Adhikarana atha viShopayogIyo nAmAShTacatvAriMshodhyAyaH adhyAyapratij~jA (1) · Śloka 1
ಅಥಾತೋ ವಿಷೋಪಯೋಗೀಯಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||
अथातो विषोपयोगीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana viShe prativiShayojanA (2) · Śloka 2
ವಿಷೇ ಪ್ರತಿವಿಷಂ ಯೋಜ್ಯಂ ಮನ್ತ್ರತನ್ತ್ರೈರಸಿಧ್ಯತಿ| ಅತೀತೇ ಪಞ್ಚಮೇ ವೇಗೇ ಸಪ್ತಮಸ್ಯಾನತಿಕ್ರಮೇ| ಪ್ರಭೋರ್ನಿವೇದ್ಯ ಪ್ರಯತೋ ನೈವ ವಾಖ್ಯಾಯ ಕಸ್ಯಚಿತ್||೨||
विषे प्रतिविषं योज्यं मन्त्रतन्त्रैरसिध्यति| अतीते पञ्चमे वेगे सप्तमस्यानतिक्रमे| प्रभोर्निवेद्य प्रयतो नैव वाख्याय कस्यचित्||२||
🔊 Audio coming soon
Adhikarana siddhamantratvamAvashyakam (3) · Śloka 3
ಸಿದ್ಧಮನ್ತ್ರಧರಃ ಕೃತ್ವಾ ಧರಣೀಬನ್ಧಮಾದಿತಃ| ನಹಿ ಮನ್ತ್ರಸಹಾಯಸ್ಯ ವಿಷಂ ಯಾತ್ಯವಿಧೇಯತಾಮ್||೩||
सिद्धमन्त्रधरः कृत्वा धरणीबन्धमादितः| नहि मन्त्रसहायस्य विषं यात्यविधेयताम्||३||
🔊 Audio coming soon
Adhikarana sthAvaraja~ggamaviShaguNaviparyastatA (4) · Śloka 4
ಶ್ಲೇಷ್ಮತುಲ್ಯಗುಣಂ ಪ್ರಾಯಃ ಸ್ಥಿರಮೂರ್ಧ್ವಗಮಂ ವಿಷಮ್| ಪ್ರಾಯಃ ಪಿತ್ತಗುಣೈರ್ಯುಕ್ತಮಧೋಗಾಮಿ ಚ ಜಙ್ಗಮಮ್| ಗುಣೈರಿತಿ ವಿಪರ್ಯಸ್ತೈರ್ನಿಹತಸ್ತೇ ಪರಸ್ಪರಮ್| ಯುಞ್ಜ್ಯಾನ್ಮೂಲವಿಷಂ ತಸ್ಮಾದ್ದಷ್ಟಾನಾಂ ಪಾನಲೇಪಯೋಃ||೪||
श्लेष्मतुल्यगुणं प्रायः स्थिरमूर्ध्वगमं विषम्| प्रायः पित्तगुणैर्युक्तमधोगामि च जङ्गमम्| गुणैरिति विपर्यस्तैर्निहतस्ते परस्परम्| युञ्ज्यान्मूलविषं तस्माद्दष्टानां पानलेपयोः||४||
🔊 Audio coming soon
Adhikarana viShapIte sarpaiH daMshanam (5) · Śloka 5
ವಿಷಪೀತಂ ಚ ಕುಶಲೋ ದಂಶಯೇತ್ ಪವನಾಶಿಭಿಃ| ನ ವಿಷಪ್ರತಿಮಂ ಕಿಞ್ಚಿನ್ನಿರ್ವಿಷೀಕರಣಂ ವಿಷೇ||೫||
विषपीतं च कुशलो दंशयेत् पवनाशिभिः| न विषप्रतिमं किञ्चिन्निर्विषीकरणं विषे||५||
🔊 Audio coming soon
Adhikarana ja~ggame maulaviShamAtrA (sarpaviShe) (6) · Śloka 6
ಚತುರ್ಭಿಃ ಷಡ್ಭಿರಷ್ಟಾಭಿರ್ಹೀನಮಧ್ಯೋತ್ತಮಾಂ ಯವೈಃ| ಮಾತ್ರಾಂ ವಿಷಸ್ಯ ಮೌಲಸ್ಯ ಪ್ರಯುಞ್ಜೀತ ಯಥಾಯಥಮ್||೬||
चतुर्भिः षड्भिरष्टाभिर्हीनमध्योत्तमां यवैः| मात्रां विषस्य मौलस्य प्रयुञ्जीत यथायथम्||६||
🔊 Audio coming soon
Adhikarana kITavRushcikaviShayormaulamAtrAntaram (7) · Śloka 7
ದಷ್ಟಸ್ಯ ದ್ವೌ ಯವೌ ಕೀಟೈಸ್ತಿಲಮಾತ್ರಂ ತು ವೃಶ್ಚಿಕೈಃ| ನೈವ ತ್ವಕ್ಸೃಕ್ಸ್ಥೇ....................................||೭||
दष्टस्य द्वौ यवौ कीटैस्तिलमात्रं तु वृश्चिकैः| नैव त्वक्सृक्स्थे....................................||७||
🔊 Audio coming soon
Adhikarana lUtAviShe maulaviShaM na peyam (8) · Śloka 8
