16. sarvākṣirōgapratiṣēdhādhyāyaḥ

Adhikarana sarvAkShirogapratiShedhAdhyAyaH||16|| abhiShyandeShu prAgrUpe tIkShNagaNDUShAdi (2-1) · Śloka 1

অধুনা সর্বাক্ষিরোগপ্রতিষেধ উপক্রম্যতে অথাতঃ সর্বাক্ষিরোগপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)|২| প্রাগ্রূপ এব স্যন্দেষু তীক্ষ্ণং গণ্ডূষনাবনম্| কারযেদুপবাসং চ কোপাদন্যত্র বাতজাত্||১||

Adhikarana abhiShyandeShu dAhAdishAntyarthaM patrAdibiDAlakaH (2-3) · Śloka 3

দাহোপদেহরাগাশ্রুশোফশান্ত্যৈ বিডালকম্| কুর্যাত্সর্বত্র পত্রৈলামরিচস্বর্ণগৈরিকৈঃ||২|| সরসাঞ্জনযষ্ট্যাহ্বনতচন্দনসৈন্ধবৈঃ| |৩|

Adhikarana vAtaje~abhiShyande saindhavAdi pittaraktaje~abhiShyande mAMsyAdilepaH kaphaje~abhiShyande manohvAdilepaH sarvaje~abhiShyande pUrvoktaH sarvalepaH (3-5) · Śloka 5

| সৈন্ধবং নাগরং তার্ক্ষ্যং ভৃষ্টং মণ্ডেন সর্পিষঃ||৩|| বাতজে ঘৃতভৃষ্টং বা যোজ্যং শবরদেশজম্| মাংসীপদ্মককালীযযষ্ট্যাহ্বৈঃ পিত্তরক্তযোঃ||৪|| মনোহ্বাফলিনীক্ষৌদ্রৈঃ কফে, সর্বৈস্তু সর্বজে| |৫|

Adhikarana sarvaje~abhiShyande prakupitamAtre sitamaricAdyavaguNThanam (5) · Śloka 5

সিতমরিচভাগমেকং চতুর্মনোহ্বং দ্বিরষ্টশাবর্কম্| সঞ্চূর্ণ্য বস্ত্রবদ্ধং প্রকুপিতমাত্রেঽবগুণ্ঠনং নেত্রে||৫||

Adhikarana sarvaje~abhiShyande prakupitamAtre kulatthacUrNAvacUrNanam (6) · Śloka 6

আরণ্যাশ্ছগণরসে পটাববদ্ধাঃ সুস্বিন্না নখবিতুষীকৃতাঃ কুলত্থাঃ| তচ্চূর্ণং সকৃদবচূর্ণনান্নিশীথে নেত্রাণাং বিধমতি সদ্য এব কোপম্||৬||

Adhikarana sarvaje~abhiShyande prakupitamAtre ghoShAdipoTalI (7) · Śloka 7

ঘোষাভযাতুত্থকযষ্টিরোধ্রৈ- র্মূতী সুসূক্ষ্মৈঃ শ্লথবস্ত্রবদ্ধৈঃ| তাম্রস্থধান্যাম্লনিমগ্নমূর্তি- রর্তিং জযত্যক্ষিণি নৈকরূপাম্||৭||

Adhikarana sarvaje~abhiShyande prakupitamAtre kaTa~gkaTerIkvAthasekaH (8) · Śloka 8

ষোডশভিঃ সলিলপলৈঃ পলং তথৈকং কটঙ্কটের্যাঃ সিদ্ধম্| সেকোঽষ্টভাগশিষ্টঃ ক্ষৌদ্রযুতঃ সর্বদোষকুপিতে নেত্রে||৮||

Adhikarana sarvaje~abhiShyande prakupitamAtre shigrupallavarasaH (9) · Śloka 9

বাতপিত্তকফসন্নিপাতজাং নেত্রযোর্বহুবিধামপি ব্যথাম্| শীঘ্রমেব জযতি প্রযোজিতঃ শিগ্রুপল্লবরসঃ সমাক্ষিকঃ||৯||

