১২. দূতাদিবিজ্ঞানীযঃ

শশিলেক ব্যাখ্যা (ইন্দু কৃত)

দূতাদিবিজ্ঞানীযমপি আযুষ ইদন্তাপরিজ্ঞানার্থমুপযুজ্যত ইতি তদর্থমধ্যাযারম্ভঃ| সুবোধম্|| ১||

শশিলেক ব্যাখ্যা (ইন্দু কৃত)

দূতাদিবিজ্ঞানীযমপি আযুষ ইদন্তাপরিজ্ঞানার্থমুপযুজ্যত ইতি তদর্থমধ্যাযারম্ভঃ| সুবোধম্|| ১||

শশিলেক ব্যাখ্যা (ইন্দু কৃত)

নির্দিষ্টমিত্যাদিনা শাস্ত্রকারঃ স্বযমধ্যাযপ্রযোজনং কথযতি| দূতজাত্যাদযোঽপি রোগিণঃ শুভাশুভং সূচযন্তীতি সম্বন্ধঃ| জাতিঃ ব্রাহ্মণাদিকা| ভাষা বচনম্| চেষ্টিতং ক্রিযা| দেশঃ উষ্ণশীতাদিকো বিকারসমানাসমানস্তদ্বত্ কালোঽপি চ| বৈদ্যস্য চ তত্সঙ্গমে যঃ সঙ্কল্পস্তদিতি দূতস্য ব্যপদেশঃ| প্রস্থানং স্ববেশ্মনো নির্গমনম্| প্রযাণং পথি| প্রবেশঃ আতুরবেশ্মনি| গ্রহাণাং চারো রাশিগমনম্| অপূর্বসম্ভবো বৈদ্যাতুরসঙ্গমে প্রথমমযত্নেনোত্পত্তিরভূতপূর্বস্য শুভাশুভসূচকস্য|| ২||

শশিলেক ব্যাখ্যা (ইন্দু কৃত)

আতুরাদিত্যাদের্দূতো বৈদ্যমুপসর্পন্ন শুভ ইতি সম্বন্ধঃ আতুরবর্ণাদুত্তমো বর্ণোউ যস্য দূতস্য| যথা শূদ্রস্য ব্রাহ্মণাদীনাং ত্রযাণামন্যতমো দূতঃ| বৈশ্যস্য ব্রাহ্মণক্ষত্রিযাভ্যামন্যতরস্তথা ক্ষত্রিযস্য ব্রাহ্মণ ইতি| অন্যাশ্রমো ভিন্নাশ্রমঃ| চত্বার আশ্রমাঃ| ব্রহ্মচারী গৃহস্থো যতির্বানপ্রস্থঃ ইতি| পাষণ্ডা লিঙ্গিনঃ ষণ্ডঃ ক্লীবঃ| স্ত্রীদূতঃ| অনেকো যুগপদ্ বহবো দূতাঃ জীর্ণাদিবসনঃ| বিবর্ণো বিশিষ্টবর্ণঃ বিক্লবো ভীরুঃ| নিষ্ঠুরো রূক্ষঃ| অমঙ্গলাদ্যভিধাযী| দূরাদাহ্বযমানো বৈদ্যম্| তৃণাদি স্পৃক্| অনামিকাঙ্গুলিঃ কনিষ্ঠাযাঃ পূর্বা| মার্জনী শোধনী| ভগ্নচ্যুতোউ তথাবিধোউ ভাণ্ডোউ| তথা কাষ্ঠাদিধরঃ| পাদাভ্যং ভুবনতল্পাদীনি মুঞ্চন্| অথবা পক্বং ফলানি গৃহীত্বা দূতো বৈদ্যমুপসর্পন্নশুভঃ| তদ্বিধমন্যত্ ক্লিন্নদুর্গন্ধাদি|| ৩||

শশিলেক ব্যাখ্যা (ইন্দু কৃত)

বিকারাতুল্যগুণোউ দেশকালোউ তদ্যথেত্যাদিনা দর্শযতি| শ্লেষ্মামযেষু ঘৃতোদকাদি সমীপস্থং বৈদ্যং দূত উপসর্পন্নশুভঃ| পিত্তামযেষু শুভঃ| ছর্দ্যাদিষু সেতুভঙ্গে অশুভঃ| সেতুবন্ধে শুভঃ| দেশা উক্তাঃ|

