Adhikarana garbhasya srAvapAtayornidAnapUrvakaM pUrvarUpam (1) · Śloka 1
atha mūḍhagarbhanidānam | bhayābhighātāttīkṣṇōṣṇapānāśananiṣēvaṇāt | garbhē patati raktasya saśūlaṁ darśanaṁ bhavēt ||1||
अथ मूढगर्भनिदानम् | भयाभिघातात्तीक्ष्णोष्णपानाशननिषेवणात् | गर्भे पतति रक्तस्य सशूलं दर्शनं भवेत् ||१||
🔊 Audio coming soon
Adhikarana garbhasrAvagarbhapAtayoH kAlabhedaH (2) · Śloka 2
ācaturthāttatō māsāt prasravēdgarbhavidravaḥ | tataḥ sthiraśarīrasya pātaḥ pañcamaṣaṣṭhayōḥ ||2|| (su. ni. a. 8) |
आचतुर्थात्ततो मासात् प्रस्रवेद्गर्भविद्रवः | ततः स्थिरशरीरस्य पातः पञ्चमषष्ठयोः ||२|| (सु. नि. अ. ८) |
🔊 Audio coming soon
Adhikarana garbhasyAkAlapAte nidAnapUrvako dRuShTAntaH (3) · Śloka 3
garbhō'bhighātaviṣamāśanapīḍanādyaiḥ pakvaṁ drumādiva phalaṁ patati kṣaṇēna |3|
गर्भोऽभिघातविषमाशनपीडनाद्यैः पक्वं द्रुमादिव फलं पतति क्षणेन |३|
🔊 Audio coming soon
Adhikarana ucitaprasavakAle mUDhagarbhasya sthitiH (3) · Śloka 3
mūḍhaḥ karōti pavanaḥ khalu mūḍhagarbhaṁ śūlaṁ ca yōnijaṭharādiṣu mūtrasaṅgam ||3||
मूढः करोति पवनः खलु मूढगर्भं शूलं च योनिजठरादिषु मूत्रसङ्गम् ||३||
🔊 Audio coming soon
Adhikarana mUDhagarbhasyAShTavidhA gatiH (4-5) · Śloka 5
bhugnō'nilēna viguṇēna tataḥ sa garbhaḥ saṅkhyāmatītya bahudhā samupaiti yōnim | dvāraṁ nirudhya śirasā jaṭharēṇa kaścit kaściccharīraparivartitakubjadēhaḥ ||4|| ēkēna kaścidaparastu bhujadvayēna tiryaggatō bhavati kaścidavāṅmukhō'nyaḥ | pārśvāpavr̥ttagatirēti tathaiva kaścidityaṣṭadhā gatiriyaṁ hyaparā caturdhā ||5||
भुग्नोऽनिलेन विगुणेन ततः स गर्भः सङ्ख्यामतीत्य बहुधा समुपैति योनिम् | द्वारं निरुध्य शिरसा जठरेण कश्चित् कश्चिच्छरीरपरिवर्तितकुब्जदेहः ||४|| एकेन कश्चिदपरस्तु भुजद्वयेन तिर्यग्गतो भवति कश्चिदवाङ्मुखोऽन्यः | पार्श्वापवृत्तगतिरेति तथैव कश्चिदित्यष्टधा गतिरियं ह्यपरा चतुर्धा ||५||
🔊 Audio coming soon
Adhikarana mUDhagarbhasyAparA catuHprakArA gatiH (6) · Śloka 6
saṅkīlakaḥ pratikhuraḥ parighō'tha bījastēṣūrdhvabāhucaraṇaiḥ śirasā ca yōnim | saṅgī ca yō bhavati kīlakavat sa kīlō dr̥śyaiḥ khuraiḥ pratikhuraṁ sa hi kāyasaṅgī | gacchēdbhujadvayaśirāḥ sa ca bījakākhyō yōnau sthitaḥ sa parighaḥ parighēṇa tulyaḥ ||6||
सङ्कीलकः प्रतिखुरः परिघोऽथ बीजस्तेषूर्ध्वबाहुचरणैः शिरसा च योनिम् | सङ्गी च यो भवति कीलकवत् स कीलो दृश्यैः खुरैः प्रतिखुरं स हि कायसङ्गी | गच्छेद्भुजद्वयशिराः स च बीजकाख्यो योनौ स्थितः स परिघः परिघेण तुल्यः ||६||
🔊 Audio coming soon
Adhikarana asAdhyamUDhagarbhagarbhiNyorlakShaNam (7) · Śloka 7
apaviddhaśirā yā tu śītāṅgī nirapatrapā | nīlōdgatasirā hanti sā garbhaṁ sa ca tāṁ tathā ||7|| (su. ni. a. 8) |
अपविद्धशिरा या तु शीताङ्गी निरपत्रपा | नीलोद्गतसिरा हन्ति सा गर्भं स च तां तथा ||७|| (सु. नि. अ. ८) |
🔊 Audio coming soon
Adhikarana antarmRutagarbhalakShaNam (8) · Śloka 8
garbhāspandanamāvīnāṁ praṇāśaḥ śyāvapāṇḍutā | bhavēducchvāsapūtitvaṁ śūnatā'ntarmr̥tē śiśau ||8|| (su. ni. a. 8) |
गर्भास्पन्दनमावीनां प्रणाशः श्यावपाण्डुता | भवेदुच्छ्वासपूतित्वं शूनताऽन्तर्मृते शिशौ ||८|| (सु. नि. अ. ८) |
🔊 Audio coming soon
Adhikarana mAnasAgantuduHkha-vyAdhibhedena dvividho garbhamaraNahetuH (9) · Śloka 9
mānasāgantubhirmāturupatāpaiḥ prapīḍitaḥ | garbhō vyāpadyatē kukṣau vyādhibhiśca nipīḍitaḥ ||9|| (su. ni. a. 8) |
मानसागन्तुभिर्मातुरुपतापैः प्रपीडितः | गर्भो व्यापद्यते कुक्षौ व्याधिभिश्च निपीडितः ||९|| (सु. नि. अ. ८) |
🔊 Audio coming soon
Adhikarana aparamasAdhyagarbhiNIlakShaNam (10-11) · Śloka 11
yōnisaṁvaraṇaṁ saṅgaḥ kukṣau makkalla ēva ca | hanyuḥ striyaṁ mūḍhagarbhāṁ yathōktāścāpyupadravāḥ ||10|| vāyuḥ prakupitaḥ kuryāt saṁrudhya rudhiraṁ srutam | sūtāyā hr̥cchirōbastiśūlaṁ makkallasañjñakam ||11||
योनिसंवरणं सङ्गः कुक्षौ मक्कल्ल एव च | हन्युः स्त्रियं मूढगर्भां यथोक्ताश्चाप्युपद्रवाः ||१०|| वायुः प्रकुपितः कुर्यात् संरुध्य रुधिरं स्रुतम् | सूताया हृच्छिरोबस्तिशूलं मक्कल्लसञ्ज्ञकम् ||११||
🔊 Audio coming soon
Adhikarana puShpikA · Śloka 64
iti śrīmādhavakaraviracitē mādhavanidānē mūḍhagarbhanidānaṁ samāptam ||64||
इति श्रीमाधवकरविरचिते माधवनिदाने मूढगर्भनिदानं समाप्तम् ||६४||
🔊 Audio coming soon