Adhikarana vAtaje~abhiShyande eraNDamUlasiddhakShIram vAtaje~abhiShyande saktupiNDikA (10) · Śloka 10

তরুণমুরুবূকপত্রং মূলং চ বিভিদ্য সিদ্ধমাজে ক্ষীরে| বাতাভিষ্যন্দরুজং সদ্যো বিনিহন্তি সক্তুপিণ্ডিকা চোষ্ণা||১০||

Adhikarana vAtaje~abhiShyande bilvAdikvAthaH Ashcyotane vAtaje~abhiShyande hrIberAdi shUlAshcyotanam raktapittaje~abhiShyande ma~jjiShThAdikvAthasekaH (11-13) · Śloka 13

আশ্চ্যোতনং মারুতজে ক্বাথো বিল্বাদিভির্হিতঃ| কোষ্ণঃ সহৈরণ্ডজটাবৃহতীমধুশিগ্রুভিঃ||১১|| হ্রীবেরবক্রশার্ঙ্গেষ্টোদুম্বরত্বক্ষু সাধিতম্| সাম্ভসা পযসাঽঽজেন শূলাশ্চ্যোতনমুত্তমম্||১২|| মঞ্জিষ্ঠারজনীলাক্ষাদ্রাক্ষর্দ্ধিমধুকোত্পলৈঃ| ক্বাথঃ সশর্করঃ শীতঃ সেচনং রক্তপিত্তজিত্||১৩||

Adhikarana raktapittaje~abhiShyande kaserukAdirajaHpAnIyam (14) · Śloka 14

কসেরুযষ্ট্যাহ্বরজস্তান্তবে শিথিলং স্থিতম্| অপ্সু দিব্যাসু নিহিতং হিতং স্যন্দেঽস্রপিত্তজে||১৪||

Adhikarana raktapittaje~abhiShyande puNDrAdipoTalI (15) · Śloka 15

পুণ্ড্রযষ্টীনিশামূতী প্লুতা স্তন্যে সশর্করে| ছাগদুগ্ধেঽথবা দাহরুগ্রাগাশ্রুনিবর্তনী||১৫||

Adhikarana raktapittaje~abhiShyande shvetarodhrAdipoTalI (16) · Śloka 16

শ্বেতরোধ্রং সমধুকং ঘৃতভৃষ্টং সুচূর্ণিতং| বস্ত্রস্থং স্তন্যমৃদিতং পিত্তরক্তাভিঘাতজিত্||১৬||

Adhikarana kaphaje~abhiShyande nAgarAdikvAthaH Ashcyotane sarvaje~abhiShyande mishrairetairAshcotanam (17) · Śloka 17

নাগরত্রিফলানিম্ববাসরোধ্ররসঃ কফে| কোষ্ণমাশ্চ্যোতনং মিশ্রৈর্ভেষজৈঃ সান্নিপাতিকে||১৭||

Adhikarana vAtAdyabhiShyande susnigdhaM kRutvArudhirasrAvaH vAtAdyabhiShyande punaH snigdhaM kRutvA virekaH (18-19) · Śloka 19

সর্পিঃ পুরাণং পবনে, পিত্তে শর্করযাঽন্বিতম্| ব্যোষসিদ্ধং কফে পীত্বা যবক্ষারাবচূর্ণিতম্||১৮|| স্রাবযেদ্রুধিরং ভূযস্ততঃ স্নিগ্ধং বিরেচযেত্| |১৯|

Adhikarana vAtAdyabhiShyande shUladAhayorAnUpavesavAralepaH (19-20) · Śloka 20

| আনূপবেসবারেণ শিরোবদনলেপনম্||১৯|| উষ্ণেন শূলে, দাহে তু পযঃসর্পির্যুতৈর্হিমৈঃ| |২০|

Adhikarana vAtAdyabhiShyande timirapratiShedhavatpratIkAraH (20) · Śloka 20

| তিমিরপ্রতিষেধং চ বীক্ষ্য যুঞ্জ্যাদ্যথাযথম্||২০||

Adhikarana adhimanthAdhiShu ayameva vidhiH adhimanthe~ashAntau bhruvorupari dAhaH (21) · Śloka 21

