Adhikarana pratij~jA (1) · Śloka 1
athātaḥ snapanādhyāyaṁ vyākhyāsyāmaḥ| iti ha smāhurātrē yādayō maharṣayaḥ||1||
View original
अथातः स्नपनाध्यायं व्याख्यास्यामः| इति ह स्माहुरात्रे यादयो महर्षयः||१||
🔊 Audio coming soon
5. snapanavidhiḥ
Adhikarana snapanasthAnam (2) · Śloka 2
saritsaṅgamagōtīrthagajēndraskandhagōkulē| catuṣpathē ca snapayēdbālaṁ sastanyamātaram| śmaśānē dīrgharōgārttaṁ mr̥tāpatyāṁ ca yōṣitam||2||
View original
सरित्सङ्गमगोतीर्थगजेन्द्रस्कन्धगोकुले| चतुष्पथे च स्नपयेद्बालं सस्तन्यमातरम्| श्मशाने दीर्घरोगार्त्तं मृतापत्यां च योषितम्||२||
🔊 Audio coming soon
Adhikarana snapanayogyA mahI (3) · Śloka 3
dūrvākṣīridrumavatī prāgudakpravaṇā mahī| snigdhanīrujapuṣpāḍhyapādapā snapanē śubhā||3||
View original
दूर्वाक्षीरिद्रुमवती प्रागुदक्प्रवणा मही| स्निग्धनीरुजपुष्पाढ्यपादपा स्नपने शुभा||३||
🔊 Audio coming soon
Adhikarana snapanayogyaH kAlaH (4) · Śloka 4
rēvatīśravaṇasvātīprājāpatyōttaraindēvē| puṣyē mūlē ca bālasya snānaṁ parvadinēṣu ca||4||
View original
रेवतीश्रवणस्वातीप्राजापत्योत्तरैन्देवे| पुष्ये मूले च बालस्य स्नानं पर्वदिनेषु च||४||
🔊 Audio coming soon
Adhikarana snapanasthale maNDalanirmANam (5) · Śloka 5
caturhastāṣṭahastaṁ vā dvātriṁśaddhastamēva vā| nalvamātrapramāṇaṁ vā trivarṇaṁ maṇḍalaṁ likhēt| gōcarmacāpēṣumitastrividhō nalva ucyatē| caturasraṁ caturdvāraṁ patākābhiralaṅkr̥tam| ākīrṇaṁ paritō dūrvāsiddhārthakayavāṅkuraiḥ||5||
View original
चतुर्हस्ताष्टहस्तं वा द्वात्रिंशद्धस्तमेव वा| नल्वमात्रप्रमाणं वा त्रिवर्णं मण्डलं लिखेत्| गोचर्मचापेषुमितस्त्रिविधो नल्व उच्यते| चतुरस्रं चतुर्द्वारं पताकाभिरलङ्कृतम्| आकीर्णं परितो दूर्वासिद्धार्थकयवाङ्कुरैः||५||
🔊 Audio coming soon
Adhikarana maNDale devatA~gkanam (6) · Śloka 6
kramātprācyādiṣu likhēdgajārūḍhaṁ purandaram| dharmarājaṁ mahiṣagaṁ cakrāhvasthamapāmpatim| dhanadaṁ ca gadāpāṇiṁ yamasthānamatītya ca| mātr̥sthānaṁ likhēttasmin savr̥ṣaṁ nandikēśvaram| savadhvanucaraṁ cādau mr̥nmayaṁ ca vināyakam||6||
View original
क्रमात्प्राच्यादिषु लिखेद्गजारूढं पुरन्दरम्| धर्मराजं महिषगं चक्राह्वस्थमपाम्पतिम्| धनदं च गदापाणिं यमस्थानमतीत्य च| मातृस्थानं लिखेत्तस्मिन् सवृषं नन्दिकेश्वरम्| सवध्वनुचरं चादौ मृन्मयं च विनायकम्||६||
🔊 Audio coming soon
