1. garbhāvakrāntiradhyāyaḥ

Adhikarana garBAvakrAntiradhyAyaH (2) · Śloka 2

ಅಥಾತೋ ಗರ್ಭಾವಕ್ರಾನ್ತಿ ಶಾರೀರಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ)||೨||

Adhikarana garBotpattiH (1) · Śloka 1

ಶುದ್ಧೇ ಶುಕ್ರಾರ್ತವೇ ಸತ್ವಃ ಸ್ವಕರ್ಮಕ್ಲೇಶಚೋದಿತಃ| ಗರ್ಭಃ ಸಮ್ಪದ್ಯತೇ ಯುಕ್ತಿವಶಾದಗ್ನಿರಿವಾರಣೌ||೧||

Adhikarana garBasya kukShau vRuddhiprakAraH (2) · Śloka 2

ತದೇವಂ ಗರ್ಭಸ್ಯ ಸಮ್ಪತ್ತಿಮಭಿಧಾಯ ಯಥಾ ತಸ್ಯ ಕುಕ್ಷೌ ವೃದ್ಧಿಃ ಸ್ಯಾತ್ತಥಾ ವಕ್ತಿಬೀಜಾತ್ಮಕೈರ್ಮಹಾಭೂತೈಃ ಸೂಕ್ಷ್ಮೈಃ ಸತ್ವಾನುಗೈಶ್ಚ ಸಃ| ಮಾತುಶ್ಚಾಹಾರರಸಜೈಃ ಕ್ರಮಾತ್ಕುಕ್ಷೌ ವಿವರ್ದ್ಧತೇ||೨||

Adhikarana garBapraveSopalamBAbhAve~api sthitau dRuShTAntaH (3) · Śloka 3

ನನು, ಸತ್ವಃ ಕುಕ್ಷೌ ಪ್ರವಿಷ್ಟೋ ಗರ್ಭಸ್ಯ ವರ್ದ್ಧನೇ ಹೇತುರುಕ್ತಃ, ನ ಚಾಸ್ಯ ಪ್ರವೇಶ ಉಪಲಭ್ಯತೇ, ಇತ್ಯಾಹ ತೇಜೋ ಯಥಾಽರ್ಕರಶ್ಮೀನಾಂ ಸ್ಫಟಿಕೇನ ತಿರಸ್ಕೃತಮ್| ನೇನ್ಧನಂ ದೃಶ್ಯತೇ ಗಚ್ಛತ್ಸತ್ವೋ ಗರ್ಭಾಶಯಂ ತಥಾ||೩||

Adhikarana satvasya narAdirUpatve kAraNam (4) · Śloka 4

ನನು, ಸತ್ವೋ ಭೂತಾನುಗ ಏಕರೂಪ ಏವ| ತತ್ಕಥಮನೇಕಜಾತ್ಯಾಕೃತ್ಯಾ ನರತುರಗೋರಗಗಜಗವಯಾದಿಮತ್ಯಾಽಽಲಿಙ್ಗಿತಃ ಸಮ್ಪದ್ಯತೇ ? ಇತ್ಯಸ್ಮಿನ್ ಪರ್ಯನುಯೋಗ ಇದಮಾಹ ಕಾರಣಾನುವಿಧಾಯಿತ್ವಾತ್ಕಾರ್ಯಾಣಾಂ ತತ್ಸ್ವಭಾವತಾ| ನಾನಾಯೋನ್ಯಾಕೃತೀಃ ಸತ್ವೋ ಧತ್ತೇಽತೋ ದ್ರುತಲೋಹವತ್||೪||

Adhikarana strIpunnapuMsakAnAM bhede kAraNam (5) · Śloka 5

ತಥಾ ಅತ ಏವ ಚ ಶುಕ್ರಸ್ಯ ಬಾಹುಲ್ಯಾಜ್ಜಾಯತೇ ಪುಮಾನ್| ರಕ್ತಸ್ಯ ಸ್ತ್ರೀ, ತಯೋಃ ಸಾಮ್ಯೇ ಕ್ಲೀಬಃ- |೫|

Adhikarana ekadaivAnekagarbhotpattau kAraNam (5-6) · Śloka 6

ಸಾಮ್ಪ್ರತಂ ಯಥಾಽನೇಕಗರ್ಭತ್ವಂ ತುಲ್ಯಕಾಲಂ ಸ್ಯಾತ್ತಥಾ ಪ್ರತಿಪಾದಯಿತುಮಾಹ ಶುಕ್ರಾರ್ತವೇ ಪುನಃ||೫|| ವಾಯುನಾ ಬಹುಶೋ ಭಿನ್ನೇ ಯಥಾಸ್ವಂ ಬಹ್ವಪತ್ಯತಾ| |೬|

Adhikarana viyonivikRutAkArANAmutpattau kAraNam (6) · Śloka 6

ನನು, ಕಥಂ ವಿಯೋನಯೋ ವಿಕೃತಾಕಾರಾಶ್ಚ ಗರ್ಭಾಃ ಸ್ಯುಃ ? ವಿಯೋನಿವಿಕೃತಾಕಾರಾ ಜಾಯನ್ತೇ ವಿಕೃತೈರ್ಮಲೈಃ||೬||

Adhikarana strINAM rajaHsrAvo mAsimAsi vIryavatputrotpattau kAraNam (7) · Śloka 7

ಮಾಸಿ ಮಾಸಿ ರಜಃ ಸ್ತ್ರೀಣಾಂ ರಸಜಂ ಸ್ತ್ರವತಿ ತ್ರ್ಯಹಮ್| ವತ್ಸರಾದ್ವಾದಶಾದೂರ್ಧ್ವಂ ಯಾತಿ ಪಞ್ಚಾಶತಃ ಕ್ಷಯಮ್||೭||

Adhikarana garbhasyarogAdiyutatve kAraNam (8-9) · Śloka 9

ಪೂರ್ಣಷೋಡಶವರ್ಷಾ ಸ್ತ್ರೀ ಪೂರ್ಣವಿಂಶೇನ ಸಙ್ಗತಾ| ಶುದ್ಧೇ ಗರ್ಭಾಶಯೇ ಮಾರ್ಗೇ ರಕ್ತೇ ಶುಕ್ರೇಽನಿಲೇ ಹೃದಿ||೮|| ವೀರ್ಯವನ್ತಂ ಸುತಂ ಸೂತೇ ತತೋ ನ್ಯೂನಾಬ್ದಯೋಃ ಪುನಃ| ರೋಗ್ಯಲ್ಪಾಯುರಧನ್ಯೋ ವಾ ಗರ್ಭೋ ಭವತಿ ನೈವ ವಾ||೯||

Adhikarana SukrArtavasaMyoge~api garbhAsambhave kAraNam (10) · Śloka 10

ನನು, ದಮ್ಪತ್ಯೋಃ ಶುಕ್ರಾರ್ತವಸಂಯೋಗೇಽಪಿ ಸತಿ ಕ್ವಚಿದ್ಗರ್ಭಸಮ್ಭೂತಿರ್ನ ದೃಶ್ಯತೇ| ತತ್ಕಥಮೇತತ್ ? ಇತ್ಯಾಶಙ್ಕ್ಯೇದಮಾಹ ವಾತಾದಿಕುಣಪಗ್ರನ್ಥಿಪೂಯಕ್ಷೀಣಮಲಾಹ್ವಯಮ್| ಬೀಜಾಸಮರ್ಥಂ ರೇತೋಸ್ರಮ್|೧೦|

