Adhikarana atha viShopayogIyo nAmAShTacatvAriMshodhyAyaH adhyAyapratij~jA (1) · Śloka 1
అథాతో విషోపయోగీయం నామాధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातो विषोपयोगीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana viShe prativiShayojanA (2) · Śloka 2
విషే ప్రతివిషం యోజ్యం మంత్రతంత్రైరసిధ్యతి| అతీతే పంచమే వేగే సప్తమస్యానతిక్రమే| ప్రభోర్నివేద్య ప్రయతో నైవ వాఖ్యాయ కస్యచిత్||2||
विषे प्रतिविषं योज्यं मन्त्रतन्त्रैरसिध्यति| अतीते पञ्चमे वेगे सप्तमस्यानतिक्रमे| प्रभोर्निवेद्य प्रयतो नैव वाख्याय कस्यचित्||२||
🔊 Audio coming soon
Adhikarana siddhamantratvamAvashyakam (3) · Śloka 3
సిద్ధమంత్రధరః కృత్వా ధరణీబంధమాదితః| నహి మంత్రసహాయస్య విషం యాత్యవిధేయతాం||3||
सिद्धमन्त्रधरः कृत्वा धरणीबन्धमादितः| नहि मन्त्रसहायस्य विषं यात्यविधेयताम्||३||
🔊 Audio coming soon
Adhikarana sthAvaraja~ggamaviShaguNaviparyastatA (4) · Śloka 4
శ్లేష్మతుల్యగుణం ప్రాయః స్థిరమూర్ధ్వగమం విషం| ప్రాయః పిత్తగుణైర్యుక్తమధోగామి చ జంగమం| గుణైరితి విపర్యస్తైర్నిహతస్తే పరస్పరం| యుంజ్యాన్మూలవిషం తస్మాద్దష్టానాం పానలేపయోః||4||
श्लेष्मतुल्यगुणं प्रायः स्थिरमूर्ध्वगमं विषम्| प्रायः पित्तगुणैर्युक्तमधोगामि च जङ्गमम्| गुणैरिति विपर्यस्तैर्निहतस्ते परस्परम्| युञ्ज्यान्मूलविषं तस्माद्दष्टानां पानलेपयोः||४||
🔊 Audio coming soon
Adhikarana viShapIte sarpaiH daMshanam (5) · Śloka 5
విషపీతం చ కుశలో దంశయేత్ పవనాశిభిః| న విషప్రతిమం కించిన్నిర్విషీకరణం విషే||5||
विषपीतं च कुशलो दंशयेत् पवनाशिभिः| न विषप्रतिमं किञ्चिन्निर्विषीकरणं विषे||५||
🔊 Audio coming soon
Adhikarana ja~ggame maulaviShamAtrA (sarpaviShe) (6) · Śloka 6
చతుర్భిః షడ్భిరష్టాభిర్హీనమధ్యోత్తమాం యవైః| మాత్రాం విషస్య మౌలస్య ప్రయుంజీత యథాయథం||6||
चतुर्भिः षड्भिरष्टाभिर्हीनमध्योत्तमां यवैः| मात्रां विषस्य मौलस्य प्रयुञ्जीत यथायथम्||६||
🔊 Audio coming soon
Adhikarana kITavRushcikaviShayormaulamAtrAntaram (7) · Śloka 7
దష్టస్య ద్వౌ యవౌ కీటైస్తిలమాత్రం తు వృశ్చికైః| నైవ త్వక్సృక్స్థే....................................||7||
दष्टस्य द्वौ यवौ कीटैस्तिलमात्रं तु वृश्चिकैः| नैव त्वक्सृक्स्थे....................................||७||
🔊 Audio coming soon
Adhikarana lUtAviShe maulaviShaM na peyam (8) · Śloka 8
