Adhikarana pANDurogashophavisarpanidAnAdhyAyaH, pANDurogasya saMprAptiH (2-4) · Śloka 4
যতো যথৈবোদরং দোষসঙ্ঘাতজং তথৈতেঽপি, ইত্যাহ - - - - অথাতঃ পাণ্ডুরোগশোফবিসর্পনিদানং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে)||২||
পিত্তপ্রধানাঃ কুপিতা যথোক্তৈঃ কোপনৈর্মলাঃ|
তত্রানিলেন বলিনা ক্ষিপ্তং পিত্তং হৃদি স্থিতম্||১||
ধমনীর্দশ সম্প্রাপ্য ব্যাপ্নুবত্সকলাং তনুম্|
শ্লেষ্মত্বগ্রক্তমাংসানি প্রদূষ্যান্তরমাশ্রিতম্||২||
ত্বঙ্মাংসযোস্তত্কুরুতে ত্বচি বর্ণান্ পৃথগ্বিধান্|
পাণ্ডুহারিদ্রহরিতান্ পাণ্ডুত্বং তেষু চাধিকম্||৩||
যতোঽতঃ পাণ্ডুরিত্যুক্তঃ স রোগঃ|
|৪|
View original
यतो यथैवोदरं दोषसङ्घातजं तथैतेऽपि, इत्याह - - - - अथातः पाण्डुरोगशोफविसर्पनिदानं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे)||२||
पित्तप्रधानाः कुपिता यथोक्तैः कोपनैर्मलाः|
तत्रानिलेन बलिना क्षिप्तं पित्तं हृदि स्थितम्||१||
धमनीर्दश सम्प्राप्य व्याप्नुवत्सकलां तनुम्|
श्लेष्मत्वग्रक्तमांसानि प्रदूष्यान्तरमाश्रितम्||२||
त्वङ्मांसयोस्तत्कुरुते त्वचि वर्णान् पृथग्विधान्|
पाण्डुहारिद्रहरितान् पाण्डुत्वं तेषु चाधिकम्||३||
यतोऽतः पाण्डुरित्युक्तः स रोगः|
|४|
Adhikarana pANDurogasya sAmAnyalakShaNam (4-7) · Śloka 7
তেন গৌরবম্|
ধাতূনাং স্যাচ্চ শৈথিল্যমোজসশ্চ গুণক্ষযঃ||৪||
ততোঽল্পরক্তমেদস্কো নিঃসারঃ স্যাচ্ছ্লথেন্দ্রিযঃ|
মৃদ্যমানৈরিবাঙ্গৈর্না দ্রবতা হৃদযেন চ||৫||
শূনাক্ষিকূটঃ সদনঃ কোপনঃ ষ্ঠীবনোঽল্পবাক্|
অন্নদ্বিট্ শিশিরদ্বেষী শীর্ণরোমা হতানলঃ||৬||
সন্নসক্থো জ্বরী শ্বাসী কর্ণক্ষ্বেডী ভ্রমী শ্রমী|
|৭|
View original
तेन गौरवम्|
धातूनां स्याच्च शैथिल्यमोजसश्च गुणक्षयः||४||
ततोऽल्परक्तमेदस्को निःसारः स्याच्छ्लथेन्द्रियः|
मृद्यमानैरिवाङ्गैर्ना द्रवता हृदयेन च||५||
शूनाक्षिकूटः सदनः कोपनः ष्ठीवनोऽल्पवाक्|
अन्नद्विट् शिशिरद्वेषी शीर्णरोमा हतानलः||६||
सन्नसक्थो ज्वरी श्वासी कर्णक्ष्वेडी भ्रमी श्रमी|
|७|
Adhikarana pANDurogasya pa~jcavidhatvam (7) · Śloka 7
|
স পঞ্চধা পৃথগ্দোষৈঃ সমস্তৈর্মৃত্তিকাদনাত্||৭||
View original
|
स पञ्चधा पृथग्दोषैः समस्तैर्मृत्तिकादनात्||७||
Adhikarana pANDurogasya pUrvarUpam (8-9) · Śloka 9
প্রাগ্রূপমস্য হৃদযস্পন্দনং রূক্ষতা ত্বচি|
অরুচিঃ পীতমূত্রত্বং স্বেদাভাবোঽল্পবহ্নিতা||৮||
সাদঃ শ্রমো|
|৯|
View original
प्राग्रूपमस्य हृदयस्पन्दनं रूक्षता त्वचि|
अरुचिः पीतमूत्रत्वं स्वेदाभावोऽल्पवह्निता||८||