Adhikarana svali~ggairvAtAdidoShajaSukraj~jAnam ,kuNapagranthipUyakShINamalAhvayAnAM retosrANAM kAraNAni (10-12) · Śloka 12

| ಸ್ವಲಿಙ್ಗೈರ್ದೋಷಜಂ ವದೇತ್||೧೦|| ರಕ್ತೇನ ಕುಣಪಂ, ಶ್ಲೇಷ್ಮವಾತಾಭ್ಯಾಂ ಗ್ರನ್ಥಿಸನ್ನಿಭಮ್| ಪೂಯಾಭಂ ರಕ್ತಪಿತ್ತಾಭ್ಯಾಂ, ಕ್ಷೀಣಂ ಮಾರುತಪಿತ್ತತಃ||೧೧|| ಕೃಚ್ಛ್ರಾಣ್ಯೇತಾನ್ಯಸಾಧ್ಯಂ ತು ತ್ರಿದೋಷಂ ಮೂತ್ರವಿಟ್ಪ್ರಭಮ್| |೧೨|

Adhikarana vAtAdijAnAmupakramaH (12) · Śloka 12

ಇದಾನೀಮುಪಕ್ರಮಮಾಹ | ಕುರ್ಯಾದ್ವಾತಾದಿಭಿರ್ದುಷ್ಟೇ ಸ್ವೌಷಧಮ್|೧೨|

Adhikarana kuNape upakramaH (12-13) · Śloka 13

ಇದಾನೀಂ ಕುಣಪಚಿಕಿತ್ಸಾಮಾಹ | ಕುಣಪೇ ಪುನಃ||೧೨|| ಧಾತಕೀಪುಷ್ಪಖದಿರದಾಡಿಮಾರ್ಜುನಸಾಧಿತಮ್| ಪಾಯಯೇತ್ಸರ್ಪಿರಥವಾ ವಿಪಕ್ವಮಸನಾದಿಭಿಃ||೧೩||

Adhikarana granthisaMj~je retasyupakramaH (14) · Śloka 14

ಸಾಮ್ಪ್ರತಂ ಗ್ರನ್ಥಿಸಂಜ್ಞೇ ರೇತಸ್ಯುಪಕ್ರಮಂ ಬ್ರೂತೇ ಪಲಾಶಭಸ್ಮಾಶ್ಮಭಿದಾ ಗ್ರನ್ಥ್ಯಾಭೇ| |೧೪|

Adhikarana pUyaretasyupakramaH (14) · Śloka 14

ಪೂಯರೇತಸಿ| ಪರುಷಕವಟಾದಿಭ್ಯಾಮ್|೧೪|

Adhikarana kShINAhvayeretasyupakramaH (14) · Śloka 14

| ಕ್ಷೀಣೇ ಶುಕ್ರಕರೀ ಕ್ರಿಯಾ||೧೪||

Adhikarana malasadRuSe retasyupakramaH (15) · Śloka 15

ಸಂಶುದ್ಧೋ ವಿಟ್ಪ್ರಭೇ ಸರ್ಪಿರ್ಹಿಙ್ಗುಸೇವ್ಯಾದಿ(ಗ್ನಿ)ಸಾಧಿತಮ್| ಪಿಬೇತ್|೧೫|

Adhikarana granthinAmnyArtave upakrame (15) · Śloka 15

ವಾತದ್ಯಾರ್ತವೇಷು "ಸ್ವೌಷಧಂ ಕುರ್ಯಾತ್" (ಶ್ಲೋ.೧೨) ಇತ್ಯುಕ್ತಮ್| ಕುಣಪಗ್ರನ್ಥ್ಯದ್ಯಾರ್ತವೇಷು ವಿಶೇಷೇಣ ಚಿಕಿತ್ಸಾಂ ವಕ್ಷ್ಯತಿ | ಗ್ರನ್ಥ್ಯಾರ್ತವೇ ಪಾಠಾವ್ಯೋಷವೃಕ್ಷಕಜಂ ಜಲಮ್||೧೫||

Adhikarana kuNapapUyAstrayorupakramaH SuddhaSukralakShaNam (16) · Śloka 16

ಪೇಯಂ ಕುಣಪಪೂಯಾಸ್ತ್ರೇ ಚನ್ದನಂ ವಕ್ಷ್ಯತೇ ತು ಯತ್| ಗುಹ್ಯರೋಗೇ ಚ ತತ್ಸರ್ವಂ ಕಾರ್ಯಂ ಸೋತ್ತರಬಸ್ತಿಕಮ್||೧೬||

Adhikarana SuddhArtavalakShaNam (17-18) · Śloka 18

ಬೀಜಾಸಮರ್ಥಂ ರೇತೋಸ್ತ್ರಮಭಿಧಾಯ ಸಾಮ್ಪ್ರತಂ ಶುದ್ಧಂ ಯಚ್ಛುಕ್ರಾರ್ತವಂ ಬೀಜಸಮರ್ಥಂ ತಲ್ಲಕ್ಷಾಣಾರ್ಥಮಾಹ ಶುಕ್ರಂ ಶುಕ್ಲಂ ಗುರು ಸ್ನಿಗ್ಧಂ ಮಧುರಂ ಬಹಲಂ ಬಹು| ಘೃತಮಾಕ್ಷಿಕತೈಲಾಭಂ ಸದ್ಗರ್ಭಾಯ ಆರ್ತವಂ ಪುನಃ||೧೭|| ಲಾಕ್ಷಾರಸಶಶಾಸ್ತ್ರಾಭಂ ಧೌತಂ ಯಚ್ಚ ವಿರಜ್ಯತೇ| |೧೮|

Adhikarana garbhasambhavAtpUrvamitikartavyatA (18-19) · Śloka 19

ಶುದ್ಧಶುಕ್ರಾರ್ತವಲಕ್ಷಣಮುಕ್ತ್ವಾ, ಇದಾನೀಂ ಗರ್ಭಸಮ್ಭವಾತ್ಪೂರ್ವಮಿತಿ ಕರ್ತವ್ಯತಾಮಾಹ | ಶುದ್ಧಶುಕ್ರಾರ್ತವಂ ಸ್ವಸ್ಥಂ ಸಂರಕ್ತಂ ಮಿಥುನಂ ಮಿಥಃ||೧೮|| ಸ್ನೇಹೈಃ ಪುಂಸವನೈಃ ಸ್ನಿಗ್ಧಂ ಶುದ್ಧಂ ಶೀಲಿತಬಸ್ತಿಕಮ್| |೧೯|

Adhikarana dampatyoH pRuthagupakramaH ,kShIrAdibhirnarasyopacAraH (19) · Śloka 19

| ನರಂ ವಿಶೇಷಾತ್ಕ್ಷೀರಾಜ್ಯೈರ್ಮಧುರೌಷಧಸಂಸ್ಕೃತೈಃ||೧೯||

Adhikarana tailAdibhirnAryAH samupacAraH (20) · Śloka 20

ನಾರೀಂ ತೈಲೇನ ಮಾಷೈಶ್ಚ ಪಿತ್ತಲೈಃ ಸಮುಪಾಚರೇತ್| |೨೦|

Adhikarana strImadhikRutya garbhagrahaNayogyatA (20-21) · Śloka 21

ಊರ್ವೋಕ್ತಸಕಲಸಾಮಗ್ರೀಯುಕ್ತಾದಪಿ ಮಿಥುನಾದ್ವಿಶಿಷ್ಟಕಾಲಮನ್ತರೇಣ ಗರ್ಭಸ್ಯಾಸಮ್ಭವ ಇತಿ ಸ್ತ್ರೀಮಧಿಕೃತ್ಯ ತದ್ಗರ್ಭಗ್ರಹಣಯೋಗ್ಯಂ ಕಾಲಂ ದರ್ಶಯಿತುಮಾಹ | ಕ್ಷಾಮಪ್ರಸನ್ನವದನಾಂ ಸ್ಫುರಚ್ಛ್ರೋಣಿಪಯೋಧರಾಮ್||೨೦|| ಸ್ವಸ್ತಾಕ್ಷಿಕುಕ್ಷಿಂ ಪುಂಸ್ಕಾಮಾಂ ವಿದ್ಯಾದೃತುಮತೀಂ ಸ್ತ್ರಿಯಮ್| |೨೧|

