Adhikarana pratij~jA (1) · Śloka 1
অথাতো ভূতপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
View original
अथातो भूतप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
8. bhūtapratiṣēdhaḥ
Adhikarana sAdhyeShu sAmAnyopakramaH (2) · Śloka 2
ভূতং জযেদহিংসেচ্ছুং জপহোমবলিব্রতৈঃ| তপশ্শীলসমধানজ্ঞানদানদযাদিভিঃ||২||
View original
भूतं जयेदहिंसेच्छुं जपहोमबलिव्रतैः| तपश्शीलसमधानज्ञानदानदयादिभिः||२||
🔊 Audio coming soon
Adhikarana hi~gvAdivargaprayogaH (3) · Śloka 3
হিঙুব্যোষালনৈমালীলশুনার্কজটাজটাঃ| অজলোমী সগোলোমী ভূতকেশী বচা লতা| কুক্কুটীসর্পগন্ধাখ্যা তিলাঃ কাণবিকাণকে| বজ্রপ্রোক্তা বযস্থা চ শৃঙ্গী মোহনবত্যপি| স্রোতোজাঞ্জনরক্ষোঘ্নং রক্ষোঘ্নং চান্যদৌষধম্| খরাশ্বশ্বাবিডুষ্ট্রর্ক্ষগোধানকুলশল্যকাত্| দ্বীপিমার্জারগোসিংহব্যাঘ্রসামুদ্রসত্বতঃ| চর্মপিত্তদ্বিজনখা বর্গেঽস্মিন্ সাধযেদ্ ঘৃতম্| পুরাণামথবা তৈলং নবং তত্পাননস্যযোঃ| অভ্যঙ্গে চ প্রযোক্তব্যমেষাং চূর্ণং চ ধূপনে| এভিশ্চ গুলিকাং যুঞ্জ্যাদঞ্জনে সাবপীডনে| প্রলেপে কল্কমেতেষাং ক্বাথং চ পরিষেচনে| প্রযোগোঽযং গ্রহোন্মাদান্সাস্পস্মারান্ শমং নযেত্||৩||
View original
हिङुव्योषालनैमालीलशुनार्कजटाजटाः| अजलोमी सगोलोमी भूतकेशी वचा लता| कुक्कुटीसर्पगन्धाख्या तिलाः काणविकाणके| वज्रप्रोक्ता वयस्था च शृङ्गी मोहनवत्यपि| स्रोतोजाञ्जनरक्षोघ्नं रक्षोघ्नं चान्यदौषधम्| खराश्वश्वाविडुष्ट्रर्क्षगोधानकुलशल्यकात्| द्वीपिमार्जारगोसिंहव्याघ्रसामुद्रसत्वतः| चर्मपित्तद्विजनखा वर्गेऽस्मिन् साधयेद् घृतम्| पुराणामथवा तैलं नवं तत्पाननस्ययोः| अभ्यङ्गे च प्रयोक्तव्यमेषां चूर्णं च धूपने| एभिश्च गुलिकां युञ्ज्यादञ्जने सावपीडने| प्रलेपे कल्कमेतेषां क्वाथं च परिषेचने| प्रयोगोऽयं ग्रहोन्मादान्सास्पस्मारान् शमं नयेत्||३||
🔊 Audio coming soon
Adhikarana gajAhvAdiyogaH (4) · Śloka 4
গজাহ্বাপিপ্পলীমূলব্যোষামলকসর্ষপান্| গোধানকুলমার্জারশশপিত্তপ্রপেষিতান্| নাবনাভ্যঙ্গসেকেষু বিদধীত গ্রহাপহান্||৪||
View original
गजाह्वापिप्पलीमूलव्योषामलकसर्षपान्| गोधानकुलमार्जारशशपित्तप्रपेषितान्| नावनाभ्यङ्गसेकेषु विदधीत ग्रहापहान्||४||
🔊 Audio coming soon
Adhikarana ashvAdiviDyogaH (5) · Śloka 5
