38. śastrakarmavidhiḥ

Adhikarana atha shastrakarmavidhirnAmAShTatriMsho~adhyAyaH pratij~jA (1) · Śloka 1

અથાતઃ શસ્ત્રકર્મવિધિં નામાધ્યાયં વ્યાખ્યાખ્યામઃ| ઇતિ હ સ્માહુરાત્રેયાદયો મહર્ષયઃ||૧||

Adhikarana shastrakarmaviShayaH (2) · Śloka 2

દ્વિવિધે હિ વ્યાધાવુપાયાપેક્ષે નિજ આગન્તૌ વા ભેષજ- વિષયાતીતે શસ્ત્રકર્મ પ્રયુજ્યતે||૨||

Adhikarana shoPAvasthAyAM cikitsAvisheShaH (3) · Śloka 3

સ ચામયઃ પ્રાયેણ શ્વયથુપૂર્વકો ભવતિ| અતઃ શોફા વસ્થસ્યૈવ વાતપિત્તકફરક્તસંસર્ગસન્નિપાતાત્મકતામુપ લક્ષ્ય પાકભયાદ્યથાસ્વમુપવાસલેપસેકાસૃઙ્મોક્ષકષા યઘૃતપાનશોધનાનિ પ્રયુઞ્જીત| તથાપ્યનુપશામ્યતિ પ્રવિ લયનમ્| અવિલીયમાને ચોપનાહનમ્||૩||

Adhikarana AmashoPalakShaNam (4) · Śloka 4

તત્ર શોફસ્યામલક્ષણમલ્પતા ચાલ્પોષ્મરુજત્વં ત્વક્સ વર્ણતા સ્થૈર્યં ચ||૪||

Adhikarana pacyamAnashoPalakShaNam (5) · Śloka 5

પચ્યમાનસ્તુ વિવર્ણો બસ્તિરિવાતતઃ| સંરમ્ભશૂલરાગ- દાહોષારુચિતૃષ્ણાજ્વરારતિસ્પર્શાસહત્વાનિદ્રતાસમન્વિતો વિષ્યન્દયતિ સર્પિઃ શોષયતિ પ્રદેહં સર્ષપકલ્કોપલિપ્ત ઇવ ચિમિચિમાયતે પિપીલિકાભિરિવ સંસર્પ્યતે પીડ્યત ઇવ પાણિના ઘટ્યત ઇવાઙ્ગુલ્યા તાડ્યત ઇવ દણ્ડેન તુદ્યત ઇવ સૂચીભિર્ભિદ્યત ઇવ શક્તિભિશ્છિદ્યત ઇવ શસ્ત્રેણ દશ્યત એવ વૃશ્ચિકૈર્દહ્યત ઇવાગ્નિક્ષારાભ્યાં મથ્યત ઇવોમુલ્કેન||૫||

Adhikarana pakvashoPalakShaNAni (6) · Śloka 6

પક્વે તુ ગતવેગત્વં પ્રમ્લાનતા ત્વકિશથિલતા બલી પ્રાદુર્ભાવઃ પાણ્ડુતા મધ્યોન્નતતાઙ્ગુલ્યવપીડિતમુક્તે પ્રત્યુ ન્નમનં બસ્તાવિવોદકસ્ય પૂયસ્ય સઞ્ચરણં કણ્ડુસંરમ્ભ શૂલાદ્યુપશમશ્ચ||૬||

Adhikarana shoPapAke tridoShasambandhaH (7) · Śloka 7

શૂલં નર્તેઽનિલાદ્દાહઃ પિત્તાચ્છોફઃ કફોદયાત્| રાગો રક્તાચ્ચ પાકઃ સ્યાદતો દોષૈઃ સશોણિતૈઃ||૭||

Adhikarana pAkalakShaNAni (8) · Śloka 8

પાકેઽતિવૃત્તે સુષિરસ્તનુત્વગ્દોષભક્ષિતઃ| બલીભિરાચિતઃ શ્યાવઃ શીર્યમાણતનૂરુહઃ||૮||

Adhikarana raktapAkalakShaNam (9) · Śloka 9

કફજેષુ તુ શોફેષુ કેષુચિદ્ગમ્ભીરત્વાદ્રક્તમેવ વિપ ચ્યતે| તતશ્ચાસ્પષ્ટં પક્વલિઙ્ગં ભવતિ| યત્ર હિ ત્વક્સા વર્ણ્યં શીતશોફતાલ્પરુજતાશ્મવચ્ચ ઘનતા, ન તત્ર મોહ મુપેયાત્તં રક્તપાકમિત્યાચક્ષતે||૯||