....................................ಪಾನೇ ತು ಲೂತಾದಷ್ಟಸ್ಯ ನೇಷ್ಯತೇ| ಪ್ರಚ್ಛಾಯ ಲೇಪಯೇದ್ದಂಶಂ ತಸ್ಯ ಜ್ಞಾತ್ವಾ ಸುನಿಶ್ಚಿತಮ್| ಸವಿಷೇ ಯುಕ್ತಮಮೃತಂ ವಿಷಮೇವಾಽವಿಷೇ ವಿಷಮ್| ಅಬಲೇ ಚಾತಿಬಲವದ್ವ್ಯಾಪನ್ನಂ ಚ ಪ್ರಯೋಗತಃ||೮||
....................................पाने तु लूतादष्टस्य नेष्यते| प्रच्छाय लेपयेद्दंशं तस्य ज्ञात्वा सुनिश्चितम्| सविषे युक्तममृतं विषमेवाऽविषे विषम्| अबले चातिबलवद्व्यापन्नं च प्रयोगतः||८||
🔊 Audio coming soon
Adhikarana agadAdhikAraH (9) · Śloka 9
ಸವಿಷಾವಿಷಶಙ್ಕಾಯಾಮಗದಾನುಪಯೋಜಯೇತ್| ಅವಿರುದ್ಧಾನ್ ಪ್ರಯುಕ್ತೋ ಹಿ ನಿರ್ವಿಷಸ್ಯಾಗದೋಽಗದಃ| ತದ್ವಚ್ಚ ಸವಿಷಸ್ಯಾಪಿ ಕ್ರಿಯಾಕಾಲಾತಿಪಾತತಃ| ಜಾನೀಯಾದ್ವಿಷಸದ್ಭಾವಂ ಭಿಷಕ್ತಸ್ಮಾತ್ಪ್ರಯತ್ನತಃ||೯||
सविषाविषशङ्कायामगदानुपयोजयेत्| अविरुद्धान् प्रयुक्तो हि निर्विषस्यागदोऽगदः| तद्वच्च सविषस्यापि क्रियाकालातिपाततः| जानीयाद्विषसद्भावं भिषक्तस्मात्प्रयत्नतः||९||
🔊 Audio coming soon
Adhikarana prayojyAprayojyamaulaviShanirdeshaH (10) · Śloka 10
ಸಾಕ್ತುಕಂ ಮುಸ್ತಕಂ ಶೃಙ್ಗೀ ವಾಲಕಂ ಸರ್ಷಪಾಹ್ವಯಮ್| ವತ್ಸನಾಭಂ ಚ ಕರ್ಮಣ್ಯಂ ವಿಷಂ ಸ್ನಿಗ್ಧಂ ಘನಂ ಗುರು| ನ ಜಾತ್ವನ್ಯತ್ಪ್ರಯೋಕ್ತವ್ಯಂ ಕಾಲಕೂಟಂ ವಿಶೇಷತಃ||೧೦||
साक्तुकं मुस्तकं शृङ्गी वालकं सर्षपाह्वयम्| वत्सनाभं च कर्मण्यं विषं स्निग्धं घनं गुरु| न जात्वन्यत्प्रयोक्तव्यं कालकूटं विशेषतः||१०||
🔊 Audio coming soon
Adhikarana viShe~avacArite kRutyam (11) · Śloka 11
ವಿಷೇಽವಚಾರಿತೇ ತೀಕ್ಷ್ಣೇ ಪೇಯಂ ಘೃತಮನನ್ತರಮ್| ಸಭಾರ್ಙ್ಗೀದಧಿಧೂಮೋತ್ಥಶಾರಿವಾತಣ್ಡುಲೀಯಕಮ್| ಅಗಾರಧೂಮಮಞ್ಜಿಷ್ಠಾಯಷ್ಟ್ಯಾಹ್ವೈರ್ವಾ ಸಮನ್ವಿತಮ್| ಲಿಹ್ಯಾದ್ವಾ ಮಧುಸರ್ಪಿರ್ಭ್ಯಾಂ ಚೂರ್ಣಿತಾಮರ್ಜುನತ್ವಚಮ್||೧೧||
विषेऽवचारिते तीक्ष्णे पेयं घृतमनन्तरम्| सभार्ङ्गीदधिधूमोत्थशारिवातण्डुलीयकम्| अगारधूममञ्जिष्ठायष्ट्याह्वैर्वा समन्वितम्| लिह्याद्वा मधुसर्पिर्भ्यां चूर्णितामर्जुनत्वचम्||११||
🔊 Audio coming soon
Adhikarana viShaprayogAH (12) · Śloka 12
ಕ್ಷೀರಕ್ಷೌದ್ರಘೃತೈರ್ಯುಕ್ತಂ ಪೀತಂ ಹನ್ತಿ ವಿಷಂ ವಿಷಮ್| ಸಸಿನ್ದುವಾರತಗರಂ ಮೃತಸಞ್ಜೀವನಂ ವಿಷಮ್| ಶಿರೀಷಕುಸುಮಂ ವಕ್ರಂ ವಿಷಮಾಖುವಿಷಾಪಹಮ್| ದೇವದಾರು ನತಂ ಮಾಂಸೀ ದ್ರಾಮಿಲೀಬಾಕುಚೀ ವಿಷಮ್| ಕುಷ್ಠಂ ಚ ಪಾನಲೇಪಾಭ್ಯಾಂ ಸಮಸ್ತವಿಷನಾಶನಮ್| ಮನಶ್ಶಿಲಾಞ್ಜನಾಲೈಲಾ ಸಿನ್ದುವಾರಾಮರಾಹ್ವಯಮ್| ಸರಕ್ತಾ ಕುಙ್ಕುಮವಿಷಂ ಧ್ಮಾನಂ ನಿಸ್ಸಂಜ್ಞಬೋಧನಮ್||೧೨||
क्षीरक्षौद्रघृतैर्युक्तं पीतं हन्ति विषं विषम्| ससिन्दुवारतगरं मृतसञ्जीवनं विषम्| शिरीषकुसुमं वक्रं विषमाखुविषापहम्| देवदारु नतं मांसी द्रामिलीबाकुची विषम्| कुष्ठं च पानलेपाभ्यां समस्तविषनाशनम्| मनश्शिलाञ्जनालैला सिन्दुवारामराह्वयम्| सरक्ता कुङ्कुमविषं ध्मानं निस्संज्ञबोधनम्||१२||
