Adhikarana 1 (1-2) · Śloka 3
অথাত ইক্ষ্বাকুকল্পং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২|| সিদ্ধং বক্ষ্যাম্যথেক্ষ্বাকুকল্পং যেষাং প্রশস্যতে|৩|
अथात इक्ष्वाकुकल्पं व्याख्यास्यामः||१|| इति ह स्माह भगवानात्रेयः||२|| सिद्धं वक्ष्याम्यथेक्ष्वाकुकल्पं येषां प्रशस्यते|३|
🔊 Audio coming soon
Adhikarana 2 (3) · Śloka 4
লম্বাঽথ কটুকালাবূস্তুম্বী পিণ্ডফলা তথা||৩|| ইক্ষ্বাকুঃ ফলিনী চৈব প্রোচ্যতে তস্য কল্পনা|৪|
लम्बाऽथ कटुकालाबूस्तुम्बी पिण्डफला तथा||३|| इक्ष्वाकुः फलिनी चैव प्रोच्यते तस्य कल्पना|४|
🔊 Audio coming soon
Adhikarana 3 (4) · Śloka 5
কাসশ্বাসবিষচ্ছর্দিজ্বরার্তে কফকর্ষিতে||৪|| প্রতাম্যতি নরে চৈব বমনার্থং তদিষ্যতে|৫|
कासश्वासविषच्छर्दिज्वरार्ते कफकर्षिते||४|| प्रताम्यति नरे चैव वमनार्थं तदिष्यते|५|
🔊 Audio coming soon
Adhikarana 4 (5-10) · Śloka 11
অপুষ্পস্য প্রবালানাং মুষ্টিং প্রাদেশসম্মিতম্||৫|| ক্ষীরপ্রস্থে শৃতং দদ্যাত্ পিত্তোদ্রিক্তে কফজ্বরে| পুষ্পাদিষু চ চত্বারঃ ক্ষীরে জীমূতকে যথা||৬|| যোগা হরিতপাণ্ডূনাং সুরামণ্ডেন পঞ্চমঃ| ফলস্বরসভাগং চ ত্রিগুণক্ষীরসাধিতম্||৭|| উরঃস্থিতে কফে দদ্যাত্ স্বরভেদে চ পীনসে| জীর্ণে মধ্যোদ্ধৃতে ক্ষীরং প্রক্ষিপেত্তদ্যদা দধি||৮|| জাতং স্যাত্ সকফে কাসে শ্বাসে বম্যাং চ তত্ পিবেত্| অজাক্ষীরেণ বীজানি ভাবযেত্ পাযযেত্ চ||৯|| বিষগুল্মোদরগ্রন্থিগণ্ডেষু শ্লীপদেষু চ| মস্তুনা বা ফলান্মধ্যং পাণ্ডুকুষ্ঠবিষার্দিতঃ||১০|| তেন তক্রং বিপক্বং বা সক্ষৌদ্রলবণং পিবেত্|১১|
अपुष्पस्य प्रवालानां मुष्टिं प्रादेशसम्मितम्||५|| क्षीरप्रस्थे शृतं दद्यात् पित्तोद्रिक्ते कफज्वरे| पुष्पादिषु च चत्वारः क्षीरे जीमूतके यथा||६|| योगा हरितपाण्डूनां सुरामण्डेन पञ्चमः| फलस्वरसभागं च त्रिगुणक्षीरसाधितम्||७|| उरःस्थिते कफे दद्यात् स्वरभेदे च पीनसे| जीर्णे मध्योद्धृते क्षीरं प्रक्षिपेत्तद्यदा दधि||८|| जातं स्यात् सकफे कासे श्वासे वम्यां च तत् पिबेत्| अजाक्षीरेण बीजानि भावयेत् पाययेत् च||९|| विषगुल्मोदरग्रन्थिगण्डेषु श्लीपदेषु च| मस्तुना वा फलान्मध्यं पाण्डुकुष्ठविषार्दितः||१०|| तेन तक्रं विपक्वं वा सक्षौद्रलवणं पिबेत्|११|
🔊 Audio coming soon
Adhikarana 5 (11) · Śloka 12
তুম্ব্যা ফলরসৈঃ শুষ্কৈঃ সপুষ্পৈরবচূর্ণিতম্||১১|| ছর্দযেন্মাল্যমাঘ্রায গন্ধসম্পত্সুখোচিতঃ|১২|
तुम्ब्या फलरसैः शुष्कैः सपुष्पैरवचूर्णितम्||११|| छर्दयेन्माल्यमाघ्राय गन्धसम्पत्सुखोचितः|१२|
🔊 Audio coming soon
Adhikarana 6 (12) · Śloka 13
ভক্ষযেত্ ফলমধ্যং বা গুডেন পললেন চ||১২|| ইক্ষ্বাকুফলতৈলং বা সিদ্ধং বা পূর্ববদ্ঘৃতম্|১৩|
भक्षयेत् फलमध्यं वा गुडेन पललेन च||१२|| इक्ष्वाकुफलतैलं वा सिद्धं वा पूर्ववद्घृतम्|१३|
🔊 Audio coming soon
Adhikarana 7 (13) · Śloka 14
পঞ্চাশদ্দশবৃদ্ধানি ফলাদীনাং যথোত্তরম্||১৩|| পিবেদ্বিমৃদ্য বীজানি কষাযেষ্বাশতং পৃথক্|১৪|