Adhikarana raktapAke dAraNapATanayoH prayogasthAnaBedaH (10) · Śloka 10

અથૈનં સમ્યક્પક્વમવધાર્ય ભીરુવૃદ્ધબાલદુર્બલક્લી બક્ષીણગર્ભિણીવિષાર્દિતશસ્ત્રક્ષામેષુ પાકોદ્ધતદોષેષુ ચ પિણ્ડિતેષુ સન્ધિમર્માશ્રિતેષ્વલ્પેષુ વા શોફેષુ તીક્ષ્ણોષ્ણ દ્રવ્યૈર્દારણં કુર્વીત| ઇતરેષુ પાટનમ્||૧૦||

Adhikarana AmapATanadoShAH (11) · Śloka 11

આમપાટને સિરાસ્નાયુવ્યાપાદનં શોણિતાતિપ્રવૃત્તિર્વેદ નાતિવૃદ્ધિરવદરણં ક્ષતવિસર્પો વા સ્યાત્||૧૧||

Adhikarana pakvasyApATane doShaH (12) · Śloka 12

તિષ્ઠન્નન્તઃ પુનઃ પૂયઃ સિરાસ્નાય્વસૃગામિષમ્| વિવૃદ્ધો દહતિ ક્ષિપ્રં તૃણોલપમિવાનલઃ||૧૨||

Adhikarana aj~javaidyanindA (13) · Śloka 13

યશ્છિનત્ત્યામમજ્ઞાનાદ્યશ્ચ પક્વમુપેક્ષતે| શ્વપચાવિવ વિજ્ઞેયૌ તાવનિશ્ચિતકારિણૌ||૧૩||

Adhikarana shastrakarmaNaH prAgvidhirapavAdashca (14) · Śloka 14

પ્રાક્ શસ્ત્રાદ્ભોજયેદિષ્ટં તીક્ષ્ણં મદ્યઞ્ચ પાયયેત્| ન મૂર્છત્યન્નસંયોગાન્મત્તઃ શસ્ત્રં ન બુધ્યતે| અન્યત્ર મૂઢગર્ભોદરાશ્મરીમુખરોગેભ્યઃ||૧૪||

Adhikarana shastrakarmavidhiH (15) · Śloka 15

અથોપહૃતયન્ત્રશસ્ત્રક્ષારાગ્નિજામ્બવૌષ્ઠપિચુપ્લોતપત્ર સૂત્રચર્મપટ્ટમધુસ્નેહકષાયાલેપકલ્કસેકોદકુમ્ભશી તોષ્ણોદકકટાહવ્યજનાદિવ્રણોપયોગિ સર્વોપકરણમા શ્રિતશયનીયમુપસ્થિતસ્થિરસ્નેહબલવદવલમ્બકપુરુષ મિષ્ટેઽહનિ મુહૂર્તે ચ દધ્યક્ષતાન્નપાનરુક્મરત્નાર્ચિતવિપ્રં પ્રણતેષ્ટદેવતં કૃતમઙ્ગલં ભુક્તવન્તમાતુરં પ્રાઙ્મુખમુપ વેશ્ય સંવેશ્ય વા યન્ત્રયિત્વા પ્રત્યઙ્મુખો વૈદ્યો મર્મસિ રાસ્નાયુસન્ધ્યસ્થિધમનીઃ પરિહરનનુલોમં શસ્ત્રં નિદધ્યાદા પૂયદર્શનાત્સકૃદેવાહરેચ્છસ્રમાશુ ચ| મહત્સ્વપિ ચ પાકેષુ દ્વ્યઙ્ગુલં શસ્ત્રપદમુક્તમ્| દ્વ્યઙ્ગુલાન્તરં ત્ર્યઙ્ગુલાન્તરં વાઽ ભિસમીક્ષ્ય વિવૃત્તે પ્રદેશે વામપ્રદશિન્યૈષિત્વા નાતિ વિવૃત્તે ગમ્ભીરમાંસલે ચૈષણ્યા વિપરીતે કરીરાદિનાલે નાતિસંવૃતે સૂકરવાલેન||૧૫||