Adhikarana maNDale vividhacihnAnAma~gkanam (7) · Śloka 7
atītya varuṇāvāsaṁ sahasrāraṁ nivēśayēt| viṣṇupraharaṇaṁ cakraṁ sarvavighnanivāraṇam| surayakṣēśayōrmadhyē padmahastālayāṁ śriyam| nandyāvartāṅkuśādarśamatsyasvastikatōraṇam| śaṅkhaṁ ca dakṣiṇāvartaṁ śrīvatsaṁ mālyadāma ca| indrādīnāṁ parīvāramaiśānyādi vidikṣu ca||7||
View original
अतीत्य वरुणावासं सहस्रारं निवेशयेत्| विष्णुप्रहरणं चक्रं सर्वविघ्ननिवारणम्| सुरयक्षेशयोर्मध्ये पद्महस्तालयां श्रियम्| नन्द्यावर्ताङ्कुशादर्शमत्स्यस्वस्तिकतोरणम्| शङ्खं च दक्षिणावर्तं श्रीवत्सं माल्यदाम च| इन्द्रादीनां परीवारमैशान्यादि विदिक्षु च||७||
🔊 Audio coming soon
Adhikarana maNDale rAkShasInAma~gkanam (8) · Śloka 8
lambōdarī lambabhujā lambakarṇī ca rākṣasī| indradvārē nivēśyāḥ syuryamadvārē pralambinī| lambakēśyapatidvārē kaubarē lambanāsikā||8||
View original
लम्बोदरी लम्बभुजा लम्बकर्णी च राक्षसी| इन्द्रद्वारे निवेश्याः स्युर्यमद्वारे प्रलम्बिनी| लम्बकेश्यपतिद्वारे कौबरे लम्बनासिका||८||
🔊 Audio coming soon
Adhikarana maNDale sha~gkUnAma~gkanam (9) · Śloka 9
ṣaṭkīlānāyasānkuryātsaptatrailauhikān bhiṣak| dvau cātra khādirau śaṅkū candanāmbusamukṣitau||9||
View original
षट्कीलानायसान्कुर्यात्सप्तत्रैलौहिकान् भिषक्| द्वौ चात्र खादिरौ शङ्कू चन्दनाम्बुसमुक्षितौ||९||
🔊 Audio coming soon
Adhikarana maNDale ghaTAnAM niveshanam (10) · Śloka 10
aṣṭau ghaṭāḥ ṣōḍaśa vā dvātriṁśad dviguṇā api| svastikāṅkāḥ pravālābhā raṅgairaślēṣakaiḥ kr̥tāḥ| yathārhauṣadhasaṁyuktaśucitōyaprapūritāḥ| kṣīrivr̥kṣapalāśābjagandhamālyōpaśōbhitāḥ| maṇḍalasya catudvari kartavyāḥ sunivēśitāḥ||10||
View original
अष्टौ घटाः षोडश वा द्वात्रिंशद् द्विगुणा अपि| स्वस्तिकाङ्काः प्रवालाभा रङ्गैरश्लेषकैः कृताः| यथार्हौषधसंयुक्तशुचितोयप्रपूरिताः| क्षीरिवृक्षपलाशाब्जगन्धमाल्योपशोभिताः| मण्डलस्य चतुद्वरि कर्तव्याः सुनिवेशिताः||१०||
🔊 Audio coming soon
Adhikarana ghaTAdiShu hemAdinikShepaNam (11) · Śloka 11
pūrvēṣu prakṣipēddhēma tataśca maṇimauktikam| aparēṣvauṣadhībījānudakṣvakṣatasarṣapān||11||
View original
पूर्वेषु प्रक्षिपेद्धेम ततश्च मणिमौक्तिकम्| अपरेष्वौषधीबीजानुदक्ष्वक्षतसर्षपान्||११||
🔊 Audio coming soon
Adhikarana mRudAdisAmagryAharaNam (12) · Śloka 12
