11. sandhisitasitarōgapratiṣēdhādhyāyaḥ

Adhikarana sandhisitAsitAsitarogapratiShedhAdhyAyaH||11|| (2-3) · Śloka 3

ಅಸ್ಮಾದನನ್ತರಂ ಸನ್ಧಿಸಿತಾಸಿತರೋಗಪ್ರತಿಷೇಧ ಉಚ್ಯತೇ ಅಥಾತಃ ಸನ್ಧಿಸಿತಾಸಿತರೋಗಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯದಯೋ ಮಹರ್ಷಯಃ| (ಗದ್ಯಸೂತ್ರೇ|೨| )||೩||

Adhikarana upanAhe bhedanalekhanAdi (1-2) · Śloka 2

ಜಲಾಸ್ರಾವಕಫಾಸ್ರಾವಯೋರಸಾಧ್ಯತ್ವಾದುಪನಾಹಚಿಕಿತ್ಸಾಮಾಹ ಉಪನಾಹಂ ಭಿಷಕ್ ಸ್ವಿನ್ನಂ ಭಿನ್ನಂ ವ್ರೀಹಿಮುಖೇನ ಚ| ಲೇಖಯೇನ್ಮಣ್ಡಲಾಗ್ರೇಣ ತತಶ್ಚ ಪ್ರತಿಸಾರಯೇತ್||೧|| ಪಿಪ್ಪಲೀಕ್ಷೌದ್ರಸಿನ್ಧೂತ್ಥೈರ್ಬಧ್ನೀಯಾತ್ಪೂರ್ವವತ್ತತಃ| ಪಟೋಲಪತ್ರಾಮಲಕಕ್ವಾಥೇನಾಶ್ಚ್ಯೋತಯೇಚ್ಚ ತಮ್||೨||

Adhikarana parvaNyAM chedanapratisAraNAdi (3-4) · Śloka 4

ಪರ್ವಣೀ ಬಡಿಶೇನಾತ್ತಾ ಬಾಹ್ಯಸನ್ಧಿತ್ರಿಭಾಗತಃ| ವೃದ್ಧಿಪತ್ರೇಣ ವರ್ಧ್ಯಾಽರ್ಧೇ ಸ್ಯಾದಶ್ರುಗತಿರನ್ಯಥಾ||೩|| ಚಿಕಿತ್ಸಾ ಚಾರ್ಮವತ್ಕ್ಷೌದ್ರಸೈನ್ಧವಪ್ರತಿಸಾರಿತಾ| |೪|

Adhikarana pUyAlase sirAvyadhAdi (4-5) · Śloka 5

| ಪೂಯಾಲಸೇ ಸಿರಾಂ ವಿಧ್ಯೇತ್ತತಸ್ತಮುಪನಾಹಯೇತ್||೪|| ಕುರ್ವೀತ ಚಾಕ್ಷಿಪಾಕೋಕ್ತಂ ಸರ್ವಂ ಕರ್ಮ ಯಥಾವಿಧಿ| |೫|

Adhikarana pUyAlase cUrNA~jjanaM rasakriyA ca (5-6) · Śloka 6

| ಸೈನ್ಧವಾರ್ದ್ರಕಕಾಸೀಸಲೋಹತಾಮ್ರೈಃ ಸುಚೂರ್ಣಿತೈಃ||೫|| ಚೂರ್ಣಞ್ಜನಂ ಪ್ರಯುಞ್ಜೀತ ಸಕ್ಷೌದ್ರೈರ್ವಾ ರಸಕ್ರಿಯಾಮ್| |೬|

Adhikarana krimigranthau bhedanalekhanAdi (6-7) · Śloka 7

| ಕೃಮಿಗ್ರನ್ಥಿಂ ಕರೀಷೇಣ ಸ್ವಿನ್ನಂ ಭಿತ್ತ್ವಾ ವಿಲಿಖ್ಯ ಚ||೬|| ತ್ರಿಫಲಾಕ್ಷೌದ್ರಕಾಸೀಸಸೈನ್ಧವೈಃ ಪ್ರತಿಸಾರಯೇತ್| |೭|