অযমেব বিধিঃ সর্বো মন্থাদিষ্বপি শস্যতে| অশান্তৌ সর্বথা মন্থে ভ্রুবোরুপরি দাহযেত্||২১||

Adhikarana vAtaje~adhimanthe godadhivartiH (22) · Śloka 22

রূপ্যং রূক্ষেণ গোদধ্না লিম্পেন্নীলত্বমাগতে| শুষ্কে তু মস্তুনা বর্তির্বাতাক্ষ্যামযনাশিনী||২২||

Adhikarana pittaraktaje~adhimanthe sumanaHkorakAdivartiH (23) · Śloka 23

সুমনঃকোরকাঃ শঙ্খস্ত্রিফলা মধুকং বলা| পিত্তরক্তাপহা বর্তিঃ পিষ্টা দিব্যেন বারিণা||২৩||

Adhikarana kaphaje~adhimanthe saindhavAdivartiH (24) · Śloka 24

সৈন্ধবং ত্রিফলা ব্যোষং শঙ্খনাভিঃ সমুদ্রজঃ| ফেন ঐলেযকং সর্জো বর্তিঃ শ্লেষ্মাক্ষিরোগনুত্||২৪||

Adhikarana sarvaje~adhimanthe pAshupato yogaH (25-27) · Śloka 27

প্রপৌণ্ডরীকং যষ্ট্যাহ্বং দার্বী চাষ্টপলং পচেত্| জলদ্রোণে রসে পূতে পুনঃ পক্বে ঘনে ক্ষিপেত্||২৫|| পুষ্পাঞ্জনাদ্দশপলং কর্ষং চ মরিচাত্ততঃ| কৃতশ্চূর্ণোঽথবা বর্তিঃ সর্বাভিষ্যন্দসম্ভবান্||২৬|| হন্তি রাগরুজাঘর্ষান্ সদ্যো দৃষ্টিং প্রসাদযেত্| অযং পাশুপতো যোগো রহস্যং ভিষজাং পরম্||২৭||

Adhikarana shuShkAkShipAke ghRutapAnatarpaNAdi (28-29) · Śloka 29

শুষ্কাক্ষিপাকে হবিষঃ পানমক্ষ্ণোশ্চ তর্পণম্| ঘৃতেন জীবনীযেন নস্যং তৈলেন বাঽণুনা||২৮|| পরিষেকো হিতশ্চাত্র পযঃ কোষ্ণং সসৈন্ধবম্| |২৯|

Adhikarana shuShkAkShipAke mahauShadhA~jjanam shuShkAkShipAke AnUpasattvotthA vasA~a~jjanam (29-30) · Śloka 30

| সর্পির্যুক্তং স্তন্যপিষ্টমঞ্জনং চ মহৌষধম্||২৯|| বসা বাঽঽনূপসত্ত্বোত্থা কিঞ্চিত্সৈন্ধবনাগরা| |৩০|

Adhikarana shuShkAkShipAke keshamaShI a~jjanam (30-31) · Śloka 31

| ঘৃতাক্তান্ দর্পণে ঘৃষ্টান্ কেশান্ মল্লকসম্পুটে||৩০|| দগ্ধ্বাঽঽজ্যপিষ্টা লোহস্থা সা মষী শ্রেষ্ঠমঞ্জনম্| |৩১|

Adhikarana sashophe alpashophe ca snigdhasya sirAvyadhaH sashophe alpashophe punaHsnigdhaM kRutvA virekaH (31-32) · Śloka 32

| সশোফেবাঽল্পশোফে চ স্নিগ্ধস্য ব্যধযেত্সিরাম্||৩১|| রেকঃ স্নিগ্ধে পুনর্দ্রাক্ষাপথ্যাক্বাথত্রিবৃদ্ঘৃতৈঃ| |৩২|

Adhikarana saSoPe alpaSoPe SUlaharaH SvetarodhrapoTalIsekaH (32-33) · Śloka 33

| শ্বেতরোধ্রং ঘৃতে ভৃষ্টং চূর্ণিতং তান্তবস্থিতম্||৩২|| উষ্ণাম্বুনা বিমৃদিতং সেকঃ শূলহরঃ পরম্| |৩৩|