অশ্বশ্বাশ্বতরোলূককঙ্কগৃধ্রসৃগালজা| বিট্খরোষ্ট্রবরাহাশ্চ তযা তৈলং বিপাচিতম্| পিষ্টযা বস্নমূত্রেণ নাবনাদিষু পূজিতম্||৫||
View original
अश्वश्वाश्वतरोलूककङ्कगृध्रसृगालजा| विट्खरोष्ट्रवराहाश्च तया तैलं विपाचितम्| पिष्टया बस्नमूत्रेण नावनादिषु पूजितम्||५||
🔊 Audio coming soon
Adhikarana shirIShAdya~jjanam (6) · Śloka 6
শিরীষপুষ্পং লশুনং শুণ্ঠীং সিদ্ধার্থকং বচাম্| মঞ্জিষ্ঠাং দ্বে নিশে কৃষ্ণাং বস্তমূত্রেণ পেষযেত্| ছাযাশুষ্কা কৃতা বর্তিঃ মত্স্যপিত্তদ্রুতাঞ্জনম্||৬||
View original
शिरीषपुष्पं लशुनं शुण्ठीं सिद्धार्थकं वचाम्| मञ्जिष्ठां द्वे निशे कृष्णां बस्तमूत्रेण पेषयेत्| छायाशुष्का कृता वर्तिः मत्स्यपित्तद्रुताञ्जनम्||६||
🔊 Audio coming soon
Adhikarana naktamAlaPalAdya~jjanam (7) · Śloka 7
নক্তমালফলং ব্যোষং বিল্বস্যোনাকযোর্জটা| হরিদ্রে চ কৃতা বর্তিঃ পূর্ববন্নযনাঞ্জনম্| বযস্থাহিঙ্গুকটুকাষড্গ্রন্থাসৈন্ধবং তথা||৭||
View original
नक्तमालफलं व्योषं बिल्वस्योनाकयोर्जटा| हरिद्रे च कृता वर्तिः पूर्ववन्नयनाञ्जनम्| वयस्थाहिङ्गुकटुकाषड्ग्रन्थासैन्धवं तथा||७||
🔊 Audio coming soon
Adhikarana siddhArthakAdisarpiragadashca (8) · Śloka 8
সিদ্ধার্থকবচাহিঙ্গুপ্রিযঙ্গুরজনীদ্বযম্| মঞ্জিষ্ঠাশ্বেতকটভ্Vঈবরাশ্বেতাদ্রিকর্ণিকা| নিম্বস্য পত্রং বীজং তু নক্তমালশিরীষযোঃ| সুরাহ্বং ত্র্যূষণং সর্পির্গোমূত্রে তৈশ্চতুর্গুণে| সিদ্ধং সিদ্ধার্থকং নাম পানে নস্যে চ যোজিতম্| গ্রহান্সর্বান্নিহন্ত্যাশু বিশেষাদাসুরান্ গ্রহান্| কৃত্যালক্ষ্মীবিষোন্মাদজ্বরাপস্মারপাপ্মজিত্| এভিরেবৌষধৈর্বস্তবারিণা কল্পিতোঽগদঃ| পাননস্যাঞ্জনালেপস্নানোদ্ঘর্ড়্ষণযোজিতঃ| গুণৈঃ পূর্ববদুদ্দিষ্টো রাজদ্বারে চ সিদ্ধিকৃত্||৮||
View original
सिद्धार्थकवचाहिङ्गुप्रियङ्गुरजनीद्वयम्| मञ्जिष्ठाश्वेतकटभ्Vईवराश्वेताद्रिकर्णिका| निम्बस्य पत्रं बीजं तु नक्तमालशिरीषयोः| सुराह्वं त्र्यूषणं सर्पिर्गोमूत्रे तैश्चतुर्गुणे| सिद्धं सिद्धार्थकं नाम पाने नस्ये च योजितम्| ग्रहान्सर्वान्निहन्त्याशु विशेषादासुरान् ग्रहान्| कृत्यालक्ष्मीविषोन्मादज्वरापस्मारपाप्मजित्| एभिरेवौषधैर्बस्तवारिणा कल्पितोऽगदः| पाननस्याञ्जनालेपस्नानोद्घर्ऱ्षणयोजितः| गुणैः पूर्ववदुद्दिष्टो राजद्वारे च सिद्धिकृत्||८||