Adhikarana shuktyAM pittAbhiShyandavat (7) · Śloka 7

| ಪಿತ್ತಾಭಿಷ್ಯನ್ದವಚ್ಛುಕ್ತಿಂ|೭|

Adhikarana balasagrathitapiShTakayoH kaphAbhiShyandavat vyoShAdya~jjanaM ca (7-8) · Śloka 8

| ಬಲಾಸಾಹ್ವಯಪಿಷ್ಟಕೇ||೭|| ಕಫಾಭಿಷ್ಯನ್ದವನ್ಮುಕ್ತ್ವಾ ಸಿರಾವ್ಯಧಮುಪಾಚರೇತ್| ಬೀಜಪೂರರಸಾಕ್ತಂ ಚ ವ್ಯೋಷಕಟ್ಫಲಮಞ್ಜನಮ್||೮||

Adhikarana balasagrathitapiShTakayoH jAtImukulAdivartiH (9) · Śloka 9

ಜಾತೀಮುಕುಲಸಿನ್ಧೂತ್ಥದೇವದಾರುಮಹೌಷಧೈಃ| ಪಿಷ್ಟೈಃ ಪ್ರಸನ್ನಯಾ ವರ್ತಿಃ ಶೋಫಕಣ್ಡೂಘ್ನಮಞ್ಜನಮ್||೯||

Adhikarana sirotpAtasirAharShasirAjAlArjuneShu raktasyandavat (10) · Śloka 10

ರಕ್ತಸ್ಯನ್ದವದುತ್ಪಾತಹರ್ಷಜಾಲಾರ್ಜುನುಕ್ರಿಯಾ| |೧೦|

Adhikarana sirotpAte ghRutamAkShikA~jjanam sirAharShe rasA~jjanam arjune AshcyotanA~jjanAdi (10-12) · Śloka 12

| ಸಿರೋತ್ಪಾತೇ ವಿಶೇಷೇಣ ಘೃತಮಾಕ್ಷಿಕಮಞ್ಜನಮ್||೧೦|| ಸಿರಾಹರ್ಷೇ ತು ಮಧುನಾ ಶ್ಲಕ್ಷ್ಣಘೃಷ್ಟಂ ರಸಾಞ್ಜನಮ್| ಅರ್ಜುನೇ ಶರ್ಕರಾಮಸ್ತುಕ್ಷೌದ್ರೈರಾಶ್ಚಯೋತನಂ ಹಿತಮ್||೧೧|| ಸ್ಫಟಿಕಃ ಕುಙ್ಕುಮಂ ಶಙ್ಖೋ ಮಧುಕಂ ಮಧುನಾಽಞ್ಜನಮ್| ಮಧುನಾ ಚಾಞ್ಜನಂ ಶಙ್ಖಃ ಫೇನೋ ವಾ ಸಿತಯಾ ಸಹ||೧೨||

Adhikarana armaNi shukravat (13) · Śloka 13

ಅರ್ಮೋಕ್ತಂ ಪಞ್ಚಧಾ ತತ್ರ ತನು ಧೂಮಾವಿಲಂ ಚ ಯತ್| ರಕ್ತಂ ದಧಿನಿಭಂ ಯಚ್ಚ ಶುಕ್ರವತ್ತಸ್ಯ ಭೇಷಜಮ್||೧೩||