🔊 Audio coming soon
Adhikarana dAhe lepayogaH (13) · Śloka 13
ದಾಹೇ ವಿಷೋದ್ಭವೇ ಲೇಪಃ ಸಕ್ತುಕ್ಷೀರಘೃತೈರ್ಹಿತಃ||೧೩||
दाहे विषोद्भवे लेपः सक्तुक्षीरघृतैर्हितः||१३||
🔊 Audio coming soon
Adhikarana sarpaviShaprayogaH (14) · Śloka 14
ಯಸ್ತು ಸಂರೋಷಿತೋ ಭೋಗೀ ಧೂಮಂ ವಕ್ತ್ರಾದ್ವಿಮುಞ್ಚತಿ| ದಣ್ಡಾಗ್ರೇ ಪಿಶಿತಂ ಬದ್ಧ್ವಾ ಬಹುಶಸ್ತೇನ ದಂಶಯೇತ್| ಅಶಕ್ಯಮಗದೈರನ್ಯೈರ್ವಿಷಪೀತಂ ಚಿಕಿತ್ಸಕಃ| ಪಾಯಯೇನ್ಮಾಂಸಚೂರ್ಣಂ ತಂ ಜ್ಞಾತ್ವಾ ವಿಷಬಲಾಬಲಮ್||೧೪||
यस्तु संरोषितो भोगी धूमं वक्त्राद्विमुञ्चति| दण्डाग्रे पिशितं बद्ध्वा बहुशस्तेन दंशयेत्| अशक्यमगदैरन्यैर्विषपीतं चिकित्सकः| पाययेन्मांसचूर्णं तं ज्ञात्वा विषबलाबलम्||१४||
🔊 Audio coming soon
Adhikarana anyarogeShu rasAyaneShvapi ca viShaprayoganirdeshaH (15) · Śloka 15
ಅನ್ಯೇಷ್ವಪಿ ಚ ರೋಗೇಷು ಶೇಷೋಪಾಯಪರಿಕ್ಷಯೇ| ವಿಷಂ ಯುಞ್ಜೀತ ನಿತ್ಯಂ ಚ ರಸಾಯನಗವೇಷಿಣಃ||೧೫||
अन्येष्वपि च रोगेषु शेषोपायपरिक्षये| विषं युञ्जीत नित्यं च रसायनगवेषिणः||१५||
🔊 Audio coming soon
Adhikarana viShaprayogArhaH tadarthamAva shyakamRutvAdi (16) · Śloka 16
ಘೃತೋಪಸ್ಕೃತದೇಹಸ್ಯ ವಿಶುದ್ಧಸ್ಯ ಹಿತಾಶಿನಃ| ಸಾತ್ತ್ವಿಕಸ್ಯೋದಿತೇ ಭಾನೌ ಯೋಜ್ಯಂ ಶೀತವಸನ್ತಯೋಃ| ಗ್ರೀಷ್ಮೇಽಪ್ಯಾತ್ಯಯಿಕೇ ವ್ಯಾಧೌ...................||೧೬||
घृतोपस्कृतदेहस्य विशुद्धस्य हिताशिनः| सात्त्विकस्योदिते भानौ योज्यं शीतवसन्तयोः| ग्रीष्मेऽप्यात्ययिके व्याधौ...................||१६||
🔊 Audio coming soon
Adhikarana viShAnarhAH RutvAdi (17) · Śloka 17
..................................ಂಅ ಚ ವರ್ಷಾಸು ದುರ್ದಿನೇ| ನ ಕ್ರೋಧನೇ ನ ಪಿತ್ತಾರ್ತ್ತೇ ನ ಕ್ಲೀಬೇ ರಾಜನಿ ದ್ವಿಜೇ| ಕ್ಷುತ್ತೃಷ್ಣಾಶ್ರಮಘರ್ಮಾಧ್ವವ್ಯಾಧ್ಯನ್ತರನಿಪೀಡಿತೇ| ಗರ್ಭಿಣೀಬಾಲವೃದ್ಧೇಷು ನ ರೂಕ್ಷೇಷು ನ ಮರ್ಮಸು||೧೭||
..................................ंअ च वर्षासु दुर्दिने| न क्रोधने न पित्तार्त्ते न क्लीबे राजनि द्विजे| क्षुत्तृष्णाश्रमघर्माध्वव्याध्यन्तरनिपीडिते| गर्भिणीबालवृद्धेषु न रूक्षेषु न मर्मसु||१७||
🔊 Audio coming soon
Adhikarana viShaprayoge varjanIyAni anyathA vyApadashca (18) · Śloka 18
ಅಭ್ಯಸ್ತೇಽಪಿ ವಿಷೇ ಯತ್ನಾದ್ವರ್ಜನೀಯಾನ್ ವಿವರ್ಜಯೇತ್| ಕಟ್ವಮ್ಲತೈಲಲವಣದಿವಾಸ್ವಪ್ನಾತಪಾನಲಾನ್| ರೂಕ್ಷಮನ್ನಂ ವಿಶೇಷೇಣ ಭಯಂ ವಾಽಜೀರ್ಣತಃ ಸದಾಃ| ದೃಗ್ವಿಭ್ರಮಂ ಕರ್ಣರುಜಾಮನ್ಯಾಂಶ್ಚಾನಿಲಜಾನ್ ಗದಾನ್| ವಿಷಂ ರೂಕ್ಷಾಶಿನಃ ಕುರ್ಯಾನ್ಮೃತ್ಯುಮೇವ ತ್ವಜೀರ್ಣತಃ||೧೮||