শশিলেক ব্যাখ্যা (ইন্দু কৃত)

তথেত্যাদিনা কাল উচ্যতে| উভযসন্ধ্যা পূর্বা চাপরা চ| নক্ষত্রং মহারোগদেশান্তরবিবক্ষযা|| ৫||

শশিলেক ব্যাখ্যা (ইন্দু কৃত)

যশ্ছ দূতঃ সুপ্তাদিকং বৈদ্যমুপতিষ্ঠতি তং দূতং বৈদ্যো নানুযাযাত্|

শশিলেক ব্যাখ্যা (ইন্দু কৃত)

যো বা ইত্যাদি ভিষগ্বিশেষণম্| বিষযো ভূমাবসম্যক্ স্থিত একপাদস্তেন তিষ্ঠতি যঃ|| ৭||

শশিলেক ব্যাখ্যা (ইন্দু কৃত)

যস্মিন্ ব্যাধিতাশ্রযমাতুরমুদ্দিশ্য দূতে কথযত্যশুভমিন্দ্রিযার্থং শব্দস্পর্শাদিকং ভিষগনুভবতি বা সঙ্কল্পযতি বা| তং দূতং নাযুযাযাত্|| ৮||

শশিলেক ব্যাখ্যা (ইন্দু কৃত)

অতো যথোক্তাদাতুরাদ্বর্ণোত্তম ইত্যাদি দর্শিতাদ্বৈপরীত্যে করুণাপেশলত্বাদিযুক্তেন ভিষজা আতুরং দ্রষ্টুং প্রযাতব্যম্|| ৯||

শশিলেক ব্যাখ্যা (ইন্দু কৃত)

বৈদ্যস্যান্যস্য চ দধ্যাদিকং মঙ্গলানামষ্টোত্তরশতং দর্শনাদিভ্যোঽশুভানি ব্যপোহ্য উত্তমার্থসিদ্ধিং দিশতি| অক্ষতা যবাঃ| স্যন্দনং রথাদি| অষ্টাপদং চতুরঙ্গফলকম্| অক্ষাঃ পাশাঃ| শ্রীতরুঃ বিল্ববৃক্ষঃ| ভদ্রপীঠং দেবাসনং চতুষ্কোণম্| স্বস্তিকা আকারবিশেষাঃ| কীচকা বেণবো, যে বেণবো বাযুনা শব্দাযন্তে| বরবধূরুত্তমা স্ত্রী| বর্ধমানমলঙ্কারবিশেষঃ| যানান্যশ্বাদীনি প্রযুক্তানি| বোধকরণেন ধন্বন্তরিশ্ছিত্রাদিকৃতঃ| বামনো যঃ কশ্ছিত্| তথা ব্রাহ্মণঃ| বরাহঃ সূকরঃ তোযমধ্যাদুত্থিতঃ সন্| অমৃতং শব্দ এব| মাণিভদ্রো যক্ষবিশেষঃ| দিতিরসুরমাতা| অদিতিঃ সূর্যমাতা| দেবসেনা তত্সংজ্ঞা| স্বধা পিতৃণাম্| শান্তির্ধর্মস্য| অপত্যং স্বস্য| ক্ষমা ধর্মস্য| স্বস্তীত্যযং শব্দঃ|| ১০||

শশিলেক ব্যাখ্যা (ইন্দু কৃত)

অপি চেতি সমুচ্চযে| পুন্নামানো যে স্ত্রীব্যঞ্জনা অপি পুরুষাভিধানাঃ শুক্রচাষাদযস্তে বামাঃ শিবাঃ শুভাঃ প্রস্থানাদিষু|

শশিলেক ব্যাখ্যা (ইন্দু কৃত)

শিবাদযো দক্ষিণাঃ শিবা ইতি সম্বন্ধঃ| শিবা প্রসিদ্ধা| শ্যামা পিঙ্গলা| অরলা চেতি পক্ষিবিশেষাঃ| চুচ্ছুন্দরী গন্ধমূষিকা| গৃহগোধিকা মুসলী| একশফা বডবাদিঃ| স্ত্রীনামানঃ শিখ্যাদযশ্ছ দক্ষিণাঃ শিবাঃ| শিখী মযূরঃ| চষকঃ প্রাণিবিশেষস্তত্সংজ্ঞকঃ|| ১২||