सादः श्रमो|
|९|
Adhikarana vAtajasya lakShaNam (9-10) · Śloka 10
অনিলাত্তত্র গাত্ররুক্তোদকম্পনম্|
কৃষ্ণরূক্ষারুণসিরানখবিণ্মূত্রনেত্রতা||৯||
শোফানাহাস্যবৈরস্যবিট্শোষাঃ পার্শ্বমূর্ধরুক্|
|১০|
View original
अनिलात्तत्र गात्ररुक्तोदकम्पनम्|
कृष्णरूक्षारुणसिरानखविण्मूत्रनेत्रता||९||
शोफानाहास्यवैरस्यविट्शोषाः पार्श्वमूर्धरुक्|
|१०|
Adhikarana pittajasya lakShaNam (10-11) · Śloka 11
|
পিত্তাদ্ধরিতপীতাভসিরাদিত্বং জ্বরস্তমঃ||১০||
তৃট্স্বেদমূর্চ্ছাশীতেচ্ছা দৌর্গন্ধ্যং কটুবক্ক্রতা|
বর্চোভেদোঽম্লকো দাহঃ|১১|
View original
|
पित्ताद्धरितपीताभसिरादित्वं ज्वरस्तमः||१०||
तृट्स्वेदमूर्च्छाशीतेच्छा दौर्गन्ध्यं कटुवक्क्रता|
वर्चोभेदोऽम्लको दाहः|११|
Adhikarana kaphajasya lakShaNam (11-12) · Śloka 12
|
কফাচ্ছুক্লসিরাদিতা||১১||
তন্দ্রা লবণবক্ত্রত্বং রোমহর্ষঃ স্বরক্ষযঃ কাসশ্চছর্দিশ্চ|
|১২|
View original
|
कफाच्छुक्लसिरादिता||११||
तन्द्रा लवणवक्त्रत्वं रोमहर्षः स्वरक्षयः कासश्चछर्दिश्च|
|१२|
Adhikarana sannipAtajasya lakShaNam (12) · Śloka 12
|
নিচযান্মিশ্রলিঙ্গোঽতিদুঃসহঃ||১২||
View original
|
निचयान्मिश्रलिङ्गोऽतिदुःसहः||१२||
Adhikarana mRuttikAjasya lakShaNam (13-15) · Śloka 15
মৃত্কষাযাঽনিলং পিত্তমূষরা মধুরা কফম্|
দূষযিত্বা রসাদীংশ্চ রৌক্ষ্যাদ্ভুক্তং বিরূক্ষ্য চ||১৩||
স্রোতাংস্যপক্বৈবাপূর্য কুর্যাদ্রুদ্ধ্বা চ পূর্ববত্|
পাণ্ডুরোগং ততঃ শূননাভিপাদাস্যমেহনঃ||১৪||
পুরীষং কৃমিমন্মুঞ্চেদ্ভিন্নং সাসৃক্কফং নরঃ|
|১৫|
View original
मृत्कषायाऽनिलं पित्तमूषरा मधुरा कफम्|
दूषयित्वा रसादींश्च रौक्ष्याद्भुक्तं विरूक्ष्य च||१३||
स्रोतांस्यपक्वैवापूर्य कुर्याद्रुद्ध्वा च पूर्ववत्|
पाण्डुरोगं ततः शूननाभिपादास्यमेहनः||१४||
पुरीषं कृमिमन्मुञ्चेद्भिन्नं सासृक्कफं नरः|
|१५|
Adhikarana kAmalAyAH lakShaNam (15-17) · Śloka 17
অথ প্রতিজ্ঞাবাক্যেঽনুক্তামপি কামলাং তুল্যহেত্বাদিকত্বাত্ প্রদর্শযন্নাহ - - - - |
যঃ পাণ্ডুরোগী সেবেত পিত্তলং তস্য কামলাম্||১৫||
কোষ্ঠশাখাশ্রযাং পিত্তং দগ্ধ্বাঽসৃঙ্মাংসমাবহেত্|
হারিদ্রনেত্রমূত্রত্বঙ্নখবক্ত্রশকৃত্তযা||১৬||
দাহাবিপাকতৃষ্ণাবান্ ভেকাভো দুর্বলেন্দ্রিযঃ||১৭||
কিং পাণ্ডুরোগিণ এব পিত্তলান্যাসেবমানস্য কামলা ভবেত্, উতাপাণ্ডুরোগিণোঽপি ? ইত্যাহ - - - - ভবেত্পিত্তোল্বণস্যাসৌ পাণ্ডুরোগাদৃতেঽপি চ||১৭||
View original
अथ प्रतिज्ञावाक्येऽनुक्तामपि कामलां तुल्यहेत्वादिकत्वात् प्रदर्शयन्नाह - - - - |