Adhikarana RutAvatIte yonisa~gkocAdi (21-22) · Śloka 22

"ಸರ್ವಂ ಚ ಹೇತುಮದ್ಬ್ರೂಯಾತ್" ಇತ್ಯಾಗಮಃ, ಅತ ಆಹ | ಪದ್ಮಂ ಸಙ್ಕೋಚಮಾಯಾತಿ ದಿನೇಽತೀತೇ ಯಥಾ, ತಥಾ||೨೧|| ಋತಾವತೀತೇ ಯೋನಿಃ, ಸಾ ಶುಕ್ರಂ ನಾತಃ ಪ್ರತೀಚ್ಛತಿ| |೨೨|

Adhikarana mAsenopacitaM raktaM vAyuryonimukhAnnudet (22-23) · Śloka 23

ವಿವೃತಾವಿವೃತಮುಖತ್ವಂ ಹಿ ಯೋನೇರ್ಗರ್ಭಗ್ರಹಣಾಗ್ರಹಣಹೇತುಃ| ತಚ್ಚ ವಾಯೋಃ ಕ್ರಿಯಾವತಃ ಕಾಲಸಹಾಯಸ್ಯಾಯತ್ತಮಿತ್ಯಾಹ | ಮಾಸೇನೋಪಚಿತಂ ರಕ್ತಂ ಧಮನೀಭ್ಯಾಮೃತೌ ಪುನಃ||೨೨|| ಈಷತ್ಕೃಷ್ಣಂ ವಿಗನ್ಧಂ ಚ ವಾಯುರ್ಯೋನಿಮುಖಾನ್ನುದೇತ್| |೨೩|

Adhikarana rajasvalayA vartanaprakAraH RutumatyAScaturthadinakRutyam (23-26) · Śloka 26

ಶುದ್ಧಂ ಚ ರಕ್ತಂ ಪುಷ್ಪಸಂಜ್ಞಮ್, ಗರ್ಭಾಖ್ಯಸ್ಯ ಫಲಸ್ಯ ಭವಿಷ್ಯತೋಽಭಿವ್ಯಞ್ಜಕತ್ವಾತ್| ಅತ ಏವಾಹ | ತತಃ ಪುಷ್ಪೇಕ್ಷಣಾದೇವ ಕಲ್ಯಾಣಧ್ಯಾಯಿನೀ ತ್ರ್ಯಹಮ್||೨೩|| ಮೃಜಾಲಙ್ಕಾರರಹಿತಾ ದರ್ಭಸಂಸ್ತರಶಾಯಿನೀ| ಕ್ಷೈರೇಯಂ ಯಾವಕಂ ಸ್ತೋಕಂ ಕೋಷ್ಠಶೋಧನಕರ್ಷಣಮ್||೨೪|| ಪರ್ಣೇ ಶರಾವೇ ಹಸ್ತೇ ವಾ ಭುಞ್ಜೀತ ಬ್ರಹ್ಮಚಾರಿಣೀ| ಚತುರ್ಥೇಽಹ್ನಿ ತತಃ ಸ್ನಾತಾ ಶುಕ್ಲಮಾಲ್ಯಾಮ್ಬರಾ ಶುಚಿಃ||೨೫|| ಇಚ್ಛನ್ತೀ ಭರ್ತೃಸದೃಶಂ ಪುತ್ರಂ ಪಶ್ಯೇತ್ಪುರಃ ಪತಿಮ್| |೨೬|

Adhikarana Rutusthitau kAlaparimANam same putraH viShame kanyA (26-27) · Śloka 27

ತತ್ಕಿಂ ತ್ರ್ಯಹಮೇವ ಋತುಃ, ಅತ್ರೈವ ಪುಷ್ಪದರ್ಶನಾತ್| ಅಥೋತ್ತರಕಾಲಮಪಿ ? ಇತ್ಯಾಶಙ್ಕ್ಯಾಹ | ಋತುಸ್ತು ದ್ವಾದಶ ನಿಶಾಃ ಪೂರ್ವಾಸ್ತಿಸ್ರೋಽತ್ರ ನಿನ್ದಿತಾಃ||೨೬|| ಏಕಾದಶೀ ಚ, ಯುಗ್ಮಾಸು ಸ್ಯಾತ್ಪುತ್ರೋಽನ್ಯಾಸು ಕನ್ಯಕಾ| |೨೭|

Adhikarana putrIyavidhiH (27-28) · Śloka 28

| ಉಪಾಧ್ಯಾಯೋಽಥ ಪುತ್ರೀಯಂ ಕುರ್ವೀತ ವಿಧಿವದ್ವಿಧಿಮ್||೨೭|| ನಮಸ್ಕಾರಪರಾಯಾಸ್ತು ಶೂದ್ರಾಯಾ ಮನ್ತ್ರವರ್ಜಿತಮ್| |೨೮|

Adhikarana evaM dampatyoravaMdhyaHsaMyogaH (28) · Śloka 28

| ಅವನ್ಧ್ಯ ಏವಂ ಸಂಯೋಗಃ ಸ್ಯಾದಪತ್ಯಂ ಚ ಕಾಮತಃ||೨೮||

Adhikarana dampatyorekAnte maithunam (29) · Śloka 29

ಅತ ಏವಾಹ ಸನ್ತೋ ಹ್ಯಾಹುರಪತ್ಯಾರ್ಥಂ ದಮ್ಪತ್ಯೋಃ ಸಙ್ಗತಿಂ ರಹಃ| |೨೯|

Adhikarana durapatyasya kulA~ggAratvam (29) · Śloka 29

ನ ಚಾಪತ್ಯಮಾತ್ರಾಯೇತ್ಯಾಹ | ದುರಪತ್ಯಂ ಕುಲಾಙ್ಗಾರೋ ಗೋತ್ರೇ ಜಾತಂ ಮಹತ್ಯಪಿ||೨೯||

Adhikarana dampatyoH putracintanaprakAraH (30) · Śloka 30

ಇಚ್ಛೇತಾಂ ಯಾದೃಶಂ ಪುತ್ರಂ ತದ್ರೂಪಚರಿತಾಂಶ್ಚ ತೌ| ಚಿನ್ತಯೇತಾಂ ಜನಪದಾಂಸ್ತದಾಚಾರಪರಿಚ್ಛದೌ||೩೦||

Adhikarana dampatyoH shayyArohAdi (31-32) · Śloka 32

ಕರ್ಮಾನ್ತೇ ಚ ಪುಮಾನ್ ಸರ್ಪಿಃಕ್ಷೀರಶಾಲ್ಯೋದನಾಶಿತಃ| ಪ್ರಾಗ್ದಕ್ಷಿಣೇನ ಪಾದೇನ ಶಯಯಾಂ ಮೌಹೂರ್ತಿಕಾಜ್ಞಯಾ||೩೧|| ಆರೋಹೇತ್ ಸ್ತ್ರೀ ತು ವಾಮೇನ ತಸ್ಯ ದಕ್ಷಿಣಪಾರ್ಶ್ವತಃ| ತೈಲಮಾಷೋತ್ತರಾಹಾರಾ ತತ್ರ ಮನ್ತ್ರಂ ಪ್ರಯೋಜಯೇತ್||೩೨||

