10. pramēhanidānam

Adhikarana atha pramehanidAnaM nAma dashamo~adhyAyaH |pratij~jA (1) · Śloka 1

ಅಥ ಪ್ರಮೇಹನಿದಾನಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana pramehaprabhedAH (2) · Śloka 2

ವಿಂಶತಿಃ ಪ್ರಮೇಹಾ ಭವನ್ತಿ| ತದ್ಯಾಥಾ-ಕಫಾದುದಕೇಕ್ಷುಸಾನ್ದ್ರ- ಸುರಾಪಿಷ್ಟಶುಕ್ರಾಸಿಕತಾಶೀತಶನೈರ್ಲಾಲಾಪ್ರಮೇಹಾ ದಶ| ಪಿತ್ತಾ- ತ್ಕ್ಷಾರಕಾಲನೀಲಹಾರಿದ್ರಮಾಞ್ಚಿಷ್ಠಶೋಣಿತಮೇಹಾಃ ಷಟ್| ವಾತಾ- ದ್ವಸಾಮಜ್ಜಹಸ್ತಿಮಧುಮೇಹಾಶ್ಚತ್ವಾರಃ ಇತಿ||೨||

Adhikarana pramehanidAnam (3) · Śloka 3

ತೇಷಾಂ ಯತ್ಕಿಞ್ಚಿದಾಹಾರವಿಹಾರಜಾತಂ ಶ್ಲೇಷ್ಮಮೇದೋಮೂತ್ರಜನನಂ ಸ ಹೇತುಃ||೩||

Adhikarana pramehasamprAptiH (4) · Śloka 4

ತತ್ರ ವಾತಪಿತ್ತಮೇದಃ ಕ್ಲೇದಮಾಂಸಶುಕ್ರಸೈರನ್ವಿತೋ ಬಸ್ತಿಗತಃ ಶ್ಲೇಷ್ಮಾ ಪ್ರಮೇಹಾಞ್ಜನಯತಿ| ತೈಃ ಕಫಶೋಣಿತಾಭ್ಯಾಂ ಚ ಯುಕ್ತಂ ಪಿತ್ತಮ್| ತೈರ್ವಸಾಲಸೀಕಾಮಞ್ಜೌಜೋಭಿಶ್ಚ ವಾಯುಃ||೪||

Adhikarana prameheShu doShakopadUShyaduShTikramaH (5) · Śloka 5

ತ್ರಯಾಣಾಮಪಿ ದೋಷಾಣಾಂ ಶ್ಲೇಷ್ಮಪ್ರಮೇಹೇಷು ಪ್ರಾಕ್ಪ್ರಕೋಪಮಾಪದ್ಯತೇ| ಶ್ಲೇಷ್ಮಾಧಿಷ್ಠಾನತ್ವಾನ್ಮೂತ್ರಸ್ಯ| ತದ್ ವೃದ್ಧೇರ್ಮೇದ ಏವ ಚ ತೇನ ಪ್ರಥಮಂ ದೂಷ್ಯತೇಽತ್ಯನ್ತಸಭಾಗತ್ವಾತ್| ತದನನ್ತರಂ ದೇಹಕ್ಲೇದಾದಯಃ| ತತಃ ಶ್ಲೇಷ್ಮಾದಿಕ್ಷಯೇ ಪಿತ್ತಂ ಪ್ರಬಲೀಭವಚ್ಛೋಣಿತಮಪಿ ದೂಷಯತಿ| ತತ್ ಕ್ಷಯೇಽಪಿ ವಾಯುರ್ವಸಾದೀನ್ ಧಾತೂನ್ ಶರೀರಸ್ಯ ಪರಮಸಾರಭೂತಾನ್ ಬಸ್ತಿಮಾಕೃಷ್ಯ ಮೂತ್ರೇಣ ಸಹ ವಿಸೃಜತಿ||೫||