यः पाण्डुरोगी सेवेत पित्तलं तस्य कामलाम्||१५||
कोष्ठशाखाश्रयां पित्तं दग्ध्वाऽसृङ्मांसमावहेत्|
हारिद्रनेत्रमूत्रत्वङ्नखवक्त्रशकृत्तया||१६||
दाहाविपाकतृष्णावान् भेकाभो दुर्बलेन्द्रियः||१७||
किं पाण्डुरोगिण एव पित्तलान्यासेवमानस्य कामला भवेत्, उतापाण्डुरोगिणोऽपि ? इत्याह - - - - भवेत्पित्तोल्बणस्यासौ पाण्डुरोगादृतेऽपि च||१७||
Adhikarana kumbhakAmalAyAH lakShaNam (18) · Śloka 18
উপেক্ষযা চ শোফাঢ্যা সা কৃচ্ছ্রা কুম্ভকামলা|
|১৮|
View original
उपेक्षया च शोफाढ्या सा कृच्छ्रा कुम्भकामला|
|१८|
Adhikarana halImakasya lakShaNam (18-20) · Śloka 20
হলীমকং লক্ষযতি - - - - |
হরিতশ্যাবপীতত্বং পাণ্ডুরোগে যদা ভবেত্||১৮||
বাতপিত্তাদ্ভ্রমস্তৃষ্ণা স্ত্রীষ্বহর্ষো মৃদুর্জ্বরঃ|
তন্দ্রাবলানলভ্রংশো লোঢরং তং হলীমকম্||১৯||
অলসং চেতি শংসন্তি|
|২০|
View original
हलीमकं लक्षयति - - - - |
हरितश्यावपीतत्वं पाण्डुरोगे यदा भवेत्||१८||
वातपित्ताद्भ्रमस्तृष्णा स्त्रीष्वहर्षो मृदुर्ज्वरः|
तन्द्राबलानलभ्रंशो लोढरं तं हलीमकम्||१९||
अलसं चेति शंसन्ति|
|२०|
Adhikarana shophasya saMprAptiH (20-22) · Śloka 22
তেষাং পূর্বমুপদ্রবাঃ|
শোফপ্রধানাঃ কথিতাঃ স এবাতো নিগদ্যতে||২০||
ইতি পাণ্ডুরোগনিদানম্|
অথ শোফনিদানম্|
পিত্তরক্তকফান্বাযুর্দুষ্টো দুষ্টান্ বহিঃসিরাঃ|
নীত্বা রুদ্ধগতিস্তৈর্হি কুর্যাত্ত্বঙ্মাংসসংশ্রযম্||২১||
উত্সেধং সংহতং শোফং তমাহুর্নিচযাদতঃ|
সর্বং|২২|
View original
तेषां पूर्वमुपद्रवाः|
शोफप्रधानाः कथिताः स एवातो निगद्यते||२०||
इति पाण्डुरोगनिदानम्|
अथ शोफनिदानम्|
पित्तरक्तकफान्वायुर्दुष्टो दुष्टान् बहिःसिराः|
नीत्वा रुद्धगतिस्तैर्हि कुर्यात्त्वङ्मांससंश्रयम्||२१||
उत्सेधं संहतं शोफं तमाहुर्निचयादतः|
सर्वं|२२|
Adhikarana shophasya navavidhatvam (22-23) · Śloka 23
ননু, এবং সতীদং বিরুধ্যতে "দোষৈঃ পৃথগ্দ্বযৈঃ সর্বৈ" ইতি|
অত আহ - - - - |
হেতুবিশেষৈস্তু রূপভেদান্নবাত্মকম্||২২||
দোষৈঃ পৃথগ্দ্বযৈঃ সর্বৈরভিঘাতাদ্বিষাদপি|
|২৩|
View original
ननु, एवं सतीदं विरुध्यते "दोषैः पृथग्द्वयैः सर्वै" इति|
अत आह - - - - |
हेतुविशेषैस्तु रूपभेदान्नवात्मकम्||२२||
दोषैः पृथग्द्वयैः सर्वैरभिघाताद्विषादपि|
|२३|
Adhikarana shophasya dvidhAtvam (23-24) · Śloka 24
|
দ্বিধা বা নিজমাগন্তুং সর্বাঙ্গৈকাঙ্গজং চ তম্||২৩||
পৃথূন্নতগ্রথিততাবিশেষৈশ্চ ত্রিধা বিদুঃ|
|২৪|
View original
|