....................................పానే తు లూతాదష్టస్య నేష్యతే| ప్రచ్ఛాయ లేపయేద్దంశం తస్య జ్ఞాత్వా సునిశ్చితం| సవిషే యుక్తమమృతం విషమేవాఽవిషే విషం| అబలే చాతిబలవద్వ్యాపన్నం చ ప్రయోగతః||8||
....................................पाने तु लूतादष्टस्य नेष्यते| प्रच्छाय लेपयेद्दंशं तस्य ज्ञात्वा सुनिश्चितम्| सविषे युक्तममृतं विषमेवाऽविषे विषम्| अबले चातिबलवद्व्यापन्नं च प्रयोगतः||८||
🔊 Audio coming soon
Adhikarana agadAdhikAraH (9) · Śloka 9
సవిషావిషశంకాయామగదానుపయోజయేత్| అవిరుద్ధాన్ ప్రయుక్తో హి నిర్విషస్యాగదోఽగదః| తద్వచ్చ సవిషస్యాపి క్రియాకాలాతిపాతతః| జానీయాద్విషసద్భావం భిషక్తస్మాత్ప్రయత్నతః||9||
सविषाविषशङ्कायामगदानुपयोजयेत्| अविरुद्धान् प्रयुक्तो हि निर्विषस्यागदोऽगदः| तद्वच्च सविषस्यापि क्रियाकालातिपाततः| जानीयाद्विषसद्भावं भिषक्तस्मात्प्रयत्नतः||९||
🔊 Audio coming soon
Adhikarana prayojyAprayojyamaulaviShanirdeshaH (10) · Śloka 10
సాక్తుకం ముస్తకం శృంగీ వాలకం సర్షపాహ్వయం| వత్సనాభం చ కర్మణ్యం విషం స్నిగ్ధం ఘనం గురు| న జాత్వన్యత్ప్రయోక్తవ్యం కాలకూటం విశేషతః||10||
साक्तुकं मुस्तकं शृङ्गी वालकं सर्षपाह्वयम्| वत्सनाभं च कर्मण्यं विषं स्निग्धं घनं गुरु| न जात्वन्यत्प्रयोक्तव्यं कालकूटं विशेषतः||१०||
🔊 Audio coming soon
Adhikarana viShe~avacArite kRutyam (11) · Śloka 11
విషేఽవచారితే తీక్ష్ణే పేయం ఘృతమనంతరం| సభారంగీదధిధూమోత్థశారివాతండులీయకం| అగారధూమమంజిష్ఠాయష్ట్యాహ్వైర్వా సమన్వితం| లిహ్యాద్వా మధుసర్పిర్భ్యాం చూర్ణితామర్జునత్వచం||11||
विषेऽवचारिते तीक्ष्णे पेयं घृतमनन्तरम्| सभार्ङ्गीदधिधूमोत्थशारिवातण्डुलीयकम्| अगारधूममञ्जिष्ठायष्ट्याह्वैर्वा समन्वितम्| लिह्याद्वा मधुसर्पिर्भ्यां चूर्णितामर्जुनत्वचम्||११||
🔊 Audio coming soon
Adhikarana viShaprayogAH (12) · Śloka 12
క్షీరక్షౌద్రఘృతైర్యుక్తం పీతం హంతి విషం విషం| ససిందువారతగరం మృతసంజీవనం విషం| శిరీషకుసుమం వక్రం విషమాఖువిషాపహం| దేవదారు నతం మాంసీ ద్రామిలీబాకుచీ విషం| కుష్ఠం చ పానలేపాభ్యాం సమస్తవిషనాశనం| మనశ్శిలాంజనాలైలా సిందువారామరాహ్వయం| సరక్తా కుంకుమవిషం ధ్మానం నిస్సంజ్ఞబోధనం||12||
क्षीरक्षौद्रघृतैर्युक्तं पीतं हन्ति विषं विषम्| ससिन्दुवारतगरं मृतसञ्जीवनं विषम्| शिरीषकुसुमं वक्रं विषमाखुविषापहम्| देवदारु नतं मांसी द्रामिलीबाकुची विषम्| कुष्ठं च पानलेपाभ्यां समस्तविषनाशनम्| मनश्शिलाञ्जनालैला सिन्दुवारामराह्वयम्| सरक्ता कुङ्कुमविषं ध्मानं निस्संज्ञबोधनम्||१२||