mr̥daḥ pavitrā rakṣōghnīrāharēta surālayāt| hastiśālāśvaśālābhyāṁ śr̥ṅgāṭakacatuṣpathāt| valmīkāgrānnadītīrādvēśyākōśanr̥pālayāt| guptidvārātsamudrācca samiddhaṁ cāgnimāharēt| samidhaḥ kṣīrivr̥kṣāṇāṁ gandhamālyaṁ ghr̥taṁ madhu| akṣatāṁstaṇḍulān lājān pañcavarṇōdanaṁ tilān||12||
View original
मृदः पवित्रा रक्षोघ्नीराहरेत सुरालयात्| हस्तिशालाश्वशालाभ्यां शृङ्गाटकचतुष्पथात्| वल्मीकाग्रान्नदीतीराद्वेश्याकोशनृपालयात्| गुप्तिद्वारात्समुद्राच्च समिद्धं चाग्निमाहरेत्| समिधः क्षीरिवृक्षाणां गन्धमाल्यं घृतं मधु| अक्षतांस्तण्डुलान् लाजान् पञ्चवर्णोदनं तिलान्||१२||
🔊 Audio coming soon
Adhikarana tatra pIThe dhAtrIbAlayorupaveshanam (13) · Śloka 13
tatō madhyasthitē padmē saha dhātryōpavēśayēt| bālamaudumbarē pīṭhē pālāśē vāpyudaṅmugkham| āstr̥tē haritairdarbhairna tu prācyādidiṅmukham||13||
View original
ततो मध्यस्थिते पद्मे सह धात्र्योपवेशयेत्| बालमौदुम्बरे पीठे पालाशे वाप्युदङ्मुग्खम्| आस्तृते हरितैर्दर्भैर्न तु प्राच्यादिदिङ्मुखम्||१३||
🔊 Audio coming soon
Adhikarana tatra samantraM juhuyAt (14) · Śloka 14
udāhariṣyatē mantrō yaḥ skandabalikarmaṇi| juhuyāttēna tatrāgnimudīcyāṁ sthāpitaṁ diśi||14||
View original
उदाहरिष्यते मन्त्रो यः स्कन्दबलिकर्मणि| जुहुयात्तेन तत्राग्निमुदीच्यां स्थापितं दिशि||१४||
🔊 Audio coming soon
Adhikarana vaidyadvArA snapanavidhiH (15) · Śloka 15
trirātrōpōṣitō vaidyaḥ śuklavāsā jitēndriyaḥ| sarṣapākṣatayuktābhirmr̥ddhirgātrāṇi mārjayēt| yathōditābhiḥ snapayēd ghaṭaiḥ prācyādidiksthitaiḥ| kramāt pradakṣiṇōtkṣiptaḥ ....................||15||
View original
त्रिरात्रोपोषितो वैद्यः शुक्लवासा जितेन्द्रियः| सर्षपाक्षतयुक्ताभिर्मृद्धिर्गात्राणि मार्जयेत्| यथोदिताभिः स्नपयेद् घटैः प्राच्यादिदिक्स्थितैः| क्रमात् प्रदक्षिणोत्क्षिप्तः ....................||१५||
🔊 Audio coming soon
Adhikarana atha mantrAH - tatra prathamakalashamantraH (indrakalashamantraH) (17) · Śloka 17
...................................... tatra mantraṁ prayōjayēt| amr̥tāt pūrvamutpannamimaṁ tē kalaśaṁ śubham| dadātu bhagavānindrō vijayaṁ nāma nāmataḥ| raktapītāmbaradharairbhūtairbahubhiranvitaḥ| rākṣasōragagandharvapiśācaiścānusēvitaḥ| vajraghaṇṭāśanidharairmēghaiśca vividhasvanaiḥ| dēvasaṅghaiḥ parivr̥tō gajēndraskandhasaṁśritaḥ| ēbhiḥ sārdhaṁ mahānindraḥ snapanaṁ tē'numanyatām| pūrvadvārē sthitaṁ divyaṁ vajramindrājñayā śubham| tatra sarvāṇi pāpāni nihantā cāparājitaḥ| indrāya namaḥ svāhā| indrāṇyai namaḥ svāhā| aparā- jitāya svāhā| mēghādhipatayē svāhā| dēvādhipatayē svāhā| śatakratavē svāhā| 16(1)|17|