द्विधा वा निजमागन्तुं सर्वाङ्गैकाङ्गजं च तम्||२३||
पृथून्नतग्रथितताविशेषैश्च त्रिधा विदुः|
|२४|
Adhikarana shophasya tridhAtvam, shophasya nidAnasaMprAptI (24-29) · Śloka 29
|
সামান্যহেতুঃ শোফানাং দোষজানাং বিশেষতঃ||২৪||
ব্যাধিকর্মোপবাসাদিক্ষীণস্য ভজতো দ্রুতম্|
অতিমাত্রমথান্যস্য গুর্বম্লস্নিগ্ধশীতলম্||২৫||
লবণক্ষারতীক্ষ্ণোষ্ণশাকাম্বু স্বপ্নজাগরম্|
মৃদ্গ্রাম্যমাংসবল্লূরমজীর্ণশ্রমমৈথুনম্||২৬||
পদাতের্মার্গগমনং যানেন ক্ষোভিণাঽপি বা|
শ্বাসকাসাতিসারার্শোজঠরপ্রদরজ্বরাঃ||২৭||
বিষূচ্যলসকচ্ছর্দিগর্ভবীসর্পপাণ্ডবঃ|
অন্যে চ মিথ্যোপক্রান্তাস্তৈর্দোষা বক্ষসি স্থিতাঃ||২৮||
ঊর্ধ্বং শোফমধো বস্তৌ মধ্যে কুর্বন্তি মধ্যগাঃ|
সর্বাঙ্গগাঃ সর্বগতং প্রত্যঙ্গেষু তদাশ্রযাঃ||২৯||
View original
|
सामान्यहेतुः शोफानां दोषजानां विशेषतः||२४||
व्याधिकर्मोपवासादिक्षीणस्य भजतो द्रुतम्|
अतिमात्रमथान्यस्य गुर्वम्लस्निग्धशीतलम्||२५||
लवणक्षारतीक्ष्णोष्णशाकाम्बु स्वप्नजागरम्|
मृद्ग्राम्यमांसवल्लूरमजीर्णश्रममैथुनम्||२६||
पदातेर्मार्गगमनं यानेन क्षोभिणाऽपि वा|
श्वासकासातिसारार्शोजठरप्रदरज्वराः||२७||
विषूच्यलसकच्छर्दिगर्भवीसर्पपाण्डवः|
अन्ये च मिथ्योपक्रान्तास्तैर्दोषा वक्षसि स्थिताः||२८||
ऊर्ध्वं शोफमधो बस्तौ मध्ये कुर्वन्ति मध्यगाः|
सर्वाङ्गगाः सर्वगतं प्रत्यङ्गेषु तदाश्रयाः||२९||
Adhikarana shophasya pUrvarUpam (30) · Śloka 30
তত্পূর্বরূপং দবথুঃ সিরাযামোঽঙ্গগৌরবম্|
|৩০|
View original
तत्पूर्वरूपं दवथुः सिरायामोऽङ्गगौरवम्|
|३०|
Adhikarana vAtajasya lakShaNam (30-32) · Śloka 32
|
বাতাচ্ছোফশ্চলো রূক্ষঃ খররোমাঽরুণাসিতঃ||৩০||
সঙ্কোচস্পন্দহর্ষার্তিতোদভেদপ্রসুপ্তিমান্|
ক্ষিপ্রোত্থানশমঃ শীঘ্রমুন্নমেত্পীডিতস্তনুঃ||৩১||
স্নিগ্ধোষ্ণমর্দনৈঃ শাম্যেদ্রাত্রাবল্পো দিবা মহান্|
ত্বক্ চ সর্ষপলিপ্তেব তস্মিংশ্চিমিচিমাযতে||৩২||
View original
|
वाताच्छोफश्चलो रूक्षः खररोमाऽरुणासितः||३०||
सङ्कोचस्पन्दहर्षार्तितोदभेदप्रसुप्तिमान्|
क्षिप्रोत्थानशमः शीघ्रमुन्नमेत्पीडितस्तनुः||३१||
स्निग्धोष्णमर्दनैः शाम्येद्रात्रावल्पो दिवा महान्|
त्वक् च सर्षपलिप्तेव तस्मिंश्चिमिचिमायते||३२||
Adhikarana pittajasya lakShaNam (33-34) · Śloka 34
পীতরক্তাসিতাভাসঃ পিত্তাদাতাম্ররোমকৃত্|
শীঘ্রানুসারপ্রশমো মধ্যে প্রাগ্জাযতে তনুঃ||৩৩||
সতৃড্দাহজ্বরস্বেদদবক্লেদমদভ্রমঃ|
শীতাভিলাষী বিড্ভেদী গন্ধী স্পর্শাসহো মৃদুঃ||৩৪||
View original
पीतरक्तासिताभासः पित्तादाताम्ररोमकृत्|