🔊 Audio coming soon
Adhikarana dAhe lepayogaH (13) · Śloka 13
దాహే విషోద్భవే లేపః సక్తుక్షీరఘృతైర్హితః||13||
दाहे विषोद्भवे लेपः सक्तुक्षीरघृतैर्हितः||१३||
🔊 Audio coming soon
Adhikarana sarpaviShaprayogaH (14) · Śloka 14
యస్తు సంరోషితో భోగీ ధూమం వక్త్రాద్విముంచతి| దండాగ్రే పిశితం బద్ధ్వా బహుశస్తేన దంశయేత్| అశక్యమగదైరన్యైర్విషపీతం చికిత్సకః| పాయయేన్మాంసచూర్ణం తం జ్ఞాత్వా విషబలాబలం||14||
यस्तु संरोषितो भोगी धूमं वक्त्राद्विमुञ्चति| दण्डाग्रे पिशितं बद्ध्वा बहुशस्तेन दंशयेत्| अशक्यमगदैरन्यैर्विषपीतं चिकित्सकः| पाययेन्मांसचूर्णं तं ज्ञात्वा विषबलाबलम्||१४||
🔊 Audio coming soon
Adhikarana anyarogeShu rasAyaneShvapi ca viShaprayoganirdeshaH (15) · Śloka 15
అన్యేష్వపి చ రోగేషు శేషోపాయపరిక్షయే| విషం యుంజీత నిత్యం చ రసాయనగవేషిణః||15||
अन्येष्वपि च रोगेषु शेषोपायपरिक्षये| विषं युञ्जीत नित्यं च रसायनगवेषिणः||१५||
🔊 Audio coming soon
Adhikarana viShaprayogArhaH tadarthamAva shyakamRutvAdi (16) · Śloka 16
ఘృతోపస్కృతదేహస్య విశుద్ధస్య హితాశినః| సాత్త్వికస్యోదితే భానౌ యోజ్యం శీతవసంతయోః| గ్రీష్మేఽప్యాత్యయికే వ్యాధౌ...................||16||
घृतोपस्कृतदेहस्य विशुद्धस्य हिताशिनः| सात्त्विकस्योदिते भानौ योज्यं शीतवसन्तयोः| ग्रीष्मेऽप्यात्ययिके व्याधौ...................||१६||
🔊 Audio coming soon
Adhikarana viShAnarhAH RutvAdi (17) · Śloka 17
...................................న చ వర్షాసు దుర్దినే| న క్రోధనే న పిత్తార్త్తే న క్లీబే రాజని ద్విజే| క్షుత్తృష్ణాశ్రమఘర్మాధ్వవ్యాధ్యంతరనిపీడితే| గర్భిణీబాలవృద్ధేషు న రూక్షేషు న మర్మసు||17||
..................................ंअ च वर्षासु दुर्दिने| न क्रोधने न पित्तार्त्ते न क्लीबे राजनि द्विजे| क्षुत्तृष्णाश्रमघर्माध्वव्याध्यन्तरनिपीडिते| गर्भिणीबालवृद्धेषु न रूक्षेषु न मर्मसु||१७||
🔊 Audio coming soon
Adhikarana viShaprayoge varjanIyAni anyathA vyApadashca (18) · Śloka 18
అభ్యస్తేఽపి విషే యత్నాద్వర్జనీయాన్ వివర్జయేత్| కట్వమ్లతైలలవణదివాస్వప్నాతపానలాన్| రూక్షమన్నం విశేషేణ భయం వాఽజీర్ణతః సదాః| దృగ్విభ్రమం కర్ణరుజామన్యాంశ్చానిలజాన్ గదాన్| విషం రూక్షాశినః కుర్యాన్మృత్యుమేవ త్వజీర్ణతః||18||
