Adhikarana atha karNarogapratiShedho nAma dvAviMsho~adhyAyaH - pratij~jA (1) · Śloka 1
அதாதஃ கர்ணரோகப்ரதிஷேதஂ நாமாத்யாயஂ வ்யாக்யாஸ்யாமஃ| இதி ஹ ஸ்மாஹுராத்ரேயாதயோ மஹர்ஷயஃ||௧||
अथातः कर्णरोगप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana vAtakarNarogacikitsA sarpiHpAnam (2) · Śloka 2
வாதஜே கர்ணஶூலே ராத்ரௌ ராத்ரௌ ரஸபோஜநோத்தரஂ வாதஹரத்ரவ்யஸித்தஂ ஸர்பிஃ பிபேந்நிரந்நோ வா பயோऽநுபாநம்||௨||
वातजे कर्णशूले रात्रौ रात्रौ रसभोजनोत्तरं वातहरद्रव्यसिद्धं सर्पिः पिबेन्निरन्नो वा पयोऽनुपानम्||२||
🔊 Audio coming soon
Adhikarana karNasvedanam (3) · Śloka 3
ததோ தஶமூலஸித்தே சாகே பயஸி கோஶ்ரங்கநிஹிதோऽக்நிவர்ணாந் பாஷாணாந் ஸந்தஶேந கஹீத்வாऽவபேத்| தேநோஷ்மணா நாடீஸ்வேதேந ச ஸ்வப்யக்தஂ ஸ்வேதயேத்| பில்வயவகோலகுலத்தமாஷார்கஶிக்ருபத்ரைர்வா ஸாநூபமாஂஸைஃ க்வாதிதைஃ||௩||
ततो दशमूलसिद्धे छागे पयसि गोश्रृङ्गनिहितोऽग्निवर्णान् पाषाणान् सन्दशेन गृहीत्वाऽवपेत्| तेनोष्मणा नाडीस्वेदेन च स्वभ्यक्तं स्वेदयेत्| बिल्वयवकोलकुलत्थमाषार्कशिग्रुपत्रैर्वा सानूपमांसैः क्वाथितैः||३||
🔊 Audio coming soon
Adhikarana karNapUraNam (4) · Śloka 4
ஸ்விந்நஂ ச பூரயேத் குஷ்டாராஸ்நாமதுகவஂஶாவலேகஶுண்டீஶிகிசந்த்ரகமாஷஸரலபயோவிபக்வேந தைலேந| ஜீவகமதுககுஷ்டமண்டூகீதேவதாருமஹௌஷதகல்காஷ்டகுணக்ஷீரஸித்தேந வா| மயூரநாலகுலத்தாகருமாஷதேவதாருகல்கக்ஷாரஶுக்தாம்லஸாதிதாப்யாஂ வா தைலவஸாப்யாம்| மதுகக்ஷீரகாகோலீமாஷஶதாவரீகல்கஸர்வகந்தோதகக்ஷீரவிபக்வயா வா வராஹவஸயா| ராஸ்நாமதுககாகோலீதேவதாருகல்கபயோவிபாசிதயா வா ஶிஂஶுமாரவஸயா| மாஂஸீகுஷ்டாமேதாஸரலஸுரபிமதுகக்ஷீரவிபக்வயா வா கோதாவஸயா| ஜீவகஶதாஹ்வாமதுகமாஂஸீக்ஷீரஸித்தாஂ குக்குடமயூர-வஸாஂ கர்ணபூரணநஸ்யாப்யங்கேஷு விதத்யாத்| மதுகக்ஷீரகாகோலீகல்கேந சதுர்குணஶிக்ருஹ்ரஸ்வபஞ்சமூலகைரண்டபத்ரரஸமஷ்டகுணக்ஷீரஸாதிதஂ தைலஂ வா| கததைலவஸாப்யக்தாநி தருணாந்யஶ்வத்தபத்ராணி புடபாகஸ்விந்நாநி ப்ரபீட்ய தத்ரஸேந கர்ணஂ பூரயேத்| தத்வச்ச தைலலவணாப்யக்தாந்யர்கோருபூகமூலகாரலுகபில்வமஹாவக்ஷாந்யதமபத்ராணி| மஹாபஞ்சமூலஸரலாகருதேவதார்வ்யந்யதமகாஷ்டமஷ்டாதஶாங்குலஂ த்ரிபாகே க்ஷௌமேணாவேஷ்ட்ய தைலேந ஸிக்த்வாக்ரே ப்ரதீபயேத்| ததோ தஹ்யமாநாத்யஃ ஸ்நேஹஃ பததி ஸத்யஃ கர்ணருஜமபஹரதி||௪||
स्विन्नं च पूरयेत् कुष्ठारास्नामधुकवंशावलेखशुण्ठीशिखिचन्द्रकमाषसरलपयोविपक्वेन तैलेन| जीवकमधुककुष्ठमण्डूकीदेवदारुमहौषधकल्काष्टगुणक्षीरसिद्धेन वा| मयूरनालकुलत्थागरुमाषदेवदारुकल्कक्षारशुक्ताम्लसाधिताभ्यां वा तैलवसाभ्याम्| मधुकक्षीरकाकोलीमाषशतावरीकल्कसर्वगन्धोदकक्षीरविपक्वया वा वराहवसया| रास्नामधुककाकोलीदेवदारुकल्कपयोविपाचितया वा शिंशुमारवसया| मांसीकुष्ठामेदासरलसुरभिमधुकक्षीरविपक्वया वा गोधावसया| जीवकशताह्वामधुकमांसीक्षीरसिद्धां कुक्कुटमयूर-वसां कर्णपूरणनस्याभ्यङ्गेषु विदध्यात्| मधुकक्षीरकाकोलीकल्केन चतुर्गुणशिग्रुह्रस्वपञ्चमूलकैरण्डपत्ररसमष्टगुणक्षीरसाधितं तैलं वा| घृततैलवसाभ्यक्तानि तरुणान्यश्वत्थपत्राणि पुटपाकस्विन्नानि प्रपीड्य तद्रसेन कर्णं पूरयेत्| तद्वच्च तैललवणाभ्यक्तान्यर्कोरुपूगमूलकारलुकबिल्वमहावृक्षान्यतमपत्राणि| महापञ्चमूलसरलागरुदेवदार्व्यन्यतमकाष्ठमष्टादशाङ्गुलं त्रिभागे क्षौमेणावेष्ट्य तैलेन सिक्त्वाग्रे प्रदीपयेत्| ततो दह्यमानाद्यः स्नेहः पतति सद्यः कर्णरुजमपहरति||४||
🔊 Audio coming soon
Adhikarana dhUmapAnam (5) · Śloka 5
மதூச்சிஷ்டகைடர்யமதுஶிக்ருபலவசாயவநலதைலாகுக்குலுபிஃ ஶ்லக்ஷ்ணபிஷ்டைஃ க்ஷௌமவஸ்த்ரஂ தூமவர்த்திப்ரமாணபரிணாஹஂ லேபயேத்ததஃ ஸூத்ரேணாவேஷ்ட்ய டுண்டுகநாலேந தூமஂ பாதுஂ தத்யாத்| டுண்டுகநாலமேவ வாநேந கல்கேநாப்யஜ்ய விஶோஷயித்வா தூமஂ விதத்யாத்||௫||
मधूच्छिष्टकैडर्यमधुशिग्रुफलवचायवनलदैलागुग्गुलुभिः श्लक्ष्णपिष्टैः क्षौमवस्त्रं धूमवर्त्तिप्रमाणपरिणाहं लेपयेत्ततः सूत्रेणावेष्ट्य डुण्डुकनालेन धूमं पातुं दद्यात्| डुण्डुकनालमेव वानेन कल्केनाभ्यज्य विशोषयित्वा धूमं विदध्यात्||५||