শশিলেক ব্যাখ্যা (ইন্দু কৃত)

যে বামা উক্তাস্তে প্রবেশে দক্ষিণাঃ শুভাঃ| যে চ দক্ষিণা উক্তাস্তে প্রবেশে বামাঃ|| ১৩||

শশিলেক ব্যাখ্যা (ইন্দু কৃত)

মৃগবিহঙ্গযোর্বিপরীতং বামাদ্দক্ষিণগমনম্| সর্বত্র প্রস্থানাদিষু|

শশিলেক ব্যাখ্যা (ইন্দু কৃত)

সর্বথা সর্বপ্রকারাং পুরঃ পশ্ছাত্ প্রবেশে প্রস্থানে চেত্যেবমাদি ভরদ্বাজাদীনাং দর্শনম্|| ১৫||

শশিলেক ব্যাখ্যা (ইন্দু কৃত)

শশাদীনাং কীর্ত্তনং পর্য্যাযেণাপি কীর্ত্তনমেবৈষাং শস্তং ন দর্শনম্| দর্শনং বিরুতং চৈব নো কীর্ত্তনমিতি বিপরীতার্থঃ|| ১৬||

শশিলেক ব্যাখ্যা (ইন্দু কৃত)

সরটাদেএনাং সম্বন্ধি সর্বমনিষ্টদর্শনং বিরুতং কেএর্তনং চ || ১৭||

শশিলেক ব্যাখ্যা (ইন্দু কৃত)

গ্রন্থাদিষু ছেদনশব্দ ইষ্টঃ| গুল্মাদিষু ভেদশব্দঃ| রক্তপিত্তাদিষ্বিত্যত্রাদিগ্রহণেন বমনবিরেচনবস্ত্যাদীনাং গ্রহণম্| এবমন্যে ধ্বনযো যোজ্যাঃ| তথা পাণ্ডুরোগে শূনশব্দঃ| কাসে ক্ষতশব্দঃ| শ্বাসে ছিন্নঃ| যক্ষ্মিণঃ সংস্থিতঃ ইত্যেবমাদিঃ|| ১৮||

শশিলেক ব্যাখ্যা (ইন্দু কৃত)

স্থিরাদিশব্দা ধন্যানাং চ বাদিত্রাণাং ধ্বনযঃ সর্বত্র শ্রেষ্ঠাঃ|

শশিলেক ব্যাখ্যা (ইন্দু কৃত)

ক্ষতাদযঃ প্রস্তুতপ্রতিষেধায ভবন্তি| শব্দা ইতি ক্ষতাদিভিরভিসম্বধ্যতে| তেন ক্ষতাদিপর্য্যাযাণামপি গ্রহণম্| আ-মা-নো-ন প্রতিষেধশব্দাঃ| আদিগ্রহণেন নিবৃত্ত্যাদিপর্য্যাযাণাং গ্রহণম্| অথবা প্রতিষেধ ইত্যযং শব্দ আদির্যেষাং শব্দানাং তে প্রতিষেধাদযঃ| প্রতিষেধপ্রকারা ইত্যর্থঃ|| ২০||

শশিলেক ব্যাখ্যা (ইন্দু কৃত)