🔊 Audio coming soon
Adhikarana siddhArthakAdiguDAH (9) · Śloka 9
সিদ্ধার্থকব্যোষবচাশ্বগন্ধা নিশাদ্বযং হিঙ্গুপলাণ্ডুকন্দম্| বীজং করঞ্জাত্কুসুমং শীরিষাত্ ফলঞ্চ বল্কঞ্চকপিত্থবৃক্ষাত্| সমাণিমন্থং সনতং সকুষ্ঠং স্যোনাকমূলং কিণিহী সিতা চ| বস্তস্য মূত্রেণ সুভাবিতং তত্ পিত্তেন গব্যেন গুডান্ বিদধ্যাত্| দুষ্টগ্রহোন্মাদতমো নিশান্ধা নুদ্বন্ধকান্ বারিনিমগ্নদেহান্| দিগ্ধাহনান্ দর্পিতসর্পদষ্টাং স্তে সাধযন্ত্যঞ্জননস্যলেপৈঃ||৯||
View original
सिद्धार्थकव्योषवचाश्वगन्धा निशाद्वयं हिङ्गुपलाण्डुकन्दम्| बीजं करञ्जात्कुसुमं शीरिषात् फलञ्च वल्कञ्चकपित्थवृक्षात्| समाणिमन्थं सनतं सकुष्ठं स्योनाकमूलं किणिही सिता च| बस्तस्य मूत्रेण सुभावितं तत् पित्तेन गव्येन गुडान् विदध्यात्| दुष्टग्रहोन्मादतमो निशान्धा नुद्बन्धकान् वारिनिमग्नदेहान्| दिग्धाहनान् दर्पितसर्पदष्टां स्ते साधयन्त्यञ्जननस्यलेपैः||९||
🔊 Audio coming soon
Adhikarana kArpAsAsthyAdidhUpanam (10) · Śloka 10
কার্পাসাস্থিমযূরপত্রবৃহতীনির্মাল্যপিণ্ডীতক ত্বগ্বাংশীবৃষদংশবিট্তুষবচাকেশাহিনির্মোচনৈঃ| নাগেন্দ্রদ্বিজশৃঙ্গহিঙ্গুমরিচৈস্তুল্যৈঃ কৃতং ধূপনং স্কন্দোন্মাদপিশাচরাক্ষসসুরোবেশগ্রহঘ্নং পরম্||১০||
View original
कार्पासास्थिमयूरपत्रबृहतीनिर्माल्यपिण्डीतक त्वग्वांशीवृषदंशविट्तुषवचाकेशाहिनिर्मोचनैः| नागेन्द्रद्विजशृङ्गहिङ्गुमरिचैस्तुल्यैः कृतं धूपनं स्कन्दोन्मादपिशाचराक्षससुरोवेशग्रहघ्नं परम्||१०||
🔊 Audio coming soon
Adhikarana bhUtarAvaM ghRutam (11) · Śloka 11
ত্রিকটুকদলকুঙ্কুমগ্রন্থিকক্ষারসিংহী নিশাদারুসিদ্ধার্থযুগ্মাম্বুশক্রাহ্বযৈঃ| সিতলশুনফলত্রযোশীরতিক্তাবচা তুত্থযষ্টীবলালোহিতৈলাশিলাপদ্মকৈঃ| দধিতগরমধূকসারপ্রিযাহ্বাবিষাখ্যা বিষাতার্ক্ষ্যশৈলৈঃ সচব্যামযৈঃ কল্কিতৈঃ| ঘৃতমনবমশেষমূত্রাংশসিদ্ধং মতং ভূতরাবাহ্বযং পানতস্তদ্গ্রহঘ্নং পরম্||১১||
View original
त्रिकटुकदलकुङ्कुमग्रन्थिकक्षारसिंही निशादारुसिद्धार्थयुग्माम्बुशक्राह्वयैः| सितलशुनफलत्रयोशीरतिक्तावचा तुत्थयष्टीबलालोहितैलाशिलापद्मकैः| दधितगरमधूकसारप्रियाह्वाविषाख्या विषातार्क्ष्यशैलैः सचव्यामयैः कल्कितैः| घृतमनवमशेषमूत्रांशसिद्धं मतं भूतरावाह्वयं पानतस्तद्ग्रहघ्नं परम्||११||
🔊 Audio coming soon