Adhikarana tatramantrapAThaH (33) · Śloka 33

ತದೇವ ಮನ್ತ್ರಮಾಹ.... ಔಮ್ ಆಹಿರಸಿ ಆಯುರಸಿ ಸರ್ವತಃ ಪ್ರತಿಷ್ಠಾಸಿ ಧಾತಾ ತ್ವಾಂ ದಧಾತು ವಿಧಾತಾ ತ್ವಾಂ ದಧಾತು ಬ್ರಹ್ಮವರ್ಚಸಾ ಭವೇತಿ| ಬ್ರಹ್ಮಾ ಬೃಹಸ್ಪತಿರ್ವಿಷ್ಣುಃ ಸೋಮಃ ಸೂರ್ಯಸ್ತಥಾಽಶ್ವಿನೌ| ಭಗೋಽಥ ಮಿತ್ರಾವರುಣೌ ವೀರಂ ದದತು ಮೇ ಸುತಮ್||೩೩||

Adhikarana anyonyaMsAntvanapUrvakaMsaMveSaH (34) · Śloka 34

ಸಾನ್ತ್ವಯಿತ್ವಾ ತತೋಽನ್ಯೋನ್ಯಂ ಸಂವಿಶೇತಾಂ ಮುದಾನ್ವಿತೌ| ಉತ್ತಾನಾ ತನ್ಮನಾ ಯೋಷಿತ್ತಿಷ್ಠೇದಙ್ಗೈಃ ಸುಸಂಸ್ಥಿತೈಃ||೩೪||

Adhikarana evaM kRute garBadhAraNam (35) · Śloka 35

ಕಿಮೇವಂಸತಿ ಭವತಿ ? ಇತ್ಯಾಹ ತಥಾ ಹಿ ಬೀಜಂ ಗೃಹ್ಣಾತಿ ದೋಷೈಃ ಸ್ವಸ್ಥಾನಮಾಸ್ಥಿತೈಃ| |೩೫|

Adhikarana sadyogarBayA lakShaNam (35-36) · Śloka 36

| ಲಿಙ್ಗಂ ತು ಸದ್ಯೋಗರ್ಭಾಯಾ ಯೋನ್ಯಾ ಬೀಜಸ್ಯ ಸಙ್ಗ್ರಹಃ||೩೫|| ತೃಪ್ತಿರ್ಗುರುತ್ವಂ ಸ್ಫುರಣಂ ಶುಕ್ರಾಸ್ರಾನನುಬನ್ಧನಮ್| ಹೃದಯಸ್ಪನ್ದನಂ ತನ್ದ್ರಾ ತ್ಱ್ಡ್ಗ್ಲಾನಿರ್ಲೋಮಹರ್ಷಣಮ್||೩೬||

Adhikarana garBAvasthAH (37) · Śloka 37

ಇದಾನೀಂ ಗರ್ಭಸ್ಯಾವಸ್ಥಾಃ ಪ್ರದರ್ಶಯಿತುಮಾಹ ಅವ್ಯಕ್ತಃ ಪ್ರಥಮೇ ಮಾಸಿ ಸಪ್ತಾಹಾತ್ಕಲಲೀಭವೇತ್| ಗರ್ಭಃ ಪುಂಸವನಾನ್ಯತ್ರ ಪೂರ್ವಂ ವ್ಯಕ್ತೇಃ ಪ್ರಯೋಜಯೇತ್||೩೭||

Adhikarana puMsavanasya sArdhakatvam (38) · Śloka 38

ನನು, "ಶುದ್ಧೇಶುಕ್ರಾರ್ತವೇ ಸತ್ವಃ ಸ್ವಕರ್ಮಕ್ಲೇಶಚೋದಿತಃ| ಗರ್ಭಃ ಸಮ್ಪದ್ಯತೇ"(ಶ್ಲೋ.೧) ಇತ್ಯುಕ್ತಮ್| ತತ್ರ ಯದಿ ಪ್ರಾಕ್ಕೃತೇನ ಕರ್ಮಣಾ ಸ್ತ್ರೀಗರ್ಭಃ ಕುಕ್ಷಿಮಾಕ್ಷಿಪ್ತಸ್ತದಾ ಪುರುಷಪ್ರಯತ್ನೇ ಸತ್ಯಪಿ ಪುಂಗರ್ಭಃ ಕರ್ತುಂ ನ ಶಕ್ಯತೇ| ತಸ್ಮಾತ್ಪುಂಸವನಮನರ್ಥಕಮೇವೇತ್ಯಾಶಙ್ಕ್ಯಾಹ ಬಲೀ ಪುರುಷಕಾರೋ ಹಿ ದೈವಮಪ್ಯತಿವರ್ತತೇ| |೩೮|

Adhikarana puMsavanaprayogaH (38-39) · Śloka 39

ಅಧುನಾ ಪುಂಸವನಾದಿಪ್ರಯೋಗಮಾಹ | ಪುಷ್ಯೇ ಪುರುಷಕಂ ಹೈಮಂ ರಾಜತಂ ವಾಽಥವಾಽಽಯಸಮ್||೩೮|| ಕೃತ್ವಾಽಗ್ನಿವರ್ಣಂ ನಿರ್ವಾಪ್ಯ ಕ್ಷೀರೇ ತಸ್ಯಞ್ಜಲಿಂ ಪಿಬೇತ್| |೩೯|

Adhikarana puShye gauradaNDAdicaturNAM pAnam (39-40) · Śloka 40

| ಗೌರದಣ್ಡಮಪಾಮಾರ್ಗಂ ಜೀವಕರ್ಷಭಸೈರ್ಯಕಾನ್||೩೯|| ಪಿಬೇತ್ಪುಷ್ಯೇ ಜಲೇ ಪಿಷ್ಟಾನೇಕದ್ವಿತ್ರಿಸಮಸ್ತಶಃ| |೪೦|

Adhikarana SvetabRuhatImUlasya strInAsApuTe secanam (40-41) · Śloka 41

| ಕ್ಷೀರೇಣ ಶ್ವೇತಬೃಹತೀಮೂಲಂ ನಾಸಾಪುಟೇ ಸ್ವಯಮ್||೪೦|| ಪುತ್ರಾರ್ಥಂ ದಕ್ಷಿಣೇ ಸಿಞ್ಚೇದ್ವಾಮೇ ದುಹಿತೃವಾಞ್ಛಯಾ| |೪೧|

Adhikarana putrotpAdasthitipradAnyauShadhAni (41-42) · Śloka 42

| ಪಯಸಾ ಲಕ್ಷ್ಮಣಾಮೂಲಂ ಪುತ್ರೋತ್ಪಾದಸ್ಥಿತಿಪ್ರದಮ್||೪೧|| ನಾಸಯಾಽಽಸ್ಯೇನ ವಾ ಪೀತಂ ವಟಶುಙ್ಗಾಷ್ಟಕಂ ತಥಾ| ಓಷಧೀರ್ಜೀವನೀಯಾಶ್ಚ ಬಾಹ್ಯಾನ್ತರುಪಯೋಜಯೇತ್||೪೨||

Adhikarana garBadhAraNe upacAraH (43) · Śloka 43

ಉಪಚಾರಃ ಪ್ರಿಯಹಿತೈರ್ಭರ್ತ್ರಾ ಭೃತ್ಯೈಶ್ಚ ಗರ್ಭಧೃಕ್| ನವನೀತಘೃತಕ್ಷೀರೈಃ ಸದಾ ಚೈನಾಮುಪಾಚರೇತ್||೪೩||