Adhikarana sashophe alpashophe dArvyAdikvAthaH Ashcyotane (33) · Śloka 33

| দার্বীপ্রপৌণ্ডরীকস্য ক্বাথো বাঽঽশ্চ্যোতনে হিতঃ|৩৩|

Adhikarana sashophe alpashophe gharShAdiharA vakShyamANAH sandhAvAH (33) · Śloka 33

সন্ধবাংশ্চ প্রযুঞ্জীত ঘর্ষরাগাশ্রুরুগ্ঘরান্| ||৩৩||

Adhikarana sashophe alpashophe gharShAdiharA tAmraghRuShTAdiH sandhAvaH sashophe alpashophe gharShAdiharA gavyadadhisarAdiH sandhAvaH (34.5) · Śloka

তাম্রং লোহে মূত্রঘৃষ্টং প্রযুক্তং নেত্রে সর্পির্ধূপিতং বেদনাঘ্নম্| তাম্রে ঘৃষ্টো গব্যদধ্নঃ সরো বা যুক্তঃ কৃষ্ণাসৈন্ধবাভ্যাং বরিষ্ঠঃ||৩৪.৫||

Adhikarana sashophe alpashophe gharShAdiharA sha~gkhaghRuShTAdiH sandhAvaH (35.5) · Śloka

শঙ্খং তাম্রে স্তন্যঘৃষ্টং ঘৃতাক্তৈঃ শম্যাঃ পত্রৈর্ধূপিতং তদ্যবৈশ্চ| নেত্রে যুক্তং হন্তি সন্ধাবসংজ্ঞং ক্ষিপ্রং ঘর্ষং বেদনাং চাতিতীব্রাম্||৩৫.৫||

Adhikarana sashophe alpashophe gharShAdiharA udumbaraphalAdiH sandhAvaH (36-37) · Śloka 37

| উদুম্বরফলং লোহে ঘৃষ্টং স্তন্যেন ধূপিতম্||৩৬|| সাজ্যৈঃ শমীচ্ছদৈর্দাহশূলরাগাশ্রুহর্ষজিত্| |৩৭|

Adhikarana sashophe alpashophe gharShAdiharA shigrupallavaniryAsAdiH sandhAvaH (37-38) · Śloka 38

| শিগ্রুপল্লবনির্যাসঃ সুঘৃষ্টস্তাম্রসম্পুটে||৩৭|| ঘৃতেন ধূপিতো হন্তি শোফঘর্ষাশ্রুবেদনাঃ| |৩৮|

Adhikarana sashophe alpashophe gharShAdiharA mRutkapAlAdiH sandhAvaH (38-39) · Śloka 39

| তিলাম্ভসা মৃত্কপালং কাংস্যে ঘৃষ্টং সুধূপিতম্||৩৮|| নিম্বপত্রৈর্ঘৃতাভ্যক্তৈর্ঘর্ষশূলাশ্রুরাগজিত্| |৩৯|

Adhikarana sandhAvenA~jjite netre stanyAshcyotanam (39-40) · Śloka 40

| সন্ধাবেনাঞ্জিতে নেত্রে বিগতৌষধবেদনে||৩৯|| স্তন্যেনাশ্চ্যোতনং কার্যং ত্রিঃ পরং নাঞ্জযেচ্চ তৈঃ| |৪০|

Adhikarana sashophe alpashophe gharShAdiharA tAlIsapatrAdiguTikA sandhAvaH (40-42) · Śloka 42

| তালীসপত্রচপলানতলোহরজোঞ্জনৈঃ||৪০|| জাতীমুকুলকাসীসসৈন্ধবৈর্মূত্রপেষিতৈঃ| তাম্রমালিপ্য সপ্তাহং ধারযেত্পেষযেত্ততঃ||৪১|| মূত্রেণৈবানু গুটিকাঃ কার্যাশ্ছাযবিশোষিতাঃ| তাঃ স্তন্যঘৃষ্টা ঘর্ষাশ্রুশোফকণ্ডূবিনাশনাঃ||৪২||