Adhikarana vraNakaraNasthAnaM vraNasvarUpa~jca (16) · Śloka 16

યતો ગતાં ગતિં વિદ્યાદુત્સઙ્ગો યત્ર યત્ર ચ| તત્ર તત્ર વ્રણં કુર્યાત્સુવિભક્તં નિરાશયમ્| આયતઞ્ચ વિશાલઞ્ચ યથા દોષો ન તિષ્ઠતિ||૧૬||

Adhikarana shastrakarmaNi vaidyaguNAH vaidyAshritAH prashastaguNAH (17) · Śloka 17

શૌર્યમાશુક્રિયા તીક્ષ્ણં શસ્ત્રમસ્વેદવેપથુમ્| અસમ્મોહશ્ચ વૈદ્યસ્ય શસ્ત્રકર્મણિ શસ્યતે||૧૭||

Adhikarana tiryakCedaviShayaH (18) · Śloka 18

તત્ર ભ્રૂગણ્ડલલાટાક્ષિકૂટૌષ્ઠદન્તવેષ્ટમન્યાકણ્ઠજત્રુ કક્ષ્યાકુલ્ક્ષિવઙ્ક્ષણેષુ તિર્યક્છેદ ઇષ્ટઃ||૧૮||

Adhikarana aviShaye tiryakCede doShAH (19) · Śloka 19

અન્યત્ર તુ સિરાસ્નાયૂપઘાતોઽતિવેદના ચિરાદ્વ્રણસંરોહો માંસસ્કન્દી ચ તિર્યક્ચ્છેદાદ્ભવન્તિ||૧૯||

Adhikarana shastrAvacAraNottaraM karma (20) · Śloka 20

તતઃ શસ્ત્રમવચાર્ય શીતાભિરદ્ભિરાતુરમાશવાસ્ય સમન્તાત્ પ્રતિપીડ્યાઙ્ગુલ્યા વ્રણમપિ પ્રક્ષાલ્ય કષાયેણ વ્રણાત્ પ્લોતેનામ્ભોઽપનીય વેદનારક્ષોઘ્નૈર્ગુગ્ગુલ્વગરુસર્જરસવચા ગૌરસર્ષપહિઙ્ગુલવણનિમ્બપત્રૈઃ સઘૃતૈર્વ્રણં ધૂપયિત્વા યથા સ્વમૌષધેન મધુઘૃતતિલકલ્કૈશ્ચ દિગ્ધાં વર્તિં પ્રણિ ધાય કલ્કેન પૂરયિત્વા નાતિભૃષ્ટયવસક્તુભિર્ઘૃતા ક્તૈર્ભાજનાન્તેઽમ્ભસા દક્ષિણાઙ્ગુલીભિઃ સુમૃદિતૈરવચ્છાદ્ય ઘનાં કવલિકાં દત્વા સવ્યદક્ષિણાન્યતરપાર્શ્વે ઋજુમના વિદ્ધમસઙ્કુચિતં મૃદુપટ્ટં નિવેશ્ય બધ્નીયાત્| વાતશ્લેષ્મોદ્ભવાંસ્તત્ર દ્વિસ્ત્રિર્વા વેષ્ટયેદ્વ્રણાન્| સકૃદેવ પરિક્ષિપ્ય પિત્તરક્તાભિઘાતજાન્| શસ્ત્રક્ષતરુજાયાં તુ પ્રતતાયાં યષ્ટીમધુકસર્પિષોષ્ણેન વ્રણં સિઞ્ચેત્| ઉદકુમ્ભાચ્ચાપો ગૃહીત્વા પ્રોક્ષયન્ પરિતો પર્ણ શબર્યાદિભિરસ્ય રક્ષાં કુર્યાદ્રક્ષો ઽભિભવનિષેધાર્થમ્| તેભ્યશ્ચ બલિમુપહરેત્| ધારયેચ્ચ શિરસા| લક્ષ્મી ગુહામતિગુહાં જટિલાં બ્રહ્મચારિણીમ્| વચાં છત્રામતિચ્છત્રાં દૂર્વાં સિદ્ધાર્થકાનપિ| ગુગ્ગુલ્વાદિભિરેવં શયનાસનાદિ દ્વિરહ્નો ધૂપયેત્| તથા સ્નેહોક્તં દિનચર્યોક્તમાચારમનુવર્તેત||૨૦||

