Adhikarana 1 (1-2) · Śloka 2
অথাতো লেখ্যরোগপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो लेख्यरोगप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
13. lēkhyarōgapratiṣēdhādhyāyaḥ
Adhikarana 2 (3-8) · Śloka 9
নব যেঽভিহিতা লেখ্যাঃ সামান্যস্তেষ্বযং বিধিঃ | স্নিগ্ধবান্তবিরিক্তস্য নিবাতাতপসদ্মনি ||৩|| (আপ্তৈর্দৃঢং গৃহীতস্য বেশ্মন্যুত্তানশাযিনঃ) | সুখোদকপ্রতপ্তেন বাসসা সুসমাহিতঃ | স্বেদযেদ্বর্ত্ম নির্ভুজ্য বামাঙ্গুষ্ঠাঙ্গুলিস্থিতম্ ||৪|| অঙ্গুল্যঙ্গুষ্ঠকাভ্যাং তু নি র্ভুগ্নং বর্ত্ম যত্নতঃ | প্লোতান্তরাভ্যাং ন যথা চলতি স্রংসতেঽপি বা ||৫|| ততঃ প্রমৃজ্য প্লোতেন বর্ত্ম শস্ত্রপদাঙ্কিতম্ | লিখেচ্ছস্ত্রেণ পত্রৈর্বা, ততো রক্তে স্থিতে পুনঃ ||৬|| স্বিন্নং মনোহ্বাকাসীসব্যোষার্দ্রাঞ্জনসৈন্ধবৈঃ | শ্লক্ষ্ণপিষ্টৈঃ সমাক্ষীকৈঃ প্রতিসার্যোষ্ণবারিণা ||৭|| প্রক্ষাল্য হবিষা সিক্তং ব্রণবত্ সমুপাচরেত্ | স্বেদাবপীডপ্রভৃতীংস্ত্র্যহাদূর্ধ্বং প্রযোজযেত্ ||৮|| ব্যাসতস্তে সমুদ্দিষ্টং বিধানং লেখ্যকর্মণি |৯|
View original
नव येऽभिहिता लेख्याः सामान्यस्तेष्वयं विधिः | स्निग्धवान्तविरिक्तस्य निवातातपसद्मनि ||३|| (आप्तैर्दृढं गृहीतस्य वेश्मन्युत्तानशायिनः) | सुखोदकप्रतप्तेन वाससा सुसमाहितः | स्वेदयेद्वर्त्म निर्भुज्य वामाङ्गुष्ठाङ्गुलिस्थितम् ||४|| अङ्गुल्यङ्गुष्ठकाभ्यां तु नि र्भुग्नं वर्त्म यत्नतः | प्लोतान्तराभ्यां न यथा चलति स्रंसतेऽपि वा ||५|| ततः प्रमृज्य प्लोतेन वर्त्म शस्त्रपदाङ्कितम् | लिखेच्छस्त्रेण पत्रैर्वा, ततो रक्ते स्थिते पुनः ||६|| स्विन्नं मनोह्वाकासीसव्योषार्द्राञ्जनसैन्धवैः | श्लक्ष्णपिष्टैः समाक्षीकैः प्रतिसार्योष्णवारिणा ||७|| प्रक्षाल्य हविषा सिक्तं व्रणवत् समुपाचरेत् | स्वेदावपीडप्रभृतींस्त्र्यहादूर्ध्वं प्रयोजयेत् ||८|| व्यासतस्ते समुद्दिष्टं विधानं लेख्यकर्मणि |९|
🔊 Audio coming soon
Adhikarana 3 (9) · Śloka 10
অসৃগাস্রাবরহিতং কণ্ডূশোফবিবর্জিতম্ ||৯|| সমং নখনিভং বর্ত্ম লিখিতং সম্যগিষ্যতে |১০|
View original
असृगास्रावरहितं कण्डूशोफविवर्जितम् ||९|| समं नखनिभं वर्त्म लिखितं सम्यगिष्यते |१०|
🔊 Audio coming soon
Adhikarana 4 (10-12) · Śloka 12
রক্তমক্ষি স্রবেত্ স্কন্নং ক্ষতাচ্ছস্ত্রকৃতাদ্ধ্রুবম্ ||১০|| রাগশোফপরিস্রাবাস্তিমিরং ব্যাধ্যনির্জযঃ | বর্ত্ম শ্যাবং গুরু স্তব্ধং কণ্ডূহর্ষোপদেহবত্ ||১১|| নেত্রপাকমুদীর্ণং বা কুর্বীতাপ্রতিকারিণঃ | এতদ্দুর্লিখিতং জ্ঞেযং স্নেহযিত্বা পুনার্লিখেত্ ||১২||