View original
...................................... तत्र मन्त्रं प्रयोजयेत्| अमृतात् पूर्वमुत्पन्नमिमं ते कलशं शुभम्| ददातु भगवानिन्द्रो विजयं नाम नामतः| रक्तपीताम्बरधरैर्भूतैर्बहुभिरन्वितः| राक्षसोरगगन्धर्वपिशाचैश्चानुसेवितः| वज्रघण्टाशनिधरैर्मेघैश्च विविधस्वनैः| देवसङ्घैः परिवृतो गजेन्द्रस्कन्धसंश्रितः| एभिः सार्धं महानिन्द्रः स्नपनं तेऽनुमन्यताम्| पूर्वद्वारे स्थितं दिव्यं वज्रमिन्द्राज्ञया शुभम्| तत्र सर्वाणि पापानि निहन्ता चापराजितः| इन्द्राय नमः स्वाहा| इन्द्राण्यै नमः स्वाहा| अपरा- जिताय स्वाहा| मेघाधिपतये स्वाहा| देवाधिपतये स्वाहा| शतक्रतवे स्वाहा| १६(१)|१७|
🔊 Audio coming soon
Adhikarana dvitIyakalashamantraH (yamakalashamantraH) (16(2)) · Śloka 17
dvitīyaṁ kalaśaṁ puṇyamādityasadr̥śaprabham| yamō dadātu bhagavan vaijayantaṁ tu nāmataḥ| kr̥ṣṇāñjananibhairghōraiḥ kr̥ṣṇāmbaradharaistathā| vr̥taḥ karālairvikr̥tai rākṣasairugravikramaiḥ| śmaśānāraṇyanilayairmr̥tavastrāntrabhūṣaṇaiḥ| tvagasthimajjamāṁsādaiḥ prētairbahubhirāvr̥taḥ| dharmarājō yamaḥ śrīmān satyasandhō mahātapāḥ| divyaṁ mahiṣamāruhya snapanaṁ tē'numanyatām| dakṣiṇadvārasaṁsthastē yamadaṇḍaḥ pratāpavān| duḥsvapnaṁ duṣkr̥taṁ pāpaṁ sarvamadya haniṣyati| yamāya namaḥ svāhā| yamadaṇḍāya namaḥ svāhā| mahiṣa vāhanāya svāhā| prētādhipatayē svāhā| dharmādhipatayē svāhā| vaijayantāya svāhā| 16(2)||17||
View original
द्वितीयं कलशं पुण्यमादित्यसदृशप्रभम्| यमो ददातु भगवन् वैजयन्तं तु नामतः| कृष्णाञ्जननिभैर्घोरैः कृष्णाम्बरधरैस्तथा| वृतः करालैर्विकृतै राक्षसैरुग्रविक्रमैः| श्मशानारण्यनिलयैर्मृतवस्त्रान्त्रभूषणैः| त्वगस्थिमज्जमांसादैः प्रेतैर्बहुभिरावृतः| धर्मराजो यमः श्रीमान् सत्यसन्धो महातपाः| दिव्यं महिषमारुह्य स्नपनं तेऽनुमन्यताम्| दक्षिणद्वारसंस्थस्ते यमदण्डः प्रतापवान्| दुःस्वप्नं दुष्कृतं पापं सर्वमद्य हनिष्यति| यमाय नमः स्वाहा| यमदण्डाय नमः स्वाहा| महिष वाहनाय स्वाहा| प्रेताधिपतये स्वाहा| धर्माधिपतये स्वाहा| वैजयन्ताय स्वाहा| १६(२)||१७||
🔊 Audio coming soon
Adhikarana tRutIyakalashamantraH (varuNakalashamantraH) (16(3)) · Śloka 15