🔊 Audio coming soon
Adhikarana lepaH pariSiShTA cikitsA ca (6) · Śloka 6
ஶ்ரேயஸீதேவதாருகாகோலீகுஷ்டநிசுலபீஜைஃ க்ஷீரபிஷ்டைஸ்திலயுதைஃ கர்ணஂ பஹிர்லேபயேத்| ஸர்வதாந்யஸ்நேஹகோக்ஷீரஸித்தாமுத்காரிகாமேரண்டபத்ராவச்சாதிதே கர்ணே ஸ்வேதார்தஂ ப்ரணயேத்| புநஃ புநஶ்ச நாடீஸ்வேதாந் பிண்டஸ்வேதஶ்ச| வாதவ்யாதிப்ரதிஶ்யாயார்திதவிதாநஞ்ச ஸநிரூஹாநுவாஸநஂ குர்யாத்||௬||
श्रेयसीदेवदारुकाकोलीकुष्ठनिचुलबीजैः क्षीरपिष्टैस्तिलयुतैः कर्णं बहिर्लेपयेत्| सर्वधान्यस्नेहगोक्षीरसिद्धामुत्कारिकामेरण्डपत्रावच्छादिते कर्णे स्वेदार्थं प्रणयेत्| पुनः पुनश्च नाडीस्वेदान् पिण्डस्वेदश्च| वातव्याधिप्रतिश्यायार्दितविधानञ्च सनिरूहानुवासनं कुर्यात्||६||
🔊 Audio coming soon
Adhikarana pathyApathyam (7) · Śloka 7
பரிஹார்யாணி ச பரிஹரேத்விஶேஷதஃ ப்ரவாதஂ ஶிதாம்புபாநஂ ஶிரஃஸ்நாநஂ ச||௭||
परिहार्याणि च परिहरेद्विशेषतः प्रवातं शिताम्बुपानं शिरःस्नानं च||७||
🔊 Audio coming soon
Adhikarana pittakarNarogacikitsA (8) · Śloka 8
பித்தஜே து ஶூலே ப்ராதஃ ப்ராதஃ ஶர்கராயுதஂ ஸர்பிஃ பாயயேத்| ததஃ ஸ்நிக்தஂ விரேசயேத்| த்ராக்ஷாமதுகஸித்தஂ ஸ்தந்யஂ கர்ணபூரணஂ ப்ரயுஞ்ஜீத| மாக்ஷிகஂ வா| மதுகபத்மககல்கஸ்தந்யஸித்தஂ வா ஸர்பிஃ| ஸிதாமதுககர்ஜூரமத்வீகாபிர்வா ஸக்ஷீரேக்ஷுரஸஂ ப்ரியாலகதைலஂ பாசிதமப்யங்கநஸ்யகர்ணபூரணைஃ ஶூலதாஹக்நம்| மதுககுடவஂ ஷோடஶகுணேநாம்பஸாऽஷ்டாவஶேஷஂ ஸாதயித்வா தேந தைலார்த்தகுடவமஷ்டகுணக்ஷீரஂ யஷ்டீமதுகோஶீரஸாரிவாகாகோலீஜீவகாநந்தாமணாலமஞ்ஜிஷ்டா லோத்ரசந்தநபிஸகர்பஂ பசேத்| தச்ச பூர்வவத் ப்ரணயேத்| ஏஷாமேவ ச கல்கேந ஸகதேந கர்ணஂ பரிதோ லேபயேத்| ஸ்வேதயேச்ச| ததா க்ஷீரஸர்பிர்நஸ்யஂ ஶிரோऽப்யங்கஶ்ச| ஏவமப்யநுபஶமே து புநர்விரேகஃ||௮||
पित्तजे तु शूले प्रातः प्रातः शर्करायुतं सर्पिः पाययेत्| ततः स्निग्धं विरेचयेत्| द्राक्षामधुकसिद्धं स्तन्यं कर्णपूरणं प्रयुञ्जीत| माक्षिकं वा| मधुकपद्मककल्कस्तन्यसिद्धं वा सर्पिः| सितामधुकखर्जूरमृद्वीकाभिर्वा सक्षीरेक्षुरसं प्रियालकतैलं पाचितमभ्यङ्गनस्यकर्णपूरणैः शूलदाहघ्नम्| मधुककुडवं षोडशगुणेनाम्भसाऽष्टावशेषं साधयित्वा तेन तैलार्द्धकुडवमष्टगुणक्षीरं यष्टीमधुकोशीरसारिवाकाकोलीजीवकानन्तामृणालमञ्जिष्ठा लोध्रचन्दनबिसगर्भं पचेत्| तच्च पूर्ववत् प्रणयेत्| एषामेव च कल्केन सघृतेन कर्णं परितो लेपयेत्| स्वेदयेच्च| तथा क्षीरसर्पिर्नस्यं शिरोऽभ्यङ्गश्च| एवमप्यनुपशमे तु पुनर्विरेकः||८||
🔊 Audio coming soon
Adhikarana kaPakarNarogacikitsA (9) · Śloka 9
கபஜே பிப்பலீவிபக்வஂ கதமதவா ஸக்ஷௌத்ரஂ பாயயித்வா தஂ வாமயேத்| ததஸ்தீக்ஷ்ணஂ தூமஂ பாயயேத்| கர்ணஞ்சாஸ்ய பூரயேத் ஸரலதேவதாருஹிஂஸ்ராபடோலபத்ரஸுரஸஸித்தேந தைலேந| தேவதாருபிப்பலீமாலதீபத்ரக்வாதகல்கஸித்தேந வா| லோத்ரகதிரஸாரமநஶ்ஶிலாத்விஹரித்ராகுஷ்டத்ரிபலைலாக்வாதகல்கஸித்தேந வா| ரஸாஞ்ஜநமார்கவவைஜயந்தீஶிக்ருலஶுநார்த்ரகமருங்கீமூலகதலீநாஂ வா பதக் ஸமஸ்தாநாஂ வா ரஸேந மதுநா வா ரக்ஷோக்நதைலேந வா| ததா ஶூலஶோபகௌரவாணி ப்ரஶாம்யந்தி| தாந்யாம்லக்வதிதத்ஶமூலபாஷ்பேண நாடீஸ்வேதமாசரேத்| ஸ்விந்நஂ குஶாம்ரத்ரிவந்நலதஶுண்டீமுஸ்தஸாதிதேந தைலேந பூரயேத்| கபக்நாஂஶ்ச கண்டூஷாந் தாரயேத்||௯||
कफजे पिप्पलीविपक्वं घृतमथवा सक्षौद्रं पाययित्वा तं वामयेत्| ततस्तीक्ष्णं धूमं पाययेत्| कर्णञ्चास्य पूरयेत् सरलदेवदारुहिंस्रापटोलपत्रसुरससिद्धेन तैलेन| देवदारुपिप्पलीमालतीपत्रक्वाथकल्कसिद्धेन वा| लोध्रखदिरसारमनश्शिलाद्विहरिद्राकुष्ठत्रिफलैलाक्वाथकल्कसिद्धेन वा| रसाञ्जनमार्कववैजयन्तीशिग्रुलशुनार्द्रकमरुङ्गीमूलकदलीनां वा पृथक् समस्तानां वा रसेन मधुना वा रक्षोघ्नतैलेन वा| तथा शूलशोफगौरवाणि प्रशाम्यन्ति| धान्याम्लक्वथितद्शमूलबाष्पेण नाडीस्वेदमाचरेत्| स्विन्नं कुशाम्रत्रिवृन्नलदशुण्ठीमुस्तसाधितेन तैलेन पूरयेत्| कफघ्नांश्च गण्डूषान् धारयेत्||९||
🔊 Audio coming soon
Adhikarana raktajakarNarogacikitsA (10) · Śloka 10