View original
रक्तमक्षि स्रवेत् स्कन्नं क्षताच्छस्त्रकृताद्ध्रुवम् ||१०|| रागशोफपरिस्रावास्तिमिरं व्याध्यनिर्जयः | वर्त्म श्यावं गुरु स्तब्धं कण्डूहर्षोपदेहवत् ||११|| नेत्रपाकमुदीर्णं वा कुर्वीताप्रतिकारिणः | एतद्दुर्लिखितं ज्ञेयं स्नेहयित्वा पुनार्लिखेत् ||१२||
🔊 Audio coming soon
Adhikarana 5 (13) · Śloka 14
ব্যাবর্ততে যদা বর্ত্ম পক্ষ্ম চাপি বিমুহ্যতি | স্যাত্ সরুক্ স্রাববহুলং তদতিস্রাবিতং বিদুঃ ||১৩|| স্নেহস্বেদাদিরিষ্টঃ স্যাত্ ক্রমস্তত্রানিলাপহঃ |১৪|
View original
व्यावर्तते यदा वर्त्म पक्ष्म चापि विमुह्यति | स्यात् सरुक् स्रावबहुलं तदतिस्रावितं विदुः ||१३|| स्नेहस्वेदादिरिष्टः स्यात् क्रमस्तत्रानिलापहः |१४|
🔊 Audio coming soon
Adhikarana 6 (14) · Śloka 15
বর্ত্মাববন্ধং ক্লিষ্টং চ বহলং যচ্চ কীর্তিতম্ ||১৪|| পোথকীশ্চাপ্যবলিখেত্ প্রচ্ছযিত্বাঽগ্রতঃ শনৈঃ |১৫|
View original
वर्त्मावबन्धं क्लिष्टं च बहलं यच्च कीर्तितम् ||१४|| पोथकीश्चाप्यवलिखेत् प्रच्छयित्वाऽग्रतः शनैः |१५|
🔊 Audio coming soon
Adhikarana 7 (15) · Śloka 15
সমং লিখেত্তু মেধাবী শ্যাবকর্দমবর্ত্মনী ||১৫||
View original
समं लिखेत्तु मेधावी श्यावकर्दमवर्त्मनी ||१५||
🔊 Audio coming soon
Adhikarana 8 (16) · Śloka 16
কুম্ভীকিনীং শর্করাং চ তথৈবোত্সঙ্গিনীমপি | কল্পযিত্বা তু শস্ত্রেণ লিখেত্ পশ্চাদতন্দ্রিতঃ ||১৬||
View original
कुम्भीकिनीं शर्करां च तथैवोत्सङ्गिनीमपि | कल्पयित्वा तु शस्त्रेण लिखेत् पश्चादतन्द्रितः ||१६||
🔊 Audio coming soon
Adhikarana 9 (17) · Śloka 17
ভবেযুর্বর্ত্মসু চ যাঃ পিডকাঃ কঠিনা ভৃশম্ | হ্রস্বাস্তাম্রাশ্চ তাঃ পক্বা ভিন্দ্যাদ্ভিন্না লিখেদপি ||১৭||
View original
भवेयुर्वर्त्मसु च याः पिडकाः कठिना भृशम् | ह्रस्वास्ताम्राश्च ताः पक्वा भिन्द्याद्भिन्ना लिखेदपि ||१७||
🔊 Audio coming soon
Adhikarana 10 (18) · Śloka 18
তরুণীশ্চাল্পসংরম্ভা পিডকা বাহ্যবর্ত্মজাঃ | বিদিত্বৈতাঃ প্রশমযেত্ স্বেদালেপনশোধনৈঃ ||১৮||
View original
तरुणीश्चाल्पसंरम्भा पिडका बाह्यवर्त्मजाः | विदित्वैताः प्रशमयेत् स्वेदालेपनशोधनैः ||१८||
🔊 Audio coming soon
Adhikarana puShpikA · Śloka 13
ইতি সুশুতসংহিতাযামুত্তরতন্ত্রান্তর্গতে শালাক্যতন্ত্রে লেখ্যরোগপ্রতিষেধো নাম ত্রযোদশোঽধ্যাযঃ ||১৩||
View original
इति सुशुतसंहितायामुत्तरतन्त्रान्तर्गते शालाक्यतन्त्रे लेख्यरोगप्रतिषेधो नाम त्रयोदशोऽध्यायः ||१३||
🔊 Audio coming soon