দীপ্তেত্যাদিকং চিকিত্সপ্রতিষেধাযেত্যনেন সম্বধ্যতে| দীপ্তাং দিশং প্রতি ক্রূরাণাং মৃগাণাং পক্ষিণাং চ ধ্বনযঃ| প্রাচ্যাদিপ্রত্যযহেতুত্বেনাঽনুমিতৈকাঽপি সতী দিগ্ব্যবহারর্থমধিষ্ঠাতৃদেবতাবিশেষনিযমবশাত্ প্রবিভক্তৈবাঽষ্টধা বিভজ্যতে| তত্র বিষুবতি সূর্য্যো যত উদেতি সা সহস্রাক্ষাধিষ্ঠিতা ঐন্দ্রীনাম দিক্| তদভিমুখস্য দক্ষিণে পার্শ্বে বৈরস্যতা ক্রান্তমূর্তির্যাম্যা নাম| তস্যৈব পশ্ছাত্ পত্যা যাদসামালিঙ্গিতা বারুণী নাম| তস্যৈব বামতো রাজরাজস্বীকৃতা কোউবেরী নাম| তাসামন্তরালেষু বিদিশঃ| তত্র দক্ষিণপূর্বা চৈত্রভানবী| দক্ষিণপাশ্ছিমা নৈঋতী পশ্ছিমোত্তরা পাবনী| উত্তরপূর্বা ঐশানীতি| আসামষ্টানাং কুকুভাং ভগবন্ সহস্রশ্মিঃ পূর্বাদিক্রমেণাহোরাত্রভাগেষ্বষ্টাস্বেবাবরোধবেশ্মস্বিব দক্ষিণঃ কামী ক্রমেণৈব ভোক্তৃত্বমনুভবতি| তত্র পূর্বে দিনস্যাযামে শাতক্রতবীমাশামবলম্বতে ভগবান্| দ্বিতীযে জাতবেদসীম্| তৃতীযে সমদর্শিলাঞ্ছিতাম্| চতুর্থে রক্ষোমালিনীম্| প্রথমে নিশাযামে বরুণাশ্বাসিতাম্| দ্বিতীযে সমীকরণনাযিকাম্| তৃতীযে পুণ্যজাতাক্ষিপ্তাম্| চতুর্থে বৃক্ষধ্বজপালিতামিতি| তাসাঞ্চ সম্প্রতি রবির্যামুপভুঙ্ক্তে সা স্বাধীনভর্তৃকেব দীপ্তা| যামুপভুজ্য যাতঃ সা প্রোষিতভর্তৃকেবাঙ্গরিতা| যাং যাস্যতি সা বাসকসজ্জেব ধূমিতা| শেষাঃ পরিত্যক্ততত্সমাগমাষাঃ প্রব্রজিতা ইব শান্তাঃ তত্রাত্মানমবধিং কৃত্ব দিশি দীপ্তা যাং ক্রূরমৃগপক্ষিবাচঃ| ক্রূরা মৃগাঃ ক্রব্যাদাঃ শৃগালসিংহাদযঃ পক্ষিণো গৃধ্রোলূকাদযঃ | ক্রব্যাদাঃ ক্রূরাঃ| ফলশাল্যাদিভুজো মৃগপক্ষিণঃ সৌম্যাঃ| তদ্বিধে দেশে রোউক্ষ্যাদিযুক্তে|| ২১||

শশিলেক ব্যাখ্যা (ইন্দু কৃত)

তৃণাদীনাং দর্শনং চিকিত্সাপ্রতিষেধায| পললস্তিলকল্কঃ| ঊর্ধ্বগাঃ পাদা যেষাং যানাদীনাম্| উপস্কর উপকরণদ্রব্যম্| শ্বপাকশ্ছণ্ডালঃ লুব্ধকঃ| ব্যসন্যতিদুঃখী| মৃতং শবম্|

শশিলেক ব্যাখ্যা (ইন্দু কৃত)

পূর্বোক্তানি মঙ্গলানি ঘৃতাদীনি| তেষামাঽঽতুরগৃহান্নির্গমো বৈদ্যস্য প্রবিশতঃ|| ২৩||

শশিলেক ব্যাখ্যা (ইন্দু কৃত)

আতুরস্য বক্রানুবক্রাদিচিকিত্সাপ্রতিষেধায ধ্রুবং প্রতিবন্ধায| রাশিচক্রে স্পষ্টগতে যে প্রতিনিবৃত্ত্য গন্তুং প্রবৃত্তাস্তে বক্রাঃ| ততোঽপি পুনব্যাবৃত্তাঃ স্পষ্টমার্গমনুপ্রাপ্তা অনুবক্রাঃ গর্হিতে স্থানে তিষ্ঠন্তীতি গর্হিতস্থানস্থাঃ| গর্হিতস্থানমনুপচযরাশিলক্ষণম্| অনুপচযাশ্ছ রাশযঃ| স্বজন্মনক্ষত্ররাশোঃ প্রথমদ্বিতীযচতুর্থপঞ্চমসপ্তমাষ্টমনবমদ্বাদশরাশযঃ| উপচযাস্ত্রিষডেকাদশদশমাঃ| তত্রাশ্বিন্যাদীনাং সপ্তবিংশতিঃ সপাদনক্ষত্রদ্বযবিভাগেন ক্রমেণ মেষবৃষভমিথুনকর্কটকসিংহকন্যাতুলাবৃশ্ছিকধনুমকরকুম্ভমীনাখ্যা দ্বাদশরাশযঃ|| ২৪||