Adhikarana pramehANAM sAdhyatvAdi tatra hetushca (6) · Śloka 6

ತಸ್ಮಾತ್ ಕಫಪಿತ್ತವಾತಜಾಃ ಕ್ರಮೇಣ ಸಾಧ್ಯಯಾಪ್ಯಾಸಾಧ್ಯಾಃ| ತಥಾ ಪಿತ್ತಜಾಃ ಸಂಸೃಷ್ಟದೋಷಮೇದಃ ಸ್ಥಾನತ್ವಾದ್ ವಿರುದ್ಧೋಪಕ್ರಮ- ತ್ವಾಚ್ಚ| ವಾತಜಃ ಪುನಃ ಕ್ಷೀಣೇಷು ಧಾತುಷು ಮಹಾತ್ಯಯತಯಾ ವಿರುದ್ಧೋಪಕ್ರಮತ್ವಾಚ್ಚ| ಮೇದಸಿ ತು ನಾತಿದುಷ್ಟೇ ಪಿತ್ತಜಾ ಅಪಿ ಸಾಧ್ಯತಾಂ ಗಚ್ಛೇಯುಃ||೬||

Adhikarana sarvaprameheShu sAdhAraNaM li~ggam (7) · Śloka 7

ಧಾತುಸಮ್ಪರ್ಕಾತ್ಪುನಃ ಸರ್ವಮೇಹೇಷು ಮೂತ್ರಮಾವಿಲಂ ಭೂರಿ ಚ ಭವತಿ||೭||

Adhikarana doShadUShyasaMyogavisheShAdinA pramehANAM bhedAH (8) · Śloka 8

ದೋಷಾಣಾಂ ದೂಷ್ಯಾಣಾಂ ಚೋತ್ಕೃಷ್ಟಾಪಕೃಷ್ಟಸಂಯೋಗೇನ ಮೂತ್ರವರ್ಣರಸ- ಸ್ಪರ್ಶಗನ್ಧವಿಶೇಷಾದ್ವರ್ಣಾನಾಮಿವ ಶುಕ್ಲಕೃಷ್ಣಾದೀನಾಂ ಶಬಲ- ಕಲ್ಮಾಷಾದಯಃ ಪ್ರಮೇಹಾಣಾಂ ಪ್ರಭೇದಾ ಭವನ್ತಿ||೮||

Adhikarana pramehANAM pUrvarUpANi (9) · Śloka 9

ತೇಷಾಂ ಪೂರ್ವರೂಪಾಣ್ಯತಿವೃದ್ಧಿರ್ನಖದೀನಾಮ್| ಜಟಿಲೀಭಾವಶ್ಚ ಕೇಶಾ- ನಾಮ್| ಮಾಧುರ್ಯ್ಯಮಾಸ್ಯಸ್ಯ| ತಾಲುಕಣ್ಠಶೋಷಃ ಪಿಪಾಸಾ ಮಲಾ- ಧಿಕ್ಯಂ ಬಹಿಃ ಕಾಯೇ ಕಾಯಚ್ಛಿದ್ರೇಷು| ಪಾಣಿಪಾದದಾಹೋಽತಿ- ಮಾಧುರ್ಯ್ಯಾತ್ ಪಿಪೀಲಿಕೋಪಸರ್ಪಣಮ್| ವಿಸ್ತ್ರಗನ್ಧತಾ ಚ ಮೂತ್ರ- ಶರೀರಯೋಃ| ಶುಕ್ಲತಾ ಚ ಮೂತ್ರೇ| ಶ್ವಾಸನಿದ್ರಾತನ್ದ್ರಾಲಸ್ಯಪ್ರಕರ್ಷಶ್ಚ||೯||