Adhikarana mahAbhUtarAvaM ghRutam (12) · Śloka 12
নতমধুককরঞ্জলাক্ষাপটোলীসমঙ্গাবচা পাটলীহিঙ্গুসিদ্ধার্থসিংহীনিশাযুগ্লতারোহিণৈঃ| বদরকট্ফলত্রিকাকাণ্ডদ্রুক্রিমিঘ্নাজগ ন্ধামরাঙ্কোলকোশাতকীশিগ্রুনিম্বাম্বুদেন্দ্রাহ্বযৈঃ| গদশুকতরুপুষ্পবীজোগ্রযষ্ট্যাদ্রিকর্ণীনিকু ম্ভাগ্নিবিল্বৈঃ সমৈঃ কল্কিতৈর্মূত্রবর্গেণ সিদ্ধং ঘৃতম্| বিধিবিনিহিতমাশু সর্বৈঃ ক্রমৈর্যোজিতং হন্তি স র্বগ্রহোন্মাদকুষ্ঠজ্বরংস্তন্মহাভূতরাবং স্মৃতম্||১২||
View original
नतमधुककरञ्जलाक्षापटोलीसमङ्गावचा पाटलीहिङ्गुसिद्धार्थसिंहीनिशायुग्लतारोहिणैः| बदरकट्फलत्रिकाकाण्डद्रुक्रिमिघ्नाजग न्धामराङ्कोलकोशातकीशिग्रुनिम्बाम्बुदेन्द्राह्वयैः| गदशुकतरुपुष्पबीजोग्रयष्ट्याद्रिकर्णीनिकु म्भाग्निबिल्वैः समैः कल्कितैर्मूत्रवर्गेण सिद्धं घृतम्| विधिविनिहितमाशु सर्वैः क्रमैर्योजितं हन्ति स र्वग्रहोन्मादकुष्ठज्वरंस्तन्महाभूतरावं स्मृतम्||१२||
🔊 Audio coming soon
Adhikarana balihomAdyarthe kAlanirdeshaH (13) · Śloka 13
গ্রহা গৃহ্ণন্তি যে যেষু তেষাং তেষু বিশেষতঃ| দিনেষু বলিহোমাদীন্ প্রযুঞ্জীত চিকিত্সকঃ||১৩||
View original
ग्रहा गृह्णन्ति ये येषु तेषां तेषु विशेषतः| दिनेषु बलिहोमादीन् प्रयुञ्जीत चिकित्सकः||१३||
🔊 Audio coming soon
Adhikarana balyupaharaNArthaM sAmAnyavidhiH (14) · Śloka 14
স্নানবস্ত্রবসামাংসমদ্যক্ষীরগুডাদি চ| রোচতে যদ্যদা যেভ্যস্তানেষামাহরেত্তদা| রত্নানি গন্ধমাল্যানি বীজানি মধুসর্পিষী| ভক্ষ্যাশ্চ সর্বে সর্বেষাং সামান্যো বিধিরিত্যযম্||১৪||
View original
स्नानवस्त्रवसामांसमद्यक्षीरगुडादि च| रोचते यद्यदा येभ्यस्तानेषामाहरेत्तदा| रत्नानि गन्धमाल्यानि बीजानि मधुसर्पिषी| भक्ष्याश्च सर्वे सर्वेषां सामान्यो विधिरित्ययम्||१४||
🔊 Audio coming soon
Adhikarana balyupaharaNArthaM deshanidarshanam (15) · Śloka 15
সুরর্ষিগুরুবৃদ্ধেভ্যঃ সিদ্ধেভ্যশ্চ সুরালযে| দিশ্যুত্তরস্যাং তত্রাপি দেবাযোপহরেত্ বলিম্| পশ্চিমাযাং যথাকালং দৈত্যভূতায চত্বরে| গন্ধর্বায গবাং মার্গে সবস্ত্রাভরণং বলিম্| পিতৃনাগগ্রহে নদ্যাং নাগেভ্যঃ পূর্বদক্ষিণে| যক্ষায যক্ষাযতনে সরিতোর্বা সমাগমে| চতুষ্পথে রাক্ষসযোর্ভীমেষু গহনেষু বা| রক্ষসাং দক্ষিণস্যাং তু পূর্বস্যাং ব্রহ্মরক্ষসাম্| শূন্যালযে পিশাচায পশ্চিমাং দিশমাস্থিতে||১৫||