Adhikarana armaNi shastracikitsA vidhiH (14-19) · Śloka 19

ಅಥಾರ್ಮಣಃ ಶಸ್ತ್ರಚಿಕಿತ್ಸಾಮಾಹ ಉತ್ತಾನಸ್ಯೇತರತ್ ಸ್ವಿನ್ನಂ ಸಸಿನ್ಧೂತ್ಥೇನ ಚಾಞ್ಜಿತಮ್| ರಸೇನ ಬೀಜಪೂರಸ್ಯ ನಿಮೀಲ್ಯಾಕ್ಷಿ ವಿಮರ್ದಯೇತ್||೧೪|| ಇತ್ಥಂ ಸಂರೋಷಿತಾಕ್ಷಾಸ್ಯ ಪ್ರಚಲೇಽರ್ಮಾಧಿಮಾಂಸಕೇ| ಧೃತಸ್ಯ ನಿಶ್ಚಲಂ ಮೂರ್ಧ್ನಿ ವರ್ತ್ಮನೋಶ್ಚ ವಿಶೇಷತಃ||೧೫|| ಅಪಾಙ್ಗಮೀಕ್ಷಮಾಣಸ್ಯ ವೃದ್ಧ್ಽರ್ಮಣಿ ಕನೀನಕಾತ್| ವಲೀ ಸ್ಯಾದ್ಯತ್ರ ತತ್ರಾರ್ಮ ಬಡಿಶೇನಾವಲಮ್ಬಿತಮ್||೧೬|| ನಾತ್ಯಾಯತಂ ಮುಚುಣ್ಡ್ಯಾ ವಾ ಸೂಚ್ಯಾ ಸೂತ್ರೇಣ ವಾ ತತಃ| ಸಮನ್ತಾನ್ಮಣ್ಡಲಾಗ್ರೇಣ ಮೋಚಯೇದಥ ಮೋಕ್ಷಿತಮ್||೧೭|| ಕನೀನಕಮುಪಾನೀಯ ಚತುರ್ಭಾಗಾವಶೇಷಿತಮ್| ಛಿನ್ದ್ಯಾತ್ಕನೀನಕಂ ರಕ್ಷೇದ್ವಾಹಿನೀಶ್ಚಾಶ್ರುವಾಹಿನೀಃ||೧೮|| ಕನೀನಕವ್ಯಧಾದಶ್ರು ನಾಡೀ ಚಾಕ್ಷ್ಣಿ ಪ್ರವರ್ತತೇ| ವೃದ್ಧೇಽರ್ಮಣಿ ತಥಾಽಪಾಙ್ಗಾತ್ಪಶ್ಯತೋಽಸ್ಯ ಕನೀನಕಮ್||೧೯||

Adhikarana armaNi bandhanavidhiH (20-22) · Śloka 22

ಸಮ್ಯಕ್ ಛಿನ್ನಂ ಮಧುವ್ಯೋಷಸೈನ್ಧವಪ್ರತಿಸಾರಿತಮ್| ಉಷ್ಣೇನ ಸರ್ಪಿಷಾ ಸಿಕ್ತಮಭ್ಯಕ್ತಂ ಮಧುಸರ್ಪಿಷಾ||೨೦|| ಬಧ್ನೀಯಾತ್ಸೇಚಯೇನ್ಮುಕ್ತ್ವಾ ತೃತೀಯಾದಿದಿನೇಷು ಚ| ಕರಞ್ಜಬೀಜಸಿದ್ಧೇನ ಕ್ಷೀರೇಣ ಕ್ವಥಿತೈಸ್ತಥಾ||೨೧|| ಸಕ್ಷೌದ್ರೈರ್ದ್ವಿನಿಶಾರೋಧ್ರಪಟೋಲೀಯಷ್ಟಿಕಿಂಶುಕೈಃ| ಕುರಣ್ಟಮುಕುಲೋಪೇತೈರ್ಮುಞ್ಚೇದೇವಾಹ್ನಿ ಸಪ್ತಮೇ||೨೨||

Adhikarana armaNi hInAticchedaje sekA~jjanAdi (23) · Śloka 23

ಸಮ್ಯಕ್ ಛಿನ್ನೇ ಭವೇತ್ಸ್ವಾಸ್ಥ್ಯಂ ಹೀನಾತಿಚ್ಛೇದಜಾನ್ ಗದಾನ್| ಸೇಕಾಞ್ಜನಪ್ರಭೃತಿಭಿರ್ಜಯೇಲ್ಲೇಖನಬೃಂಹಣೈಃ||೨೩||

Adhikarana armaNi sitAdya~jjanam (24-25) · Śloka 25

ಸಿತಾಮನಃಶಿಲೈಲೇಯಲವಣೋತ್ತಮನಾಗರಮ್| ಅರ್ಧಕರ್ಷೋನ್ಮಿತಂ ತಾರ್ಕ್ಷ್ಯಂ ಪಲಾರ್ಧಂ ಚ ಮಧುದ್ರುತಮ್||೨೪|| ಅಞ್ಜನಂ ಶ್ಲೇಷ್ಮತಿಮಿರಪಿಲ್ಲಶುಕ್ರಾರ್ಮಶೇಷಜಿತ್| |೨೫|

