35. mukhamaṇḍikāpratiṣēdhādhyāyaḥ

Adhikarana 1 (1-2) · Śloka 2

ಅಥಾತೋ ಮುಖಮಣ್ಡಿಕಾಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3) · Śloka 3

ಕಪಿತ್ಥಬಿಲ್ವತರ್ಕಾರೀವಾಂಶೀಗನ್ಧರ್ವಹಸ್ತಕಾಃ | ಕುಬೇರಾಕ್ಷೀ ಚ ಯೋಜ್ಯಾಃ ಸ್ಯುರ್ಬಾಲಾನಾಂ ಪರಿಷೇಚನೇ ||೩||

Adhikarana 3 (4) · Śloka 4

ಸ್ವರಸೈರ್ಭೃಙ್ಗವೃಕ್ಷಾಣಾಂ ತಥಾಽಜಹರಿಗನ್ಧಯೋಃ | ತೈಲಂ ವಸಾಂ ಚ ಸಂಯೋಜ್ಯ ಪಚೇದಭ್ಯಞ್ಜನೇ ಶಿಶೋಃ ||೪||

Adhikarana 4 (5) · Śloka 5

ಮಧೂಲಿಕಾಯಾಂ ಪಯಸಿ ತುಗಾಕ್ಷೀರ್ಯಾಂ ಗಣೇ ತಥಾ | ಮಧುರೇ ಪಞ್ಚಮೂಲೇ ಚ ಕನೀಯಸಿ ಘೃತಂ ಪಚೇತ್ ||೫||

Adhikarana 5 (6-8) · Śloka 8

ವಚಾ ಸರ್ಜರಸಃ ಕುಷ್ಠಂ ಸರ್ಪಿಶ್ಚೋದ್ಧೂಪನಂ ಹಿತಮ್ | ಧಾರಯೇದಪಿ ಜಿಹ್ವಾಶ್ಚ ಚಾಷಚೀರಲ್ಲಿಸರ್ಪಜಾಃ ||೬|| ವರ್ಣಕಂ ಚೂರ್ಣಕಂ ಮಾಲ್ಯಮಞ್ಜನಂ ಪಾರದಂ ತಥಾ | ಮನಃಶಿಲಾಂ ಚೋಪಹರೇದ್ಗೋಷ್ಠಮಧ್ಯೇ ಬಲಿಂ ತಥಾ ||೭|| ಪಾಯಸಂ ಸಪುರೋಡಾಶಂ ಬಲ್ಯರ್ಥಮುಪಸಂಹರೇತ್ | ಮನ್ತ್ರಪೂತಾಭಿರದ್ಭಿಶ್ಚ ತತ್ರೈವ ಸ್ನಪನಂ ಹಿತಮ್ ||೮||

Adhikarana 6 (9) · Śloka 9

ಅಲಙ್ಕೃತಾ ರೂಪವತೀ ಸುಭಗಾ ಕಾಮರೂಪಿಣೀ | ಗೋಷ್ಠಮಧ್ಯಾಲಯರತಾ ಪಾತು ತ್ವಾಂ ಮುಖಮಣ್ಡಿಕಾ ||೯||

Adhikarana puShpikA · Śloka 35

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ಮುಖಮಣ್ಡಿಕಾಪ್ರತಿಷೇಧೋ ನಾಮ(ನವಮೋಽಧ್ಯಾಯಃ, ಆದಿತಃ) ಪಞ್ಚತ್ರಿಂಶತ್ತಮೋಽಧ್ಯಾಯಃ ||೩೫||