31. rēvatīpratiṣēdhādhyāyaḥ

Adhikarana 1 (1-2) · Śloka 2

અથાતો રેવતીપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3) · Śloka 3

અશ્વગન્ધા ચ શૃઙ્ગી ચ સારિવા સપુનર્નવા | સહે તથા વિદારી ચ કષાયાઃ સેચને હિતાઃ ||૩||

Adhikarana 3 (4) · Śloka 4

તૈલમભ્યઞ્જને કાર્યં કુષ્ઠે સર્જરસેઽપિ ચ | પલઙ્કષાયાં નલદે તથા ગિરિકદમ્બકે ||૪||

Adhikarana 4 (5) · Śloka 5

ધવાશ્વકર્ણકકુભધાતકીતિન્દુકીષુ ચ | કાકોલ્યાદિગણે ચૈવ પાનીયં સર્પિરિષ્યતે ||૫||

Adhikarana 5 (6-8) · Śloka 9

કુલત્થાઃ શઙ્ખચૂર્ણં ચ પ્રદેહઃ સાર્વગન્ધિકઃ | ગૃધ્રોલૂકપુરીષાણિ યવા યવફલો ઘૃતમ્ ||૬|| સન્ધ્યયોરુભયોઃ કાર્યમેતદુદ્ધૂપનં શિશોઃ | વરુણારિષ્ટકમયં રુચકં સૈન્દુકં તથા ||૭|| સતતં ધારયેચ્ચાપિ કૃતં વા પૌત્રજીવિકમ્ | શુક્લાઃ સુમનસો લાજાઃ પયઃ શાલ્યોદનં તથા ||૮|| બલિર્નિવેદ્યો ગોતીર્થે રેવત્યૈ પ્રયતાત્મના |૯|

Adhikarana 6 (9-11) · Śloka 11

સઙ્ગમે ચ ભિષક્ સ્નાનં કુર્યાદ્ધાત્રીકુમારયોઃ ||૯|| નાનાવસ્ત્રધરા દેવી ચિત્રમાલ્યાનુલેપના | ચલત્કુણ્ડલિની શ્યામા રેવતી તે પ્રસીદતુ ||૧૦|| ઉપાસતે યાં સતતં દેવ્યો વિવિધભૂષણાઃ | લમ્બા કરાલા વિનતા તથૈવ બહુપુત્રિકા | રેવતી શુષ્કનામા યા સા તે દેવી પ્રસીદતુ ||૧૧||

Adhikarana puShpikA · Śloka 31

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે રેવતીપ્રતિષેધો નામ (પઞ્ચમોઽધ્યાયઃ, આદિતઃ) એકત્રિંશોઽધ્યાયઃ ||૩૧||