अभ्यस्तेऽपि विषे यत्नाद्वर्जनीयान् विवर्जयेत्| कट्वम्लतैललवणदिवास्वप्नातपानलान्| रूक्षमन्नं विशेषेण भयं वाऽजीर्णतः सदाः| दृग्विभ्रमं कर्णरुजामन्यांश्चानिलजान् गदान्| विषं रूक्षाशिनः कुर्यान्मृत्युमेव त्वजीर्णतः||१८||
🔊 Audio coming soon
Adhikarana haritAlaprayogaH (19) · Śloka 19
అలం గోమూత్రసంయుక్తమాతపే శోషయేత్త్ర్యహం| విషం బృంహణమేతద్ధి విషస్యాదౌ ప్రశస్యతే| తత్పిబేన్మస్తునా వాతజ్వరే క్షీరేణ పైత్తికే| యుక్తం మూత్రేణ కఫజే సర్వజే త్రిఫలాంభసా||19||
अलं गोमूत्रसंयुक्तमातपे शोषयेत्त्र्यहम्| विषं बृंहणमेतद्धि विषस्यादौ प्रशस्यते| तत्पिबेन्मस्तुना वातज्वरे क्षीरेण पैत्तिके| युक्तं मूत्रेण कफजे सर्वजे त्रिफलाम्भसा||१९||
🔊 Audio coming soon
Adhikarana viShamajvare saviShayogAH (20) · Śloka 20
లోధ్రచందనషడ్గ్రంథాశర్కరాఘృతమాక్షికైః| క్షీరేణ చ విషం యుక్తం జీర్ణజ్వరహరం పరం| నికుంభకుంభత్రిఫలాసర్పిర్మధువిషైః కృతః| నిహంతి మోదకో జీర్ణజ్వరమేహత్వగామయాన్| శిఖికర్కిరసోపేతం విషమజ్వరజిద్విషం||20||
लोध्रचन्दनषड्ग्रन्थाशर्कराघृतमाक्षिकैः| क्षीरेण च विषं युक्तं जीर्णज्वरहरं परम्| निकुम्भकुम्भत्रिफलासर्पिर्मधुविषैः कृतः| निहन्ति मोदको जीर्णज्वरमेहत्वगामयान्| शिखिकर्किरसोपेतं विषमज्वरजिद्विषम्||२०||
🔊 Audio coming soon
Adhikarana raktapitte saviShayogaH (21) · Śloka 21
విషం యష్ట్యాహ్వయం రాస్నా సేవ్యముత్పలకందకం| తండులోదకపీతాని రక్తపిత్తస్య భేషజం||21||
विषं यष्ट्याह्वयं रास्ना सेव्यमुत्पलकन्दकम्| तण्डुलोदकपीतानि रक्तपित्तस्य भेषजम्||२१||
🔊 Audio coming soon
Adhikarana duShTavraNe viShayogaH (22) · Śloka 22
విషం రసాంజనం భారంగీ వృశ్చికాలీ మహాసహా| సవేదనే సపాకే చ వ్రణే దుష్టే ప్రలేపనం||22||
विषं रसाञ्जनं भार्ङ्गी वृश्चिकाली महासहा| सवेदने सपाके च व्रणे दुष्टे प्रलेपनम्||२२||
🔊 Audio coming soon
Adhikarana chardyAM viShayogaH (23) · Śloka 23
సితావిషక్షీరతరుప్రవాలా మధునా ద్రుతాః| శ్వాసహిధ్మాపహా లీఢాశ్ఛర్దిఘ్న్యస్తు విషాన్వితాః| క్షౌద్రోశీరమధుక్షారరజనీకుటజత్వచః||23||
सिताविषक्षीरतरुप्रवाला मधुना द्रुताः| श्वासहिध्मापहा लीढाश्छर्दिघ्न्यस्तु विषान्विताः| क्षौद्रोशीरमधुक्षाररजनीकुटजत्वचः||२३||
🔊 Audio coming soon
Adhikarana durnAmAdau viShayogaH (24) · Śloka 24
విజయాపిప్పలీమూలపిప్పలీద్వయచిత్రకైః| పుష్కరాహ్వశఠీద్రాక్షాయవానీక్షారదీప్యకైః| సితాయష్టీద్విబృహతీసైంధవైః పాలికైః పచేత్| సవిషార్ద్ధపలైః ప్రస్థం ఘృతాత్తజ్జీర్ణభుక్పిబేత్| దుర్నామే హతుగుల్మార్మతిమిరక్రిమిపాండుతాః| గలగ్రహగ్రహోన్మాదకుష్ఠాని చ నియచ్ఛతి||24||