Adhikarana armaNi triphalAdya~jjanAni (25-27) · Śloka 27

| ತ್ರಿಫಲೈಕತಮದ್ರವ್ಯತ್ವಚಂ ಪಾನೀಯಕಲ್ಕಿತಾಮ್||೨೫|| ಶರಾವಪಿಹಿತಾಂ ದಗ್ಧ್ವಾ ಕಪಾಲೇ ಚೂರ್ಣಯೇತ್ತತಃ| ಪೃಥಕ್ಶೇಷೌಷಧರಸೈಃ ಪೃಥಗೇವ ಚ ಭಾವಿತಾ||೨೬|| ಸಾ ಮಷೀ ಶೋಷಿತಾ ಪೇಷ್ಯಾ ಭೂಯೋ ದ್ವಿಲವಣಾನ್ವಿತಾ| ತ್ರಿಣ್ಯೇತಾನ್ಯಞ್ಜನಾನ್ಯಾಹ ಲೇಖನಾನಿ ಪರಂ ನಿಮಿಃ||೨೭||

Adhikarana sirAjAle kaThinasirAsu armavat (28) · Śloka 28

ಸಿರಾಜಾಲೇ ಸಿರಾ ಯಾಸ್ತು ಕಠಿನಾ ಲೇಖನೌಷಧೈಃ| ನ ಸಿದ್ಧ್ಯನ್ತ್ಯರ್ಮವತ್ತಾಸಾಂ ಪಿಟಿಕಾನಾಂ ಚ ಸಾಧನಮ್||೨೮||

Adhikarana shukreShu triphalAdi (29) · Śloka 29

ದೋಷಾನುರೋಧಾಚ್ಛುಕ್ರೇಷು ಸ್ನಿಗ್ಧರೂಕ್ಷಾ ವರಾ ಘೃತಮ್| ತಿಕ್ತಮೂರ್ಧ್ವಮಸೃಕ್ಸ್ರಾವೋ ರೇಕಸೇಕಾದಿ ಚೇಷ್ಯತೇ||೨೯||

Adhikarana kShatashukre trivRuddhRutapAnam (30-32) · Śloka 32

ತ್ರಿಸ್ತ್ರಿವೃದ್ವಾರಿಣಾ ಪಕ್ವಂ ಕ್ಷತಶುಕ್ರೇ ಘೃತಂ ಪಿಬೇತ್| ಸಿರಾಯಾν ಹರೇದ್ರಕ್ತಂ ಜಲೌಕೋಭಿಶ್ಚ ಲೋಚನಾತ್||೩೦|| ಸಿದ್ಧೇನೋತ್ಪಲಕಾಕೋಲೀದ್ರಾಕ್ಷಾಯಷ್ಟಿವಿದಾರಿಭಿಃ| ಸಸಿತೇನಾಜಪಯಸಾ ಸೇಚನಂ ಸಲಿಲೇನ ವಾ||೩೧|| ರಾಗಾಶ್ರುವೇದನಾಶಾನ್ತೌ ಪರಂ ಲೇಖನಮಞ್ಜನಮ್| |೩೨|

Adhikarana kShatashukre raktasrutiH (32-33) · Śloka 33

| ವರ್ತಯೋ ಜಾತಿಮುಕುಲಲಾಕ್ಷಾಗೈರಿಕಚನ್ದನೈಃ||೩೨|| ಪ್ರಸಾದಯನ್ತಿ ಪಿತ್ತಾಸ್ರಂ ಘ್ನನ್ತಿ ಚ ಕ್ಷತಶುಕ್ರಕಮ್| |೩೩|

