Adhikarana karNarogavij~jAnIyAdhyAyaH||17|| 1 vAtajasya karNashUlasya lakShaNam (2-3) · Śloka 3
অথাতঃ কর্ণরোগবিজ্ঞানীযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে||২||
) প্রতিশ্যাযজলক্রীডাকর্ণকণ্ডূযনৈর্মরুত্|
মিথ্যাযোগেন শব্দস্য কুপিতোঽন্যৈশ্চ কোপনৈঃ||১||
প্রাপ্য শ্রোত্রসিরাঃ কুর্যাচ্ছূলং স্রোতসি বেগবত্|
অর্ধাবভেদকং স্তম্ভং শিশিরানভিনন্দনম্||২||
চিরাচ্চ পাকং পক্বং তু লসীকামল্পশঃ স্রবেত্|
শ্রোত্রং শূন্যমকস্মাচ্চ স্যাত্সঞ্চারবিচারবত্||৩||
View original
अथातः कर्णरोगविज्ञानीयं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
) प्रतिश्यायजलक्रीडाकर्णकण्डूयनैर्मरुत्|
मिथ्यायोगेन शब्दस्य कुपितोऽन्यैश्च कोपनैः||१||
प्राप्य श्रोत्रसिराः कुर्याच्छूलं स्रोतसि वेगवत्|
अर्धावभेदकं स्तम्भं शिशिरानभिनन्दनम्||२||
चिराच्च पाकं पक्वं तु लसीकामल्पशः स्रवेत्|
श्रोत्रं शून्यमकस्माच्च स्यात्सञ्चारविचारवत्||३||
Adhikarana 2pittajasya karNashUlasya lakShaNam (4-5) · Śloka 5
শূলং পিত্তাত্ সদাহোষাশীতেচ্ছাশ্বযথুজ্বরম্|
আশুপাকং প্রপক্বং চ সপীতলসিকাস্রুতি||৪||
সা লসীকা স্পৃশেদ্যদ্যত্তত্তত্পাকমুপৈতি চ|
|৫|
View original
शूलं पित्तात् सदाहोषाशीतेच्छाश्वयथुज्वरम्|
आशुपाकं प्रपक्वं च सपीतलसिकास्रुति||४||
सा लसीका स्पृशेद्यद्यत्तत्तत्पाकमुपैति च|
|५|
Adhikarana 3 kaphajasya karNashUlasya lakShaNam (5-6) · Śloka 6
|
কফাচ্ছিরোহনুগ্রীবাগৌরবং মন্দতা রুজঃ||৫||
কণ্ডূঃ শ্বযথুরুষ্ণেচ্ছা পাকাচ্ছ্বেতঘনস্রুতিঃ|
|৬|
View original
|
कफाच्छिरोहनुग्रीवागौरवं मन्दता रुजः||५||
कण्डूः श्वयथुरुष्णेच्छा पाकाच्छ्वेतघनस्रुतिः|
|६|
Adhikarana 4 raktajasya karNashUlasya lakShaNam (6-7) · Śloka 7
|
করোতি শ্রবণে শূলমভিঘাতাদিদূষিতম্||৬||
রক্তং পিত্তসমানার্তি কিঞ্চিদ্বাঽধিকলক্ষণম্|
|৭|
View original
|
करोति श्रवणे शूलमभिघातादिदूषितम्||६||
रक्तं पित्तसमानार्ति किञ्चिद्वाऽधिकलक्षणम्|
|७|
Adhikarana 5 sannipAtajasya karNashUlasya lakShaNam (7-8) · Śloka 8
|
শূলং সমুদিতৈর্দোষৈঃ সশোফজ্বরতীব্ররুক্||৭||
পর্যাযাদুষ্ণশীতেচ্ছং জাযতে শ্রুতিজাড্যবত্|
পক্বং সিতাসিতারক্তঘনপূযপ্রবাহি চ||৮||
View original
|
शूलं समुदितैर्दोषैः सशोफज्वरतीव्ररुक्||७||
पर्यायादुष्णशीतेच्छं जायते श्रुतिजाड्यवत्|
पक्वं सितासितारक्तघनपूयप्रवाहि च||८||
Adhikarana 6 karNanAdasya lakShaNam (9) · Śloka 9
শব্দবাহিসিরাসংস্থে শৃণোতি পবনে মুহুঃ|
নাদানকস্মাদ্বিবিধান্ কর্ণনাদং বদন্তি তম্||৯||
View original
शब्दवाहिसिरासंस्थे शृणोति पवने मुहुः|
नादानकस्माद्विविधान् कर्णनादं वदन्ति तम्||९||
Adhikarana 7 badhiratvasya lakShaNam (10) · Śloka 10
শ্লেষ্মণাঽনুগতো বাযুর্নাদো বা সমুপেক্ষিতঃ|