ரக்தஜே பைத்திகவத் ஸித்திஃ ஸிராவ்யஶ்ச||௧௦||
रक्तजे पैत्तिकवत् सिद्धिः सिराव्यश्च||१०||
🔊 Audio coming soon
Adhikarana pakvAvasthAyAScikitsA (11) · Śloka 11
பக்வேஷு கர்ணஶூலேஷு பூயப்ரவாஹிஷு யதாஸ்வஂ தூமநஸ்யகண்டூஷவமநாந்யாசரேத்| உபதிக்தஞ்ச ஸ்ரோதஃ ஸாயஂ ப்ராதஃ பிசுவர்த்திபிஃ ப்ரமஜ்ய யவாகருமதநைஃ ஸகதைர்குக்குலுநா வா தூபயித்வா மதுநா பூரயேத்| பலாஶதவதிநிஶககுபஸர்ஜத்வக்க்வாதரஸக்ரியயா ஸ்வப்யக்தாஂ பிசுவர்த்திஂ ஸ்ரோதஸி தத்யாத்| பதரீஸல்லகீஜம்பூதாதகீவடப்லக்ஷோதும்பரக்வாதேநைவமேவ ச ரஸக்ரியயா| ஹரித்ராதாதகீத்ரிபலாஜம்பூஸல்லகீகிஂஶுகக்வாதேந ச| ததா ஸௌராஷ்ட்ரிகாபத்மகதாதகீஸமங்காஶ்வத்ததவலோத்ரரஸாஞ்ஜநக்வாதேந| ஏபிரேவௌஷதைஃ ஸூக்ஷ்மசூர்ணீகதைஃ ஸ்ரோதஸோऽவகிரணமேவஂ க்லேதஶூலகௌரவாணி ஶாம்யந்தி| ஏஷாமேவ ச கஷாயேண ஸக்ஷௌத்ரேண கபித்தஸ்வரஸேந வா ப்ரக்ஷாலநம்| ததா ஸுரஸாதிவர்கஃ ப்ரக்ஷாலநாவசூர்ணநயோஃ ப்ரயோஜ்யஃ||௧௧||
पक्वेषु कर्णशूलेषु पूयप्रवाहिषु यथास्वं धूमनस्यगण्डूषवमनान्याचरेत्| उपदिग्धञ्च स्रोतः सायं प्रातः पिचुवर्त्तिभिः प्रमृज्य यवागरुमदनैः सघृतैर्गुग्गुलुना वा धूपयित्वा मधुना पूरयेत्| पलाशधवतिनिशककुभसर्जत्वक्क्वाथरसक्रियया स्वभ्यक्तां पिचुवर्त्तिं स्रोतसि दद्यात्| बदरीसल्लकीजम्बूधातकीवटप्लक्षोदुम्बरक्वाथेनैवमेव च रसक्रियया| हरिद्राधातकीत्रिफलाजम्बूसल्लकीकिंशुकक्वाथेन च| तथा सौराष्ट्रिकापद्मकधातकीसमङ्गाश्वत्थधवलोध्ररसाञ्जनक्वाथेन| एभिरेवौषधैः सूक्ष्मचूर्णीकृतैः स्रोतसोऽवकिरणमेवं क्लेदशूलगौरवाणि शाम्यन्ति| एषामेव च कषायेण सक्षौद्रेण कपित्थस्वरसेन वा प्रक्षालनम्| तथा सुरसादिवर्गः प्रक्षालनावचूर्णनयोः प्रयोज्यः||११||
🔊 Audio coming soon
Adhikarana karNanAdabAdhiryayoshcikitsA - cikitsAsUtram (12) · Śloka 12
நாதபாதிர்யயோர்வாதஶூலோக்தஃ ஸர்வோ விதிஃ| ஶ்லேஷ்மாநுபந்தே து ப்ராக்ஶ்லேஷ்மாணமபஹரேத்வமநநாவநாப்யாஂ தீக்ஷ்ணதூமைஶ்ச||௧௨||
नादबाधिर्ययोर्वातशूलोक्तः सर्वो विधिः| श्लेष्मानुबन्धे तु प्राक्श्लेष्माणमपहरेद्वमननावनाभ्यां तीक्ष्णधूमैश्च||१२||
🔊 Audio coming soon
Adhikarana asAdhyabAdhiryanirdeSaH (13) · Śloka 13
பாதிர்யஂ ச பாலவத்தக்ஷீணகாஸஶோஷிணாஂ சிரோத்திதஂ ச வர்ஜயேத்||௧௩||
बाधिर्यं च बालवृद्धक्षीणकासशोषिणां चिरोत्थितं च वर्जयेत्||१३||
🔊 Audio coming soon
Adhikarana sAdhyabAdhirye cikitsAkramaH (14) · Śloka 14
இதரத்து ஸ்நேஹஸ்வேதநஸ்யஶிரோபஸ்திபஸ்திகர்மப்ரபதிபிர்தோஷாநுபந்தமவேக்ஷ்ய ஸாதயேத்||௧௪||
इतरत्तु स्नेहस्वेदनस्यशिरोबस्तिबस्तिकर्मप्रभृतिभिर्दोषानुबन्धमवेक्ष्य साधयेत्||१४||
🔊 Audio coming soon
Adhikarana prayujyamAnAH vividhAH yogAH (15) · Śloka 15
தத்ர ப்ராகேவ புராணஸர்பிஷா வா வாதஹரதைலேந வா ஸ்நிக்தஂ ஸ்நேஹேநைவ விரேசயேத்| கதஸஂஸர்ஜநஸ்ய புநஃ ஸ்நிக்தஸ்ய ஶோணிதமபஹரேத்| கர்ணாஸந்நஂ ஜலௌகோபிஸ்ததோ பஸ்திகர்மமூர்ததைலநஸ்யதூமாந் கர்ணபூரணஂ ச ஶீலயேத்| தருணபில்வபலாநி கோமூத்ரேண க்வாதயேத்தேந க்வாதேந ஸிதாமதுகபீஜகபீஜகல்கேந ச பயோயுக்தஂ தைலஂ பாசயேத்| தத்தைலமுஷ்ணஂ ஶீதே பில்வக்வாதே ப்ரக்ஷிப்ய மந்தயேத் யாவத் பிண்டீபூதமுத்தத்யாऽஷ்டகுணே பயஸி மதுககந்தசந்தநகர்பஂ ஸாதிதமாஶு கர்ணபூரணாத் பாதிர்யஂ நாஶயதி| திலாந் நவப்ரலூநாந் வஸ்த்ரபத்தாந் வஹந்தீஷ்வப்ஸு ராத்ரிமுஷிதாந் திவா ஶோஷயேத் பஞ்சராத்ரம்| ஏவஂ கதே பஞ்சராத்ரே மதுயஷ்டிகாக்ஷீரகாகோலீமஹாபஞ்சமூலதேவதாருஶதாஹ்வாஜீவகக்வதிதே பயஸி பஞ்சாஹமேவஂ வாஸயேச்சோஷயேச்ச| ததோऽநேநைவ க்ஷீரேணைஷாமேவ ச த்ரவ்யாணாஂ சூர்ணமாத்ரயா யுக்தாந் ப்ரபீடயேத்| தத்தைலஂ நீலோத்பலாநந்தாசந்தநாகருமதுகஜீவககாகோலீஸுநிஷண்ணகமூலகல்கைரஷ்டகுணேந பயஸா பசேத்| ஏதந்நஸ்யே கர்ணபூரணே ஶிரஸி சாப்யஞ்ஜநே ப்ரணீதமாஶு ஶூலநாதபாதிர்யாணி ஸர்வவாதவிகாராஂஶ்ச பித்தாநுபந்தாநபோஹதி பக்நாஸ்திஸந்தாநஜநநஞ்ச| ஶுஷ்கமூலகபஸ்மக்ஷாரத்வயஹிங்குஶுண்டீமிஸிவசாகுஷ்டாமரதாருஸௌபாஞ்ஜநபூர்ஜக்ரந்திமுஸ்தாலவணத்ரயைஃ ஸோத்பிதைஸ்தைலஂ ஶுக்தகதலீபீஜபூரகரஸஸஂயுக்தஂ ஸித்தஂ ஶூலநாதபாதிர்யகண்டூஶோபக்லேதோபதேஹகமிபூதிகர்ணேஷு| அத கர்ணௌ ஸுப்தாவிவ பவதஸ்தத்ஸமீபே யதோக்தாஂ ஸிராஂ மோக்ஷயேத்| அஶ்வயதுபரிஸ்ராவே மந்தஶ்ருதேர்வமநமாசரேத்||௧௫||