শশিলেক ব্যাখ্যা (ইন্দু কৃত)

কেত্বাদিভির্জন্মর্ক্ষাঽঽভিভবঃ| জন্মর্ক্ষো জন্মরাশিঃ| তস্মিন্ সন্নিপাতস্তদাঽঽভিভবঃ|| ২৫||

শশিলেক ব্যাখ্যা (ইন্দু কৃত)

গৃহদারাদিষু গর্হিতানামশুভানাং লক্ষণানাং প্রাদুর্ভাবঃ|| ২৬||

শশিলেক ব্যাখ্যা (ইন্দু কৃত)

সামান্যেনাদৃষ্টপূর্বদর্শনঃ স্বপ্নশ্ছ শুভাশুভহেতুঃ| স্বযং দৃষ্ট উপভোক্ত্রাঽঽন্যেন বা| তমুদ্দিশ্য দৃষ্টঃ| স চ দৃষ্টাদিভেদেন সপ্তবিধঃ| দৃষ্টশ্ছ ক্ষুষা গৄহীতস্য স্বাপে দর্শনম্| শ্রুতস্যাখ্যাযিকারূপেণ স্বাপে দর্শনং শ্রুতঃ| অনুভূতঃ স্বসংবেদনাদিনা| প্রার্থিত আকাঙ্ক্ষিতঃ| ইদং কথং নু মে স্যাত্ ইতি কল্পিতঃ সঙ্কল্পিতঃ | ইদং মযাঽবশ্যকর্ত্তব্যমিত্যস্য দর্শনং ভাবিকঃ| স্বভাবাদাগতঃ| দোষজো বাতাদিসামর্থ্যান্নভোগমনাদিঃ|| ২৭||

শশিলেক ব্যাখ্যা (ইন্দু কৃত)

তত্রাঽঽদ্যাঃ-দৃষ্টশ্রুতানুভূতপ্রার্থিতসঙ্কল্পিতাঃ পঞ্চ অফলাঃ| ভাবিকদোষজোউ সফলোউ| দোষজোঽপি যথা স্বপ্রকৃতির্নিষ্ফলঃ| যথা বাতপ্রকৃতের্কতজঃ| পিত্তপ্রকৃতেঃ পিত্তজঃ| এবং কফেঽপি বাচ্যম্| তথা দিবা দৃষ্টশ্ছ নিষ্ফলঃ| বিস্মৃতাদিরূপোঽপি নিষ্ফলঃ| বিস্মৃতো যঃ সাধু ন স্মর্য্যতে|| ২৮||

শশিলেক ব্যাখ্যা (ইন্দু কৃত)

নিশাদোউ দৃষ্টঃ সফলোঽপি শুভাশুভশ্ছিরাত্ফলমল্পং চ করোতি| গোসর্গো রাত্রেঃ ক্ষযঃ তস্মিন্ সদ্যঃ ফলং মহাফলং চ|| ২৯||

শশিলেক ব্যাখ্যা (ইন্দু কৃত)

শুভশ্ছ স্বপ্নঃ স্বপ্নাদনন্তরং নিদ্রযাঽনুপহতো মহত্ফলং দদাতি সদ্যশ্ছ| তথা প্রতীপৈর্দৃষ্টস্বপ্নপ্রতিকূলৈর্বচোভির্নোপহতঃ| অথবা স সর্বং স্বপ্নো দানাদিভির্মহত্ সদ্যশ্ছ ফলং দদাতি| যমঃ ইন্দ্রিযাণাং বিষযেভ্যো নিবৃত্তিঃ| নিযমঃ সদ্দৃত্তম্| আদিগ্রহণেন মণিমন্ত্রাদীনাং গ্রহণম্|| ৩০||

শশিলেক ব্যাখ্যা (ইন্দু কৃত)

শশিলেক ব্যাখ্যা (ইন্দু কৃত)