jayantaṁ jayavr̥ddhyarthaṁ tr̥tīyaṁ kalaśaṁ śubham| dadātu madhurājastē bhagavān varuṇaḥ svayam| śvētamālyāmbaradharaiḥ śvētagandhānulēpanaiḥ| gandharvaiḥ patragēndraiśca bhagavānanuśōbhitaḥ| tīrthakūpanadīvr̥kṣaniṣkuṭōdyānavāsibhiḥ| prabalaiḥ kapilaiḥ muṇḍairvikaṭairvāmanaistathā| vr̥taḥ pariṣadairbhūtaiḥ pāśamudgarapāṇibhiḥ| ēbhiḥ sahādya bhagavān varuṇastvābhiṣiñcatu| varuṇasya mahāpāśō'pyaparadvāramāśritaḥ| tava pāpaṁ vihantyāśu sarvavighnanivāraṇaḥ| varuṇāya namaḥ svāhā| śvētāmbaradharāya svāhā| makara vāhanāya svāhā| jayantāya svāhā| 16(3)||15||
View original
जयन्तं जयवृद्ध्यर्थं तृतीयं कलशं शुभम्| ददातु मधुराजस्ते भगवान् वरुणः स्वयम्| श्वेतमाल्याम्बरधरैः श्वेतगन्धानुलेपनैः| गन्धर्वैः पत्रगेन्द्रैश्च भगवाननुशोभितः| तीर्थकूपनदीवृक्षनिष्कुटोद्यानवासिभिः| प्रबलैः कपिलैः मुण्डैर्विकटैर्वामनैस्तथा| वृतः परिषदैर्भूतैः पाशमुद्गरपाणिभिः| एभिः सहाद्य भगवान् वरुणस्त्वाभिषिञ्चतु| वरुणस्य महापाशोऽप्यपरद्वारमाश्रितः| तव पापं विहन्त्याशु सर्वविघ्ननिवारणः| वरुणाय नमः स्वाहा| श्वेताम्बरधराय स्वाहा| मकर वाहनाय स्वाहा| जयन्ताय स्वाहा| १६(३)||१५||
🔊 Audio coming soon
Adhikarana caturthakalashamantraH (dhanadakalashamantraH) (16(4)) · Śloka 13
caturthaṁ kalaśaṁ puṇyaṁ pradhānamaparājitam| dhanēśvarō mahābāhuḥ prayacchatvalakādhipaḥ| citramālyāmbaradharaiścitragandhānulōpanaiḥ| citramadyamadōnmattairyakṣaiḥ samupasēvitaḥ| muditōdgītagandharvaiḥ sēvitaścāpsarōgaṇaiḥ| sa tē vaiśravaṇaḥ śrīmān snapanatvanumanyatām| sarvavyādhiharā dīptā dvāramuttaramāśritā| gadā tē nāśayatvadya sarvapāpaṁ diśō daśa| dhanādhipatayē svāhā| gadāpāṇayē svāhā| aparājitāya svāhā| citrāmbaradharāya svāhā| 16(4)||13||
View original
चतुर्थं कलशं पुण्यं प्रधानमपराजितम्| धनेश्वरो महाबाहुः प्रयच्छत्वलकाधिपः| चित्रमाल्याम्बरधरैश्चित्रगन्धानुलोपनैः| चित्रमद्यमदोन्मत्तैर्यक्षैः समुपसेवितः| मुदितोद्गीतगन्धर्वैः सेवितश्चाप्सरोगणैः| स ते वैश्रवणः श्रीमान् स्नपनत्वनुमन्यताम्| सर्वव्याधिहरा दीप्ता द्वारमुत्तरमाश्रिता| गदा ते नाशयत्वद्य सर्वपापं दिशो दश| धनाधिपतये स्वाहा| गदापाणये स्वाहा| अपराजिताय स्वाहा| चित्राम्बरधराय स्वाहा| १६(४)||१३||
🔊 Audio coming soon
Adhikarana mantrapAThaH (16(5)) · Śloka 33