शीघ्रानुसारप्रशमो मध्ये प्राग्जायते तनुः||३३||
सतृड्दाहज्वरस्वेददवक्लेदमदभ्रमः|
शीताभिलाषी विड्भेदी गन्धी स्पर्शासहो मृदुः||३४||
Adhikarana kaphajasya lakShaNam (35-37) · Śloka 37
কণ্ডূমান্ পাণ্ডুরোমত্বক্কঠিনঃ শীতলো গুরুঃ|
স্নিগ্ধঃ শ্লক্ষ্ণঃ স্থিরঃ স্ত্যানো নিদ্রাচ্ছর্দ্যগ্নিসাদকৃত্||৩৫||
আক্রান্তো নোন্নমেত্কৃচ্ছ্রশমজন্মা নিশাবলঃ|
স্রবেন্নাসৃক্ চিরাত্পিচ্ছাং কুশশস্ত্রাদিবিক্ষতঃ||৩৬||
স্পর্শোষ্ণকাঙ্ক্ষী চ কফাত্|
|৩৭|
View original
कण्डूमान् पाण्डुरोमत्वक्कठिनः शीतलो गुरुः|
स्निग्धः श्लक्ष्णः स्थिरः स्त्यानो निद्राच्छर्द्यग्निसादकृत्||३५||
आक्रान्तो नोन्नमेत्कृच्छ्रशमजन्मा निशाबलः|
स्रवेन्नासृक् चिरात्पिच्छां कुशशस्त्रादिविक्षतः||३६||
स्पर्शोष्णकाङ्क्षी च कफात्|
|३७|
Adhikarana dvidoShajAnAM lakShaNam (37) · Śloka 37
যথাস্বং দ্বন্দ্বজাস্ত্রযঃ|
সঙ্করাদ্ধেতুলিঙ্গানাম্|৩৭|
View original
यथास्वं द्वन्द्वजास्त्रयः|
सङ्कराद्धेतुलिङ्गानाम्|३७|
Adhikarana tridoShajasya lakShaNam (37) · Śloka 37
|
নিচযান্নিচযাত্মকঃ||৩৭||
View original
|
निचयान्निचयात्मकः||३७||
Adhikarana abhighAtajasya lakShaNam (38-39) · Śloka 39
অভিঘাতেন শস্ত্রাদিচ্ছেদভেদক্ষতাদিভিঃ|
হিমানিলোদধ্যনিলৈর্ভল্লাতকপিকচ্ছুজৈঃ||৩৮||
রসৈঃ শূকৈশ্চ সংস্পর্শাচ্ছ্বযথুঃ স্যাদ্বিসর্পবান্|
ভৃশোষ্মা লোহিতাভাসঃ প্রাযশঃ পিত্তলক্ষণঃ||৩৯||
View original
अभिघातेन शस्त्रादिच्छेदभेदक्षतादिभिः|
हिमानिलोदध्यनिलैर्भल्लातकपिकच्छुजैः||३८||
रसैः शूकैश्च संस्पर्शाच्छ्वयथुः स्याद्विसर्पवान्|
भृशोष्मा लोहिताभासः प्रायशः पित्तलक्षणः||३९||
Adhikarana viShajasya lakShaNam (40-42) · Śloka 42
বিষজঃ সবিষপ্রাণিপরিসর্পণমূত্রণাত্|
দংষ্ট্রাদন্তনখাপাতাদবিষপ্রাণিনামপি||৪০||
বিণ্মূত্রশুক্রোপহতমলবদ্বস্ত্রসঙ্করাত্|
বিষবৃক্ষানিলস্পর্শাদ্গরযোগাবচূর্ণনাত্||৪১||
মৃদুশ্চলোঽবলম্বী চ শীঘ্রো দাহরুজাকরঃ|
|৪২|
View original
विषजः सविषप्राणिपरिसर्पणमूत्रणात्|
दंष्ट्रादन्तनखापातादविषप्राणिनामपि||४०||
विण्मूत्रशुक्रोपहतमलवद्वस्त्रसङ्करात्|
विषवृक्षानिलस्पर्शाद्गरयोगावचूर्णनात्||४१||
मृदुश्चलोऽवलम्बी च शीघ्रो दाहरुजाकरः|
|४२|
Adhikarana shophasya sAdhyAsAdhyatvam (42-4) · Śloka 4
|
নবোঽনুপদ্রবঃ শোফঃ সাধ্যোঽসাধ্যঃ পুরেরিতঃ||৪২||
ইতি শোফনিদানম্||৪||
View original
|
नवोऽनुपद्रवः शोफः साध्योऽसाध्यः पुरेरितः||४२||
इति शोफनिदानम्||४||