विजयापिप्पलीमूलपिप्पलीद्वयचित्रकैः| पुष्कराह्वशठीद्राक्षायवानीक्षारदीप्यकैः| सितायष्टीद्विबृहतीसैन्धवैः पालिकैः पचेत्| सविषार्द्धपलैः प्रस्थं घृतात्तज्जीर्णभुक्पिबेत्| दुर्नामे हतुगुल्मार्मतिमिरक्रिमिपाण्डुताः| गलग्रहग्रहोन्मादकुष्ठानि च नियच्छति||२४||
🔊 Audio coming soon
Adhikarana udAvartAdau viShayogaH (25) · Śloka 25
కృచ్ఛ్రఘ్నావిషపథ్యాగ్నిదంతీద్రాక్షానిశావిషాః| శిలాజతు విషం మూత్రముదావర్తాశ్మరీహరం||25||
कृच्छ्रघ्नाविषपथ्याग्निदन्तीद्राक्षानिशाविषाः| शिलाजतु विषं मूत्रमुदावर्ताश्मरीहरम्||२५||
🔊 Audio coming soon
Adhikarana ashmaryAM viShayogaH (26) · Śloka 26
గోమూత్రక్షారసింధూత్థం విషం పాషాణభేదకం| వజ్రవద్దారయత్యేతదేకతః పీతమశ్మరీం||26||
गोमूत्रक्षारसिन्धूत्थं विषं पाषाणभेदकम्| वज्रवद्दारयत्येतदेकतः पीतमश्मरीम्||२६||
🔊 Audio coming soon
Adhikarana shUle viShayogaH (27) · Śloka 27
సమూలా పిప్పలీ మూత్రం విషం శూలహరం తథా| విషద్రవంతీమధుకద్రాక్షారాస్నాశఠీకణాః||27||
समूला पिप्पली मूत्रं विषं शूलहरं तथा| विषद्रवन्तीमधुकद्राक्षारास्नाशठीकणाः||२७||
🔊 Audio coming soon
Adhikarana vRuddhau viShayogaH (28) · Śloka 28
ఏరండతైలం త్రిఫలా గోమూత్రం చిత్రకో విషం| సర్పిషా సహితం పీతం వాతాండత్వమపోహతి||28||
एरण्डतैलं त्रिफला गोमूत्रं चित्रको विषम्| सर्पिषा सहितं पीतं वाताण्डत्वमपोहति||२८||
🔊 Audio coming soon
Adhikarana gulmAdau viShayogaH (29) · Śloka 29
త్రిఫలాస్వర్జికాక్షారో విషం గుల్మప్రభేదనం| విషవేల్లమిసిక్షీరం గుల్మప్లీహనిబర్హణం||29||
त्रिफलास्वर्जिकाक्षारो विषं गुल्मप्रभेदनम्| विषवेल्लमिसिक्षीरं गुल्मप्लीहनिबर्हणम्||२९||
🔊 Audio coming soon
Adhikarana plIhodare viShayogaH (30) · Śloka 30
ప్లీహోదరఘ్నం పయసా శతాహ్వా క్రిమిజిద్విషం||30||
प्लीहोदरघ्नं पयसा शताह्वा क्रिमिजिद्विषम्||३०||
🔊 Audio coming soon
Adhikarana kuShThe viShayogaH (31) · Śloka 31
వాయసీమూలనిష్క్వాథపీతం కుష్ఠహరం విషం||31||
वायसीमूलनिष्क्वाथपीतं कुष्ठहरं विषम्||३१||
🔊 Audio coming soon
Adhikarana kuShThe viShayogAntaram (32) · Śloka 32
వాయస్యా రాజవృక్షత్వక్త్రాయంతీ బాకుచీఫలాత్| ప్లీహఘ్నేభకణాభ్యాంచ విషం క్వాథేన కుష్ఠజిత్| అవల్గుజైడగజయోర్బీజం క్షారద్వయం విషం| లేపః ససైంధవః పిష్టో వారిణా కుష్ఠనాశనః| చిత్రకార్కజటాహస్తిపిప్పలీబాకుచీవిషైః| గోమూత్రపిష్టైరన్యోఽన్యోమనోహ్వాస్నుక్పయోవిషైః| సచంద్రలేఖైడగజకరంజఫలసైంధవః| సవ్యోషస్వర్జికాక్షారయవక్షారనిశాద్వయైః| అగారధూమసహితైర్బస్తమూత్రేణ కల్కితః||32||