Adhikarana kaphajamehAH, tatra udakamehalakShaNam (1) · Śloka 1

ತತ್ರ ಶೀತಂ ಶ್ವತೇಮಗನ್ಧಮಚ್ಛಮುದಕಮಿವೋದಕಮೇಹೀ ಮೇಹತಿ|೧|

Adhikarana ikShumehalakShaNam (1) · Śloka 1

ಇಕ್ಷುರಸಮಿವಾಽತಿಮಧುರಂ ಶೀತಮೀಷಪಿಚ್ಛಿಲಾವಿಲಾಮಿಕ್ಷುಮೇಹೀ||೧||

Adhikarana sAndramehalakShaNam (10) · Śloka 10

ಪರ್ಯ್ಯುಷಿತಂ ಸಾನ್ದ್ರಿಭವತ್ ಸಾನ್ದ್ರಮೇಹಿ||೧೦||

Adhikarana surAmehalakShaNam (11) · Śloka 11

ಸುರಾತುಲ್ಯಾಮುಪರಿ ಪ್ರಸನ್ನಮಧಃ ಸಾನ್ದ್ರಂ ಸುರಾಮೇಹೀ|೧೧|

Adhikarana piShTamehalakShaNam (11) · Śloka 11

ಶುಕ್ರಾಭಂ ಶುಕ್ರಮಿಶ್ರಂ ವಾ ಶುಕ್ರಮೇಹೀ|೧೧|

Adhikarana sikatAmehalakShaNam (11) · Śloka 11

ಸರುಜಂ ಸಸಿಕತಂ ಸಿಕತಾಮೇಹೀ| ಪ್ರಾಯೋ ಮಧುರಮತಿಶೀತಂ ಶೀತಮೇಹೀ| ಮನ್ದಂ ಮನ್ದಂ ಶನೈಃ ಶನೈರ್ಮೇಹೀ| ಪಿಚ್ಛಿಲಂ ತನ್ತುಬದ್ಧಮಿವ ಲಾಲಾಮೇಹೀ||೧೧||

Adhikarana pittajamehAH, kShAramehalakShaNam (12) · Śloka 12

ವರ್ಣಗನ್ಧರಸಸ್ಪರ್ಶೈಃ ಸ್ತ್ರುತಕ್ಷಾರೋಪಮಂ ಕ್ಷಾರಮೇಹೀ||೧೨||

Adhikarana kAlamehalakShaNam (13) · Śloka 13

ಊಷ್ಣಂ ಮಷೀಕಾಲಂ ಕಾಲಮೇಹೀ|೧೩|

Adhikarana nIlamehalakShaNam (13) · Śloka 13

ಸಫೇನಮಚ್ಛಮಮ್ಲಂ ಚಾಷಪತ್ರನೀಲಂ ನೀಲಮೇಹೀ|೧೩|

Adhikarana hAridramehalakShaNam (13) · Śloka 13

ಕಟುಕಂ ಸದಾಹಂ ಹರಿದ್ರಾಯುಕ್ತಮಿವ ಹಾರಿದ್ರಮೇಹೀ|೧೩|

Adhikarana mA~jjiShThamehalakShaNam (13) · Śloka 13

ವಿಸ್ತ್ರಂ ಮಞ್ಜಿಷ್ಠೋದಕವರ್ಣಮಿವ ಮಞ್ಜಿಷ್ಠಾಮೇಹೀ|೧೩|

Adhikarana shoNitamehalakShaNam (13) · Śloka 13

ವಿಸ್ತ್ರಮುಷ್ಣಂ ಸಲವಣಂ ಶೋಣಿತಸಙ್ಕಾಶಂ ಶೋಣಿತಮೇಹೀ|೧೩|

Adhikarana vAtajamehAH, vAsAmehalakShaNam (13) · Śloka 13

ವಸಾಮಿಶ್ರಂ ವಸಾಂ ವಾ ವಸಾಮೇಹೀ|೧೩|

Adhikarana majjamehalakShaNam (13) · Śloka 13

ಮಜ್ಜಮಿಶ್ರಂ ಮಜ್ಜಾನಂ ವಾ ಮಜ್ಜಮೇಹೀ|೧೩|

Adhikarana hastimehalakShaNam (13) · Śloka 13

ಸಲಸೀಕಂ ಮಧುರವೇಗಂ ಲಸೀಕಯೈವ ಚ ವಿಬದ್ಧಮನುಬದ್ಧ- ಮಜಸ್ತ್ರಂ ಮತ್ತ ಇವ ಹಸ್ತೀ ಸ್ತ್ರವತಿ ಹಸ್ತಿಮೇಹೀ||೧೩||

Adhikarana madhumehalakShaNam (14) · Śloka 14

ಓಜಃ ಸ್ನಿಗ್ಧಮಧುರಂ ತದ್ರೌಕ್ಷ್ಯಾದ್ವಾಯುಃ ಕಷಾಯತ್ವೇನೋಪಸೃಜತಿ| ತೇನ ಕಷಾಯಮಧುರಾನುಯತಂ ಮಧ್ವಿವಮೇಹತಿ ಮಧುಮೇಹೀ||೧೪||