উচ্চৈঃ কৃচ্ছ্রাচ্ছ্রুতিং কুর্যাদ্বধিরত্বং ক্রমেণ চ||১০||
View original
श्लेष्मणाऽनुगतो वायुर्नादो वा समुपेक्षितः|
उच्चैः कृच्छ्राच्छ्रुतिं कुर्याद्बधिरत्वं क्रमेण च||१०||
Adhikarana 8pratInAhasya lakShaNam (11) · Śloka 11
বাতেন শোষিতঃ শ্লেষ্মা শ্রোতো লিম্পেত্ততো ভবেত্|
রুগ্গৌরবং পিধানং চ স প্রতীনাহসংজ্ঞিতঃ||১১||
View original
वातेन शोषितः श्लेष्मा श्रोतो लिम्पेत्ततो भवेत्|
रुग्गौरवं पिधानं च स प्रतीनाहसंज्ञितः||११||
Adhikarana 9 kaNDUkarNasya lakShaNam 10shophakarNasya lakShaNam (12) · Śloka 12
কণ্ডূশোফৌ কফাচ্ছ্রোত্রে স্থিরৌ তত্সংজ্ঞযা স্মৃতৌ|
|১২|
View original
कण्डूशोफौ कफाच्छ्रोत्रे स्थिरौ तत्संज्ञया स्मृतौ|
|१२|
Adhikarana 11pUtikarNakasya lakShaNam (12-13) · Śloka 13
|
কফো বিদগ্ধঃ পিত্তেন সরুজং নীরুজং ত্বপি||১২||
ঘনপূতিবহুক্লেদং কুরুতে পূতিকর্ণকম্|
|১৩|
View original
|
कफो विदग्धः पित्तेन सरुजं नीरुजं त्वपि||१२||
घनपूतिबहुक्लेदं कुरुते पूतिकर्णकम्|
|१३|
Adhikarana 12 kRumikarNakasya lakShaNam (13-14) · Śloka 14
|
বাতাদিদূষিতং শ্রোত্রং মাংসাসৃক্ক্লেদজা রুজম্||১৩||
খাদন্তো জন্তবঃ কুর্যুস্তীব্রাং স কৃমিকর্ণকঃ|
|১৪|
View original
|
वातादिदूषितं श्रोत्रं मांसासृक्क्लेदजा रुजम्||१३||
खादन्तो जन्तवः कुर्युस्तीव्रां स कृमिकर्णकः|
|१४|
Adhikarana 13 karNavidradheH lakShaNam (14-15) · Śloka 15
|
শ্রোত্রকণ্ডূযনাজ্জাতে ক্ষতে স্যাত্পূর্বলক্ষণঃ||১৪||
বিদ্রধিঃ, পূর্ববচ্চান্যঃ|
|১৫|
View original
|
श्रोत्रकण्डूयनाज्जाते क्षते स्यात्पूर्वलक्षणः||१४||
विद्रधिः, पूर्ववच्चान्यः|
|१५|
Adhikarana 14 karNArshasaH lakShaNam 15karNArbudasya lakShaNam (15) · Śloka 15
শোফোঽর্শোঽর্বুদমীরিতম্|
তেষু রুক্ পূতিকর্ণত্বং বধিরত্বং চ বাধতে||১৫||
View original
शोफोऽर्शोऽर्बुदमीरितम्|
तेषु रुक् पूतिकर्णत्वं बधिरत्वं च बाधते||१५||
Adhikarana 16 kucikarNakasya lakShaNam (16) · Śloka 16
গর্ভেঽনিলাত্সঙ্কুচিতা শষ্কুলী কুচিকর্ণকঃ|
|১৬|
View original
गर्भेऽनिलात्सङ्कुचिता शष्कुली कुचिकर्णकः|
|१६|
Adhikarana 17 pippalIkarNasya lakShaNam (16-17) · Śloka 17
|
একো নীরুগনেকো বা গর্ভে মাংসাঙ্কুরঃ স্থিরঃ||১৬||
পিপ্পলী পিপ্পলীমানঃ|
|১৭|
View original
|
एको नीरुगनेको वा गर्भे मांसाङ्कुरः स्थिरः||१६||
पिप्पली पिप्पलीमानः|
|१७|
Adhikarana 18 vidArikAyAH lakShaNam (17-18) · Śloka 18
সন্নিপাতাদ্বিদারিকা|
সবর্ণঃ সরুজঃ স্তব্ধঃ শ্বযথুঃ, স উপেক্ষিতঃ||১৭||
কটুতৈলনিভং পক্বঃ স্রবেত্ কৃচ্ছ্রেণ রোহতি|
সঙ্কোচযতি রূঢা চ সা ধ্রুবং কর্ণশষ্কুলীম্||১৮||
View original
सन्निपाताद्विदारिका|
सवर्णः सरुजः स्तब्धः श्वयथुः, स उपेक्षितः||१७||
कटुतैलनिभं पक्वः स्रवेत् कृच्छ्रेण रोहति|
