31. rēvatīpratiṣēdhādhyāyaḥ

Adhikarana 1 (1-2) · Śloka 2

అథాతో రేవతీప్రతిషేధం వ్యాఖ్యాస్యామః ||1|| యథోవాచ భగవాన్ ధన్వంతరిః ||2||

Adhikarana 2 (3) · Śloka 3

అశ్వగంధా చ శృంగీ చ సారివా సపునర్నవా | సహే తథా విదారీ చ కషాయాః సేచనే హితాః ||3||

Adhikarana 3 (4) · Śloka 4

తైలమభ్యంజనే కార్యం కుష్ఠే సర్జరసేఽపి చ | పలంకషాయాం నలదే తథా గిరికదంబకే ||4||

Adhikarana 4 (5) · Śloka 5

ధవాశ్వకర్ణకకుభధాతకీతిందుకీషు చ | కాకోల్యాదిగణే చైవ పానీయం సర్పిరిష్యతే ||5||

Adhikarana 5 (6-8) · Śloka 9

కులత్థాః శంఖచూర్ణం చ ప్రదేహః సార్వగంధికః | గృధ్రోలూకపురీషాణి యవా యవఫలో ఘృతం ||6|| సంధ్యయోరుభయోః కార్యమేతదుద్ధూపనం శిశోః | వరుణారిష్టకమయం రుచకం సైందుకం తథా ||7|| సతతం ధారయేచ్చాపి కృతం వా పౌత్రజీవికం | శుక్లాః సుమనసో లాజాః పయః శాల్యోదనం తథా ||8|| బలిర్నివేద్యో గోతీర్థే రేవత్యై ప్రయతాత్మనా |9|

Adhikarana 6 (9-11) · Śloka 11

సంగమే చ భిషక్ స్నానం కుర్యాద్ధాత్రీకుమారయోః ||9|| నానావస్త్రధరా దేవీ చిత్రమాల్యానులేపనా | చలత్కుండలినీ శ్యామా రేవతీ తే ప్రసీదతు ||10|| ఉపాసతే యాం సతతం దేవ్యో వివిధభూషణాః | లంబా కరాలా వినతా తథైవ బహుపుత్రికా | రేవతీ శుష్కనామా యా సా తే దేవీ ప్రసీదతు ||11||

Adhikarana puShpikA · Śloka 31

ఇతి సుశ్రుతసంహితాయాముత్తరతంత్రాంతర్గతే కుమారతంత్రే రేవతీప్రతిషేధో నామ (పంచమోఽధ్యాయః, ఆదితః) ఏకత్రింశోఽధ్యాయః ||31||