āpaḥ pavitraṁ lōkē'sminnāpō vai paramaṁ śuciḥ| āpō vai dēvatāḥ sarvā āpastvāmabhiṣicyatām| brahmā brahmarṣibhiḥ sārdhaṁ bhagavāṁstvābhiṣiñcatu| svāhā| sāṅgōpāṅgāstathā vēdāḥ kīrtirlakṣmīḥ sarasvatī| bālā dākṣāyaṇī sītā sāvitrī saramā dyutiḥ| ākāśagaṅgā gaṅgādyā mahānadyō mahōdadhiḥ| nadīnāṁ saṅgamāstīrthā nirjharāḥ sāgarāstathā| mērurmahēndrō himavān jagacca sthāvarattrayam| skandādayō grahāścaiva tōṣitā balikarmaṇā| adya tvāmibhiṣiñcantu nīrujō bhava dāraka| namō bhagavatē pitāmahāya| aum - maṁ aum - maṁ - lmi - lmi - limuk - limuk - lipibhavanēbhyaḥ svāhā| namō bhagavatē rudrāya hili - hili mēlli - mēlli vēlli - vēlli mmili -mmili svāhā| rākṣasāśca palāyantu bhūtāśca trastamānasāḥ| mr̥tāśanā mahājihvāstathā vighnavināyakāḥ| namō bhagavatē kumārāya pili-pili khilli-khilli khiṇi-khiṇi svāhā| puṣkaraṁ puṣkarākhyaṁ naimiśaṁ ca tathā gayā| prabhāsaṁ pravaraṁ tīrthaṁ tathā piṇḍārakāhvayam| tīrthānyētāni sarvāṇi abhiṣiñcantu svasti tē| namō bhagavatībhyō mahāyōgīśvarībhyō nimi-nimi mēnu- mēnu taru-turu svāhā| yāśca jātāpahāriṇyō rākṣasyō vikr̥tānanāḥ| api tā nihatāḥ sarvāḥ yāścānyāḥ pāpacintakāḥ| satīnāṁ kapilānāṁ ca siddhānaṁ caiva tējasā| tējasā carṣiviprāṇāṁ mayādya snapitō bhavān| prabhurmr̥tyuralakṣmīśca kālarātriśca sārathiḥ (sāratiḥ)| lambā ca lōhaśaṅkuśca pūtanā kūṭapūtanā| aśubhaṁ yacca tē kiñcitsarvaṁ pratihataṁ mayā| ādityā vasavō rudrā aśvināvauṣadhīgaṇāḥ| gāvō'ntarikṣaṁ sandhyē ca nakṣatragrahavatsarāḥ| viśvāvasuśca hāhā ca nāradastumburustathā| dhanvantariragastyaśca susnātaṁ pradiśantu tē| 16(5)||33||
View original
आपः पवित्रं लोकेऽस्मिन्नापो वै परमं शुचिः| आपो वै देवताः सर्वा आपस्त्वामभिषिच्यताम्| ब्रह्मा ब्रह्मर्षिभिः सार्धं भगवांस्त्वाभिषिञ्चतु| स्वाहा| साङ्गोपाङ्गास्तथा वेदाः कीर्तिर्लक्ष्मीः सरस्वती| बाला दाक्षायणी सीता सावित्री सरमा द्युतिः| आकाशगङ्गा गङ्गाद्या महानद्यो महोदधिः| नदीनां सङ्गमास्तीर्था निर्झराः सागरास्तथा| मेरुर्महेन्द्रो हिमवान् जगच्च स्थावरत्त्रयम्| स्कन्दादयो ग्रहाश्चैव तोषिता बलिकर्मणा| अद्य त्वामिभिषिञ्चन्तु नीरुजो भव दारक| नमो भगवते पितामहाय| औम् - मं औम् - मं - ल्मि - ल्मि - लिमुक् - लिमुक् - लिपिभवनेभ्यः स्वाहा| नमो भगवते रुद्राय हिलि - हिलि मेल्लि - मेल्लि वेल्लि - वेल्लि म्मिलि -म्मिलि स्वाहा| राक्षसाश्च पलायन्तु भूताश्च त्रस्तमानसाः| मृताशना महाजिह्वास्तथा विघ्नविनायकाः| नमो