Adhikarana garBiNyA ativyavAyatyAgAdi (44-47) · Śloka 47

ಅತಿವ್ಯವಾಯಮಾಯಾಸಂ ಭಾರಂ ಪ್ರಾವರಣಂ ಗುರು| ಅಕಾಲಜಾಗರಸ್ವಪ್ನಂ ಕಠಿನೋತ್ಕಟಕಾಸನಮ್||೪೪|| ಶೋಕಕ್ರೋಧಭಯೋದ್ವೇಗವೇಗಶ್ರದ್ಧಾವಿಧಾರಣಮ್| ಉಪವಾಸಾಧ್ವತೀಕ್ಷ್ಣೋಷ್ಣಗುರುವಿಷ್ಟಮ್ಭಿಭೋಜನಮ್||೪೫|| ರಕ್ತಂ ನಿವಸನಂ ಶ್ವಭ್ರಕೂಪೇಕ್ಷಾಂ ಮದ್ಯಮಾಮಿಷಮ್| ಉತ್ತಾನಶಯನಂ ಯಚ್ಚ ಸ್ತ್ರಿಯೋ ನೇಚ್ಛನ್ತಿ ತತ್ತ್ಯಜೇತ್||೪೬|| ತಥಾ ರಕ್ತಸ್ತ್ರುತಿಂ ಶುದ್ಧಿಂ ಬಸ್ತಿಮಾಮಾಸತೋಽಷ್ಟಮಾತ್| ಏಭಿರ್ಗರ್ಭಃ ಸ್ತ್ರವೇದಾಮಃ ಕುಕ್ಷೌ ಶುಷ್ಯೇನ್ಮ್ರಿಯೇತ ವಾ||೪೭||

Adhikarana vAtalAdyAhAraiH kubjAdayo garBAH (48) · Śloka 48

ವಾತಲೈಶ್ಚ ಭವೇದ್ಗರ್ಭಃ ಕುಬ್ಜಾನ್ಧಜಡವಾಮನಃ| ಪಿತ್ತಲೈಃ ಖಲತಿಃ ಪಿಙ್ಗಃ ಶ್ವಿತ್ರೀ ಪಾಣ್ಡುಃ ಕಫಾತ್ಮಭಿಃ||೪೮||

Adhikarana mRudvAdyauShadharvyAdhijayaH (49) · Śloka 49

ವ್ಯಾಧೀಂಶ್ಚಾಸ್ಯಾ ಮೃದುಸುಖೈರತೀಕ್ಷ್ಣೈರೌಷಧೈರ್ಜಯೇತ್| |೪೯|

Adhikarana dvitIyemAsi garBasya peSyAdyAkRutiH (49-50) · Śloka 50

ಪ್ರಥಮೇ ಮಾಸ್ಯವ್ಯಕ್ತಲಿಙ್ಗಃ ಕಲಲಾವಸ್ಥೋ ಗರ್ಭೋ ಭವೇತ್| ದ್ವಿತೀಯೇ ತು ಮಾಸಿ ಗರ್ಭಃ ಕೀದೃಶಃ ಸ್ಯಾತ್ ? ಇತ್ಯಾಹ | ದ್ವಿತೀಯೇ ಮಾಸಿ ಕಲಲಾದ್ಧನಃ ಪೇಶ್ಯಥವಾಽರ್ಬುದಮ್||೪೯|| ಪುಂಸ್ತ್ರೀಕ್ಲೀಬಾಃ ಕ್ರಮಾತ್ತೇಭ್ಯಃ| |೫೦|

Adhikarana vyakta garBasya lakShaNam (50-52) · Śloka 52

ತತ್ರ ವ್ಯಕ್ತಸ್ಯ ಲಕ್ಷಣಮ್| ಕ್ಷಾಮತಾ ಗರಿಮಾ ಕುಕ್ಷೇರ್ಮೂರ್ಚ್ಛಾ ಚ್ಛರ್ದಿರರೋಚಕಃ||೫೦|| ಜೃಮ್ಭಾ ಪ್ರಸೇಕಃ ಸದನಂ ರೋಮರಾಜ್ಯಾಃ ಪ್ರಕಾಶನಮ್| ಅಮ್ಲೇಷ್ಟತಾ ಸ್ತನೌ ಪೀನೌ ಸಸ್ತನ್ಯೌ ಕೃಷ್ಣಚೂಚುಕೌ||೫೧|| ಪಾದಶೋಫೋ ವಿದಾಹೋಽನ್ಯೇ ಶ್ರದ್ಧಾಶ್ಚ ವಿವಿಧಾತ್ಮಿಕಾಃ| |೫೨|

Adhikarana garBiNyAH icCitahitAhitasyadeyatve kAraNam (52-53) · Śloka 53

ಗರ್ಭಿಣ್ಯಾಶ್ಚ ಶ್ರದ್ಧಾಸೂತ್ಪನ್ನಾಸು ಕಿಮಪಥ್ಯಂ ತಸ್ಯೈ ದೇಯಂ ನ ವಾ ? ಇತ್ಯೇವಂ ಸಂದೇಹೇ ತದ್ಯುದಾಸಾರ್ಥಮಾಹ | ಮಾತೃಜಂ ಹ್ಯಸ್ಯ ಹೃದಯಂ ಮಾತುಶ್ಚ ಹೃದಯೇನ ತತ್||೫೨|| ಸಮ್ಬದ್ಧಂ ತೇನ ಗರ್ಭಿಣ್ಯಾ ನೇಷ್ಟಂ ಶ್ರದ್ಧಾವಿಮಾನನಮ್| |೫೩|

Adhikarana hitena sAkamahitamapyalpaM deyam (53) · Śloka 53

ತದರ್ಥಮಾಹ | ದೇಯಮಪ್ಯಹಿತಂ ತಸ್ಯೈ ಹಿತೋಪಹಿತಮಲ್ಪಕಮ್||೫೩||

Adhikarana ahitadAne kAraNam (54) · Śloka 54

ನನು, ಯದ್ಯಹಿತಂ ತತ್ಕಸ್ಮಾದ್ದೀಯತೇ ? ಇತ್ಯಾಹ ಶ್ರದ್ಧಾವಿಘಾತಾದ್ಗರ್ಭಸ್ಯ ವಿಕೃತಿಶ್ಚ್ಯುತಿರೇವ ವಾ| |೫೪|

Adhikarana tRutIye mAsi gAtrapa~jcakAdervyaktatvam (54-55) · Śloka 55

| ವ್ಯಕ್ತೀಭವತಿ ಮಾಸೇಽಸ್ಯ ತೃತೀಯೇ ಗಾತ್ರಪಞ್ಚಕಮ್||೫೪|| ಮೂರ್ದ್ಧಾ ದ್ವೇ ಸಕ್ಥಿನೀ ಬಾಹೂ ಸರ್ವಸೂಕ್ಷ್ಮಾಙ್ಗಜನ್ಮ ಚ| ಸಮಮೇವ ಹಿ ಮೂರ್ದ್ಧಾದ್ಯೈರ್ಜ್ಞಾನಂ ಚ ಸುಖದುಃಖಯೋಃ||೫೫||

Adhikarana mAtrA~abhyavahRutAnnapAnAbhyAMgarbhavardhanaprakAraH (56) · Śloka 56

ಅತ್ರ ಮಾತ್ರಾಽಭ್ಯವಹೃತಾಭ್ಯಾಮನ್ನಪಾನಾಭ್ಯಾಂ ಕಥಂ ಗರ್ಭೋ ವರ್ದ್ಧತೇ ? ಇತ್ಯಾಹ ಗರ್ಭಸ್ಯ ನಾಭೌ ಮಾತುಶ್ಚ ಹೃದಿ ನಾಡೀ ನಿಬಧ್ಯತೇ| ಯಯಾ ಸ ಪುಷ್ಟಿಮಾಪ್ನೋತಿ ಕೇದಾರ ಇವ ಕುಲ್ಯಯಾ||೫೬||

Adhikarana caturthapa~jcamayora~ggAnAM cetanAyASca krameNa vyaktiH (57) · Śloka 57