सङ्कोचयति रूढा च सा ध्रुवं कर्णशष्कुलीम्||१८||
Adhikarana 19 pAlIshoShasya lakShaNam (19) · Śloka 19
সিরাস্থঃ কুরুতে বাযুঃ পালীশোষং তদাহ্বযম্|
|১৯|
View original
सिरास्थः कुरुते वायुः पालीशोषं तदाह्वयम्|
|१९|
Adhikarana 20 tantrikAyAH lakShaNam 21paripoTasya lakShaNam (19-21) · Śloka 21
|
কৃশা দৃঢা চ তন্ত্রীবত্ পালী বাতেন তন্ত্রিকা||১৯||
সুকুমারে চিরোত্সর্গাত্সহসৈব প্রবর্ধিতে|
কর্ণে শোফঃ সরুক্ পাল্যামরুণঃ পরিপোটবান্||২০||
পরিপোটঃ স পবনাত্|
|২১|
View original
|
कृशा दृढा च तन्त्रीवत् पाली वातेन तन्त्रिका||१९||
सुकुमारे चिरोत्सर्गात्सहसैव प्रवर्धिते|
कर्णे शोफः सरुक् पाल्यामरुणः परिपोटवान्||२०||
परिपोटः स पवनात्|
|२१|
Adhikarana 22 utpAtasya lakShaNam (21-22) · Śloka 22
উত্পাতঃ পিত্তশোণিতাত্|
গুর্বাভরণভারাদ্যৈঃ শ্যাবো রুগ্দাহপাকবান্||২১||
শ্বযথুঃ স্ফোটপিটিকারাগোষাক্লেদসংযুতঃ|
|২২|
View original
उत्पातः पित्तशोणितात्|
गुर्वाभरणभाराद्यैः श्यावो रुग्दाहपाकवान्||२१||
श्वयथुः स्फोटपिटिकारागोषाक्लेदसंयुतः|
|२२|
Adhikarana 23 unmanthasya lakShaNam (22-23) · Śloka 23
|
পাল্যাং শোফোঽনিলকফাত্সর্বতো নির্ব্যথঃ স্থিরঃ||২২||
স্তব্ধঃ সবর্ণঃ কণ্ডূমানুন্মন্থো গল্লিরশ্চ সঃ|
|২৩|
View original
|
पाल्यां शोफोऽनिलकफात्सर्वतो निर्व्यथः स्थिरः||२२||
स्तब्धः सवर्णः कण्डूमानुन्मन्थो गल्लिरश्च सः|
|२३|
Adhikarana 24 duHkhavardhanasya lakShaNam (23-24) · Śloka 24
|
দুর্বিদ্ধে বর্ধিতে কর্ণে সকণ্ডূদাহপাকরুক্||২৩||
শ্বযথ্ উঃ সন্নিপাতোত্থঃ স নাম্না দুঃখবর্ধনঃ|
|২৪|
View original
|
दुर्विद्धे वर्धिते कर्णे सकण्डूदाहपाकरुक्||२३||
श्वयथ् उः सन्निपातोत्थः स नाम्ना दुःखवर्धनः|
|२४|
Adhikarana 25 lehyAkhyAyAH lakShaNam (24-25) · Śloka 25
|
কফাসৃক্ঽঽকৃমিজাঃ সূক্ষ্মাঃ সকণ্ডূক্লেদবেদনাঃ||২৪||
লেহ্যাখ্যাঃ পিটিকাস্তা হি লিহ্যুঃ পালীমুপেক্ষিতাঃ|
|২৫|
View original
|
कफासृक्ऽऽकृमिजाः सूक्ष्माः सकण्डूक्लेदवेदनाः||२४||
लेह्याख्याः पिटिकास्ता हि लिह्युः पालीमुपेक्षिताः|
|२५|
Adhikarana eteShAM pa~jcaviMshatirogANAM sAdhyAsAdhyatvam (17) · Śloka 17
|
পিপ্পলী সর্বজং শূলং বিদারী কুচিকর্ণকঃ||২৫||
এষামসাধ্যাঃ, যাপ্যৈকা তন্ত্রিকাঽন্যাংস্তু সাধযেত্|
পঞ্চবিংশতিরিত্যুক্তাঃ কর্ণরোগা বিভাগতঃ||২৬||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে কর্ণরোগবিজ্ঞানীযো নাম সপ্তদশোঽধ্যাযঃ||১৭||
View original
|
पिप्पली सर्वजं शूलं विदारी कुचिकर्णकः||२५||
एषामसाध्याः, याप्यैका तन्त्रिकाऽन्यांस्तु साधयेत्|
पञ्चविंशतिरित्युक्ताः कर्णरोगा विभागतः||२६||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां षष्ठे उत्तरस्थाने कर्णरोगविज्ञानीयो नाम सप्तदशोऽध्यायः||१७||