पञ्चाशद्दशवृद्धानि फलादीनां यथोत्तरम्||१३|| पिबेद्विमृद्य बीजानि कषायेष्वाशतं पृथक्|१४|
🔊 Audio coming soon
Adhikarana 8 (14) · Śloka 14
যষ্ট্যাহ্বকোবিদারাদ্যৈর্মুষ্টিমন্তর্নখং পিবেত্||১৪||
यष्ट्याह्वकोविदाराद्यैर्मुष्टिमन्तर्नखं पिबेत्||१४||
🔊 Audio coming soon
Adhikarana 9 (15) · Śloka 15
কষাযৈঃ কোবিদারাদ্যৈর্মাত্রাশ্চ ফলবত্ স্মৃতাঃ|১৫|
कषायैः कोविदाराद्यैर्मात्राश्च फलवत् स्मृताः|१५|
🔊 Audio coming soon
Adhikarana 10 (15-18) · Śloka 19
বিল্বমূলকষাযেণ তুম্বীবীজাঞ্জলিং পচেত্||১৫|| পূতস্যাস্য ত্রযো ভাগাশ্চতুর্থঃ ফাণিতস্য তু| সঘৃতো বীজভাগশ্চ পিষ্টানর্ধাংশিকাংস্তথা ||১৬|| মহাজালিনিজীমূতকৃতবেধনবত্সকান্| তং লেহং সাধযেদ্দর্ব্যা ঘট্টযন্মৃদুনাঽগ্নিনা||১৭|| যাবত্ স্যাত্তন্তুমত্তোযে পতিতং তু ন শীর্যতে| তং লিহন্মাত্রযা লেহং প্রমথ্যাং চ পিবেদনু||১৮|| কল্প এষোঽগ্নিমন্থাদৌ চতুষ্কে পৃথগুচ্যতে|১৯|
बिल्वमूलकषायेण तुम्बीबीजाञ्जलिं पचेत्||१५|| पूतस्यास्य त्रयो भागाश्चतुर्थः फाणितस्य तु| सघृतो बीजभागश्च पिष्टानर्धांशिकांस्तथा ||१६|| महाजालिनिजीमूतकृतवेधनवत्सकान्| तं लेहं साधयेद्दर्व्या घट्टयन्मृदुनाऽग्निना||१७|| यावत् स्यात्तन्तुमत्तोये पतितं तु न शीर्यते| तं लिहन्मात्रया लेहं प्रमथ्यां च पिबेदनु||१८|| कल्प एषोऽग्निमन्थादौ चतुष्के पृथगुच्यते|१९|
🔊 Audio coming soon
Adhikarana 11 (19) · Śloka 20
শক্তুভির্বা পিবেন্মন্থং তুম্বীস্বরসভাবিতৈঃ||১৯|| কফজেঽথ জ্বরে কাসে কণ্ঠরোগেষ্বরোচকে|২০|
शक्तुभिर्वा पिबेन्मन्थं तुम्बीस्वरसभावितैः||१९|| कफजेऽथ ज्वरे कासे कण्ठरोगेष्वरोचके|२०|
🔊 Audio coming soon
Adhikarana 12 (20) · Śloka 20
গুল্মে মেহে প্রসেকে চ কল্কং মাংসরসৈঃ পিবেত্| নরঃ সাধু বমত্যেবং ন চ দৌর্বল্যমশ্নুতে||২০||
गुल्मे मेहे प्रसेके च कल्कं मांसरसैः पिबेत्| नरः साधु वमत्येवं न च दौर्बल्यमश्नुते||२०||
🔊 Audio coming soon
Adhikarana 13 (21-23) · Śloka 23
তত্র শ্লোকাঃ- পযস্যষ্টৌ সুরামণ্ড-মস্তু-তক্রেষু চ ত্রযঃ| ঘ্রেযং সপললং তৈলং বর্ধমানাঃ ফলেষু ষট্||২১|| ঘৃতমেকং কষাযেষু নবান্যে মধুকাদিষু| অষ্টৌ বর্তিক্রিযা লেহাঃ পঞ্চ মন্থো রসস্তথা||২২|| যোগা ইক্ষ্বাকুকল্পে তে চত্বারিংশচ্চ পঞ্চ চ| উক্তা মহর্ষিণা সম্যক্ প্রজানাং হিতকাম্যযা||২৩||
तत्र श्लोकाः- पयस्यष्टौ सुरामण्ड-मस्तु-तक्रेषु च त्रयः| घ्रेयं सपललं तैलं वर्धमानाः फलेषु षट्||२१|| घृतमेकं कषायेषु नवान्ये मधुकादिषु| अष्टौ वर्तिक्रिया लेहाः पञ्च मन्थो रसस्तथा||२२|| योगा इक्ष्वाकुकल्पे ते चत्वारिंशच्च पञ्च च| उक्ता महर्षिणा सम्यक् प्रजानां हितकाम्यया||२३||
🔊 Audio coming soon
Adhikarana puShpikA · Śloka 3
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে ইক্ষ্বাকুকল্পো নাম তৃতীযোঽধ্যাযঃ||৩||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने इक्ष्वाकुकल्पो नाम तृतीयोऽध्यायः||३||
🔊 Audio coming soon