Adhikarana keShA~jcinmatena madhumehasya dvaividhyam (15) · Śloka 15

ಸ ತು ದ್ವಿಧಾ ಕೈಶ್ಚಿದಿಷ್ಯತೇ| ಧಾತುಕ್ಷಯೇಣಾಽನಿಲಕೋಪಾದ್ ದೋಷಾವರೇಣ ವಾ||೧೫||

Adhikarana doShAvRutavAtajamadhumehasya kRucchrasAdhyatvam (16) · Śloka 16

ತದಾವೃತೋ ಹಿ ವಾಯುರಾಹಾರಪ್ರಸದಮಾದಾಯ ಮುಹುರ್ಮುಹುರನಿಮಿತ್ತಂ ದೋಷಲಿಙ್ಗಾನಿ ವೃದ್ಧಿಕ್ಷಯೌ ಚಾವಿರ್ಭಾವಯನ್ ಕೃಚ್ಛ್ರಸಾಧ್ಯಂ ಮಧುಮೇಹಂ ಪ್ರವರ್ತ್ತಯತಿ||೧೬||

Adhikarana sarvahAnAmupekShayA madhumehatvaprAptyAdi (17) · Śloka 17

ಸರ್ವ ಏವ ಚೋಪೇಕ್ಷ್ಯಮಾಣಾ ಮಧುಮೇಹತ್ವಮಾಯಾನ್ತಿ| ತಸ್ಮಾತ್ ಸರ್ವೇಽಪಿ ಮಧುಮೇಹಶಬ್ದೇನೋಚ್ಯತೇ| ಯತಃ ಸರ್ವೇಷ್ವಪಿ ಪ್ರಾಙ್ಮಧ್ವಿವ ಮಧುರರಸಶ್ಚಾಸ್ಯ ದೇಹೋ ಭವತೀತಿ|೧೭|

Adhikarana shleShmajapramehopadravAH (17) · Śloka 17

ತತ್ರ ಪ್ರತಿಶ್ಯಾಯಃ ಶರೀರಶೈಥಿಲ್ಯಮರೋಚಕಾವಿಪಾಕೌ ಪ್ರಸೇಕಶ್ಛರ್ದಿರ್ನಿದ್ರಾಕಾಸಶ್ಚ ಶ್ಲೇಷ್ಮಜಾಣಾಮುಪದ್ರವಾ ಭವನ್ತಿ||೧೭||

Adhikarana pittajapramehopadravAH (18) · Śloka 18

ವೃಷಣಾವದರಣಂ ಬಸ್ತಿಮೇಢ್ರತೋದೋಽಮ್ಲಕಃ ಪಿಪಾಸಾಜ್ವರೋ ದಾಹೋ ಮೂರ್ಚ್ಛಾತೀಸಾರಃ ಪಾಣ್ಡುರೋಗಶ್ಚ ಪಿತ್ತಜಾನಾಮ್||೧೮||

Adhikarana vAtapramehopadravAH (19) · Śloka 19

ಹೃದ್ಗ್ರಹೋ ಲೌಲ್ಯಮನಿದ್ರತಾಕಮ್ಪಃ ಶೂಲಂ ಬದ್ಧಪುರೀಷತ್ವಂ ಶೋಷಃ ಕಾಸಃ ಶ್ವಾಸಶ್ಚ ವಾತಜಾನಾಮ್||೧೯||

Adhikarana pramehiNAM piTakAsambhavaH (20) · Śloka 20

ಅಥೈವಮಸ್ಯ ಮೇದಃಕ್ಲೇದಾದಿಭಿರಭಿಷ್ಯಣ್ಣದೇಹಸ್ಯ ದೋಷೈರನುಗತಧಾತೋಃ ಪ್ರಮೇಹಾಭಿವೃದ್ಧೌ ಮಾಂಸಲೇಷ್ವವಕಾಶೇಷು ಸನ್ಧಿಮರ್ಮಸು ಚ ಪ್ರದೇಶವಿಶೇಷಾಶ್ರಯತ್ವಾತ್ಪ್ರಾಣಾಪಹಾರಿಣ್ಯೋ ಭೂಯಃ ಕಷ್ಟತ್ಮೋಪದ್ರವಾಃ ದಶಪಿಟಕಾ ಜಾಯನ್ತೇ ಸುತರಾಂ ಚಾಽಧಃಕಾಯೇ| ತದಭಿಮುಖಾ ಹಿ ಪ್ರಮೇಹಿಣಾಂ ದೋಷಾಃ| ತದ್ಯಥಾ-ಶ್ರಾವಿಕಾ-ಕಚ್ಛಪಿಕಾ-ಜಾಲಿನೀ-ಪುತ್ರಿಣೀ-ವಿದಾರಿಕಾ-ಸರ್ಷಪಿಕಾ-ಮಸೂರಿಕಾ-ಽಲಜೀ-ವಿನತಾ-ವಿದ್ರಧಿಶ್ಚ||೨೦||