View original
सुरर्षिगुरुवृद्धेभ्यः सिद्धेभ्यश्च सुरालये| दिश्युत्तरस्यां तत्रापि देवायोपहरेत् बलिम्| पश्चिमायां यथाकालं दैत्यभूताय चत्वरे| गन्धर्वाय गवां मार्गे सवस्त्राभरणं बलिम्| पितृनागग्रहे नद्यां नागेभ्यः पूर्वदक्षिणे| यक्षाय यक्षायतने सरितोर्वा समागमे| चतुष्पथे राक्षसयोर्भीमेषु गहनेषु वा| रक्षसां दक्षिणस्यां तु पूर्वस्यां ब्रह्मरक्षसाम्| शून्यालये पिशाचाय पश्चिमां दिशमास्थिते||१५||
🔊 Audio coming soon
Adhikarana devAnAM baliH (16) · Śloka 16
শুচিশুক্লানি মাল্যানি গন্ধাঃ ক্ষৈরেযমোদনম্| দধিচ্ছত্রং চ ধবলং দেবানাং বলিরিষ্যতে||১৬||
View original
शुचिशुक्लानि माल्यानि गन्धाः क्षैरेयमोदनम्| दधिच्छत्रं च धवलं देवानां बलिरिष्यते||१६||
🔊 Audio coming soon
Adhikarana devagrahe pAnAdyupacArAH (17) · Śloka 17
হিঙ্গুসর্ষপষড্গ্রন্থাব্যোষৈরর্ধপলোন্মিতৈঃ| চতুর্গুণে গবাং মূত্রে ঘৃতপ্রস্থং বিপাচযেত্| তত্পাননাবনাভ্যঙ্গৈর্দেবগ্রহবিমোক্ষণম্| নস্যাঞ্জনং বচাহিঙ্গুলশুনং বস্তবারিণা||১৭||
View original
हिङ्गुसर्षपषड्ग्रन्थाव्योषैरर्धपलोन्मितैः| चतुर्गुणे गवां मूत्रे घृतप्रस्थं विपाचयेत्| तत्पाननावनाभ्यङ्गैर्देवग्रहविमोक्षणम्| नस्याञ्जनं वचाहिङ्गुलशुनं बस्तवारिणा||१७||
🔊 Audio coming soon
Adhikarana daitye balivisheShaH (18) · Śloka 18
দৈত্যে বলির্বহুফলঃ সোশীরকমলোত্পলঃ||১৮||
View original
दैत्ये बलिर्बहुफलः सोशीरकमलोत्पलः||१८||
🔊 Audio coming soon
Adhikarana nAgAnAM balyAdivisheShAH (19) · Śloka 19
নাগানাং সুমনোলাজগুডাপূপগুডৌদনৈঃ| পরমান্নমধুক্ষীরকৃষ্ণমৃন্নাগকেসরৈঃ| বচাপদ্মপুরোশীররক্তোত্পলদলৈর্বলিঃ| শ্বেতপত্রং চ লোধ্রং চ তগরং নাগসর্ষপাঃ| শীতেন বারিণা পিষ্টং নাবনাঞ্জনযোর্হিতম্||১৯||
View original
नागानां सुमनोलाजगुडापूपगुडौदनैः| परमान्नमधुक्षीरकृष्णमृन्नागकेसरैः| वचापद्मपुरोशीररक्तोत्पलदलैर्बलिः| श्वेतपत्रं च लोध्रं च तगरं नागसर्षपाः| शीतेन वारिणा पिष्टं नावनाञ्जनयोर्हितम्||१९||
🔊 Audio coming soon
Adhikarana yakShANAM balyAdivisheShAH (20) · Śloka 20
যক্ষাণাং ক্ষীরদধ্যাজ্যমিশ্রকৌদনগুগ্গুলুঃ| দেবদারুত্পলং পদ্মমুশীরং বস্ত্রকাঞ্চনম্| হিরণ্যং চ বলির্যোজ্যো মূত্রাজ্যক্ষীরমেকতঃ| সিদ্ধং সমোন্মিতং পাননাবনাভ্যঞ্জনে হিতম্| হরীতকী হরিদ্রে দ্বে লশুনো মরিচং বচা| নিম্বপত্রঞ্চ বস্তাম্বুকল্কিতং নাবনাঞ্জনম্||২০||