वायस्या राजवृक्षत्वक्त्रायन्ती बाकुचीफलात्| प्लीहघ्नेभकणाभ्याञ्च विषं क्वाथेन कुष्ठजित्| अवल्गुजैडगजयोर्बीजं क्षारद्वयं विषम्| लेपः ससैन्धवः पिष्टो वारिणा कुष्ठनाशनः| चित्रकार्कजटाहस्तिपिप्पलीबाकुचीविषैः| गोमूत्रपिष्टैरन्योऽन्योमनोह्वास्नुक्पयोविषैः| सचन्द्रलेखैडगजकरञ्जफलसैन्धवः| सव्योषस्वर्जिकाक्षारयवक्षारनिशाद्वयैः| अगारधूमसहितैर्बस्तमूत्रेण कल्कितः||३२||
🔊 Audio coming soon
Adhikarana vicarcikAdau viShayogaH (33) · Śloka 33
భల్లాతకాగ్నిశమ్యాకవిషైర్గోమూత్రపేషితైః| లేపో విచర్చికాదద్రుశతారుఃకిటిభాపహః| శమ్యాకపత్రత్వఙ్మూలం విషం తక్రం చ తద్గుణం||33||
भल्लातकाग्निशम्याकविषैर्गोमूत्रपेषितैः| लेपो विचर्चिकादद्रुशतारुःकिटिभापहः| शम्याकपत्रत्वङ्मूलं विषं तक्रं च तद्गुणम्||३३||
🔊 Audio coming soon
Adhikarana shvitrAdau viShayogaH (34) · Śloka 34
విషభల్లాతకద్వీపి గుంజానింబఫలైర్జయేత్| లేపోఽమ్లపిష్టైః శ్విత్రాణి పుండరీకంచ దారుణం| వక్రకుష్ఠరసద్వీపిస్పృక్కాపత్రైలవాలుకం| పిష్టం ఖదిరతోయేన త్రిరాత్రముషితం పిబేత్| శ్విత్రీ విషేణ సంసృష్టం తతః స్ఫోటాన్ కిలాసజాన్| కంటకేన విభిద్యానులేపైర్లింపేత కౌష్ఠికైః| అథవా కరవీరార్కమూలబాకుచికావిషైః| బస్తాంబుపిష్టైః సద్వీపిద్విపపిప్పల్యరుష్కరైః||34||
विषभल्लातकद्वीपि गुञ्जानिम्बफलैर्जयेत्| लेपोऽम्लपिष्टैः श्वित्राणि पुण्डरीकञ्च दारुणम्| वक्रकुष्ठरसद्वीपिस्पृक्कापत्रैलवालुकम्| पिष्टं खदिरतोयेन त्रिरात्रमुषितं पिबेत्| श्वित्री विषेण संसृष्टं ततः स्फोटान् किलासजान्| कण्टकेन विभिद्यानुलेपैर्लिम्पेत कौष्ठिकैः| अथवा करवीरार्कमूलबाकुचिकाविषैः| बस्ताम्बुपिष्टैः सद्वीपिद्विपपिप्पल्यरुष्करैः||३४||
🔊 Audio coming soon
Adhikarana savarNIkaraNam (35) · Śloka 35
లాక్షాసురాహ్వామంజిష్ఠాకుష్ఠపద్మకశారివాః| గుంజాఫలం కురవకో లాంగలీ వజ్రకందకః| వారాహీకందకాస్ఫోతా సప్తాహ్వగిరికర్ణికాః| అర్కాశ్వమారయోర్మూలం నాగపుష్పం నతం నిశే| దంతీ విషం సాతివిషం పిప్పలీ మరిచాని చ| తైస్తైలం కటుతైలం వా శ్విత్రస్యాభ్యంజనం పచేత్| సవర్ణీకరణం శ్రేష్ఠమాస్తికస్య వచో యథా||35||
लाक्षासुराह्वामञ्जिष्ठाकुष्ठपद्मकशारिवाः| गुञ्जाफलं कुरवको लाङ्गली वज्रकन्दकः| वाराहीकन्दकास्फोता सप्ताह्वगिरिकर्णिकाः| अर्काश्वमारयोर्मूलं नागपुष्पं नतं निशे| दन्ती विषं सातिविषं पिप्पली मरिचानि च| तैस्तैलं कटुतैलं वा श्वित्रस्याभ्यञ्जनं पचेत्| सवर्णीकरणं श्रेष्ठमास्तिकस्य वचो यथा||३५||