Adhikarana vraNitasya visheSharihAryANi (21) · Śloka 21

વિશેષતશ્ચ દિવાસ્વપ્નાદ્ વ્રણે શોફકણ્ડૂરાગરુક્પૂય વૃદ્ધિઃ| સ્ત્રીણાં તુ સ્મૃતિસંસ્પર્શદશનશ્ચલિતે સ્રુતે| શુક્રે વ્યવાયજાન્ દોષાનસંસર્ગેઽપ્યવાપ્નુયાત્||૨૧||

Adhikarana pathyAhAraH (22) · Śloka 22

ભોજયેચ્ચૈનં યથાસાત્મ્યં સમાતીતશાલિષષ્ટિકયવ ગોધૂમાન્યતમં મુદ્ગમસૂરાઢકીસતીનયૂષજાઙ્ગલરસોપેતં જીવન્તીસુનિષણ્ણકતણ્ડુલીયકવાસ્તુકવાર્તાકપટોલ કારવેલ્લકબાલમૂલકશાકયુક્તં દાડિમામલકસૈન્ધ વસહિતં સર્પિઃસ્નિગ્ધં લઘ્વલ્પમુષ્ણોદકોત્તરં ચ| એવમસ્ય સમ્યગશિતં જરામુપૈતિ||૨૨||

Adhikarana ajIrNadoShAH navadhAnyAdivargastadvarjana~jca (23) · Śloka 23

અજીર્ણાદનિલાદીનાં વિભ્રમો બલવાન્ ભવેત્| તતઃ શોફરુજાપાકદાહાનાહાનવાપ્નુયાત્| નવધાન્યમાષકલાયકુલત્થનિષ્પાવશિમ્બીશિતામ્બુમદ્યે ક્ષુક્ષીરપિષ્ટતિલવિકૃતિશુષ્કશાકપિશિતહરિતશાકામ્લ લવણકટુકક્ષારાનૂપામિષાણિ વર્જયેત્| વર્ગોઽયં નવધાન્યાદિર્વણિનઃ સર્વદોષકૃત્| મદ્યં તીક્ષ્ણોષ્ણરૂક્ષામ્લમાશુ વ્યાપાદયેદ્ વ્રણમ્||૨૩||

Adhikarana vihArAdi pathya~jca (24) · Śloka 24

બાલોશીરૈશ્ચ વીજ્યેત ન ચૈનં પરિઘટ્ટયેત્| ન તુદેન્ન ચ કણ્ડૂયેચ્ચેષ્ટમાનશ્ચ પાલયેત્| સ્નિગ્ધવૃદ્ધદ્વિજાતીનાં કથાઃ શૃણ્વન્મનઃપ્રિયા| આશાવાન્ વ્યાધિમોક્ષાય ક્ષિપ્રં વ્રણમપોહતિ||૨૪||

Adhikarana punarvraNaprakShAlanAdikarmakAlaH dvitIyadivase mokShaNAddoShAH (25) · Śloka 25

પુનશ્ચ તૃતીયેઽહનિ પ્રક્ષાલનાદિ પૂર્વવત્ વ્રણકર્મ કુર્યાત્| દ્વિતીયે દિવસે મોક્ષણાદ્વિગ્રથિતો વ્રણશ્ચિરાદુપરોહત્યુગ્રરુ જશ્ચ ભવતિ||૨૫||

Adhikarana vikeshikauShadhadoShAdi (26) · Śloka 26

ન ચ વિકેશિકામૌષધં વાતિસ્નિગ્ધરૂક્ષમતિશ્લથ મતિગાઢમશ્લક્ષ્ણં દુર્ન્યસ્તં વા દદ્યાત્| અતિસ્નેહાત્ ક્લેદઃ| અતિરૌક્ષ્યાચ્છેદો વેદના ચ| અતિશ્લથત્વાદ પરિશુદ્ધિઃ| ગાઢતયા સંરમ્ભ અશ્લક્ષ્ણત્વાદ્દુર્ન્યાસાચ્ચ વ્રણવર્ત્મોપઘર્ષણમ્||૨૬||