View original
यक्षाणां क्षीरदध्याज्यमिश्रकौदनगुग्गुलुः| देवदारुत्पलं पद्ममुशीरं वस्त्रकाञ्चनम्| हिरण्यं च बलिर्योज्यो मूत्राज्यक्षीरमेकतः| सिद्धं समोन्मितं पाननावनाभ्यञ्जने हितम्| हरीतकी हरिद्रे द्वे लशुनो मरिचं वचा| निम्बपत्रञ्च बस्ताम्बुकल्कितं नावनाञ्जनम्||२०||
🔊 Audio coming soon
Adhikarana brahmarakShasAM balyAdivisheShAH (21) · Śloka 21
ব্রহ্মরক্ষো বলিঃ সিদ্ধং যবানাং পূর্ণমাঢকম্| তোযস্য কুম্ভঃ পললং ছত্রং বস্ত্রং বিলেপনম্| গাযত্রীবিংশতিপলক্বাথেঽর্ধপলিকৈঃ পচেত্| ত্র্যূষণত্রিফলাহিঙ্গুষড্গ্রন্থামিসিসর্ষপৈঃ| গোমূত্রে ত্রিগুণে পাননস্যাভ্যঙ্গেষু তদ্ধিতম্||২১||
View original
ब्रह्मरक्षो बलिः सिद्धं यवानां पूर्णमाढकम्| तोयस्य कुम्भः पललं छत्रं वस्त्रं विलेपनम्| गायत्रीविंशतिपलक्वाथेऽर्धपलिकैः पचेत्| त्र्यूषणत्रिफलाहिङ्गुषड्ग्रन्थामिसिसर्षपैः| गोमूत्रे त्रिगुणे पाननस्याभ्यङ्गेषु तद्धितम्||२१||
🔊 Audio coming soon
Adhikarana rakShasAM balyAdivisheShAH (22) · Śloka 22
রক্ষসাং পললং শুক্লং কুসুমং মিশ্রকৌদনম্| বলিঃ পক্বামমাংসানি নিষ্পাবা রুধিরোক্ষিতাঃ| নক্তমালশিরীষত্বঙ্মূলপুষ্পফলানি চ| তদ্বচ্চ কৃষ্ণপাটল্যা বিল্বমূলং কটুত্রিকম্| হিঙিগ্বন্দ্রযবসিদ্ধার্থলশুনামলকীফলম্| নাবনাঞ্জনযোর্যোজ্যো বস্তমূত্রদ্রুতোঽগদঃ| এভিরেব ঘৃতং সিদ্ধং গবাং মূত্রে চতুর্গুণে| রক্ষোগ্রহান্ বারযতে পানাভ্যঞ্জননাবনৈঃ||২২||
View original
रक्षसां पललं शुक्लं कुसुमं मिश्रकौदनम्| बलिः पक्वाममांसानि निष्पावा रुधिरोक्षिताः| नक्तमालशिरीषत्वङ्मूलपुष्पफलानि च| तद्वच्च कृष्णपाटल्या बिल्वमूलं कटुत्रिकम्| हिङिग्वन्द्रयवसिद्धार्थलशुनामलकीफलम्| नावनाञ्जनयोर्योज्यो बस्तमूत्रद्रुतोऽगदः| एभिरेव घृतं सिद्धं गवां मूत्रे चतुर्गुणे| रक्षोग्रहान् वारयते पानाभ्यञ्जननावनैः||२२||
🔊 Audio coming soon
Adhikarana pishAcAnAM balyAdivisheShAH (23) · Śloka 23
পিশাচানাং বলিঃ সীধুঃ পিণ্যাকঃ পললং দধি| মূলকং লবণং সর্পিঃ সভূতৌদনযাবকম্| হরিদ্রাদ্বযমঞ্জিষ্ঠামিসিসৈন্ধবনাগরম্| হিঙ্গুপ্রিযঙ্গুত্রিকটুরসোনত্রিফলাবচাঃ| পাটলীশ্বেতকটভীশিরীষকুসুমৈর্ঘৃতম্| গোমূত্রপাদিকং সিদ্ধং পানাভ্যঞ্জনযোর্হিতম্| বস্তাম্বুপিষ্টৈস্তৈরেব যোজ্যমঞ্জননাবনম্||২৩||