Adhikarana sashophe alpashophe vyAghryAdikaH sandhAvaH (43) · Śloka 43

ব্যাঘ্রীত্বঙ্ঽঽমধুকং তাম্ররজোঽজাক্ষীরকল্কিতম্| শম্যামলকপত্রাজ্যধূপিতং শোফরুক্প্রণুত্||৪৩||

Adhikarana amloShite pittAbhiShyandacikitsA (44) · Śloka 44

অম্লোষিতে প্রযুঞ্জীত পিত্তাভিষ্যন্দসাধনম্| |৪৪|

Adhikarana dIrghakAlAnubandhitvAdukliShTAdayo~aShTAdasha rogAH pillasaMj~jAH (44-46) · Śloka 46

| উত্ক্লিষ্টাঃ কফপিত্তাস্রনিচযোত্থাঃ কুকূণকঃ||৪৪|| পক্ষ্মোপরোধঃ শুষ্কাক্ষিপাকঃ পূযালসো বিসঃ| পোথক্যম্লোষিতোঽল্পাখ্যঃ স্যন্দমন্থা বিনাঽনিলাত্||৪৫|| এতেঽষ্টাদশ পিল্লাখ্যা দীর্ঘকালানুবন্ধিনঃ| |৪৬|

Adhikarana pilleShu vakShyamANA sAmAnyacikitsA pilleShu vartmanirlekhanam (46-48) · Śloka 48

| চিকিত্সা পৃথগেতেষাং স্বংস্বমুক্তা অথ বক্ষ্যতে||৪৬|| পিল্লীভূতেষু সামান্যাত্ অথ পিল্লাখ্যরোগিণঃ| স্নিগ্ধস্য ছর্দিতবতঃ সিরাব্যধহৃতাসৃজঃ||৪৭|| বিরিক্তস্য চ বর্ত্মানু নির্লিখেদাবিশুদ্ধিতঃ| |৪৮|

Adhikarana pilleShu tutthakAdinA sekaH (48-50) · Śloka 50

| তুত্থকস্য পলং শ্বেতমরিচানি চ বিংশতিঃ||৪৮|| ত্রিংশতা কাঞ্জিকপলৈঃ পিষ্ট্বা তাম্রে নিধাপযেত্| পিল্লানপিল্লান্ কুরুতে বহুবর্ষোত্থিতানপি||৪৯|| তত্সেকেনোপদেহাশ্রুকণ্ডূশোফাংশ্চ নাশযেত্| |৫০|

Adhikarana pilleShu kara~jjabIjAdirasakriyA~a~jjanam (50-51) · Śloka 51

| করঞ্জবীজং সুরসং সুমনঃকোরকাণি চ||৫০|| সংক্ষুদ্য সাধযেত্ক্বাথে পূতে তত্র রসক্রিযা| অঞ্জনং পিল্লভৈষজ্যং পক্ষ্মণাং চ প্ররোহণম্||৫১||

Adhikarana pilleShu rasA~jjanAdi a~jjanam (52-53) · Śloka 53

রসাঞ্জনং সর্জরসো রীতিপুষ্পং মনঃশিলা| সমুদ্রফেনো লবণং গৈরিকং মরিচানি চ||৫২|| অঞ্জনং মধুনা পিষ্টং ক্লেদকণ্ডূঘ্নমুত্তমম্| |৫৩|

Adhikarana pilleShu tagarAdi a~jjanam pilleShu devadArvAdi a~jjanam (53-54) · Śloka 54

| অভযারসপিষ্টং বা তগরং পিল্লনাশনম্||৫৩|| ভাবিতং বস্তমূত্রেণ সস্নেহং দেবদারু চ| |৫৪|

Adhikarana pilleShu saindhavAdivartiH (54-55) · Śloka 55

| সৈন্ধবত্রিফলাকৃষ্ণাকটুকাশঙ্খ্নাভযঃ||৫৪|| সতাম্ররজসো বর্তিঃ পিল্লশুক্রকনাশিনী| |৫৫|