Adhikarana vikeshikAguNAH (27) · Śloka 27

અવશ્યં સાશયે વ્રણે વિકેશિકાં દદ્યાત્| સપૂતિમાંસં સોત્સ્સર્ગમ્| સગતિં પૂયગર્ભિણમ્| વ્રણં શોધયતે શીઘ્રં સ્થિતા હ્યન્તર્વિકેશિકાઃ||૨૭||

Adhikarana IShatpakvashoPapATane upacAraH (28) · Śloka 28

વ્યમ્લં તુ પાટિતં શોફં પાચનૈઃ સમુપાચરેત્| ભોજનૈરુપનાહૈશ્ચ નાતિવ્રણવિરોધિભિઃ||૨૮||

Adhikarana sIvanavidhiH (29) · Śloka 29

યસ્તુ સીવ્યો વ્રણસ્તત્ર ચલાસ્થિશલ્યપાંસુતૃણરોમશુષ્ક રક્તાદીનપોહ્ય વિચ્છિન્નં પ્રવિલમ્બિતં માંસં સમ્ધ્યસ્થીનિ ચ યથાસ્થાનં સમ્યક્ સ્થાપયિત્વા સ્થિતે રક્તે યથાર્હં સૂચ્યોપહૃતેન સ્નાયુસૂત્રવાલાન્યતમેન સીવ્યેત્| શણા શ્મન્તકમુર્વાતસીનાં વા વલ્કૈઃ||૨૯||

Adhikarana caturvidhasIvanaprakArAH (30) · Śloka 30

સીવનવિકલ્પાસ્તુ સમાસેન ચત્વારઃ| તદ્યથા ગોષ્ફ ણિકાતુન્નસીવનવેલ્લિતકરજ્જુગ્રન્થિબન્ધનમિતિ| તેષાં નામભિરેવાકૃતિવિભાગઃ| પ્રહારવશાચ્ચોપયોગઃ|૩૦|

Adhikarana sIvanavidhiH sIvanottarakarma (30) · Śloka 30

ન ચાતિસન્નિકૃષ્ટાં વિપ્રકૃષ્ટામત્યલ્પબહુગ્રાહિણીં વા સૂચીં પાતયેત્| એવં સમ્યક્સ્યૂતમવેક્ષ્ય મઘુઘૃતયુક્તૈરઞ્જનમધુકનિમ્બ લોધ્રપ્રિયઙ્ગુસલ્લકીફલક્ષૌમમષીચૂર્ણૈરવકિર્ય પુર્વ વદ્વન્ધાદિ યોજયેત્||૩૦||

Adhikarana asIvyA vraNAH (31) · Śloka 31

અસીવ્યા વંક્ષણવક્ષઃકક્ષાદિષુ પ્રચલેષ્વલ્પમાંસેષુ ચ વાયુનિર્વમિણોઽન્તર્લોહિતશલ્યા વિષાગ્નિક્ષારકૃતાશ્ચ વ્રણાઃ||૩૧||

Adhikarana sIvyavraNAH (32) · Śloka 32

સીવ્યાસ્તુ મેદસ્સમુત્થિતા ભિન્નલિખિતાઃ કફગ્રન્થિરલ્પ પાલિકાઃ કર્ણઃ સદ્યોવ્રણાશ્ચ| શિરોલલાટાક્ષિકૂટ કર્ણનાસાગણ્ડૌષ્ઠકૃકાટિકાબાહૂદરસ્ફિક્પાયુપ્રજનન મુષ્કાદિષ્વચલેષુ માંસવસ્તુ ચ પ્રદેશેષુ||૩૨||