अभ्यस्तेऽपि विषे यत्नाद्वर्जनीयान् विवर्जयेत्| कट्वम्लतैललवणदिवास्वप्नातपानलान्| रूक्षमन्नं विशेषेण भयं वाऽजीर्णतः सदाः| दृग्विभ्रमं कर्णरुजामन्यांश्चानिलजान् गदान्| विषं रूक्षाशिनः कुर्यान्मृत्युमेव त्वजीर्णतः||१८||
🔊 Audio coming soon
Adhikarana haritAlaprayogaH (19) · Śloka 19
ಅಲಂ ಗೋಮೂತ್ರಸಂಯುಕ್ತಮಾತಪೇ ಶೋಷಯೇತ್ತ್ರ್ಯಹಮ್| ವಿಷಂ ಬೃಂಹಣಮೇತದ್ಧಿ ವಿಷಸ್ಯಾದೌ ಪ್ರಶಸ್ಯತೇ| ತತ್ಪಿಬೇನ್ಮಸ್ತುನಾ ವಾತಜ್ವರೇ ಕ್ಷೀರೇಣ ಪೈತ್ತಿಕೇ| ಯುಕ್ತಂ ಮೂತ್ರೇಣ ಕಫಜೇ ಸರ್ವಜೇ ತ್ರಿಫಲಾಮ್ಭಸಾ||೧೯||
अलं गोमूत्रसंयुक्तमातपे शोषयेत्त्र्यहम्| विषं बृंहणमेतद्धि विषस्यादौ प्रशस्यते| तत्पिबेन्मस्तुना वातज्वरे क्षीरेण पैत्तिके| युक्तं मूत्रेण कफजे सर्वजे त्रिफलाम्भसा||१९||
🔊 Audio coming soon
Adhikarana viShamajvare saviShayogAH (20) · Śloka 20
ಲೋಧ್ರಚನ್ದನಷಡ್ಗ್ರನ್ಥಾಶರ್ಕರಾಘೃತಮಾಕ್ಷಿಕೈಃ| ಕ್ಷೀರೇಣ ಚ ವಿಷಂ ಯುಕ್ತಂ ಜೀರ್ಣಜ್ವರಹರಂ ಪರಮ್| ನಿಕುಮ್ಭಕುಮ್ಭತ್ರಿಫಲಾಸರ್ಪಿರ್ಮಧುವಿಷೈಃ ಕೃತಃ| ನಿಹನ್ತಿ ಮೋದಕೋ ಜೀರ್ಣಜ್ವರಮೇಹತ್ವಗಾಮಯಾನ್| ಶಿಖಿಕರ್ಕಿರಸೋಪೇತಂ ವಿಷಮಜ್ವರಜಿದ್ವಿಷಮ್||೨೦||
लोध्रचन्दनषड्ग्रन्थाशर्कराघृतमाक्षिकैः| क्षीरेण च विषं युक्तं जीर्णज्वरहरं परम्| निकुम्भकुम्भत्रिफलासर्पिर्मधुविषैः कृतः| निहन्ति मोदको जीर्णज्वरमेहत्वगामयान्| शिखिकर्किरसोपेतं विषमज्वरजिद्विषम्||२०||
🔊 Audio coming soon
Adhikarana raktapitte saviShayogaH (21) · Śloka 21
ವಿಷಂ ಯಷ್ಟ್ಯಾಹ್ವಯಂ ರಾಸ್ನಾ ಸೇವ್ಯಮುತ್ಪಲಕನ್ದಕಮ್| ತಣ್ಡುಲೋದಕಪೀತಾನಿ ರಕ್ತಪಿತ್ತಸ್ಯ ಭೇಷಜಮ್||೨೧||
विषं यष्ट्याह्वयं रास्ना सेव्यमुत्पलकन्दकम्| तण्डुलोदकपीतानि रक्तपित्तस्य भेषजम्||२१||
🔊 Audio coming soon
Adhikarana duShTavraNe viShayogaH (22) · Śloka 22
ವಿಷಂ ರಸಾಞ್ಜನಂ ಭಾರ್ಙ್ಗೀ ವೃಶ್ಚಿಕಾಲೀ ಮಹಾಸಹಾ| ಸವೇದನೇ ಸಪಾಕೇ ಚ ವ್ರಣೇ ದುಷ್ಟೇ ಪ್ರಲೇಪನಮ್||೨೨||
विषं रसाञ्जनं भार्ङ्गी वृश्चिकाली महासहा| सवेदने सपाके च व्रणे दुष्टे प्रलेपनम्||२२||
🔊 Audio coming soon
Adhikarana chardyAM viShayogaH (23) · Śloka 23
ಸಿತಾವಿಷಕ್ಷೀರತರುಪ್ರವಾಲಾ ಮಧುನಾ ದ್ರುತಾಃ| ಶ್ವಾಸಹಿಧ್ಮಾಪಹಾ ಲೀಢಾಶ್ಛರ್ದಿಘ್ನ್ಯಸ್ತು ವಿಷಾನ್ವಿತಾಃ| ಕ್ಷೌದ್ರೋಶೀರಮಧುಕ್ಷಾರರಜನೀಕುಟಜತ್ವಚಃ||೨೩||
सिताविषक्षीरतरुप्रवाला मधुना द्रुताः| श्वासहिध्मापहा लीढाश्छर्दिघ्न्यस्तु विषान्विताः| क्षौद्रोशीरमधुक्षाररजनीकुटजत्वचः||२३||
🔊 Audio coming soon
Adhikarana durnAmAdau viShayogaH (24) · Śloka 24
ವಿಜಯಾಪಿಪ್ಪಲೀಮೂಲಪಿಪ್ಪಲೀದ್ವಯಚಿತ್ರಕೈಃ| ಪುಷ್ಕರಾಹ್ವಶಠೀದ್ರಾಕ್ಷಾಯವಾನೀಕ್ಷಾರದೀಪ್ಯಕೈಃ| ಸಿತಾಯಷ್ಟೀದ್ವಿಬೃಹತೀಸೈನ್ಧವೈಃ ಪಾಲಿಕೈಃ ಪಚೇತ್| ಸವಿಷಾರ್ದ್ಧಪಲೈಃ ಪ್ರಸ್ಥಂ ಘೃತಾತ್ತಜ್ಜೀರ್ಣಭುಕ್ಪಿಬೇತ್| ದುರ್ನಾಮೇ ಹತುಗುಲ್ಮಾರ್ಮತಿಮಿರಕ್ರಿಮಿಪಾಣ್ಡುತಾಃ| ಗಲಗ್ರಹಗ್ರಹೋನ್ಮಾದಕುಷ್ಠಾನಿ ಚ ನಿಯಚ್ಛತಿ||೨೪||