तत्र प्रागेव पुराणसर्पिषा वा वातहरतैलेन वा स्निग्धं स्नेहेनैव विरेचयेत्| कृतसंसर्जनस्य पुनः स्निग्धस्य शोणितमपहरेत्| कर्णासन्नं जलौकोभिस्ततो बस्तिकर्ममूर्धतैलनस्यधूमान् कर्णपूरणं च शीलयेत्| तरुणबिल्वफलानि गोमूत्रेण क्वाथयेत्तेन क्वाथेन सितामधुकबीजकबीजकल्केन च पयोयुक्तं तैलं पाचयेत्| तत्तैलमुष्णं शीते बिल्वक्वाथे प्रक्षिप्य मन्थयेत् यावत् पिण्डीभूतमुद्धृत्याऽष्टगुणे पयसि मधुकगन्धचन्दनगर्भं साधितमाशु कर्णपूरणात् बाधिर्यं नाशयति| तिलान् नवप्रलूनान् वस्त्रबद्धान् वहन्तीष्वप्सु रात्रिमुषितान् दिवा शोषयेत् पञ्चरात्रम्| एवं गते पञ्चरात्रे मधुयष्टिकाक्षीरकाकोलीमहापञ्चमूलदेवदारुशताह्वाजीवकक्वथिते पयसि पञ्चाहमेवं वासयेच्छोषयेच्च| ततोऽनेनैव क्षीरेणैषामेव च द्रव्याणां चूर्णमात्रया युक्तान् प्रपीडयेत्| तत्तैलं नीलोत्पलानन्ताचन्दनागरुमधुकजीवककाकोलीसुनिषण्णकमूलकल्कैरष्टगुणेन पयसा पचेत्| एतन्नस्ये कर्णपूरणे शिरसि चाभ्यञ्जने प्रणीतमाशु शूलनादबाधिर्याणि सर्ववातविकारांश्च पित्तानुबन्धानपोहति भग्नास्थिसन्धानजननञ्च| शुष्कमूलकभस्मक्षारद्वयहिङ्गुशुण्ठीमिसिवचाकुष्ठामरदारुसौभाञ्जनभूर्जग्रन्थिमुस्तालवणत्रयैः सोद्भिदैस्तैलं शुक्तकदलीबीजपूरकरससंयुक्तं सिद्धं शूलनादबाधिर्यकण्डूशोफक्लेदोपदेहकृमिपूतिकर्णेषु| अथ कर्णौ सुप्ताविव भवतस्तत्समीपे यथोक्तां सिरां मोक्षयेत्| अश्वयथुपरिस्रावे मन्दश्रुतेर्वमनमाचरेत्||१५||
🔊 Audio coming soon
Adhikarana pratInAhacikitsA (16) · Śloka 16
ப்ரதீநாஹே ஸ்நேஹஸ்வேதக்லிந்நஂ கர்ணஂ கர்ணஶோதநேந விஶோத்ய தைலஸ்ய பூரயேந்மாதுலுங்கரஸஸ்ய வா ஸஶுக்தக்ஷௌத்ரஸைந்தவஸ்ய| ஶோத்யமாநே வேதநா ரக்தாகமோ வா யதி பவேத்ததோ கதமண்டேந பூரயேந்நஸ்யஂ ச ஶீலயேத்| மலபூர்ணேऽப்யேஷ ஏவ விதிஃ||௧௬||
प्रतीनाहे स्नेहस्वेदक्लिन्नं कर्णं कर्णशोधनेन विशोध्य तैलस्य पूरयेन्मातुलुङ्गरसस्य वा सशुक्तक्षौद्रसैन्धवस्य| शोध्यमाने वेदना रक्तागमो वा यदि भवेत्ततो घृतमण्डेन पूरयेन्नस्यं च शीलयेत्| मलपूर्णेऽप्येष एव विधिः||१६||
🔊 Audio coming soon
Adhikarana kaNDUSoPayoScikitsA (17) · Śloka 17
கண்த்வாஂ தீக்ஷ்ணநஸ்யதூமாதீந் கபக்நாந்விதரேத்| ரூக்ஷதிக்தகடுஶ்சாஹாரஃ ஶோபேऽப்யேவமேவ விதிஃ| கடுதீக்ஷ்ணோஷ்ணாஶ்ச ப்ரதேஹபரிஷேகாஃ||௧௭||
कण्द्वां तीक्ष्णनस्यधूमादीन् कफघ्नान्वितरेत्| रूक्षतिक्तकटुश्चाहारः शोफेऽप्येवमेव विधिः| कटुतीक्ष्णोष्णाश्च प्रदेहपरिषेकाः||१७||
🔊 Audio coming soon
Adhikarana pUtikarNakrimikarNayoScikitsA (18) · Śloka 18
பூதிகர்ணே கர்ணஸ்ராவோக்தோ விதிஃ கமிகர்ணே ச| விஶேஷதஶ்சாத்ர கமிக்நஃ| ததா ஸர்ஷபதைலேந பூரணம்| ஹரிதாலசூர்ணவதா கோமூத்ரேண வா| வார்தாகபீஜேந தூபநம்||௧௮||
पूतिकर्णे कर्णस्रावोक्तो विधिः कृमिकर्णे च| विशेषतश्चात्र कृमिघ्नः| तथा सर्षपतैलेन पूरणम्| हरितालचूर्णवता गोमूत्रेण वा| वार्ताकबीजेन धूपनम्||१८||
🔊 Audio coming soon
Adhikarana vidradhyarSo~arbudacikitsA (19) · Śloka 19
கர்ணவித்ரதிஂ வமநபூர்வஂ வித்ரதிவதாமஂ பக்வஂ ச சிகித்ஸேத்| க்ஷதவித்ரதிஂ பித்தகர்ணஶூலவதர்ஶாஂஸி நாஸார்ஶோவதர்புதாநி ச||௧௯||
कर्णविद्रधिं वमनपूर्वं विद्रधिवदामं पक्वं च चिकित्सेत्| क्षतविद्रधिं पित्तकर्णशूलवदर्शांसि नासार्शोवदर्बुदानि च||१९||
🔊 Audio coming soon
Adhikarana vidArikAcikitsA (20) · Śloka 20
விதாரிகாமாமாஂ கர்ணவித்ரதிவத்யதாதோஷோதயஞ்ச ஸாதயேத்||௨௦||
विदारिकामामां कर्णविद्रधिवद्यथादोषोदयञ्च साधयेत्||२०||
🔊 Audio coming soon
Adhikarana pAlIshoShacikitsA (21) · Śloka 21