Adhikarana visarpasya aShTavidhatvam (43) · Śloka 43
শ্বযথুবদ্দোষৈর্দূষ্যৈশ্চ যতো বিসর্পো ভবতি,অতস্তন্নিদানং প্রকম্যতে - - - - অথ বিসর্পনিদানম্|
স্যাদ্বিসর্পোঽভিঘাতান্তৈর্দোষৈর্দূষ্যৈশ্চ শোফবত্|
|৪৩|
View original
श्वयथुवद्दोषैर्दूष्यैश्च यतो विसर्पो भवति,अतस्तन्निदानं प्रकम्यते - - - - अथ विसर्पनिदानम्|
स्याद्विसर्पोऽभिघातान्तैर्दोषैर्दूष्यैश्च शोफवत्|
|४३|
Adhikarana visarpasya tryadhiShThAnatvam (43-44) · Śloka 44
|
ত্র্যধিষ্ঠানং চ তং প্রাহুর্বাহ্যান্তরুভযাশ্রযাত্||৪৩||
যথোত্তরং চ দুঃসাধ্যাঃ|
|৪৪|
View original
|
त्र्यधिष्ठानं च तं प्राहुर्बाह्यान्तरुभयाश्रयात्||४३||
यथोत्तरं च दुःसाध्याः|
|४४|
Adhikarana visarpasya saMprAptiH (44-45) · Śloka 45
তত্র দোষা যথাযথম্|
প্রকোপণৈঃ প্রকুপিতা বিশেষেণ বিদাহিভিঃ||৪৪||
দেহে শীঘ্রং বিসর্পন্তি তেঽন্তরন্তঃস্থিতা বহিঃ|
বহিঃস্থা দ্বিতযে দ্বিস্থাঃ|৪৫|
View original
तत्र दोषा यथायथम्|
प्रकोपणैः प्रकुपिता विशेषेण विदाहिभिः||४४||
देहे शीघ्रं विसर्पन्ति तेऽन्तरन्तःस्थिता बहिः|
बहिःस्था द्वितये द्विस्थाः|४५|
Adhikarana antarAshrayasya lakShaNam, bahirAshrayasya lakShaNam (45-47) · Śloka 47
|
বিদ্যাত্তত্রান্তরাশ্রযম্||৪৫||
মর্মোপতাপাত্সম্মোহাদযনানাং বিঘট্টনাত্|
তৃষ্ণাতিযোগাদ্বেগানাং বিষমং চ প্রবর্তনাত্||৪৬||
আশু চাগ্নিবলভ্রংশাদতো বাহ্যং বিপর্যযাত্|
|৪৭|
View original
|
विद्यात्तत्रान्तराश्रयम्||४५||
मर्मोपतापात्सम्मोहादयनानां विघट्टनात्|
तृष्णातियोगाद्वेगानां विषमं च प्रवर्तनात्||४६||
आशु चाग्निबलभ्रंशादतो बाह्यं विपर्ययात्|
|४७|
Adhikarana vAtajasya lakShaNam (47-48) · Śloka 48
|
তত্র বাতাত্পরীসর্পো বাতজ্বরসমব্যথঃ||৪৭||
শোফস্ফুরণনিস্তোদভেদাযামার্তিহর্ষবান্|
|৪৮|
View original
|
तत्र वातात्परीसर्पो वातज्वरसमव्यथः||४७||
शोफस्फुरणनिस्तोदभेदायामार्तिहर्षवान्|
|४८|
Adhikarana pittajasya lakShaNam (48) · Śloka 48
|
পিত্তাদ্দ্রুতগতিঃ পিত্তজ্বরলিঙ্গোঽতিলোহিতঃ||৪৮||
View original
|
पित्ताद्द्रुतगतिः पित्तज्वरलिङ्गोऽतिलोहितः||४८||
Adhikarana kaphajasya lakShaNam (49) · Śloka 49
কফাত্কণ্ডূযুতঃ স্নিগ্ধঃ কফজ্বরসমানরুক্|
|৪৯|
View original
कफात्कण्डूयुतः स्निग्धः कफज्वरसमानरुक्|
|४९|
Adhikarana upekShayA sarveShAM sphoTayutatvam (49-50) · Śloka 50
|
স্বদোষলিঙ্গৈশ্চীযন্তে সর্বে স্ফোটৈরুপেক্ষিতাঃ||৪৯||
তে পক্বভিন্নাঃ স্বং স্বং চ বিভ্রতি ব্রণলক্ষণম্|
|৫০|