विजयापिप्पलीमूलपिप्पलीद्वयचित्रकैः| पुष्कराह्वशठीद्राक्षायवानीक्षारदीप्यकैः| सितायष्टीद्विबृहतीसैन्धवैः पालिकैः पचेत्| सविषार्द्धपलैः प्रस्थं घृतात्तज्जीर्णभुक्पिबेत्| दुर्नामे हतुगुल्मार्मतिमिरक्रिमिपाण्डुताः| गलग्रहग्रहोन्मादकुष्ठानि च नियच्छति||२४||
🔊 Audio coming soon
Adhikarana udAvartAdau viShayogaH (25) · Śloka 25
ಕೃಚ್ಛ್ರಘ್ನಾವಿಷಪಥ್ಯಾಗ್ನಿದನ್ತೀದ್ರಾಕ್ಷಾನಿಶಾವಿಷಾಃ| ಶಿಲಾಜತು ವಿಷಂ ಮೂತ್ರಮುದಾವರ್ತಾಶ್ಮರೀಹರಮ್||೨೫||
कृच्छ्रघ्नाविषपथ्याग्निदन्तीद्राक्षानिशाविषाः| शिलाजतु विषं मूत्रमुदावर्ताश्मरीहरम्||२५||
🔊 Audio coming soon
Adhikarana ashmaryAM viShayogaH (26) · Śloka 26
ಗೋಮೂತ್ರಕ್ಷಾರಸಿನ್ಧೂತ್ಥಂ ವಿಷಂ ಪಾಷಾಣಭೇದಕಮ್| ವಜ್ರವದ್ದಾರಯತ್ಯೇತದೇಕತಃ ಪೀತಮಶ್ಮರೀಮ್||೨೬||
गोमूत्रक्षारसिन्धूत्थं विषं पाषाणभेदकम्| वज्रवद्दारयत्येतदेकतः पीतमश्मरीम्||२६||
🔊 Audio coming soon
Adhikarana shUle viShayogaH (27) · Śloka 27
ಸಮೂಲಾ ಪಿಪ್ಪಲೀ ಮೂತ್ರಂ ವಿಷಂ ಶೂಲಹರಂ ತಥಾ| ವಿಷದ್ರವನ್ತೀಮಧುಕದ್ರಾಕ್ಷಾರಾಸ್ನಾಶಠೀಕಣಾಃ||೨೭||
समूला पिप्पली मूत्रं विषं शूलहरं तथा| विषद्रवन्तीमधुकद्राक्षारास्नाशठीकणाः||२७||
🔊 Audio coming soon
Adhikarana vRuddhau viShayogaH (28) · Śloka 28
ಏರಣ್ಡತೈಲಂ ತ್ರಿಫಲಾ ಗೋಮೂತ್ರಂ ಚಿತ್ರಕೋ ವಿಷಮ್| ಸರ್ಪಿಷಾ ಸಹಿತಂ ಪೀತಂ ವಾತಾಣ್ಡತ್ವಮಪೋಹತಿ||೨೮||
एरण्डतैलं त्रिफला गोमूत्रं चित्रको विषम्| सर्पिषा सहितं पीतं वाताण्डत्वमपोहति||२८||
🔊 Audio coming soon
Adhikarana gulmAdau viShayogaH (29) · Śloka 29
ತ್ರಿಫಲಾಸ್ವರ್ಜಿಕಾಕ್ಷಾರೋ ವಿಷಂ ಗುಲ್ಮಪ್ರಭೇದನಮ್| ವಿಷವೇಲ್ಲಮಿಸಿಕ್ಷೀರಂ ಗುಲ್ಮಪ್ಲೀಹನಿಬರ್ಹಣಮ್||೨೯||
त्रिफलास्वर्जिकाक्षारो विषं गुल्मप्रभेदनम्| विषवेल्लमिसिक्षीरं गुल्मप्लीहनिबर्हणम्||२९||
🔊 Audio coming soon
Adhikarana plIhodare viShayogaH (30) · Śloka 30
ಪ್ಲೀಹೋದರಘ್ನಂ ಪಯಸಾ ಶತಾಹ್ವಾ ಕ್ರಿಮಿಜಿದ್ವಿಷಮ್||೩೦||
प्लीहोदरघ्नं पयसा शताह्वा क्रिमिजिद्विषम्||३०||
🔊 Audio coming soon
Adhikarana kuShThe viShayogaH (31) · Śloka 31
ವಾಯಸೀಮೂಲನಿಷ್ಕ್ವಾಥಪೀತಂ ಕುಷ್ಠಹರಂ ವಿಷಮ್||೩೧||
वायसीमूलनिष्क्वाथपीतं कुष्ठहरं विषम्||३१||
🔊 Audio coming soon
Adhikarana kuShThe viShayogAntaram (32) · Śloka 32
ವಾಯಸ್ಯಾ ರಾಜವೃಕ್ಷತ್ವಕ್ತ್ರಾಯನ್ತೀ ಬಾಕುಚೀಫಲಾತ್| ಪ್ಲೀಹಘ್ನೇಭಕಣಾಭ್ಯಾಞ್ಚ ವಿಷಂ ಕ್ವಾಥೇನ ಕುಷ್ಠಜಿತ್| ಅವಲ್ಗುಜೈಡಗಜಯೋರ್ಬೀಜಂ ಕ್ಷಾರದ್ವಯಂ ವಿಷಮ್| ಲೇಪಃ ಸಸೈನ್ಧವಃ ಪಿಷ್ಟೋ ವಾರಿಣಾ ಕುಷ್ಠನಾಶನಃ| ಚಿತ್ರಕಾರ್ಕಜಟಾಹಸ್ತಿಪಿಪ್ಪಲೀಬಾಕುಚೀವಿಷೈಃ| ಗೋಮೂತ್ರಪಿಷ್ಟೈರನ್ಯೋಽನ್ಯೋಮನೋಹ್ವಾಸ್ನುಕ್ಪಯೋವಿಷೈಃ| ಸಚನ್ದ್ರಲೇಖೈಡಗಜಕರಞ್ಜಫಲಸೈನ್ಧವಃ| ಸವ್ಯೋಷಸ್ವರ್ಜಿಕಾಕ್ಷಾರಯವಕ್ಷಾರನಿಶಾದ್ವಯೈಃ| ಅಗಾರಧೂಮಸಹಿತೈರ್ಬಸ್ತಮೂತ್ರೇಣ ಕಲ್ಕಿತಃ||೩೨||
