35. mukhamaṇḍikāpratiṣēdhādhyāyaḥ

Adhikarana 1 (1-2) · Śloka 2

അഥാതോ മുഖമണ്ഡികാപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||

Adhikarana 2 (3) · Śloka 3

കപിത്ഥബില്വതര്കാരീവാംശീഗന്ധര്വഹസ്തകാഃ | കുബേരാക്ഷീ ച യോജ്യാഃ സ്യുര്ബാലാനാം പരിഷേചനേ ||൩||

Adhikarana 3 (4) · Śloka 4

സ്വരസൈര്ഭൃങ്ഗവൃക്ഷാണാം തഥാऽജഹരിഗന്ധയോഃ | തൈലം വസാം ച സംയോജ്യ പചേദഭ്യഞ്ജനേ ശിശോഃ ||൪||

Adhikarana 4 (5) · Śloka 5

മധൂലികായാം പയസി തുഗാക്ഷീര്യാം ഗണേ തഥാ | മധുരേ പഞ്ചമൂലേ ച കനീയസി ഘൃതം പചേത് ||൫||

Adhikarana 5 (6-8) · Śloka 8

വചാ സര്ജരസഃ കുഷ്ഠം സര്പിശ്ചോദ്ധൂപനം ഹിതമ് | ധാരയേദപി ജിഹ്വാശ്ച ചാഷചീരല്ലിസര്പജാഃ ||൬|| വര്ണകം ചൂര്ണകം മാല്യമഞ്ജനം പാരദം തഥാ | മനഃശിലാം ചോപഹരേദ്ഗോഷ്ഠമധ്യേ ബലിം തഥാ ||൭|| പായസം സപുരോഡാശം ബല്യര്ഥമുപസംഹരേത് | മന്ത്രപൂതാഭിരദ്ഭിശ്ച തത്രൈവ സ്നപനം ഹിതമ് ||൮||

Adhikarana 6 (9) · Śloka 9

അലങ്കൃതാ രൂപവതീ സുഭഗാ കാമരൂപിണീ | ഗോഷ്ഠമധ്യാലയരതാ പാതു ത്വാം മുഖമണ്ഡികാ ||൯||

Adhikarana puShpikA · Śloka 35

ഇതി സുശ്രുതസംഹിതായാമുത്തരതന്ത്രാന്തര്ഗതേ കുമാരതന്ത്രേ മുഖമണ്ഡികാപ്രതിഷേധോ നാമ(നവമോऽധ്യായഃ, ആദിതഃ) പഞ്ചത്രിംശത്തമോऽധ്യായഃ ||൩൫||