35. mukhamaṇḍikāpratiṣēdhādhyāyaḥ

Adhikarana 1 (1-2) · Śloka 2

અથાતો મુખમણ્ડિકાપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3) · Śloka 3

કપિત્થબિલ્વતર્કારીવાંશીગન્ધર્વહસ્તકાઃ | કુબેરાક્ષી ચ યોજ્યાઃ સ્યુર્બાલાનાં પરિષેચને ||૩||

Adhikarana 3 (4) · Śloka 4

સ્વરસૈર્ભૃઙ્ગવૃક્ષાણાં તથાઽજહરિગન્ધયોઃ | તૈલં વસાં ચ સંયોજ્ય પચેદભ્યઞ્જને શિશોઃ ||૪||

Adhikarana 4 (5) · Śloka 5

મધૂલિકાયાં પયસિ તુગાક્ષીર્યાં ગણે તથા | મધુરે પઞ્ચમૂલે ચ કનીયસિ ઘૃતં પચેત્ ||૫||

Adhikarana 5 (6-8) · Śloka 8

વચા સર્જરસઃ કુષ્ઠં સર્પિશ્ચોદ્ધૂપનં હિતમ્ | ધારયેદપિ જિહ્વાશ્ચ ચાષચીરલ્લિસર્પજાઃ ||૬|| વર્ણકં ચૂર્ણકં માલ્યમઞ્જનં પારદં તથા | મનઃશિલાં ચોપહરેદ્ગોષ્ઠમધ્યે બલિં તથા ||૭|| પાયસં સપુરોડાશં બલ્યર્થમુપસંહરેત્ | મન્ત્રપૂતાભિરદ્ભિશ્ચ તત્રૈવ સ્નપનં હિતમ્ ||૮||

Adhikarana 6 (9) · Śloka 9

અલઙ્કૃતા રૂપવતી સુભગા કામરૂપિણી | ગોષ્ઠમધ્યાલયરતા પાતુ ત્વાં મુખમણ્ડિકા ||૯||

Adhikarana puShpikA · Śloka 35

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે મુખમણ્ડિકાપ્રતિષેધો નામ(નવમોઽધ્યાયઃ, આદિતઃ) પઞ્ચત્રિંશત્તમોઽધ્યાયઃ ||૩૫||