பாலீஶோஷே வாதஶூலவந்நஸ்யமாலேபஂ ஸ்வேதஞ்ச குர்யாத்| ஸ்விந்நமுத்வர்த்தயேத்திலப்ரியாலபலஜமதுகயவாஶ்வகந்தாகல்கேந| உத்வர்திதஞ்ச மதுகபயஸ்யாஶதபுஷ்பாஶ்வகந்தாகல்காஷ்டகுணவாஜிகந்தாபஹத்யபீருக்வாதக்ஷீரஸாதிதேந தைலேநாப்யஜ்யாத்| ஶதாவர்யஶ்வகந்தைரண்டபயஸ்யாஜீவகக்ஷீரஸித்தேந வா| கோதாப்ரதுதவிஷ்கிராநூபௌதகமாஂஸவஸாமஜ்ஜாநஂ ஸர்பிஸ்ஸர்ஷபதைலஞ்ச யதாலாபஂ ஸஂகஹ்யார்காலர்கபலாதிபலாநந்தாவிதாரிகந்தாஜலஶூகமதுரவர்கப்ரதீவாபஂ விபசேதயமப்யங்கஃ பால்யாஃ பரஂ மாஂஸஜநநஃ| ஏவமபி து யா க்ஷீயதே பாலீ தஸ்யா யத் துஷ்டஂ தச்சித்வா விதிவத் ஸந்தாய யதோக்தேந க்ரமேணோபசரேத்||௨௧||
पालीशोषे वातशूलवन्नस्यमालेपं स्वेदञ्च कुर्यात्| स्विन्नमुद्वर्त्तयेत्तिलप्रियालबलजमधुकयवाश्वगन्धाकल्केन| उद्वर्तितञ्च मधुकपयस्याशतपुष्पाश्वगन्धाकल्काष्टगुणवाजिगन्धाबृहत्यभीरुक्वाथक्षीरसाधितेन तैलेनाभ्यज्यात्| शतावर्यश्वगन्धैरण्डपयस्याजीवकक्षीरसिद्धेन वा| गोधाप्रतुदविष्किरानूपौदकमांसवसामज्जानं सर्पिस्सर्षपतैलञ्च यथालाभं संगृह्यार्कालर्कबलातिबलानन्ताविदारिगन्धाजलशूकमधुरवर्गप्रतीवापं विपचेदयमभ्यङ्गः पाल्याः परं मांसजननः| एवमपि तु या क्षीयते पाली तस्या यद् दुष्टं तच्छित्वा विधिवत् सन्धाय यथोक्तेन क्रमेणोपचरेत्||२१||
🔊 Audio coming soon
Adhikarana tantrikAcikitsA (22) · Śloka 22
தந்த்ரிகாமபி சைவமேவ நஸ்யாப்யங்காதிபிர்யாபயேத்||௨௨||
तन्त्रिकामपि चैवमेव नस्याभ्यङ्गादिभिर्यापयेत्||२२||
🔊 Audio coming soon
Adhikarana paripoTakacikitsA (23) · Śloka 23
பரிபோடகேऽப்யயமேவ விதிஃ| ததா மதுககரமஞ்ஜரீஸைந்தவாஶ்வகந்தாதேவதாருமூலகாவல்குஜபலமூலமதூச்சிஷ்டைஃ ஸக்ஷீரைர்மஹாஸ்நேஹஃ ஸித்தோऽப்யங்கஃ| திலமதுகப்ரபௌண்டரீகஸித்தார்தககதக்ஷீரகதயோத்காரிகயோபநாஹஃ||௨௩||
परिपोटकेऽप्ययमेव विधिः| तथा मधुकखरमञ्जरीसैन्धवाश्वगन्धादेवदारुमूलकावल्गुजफलमूलमधूच्छिष्टैः सक्षीरैर्महास्नेहः सिद्धोऽभ्यङ्गः| तिलमधुकप्रपौण्डरीकसिद्धार्थकघृतक्षीरकृतयोत्कारिकयोपनाहः||२३||
🔊 Audio coming soon
Adhikarana utpAtacikitsA (24) · Śloka 24
உத்பாதே ஜலௌகோபிரபநீதரக்தே ஶீதைஃ ப்ரதேஹஃ| திலமதுகஸாரிவோத்பலலோத்ரகதம்பபலாப்ரஜம்பூபல்லவைஸ்ஸதாந்யாம்லஂ தைலஂ ஸாதிதமப்யங்கஃ| ததா க்ஷீரஸர்பிர்விஸர்போக்தாநி ச கதாநி||௨௪||
उत्पाते जलौकोभिरपनीतरक्ते शीतैः प्रदेहः| तिलमधुकसारिवोत्पललोध्रकदम्बबलाभ्रजम्बूपल्लवैस्सधान्याम्लं तैलं साधितमभ्यङ्गः| तथा क्षीरसर्पिर्विसर्पोक्तानि च घृतानि||२४||
🔊 Audio coming soon
Adhikarana unmanthacikitsA (25) · Śloka 25
உந்மந்தே தீக்ஷ்ணைஃ ஶிரோவிரேகஃ| திலஸர்ஷபலோத்ரஹரித்ராத்வயைருத்வர்திதாயாஃ கர்ணபால்யாஸ்தாலீஸதமாலைலாகட்பலரஸாஞ்ஜநைர்லேபஃ| தாலபத்ர்யஶ்வகந்தார்கஸ்ஸைந்தவாவல்குஜபீஜஸுரஸலாங்கலிகாபிர்கோதாகுலீரவஸாயுக்தஂ தைலஂ விபக்வமப்யஞ்ஜநம்| தைலமேவ வா படோலகடுரோஹிணீரஸாஞ்ஜநஶிரீஷைஃ||௨௫||
उन्मन्थे तीक्ष्णैः शिरोविरेकः| तिलसर्षपलोध्रहरिद्राद्वयैरुद्वर्तितायाः कर्णपाल्यास्तालीसतमालैलाकट्फलरसाञ्जनैर्लेपः| तालपत्र्यश्वगन्धार्कस्सैन्धवावल्गुजबीजसुरसलाङ्गलिकाभिर्गोधाकुलीरवसायुक्तं तैलं विपक्वमभ्यञ्जनम्| तैलमेव वा पटोलकटुरोहिणीरसाञ्जनशिरीषैः||२५||
🔊 Audio coming soon
Adhikarana duHkhavarddhanacikitsA (26) · Śloka 26
துஃகவர்த்தநே ஜம்ப்வாம்ராஶ்மந்தகபத்ரக்வாதபரிஷிக்தாஂ கர்ணபாலீஂ தைலேநாப்யஜ்ய யஷ்டீமதுகஹரித்ராப்ரபௌண்டரீகமஞ்ஜிஷ்டாசூர்ணேநாऽவசூர்ணயேத்| லாக்ஷாவிடங்கபக்வேந தைலேநாப்யஞ்ஜயேத்||௨௬||
दुःखवर्द्धने जम्ब्वाम्राश्मन्तकपत्रक्वाथपरिषिक्तां कर्णपालीं तैलेनाभ्यज्य यष्टीमधुकहरिद्राप्रपौण्डरीकमञ्जिष्ठाचूर्णेनाऽवचूर्णयेत्| लाक्षाविडङ्गपक्वेन तैलेनाभ्यञ्जयेत्||२६||
🔊 Audio coming soon
Adhikarana lihyAkhyapiTikAcikitsA (27) · Śloka 27
லோஹகாபிடகாஸு கர்ணபாலீஂ பஹுஶோ கோமயபிண்டஸ்விந்நாமுரப்ரீமூத்ரபிஷ்டைஃ கமிக்நைராலிம்பேத்| குடஜகரஞ்ஜேங்குதீபீஜாரக்வதத்வக்பிர்வா| ஏபிரேவ ச ஸர்வைஸ்ஸமரிசநிம்பபத்ரமதுச்சிஷ்டைஸ்ஸர்ஷபதைலஂ ஸித்தஂ லேஹிகாவ்ரணக்நோऽப்யங்கஃ| பரிதஹநே ஜலஜாபிரஸக் ஸ்ராவயேத்| ஶீதைஶ்ச ப்ரதிஹ்யாத்||௨௭||