View original
|
स्वदोषलिङ्गैश्चीयन्ते सर्वे स्फोटैरुपेक्षिताः||४९||
ते पक्वभिन्नाः स्वं स्वं च बिभ्रति व्रणलक्षणम्|
|५०|
Adhikarana agnivisarpasya lakShaNam (50-56) · Śloka 56
অধুনা দ্বন্দ্বজং লক্ষযতি - - - - |
বাতপিত্তাজ্জ্বরচ্ছর্দিমূর্চ্ছাতীসারতৃড্ভ্রমৈঃ||৫০||
অস্থিভেদাগ্নিসদনতমকারোচকৈর্যুতঃ|
করোতি সর্বমঙ্গং চ দীপ্তাঙ্গারাবকীর্ণবত্||৫১||
যং যং দেশং বিসর্পশ্চ বিসর্পতি ভবেত্স সঃ|
শান্তাঙ্গারাসিতো নীলো রক্তো বাঽঽশু চ চীযতে||৫২||
অগ্নিদগ্ধ ইব স্ফোটৈঃ শীঘ্রগত্বাদ্ দ্রুতং চ সঃ|
মর্মানুসারী বীসর্পঃ স্যাদ্বাতোঽতিবলস্ততঃ||৫৩||
ব্যথেতাঙ্গং হরেত্সংজ্ঞাং নিদ্রাং চ শ্বাসমীরযেত্|
হিধ্মাং চ স গতোঽবস্থামীদৃশীং লভতে ন না||৫৪||
ক্বচিচ্ছর্মারতিগ্রস্তো ভূমিশয্যাসনাদিষু|
চেষ্টমানস্ততঃ ক্লিষ্টো মনোদেহশ্রমোদ্ভবাম্||৫৫||
দুষ্প্রবোধোঽশ্নুতে নিদ্রাং সোঽগ্নিবীসর্প উচ্যতে|
|৫৬|
View original
अधुना द्वन्द्वजं लक्षयति - - - - |
वातपित्ताज्ज्वरच्छर्दिमूर्च्छातीसारतृड्भ्रमैः||५०||
अस्थिभेदाग्निसदनतमकारोचकैर्युतः|
करोति सर्वमङ्गं च दीप्ताङ्गारावकीर्णवत्||५१||
यं यं देशं विसर्पश्च विसर्पति भवेत्स सः|
शान्ताङ्गारासितो नीलो रक्तो वाऽऽशु च चीयते||५२||
अग्निदग्ध इव स्फोटैः शीघ्रगत्वाद् द्रुतं च सः|
मर्मानुसारी वीसर्पः स्याद्वातोऽतिबलस्ततः||५३||
व्यथेताङ्गं हरेत्संज्ञां निद्रां च श्वासमीरयेत्|
हिध्मां च स गतोऽवस्थामीदृशीं लभते न ना||५४||
क्वचिच्छर्मारतिग्रस्तो भूमिशय्यासनादिषु|
चेष्टमानस्ततः क्लिष्टो मनोदेहश्रमोद्भवाम्||५५||
दुष्प्रबोधोऽश्नुते निद्रां सोऽग्निवीसर्प उच्यते|
|५६|
Adhikarana granthivisarpasya lakShaNam (56-59) · Śloka 59
|
কফেন রুদ্ধঃ পবনো ভিত্ত্বা তং বহুধা কফম্||৫৬||
রক্তং বা বৃদ্ধরক্তস্য ত্বক্সিরাস্নাবমাংসগম্|
দূষযিত্বা চ দীর্ঘাণুবৃত্তস্থূলখরাত্মনাম্||৫৭||
গ্রন্থীনাং কুরুতে মালাং রক্তানাং তীব্ররুগ্জ্বরাম্|
শ্বাসকাসাতিসারাস্যশোষহিধ্মাবমিভ্রমৈঃ||৫৮||
মোহবৈবর্ণ্যমূর্ছাঙ্গভঙ্গাগ্নিসদনৈর্যুতাম্|
ইত্যযং গ্রন্থিবীসর্পঃ কফমারুতকোপজঃ||৫৯||
View original
|
कफेन रुद्धः पवनो भित्त्वा तं बहुधा कफम्||५६||
रक्तं वा वृद्धरक्तस्य त्वक्सिरास्नावमांसगम्|
दूषयित्वा च दीर्घाणुवृत्तस्थूलखरात्मनाम्||५७||
ग्रन्थीनां कुरुते मालां रक्तानां तीव्ररुग्ज्वराम्|
श्वासकासातिसारास्यशोषहिध्मावमिभ्रमैः||५८||
मोहवैवर्ण्यमूर्छाङ्गभङ्गाग्निसदनैर्युताम्|
इत्ययं ग्रन्थिवीसर्पः कफमारुतकोपजः||५९||