वायस्या राजवृक्षत्वक्त्रायन्ती बाकुचीफलात्| प्लीहघ्नेभकणाभ्याञ्च विषं क्वाथेन कुष्ठजित्| अवल्गुजैडगजयोर्बीजं क्षारद्वयं विषम्| लेपः ससैन्धवः पिष्टो वारिणा कुष्ठनाशनः| चित्रकार्कजटाहस्तिपिप्पलीबाकुचीविषैः| गोमूत्रपिष्टैरन्योऽन्योमनोह्वास्नुक्पयोविषैः| सचन्द्रलेखैडगजकरञ्जफलसैन्धवः| सव्योषस्वर्जिकाक्षारयवक्षारनिशाद्वयैः| अगारधूमसहितैर्बस्तमूत्रेण कल्कितः||३२||
🔊 Audio coming soon
Adhikarana vicarcikAdau viShayogaH (33) · Śloka 33
ಭಲ್ಲಾತಕಾಗ್ನಿಶಮ್ಯಾಕವಿಷೈರ್ಗೋಮೂತ್ರಪೇಷಿತೈಃ| ಲೇಪೋ ವಿಚರ್ಚಿಕಾದದ್ರುಶತಾರುಃಕಿಟಿಭಾಪಹಃ| ಶಮ್ಯಾಕಪತ್ರತ್ವಙ್ಮೂಲಂ ವಿಷಂ ತಕ್ರಂ ಚ ತದ್ಗುಣಮ್||೩೩||
भल्लातकाग्निशम्याकविषैर्गोमूत्रपेषितैः| लेपो विचर्चिकादद्रुशतारुःकिटिभापहः| शम्याकपत्रत्वङ्मूलं विषं तक्रं च तद्गुणम्||३३||
🔊 Audio coming soon
Adhikarana shvitrAdau viShayogaH (34) · Śloka 34
ವಿಷಭಲ್ಲಾತಕದ್ವೀಪಿ ಗುಞ್ಜಾನಿಮ್ಬಫಲೈರ್ಜಯೇತ್| ಲೇಪೋಽಮ್ಲಪಿಷ್ಟೈಃ ಶ್ವಿತ್ರಾಣಿ ಪುಣ್ಡರೀಕಞ್ಚ ದಾರುಣಮ್| ವಕ್ರಕುಷ್ಠರಸದ್ವೀಪಿಸ್ಪೃಕ್ಕಾಪತ್ರೈಲವಾಲುಕಮ್| ಪಿಷ್ಟಂ ಖದಿರತೋಯೇನ ತ್ರಿರಾತ್ರಮುಷಿತಂ ಪಿಬೇತ್| ಶ್ವಿತ್ರೀ ವಿಷೇಣ ಸಂಸೃಷ್ಟಂ ತತಃ ಸ್ಫೋಟಾನ್ ಕಿಲಾಸಜಾನ್| ಕಣ್ಟಕೇನ ವಿಭಿದ್ಯಾನುಲೇಪೈರ್ಲಿಮ್ಪೇತ ಕೌಷ್ಠಿಕೈಃ| ಅಥವಾ ಕರವೀರಾರ್ಕಮೂಲಬಾಕುಚಿಕಾವಿಷೈಃ| ಬಸ್ತಾಮ್ಬುಪಿಷ್ಟೈಃ ಸದ್ವೀಪಿದ್ವಿಪಪಿಪ್ಪಲ್ಯರುಷ್ಕರೈಃ||೩೪||
विषभल्लातकद्वीपि गुञ्जानिम्बफलैर्जयेत्| लेपोऽम्लपिष्टैः श्वित्राणि पुण्डरीकञ्च दारुणम्| वक्रकुष्ठरसद्वीपिस्पृक्कापत्रैलवालुकम्| पिष्टं खदिरतोयेन त्रिरात्रमुषितं पिबेत्| श्वित्री विषेण संसृष्टं ततः स्फोटान् किलासजान्| कण्टकेन विभिद्यानुलेपैर्लिम्पेत कौष्ठिकैः| अथवा करवीरार्कमूलबाकुचिकाविषैः| बस्ताम्बुपिष्टैः सद्वीपिद्विपपिप्पल्यरुष्करैः||३४||
🔊 Audio coming soon
Adhikarana savarNIkaraNam (35) · Śloka 35
ಲಾಕ್ಷಾಸುರಾಹ್ವಾಮಞ್ಜಿಷ್ಠಾಕುಷ್ಠಪದ್ಮಕಶಾರಿವಾಃ| ಗುಞ್ಜಾಫಲಂ ಕುರವಕೋ ಲಾಙ್ಗಲೀ ವಜ್ರಕನ್ದಕಃ| ವಾರಾಹೀಕನ್ದಕಾಸ್ಫೋತಾ ಸಪ್ತಾಹ್ವಗಿರಿಕರ್ಣಿಕಾಃ| ಅರ್ಕಾಶ್ವಮಾರಯೋರ್ಮೂಲಂ ನಾಗಪುಷ್ಪಂ ನತಂ ನಿಶೇ| ದನ್ತೀ ವಿಷಂ ಸಾತಿವಿಷಂ ಪಿಪ್ಪಲೀ ಮರಿಚಾನಿ ಚ| ತೈಸ್ತೈಲಂ ಕಟುತೈಲಂ ವಾ ಶ್ವಿತ್ರಸ್ಯಾಭ್ಯಞ್ಜನಂ ಪಚೇತ್| ಸವರ್ಣೀಕರಣಂ ಶ್ರೇಷ್ಠಮಾಸ್ತಿಕಸ್ಯ ವಚೋ ಯಥಾ||೩೫||
लाक्षासुराह्वामञ्जिष्ठाकुष्ठपद्मकशारिवाः| गुञ्जाफलं कुरवको लाङ्गली वज्रकन्दकः| वाराहीकन्दकास्फोता सप्ताह्वगिरिकर्णिकाः| अर्काश्वमारयोर्मूलं नागपुष्पं नतं निशे| दन्ती विषं सातिविषं पिप्पली मरिचानि च| तैस्तैलं कटुतैलं वा श्वित्रस्याभ्यञ्जनं पचेत्| सवर्णीकरणं श्रेष्ठमास्तिकस्य वचो यथा||३५||