भगवते कुमाराय पिलि-पिलि खिल्लि-खिल्लि खिणि-खिणि स्वाहा| पुष्करं पुष्कराख्यं नैमिशं च तथा गया| प्रभासं प्रवरं तीर्थं तथा पिण्डारकाह्वयम्| तीर्थान्येतानि सर्वाणि अभिषिञ्चन्तु स्वस्ति ते| नमो भगवतीभ्यो महायोगीश्वरीभ्यो निमि-निमि मेनु- मेनु तरु-तुरु स्वाहा| याश्च जातापहारिण्यो राक्षस्यो विकृताननाः| अपि ता निहताः सर्वाः याश्चान्याः पापचिन्तकाः| सतीनां कपिलानां च सिद्धानं चैव तेजसा| तेजसा चर्षिविप्राणां मयाद्य स्नपितो भवान्| प्रभुर्मृत्युरलक्ष्मीश्च कालरात्रिश्च सारथिः (सारतिः)| लम्बा च लोहशङ्कुश्च पूतना कूटपूतना| अशुभं यच्च ते किञ्चित्सर्वं प्रतिहतं मया| आदित्या वसवो रुद्रा अश्विनावौषधीगणाः| गावोऽन्तरिक्षं सन्ध्ये च नक्षत्रग्रहवत्सराः| विश्वावसुश्च हाहा च नारदस्तुम्बुरुस्तथा| धन्वन्तरिरगस्त्यश्च सुस्नातं प्रदिशन्तु ते| १६(५)||३३||
🔊 Audio coming soon
Adhikarana snapanottarA caryA (17) · Śloka 17
snātō dvijabhiṣagbhr̥tyānyathāvibhavamarcayēt| māṁsavyavāyāhaḥ svapnān pañcarātraṁ vivarjayēt||17||
View original
स्नातो द्विजभिषग्भृत्यान्यथाविभवमर्चयेत्| मांसव्यवायाहः स्वप्नान् पञ्चरात्रं विवर्जयेत्||१७||
🔊 Audio coming soon
Adhikarana vidhivatsnapanastavanam (18) · Śloka 18
snapanaṁ pāpmajitpuṇyaṁ nīrujāmapi puṣṭikr̥t| rōgiṇāṁ sarvarōgaghnaṁ vandhyānāmapi putradam| vidhinā vidhihīnantu savaidyaṁ hanti bālakam| naitadaśraddadhānāya yōjyaṁ nānupasīdatē||18||
View original
स्नपनं पाप्मजित्पुण्यं नीरुजामपि पुष्टिकृत्| रोगिणां सर्वरोगघ्नं वन्ध्यानामपि पुत्रदम्| विधिना विधिहीनन्तु सवैद्यं हन्ति बालकम्| नैतदश्रद्दधानाय योज्यं नानुपसीदते||१८||
🔊 Audio coming soon
Adhikarana snapanajalasAdhanArthamauShadhinirdeshaH (19-20) · Śloka 20
pūtīkarañjatvakpatraṁ kṣīribhyō varbarādapi| tumbīviśālāralukaśamībilvakapitthataḥ| sthālyāmutkvāthya tattōyaṁ bālānāṁ snapanaṁ śivam| rātrau prasuptalōkāyāṁ puṣṭidaṁ sarvarōgajit||19|| iti vaidyapatisiṁhaguptasya sūnōrvāgbhaṭasya kr̥tāvaṣṭāṅgasaṁgrahasaṁhitāyāmuttaratantrē snapanavidhirnāma pañcamō'dhyāyaḥ||20||
View original
पूतीकरञ्जत्वक्पत्रं क्षीरिभ्यो वर्बरादपि| तुम्बीविशालारलुकशमीबिल्वकपित्थतः| स्थाल्यामुत्क्वाथ्य तत्तोयं बालानां स्नपनं शिवम्| रात्रौ प्रसुप्तलोकायां पुष्टिदं सर्वरोगजित्||१९|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे स्नपनविधिर्नाम पञ्चमोऽध्यायः||२०||
🔊 Audio coming soon