Adhikarana utpalAdisecanaM jAtimukulAdivartiH, dantavartiH,a~jjanAdi (33-38) · Śloka 38

| ದನ್ತೈರ್ದನ್ತಿವರಾಹೋಷ್ಟ್ರಗವಾಶ್ವಾಜಖರೋದ್ಭವೈಃ||೩೩|| ಸಶಙ್ಖಮೌಕ್ತಿಕಾಮ್ಭೋಧಿಫೇನೈರ್ಮರಿಚಪಾದಿಕೈಃ| ಕ್ಷತಶುಕ್ರಮಪಿ ವ್ಯಾಪಿ ದನ್ತವರ್ತಿರ್ನಿವತಯೇತ್||೩೪|| ತಮಾಲಪತ್ರಂ ಗೋದನ್ತಶಙ್ಖಫೇನೋಽಸ್ಥಿ ಗಾರ್ದಭಮ್| ತಾಮ್ರಂ ಚ ವರ್ತಿರ್ಮೂತ್ರೇಣ ಸರ್ವಶುಕ್ರಕನಾಶಿನೀ||೩೫|| ರತ್ನಾನಿ ದನ್ತಾಃ ಶೃಙ್ಗಾಣಿ ಧಾತವಸ್ತ್ರ್ಯೂಷಣಂ ತ್ರುಟಿಃ| ಕರಞ್ಜಬೀಜಂ ಲಶುನೋ ವ್ರಣಸಾದಿ ಚ ಭೇಷಜಮ್||೩೬|| ಸವ್ರಣಾವ್ರಣಗಮ್ಭೀರತ್ವಕ್ಸ್ಥಶುಕ್ರಘ್ನಮಞ್ಜನಮ್| ನಿಮ್ನಮುನ್ನಮಯೇತ್ಸ್ನೇಹಪಾನನಸ್ಯರಸಾಞ್ಜನೈಃ||೩೭|| ಸರುಜಂ ನೀರುಜಂ ತೃಪ್ತಿಪುಟಪಾಕೇನ ಶುಕ್ರಕಮ್| |೩೮|

Adhikarana shuddhashukre nishAdisecanam (38-39) · Śloka 39

| ಶುದ್ಧಶುಕ್ರೇ ನಿಶಾಯಷ್ಟೀಸಾರಿವಾಶಾಬರಾಮ್ಭಸಾ||೩೮|| ಸೇಚನಂ ರೋಧ್ರಪೋಟಲ್ಯಾ ಕೋಷ್ಣಾಮ್ಭೋಮಗ್ನಯಾಽಥವಾ| |೩೯|

Adhikarana shuddhashukre bRuhatyAdidhUpanam (39-41) · Śloka 41

| ಬೃಹತೀಮೂಲಯಷ್ಟ್ಯಾಹ್ವತಾಮ್ರಸೈನ್ಧವನಾಗರೈಃ||೩೯|| ಧಾತ್ರೀಫಲಾಮ್ಬುನಾ ಪಿಷ್ಟೈರ್ಲೇಪಿತಂ ತಾಮ್ರಭಾಜನಮ್| ಯವಾಜ್ಯಾಮಲಕೀಪತ್ರೈರ್ಬಹುಶೋ ಧೂಪಯೇತ್ತತಃ||೪೦|| ತತ್ರ ಕುರ್ವೀತ ಗುಟಿಕಾಸ್ತಾ ಜಲಕ್ಷೌದ್ರಪೇಷಿತಾಃ| ಮಹಾನೀಲಾ ಇತಿ ಖ್ಯಾತಾಃ ಶುದ್ಧಶುಕ್ರಹರಾಃ ಪರಮ್||೪೧||

Adhikarana shuddhashukre mahAnIlA guTikA (42) · Śloka 42

ಸ್ಥಿರೇ ಶುರೇ ಘನೇ ಚಾಸ್ಯ ಬಹುಶೋಽಪಹರೇದ್ರಸೃಕ್| ಶಿರಃಕಾಯವಿರೇಕಾಂಶ್ಚ ಪುಟಪಾಕಾಂಶ್ಚ ಭೂರಿಶಃ||೪೨||