लोहकापिटकासु कर्णपालीं बहुशो गोमयपिण्डस्विन्नामुरभ्रीमूत्रपिष्टैः कृमिघ्नैरालिम्पेत्| कुटजकरञ्जेङ्गुदीबीजारग्वधत्वग्भिर्वा| एभिरेव च सर्वैस्समरिचनिम्बपत्रमधुच्छिष्टैस्सर्षपतैलं सिद्धं लेहिकाव्रणघ्नोऽभ्यङ्गः| परिदहने जलजाभिरसृक् स्रावयेत्| शीतैश्च प्रदिह्यात्||२७||
🔊 Audio coming soon
Adhikarana pAlIroge sAmAnyakramaH (28) · Śloka 28
ஸர்வேஷு ச பாலீரோகேஷு ஸ்நேஹஸ்வேதஶோதநாப்யங்கப்ரதேஹநஸ்யாஸ்ரவிஸ்ராவணாநி யதார்ஹஂ ப்ரயுஞ்ஜீத| ப்ரகோபகாரணாநி ச பரிஹரேத்||௨௮||
सर्वेषु च पालीरोगेषु स्नेहस्वेदशोधनाभ्यङ्गप्रदेहनस्यास्रविस्रावणानि यथार्हं प्रयुञ्जीत| प्रकोपकारणानि च परिहरेत्||२८||
🔊 Audio coming soon
Adhikarana avasthAviSiShTA pAlIcikitsA (29) · Śloka 29
உத்பச்யமாநாயாஂ து பால்யாஂ ஸர்ஜரஸாபாமார்கபடோலநிம்பநிசுலத்வக்பிராலேபஃ| உத்புடந்த்யாஂ ஶிக்ருஶம்யாகபூதீககோவராஹபித்தகோதாவஸாஸர்பிபிஃ| ஶ்யாவாயாஂ கௌரீஸுகந்தாஶ்யாமாநந்தாதண்டுலீயகமூலைஃ| கண்டூமத்யாஂ பாடாநந்தாதார்க்ஷ்யஶைலேயமாக்ஷிகைஃ| தஹ்யமாநாயாஂ க்ஷீரிவக்ஷஜீவநீயகல்கமதுகதைஃ| வ்ரணிதாயாஂ க்ஷௌத்ரஜீவநீயைஃ| கஶாயாஂ கோதாவராஹவஸாபிஃ| க்ரந்திதாயாஂ க்ரந்திஂ பாடயித்வா விலிக்ய ச கஷ்ணாஸைந்தவமதுபிஃ ப்ரதிஸாரயேத்| ஸ்ராவவத்யாஂ மது-மதுகமதூகமதுபர்ணீபிர்லேபஃ| ஏபிரேவ ச யதாஸ்வஂ ஸ்நேஹாநப்யங்கார்தஂ ப்ரகல்பயேத்||௨௯||
उत्पच्यमानायां तु पाल्यां सर्जरसापामार्गपटोलनिम्बनिचुलत्वग्भिरालेपः| उत्पुटन्त्यां शिग्रुशम्याकपूतीकगोवराहपित्तगोधावसासर्पिभिः| श्यावायां गौरीसुगन्धाश्यामानन्तातण्डुलीयकमूलैः| कण्डूमत्यां पाठानन्तातार्क्ष्यशैलेयमाक्षिकैः| दह्यमानायां क्षीरिवृक्षजीवनीयकल्कमधुघृतैः| व्रणितायां क्षौद्रजीवनीयैः| कृशायां गोधावराहवसाभिः| ग्रन्थितायां ग्रन्थिं पाटयित्वा विलिख्य च कृष्णासैन्धवमधुभिः प्रतिसारयेत्| स्राववत्यां मधु-मधुकमधूकमधुपर्णीभिर्लेपः| एभिरेव च यथास्वं स्नेहानभ्यङ्गार्थं प्रकल्पयेत्||२९||
🔊 Audio coming soon
Adhikarana karNasandhAnam (30) · Śloka 30
அதரோகதோ பலாத்வா விச்சிந்நஂ கர்ணமநுஸந்தத்யாத்||௩௦||
अथरोगतो बलाद्वा विच्छिन्नं कर्णमनुसन्दध्यात्||३०||
🔊 Audio coming soon
Adhikarana pa~jcadasha chinnakarNasandhayaH (31) · Śloka 31
ஸமாஸதஸ்து பஞ்சதஶ கர்ணஸந்தயஃ ப்ராயோ நாமாநுகதஸஂஸ்தாநவிஶேஷதயா ஸம்பவந்தி| தத்யதா- ௧. பதுலாயதஸமோபயபாலீஶ்சக்ரநேமிஃ| ௨. வத்தாயதமோபயபாலிருத்பலபேதகஃ| ௩. அப்யந்தரதீர்கபாலிஃ கவாடஃ| ௪. விபரீதோர்த்த்வகவாடஃ| ௫. ஹ்ரஸ்வவத்தஸமோபயபாலிர்வல்லூரகஃ| ௬. அணுஸ்தூலஸமவிஷமபாலிர்வ்யாயோஜிமஃ| ௭. பாஹ்யபாலிர்கண்டாதாரஃ| ௮. அதோ விபரீதஸ்த்வாஸங்கிமஃ| ௯. அபாலிராஹார்யஃ; ஸ ஏவ மாஂஸலபீடோ நிர்பேதிமஃ| ௧௦. ஶுஷ்கஶுஷ்கலிருத்ஸந்நபாலிஃ| ௧௧. தரால்பபாலிஃ ஸங்க்ஷிப்தஃ| ௧௨. அநதிஷ்டாநபாலிஃ பர்யந்தயோஶ்ச க்ஷீணமாஂஸோ ஹீநஃ| ௧௩. தநுவிஷமபாலிர்வல்லிஃ| ௧௪. க்ரதிதநிர்மாஂஸஸ்தப்தஸிராவதஸூக்ஷ்மபாலிர்யஷ்டீ| ௧௫. நிர்மாஂஸஸஂக்ஷிப்தாக்ராऽஶோணிதபாலிஃ காகௌஷ்ட இதி||௩௧||
समासतस्तु पञ्चदश कर्णसन्धयः प्रायो नामानुगतसंस्थानविशेषतया सम्भवन्ति| तद्यथा- १. पृथुलायतसमोभयपालीश्चक्रनेमिः| २. वृत्तायतमोभयपालिरुत्पलभेदकः| ३. अभ्यन्तरदीर्घपालिः कवाटः| ४. विपरीतोर्द्ध्वकवाटः| ५. ह्रस्ववृत्तसमोभयपालिर्वल्लूरकः| ६. अणुस्थूलसमविषमपालिर्व्यायोजिमः| ७. बाह्यपालिर्गण्डाधारः| ८. अतो विपरीतस्त्वासङ्गिमः| ९. अपालिराहार्यः; स एव मांसलपीठो निर्बेधिमः| १०. शुष्कशुष्कलिरुत्सन्नपालिः| ११. तराल्पपालिः सङ्क्षिप्तः| १२. अनधिष्ठानपालिः पर्यन्तयोश्च क्षीणमांसो हीनः| १३. तनुविषमपालिर्वल्लिः| १४. ग्रथितनिर्मांसस्तब्धसिरावृतसूक्ष्मपालिर्यष्टी| १५. निर्मांससंक्षिप्ताग्राऽशोणितपालिः काकौष्ठ इति||३१||
🔊 Audio coming soon
Adhikarana karNasandhInAM sAdhyAsAdhyatA (32) · Śloka 32
ஏஷாமாத்யா தஶ ஸித்யந்தி; ந த்விதரே||௩௨||
एषामाद्या दश सिध्यन्ति; न त्वितरे||३२||
🔊 Audio coming soon
Adhikarana karNasandhInAmavAntaraBedAH (33) · Śloka 33
தத்ர பாஹ்யாயாஂ பால்யாஂ தீர்காயாமாப்யந்தரஃ ஸந்திஃ| ததேதராயாஂ பாஹ்யஃ| ஸமஃ ஸமயோஶ்ச| அண்வாதிவிஷமயோஸ்து பரஸ்பரவிபர்யயௌ||௩௩||