তত্রেত্যাদিনা স্বপ্নবিশেষান্ দর্শযতি| সুবোধম্| প্রেতা নিকৃষ্ট ভূতবিশেষাঃ| যস্য হৃদি কণ্টকীলতাদিকং জাযতে স গুল্মেন হন্যত ইতি সম্বন্ধঃ| যস্য পুনঃ কণ্টকীলতাদিকং শিরসি জাযতে স শিরোরোগেণ হন্যতে| শস্ত্রেণ কর্ত্রা শিরঃচ্ছেদেন করণভূতেন হন্যতে| সর্বত্র তৃতীযান্তং হন্যত ইতি সম্বধ্যতে| উপরাগো রাহুচ্ছাযযা| তযোরিতি চন্দ্রসূর্য্যযোঃ|| ৩১||

শশিলেক ব্যাখ্যা (ইন্দু কৃত)

শুষ্কুলী তিলকৃতা ছর্দযতি| তদেব যত্স্বপ্নে জগ্ধম্|| ৩২||

শশিলেক ব্যাখ্যা (ইন্দু কৃত)

লতাদযো লতাবংশতালঃ| বযাংসি পক্ষিণঃ| গৃধ্রাদিভিঃ পরিবারণম্| আন্ধ্রদ্রবিডোউ দাক্ষিণাত্যজনপদনামনী| অন্তাবসাযিনশ্ছণ্ডালাদযঃ| বেত্রং কাষ্ঠবিশেষঃ| বল্মীকাদিষু বা পততি| বল্মীকং পিপীলিকাস্থানম্| সম্বাধং সঙ্কটম্| জননী মাতা| বযোবৃদ্ধির্যথা বাল্যে যোউবনং বার্ধকং বা| যূপাদীন্ বা আরোহতি| চন্দ্রাদীন্ পততো নশ্যতো বা যঃ পশ্যতি| এবমেতচ্ছাষ্কুল্যপূপাদিকং দৃষ্ট্বা ব্যাধিতা নিশ্ছিতং পঞ্চত্বং প্রাপ্নুবন্তি| স্বস্থাস্তু জীবিতসন্দেহমিতি|| ৩৩||

শশিলেক ব্যাখ্যা (ইন্দু কৃত)

ভবন্তি চাত্রেতি পদ্যারম্ভে তন্ত্ররীতিঃ| মনোবহানামিত্যাদি সুবোধম্| দেবানিত্যাদিনা শুভাঃ স্বপ্না উচ্যন্তে| দেবানিত্যাদের্যঃ পশ্যেদিতি সম্বন্ধঃ তথা ছত্রাদীনি যো লভতে| শৈলাদীংশ্চঽঽরোহেত্| নদ্যাদীংশ্চ তরেত্| পূর্বোত্তরগমনাদিকঞ্চ যস্য স্যাত্ স আযুরাদিকমশ্নুতে| নরাশনো রাক্ষসঃ পুষ্পাণি উক্ষিতং সিক্থম্| সুমনসঃ হৃদো গম্ভীরঃ| অগম্যাঃ সকুল্যান্ত্যজাতিশ্চ| মৃতির্মরণম্||৩৪||

শশিলেক ব্যাখ্যা (ইন্দু কৃত)

পিতৃপ্রভৃতীনাং শুভানামপি কৃদ্ধাদ্যাত্মনাং সতাং মলিনাম্বরপুষ্পধারিণাং চ দর্শনং নেষ্যতে| তেষামেব পিত্রাদীনাং তুষ্টাদিগুণানাং দর্শনং শস্যত ইতি সম্বন্ধঃ| তৈরতিতুষ্টাদিগুণৈঃ পিত্রাদিভিঃ|

শশিলেক ব্যাখ্যা (ইন্দু কৃত)

মঙ্গলাচারসম্পন্নাদিকমারোগ্যলক্ষণম্| প্রভূতানাং দ্রব্যাণাং সংগ্রহস্তথোক্তঃ| সত্ত্বলক্ষণানি শৌচাস্তিক্যাদীনি||৩৬||

শশিলেক ব্যাখ্যা (ইন্দু কৃত)

স্থাননাম নিরূপ্যতে| অস্মিন্ স্থানে শরীরস্য জন্মনঃ প্রভৃতিমরণং যাবদ্যতঃ সম্যগুদাহৃতং প্রদর্শিতম্| অতঃ স্থানং শারীরমুচ্যত ইতি||৩৭|| ইতি শ্রীমন্মহামহোপাধ্যাযেন্দুবিরচিতাযাং অষ্টাঙ্গসংগ্রহব্যাখ্যাযাং শশিলেখাযাং শারীরস্থানে দ্বাদশোঽধ্যাযঃ