ಚತುರ್ಥೇ ವ್ಯಕ್ತತಾಽಙ್ಗಾನಾಂ, ಚೇತನಾಯಾಶ್ಚ ಪಞ್ಚಮೇ| |೫೭|

Adhikarana ShaShThesnAyvAdInAM vyaktatA (57) · Śloka 57

| ಷಷ್ಠೇ ಸ್ನಾಯುಸಿರಾರೋಮಬಲವರ್ಣನಖತ್ವಚಾಮ್||೫೭||

Adhikarana saptame sarvA~ggaiH pUrNatA (58) · Śloka 58

ಸರ್ವೈಃ ಸರ್ವಾಙ್ಗಸಮ್ಪೂರ್ಣೋ ಭಾವೈಃ ಪುಷ್ಯತಿ ಸಪ್ತಮೇ| |೫೮|

Adhikarana garBotpIDitA vAtAdayaH kaNDvAdikarAH (58) · Śloka 58

ಗರ್ಭೇಣೋತ್ಪೀಡಿತಾ ದೋಷಾಸ್ತಸ್ಮಿನ್ ಹೃದಯಮಾಶ್ರಿತಾಃ| ಕಣ್ಡೂಂ ವಿದಾಹಂ ಕುರ್ವನ್ತಿ ಗರ್ಭಿಣ್ಯಾಃ ಕಿಕ್ಕಿಸಾನಿ ಚ||೫೮||

Adhikarana tadupaSamArthaM navanItAdi sevanam (59-62) · Śloka 62

ನವನೀತಂ ಹಿತಂ ತತ್ರ ಕೋಲಾಮ್ಬುಮಧುರೌಷಧೈಃ| ಸಿದ್ಧಮಲ್ಪಪಟುಸ್ನೇಹಂ ಲಘು ಸ್ವಾದು ಚ ಭೋಜನಮ್||೫೯|| ಚನ್ದನೋಶೀರಕಲ್ಕೇನ ಲಿಮ್ಪೇದೂರುಸ್ತನೋದರಮ್| ಶ್ರೇಷ್ಠಯಾ ವೈಣಹರಿಣಶಶಶೋಣಿತಯುಕ್ತಯಾ||೬೦|| ಅಶ್ವಘ್ನಪತ್ರಸಿದ್ಧೇನ ತೈಲೇನಾಭ್ಯಜ್ಯ ಮರ್ದಯೇತ್| ಪಟೋಲನಿಮ್ಬಮಞ್ಜಿಷ್ಠಾಸುರಸೈಃ ಸೇಚಯೇತ್ಪುನಃ||೬೧|| ದಾರ್ವೀಮಧುಕತೋಯೇನ ಮೃಜಾಂ ಚ ಪರಿಶೀಲಯೇತ್| |೬೨|

Adhikarana aShTame mAtAputrayorojasaH sa~jcArAdi (62-63) · Śloka 63

ಇದಾನೀಮಷ್ಟಮೇ ಮಾಸಿ ಗರ್ಭಸ್ವರೂಪಂ ತತ್ರೇತಿಕರ್ತವ್ಯತಾಂ ಚಾಚಷ್ಟೇ | ಓಜೋಽಷ್ಟಮೇ ಸಞ್ಚರತಿ ಮಾತಾಪುತ್ರೌ ಮುಹುಃ ಕ್ರಮಾತ್||೬೨|| ತೇನ ತೌ ಮ್ಲಾನಮುದಿತೌ ತತ್ರ ಜಾತೋ ನ ಜೀವತಿ| ಶಿಶುರೋಜೋನವಸ್ಥಾನಾನ್ನಾರೀ ಸಂಶಯಿತಾ ಭವೇತ್||೬೩||

Adhikarana aShTame mAsi kShIrapeyAdi sevanam (64-65) · Śloka 65

ಕ್ಷೀರಪೇಯಾ ಚ ಪೇಯಾಽತ್ರ ಸಘೃತಾಽನ್ವಾಸನಂ ಘೃತಮ್| ಮಧುರೈಃ ಸಾಧಿತಂ ಶುದ್ಧ್ಯೈ ಪುರಾಣಶಕೃತಸ್ತಥಾ||೬೪|| ಶುಷ್ಕಮೂಲಕಕೋಲಾಮ್ಲಕಷಾಯೇಣ ಪ್ರಶಸ್ಯತೇ| ಶತಾಹ್ವಾಕಲ್ಕಿತೋ ಬಸ್ತಿಃ ಸತೈಲಘೃತಸೈನ್ಧವಃ||೬೫||

Adhikarana prasUtikAlaH (66) · Śloka 66

ತಸ್ಮಿಂಸ್ತ್ವೇಕಾಹಯಾತೇಽಪಿ ಕಾಲಃ ಸೂತೇರತಃ ಪರಮ್| |೬೬|

Adhikarana dvAdaSamAsAdUrdhvaM garBo vikArakari (66) · Śloka 66

| ವರ್ಷಾದ್ವಿಕಾರಕಾರೀ ಸ್ಯಾತ್ಕುಕ್ಷೌ ವಾತೇನ ಧಾರಿತಃ||೬೬||

Adhikarana navame snigdhaudanAdeH Sastatvam (67) · Śloka 67

ಶಸ್ತಶ್ಚ ನವಮೇ ಮಾಸಿ ಸ್ನಿಗ್ಧೋ ಮಾಂಸರಸೌದನಃ| ಬಹುಸ್ನೇಹಾ ಯವಾಗೂರ್ವಾ ಪೂರ್ವೋಕ್ತಂ ಚಾನುವಾಸನಮ್||೬೭||

Adhikarana tadA yonau vAtavijayArthaM picusthApanAdi (68) · Śloka 68

ತತ ಏವ ಪಿಚುಂ ಚಾಸ್ಯಾ ಯೋನೌ ನಿತ್ಯಂ ನಿಧಾಪಯೇತ್| ವಾತಘ್ನಪತ್ರಭಙ್ಗಾಮ್ಭಃ ಶೀತಂ ಸ್ನಾನೇಽನ್ವಹಂ ಹಿತಮ್||೬೮||

Adhikarana garBaprasavaparyantaM garBiNyAH sasnehA~ggatvaM (69) · Śloka 69

ನಿಃಸ್ನೇಹಾಙ್ಗೀ ನ ನವಮಾನ್ಮಾಸಾತ್ಪ್ರಭೃತಿ ವಾಸಯೇತ್| |೬೯|

Adhikarana putrAdyanumApakAni (69-71) · Śloka 71

ಇದಾನೀಂ ಗರ್ಭಿಣ್ಯಾ ಯೈರ್ಲಕ್ಷಣೈರವ್ಯಭಿಚಾರಿಭಿಃ ಪುತ್ರದುಹಿತೃನಪುಂಸಕಯಮಕಪ್ರಸವೋಽನುಮೀಯತೇ, ತಾನ್ಯಾಹ | ಪ್ರಾಗ್ದಕ್ಷಿಣಸ್ತನಸ್ತನ್ಯಾ ಪೂರ್ವಂ ತತ್ಪಾರ್ಶ್ವಚೇಷ್ಟಿನೀ||೬೯|| ಪುನ್ನಾಮದೌರ್ಹೃದಪ್ರಶ್ನರತಾ ಪುಂಸ್ವಪ್ನದರ್ಶಿನೀ| ಉನ್ನತೇ ದಕ್ಷಿಣೇ ಕುಕ್ಷೌ ಗರ್ಭೇ ಚ ಪರಿಮಣ್ಡಲೇ||೭೦|| ಪುತ್ರಂ ಸೂತೇಽನ್ಯಥಾ ಕನ್ಯಾಂ ಯಾ ಚೇಚ್ಛತಿ ನೃಸಙ್ಗತಿಮ್| ನೃತ್ಯವಾದಿತ್ರಗಾನ್ಧರ್ವಗನ್ಧಮಾಲ್ಯಪ್ರಿಯಾ ಚ ಯಾ||೭೧||