तत्र बाह्यायां पाल्यां दीर्घायामाभ्यन्तरः सन्धिः| तथेतरायां बाह्यः| समः समयोश्च| अण्वादिविषमयोस्तु परस्परविपर्ययौ||३३||
🔊 Audio coming soon
Adhikarana ekapAlIsandhAnam (34) · Śloka 34
யா த்வேகைவ பாலீ ஸ்தூலா பத்வீ ஸ்திரா ச ஸ்யாத் தாஂ த்விதா பாடயித்வோபரி சித்வா ஸந்தத்யாத்||௩௪||
या त्वेकैव पाली स्थूला पृथ्वी स्थिरा च स्यात् तां द्विधा पाटयित्वोपरि छित्वा सन्दध्यात्||३४||
🔊 Audio coming soon
Adhikarana pAlIkalpane prakArAntaram (35) · Śloka 35
குண்டோத்கத்தேந வா ஸஶோணிதேந ஸாநுபந்தேந மாஂஸேந பாலீஂ கல்பயேத்| யஸ்ய பாலீத்வயமபி நாஸ்தி தஸ்யாப்யேஷ ஏவ விதிஃ| அதவா ஸமாநவயோதோஷாதேஃ ஸஞ்சார்ய கர்ணபீடஂ ஸமஂ மத்யே நிவேஶ்ய வர்த்தயேத்||௩௫||
गुण्डोत्कृत्तेन वा सशोणितेन सानुबन्धेन मांसेन पालीं कल्पयेत्| यस्य पालीद्वयमपि नास्ति तस्याप्येष एव विधिः| अथवा समानवयोदोषादेः सञ्चार्य कर्णपीठं समं मध्ये निवेश्य वर्द्धयेत्||३५||
🔊 Audio coming soon
Adhikarana sandhAnavidhiH (36) · Śloka 36
ஸந்தாநவிதிஃ புநராதுரே க்ரதிதகேஶாந்தே பந்தநமுபதாரிதே சேத்யபேத்யலேக்யைருபபந்நைருபபாத்ய கர்ணஶோணிதமவேக்ஷேத துஷ்டமதுஷ்டஂ வேதி| ததோ வாததுஷ்டே தாந்யாம்லோஷ்ணோதகாப்யாஂ பித்ததுஷ்டே க்ஷீரஶீதோதகாப்யாஂ ஶ்லேஷ்மதுஷ்டே வாருணீஸலிலாப்யாஂ ப்ரக்ஷால்ய புநஶ்சாவலிக்யாநுந்நதமஹீநவிஷமஂ ஸந்திஂ நிவேஶ்ய ததோ மதுகதாப்யாமப்யஜ்ய பிசுப்லோதயோரந்யதரேணாவகுணட்ய ஸூத்ரேண நாதிகாடமஶிதிலஂ ச பத்த்வா ஸிராவ்யதோக்தேந கபாலஸ்ய வா சூர்ணேநாவகீர்யாசாரிகமுபதிஶேத்| ஸந்திமாஶ்லிஷ்யந்தஂ க்ஷௌமஸூத்ரேண ஸீவ்யேத| அதிக்ஷீணபாலிகஂ வா ஶோணிதாக்தேந பிசுநா வேஷ்டயேத்| வ்ரணவச்சைநமுபாசரேத்| த்ர்யஹாச்சதுரஹாத்வா ஸலிலேந பரிஷிச்ய பிசுஂ ஸூத்ரஂ சாபநயேத்||௩௬||
सन्धानविधिः पुनरातुरे ग्रथितकेशान्ते बन्धनमुपधारिते छेद्यभेद्यलेख्यैरुपपन्नैरुपपाद्य कर्णशोणितमवेक्षेत दुष्टमदुष्टं वेति| ततो वातदुष्टे धान्याम्लोष्णोदकाभ्यां पित्तदुष्टे क्षीरशीतोदकाभ्यां श्लेष्मदुष्टे वारुणीसलिलाभ्यां प्रक्षाल्य पुनश्चावलिख्यानुन्नतमहीनविषमं सन्धिं निवेश्य ततो मधुघृताभ्यामभ्यज्य पिचुप्लोतयोरन्यतरेणावगुणठ्य सूत्रेण नातिगाढमशिथिलं च बद्ध्वा सिराव्यधोक्तेन कपालस्य वा चूर्णेनावकीर्याचारिकमुपदिशेत्| सन्धिमाश्लिष्यन्तं क्षौमसूत्रेण सीव्येत| अतिक्षीणपालिकं वा शोणिताक्तेन पिचुना वेष्टयेत्| व्रणवच्चैनमुपाचरेत्| त्र्यहाच्चतुरहाद्वा सलिलेन परिषिच्य पिचुं सूत्रं चापनयेत्||३६||
🔊 Audio coming soon
Adhikarana karNasandhAnasyAviShayaH (37) · Śloka 37
ந சாஶுத்தரக்தமதிப்ரவத்தரக்தஂ க்ஷீணரக்தஂ வா கர்ணஂ ஸந்தத்யாத்||௩௭||
न चाशुद्धरक्तमतिप्रवृत्तरक्तं क्षीणरक्तं वा कर्णं सन्दध्यात्||३७||
🔊 Audio coming soon
Adhikarana aviShayasandhAnapariNAmaH (38) · Śloka 38
தஸ்ய ஹி ஸ்வயமபி ஸந்திர்விஶ்லிஷ்யதே ஆத்மாயதே ஶ்யாவதாமுபைதி பச்யதே ஶுஷ்யதி சிராத்ரோஹதி ரூடோऽப்யாபரணஂ ந க்ஷமதே| ஸஶோபகண்டூஸந்தாபோ க்ரதிமாஂஶ்ச பவதி| தத்ர ச யதாஸ்வஂ ப்ரதிகுர்வீத| துஷ்டரக்தே ச ரக்தமவஸேசயேத்| க்ஷீணரக்தஂ ஸ்நேஹபாநநஸ்யமாஂஸரஸாஶநாப்யங்கைர்பஂஹயேத்||௩௮||
तस्य हि स्वयमपि सन्धिर्विश्लिष्यते आध्मायते श्यावतामुपैति पच्यते शुष्यति चिराद्रोहति रूढोऽप्याभरणं न क्षमते| सशोफकण्डूसन्तापो ग्रथिमांश्च भवति| तत्र च यथास्वं प्रतिकुर्वीत| दुष्टरक्ते च रक्तमवसेचयेत्| क्षीणरक्तं स्नेहपाननस्यमांसरसाशनाभ्यङ्गैर्बृंहयेत्||३८||
🔊 Audio coming soon
Adhikarana upadravapratIkAraH (39) · Śloka 39
ஸர்வத்ர சைவமபி ஸோபத்ரவஸந்தௌ ஸந்திஂ விமுச்ய பூர்வாபசாரோபஸ்தாபிதஸ்மதிஃ ஸம்யக் ஸந்ததீதேதி||௩௯||
सर्वत्र चैवमपि सोपद्रवसन्धौ सन्धिं विमुच्य पूर्वापचारोपस्थापितस्मृतिः सम्यक् सन्दधीतेति||३९||
🔊 Audio coming soon
Adhikarana sAmAnyopadeSaH (40) · Śloka 40
பவதி சாத்ர ந கர்ணே ஶோபராகாதியுக்தே ஸந்தாநமாசரேத்| ந கஸ்மரஸ்ய நாயுஷ்ணே நாவிஶுத்ததநோரபி||௪௦||