Adhikarana sharAvikAlakShaNam (21) · Śloka 21

ತತ್ರ ಶ್ಯಾವಾ ಕ್ಲೇದವೇದನಾಯುಕ್ತಾ ನಿಮ್ನಮಧ್ಯೋನ್ನತೌಷ್ಠಾ ಶರಾವಸಂಸ್ಥಾನಪ್ರಮಾಣಾ ಶರಾವಿಕಾ||೨೧||

Adhikarana kacchapikAlakShaNam (22) · Śloka 22

ಮಹಾಮೂಲಾಽವಗಾಢಾಽರ್ತ್ತಿತೋದಾ ಶ್ಲಕ್ಷ್ಣಾ ಕಚ್ಛಪಪೃಷ್ಠನಿಭಾ ಕಚ್ಛಪಿಕಾ||೨೨||

Adhikarana jAlinIlakShaNam (23) · Śloka 23

ಮಹಾಶಯಾಽರ್ತ್ತಿತೋದ ಸ್ತಬ್ಧಾ ಸ್ನಿಗ್ಧಸ್ರಾವಿಣೀ ಸೂಕ್ಷ್ಮಚ್ಛಿದ್ರಾ ಮಾಸಸಿರಾಜಾಲಾವೃತಾ ಜಾಲಿನೀ|೨೩|

Adhikarana putriNIlakShaNam (23) · Śloka 23

ಮಹತೀ ಪಿಟಕಾಭಿರಲ್ಪಾಭಿರಾಚಿತಾ ಪುತ್ರಿಣೀ|೨೩|

Adhikarana vidArikAlakShaNam (23) · Śloka 23

ಕಠಿಣಾ ವಿದಾರಿಕನ್ದವದ್ವೃತ್ತಾ ವಿದಾರಿಕಾಃ||೨೩||

Adhikarana sarShapikAlakShaNam (24) · Śloka 24

ಶೀಘ್ರಾ ಪಾಕಾ ಮಹಾವೇದನಾ ಸರ್ಷಪಾಕೃತಿಪ್ರಮಾಣಾ ತದ್ವಿಧಾಭಿಶ್ಚ ಪಿಟಕಾಭಿಶ್ಚಿತಾ ಸರ್ಷಪಿಕಾ|೨೪|

Adhikarana masUrikAlakShaNam (24) · Śloka 24

ಮಸೂರಿಕಾರಪ್ರಮಾಣಾ ಮಸೂರಿಕಾ|೨೪|

Adhikarana alajIlakShaNam (24) · Śloka 24

ತ್ವಚಮುತ್ಥಾನ ಏವ ದಹನ್ತೀ ಸ್ಫೋಟೈರಾವೃತಾ ವಿಸರ್ಪನ್ತೀ ರಕ್ತಾಕೃಷ್ಣಾಽತಿತೃಣ್ಮೋಹಜ್ವರಕರೀ ದಾಹಭೂಯಿಷ್ಠಾಽತಿಕಷ್ಟಾ ಚಾಲಜೀ||೨೪||