🔊 Audio coming soon
Adhikarana garbhapAtane pralepaH (36) · Śloka 36
వీరాలాంగలికీదంతీవిషపాషాణభేదకైః| ప్రయోజ్యో మూఢగర్భాణాం ప్రలేపో గర్భమోచనః||36||
वीरालाङ्गलिकीदन्तीविषपाषाणभेदकैः| प्रयोज्यो मूढगर्भाणां प्रलेपो गर्भमोचनः||३६||
🔊 Audio coming soon
Adhikarana vandhyatvaharaNayogaH (37) · Śloka 37
స్వరసం బీజపూరస్య వచాం బ్రాహ్మీరసం ఘృతం| వంధ్యా పిబంతీ సవిషం సుపుత్రైః పరివార్యతే||37||
स्वरसं बीजपूरस्य वचां ब्राह्मीरसं घृतम्| वन्ध्या पिबन्ती सविषं सुपुत्रैः परिवार्यते||३७||
🔊 Audio coming soon
Adhikarana naShTashukrayogaH (38) · Śloka 38
నష్టశుక్రః పయోద్రాక్షాకపికచ్ఛువచావిషం||38||
नष्टशुक्रः पयोद्राक्षाकपिकच्छुवचाविषम्||३८||
🔊 Audio coming soon
Adhikarana netrarogeShu viShopayogaH (39) · Śloka 39
విషం సర్పిః సితాక్షౌద్రం తిమిరాపహమంజనం| విషం చైకమజాక్షీరకల్కితం ఘృతధూపితం| విషం ధాత్రీఫలరసైరసకృత్ పరిభావితం| అంజనం శంఖసహితం ప్రగాఢతిమిరప్రణుత్| విషమింద్రాయుధం స్తన్యే ఘృష్టం కాచజిదంజనం| బీజపూరరసే ఘృష్టం విషం తద్వత్సితాయుతం| విషం మాగధికా ద్వే చ నిశే కాచఘ్నమంజనం| శుక్లార్మజిద్విషం కృష్ణాయుక్తం గోమూత్రభావితం| సముద్రఫేనస్ఫటికకురువిందసుధాంజనం| కూర్మపృష్ఠంచ తుల్యాని తేభ్యోఽర్ద్ధాంశా మనశ్శిలా| అర్ద్ధహీనాని మరిచసైంధవాయోరజాంసి చ| అతో యథోత్తరం దద్యాదయసా చ సమం విషం| రసక్రియేయం మధునా శుక్లపిల్లార్మకాచహృత్| అభీక్ష్ణం శీతతోయేన సించేన్నేత్రే విషాంజితే| రసోనకందమరిచవిషసర్షపసైంధవైః| పిల్లేఽక్షి లిఖితం పూర్వం సురసారసపేషితః| పూరయేత్ సర్పిషా చాను సర్పిరేవ చ పాయయేత్| మధూకసారమధుకవిషక్షీరజలైర్ఘృతం| పక్వం సంతర్పణం శ్రేష్ఠం రాత్ర్యంధత్వే చిరోత్థితే||39||
विषं सर्पिः सिताक्षौद्रं तिमिरापहमञ्जनम्| विषं चैकमजाक्षीरकल्कितं घृतधूपितम्| विषं धात्रीफलरसैरसकृत् परिभावितम्| अञ्जनं शङ्खसहितं प्रगाढतिमिरप्रणुत्| विषमिन्द्रायुधं स्तन्ये घृष्टं काचजिदञ्जनम्| बीजपूररसे घृष्टं विषं तद्वत्सितायुतम्| विषं मागधिका द्वे च निशे काचघ्नमञ्जनम्| शुक्लार्मजिद्विषं कृष्णायुक्तं गोमूत्रभावितम्| समुद्रफेनस्फटिककुरुविन्दसुधाञ्जनम्| कूर्मपृष्ठञ्च तुल्यानि तेभ्योऽर्द्धांशा मनश्शिला| अर्द्धहीनानि मरिचसैन्धवायोरजांसि च| अतो यथोत्तरं दद्यादयसा च समं विषम्| रसक्रियेयं मधुना शुक्लपिल्लार्मकाचहृत्| अभीक्ष्णं शीततोयेन सिञ्चेन्नेत्रे विषाञ्जिते| रसोनकन्दमरिचविषसर्षपसैन्धवैः| पिल्लेऽक्षि लिखितं पूर्वं सुरसारसपेषितः| पूरयेत् सर्पिषा चानु सर्पिरेव च पाययेत्| मधूकसारमधुकविषक्षीरजलैर्घृतम्| पक्वं सन्तर्पणं श्रेष्ठं रात्र्यन्धत्वे चिरोत्थिते||३९||