Adhikarana pa~jcadashabandhAsteShAmupayogasthAnAni ca (33) · Śloka 33

કોશદામોત્સઙ્ગસ્વસ્તિકાનુવેલ્લિતમુત્તોલીમણ્ડલસ્થ વિકાયમકખટ્વાચીનવિબન્ધવિતાનગોષ્ફણાઃ પઞ્ચાઙ્ગી ચેતિ પઞ્ચદશ બન્ધવિશેષાઃ| તેષાં નામભિરેવાકૃતયઃ પ્રાયેણ વ્યાખ્યાતાઃ| તત્ર કોશમઙ્ગુલીપર્વસુ વિદધ્યાત્| દામ સમ્બાધેઽઙ્ગે| ઉત્સઙ્ગ વિલમ્બિનિ| સ્વસ્તિકં સન્ધિ કૂર્ચભ્રૂસ્તનાન્તરકુક્ષ્યક્ષિકપોલકર્ણેષુ| અનુવેલ્લિતં શાખાસુ| મુત્તોલીં ગ્રીવામેઢ્રયોઃ| મણ્ડલં વ્રુત્તેઽઙ્ગે| સ્થવિકામઙ્ગુષ્ઠાઙ્ગમેઢ્રાગ્રામૂત્રવૃદ્ધિષુ| યમકં યમલવ્ર ણયોઃ| ખટ્વાં હનુશઙ્ખગણ્ડેષુ| ચીનમપાઙ્ગયોઃ| વિબ ન્ધમુદરોરુપૃષ્ઠેષુ| વિતાનં મૂર્ધાદૌ પૃથુલેઽઙ્ગે| ગોષ્ફણં નાસૌષ્ઠચિબુકસન્ધિષુ| પઞ્ચાઙ્ગી જત્રૂર્ધ્વમિતિ| યો યસ્મિન્ પ્રદેશે સુનિવિષ્ટો ભવતિ તં તસ્મિન્ કુર્વીત| ન તુ વ્રણ સ્યોપરિ ન ચાબાધકરો યથા સ્યાત્||૩૩||

Adhikarana bandhasyAvAntaraBedAH doShAnusAraM gADhAdibandhaviBAgaH (34) · Śloka 34

બન્ધસ્ત્વષ્ટોઽનિલે દુષ્ટે દષ્ટે ભગ્ને વ્રણેષુ ચ| તત્રાન્ત્યયોર્દ્વિધા બન્ધઃ સવ્યદક્ષિણભેદતઃ| ત્રિવિધસ્ત્વેવ સર્વત્ર ગાઢશ્લથસમત્વતઃ| કફવાતે ઘનો ઘાઢઃ પિત્તરક્તે તનુઃશ્લથઃ| વાતપિત્તે સમો બન્ધઃ કફપિત્તવ્રણેષુ ચ||૩૪||

Adhikarana sthAnadoShakAlavisheShAnusAraM gADhabandhanAdiniyamAH (35) · Śloka 35

તથા સ્ફિક્કક્ષ્યાવઙ્ક્ષણોરુશિરસ્સુ ગાઢં બધ્નીયાત્| શાખાવદનકણ્ઠકર્ણમેઢ્રમુષ્કપૃષ્ઠપાર્શ્વોદરોરસ્સુ સમમ્| અક્ષ્ણોઃ સન્ધિષુ ચ શિથિલમ્| વાતશ્લેષ્મજેષુ શિથિલ સ્થાને સમમ્| સમસ્થાને ગાઢમ્| ગાઢસ્થાને ગાઢતરમ્| તથા શીતવસન્તયોસ્ત્ર્યહાત્| પિત્તરક્તેષુ તુ ગાઢસ્થાને સમમ્| સમસ્થાને શિથિલમ્| શિથિલસ્થાને નૈવ| તથા શરદ્ગ્રીષ્મયોઃ સાયં પ્રાતઃ સ્યાત્|૩૫|

Adhikarana abadhyamAnavraNadoShAH (35) · Śloka 35

અબધ્યમાનઃ પુનર્દંશમશકતૃણકાષ્ઠપાંસુશીતવાતાત પાદિસમ્પર્કાદ્વિવિધોપદ્રવોપદ્રુતો દુષ્ટવ્રણતામુપૈતિ| સ્નેહ શ્ચાત્ર ન ચિરં તિષ્ઠતિ| ભેષજમાચિરાચ્છુષ્યતિ| કૃચ્છ્રેણ રોહતિ| રૂઢે ચ વૈવર્ણ્યં ભવતિ||૩૫||