Adhikarana vinatAlakShaNam (25) · Śloka 25

ಮಹತೀ ನೀಲಾಽವಗಾಢರುಜಾಕ್ಲೇದಾ-ಪೃಷ್ಠೋದರಾಽನ್ಯತರಾಧಿಷ್ಠಾನಾವಿನತಾ ವಿನತಾ||೨೫||

Adhikarana vidradhilakShaNam (26) · Śloka 26

ವಿದ್ರಧಿಸ್ತು ವಕ್ಷ್ಯತೇ ( ಅ. ಸಂ. ನಿ. - ೩೯೯-೪೧೮) ಪೃಥಗೇವ||೨೬||

Adhikarana vidArikAntAnAM dussahatvam (27) · Śloka 27

ತಾಸಾಮಾದ್ಯಾಃ ಪಞ್ಚಾತಿಬಲಶ್ಲೇಷ್ಮಮೇದಃ ಸಮ್ಭವೇನ| ಮೂಲವ್ಯಾಧ್ಯೇಕರೂಪತ್ವಾತ್ ತದ್ವದ್ಧಿಕಾರಿತಯಾ ದುಃಸಹಾಃ||೨೭||

Adhikarana sarShapikAdInAM sahatvam (28) · Śloka 28

ನ ತ್ವಿತರಾಃ| ಪಿತ್ತೋಲ್ಬಣತಯಾಽಲ್ಪಫಮೇದೋಭಾವಾತ್||೨೮||

Adhikarana pramehAnuguNaM piTakAsu doShodrekaH (29) · Śloka 29

ಪ್ರಮೇಹವಶಾಚ್ಚ ಪಿಟಕಾಸು ಯಥಾಸ್ವಂ ದೋಷೋದ್ರೇಕೋ ಭವತೀತಿ||೨೯||

Adhikarana kevalamedaduShTyApi piTakotpatyAdi (30) · Śloka 30

ಭವತಿ ಚಾತ್ರ ಶ್ಲೋಕಃ-- ಪ್ರಮೇಹೇಣ ವಿನಾಪ್ಯೇತಾ ಜಾಯನ್ತೇ ದುಷ್ಟಮೇದಸಃ||೩೦||

Adhikarana piTakAnAM vastuparigraheNa lakShyatvam (31) · Śloka 31

ತಾವಚ್ಚ ನೋಪಲಕ್ಷ್ಯನ್ತೇ ಯಾವದ್ವಸ್ತುಪರಿಗ್ರಹಃ||೩೧||

Adhikarana raktapitte pramehabhrAntinirAsaH (32) · Śloka 32

ಹರಿದ್ರಾವರ್ಣಂ ರಕ್ತಂ ವಾ ಮೇಹಪ್ರಾಗ್ರೂಪವರ್ಜಿತಮ್| ಯೋಮೂತ್ರಯೇನ್ನ ತಂ ಮೇಹಂ ರಕ್ತಪಿತ್ತಂ ತು ತಂ ವಿದುಃ||೩೨||

Adhikarana madhumehasya kaphasambhavatvaM, vAtasambhavatva~jca (33) · Śloka 33

ದೃಷ್ಟ್ವಾ ಪ್ರಮೇಹ ಮಧುರಂ ಸಪಿಚ್ಛಂ ಮಧೂಪಮಂ ಸ್ಯಾದ್ವಿವಿಧೋ ವಿಚಾರಃ| ಸಮ್ಪೂಣಾಚ್ಛ್ಲೇಷ್ಮಸಮುದ್ಭವಃ ಸ್ಯಾತ್ ಕ್ಷೀಣೇಷು ದೋಷೇಷ್ವನಿಲಾತ್ಮಕೋ ವಾ||೩೩||

Adhikarana prameheShu doShabhedena sadhyAsAdhye yApyatva~jca (34-10) · Śloka 10

ಅಪೂರ್ವರೂಪಾಃ ಕಫಪಿತ್ತಮೇಹಾಃ ಕ್ರಮೇಣ ಯೇ ವಾತಕೃತಾಶ್ಚ ಮೇಹಾಃ| ಸಾಧ್ಯಾ ನ ತೇ ಪಿತ್ತಕೃತಾಸ್ತು ಯಾಪ್ಯಾಃ ಸಧ್ಯಾಸ್ತು ಮೇದೋ ಯದಿ ನಾಽತಿದುಷ್ಟಮ್||೩೪|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೌ ಅಷ್ಟಾಙ್ಗಸಂಗ್ರಹಸಂಹಿತಾಯಾಂ ನಿದಾನಸ್ಥಾನೇ ಪ್ರಮೇಹನಿದಾನಂ ನಾಮ ದಶಮೋಽಧ್ಯಾಯಃ||೧೦||