Adhikarana ShaNDaprasavalakShaNaM (72) · Śloka 72

ಇದಾನೀಮ್ ಷಣ್ಢಪ್ರಸವಲಕ್ಷಣಮಾಹ ಕ್ಲೀಬಂ ತತ್ಸಙ್ಕರೇ, ತತ್ರ ಮಧ್ಯಂ ಕುಕ್ಷೇಃ ಸಮುನ್ನತಮ್| |೭೨|

Adhikarana yamalagarBalakShaNam (72) · Śloka 72

| ಯಮೌ ಪಾರ್ಶ್ವದ್ವಯೋನ್ನಾಮಾತ್ಕುಕ್ಷೌ ದ್ರೋಣ್ಯಾಮಿವ ಸ್ಥಿತೇ||೭೨||

Adhikarana navamAsAtprAk sUtikAgRuhASrayo garBiNyAH (73) · Śloka 73

ಪ್ರಾಕ್ ಚೈವ ನವಮಾನ್ಮಾಸಾತ್ ಸಾ ಸೂತಿಗೃಹಮಾಶ್ರಯೇತ್| ದೇಶೇ ಪ್ರಶಸ್ತೇ ಸಮ್ಭಾರೈಃ ಸಮ್ಪನ್ನಂ ಸಾಧಕೇಽಹನಿ||೭೩||

Adhikarana tadgRuhe sUtyudIkShaNam (74) · Śloka 74

ತತ್ರೋದೀಕ್ಷೇತ ಸಾ ಸೂತಿಂ ಸೂತಿಕಾಪರಿವಾರಿತಾ| |೭೪|

Adhikarana AsannaprasavAyAlakShaNam (74-76) · Śloka 76

ಇದಾನೀಮಾಸನ್ನಪ್ರಸವಾಯಾ ಲಕ್ಷಣಮಾಹ | ಅದ್ಯಶ್ವಃಪ್ರಸವೇ ಗ್ಲಾನಿಃ ಕುಕ್ಷ್ಯಕ್ಷಿಶ್ಲಥತಾ ಕ್ಲಮಃ||೭೪|| ಅಧೋಗುರುತ್ವಮರುಚಿಃ ಪ್ರಸೇಕೋ ಬಹುಮೂತ್ರತಾ| ವೇದನೋರೂದರಕಟೀಪೃಷ್ಠಹೃದ್ವಸ್ತಿವಙ್ಕ್ಷಣೇ||೭೫|| ಯೋನಿಭೇದರುಜಾತೋದಸ್ಫುರಣಸ್ರವಣಾನಿ ಚ| ಆವೀನಾಮನು ಜನ್ಮಾತಸ್ತತೋ ಗರ್ಭೋದಕಸ್ತ್ರುತಿಃ||೭೬||

Adhikarana garbhasruteranantaraM saghRutapeyA pAnam (77-78) · Śloka 78

ಅಥೋಪಸ್ಥಿತಗರ್ಭಾಂ ತಾಂ ಕೃತಕೌತುಕಮಙ್ಗಲಾಮ್| ಹಸ್ತಸ್ಥಪುನ್ನಾಮಫಲಾಂ ಸ್ವಭ್ಯಕ್ತೋಷ್ಣಾಮ್ಬುಸೇಚಿತಾಮ್||೭೭|| ಪಾಯಯೇತ್ಸಘೃತಾಂ ಪೇಯಾಂ| |೭೮|

Adhikarana BUSayane sthitAyA mardanAdi (78-79) · Śloka 79

ತನೌ ಭೂಶಯನೇ ಸ್ಥಿತಾಮ್| ಆಭುಗ್ನಸಕ್ಥಿಮುತ್ತಾನಾಮಭ್ಯಕ್ತಾಙ್ಗೀಂ ಪುನಃ ಪುನಃ||೭೮|| ಅಧೋ ನಾಭೇರ್ವಿಮೃದ್ನೀಯಾತ್ಕಾರಯೇಜ್ಜೃಮ್ಭಚಙ್ಕ್ರಮಮ್| |೭೯|

Adhikarana evamanuShThite Palam (79-80) · Śloka 80

ಕಿಮೇವಮನುಷ್ಠಿತೇ ಸತಿ ಭವತಿ ? ಇತ್ಯಾಹ | ಗರ್ಭಃ ಪ್ರಯಾತ್ಯವಾಗೇವಂ, ತಲ್ಲಿಙ್ಗಂ ಹೃದ್ವಿಮೋಕ್ಷತಃ||೭೯|| ಆವಿಶ್ಯ ಜಠರಂ ಗರ್ಭೋ ಬಸ್ತೇರುಪರಿ ತಿಷ್ಠತಿ| |೮೦|

Adhikarana garBiNyAH KaTvAropAdi (80) · Śloka 80

ಆವ್ಯೋಽಭಿತ್ವರಯನ್ತ್ಯೇನಾಂ ಖಟ್ವಾಮಾರೋಪಯೇತ್ತತಃ| ||೮೦||

Adhikarana aBya~ggAdinA yonivikAsanam (81) · Śloka 81

ಅಥ ಸಮ್ಪೀಡಿತೇ ಗರ್ಭೇ ಯೋನಿಮಸ್ಯಾಃ ಪ್ರಸಾರಯೇತ್| ಮೃದು ಪೂರ್ವಂ ಪ್ರವಾಹೇತ ಬಾಢಮಾಪ್ರಸವಾಚ್ಚ ಸಾ||೮೧||

Adhikarana tasyA harShotpAdanam (82) · Śloka 82

ಹರ್ಷಯೇತ್ತಾಂ ಮುಹುಃ ಪುತ್ರಜನ್ಮಶಬ್ದಜಲಾನಿಲೈಃ| |೮೨|

Adhikarana harShAdyutpAdane Palam (82) · Śloka 82

ಅಥ ಕಿಂ ಹರ್ಷಾದ್ಯುತ್ಪಾದನೇನ ಸ್ಯಾತ್ ? ಇತ್ಯಾಹ | ಪ್ರತ್ಯಾಯಾನ್ತಿ ತಥಾ ಪ್ರಾಣಾಃ ಸೂತಿಕ್ಲೇಶಾವಸಾದಿತಾಃ||೮೨||

Adhikarana garBasya sa~gge kRuShNasarpanirmokena dhUpanAdi (83-87) · Śloka 87

ಧೂಪಯೇದ್ಗರ್ಭಸಙ್ಗೇ ತು ಯೋನಿಂ ಕೃಷ್ಣಾಹಿಕಞ್ಚುಕೈಃ| ಹಿರಣ್ಯಪುಷ್ಪೀಮೂಲಂ ಚ ಪಾಣಿಪಾದೇನ ಧಾರಯೇತ್||೮೩|| ಸುವರ್ಚಲಾಂ ವಿಶಲ್ಯಾಂ ವಾ ಜರಾಯ್ವಪತನೇಽಪಿ ಚ| ಕಾರ್ಯಮೇತತ್ತಥೋತ್ಕ್ಷಿಪ್ಯ ಬಾಹ್ವೋರೇನಾಂ ವಿಕಮ್ಪಯೇತ್||೮೪|| ಕಟೀಮಾಕೋಟಯೇತ್ಪಾರ್ಷ್ಣ್ಯಾ ಸ್ಫಿಜೌ ಗಾಢಂ ನಿಪೀಡಯೇತ್| ತಾಲುಕಣ್ಠಂ ಸ್ಪೃಶೇದ್ವೇಣ್ಯಾ ಮೂರ್ಧ್ನಿ ದದ್ಯಾತ್ಸ್ನುಹೀಪಯಃ||೮೫|| ಭೂರ್ಜಲಾಙ್ಗಲಿಕೀತುಮ್ಬೀಸರ್ಪತ್ವಕ್ಕುಷ್ಠಸರ್ಷಪೈಃ| ಪೃಥಗ್ದ್ವಾಭ್ಯಾಂ ಸಮಸ್ತೈರ್ವಾ ಯೋನಿಲೇಪನಧೂಪನಮ್||೮೬|| ಕುಷ್ಠತಾಲೀಸಕಲ್ಕಂ ವಾ ಸುರಾಮಣ್ಡೇನ ಪಾಯಯೇತ್| ಯೂಷೇಣ ವಾ ಕುಲತ್ಥಾನಾಂ ಬಾಲ್ವಜೇನಾಸವೇನ ವಾ||೮೭||