Adhikarana shuddhashukre sthire ghane shukre raktasrutiH (43) · Śloka 43

ಕುರ್ಯಾನ್ಮರಿಚವೈದೇಹೀಶಿರೀಷಫಲಸೈನ್ಧವೈಃ| ಹರ್ಷಣಂ ತ್ರಿಫಲಾಕ್ವಾಥಪೀತೇನ ಲವಣೇನ ವಾ||೪೩||

Adhikarana shuddhashukre maricAdinA harShaNam (44-45) · Śloka 45

ಕುರ್ಯಾದಞ್ಜನಯೋಗೌ ವಾ ಶ್ಲೋಕಾರ್ಧಗದಿತಾವಿಮೌ| ಶಙ್ಖಕೋಲಾಸ್ಥಿಕತಕದ್ರಾಕ್ಷಾಮಧುಕಮಾಕ್ಷಿಕೈಃ||೪೪|| ಸುರಾದನ್ತಾರ್ಣವಮಲೈಃ ಶಿರೀಷಕುಸುಮಾನ್ವಿತೈಃ| |೪೫|

Adhikarana shuddhashukre shukraharShaNAnya~jjanAni (45-46) · Śloka 46

| ಧಾತ್ರೀಫಣಿಜ್ಜಕರಸೇ ಕ್ಷಾರೋ ಲಾಙ್ಗಲಿಕೋದ್ಭವಃ||೪೫|| ಉಷಿತಃ ಶೋಷಿತತಶ್ಚೂರ್ಣಃ ಶುಕ್ರಹರ್ಷಣಮಞ್ಜನಮ್| |೪೬|

Adhikarana shuddhashukre hRuShTashukranAshinI vartiH (46-48) · Śloka 48

| ಮುದ್ಗಾ ವಾ ನಿಸ್ತುಷಾಃ ಪಿಷ್ಟಾಃ ಶಙ್ಖಕ್ಷೌದ್ರಸಮಾಯುತಾಃ||೪೬|| ಸಾರೋ ಮಧೂಕಾನ್ಮಧುಮಾನ್ ಮಜ್ಜಾ ವಾಽಕ್ಷಾತ್ಸಮಾಕ್ಷಿಕಾ| ಗೋಖರಾಶ್ವೋಷ್ಟ್ರದಶನಾಃ ಶಙ್ಖಃ ಫೇನಃ ಸಮುದ್ರಜಃ||೪೭|| ವರ್ತಿರರ್ಜುನತೋಯೇನ ಹೃಷ್ಟಶುಕ್ರಕನಾಶಿನೀ| |೪೮|

Adhikarana shuddhashukre utsannAdishukre lekhanam (48) · Śloka 48

| ಉತ್ಸನ್ನಂ ವಾ ಸಶಲ್ಯಂ ವಾ ಶುಕ್ರಂ ವಾಲಾದಿಭಿರ್ಲಿಖೇತ್||೪೮||

Adhikarana sirAshukre vraNashukravat (49) · Śloka 49

ಸಿರಾಶುಕ್ರೇ ತ್ವದೃಷ್ಟಿಘ್ನೇ ಚಿಕಿತ್ಸಾ ವ್ರಣಶುಕ್ರವತ್| |೪೯|

Adhikarana sirAshukre puNDrAdivartiH (49-50) · Śloka 50

| ಪುಣ್ಡ್ರಯಷ್ಟ್ಯಾಹ್ವಕಾಕೋಲೀಸಿಂಹೀಲೋಹನಿಶಾಞ್ಜನಮ್||೪೯|| ಕಲ್ಕಿತಂ ಛಾಗದುಗ್ಧೇನ ಸಘೃತೈರ್ಧೂಪಿತಂ ಯವೈಃ| ಧಾತ್ರೀಪತ್ರೈಶ್ಚ ಪರ್ಯಾಯಾದ್ವರ್ತಿರತ್ರಾಞ್ಜನಂ ಪರಮ್||೫೦||