🔊 Audio coming soon
Adhikarana shiroruji saviShayogaH (40) · Śloka 40
నస్యం శిరోరుక్శమనం ప్రత్యక్పుష్పీ సితా విషం| అథవా ఘృతయష్ట్యాహ్వశర్కరావిషసంయుతాః||40||
नस्यं शिरोरुक्शमनं प्रत्यक्पुष्पी सिता विषम्| अथवा घृतयष्ट्याह्वशर्कराविषसंयुताः||४०||
🔊 Audio coming soon
Adhikarana pUtinAsAyAM yogaH (41) · Śloka 41
శుంఠీ పథ్యా విషం పాఠా ద్రవంతీ పూతినాసజిత్||41||
शुण्ठी पथ्या विषं पाठा द्रवन्ती पूतिनासजित्||४१||
🔊 Audio coming soon
Adhikarana palitAdau viShayogaH (42) · Śloka 42
కటుతైలం విషం నస్యం పలితారూంషికాపహం||42||
कटुतैलं विषं नस्यं पलितारूंषिकापहम्||४२||
🔊 Audio coming soon
Adhikarana karNashUle viShayogaH (43) · Śloka 43
స్వర్జికాక్షారసింధూత్థశుక్తయుక్తం విషం పరం| కర్ణయోః పూరణం తీవ్రకర్ణశూలనిబర్హణం||43||
स्वर्जिकाक्षारसिन्धूत्थशुक्तयुक्तं विषं परम्| कर्णयोः पूरणं तीव्रकर्णशूलनिबर्हणम्||४३||
🔊 Audio coming soon
Adhikarana mukhAmayeShu viShayogaH (44) · Śloka 44
ప్రపౌండరీకమంజిష్ఠావిషసింధుసముద్భవైః| నిహంతి సాధితం తైలం గండూషేణ ముఖామయాన్||44||
प्रपौण्डरीकमञ्जिष्ठाविषसिन्धुसमुद्भवैः| निहन्ति साधितं तैलं गण्डूषेण मुखामयान्||४४||
🔊 Audio coming soon
Adhikarana skhaladvAci viShayogaH (45) · Śloka 45
దేవదారువిషం సర్పిర్గోమూత్రం కంటకారికా| వాచః స్ఖలనతాం హంతి పీతమిత్యాహ కాశ్యపః||45||
देवदारुविषं सर्पिर्गोमूत्रं कण्टकारिका| वाचः स्खलनतां हन्ति पीतमित्याह काश्यपः||४५||
🔊 Audio coming soon
Adhikarana viShaprayogalAbhAH (46-48) · Śloka 48
శత్రుప్రయుక్తా ద్విషతో గరాద్వా లూతాభుజంగాఖుగణాజరాయాః| అకాలమృత్యోర్గ్రహపాప్మతో వా విషాశినో నాస్తి భయం నరస్య||46|| ఇతి వైద్యపతిసింహగుప్తస్య సూనోర్వాగ్భటస్య కృతా వష్టాంగసంగ్రహసంహితాయాముత్తరతంత్రే విషోప యోగీయో నామాష్టచత్వారింశోఽధ్యాయః||48||
शत्रुप्रयुक्ता द्विषतो गराद्वा लूताभुजङ्गाखुगणाजरायाः| अकालमृत्योर्ग्रहपाप्मतो वा विषाशिनो नास्ति भयं नरस्य||४६|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे विषोप योगीयो नामाष्टचत्वारिंशोऽध्यायः||४८||
🔊 Audio coming soon