Adhikarana garbhasya srAvapAtayornidAnapUrvakaM pUrvarUpam (1) · Śloka 1
অথ মূঢগর্ভনিদানম্ | ভযাভিঘাতাত্তীক্ষ্ণোষ্ণপানাশননিষেবণাত্ | গর্ভে পততি রক্তস্য সশূলং দর্শনং ভবেত্ ||১||
अथ मूढगर्भनिदानम् | भयाभिघातात्तीक्ष्णोष्णपानाशननिषेवणात् | गर्भे पतति रक्तस्य सशूलं दर्शनं भवेत् ||१||
🔊 Audio coming soon
Adhikarana garbhasrAvagarbhapAtayoH kAlabhedaH (2) · Śloka 2
আচতুর্থাত্ততো মাসাত্ প্রস্রবেদ্গর্ভবিদ্রবঃ | ততঃ স্থিরশরীরস্য পাতঃ পঞ্চমষষ্ঠযোঃ ||২|| (সু. নি. অ. ৮) |
आचतुर्थात्ततो मासात् प्रस्रवेद्गर्भविद्रवः | ततः स्थिरशरीरस्य पातः पञ्चमषष्ठयोः ||२|| (सु. नि. अ. ८) |
🔊 Audio coming soon
Adhikarana garbhasyAkAlapAte nidAnapUrvako dRuShTAntaH (3) · Śloka 3
গর্ভোঽভিঘাতবিষমাশনপীডনাদ্যৈঃ পক্বং দ্রুমাদিব ফলং পততি ক্ষণেন |৩|
गर्भोऽभिघातविषमाशनपीडनाद्यैः पक्वं द्रुमादिव फलं पतति क्षणेन |३|
🔊 Audio coming soon
Adhikarana ucitaprasavakAle mUDhagarbhasya sthitiH (3) · Śloka 3
মূঢঃ করোতি পবনঃ খলু মূঢগর্ভং শূলং চ যোনিজঠরাদিষু মূত্রসঙ্গম্ ||৩||
मूढः करोति पवनः खलु मूढगर्भं शूलं च योनिजठरादिषु मूत्रसङ्गम् ||३||
🔊 Audio coming soon
Adhikarana mUDhagarbhasyAShTavidhA gatiH (4-5) · Śloka 5
ভুগ্নোঽনিলেন বিগুণেন ততঃ স গর্ভঃ সঙ্খ্যামতীত্য বহুধা সমুপৈতি যোনিম্ | দ্বারং নিরুধ্য শিরসা জঠরেণ কশ্চিত্ কশ্চিচ্ছরীরপরিবর্তিতকুব্জদেহঃ ||৪|| একেন কশ্চিদপরস্তু ভুজদ্বযেন তির্যগ্গতো ভবতি কশ্চিদবাঙ্মুখোঽন্যঃ | পার্শ্বাপবৃত্তগতিরেতি তথৈব কশ্চিদিত্যষ্টধা গতিরিযং হ্যপরা চতুর্ধা ||৫||
भुग्नोऽनिलेन विगुणेन ततः स गर्भः सङ्ख्यामतीत्य बहुधा समुपैति योनिम् | द्वारं निरुध्य शिरसा जठरेण कश्चित् कश्चिच्छरीरपरिवर्तितकुब्जदेहः ||४|| एकेन कश्चिदपरस्तु भुजद्वयेन तिर्यग्गतो भवति कश्चिदवाङ्मुखोऽन्यः | पार्श्वापवृत्तगतिरेति तथैव कश्चिदित्यष्टधा गतिरियं ह्यपरा चतुर्धा ||५||
🔊 Audio coming soon
Adhikarana mUDhagarbhasyAparA catuHprakArA gatiH (6) · Śloka 6
সঙ্কীলকঃ প্রতিখুরঃ পরিঘোঽথ বীজস্তেষূর্ধ্ববাহুচরণৈঃ শিরসা চ যোনিম্ | সঙ্গী চ যো ভবতি কীলকবত্ স কীলো দৃশ্যৈঃ খুরৈঃ প্রতিখুরং স হি কাযসঙ্গী | গচ্ছেদ্ভুজদ্বযশিরাঃ স চ বীজকাখ্যো যোনৌ স্থিতঃ স পরিঘঃ পরিঘেণ তুল্যঃ ||৬||