Adhikarana bandhaprashaMsA (36) · Śloka 36

અપિ ચ - ચૂર્ણિતં મથિતં ભગ્નં વિશ્લિષ્ટમથ પાટિતમ્| અસ્થિસ્નાયુસિરાંચ્છિન્નમાશુ બન્ધેન રોહતિ| ઉત્થાનશયનાદ્યાસુ સર્વેહાસુ ન પીડ્યતે| ઉદ્દ્undefinedૃત્તૌષ્ઠઃ સમુત્સન્નો વિષમઃ કઠિનોઽતિરુક્| સમો મૃદુરરુક્ શીઘ્રં વ્રણઃ શુધ્યતિ રોહતિ||૩૬||

Adhikarana vraNasya patrairAcCAdanam (37) · Śloka 37

શ્થિરાણામલ્પમાંસાનાં રૌક્ષ્યાદનુપરોહતામ્| પ્રચ્છાદ્યમૌષધં પત્રૈર્યથાદોષં યથર્ત્તુ ચ| અજીર્ણાતરુણાચ્છિદ્રૈઃ સમન્તાત્સુનિવેશિતૈઃ| ધૌતૈરકર્કશૈઃ ક્ષીરીભૂર્જાર્જુનકદમ્બજૈઃ||૩૭||

Adhikarana abandhyavraNAH (38) · Śloka 38

કુષ્ઠિનામગ્નિદગ્ધાનાં પિટકામધુમેહિનામ્| કર્ણિકાશ્ચોન્દુરુવિષે ક્ષારદગ્ધા વિષાન્વિતાઃ| માંસપાકે ન બદ્ધ્વ્યા ગુદપાકે ચ દારુણે| શીર્યમાણાઃ સરુગ્દાહાઃ શોફાવસ્થાવિસર્પિણઃ||૩૮||

Adhikarana sakrimivraNacikitsA (39) · Śloka 39

અરક્ષયા વ્રણે યસ્મિન્મક્ષિકા નિક્ષિપેત્ક્રિમીન્| તે ભક્ષયન્તઃ કુર્વન્તિ રુજાશોફાસ્રસંસ્રવાન્| સુરસાદિં પ્રયુઞ્જીત તત્ર ધાવનપૂરણે| સપ્તપૂણકરઞ્જાર્કનિમ્બરાજાદનત્વચઃ| ગોમૂત્રકલ્કિતો લેપઃ સેકઃ ક્ષારામ્બુના હિતઃ| પ્રચ્છાદ્ય માંસપેશ્યા વા વ્રણં તાનાશુ નિર્હરેત્||૩૯||

Adhikarana vraNaM sAntardoShaN na rohayet (40) · Śloka 40

ઉત્પદ્યમાનાસુ ચ તાસુ તાસ્વવસ્થાસુ દોષાદીનપેક્ષ્ય યથા સ્વમુપક્રમૈરુપક્રમેત્| ન ચૈનં ત્વરમાણઃ સાન્તર્દોષ મુપસંરોહયેત્| સ હ્યલ્પેનાપ્યવચારેણાન્તરુત્સઙ્ગં કૃત્વા ભૂયો વિકુરુતે| તસ્માત્સુશુદ્ધં રોપયેત્||૪૦||

Adhikarana vraNe rUDhe~api pathyamaryAdA (41) · Śloka 41

રૂઢેઽપ્યજીર્ણવ્યાયામવ્યવાયાદીન્વિવર્જયેત્| માસાન્ષટ્ સપ્ત વા નૃણાં વિધિરેષઃ પ્રશસ્યતે||૪૧||

Adhikarana upasaMhAraH (42-43) · Śloka 43

ઇતીદં વ્રણમાશ્રિત્ય દિઙ્માત્રમુપદર્શિતમ્| ઉત્તરે વિસ્તરસ્તસ્ય વક્ષ્યતે સાધનં પ્રતિ||૪૨|| ઇતિ શ્રીવૈદ્યપતિસિંહગુપ્તસ્ય સૂનોર્વાગ્ભટસ્ય કૃતૌ અષ્ટાઙ્ગસંગ્રહસંહિતાયાં સૂત્રસ્થાને શસ્ત્રકર્મવિધિર્નામાષ્ટત્રિંશોઽધ્યાયઃ||૪૩||