View original
पिशाचानां बलिः सीधुः पिण्याकः पललं दधि| मूलकं लवणं सर्पिः सभूतौदनयावकम्| हरिद्राद्वयमञ्जिष्ठामिसिसैन्धवनागरम्| हिङ्गुप्रियङ्गुत्रिकटुरसोनत्रिफलावचाः| पाटलीश्वेतकटभीशिरीषकुसुमैर्घृतम्| गोमूत्रपादिकं सिद्धं पानाभ्यञ्जनयोर्हितम्| बस्ताम्बुपिष्टैस्तैरेव योज्यमञ्जननावनम्||२३||
🔊 Audio coming soon
Adhikarana tIkShNapratikUlopacAraniShedhavisheShAH (24) · Śloka 24
দেবর্ষিপিতৃগন্ধর্বে তীক্ষ্ণং নস্যাদি বর্জযেত্| সর্পিষ্পানাদি মৃদ্বস্মিন্ ভৈষজ্যমবচারযেত্| ঋতে পিশাচাত্সর্বেষু প্রতিকূলং চ নাচরেত্| সবৈদ্যমাতুরং ঘ্নন্তি ক্রুদ্ধাস্তে হি মহৌজসঃ||২৪||
View original
देवर्षिपितृगन्धर्वे तीक्ष्णं नस्यादि वर्जयेत्| सर्पिष्पानादि मृद्वस्मिन् भैषज्यमवचारयेत्| ऋते पिशाचात्सर्वेषु प्रतिकूलं च नाचरेत्| सवैद्यमातुरं घ्नन्ति क्रुद्धास्ते हि महौजसः||२४||
🔊 Audio coming soon
Adhikarana cittaviplave japAdyupacArAH (25) · Śloka 25
ঈশ্বরং দ্বাদশভুজং নাথমার্যাবলোকিতম্| সর্বব্যাধিচিকিত্সাং চ জপন্সর্বগ্রহাঞ্জযেত্| তথোন্মাদানপস্মারানন্যং বা চিত্তবিপ্লবম্| মহাবিদ্যাং চ মাযূরীং শুচিস্তং শ্রাবযেত্সদা| ভূতেশং পূজযেত্স্থাণুং প্রমথাখ্যাংশ্চ তদ্গণান্| জপন্ সিদ্ধাংশ্চ তন্মাত্রান্ গ্রহান্ সর্বানপোহতি||২৫||
View original
ईश्वरं द्वादशभुजं नाथमार्यावलोकितम्| सर्वव्याधिचिकित्सां च जपन्सर्वग्रहाञ्जयेत्| तथोन्मादानपस्मारानन्यं वा चित्तविप्लवम्| महाविद्यां च मायूरीं शुचिस्तं श्रावयेत्सदा| भूतेशं पूजयेत्स्थाणुं प्रमथाख्यांश्च तद्गणान्| जपन् सिद्धांश्च तन्मात्रान् ग्रहान् सर्वानपोहति||२५||
🔊 Audio coming soon
Adhikarana atideshena cikitsAnirdeshaH (8) · Śloka 8
যচ্চানন্তরযোঃ কিঞ্চিদ্বক্ষ্যতেঽধ্যাযযোর্হিতম্| যচ্চোক্তমিহ তত্সর্বং প্রযুঞ্জীত পরস্পরম্||২৬|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে ভূতপ্রতিবেধো নামাষ্টমোঽধ্যাযঃ||৮||
View original
यच्चानन्तरयोः किञ्चिद्वक्ष्यतेऽध्याययोर्हितम्| यच्चोक्तमिह तत्सर्वं प्रयुञ्जीत परस्परम्||२६|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे भूतप्रतिवेधो नामाष्टमोऽध्यायः||८||
🔊 Audio coming soon