Adhikarana kardamavisarpasya lakShaNam (60-64) · Śloka 64
কফপিত্তাজ্জ্বরঃ স্তম্ভো নিদ্রাতন্দ্রাশিরোরুজঃ|
অঙ্গাবসাদবিক্ষেপপ্রলাপারোচকভ্রমাঃ||৬০||
মূর্চ্ছাগ্নিহানির্ভেদোঽস্থ্নাং পিপাসেন্দ্রিযগৌরবম্|
আমোপবেশনং লেপঃ স্রোতসাং স চ সর্পতি||৬১||
প্রাযেণামাশযে গৃহ্ণন্নেকদেশং ন চাতিরুক্|
পিটকৈরবকীর্ণোঽতিপীতলোহিতপাণ্ডুরৈঃ||৬২||
মেচকাভোঽসিতঃ স্নিগ্ধো মলিনঃ শোফবান্ গুরুঃ|
গম্ভীরপাকঃ প্রাজ্যোষ্মা স্পৃষ্টঃ ক্লিন্নোঽবদীর্যতে||৬৩||
পঙ্কবচ্ছীর্ণমাংসশ্চ স্পষ্টস্নাযুসিরাগণঃ|
শবগন্ধিশ্চ বীসর্পং কর্দমাখ্যমুশন্তি তম্||৬৪||
View original
कफपित्ताज्ज्वरः स्तम्भो निद्रातन्द्राशिरोरुजः|
अङ्गावसादविक्षेपप्रलापारोचकभ्रमाः||६०||
मूर्च्छाग्निहानिर्भेदोऽस्थ्नां पिपासेन्द्रियगौरवम्|
आमोपवेशनं लेपः स्रोतसां स च सर्पति||६१||
प्रायेणामाशये गृह्णन्नेकदेशं न चातिरुक्|
पिटकैरवकीर्णोऽतिपीतलोहितपाण्डुरैः||६२||
मेचकाभोऽसितः स्निग्धो मलिनः शोफवान् गुरुः|
गम्भीरपाकः प्राज्योष्मा स्पृष्टः क्लिन्नोऽवदीर्यते||६३||
पङ्कवच्छीर्णमांसश्च स्पष्टस्नायुसिरागणः|
शवगन्धिश्च वीसर्पं कर्दमाख्यमुशन्ति तम्||६४||
Adhikarana tridoShajasya lakShaNam (65) · Śloka 65
সর্বজো লক্ষণৈঃ সর্বৈঃ সর্বধাত্বতিসর্পণঃ|
|৬৫|
View original
सर्वजो लक्षणैः सर्वैः सर्वधात्वतिसर्पणः|
|६५|
Adhikarana kShatajasya lakShaNam (65-66) · Śloka 66
|
বাহ্যহেতোঃ ক্ষতাত্ক্রুদ্ধঃ সরক্তং পিত্তমীরযন্||৬৫||
বিসর্পং মারুতঃ কুর্যাত্ কুলত্থসদৃশৈশ্চিতম্|
স্ফোটৈঃ শোফজ্বররুজাদাহাঢ্যং শ্যাবলোহিতম্||৬৬||
View original
|
बाह्यहेतोः क्षतात्क्रुद्धः सरक्तं पित्तमीरयन्||६५||
विसर्पं मारुतः कुर्यात् कुलत्थसदृशैश्चितम्|
स्फोटैः शोफज्वररुजादाहाढ्यं श्यावलोहितम्||६६||
Adhikarana visarpANAM sAdhyAsAdhyatvam (13) · Śloka 13
পৃথগ্দোষৈস্ত্রযঃ সাধ্যা দ্বন্দ্বজাশ্চানুপদ্রবাঃ|
অসাধ্যো ক্ষতসর্বোত্থৌ সর্বে চাক্রান্তমর্মকাঃ||৬৭||
শীর্ণস্নাযুসিরামাংসাঃ প্রক্লিন্নাঃ শবগন্ধযঃ|
৬৭ ১/২|
ইতি বিসর্পনিদানম্|
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে পাণ্ডুরোগশোফবিসর্পনিদানং নাম ত্রযোদশোঽধ্যাযঃ||১৩||
View original
पृथग्दोषैस्त्रयः साध्या द्वन्द्वजाश्चानुपद्रवाः|
असाध्यो क्षतसर्वोत्थौ सर्वे चाक्रान्तमर्मकाः||६७||
शीर्णस्नायुसिरामांसाः प्रक्लिन्नाः शवगन्धयः|
६७ १/२|
इति विसर्पनिदानम्|
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने पाण्डुरोगशोफविसर्पनिदानं नाम त्रयोदशोऽध्यायः||१३||