Adhikarana pilleShu puShpakAsIsAdi a~jjanam (55-56) · Śloka 56

| পুষ্পকাসীসচূর্ণো বা সুরসারসভাবিতঃ||৫৫|| তাম্রে দশাহং তত্ পৈল্ল্যপক্ষ্মশাতজিদঞ্জনম্| |৫৬|

Adhikarana pilleShu alAdicUrNaH (56) · Śloka 56

অলং চ সৌবীরকমঞ্জনং চ তাভ্যাং সমং তাম্ররজঃ সুসূক্ষ্মম্| পিল্লেষু রোমাণি নিষেবিতোঽসৌ চূর্ণঃ করোত্যেকশলাকযাঽপি||৫৬||

Adhikarana pilleShu lAkShAdimaShI (57) · Śloka 57

লাক্ষানির্গুণ্ডীভৃঙ্গদার্বীরসেন শ্রেষ্ঠং কার্পাসং ভাবিতং সপ্তকৃত্বঃ| দীপঃ প্রজ্বাল্যঃ সর্পিষা তত্সমুত্থা শ্রেষ্ঠা পিল্লানাং রোপণার্থে মষী সা||৫৭||

Adhikarana pilleShu punaHpunarvartmAvalekhanAdi (58-59) · Śloka 59

| বর্ত্মাবলেখং বহুশস্তদ্বচ্ছোণিতমোক্ষণম্||৫৮|| পুনঃপুনর্বিরেকং চ নিত্যমাশ্চ্যোতনাঞ্জনম্| নাবনং ধূমপানং চ পিল্লরোগাতুরো ভজেত্||৫৯||

Adhikarana pilleShu pUyAlase~ashAnte dAhaH (60) · Śloka 60

পূযালসে ত্বশান্তেঽন্তে দাহঃ সূক্ষ্মশলাকযা| |৬০|

Adhikarana iti caturNavatirnetrarogAH (60-61) · Śloka 61

| চতুর্ণবতিরিত্যক্ষ্ণো হেতুলক্ষণসাধনৈঃ||৬০|| পরস্পরমসঙ্কীর্ণাঃ কার্ত্স্ন্যেন গদিতা গদাঃ| |৬১|

Adhikarana svasthasyApi nayanapriyasya sadA purANayavAdisevanam (61-65) · Śloka 65

| সর্বদা চ নিষেবেত স্বস্থোঽপি নযনপ্রিযঃ||৬১|| পুরাণযবগোধূমশালিষষ্টিককোদ্রবান্| মুদ্গাদীন্ কফপিত্তঘ্নান্ ভূরিসর্পিঃপরিপ্লুতান্||৬২|| শাকং চৈবংবিধং মাংসং জাঙ্গলং দাডিমং সিতাম্| সৈন্ধবং ত্রিফলাং দ্রাক্ষাং বারি পানে চ নাভসম্||৬৩|| আতপত্রং পদত্রাণং বিধিবদ্দোষশোধনম্| বর্জযেদ্বেগসংরোধমজীর্ণাধ্যশনানি চ||৬৪|| ক্রোধশোকদিবাস্বপ্নরাত্রিজাগরণাতপান্| বিদাহি বিষ্টম্ভকরং যচ্চেহাহারভেষজম্||৬৫||

Adhikarana svasthasyApi pAdamrakShaNAdi (66) · Śloka 66

দ্বে পাদমধ্যে পৃথুসন্নিবেশে শিরে গতে তে বহুধা চ নেত্রে তা ম্রক্ষণোদ্বর্তনলেপনাদীন্ পাদপ্রযুক্তান্নযনে নযন্তি||৬৬||

Adhikarana svasthasyApi upAnadAdisevanam (16) · Śloka 16

মলৌষ্ণ্যসঙ্ঘট্টনপীডনাদ্যৈ- স্তা দূষযন্তে নযনানি দুষ্টাঃ| ভজেত্সদা দৃষ্টিহিতানি তস্মা- দুপানদভ্যঞ্জনধাবনানি||৬৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে সর্বাক্ষিরোগপ্রতিষেধো নাম ষোডশোঽধ্যাযঃ||১৬||