सङ्कीलकः प्रतिखुरः परिघोऽथ बीजस्तेषूर्ध्वबाहुचरणैः शिरसा च योनिम् | सङ्गी च यो भवति कीलकवत् स कीलो दृश्यैः खुरैः प्रतिखुरं स हि कायसङ्गी | गच्छेद्भुजद्वयशिराः स च बीजकाख्यो योनौ स्थितः स परिघः परिघेण तुल्यः ||६||
🔊 Audio coming soon
Adhikarana asAdhyamUDhagarbhagarbhiNyorlakShaNam (7) · Śloka 7
অপবিদ্ধশিরা যা তু শীতাঙ্গী নিরপত্রপা | নীলোদ্গতসিরা হন্তি সা গর্ভং স চ তাং তথা ||৭|| (সু. নি. অ. ৮) |
अपविद्धशिरा या तु शीताङ्गी निरपत्रपा | नीलोद्गतसिरा हन्ति सा गर्भं स च तां तथा ||७|| (सु. नि. अ. ८) |
🔊 Audio coming soon
Adhikarana antarmRutagarbhalakShaNam (8) · Śloka 8
গর্ভাস্পন্দনমাবীনাং প্রণাশঃ শ্যাবপাণ্ডুতা | ভবেদুচ্ছ্বাসপূতিত্বং শূনতাঽন্তর্মৃতে শিশৌ ||৮|| (সু. নি. অ. ৮) |
गर्भास्पन्दनमावीनां प्रणाशः श्यावपाण्डुता | भवेदुच्छ्वासपूतित्वं शूनताऽन्तर्मृते शिशौ ||८|| (सु. नि. अ. ८) |
🔊 Audio coming soon
Adhikarana mAnasAgantuduHkha-vyAdhibhedena dvividho garbhamaraNahetuH (9) · Śloka 9
মানসাগন্তুভির্মাতুরুপতাপৈঃ প্রপীডিতঃ | গর্ভো ব্যাপদ্যতে কুক্ষৌ ব্যাধিভিশ্চ নিপীডিতঃ ||৯|| (সু. নি. অ. ৮) |
मानसागन्तुभिर्मातुरुपतापैः प्रपीडितः | गर्भो व्यापद्यते कुक्षौ व्याधिभिश्च निपीडितः ||९|| (सु. नि. अ. ८) |
🔊 Audio coming soon
Adhikarana aparamasAdhyagarbhiNIlakShaNam (10-11) · Śloka 11
যোনিসংবরণং সঙ্গঃ কুক্ষৌ মক্কল্ল এব চ | হন্যুঃ স্ত্রিযং মূঢগর্ভাং যথোক্তাশ্চাপ্যুপদ্রবাঃ ||১০|| বাযুঃ প্রকুপিতঃ কুর্যাত্ সংরুধ্য রুধিরং স্রুতম্ | সূতাযা হৃচ্ছিরোবস্তিশূলং মক্কল্লসঞ্জ্ঞকম্ ||১১||
योनिसंवरणं सङ्गः कुक्षौ मक्कल्ल एव च | हन्युः स्त्रियं मूढगर्भां यथोक्ताश्चाप्युपद्रवाः ||१०|| वायुः प्रकुपितः कुर्यात् संरुध्य रुधिरं स्रुतम् | सूताया हृच्छिरोबस्तिशूलं मक्कल्लसञ्ज्ञकम् ||११||
🔊 Audio coming soon
Adhikarana puShpikA · Śloka 64
ইতি শ্রীমাধবকরবিরচিতে মাধবনিদানে মূঢগর্ভনিদানং সমাপ্তম্ ||৬৪||
इति श्रीमाधवकरविरचिते माधवनिदाने मूढगर्भनिदानं समाप्तम् ||६४||
🔊 Audio coming soon