Adhikarana ajakAyAM SastraprayogaH (51) · Śloka 51

ಅಶಾನ್ತಾವರ್ಮವಚ್ಛಸ್ತ್ರಮಜಕಾಖ್ಯೇ ಚ ಯೋಜಯೇತ್| |೫೧|

Adhikarana ajakAshukreShu asAdhyeShu snehapAnAdinA vedanopashamAdi (51-52) · Śloka 52

| ಅಜಕಾಯಾಮಸಾಧ್ಯಾಯಾಂ ಶುಕ್ರೇಽನ್ಯತ್ರ ಚ ತದ್ವಿಧೇ||೫೧|| ವೇದನೋಪಶಮಂ ಸ್ನೇಹಪಾನಾಸೃಕ್ಸ್ರಾವಣಾದಿಭಿಃ| ಕುರ್ಯಾದ್ಬೀಭತ್ಸತಾಂ ಜೇತುಂ ಶುಕ್ರಸ್ಯೋತ್ಸೇಧಸಾಧನಮ್||೫೨||

Adhikarana ajakAshukreShu nAlikerAdya~jjanam (53-54) · Śloka 54

ನಾಲಿಕೇರಾಸ್ಥಿಭಲ್ಲಾತತಾಲವಂಶಕರೀರಜಮ್| ಭಸ್ಮಾದ್ಭಿಃ ಸ್ರಾವಯೇತ್ತಾಭಿರ್ಭಾವಯೇತ್ಕರಭಾಸ್ಥಿಜಮ್||೫೩|| ಚೂರ್ಣಂ ಶುಕ್ರೇಷ್ವಸಾಧ್ಯೇಷು ತದ್ವೈವರ್ಣ್ಯಘ್ನಮಞ್ಜನಮ್| ಸಾಧ್ಯೇಷು ಸಾಧನಾಯಾಲಮಿದಮೇವ ಚ ಶೀಲಿತಮ್||೫೪||

Adhikarana shukreShu pAnAdau yathAsvaM ghRutam (11) · Śloka 11

ಅಜಕಾಂ ಪಾಱ್ಶ್ವತೋ ವಿಧ್ವಾ ಸೂಚ್ಯಾ ವಿಸ್ರಾವ್ಯ ಚೋದಕಮ್| ಸಮಂ ಪ್ರಪೀಡ್ಯಾಙ್ಗುಷ್ಠೇನ ವಸಾರ್ದ್ರೇಣಾನು ಪೂರಯೇತ್||೫೫|| ವ್ರಣಂ ಗೋಮಾಂಸಚೂರ್ಣೇನ ಬದ್ಧಂ ಬದ್ಧಂ ವಿಮುಚ್ಯ ಚ| ಸಪ್ತರಾತ್ರಾದ್ ವ್ರಣೇ ರೂಢೇ ಕೃಷ್ಣಭಾಗೇ ಸಮೇ ಸ್ಥಿರೇ||೫೬|| ಸ್ನೇಹಾಞ್ಜನಂ ಚ ಕರ್ತವ್ಯಂ ನಸ್ಯಂ ಚ ಕ್ಷೀರಸರ್ಪಿಷಾ| ತಥಾಽಪಿ ಪುನರಾಧ್ಮಾನೇ ಭೇದಚ್ಛೇದಾದಿಕಾಂ ಕ್ರಿಯಾಮ್||೫೭|| ಯುಕ್ತ್ಯಾ ಕುರ್ಯಾದ್ಯಥಾ ನಾತಿಚ್ಛೇದೇನ ಸ್ಯಾನ್ನಿಮಜ್ಜನಮ್| ೫೭ ೧/೨| ನಿತ್ಯಂ ಚ ಶುಕ್ರೇಷು ಶೃತಂ ಯಥಾಸ್ವಂ ಪಾನೇ ಚ ಮರ್ಶೇ ಚ ಘೃತಂ ವಿದಧ್ಯಾತ್| ನ ಹೀಯತೇ ಲಬ್ಧಬಲಾ ತಥಾಽನ್ತ- ಸ್ತೀಕ್ಷ್ಣಾಞ್ಜನೈರ್ದೃಕ್ ಸತತಂ ಪ್ರಯುಕ್ತೈಃ| ೫೮ ೧/೨| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರ- ಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಷಷ್ಠೇ ಉತ್ತರ- ಸ್ಥಾನೇ ಸನ್ಧಿಸಿತಾಸಿತರೋಗಪ್ರತಿಷೇಧೋ ನಾಮೈಕಾದಶೋಽಧ್ಯಾಯಃ||೧೧||