Adhikarana tato~anuvAsanam (88-90) · Śloka 90

ಶತಾಹ್ವಾಸರ್ಷಪಾಜಾಜೀಶಿಗ್ರುತೀಕ್ಷ್ಣಕಚಿತ್ರಕೈಃ| ಸಹಿಙ್ಗುಕುಷ್ಠಮದನೈರ್ಮೂತ್ರೇ ಕ್ಷೀರೇ ಚ ಸಾರ್ಷಪಮ್||೮೮|| ತೈಲಂ ಸಿದ್ಧಂ ಹಿತಂ ಪಾಯೌ ಯೋನ್ಯಾಂ ವಾಽಪ್ಯನುವಾಸನಮ್| ಶತಪುಷ್ಪಾವಚಾಕುಷ್ಠಕಣಾಸರ್ಷಕಲ್ಕಿತಃ||೮೯|| ನಿರೂಹಃ ಪಾತಯತ್ಯಾಶು ಸಸ್ನೇಹಲವಣೋಽಪರಾಮ್| ತತ್ಸಙ್ಗೇ ಹ್ಯನಿಲೋ ಹೇತುಃ ಸಾ ನಿರ್ಯಾತ್ಯಾಶು ತಜ್ಜಯಾತ್||೯೦||

Adhikarana kuSalayoShitA tasyAharaNam (91) · Śloka 91

ಕುಶಲಾ ಪಾಣಿನಾಽಕ್ತೇನ ಹರೇತ್ಕ್ಲೃಪ್ತನಖೇನ ವಾ| |೯೧|

Adhikarana tailena mardanAdi (91) · Śloka 91

| ಮುಕ್ತಗರ್ಭಾಪರಾಂ ಯೋನಿಂ ತೈಲೇನಾಙ್ಗಂ ಚ ಮರ್ದಯೇತ್||೯೧||

Adhikarana makkalAKye roge yavakShArapAnAdi (92-93) · Śloka 93

ಮಕ್ಕಲ್ಲಾಖ್ಯೇ ಶಿರೋಬಸ್ತಿಕೋಷ್ಠಶೂಲೇ ತು ಪಾಯಯೇತ್| ಸುಚೂರ್ಣಿತಂ ಯವಕ್ಷಾರಂ ಘೃತೇನೋಷ್ಣಜಲೇನ ವಾ||೯೨|| ಧಾನ್ಯಾಮ್ಬು ವಾ ಗುಡವ್ಯೋಷತ್ರಿಜಾತಕರಜೋನ್ವಿತಮ್| |೯೩|

Adhikarana bAlasyopacAraH (93) · Śloka 93

| ಅಥ ಬಾಲೋಪಚಾರೇಣ ಬಾಲಂ ಯೋಷಿದುಪಾಚರೇತ್||೯೩||

Adhikarana buBukShitAyA tailamAtrAdi pAnam (94-95) · Śloka 95

ಸೂತಿಕಾ ಕ್ಷುದ್ವತೀ ತೈಲಾದ್ಧೃತಾದ್ವಾ ಮಹತೀಂ ಪಿಬೇತ್| ಪಞ್ಚಕೋಲಕಿನೀಂ ಮಾತ್ರಾಮನು ಚೋಷ್ಣಂ ಗುಡೋದಕಮ್||೯೪|| ವಾತಘ್ನೌಷಧತೋಯಂ ವಾ, ತಥಾ ವಾಯುರ್ನ ಕುಪ್ಯತಿ| ವಿಶುಧ್ಯತಿ ಚ ದುಷ್ಟಾಸ್ರಂ ದ್ವಿತ್ರಿರಾತ್ರಮಯಂ ಕ್ರಮಃ||೯೫||

Adhikarana snehAyogyAyAH snehaMvinA pUrvavidhiH (96) · Śloka 96

ಸ್ನೇಹಾಯೋಗ್ಯಾ ತು ನಿಃಸ್ನೇಹಮಮುಮೇವ ವಿಧಿಂ ಭಜೇತ್| ಪೀತವತ್ಯಾಶ್ಚ ಜಠರಂ ಯಮಕಾಕ್ತಂ ವಿವೇಷ್ಟಯೇತ್||೯೬||

Adhikarana snAtAyAH peyApAnam (97-99) · Śloka 99

ಜೀರ್ಣೇ ಸ್ನಾತಾ ಪಿಬೇತ್ಪೇಯಾಂ ಪೂರ್ವೋಕ್ತೌಷಧಸಾಧಿತಾಮ್| ತ್ರ್ಯಹಾದೂರ್ಧ್ವಂ ವಿದಾರ್ಯಾದಿವರ್ಗಕ್ವಾಥೇನ ಸಾಧಿತಾ||೯೭|| ಹಿತಾ ಯವಾಗೂಃ ಸ್ನೇಹಾಢ್ಯಾ ಸಾತ್ಮ್ಯತಃ ಪಯಸಾಽಥವಾ| ಸಪ್ತರಾತ್ರಾತ್ಪರಂ ಚಾಸ್ಯೈ ಕ್ರಮಶೋ ಬೃಂಹಣಂ ಹಿತಮ್||೯೮|| ದ್ವಾದಶಾಹೇಽನತಿಕ್ರಾನ್ತೇ ಪಿಶಿತಂ ನೋಪಯೋಜಯೇತ್| |೯೯|

Adhikarana sUtAyAH yatnenopacAraH (99-100) · Śloka 100

| ಯತ್ನೇನೋಪಚರೇತ್ಸೂತಾಂ ದುಃಸಾಧ್ಯೋ ಹಿ ತದಾಮಯಃ||೯೯|| ಗರ್ಭವೃದ್ಧಿಪ್ರಸವರುಕ್ಕ್ಲೇದಾಸ್ರಸ್ರುತಿಪೀಡನೈಃ| |೧೦೦|

Adhikarana evaM sArdhamAsavidhiH (1) · Śloka 1

| ಏವಂ ಚ ಮಾಸಾದಧ್ಯರ್ಧಾನ್ಮುಕ್ತಾಹಾರಾದಿಯನ್ತ್ರಣಾ||೧೦೦|| ಗತಸೂತಾಭಿಧಾನಾ ಸ್ಯಾತ್ಪುನರಾರ್ತವದರ್ಶನಾತ್| ೧೦೦ ೧/೨| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾ- ಯಾಮಷ್ಟಾಙ್ಗಹೃದಯಸಂಹಿತಾಯಾಂ ದ್ವಿತೀಯೇ ಶಾರೀರಸ್ಥಾನೇ ಗರ್ಭಾವಕ್ರಾನ್ತಿರ್ನಾಮ ಪ್ರಥಮೋಽಧ್ಯಾಯಃ||೧||