्यान्यथाविभवमर्चयेत्| मांसव्यवायाहः स्वप्नान् पञ्चरात्रं विवर्जयेत्||१७||
🔊 Audio coming soon
Adhikarana vidhivatsnapanastavanam (18) · Śloka 18
സ്നപനം പാപ്മജിത്പുണ്യം നീരുജാമപി പുഷ്ടികൃത്| രോഗിണാം സര്വരോഗഘ്നം വന്ധ്യാനാമപി പുത്രദമ്| വിധിനാ വിധിഹീനന്തു സവൈദ്യം ഹന്തി ബാലകമ്| നൈതദശ്രദ്ദധാനായ യോജ്യം നാനുപസീദതേ||൧൮||
View original
स्नपनं पाप्मजित्पुण्यं नीरुजामपि पुष्टिकृत्| रोगिणां सर्वरोगघ्नं वन्ध्यानामपि पुत्रदम्| विधिना विधिहीनन्तु सवैद्यं हन्ति बालकम्| नैतदश्रद्दधानाय योज्यं नानुपसीदते||१८||
🔊 Audio coming soon
Adhikarana snapanajalasAdhanArthamauShadhinirdeshaH (19-20) · Śloka 20
പൂതീകരഞ്ജത്വക്പത്രം ക്ഷീരിഭ്യോ വര്ബരാദപി| തുമ്ബീവിശാലാരലുകശമീബില്വകപിത്ഥതഃ| സ്ഥാല്യാമുത്ക്വാഥ്യ തത്തോയം ബാലാനാം സ്നപനം ശിവമ്| രാത്രൌ പ്രസുപ്തലോകായാം പുഷ്ടിദം സര്വരോഗജിത്||൧൯|| ഇതി വൈദ്യപതിസിംഹഗുപ്തസ്യ സൂനോര്വാഗ്ഭടസ്യ കൃതാവഷ്ടാങ്ഗസംഗ്രഹസംഹിതായാമുത്തരതന്ത്രേ സ്നപനവിധിര്നാമ പഞ്ചമോऽധ്യായഃ||൨൦||
View original
पूतीकरञ्जत्वक्पत्रं क्षीरिभ्यो वर्बरादपि| तुम्बीविशालारलुकशमीबिल्वकपित्थतः| स्थाल्यामुत्क्वाथ्य तत्तोयं बालानां स्नपनं शिवम्| रात्रौ प्रसुप्तलोकायां पुष्टिदं सर्वरोगजित्||१९|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे स्नपनविधिर्नाम पञ्चमोऽध्यायः||२०||
🔊 Audio coming soon