3. ikṣvākukalpaḥ

Adhikarana 1 (1-2) · Śloka 3

અથાત ઇક્ષ્વાકુકલ્પં વ્યાખ્યાસ્યામઃ||૧|| ઇતિ હ સ્માહ ભગવાનાત્રેયઃ||૨|| સિદ્ધં વક્ષ્યામ્યથેક્ષ્વાકુકલ્પં યેષાં પ્રશસ્યતે|૩|

Adhikarana 2 (3) · Śloka 4

લમ્બાઽથ કટુકાલાબૂસ્તુમ્બી પિણ્ડફલા તથા||૩|| ઇક્ષ્વાકુઃ ફલિની ચૈવ પ્રોચ્યતે તસ્ય કલ્પના|૪|

Adhikarana 3 (4) · Śloka 5

કાસશ્વાસવિષચ્છર્દિજ્વરાર્તે કફકર્ષિતે||૪|| પ્રતામ્યતિ નરે ચૈવ વમનાર્થં તદિષ્યતે|૫|

Adhikarana 4 (5-10) · Śloka 11

અપુષ્પસ્ય પ્રવાલાનાં મુષ્ટિં પ્રાદેશસમ્મિતમ્||૫|| ક્ષીરપ્રસ્થે શૃતં દદ્યાત્ પિત્તોદ્રિક્તે કફજ્વરે| પુષ્પાદિષુ ચ ચત્વારઃ ક્ષીરે જીમૂતકે યથા||૬|| યોગા હરિતપાણ્ડૂનાં સુરામણ્ડેન પઞ્ચમઃ| ફલસ્વરસભાગં ચ ત્રિગુણક્ષીરસાધિતમ્||૭|| ઉરઃસ્થિતે કફે દદ્યાત્ સ્વરભેદે ચ પીનસે| જીર્ણે મધ્યોદ્ધૃતે ક્ષીરં પ્રક્ષિપેત્તદ્યદા દધિ||૮|| જાતં સ્યાત્ સકફે કાસે શ્વાસે વમ્યાં ચ તત્ પિબેત્| અજાક્ષીરેણ બીજાનિ ભાવયેત્ પાયયેત્ ચ||૯|| વિષગુલ્મોદરગ્રન્થિગણ્ડેષુ શ્લીપદેષુ ચ| મસ્તુના વા ફલાન્મધ્યં પાણ્ડુકુષ્ઠવિષાર્દિતઃ||૧૦|| તેન તક્રં વિપક્વં વા સક્ષૌદ્રલવણં પિબેત્|૧૧|

Adhikarana 5 (11) · Śloka 12

તુમ્બ્યા ફલરસૈઃ શુષ્કૈઃ સપુષ્પૈરવચૂર્ણિતમ્||૧૧|| છર્દયેન્માલ્યમાઘ્રાય ગન્ધસમ્પત્સુખોચિતઃ|૧૨|

Adhikarana 6 (12) · Śloka 13

ભક્ષયેત્ ફલમધ્યં વા ગુડેન પલલેન ચ||૧૨|| ઇક્ષ્વાકુફલતૈલં વા સિદ્ધં વા પૂર્વવદ્ઘૃતમ્|૧૩|

Adhikarana 7 (13) · Śloka 14

પઞ્ચાશદ્દશવૃદ્ધાનિ ફલાદીનાં યથોત્તરમ્||૧૩|| પિબેદ્વિમૃદ્ય બીજાનિ કષાયેષ્વાશતં પૃથક્|૧૪|

Adhikarana 8 (14) · Śloka 14

યષ્ટ્યાહ્વકોવિદારાદ્યૈર્મુષ્ટિમન્તર્નખં પિબેત્||૧૪||

Adhikarana 9 (15) · Śloka 15

કષાયૈઃ કોવિદારાદ્યૈર્માત્રાશ્ચ ફલવત્ સ્મૃતાઃ|૧૫|

Adhikarana 10 (15-18) · Śloka 19

બિલ્વમૂલકષાયેણ તુમ્બીબીજાઞ્જલિં પચેત્||૧૫|| પૂતસ્યાસ્ય ત્રયો ભાગાશ્ચતુર્થઃ ફાણિતસ્ય તુ| સઘૃતો બીજભાગશ્ચ પિષ્ટાનર્ધાંશિકાંસ્તથા ||૧૬|| મહાજાલિનિજીમૂતકૃતવેધનવત્સકાન્| તં લેહં સાધયેદ્દર્વ્યા ઘટ્ટયન્મૃદુનાઽગ્નિના||૧૭|| યાવત્ સ્યાત્તન્તુમત્તોયે પતિતં તુ ન શીર્યતે| તં લિહન્માત્રયા લેહં પ્રમથ્યાં ચ પિબેદનુ||૧૮|| કલ્પ એષોઽગ્નિમન્થાદૌ ચતુષ્કે પૃથગુચ્યતે|૧૯|

Adhikarana 11 (19) · Śloka 20

શક્તુભિર્વા પિબેન્મન્થં તુમ્બીસ્વરસભાવિતૈઃ||૧૯|| કફજેઽથ જ્વરે કાસે કણ્ઠરોગેષ્વરોચકે|૨૦|

Adhikarana 12 (20) · Śloka 20

ગુલ્મે મેહે પ્રસેકે ચ કલ્કં માંસરસૈઃ પિબેત્| નરઃ સાધુ વમત્યેવં ન ચ દૌર્બલ્યમશ્નુતે||૨૦||

Adhikarana 13 (21-23) · Śloka 23

તત્ર શ્લોકાઃ- પયસ્યષ્ટૌ સુરામણ્ડ-મસ્તુ-તક્રેષુ ચ ત્રયઃ| ઘ્રેયં સપલલં તૈલં વર્ધમાનાઃ ફલેષુ ષટ્||૨૧|| ઘૃતમેકં કષાયેષુ નવાન્યે મધુકાદિષુ| અષ્ટૌ વર્તિક્રિયા લેહાઃ પઞ્ચ મન્થો રસસ્તથા||૨૨|| યોગા ઇક્ષ્વાકુકલ્પે તે ચત્વારિંશચ્ચ પઞ્ચ ચ| ઉક્તા મહર્ષિણા સમ્યક્ પ્રજાનાં હિતકામ્યયા||૨૩||

Adhikarana puShpikA · Śloka 3

ઇત્યગ્નિવેશકૃતે તન્ત્રે ચરકપ્રતિસંસ્કૃતેઽપ્રાપ્તે દૃઢબલસમ્પૂરિતે કલ્પસ્થાને ઇક્ષ્વાકુકલ્પો નામ તૃતીયોઽધ્યાયઃ||૩||