🔊 Audio coming soon
Adhikarana garbhapAtane pralepaH (36) · Śloka 36
ವೀರಾಲಾಙ್ಗಲಿಕೀದನ್ತೀವಿಷಪಾಷಾಣಭೇದಕೈಃ| ಪ್ರಯೋಜ್ಯೋ ಮೂಢಗರ್ಭಾಣಾಂ ಪ್ರಲೇಪೋ ಗರ್ಭಮೋಚನಃ||೩೬||
वीरालाङ्गलिकीदन्तीविषपाषाणभेदकैः| प्रयोज्यो मूढगर्भाणां प्रलेपो गर्भमोचनः||३६||
🔊 Audio coming soon
Adhikarana vandhyatvaharaNayogaH (37) · Śloka 37
ಸ್ವರಸಂ ಬೀಜಪೂರಸ್ಯ ವಚಾಂ ಬ್ರಾಹ್ಮೀರಸಂ ಘೃತಮ್| ವನ್ಧ್ಯಾ ಪಿಬನ್ತೀ ಸವಿಷಂ ಸುಪುತ್ರೈಃ ಪರಿವಾರ್ಯತೇ||೩೭||
स्वरसं बीजपूरस्य वचां ब्राह्मीरसं घृतम्| वन्ध्या पिबन्ती सविषं सुपुत्रैः परिवार्यते||३७||
🔊 Audio coming soon
Adhikarana naShTashukrayogaH (38) · Śloka 38
ನಷ್ಟಶುಕ್ರಃ ಪಯೋದ್ರಾಕ್ಷಾಕಪಿಕಚ್ಛುವಚಾವಿಷಮ್||೩೮||
नष्टशुक्रः पयोद्राक्षाकपिकच्छुवचाविषम्||३८||
🔊 Audio coming soon
Adhikarana netrarogeShu viShopayogaH (39) · Śloka 39
ವಿಷಂ ಸರ್ಪಿಃ ಸಿತಾಕ್ಷೌದ್ರಂ ತಿಮಿರಾಪಹಮಞ್ಜನಮ್| ವಿಷಂ ಚೈಕಮಜಾಕ್ಷೀರಕಲ್ಕಿತಂ ಘೃತಧೂಪಿತಮ್| ವಿಷಂ ಧಾತ್ರೀಫಲರಸೈರಸಕೃತ್ ಪರಿಭಾವಿತಮ್| ಅಞ್ಜನಂ ಶಙ್ಖಸಹಿತಂ ಪ್ರಗಾಢತಿಮಿರಪ್ರಣುತ್| ವಿಷಮಿನ್ದ್ರಾಯುಧಂ ಸ್ತನ್ಯೇ ಘೃಷ್ಟಂ ಕಾಚಜಿದಞ್ಜನಮ್| ಬೀಜಪೂರರಸೇ ಘೃಷ್ಟಂ ವಿಷಂ ತದ್ವತ್ಸಿತಾಯುತಮ್| ವಿಷಂ ಮಾಗಧಿಕಾ ದ್ವೇ ಚ ನಿಶೇ ಕಾಚಘ್ನಮಞ್ಜನಮ್| ಶುಕ್ಲಾರ್ಮಜಿದ್ವಿಷಂ ಕೃಷ್ಣಾಯುಕ್ತಂ ಗೋಮೂತ್ರಭಾವಿತಮ್| ಸಮುದ್ರಫೇನಸ್ಫಟಿಕಕುರುವಿನ್ದಸುಧಾಞ್ಜನಮ್| ಕೂರ್ಮಪೃಷ್ಠಞ್ಚ ತುಲ್ಯಾನಿ ತೇಭ್ಯೋಽರ್ದ್ಧಾಂಶಾ ಮನಶ್ಶಿಲಾ| ಅರ್ದ್ಧಹೀನಾನಿ ಮರಿಚಸೈನ್ಧವಾಯೋರಜಾಂಸಿ ಚ| ಅತೋ ಯಥೋತ್ತರಂ ದದ್ಯಾದಯಸಾ ಚ ಸಮಂ ವಿಷಮ್| ರಸಕ್ರಿಯೇಯಂ ಮಧುನಾ ಶುಕ್ಲಪಿಲ್ಲಾರ್ಮಕಾಚಹೃತ್| ಅಭೀಕ್ಷ್ಣಂ ಶೀತತೋಯೇನ ಸಿಞ್ಚೇನ್ನೇತ್ರೇ ವಿಷಾಞ್ಜಿತೇ| ರಸೋನಕನ್ದಮರಿಚವಿಷಸರ್ಷಪಸೈನ್ಧವೈಃ| ಪಿಲ್ಲೇಽಕ್ಷಿ ಲಿಖಿತಂ ಪೂರ್ವಂ ಸುರಸಾರಸಪೇಷಿತಃ| ಪೂರಯೇತ್ ಸರ್ಪಿಷಾ ಚಾನು ಸರ್ಪಿರೇವ ಚ ಪಾಯಯೇತ್| ಮಧೂಕಸಾರಮಧುಕವಿಷಕ್ಷೀರಜಲೈರ್ಘೃತಮ್| ಪಕ್ವಂ ಸನ್ತರ್ಪಣಂ ಶ್ರೇಷ್ಠಂ ರಾತ್ರ್ಯನ್ಧತ್ವೇ ಚಿರೋತ್ಥಿತೇ||೩೯||
विषं सर्पिः सिताक्षौद्रं तिमिरापहमञ्जनम्| विषं चैकमजाक्षीरकल्कितं घृतधूपितम्| विषं धात्रीफलरसैरसकृत् परिभावितम्| अञ्जनं शङ्खसहितं प्रगाढतिमिरप्रणुत्| विषमिन्द्रायुधं स्तन्ये घृष्टं काचजिदञ्जनम्| बीजपूररसे घृष्टं विषं तद्वत्सितायुतम्| विषं मागधिका द्वे च निशे काचघ्नमञ्जनम्| शुक्लार्मजिद्विषं कृष्णायुक्तं गोमूत्रभावितम्| समुद्रफेनस्फटिककुरुविन्दसुधाञ्जनम्| कूर्मपृष्ठञ्च तुल्यानि तेभ्योऽर्द्धांशा मनश्शिला| अर्द्धहीनानि मरिचसैन्धवायोरजांसि च| अतो यथोत्तरं दद्यादयसा च समं विषम्| रसक्रियेयं मधुना शुक्लपिल्लार्मकाचहृत्| अभीक्ष्णं शीततोयेन सिञ्चेन्नेत्रे विषाञ्जिते| रसोनकन्दमरिचविषसर्षपसैन्धवैः| पिल्लेऽक्षि लिखितं पूर्वं सुरसारसपेषितः| पूरयेत् सर्पिषा चानु सर्पिरेव च पाययेत्| मधूकसारमधुकविषक्षीरजलैर्घृतम्| पक्वं सन्तर्पणं श्रेष्ठं रात्र्यन्धत्वे चिरोत्थिते||३९||