भवति चात्र न कर्णे शोफरागादियुक्ते सन्धानमाचरेत्| न घस्मरस्य नायुष्णे नाविशुद्धतनोरपि||४०||
🔊 Audio coming soon
Adhikarana karNavivardhanam (41) · Śloka 41
ஸுரூடஂ ஜாதரோமாணஂ ஶ்லிஷ்டஸந்திஂ ஸமஂ ஸ்திரம்| ஸுவர்ஷ்மாணமரோகஂ ச ஶநைஃ கர்ணஂ விவர்த்தயேத்| அந்யதா தாஹருக்தோதஶோபாஃ ஸ்யுஸ்தத்ர காரயேத்| ஶீதாந் ப்ரதேஹஸேகாதீந் ஶுத்திஞ்ச க்லேதநாஶிநீம்| ஸ்நேஹாவாநூபஜஂ தைலஂ ஸர்பிர்லாக்ஷரஸஂ ஸமம்| ஸாதயேந் மதுரஸ்கந்தஹயகந்தாமயூரகைஃ| பிஷ்டைர்தஶகுணக்ஷீரே தத்பரஂ கர்ணவர்த்தநம்| கடிநாஃ ஸருஜஃ க்ஷாமாஃ பால்யஃ ஸ்வேதிதமர்த்திதாஃ| அப்யக்தாஸ்தேந ஜாயந்தே மதவோ நீருஜஃ ஸ்திராஃ| பஹத்யௌ கச்சுராஂ வாரிஶுகமர்கஜடாஂ கதம்| மாக்ஷிகஂ ஶங்கிநீஂ தைலஂ ஸப்தாஹஂ தாம்ரபஜநே| ஸ்தாபயேத்தத்பரஂ கர்ணமாலேபாத்போஷயேத் கஶம்| சர்மசடிகாஜலௌகோஹயகந்தாஶபரகந்தகஂ துல்யம்| மாஹிஷநவநீதயுதஂ கபித்தகஂ கர்ணவர்தநஂ துல்யம்| மாஹிஷநவநீதயுதஂ கபித்தகஂ கர்ணவர்தநஂ ஸாக்ஷாத்| குர்யாச்சாப்யஞ்ஜாநாலேபாந் பாலீஶோஷே ப்ரகீர்திதாந்||௪௧||
सुरूढं जातरोमाणं श्लिष्टसन्धिं समं स्थिरम्| सुवर्ष्माणमरोगं च शनैः कर्णं विवर्द्धयेत्| अन्यथा दाहरुक्तोदशोफाः स्युस्तत्र कारयेत्| शीतान् प्रदेहसेकादीन् शुद्धिञ्च क्लेदनाशिनीम्| स्नेहावानूपजं तैलं सर्पिर्लाक्षरसं समम्| साधयेन् मधुरस्कन्धहयगन्धामयूरकैः| पिष्टैर्दशगुणक्षीरे तत्परं कर्णवर्द्धनम्| कठिनाः सरुजः क्षामाः पाल्यः स्वेदितमर्द्दिताः| अभ्यक्तास्तेन जायन्ते मृदवो नीरुजः स्थिराः| बृहत्यौ कच्छुरां वारिशुकमर्कजटां घृतम्| माक्षिकं शङ्खिनीं तैलं सप्ताहं ताम्रभजने| स्थापयेत्तत्परं कर्णमालेपात्पोषयेत् कृशम्| चर्मचटिकाजलौकोहयगन्धाशबरकन्दकं तुल्यम्| माहिषनवनीतयुतं कपित्थगं कर्णवर्धनं तुल्यम्| माहिषनवनीतयुतं कपित्थगं कर्णवर्धनं साक्षात्| कुर्याच्चाभ्यञ्जानालेपान् पालीशोषे प्रकीर्तितान्||४१||
🔊 Audio coming soon
Adhikarana nAsAsandhAnavidhiH (42) · Śloka 42
அத குர்யாத்வயஸ்தஸ்ய ச்சிந்நாஂ ஶுத்தஸ்ய நாஸிகாம்| சிந்த்யாந்நாஸாஸமஂ பத்ரஂ தத்துல்யஂ ச கபோலதஃ| த்வட்மாஂஸஂ நாஸிகாஸந்நே ரக்ஷஂஸ்தத்தநுதாஂ நயேத்| ஸீவ்யேத்கண்டஂ ததஃ ஸூச்யா ஸீவந்யா பிசுயுக்தயா| நாஸாச்சேதேऽத லிகிதே பரிவர்த்த்யோபரி த்வசம்| கபோலவத்ரஂ ஸந்தத்யாத் ஸீவ்யேந்நாஸாஂ ச யத்நதஃ| நாடீப்யாமுத்க்ஷிபேதந்தஃ ஸுகோச்ச்வாஸப்ரவத்தயே| ஆமதைலேந ஸிக்த்வாऽநு பதங்கமதுகாஞ்ஜநைஃ| ஶோணிதஸ்தாபநைஶ்சாந்யைஃ ஸுஶ்லக்ஷ்ணைரவசூர்ணயேத்| ததோ மதுததாப்யக்தபத்த்வாऽசாரிகமாதிஶேத்| ஜ்ஞாத்வாऽவஸ்தாந்தரஂ குர்யாத் ஸத்யோவ்ரணவிதிஂ ததஃ| சிந்த்யாத்ரூஷேऽதிகஂ மாஂஸஂ நாஸோபாந்தாச்ச சர்ம ததஃ| ஸீவ்யேத்ததஶ்ச ஸுஶ்லக்ஷ்ணஂ ஹீநஂ ஸஂவர்தயேத் புநஃ| நிவேஶிதே யதாந்யாஸஂ ஸத்யஃச்சிந்நேऽப்யயஂ விதிஃ||௪௨||
अथ कुर्याद्वयस्थस्य च्छिन्नां शुद्धस्य नासिकाम्| छिन्द्यान्नासासमं पत्रं तत्तुल्यं च कपोलतः| त्वड्मांसं नासिकासन्ने रक्षंस्तत्तनुतां नयेत्| सीव्येद्गण्डं ततः सूच्या सीवन्या पिचुयुक्तया| नासाच्छेदेऽथ लिखिते परिवर्त्त्योपरि त्वचम्| कपोलवध्रं सन्दध्यात् सीव्येन्नासां च यत्नतः| नाडीभ्यामुत्क्षिपेदन्तः सुखोच्छ्वासप्रवृत्तये| आमतैलेन सिक्त्वाऽनु पतङ्गमधुकाञ्जनैः| शोणितस्थापनैश्चान्यैः सुश्लक्ष्णैरवचूर्णयेत्| ततो मधुधृताभ्यक्तबद्ध्वाऽचारिकमादिशेत्| ज्ञात्वाऽवस्थान्तरं कुर्यात् सद्योव्रणविधिं ततः| छिन्द्याद्रूषेऽधिकं मांसं नासोपान्ताच्च चर्म ततः| सीव्येत्ततश्च सुश्लक्ष्णं हीनं संवर्धयेत् पुनः| निवेशिते यथान्यासं सद्यःच्छिन्नेऽप्ययं विधिः||४२||
🔊 Audio coming soon
Adhikarana oShThasandhAnavidhiH (43-22) · Śloka 22
நாடீயோகாத்விநௌஷ்டஸ்ய நாஸாஸந்தாநவத்விதிஃ||௪௩|| இதி வைத்யபதிஸிஂஹகுப்தஸ்ய ஸூநோர்வாக்படஸ்ய கதாவஷ்டாங்கஸஂக்ரஹஸஂஹிதாயாமுத்தரதந்த்ரே கர்ணரோகப்ரதிஷேதோ நாம த்வாவிஂஶோऽத்யாயஃ||௨௨||
नाडीयोगाद्विनौष्ठस्य नासासन्धानवद्विधिः||४३|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे कर्णरोगप्रतिषेधो नाम द्वाविंशोऽध्यायः||२२||
🔊 Audio coming soon