2. jīmūtakakalpaḥ

Adhikarana 1 (1-2) · Śloka 2

અથાતો જીમૂતકકલ્પં વ્યાખ્યાસ્યામઃ||૧|| ઇતિ હ સ્માહ ભગવાનાત્રેયઃ||૨||

Adhikarana 2 (3) · Śloka 3

કલ્પં જીમૂતકસ્યેમં ફલપુષ્પાશ્રયં શુણુ| ગરાગરી ચ વેણી ચ તથા સ્યાદ્દેવતાડકઃ||૩||

Adhikarana 3 (4) · Śloka 4

જીમૂતકં ત્રિદોષઘ્નં યથાસ્વૌષધકલ્પિતમ્| પ્રયોક્તવ્યં જ્વરશ્વાસહિક્કાદ્યેષ્વામયેષુ ચ||૪||

Adhikarana 4 (5-7) · Śloka 7

યથોક્તગુણયુક્તાનાં દેશજાનાં યથાવિધિ| પયઃ પુષ્પેઽસ્ય, નિર્વૃત્તે ફલે પેયા પયસ્કૃતા||૫|| લોમશે ક્ષીરસન્તાનં, દધ્યુત્તરમલોમશે| શૃતે પયસિ દધ્યમ્લં જાતં હરિતપાણ્ડુકે||૬|| જીર્ણાનાં ચ સુશુષ્કાણાં ન્યસ્તાનાં ભાજને શુચૌ| ચૂર્ણસ્ય પયસા શુક્તિં વાતપિત્તાર્દિતઃ પિબેત્||૭||

Adhikarana 5 (8-10) · Śloka 11

આસુત્ય ચ સુરામણ્ડે મૃદિત્વા પ્રસ્રુતં પિબેત્| કફજેઽરોચકે કાસે પાણ્ડુરોગે સયક્ષ્મણિ||૮|| દ્વે ચાપોથ્યાથવા ત્રીણિ ગુડૂચ્યા મધુકસ્ય વા| કોવિદારાદિકાનાં વા નિમ્બસ્ય કુટજસ્ય વા||૯|| કષાયેષ્વાસુતં પૂત્વા તેનૈવ વિધિના પિબેત્| અથવાઽઽરગ્વધાદીનાં સપ્તાનાં પૂર્વવત્ પિબેત્||૧૦|| એકૈકસ્ય કષાયેણ પિત્તશ્લેષ્મજ્વરાર્દિતઃ|૧૧|

Adhikarana 6 (11) · Śloka 11

માત્રાઃ સ્યુઃ ફલવચ્ચાષ્ટૌ કોલમાત્રાસ્તુ તા મતાઃ||૧૧||

Adhikarana 7 (12) · Śloka 12

જીવકર્ષભકેક્ષૂણાં શતાવર્યા રસેન વા| પિત્તશ્લેષ્મજ્વરે દદ્યાદ્વાતપિત્તજ્વરેઽથવા||૧૨||

Adhikarana 8 (13) · Śloka 13

તથા જીમૂતકક્ષીરાત્ સમુત્પન્નં પચેદ્ઘૃતમ્| ફલાદીનાં કષાયેણ શ્રેષ્ઠં તદ્વમનં મતમ્||૧૩||

Adhikarana 9 (14-15) · Śloka 15

તત્ર શ્લોકૌ- ષટ્ ક્ષીરે મદિરામણ્ડે એકો દ્વાદશ ચાપરે| સપ્ત ચારગ્વધાદીનાં કષાયેઽષ્ટૌ ચ વર્તિષુ||૧૪|| જીવકાદિષુ ચત્વારો ઘૃતં ચૈકં પ્રકીર્તિતમ્| કલ્પે જીમૂતકાનાં ચ યોગાસ્ત્રિંશન્નવાધિકાઃ||૧૫||

Adhikarana puShpikA · Śloka 2

ઇત્યગ્નિવેશકૃતે તન્ત્રે ચરકપ્રતિસંસ્કૃતેઽપ્રાપ્તે દૃઢબલસમ્પૂરિતે કલ્પસ્થાને જીમૂતકકલ્પો નામ દ્વિતીયોઽધ્યાયઃ||૨||