🔊 Audio coming soon
Adhikarana shiroruji saviShayogaH (40) · Śloka 40
ನಸ್ಯಂ ಶಿರೋರುಕ್ಶಮನಂ ಪ್ರತ್ಯಕ್ಪುಷ್ಪೀ ಸಿತಾ ವಿಷಮ್| ಅಥವಾ ಘೃತಯಷ್ಟ್ಯಾಹ್ವಶರ್ಕರಾವಿಷಸಂಯುತಾಃ||೪೦||
नस्यं शिरोरुक्शमनं प्रत्यक्पुष्पी सिता विषम्| अथवा घृतयष्ट्याह्वशर्कराविषसंयुताः||४०||
🔊 Audio coming soon
Adhikarana pUtinAsAyAM yogaH (41) · Śloka 41
ಶುಣ್ಠೀ ಪಥ್ಯಾ ವಿಷಂ ಪಾಠಾ ದ್ರವನ್ತೀ ಪೂತಿನಾಸಜಿತ್||೪೧||
शुण्ठी पथ्या विषं पाठा द्रवन्ती पूतिनासजित्||४१||
🔊 Audio coming soon
Adhikarana palitAdau viShayogaH (42) · Śloka 42
ಕಟುತೈಲಂ ವಿಷಂ ನಸ್ಯಂ ಪಲಿತಾರೂಂಷಿಕಾಪಹಮ್||೪೨||
कटुतैलं विषं नस्यं पलितारूंषिकापहम्||४२||
🔊 Audio coming soon
Adhikarana karNashUle viShayogaH (43) · Śloka 43
ಸ್ವರ್ಜಿಕಾಕ್ಷಾರಸಿನ್ಧೂತ್ಥಶುಕ್ತಯುಕ್ತಂ ವಿಷಂ ಪರಮ್| ಕರ್ಣಯೋಃ ಪೂರಣಂ ತೀವ್ರಕರ್ಣಶೂಲನಿಬರ್ಹಣಮ್||೪೩||
स्वर्जिकाक्षारसिन्धूत्थशुक्तयुक्तं विषं परम्| कर्णयोः पूरणं तीव्रकर्णशूलनिबर्हणम्||४३||
🔊 Audio coming soon
Adhikarana mukhAmayeShu viShayogaH (44) · Śloka 44
ಪ್ರಪೌಣ್ಡರೀಕಮಞ್ಜಿಷ್ಠಾವಿಷಸಿನ್ಧುಸಮುದ್ಭವೈಃ| ನಿಹನ್ತಿ ಸಾಧಿತಂ ತೈಲಂ ಗಣ್ಡೂಷೇಣ ಮುಖಾಮಯಾನ್||೪೪||
प्रपौण्डरीकमञ्जिष्ठाविषसिन्धुसमुद्भवैः| निहन्ति साधितं तैलं गण्डूषेण मुखामयान्||४४||
🔊 Audio coming soon
Adhikarana skhaladvAci viShayogaH (45) · Śloka 45
ದೇವದಾರುವಿಷಂ ಸರ್ಪಿರ್ಗೋಮೂತ್ರಂ ಕಣ್ಟಕಾರಿಕಾ| ವಾಚಃ ಸ್ಖಲನತಾಂ ಹನ್ತಿ ಪೀತಮಿತ್ಯಾಹ ಕಾಶ್ಯಪಃ||೪೫||
देवदारुविषं सर्पिर्गोमूत्रं कण्टकारिका| वाचः स्खलनतां हन्ति पीतमित्याह काश्यपः||४५||
🔊 Audio coming soon
Adhikarana viShaprayogalAbhAH (46-48) · Śloka 48
ಶತ್ರುಪ್ರಯುಕ್ತಾ ದ್ವಿಷತೋ ಗರಾದ್ವಾ ಲೂತಾಭುಜಙ್ಗಾಖುಗಣಾಜರಾಯಾಃ| ಅಕಾಲಮೃತ್ಯೋರ್ಗ್ರಹಪಾಪ್ಮತೋ ವಾ ವಿಷಾಶಿನೋ ನಾಸ್ತಿ ಭಯಂ ನರಸ್ಯ||೪೬|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾ ವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ವಿಷೋಪ ಯೋಗೀಯೋ ನಾಮಾಷ್ಟಚತ್ವಾರಿಂಶೋಽಧ್ಯಾಯಃ||೪೮||
शत्रुप्रयुक्ता द्विषतो गराद्वा लूताभुजङ्गाखुगणाजरायाः| अकालमृत्योर्ग्रहपाप्मतो वा विषाशिनो नास्ति भयं नरस्य||४६|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे विषोप योगीयो नामाष्टचत्वारिंशोऽध्यायः||४८||
🔊 Audio coming soon