Adhikarana madyajadAhalakShaNam (1) · Śloka 1
atha dāhanidānam| tvacaṁ prāptaḥ sa pānōṣmā pittaraktābhimūrchitaḥ | dāhaṁ prakurutē ghōraṁ pittavattatra bhēṣajam ||1||
अथ दाहनिदानम्| त्वचं प्राप्तः स पानोष्मा पित्तरक्ताभिमूर्छितः | दाहं प्रकुरुते घोरं पित्तवत्तत्र भेषजम् ||१||
🔊 Audio coming soon
Adhikarana raktajadAhalakShaNam (2-3) · Śloka 2
kr̥tsnadēhānugaṁ raktamudriktaṁ dahati dhruvam | sa uṣyatē tr̥ṣyatē ca tāmrābhastāmralōcanaḥ ||2|| lōhagandhāṅgavadanō vahninēvāvakīryatē | (su. u. taṁ. a. 47) |
कृत्स्नदेहानुगं रक्तमुद्रिक्तं दहति ध्रुवम् | स उष्यते तृष्यते च ताम्राभस्ताम्रलोचनः ||२|| लोहगन्धाङ्गवदनो वह्निनेवावकीर्यते | (सु. उ. तं. अ. ४७) |
🔊 Audio coming soon
Adhikarana pittajadAhalakShaNam (3) · Śloka 3
pittajvarasamaḥ pittātsa cāpyasya vidhiḥ smr̥taḥ ||3|| (su. u. taṁ. a. 47) |
पित्तज्वरसमः पित्तात्स चाप्यस्य विधिः स्मृतः ||३|| (सु. उ. तं. अ. ४७) |
🔊 Audio coming soon
Adhikarana tRuShNAnirodhajadAhalakShaNam (4) · Śloka 4
tr̥ṣṇānirōdhādabdhātau kṣīṇē tējaḥ samuddhatam | sabāhyābhyantaraṁ dēhaṁ pradahēnmandacētasaḥ ||4|| saṁśuṣkagalatālvōṣṭhō jihvāṁ niṣkr̥ṣya vēpatē | (su. u. taṁ. a. 47) |
तृष्णानिरोधादब्धातौ क्षीणे तेजः समुद्धतम् | सबाह्याभ्यन्तरं देहं प्रदहेन्मन्दचेतसः ||४|| संशुष्कगलताल्वोष्ठो जिह्वां निष्कृष्य वेपते | (सु. उ. तं. अ. ४७) |
🔊 Audio coming soon
Adhikarana raktapUrNakoShThajadAhalakShaNam (5) · Śloka 5
asr̥jaḥ pūrṇakōṣṭhasya dāhō'nyaḥ syāt suduḥsahaḥ ||5|| (su. u. taṁ. a. 47) |
असृजः पूर्णकोष्ठस्य दाहोऽन्यः स्यात् सुदुःसहः ||५|| (सु. उ. तं. अ. ४७) |
🔊 Audio coming soon
Adhikarana dhAtukShayajadAhalakShaNam (6) · Śloka 6
dhātukṣayōtthō yō dāhastēna mūrchātr̥ḍarditaḥ | kṣāmasvaraḥ kriyāhīnaḥ sa sīdēdbhr̥śapīḍitaḥ ||6|| (su. u. taṁ. a. 47) |
धातुक्षयोत्थो यो दाहस्तेन मूर्छातृडर्दितः | क्षामस्वरः क्रियाहीनः स सीदेद्भृशपीडितः ||६|| (सु. उ. तं. अ. ४७) |
🔊 Audio coming soon
Adhikarana kShatajadAhalakShaNaM, marmAbhighAtajadAhalakShaNaM, dAhAnAmasAdhyalakShaNaM ca (7-8) · Śloka 8
kṣatajō'naśnataścānnaṁ śōcatō vā'pyanēkadhā | tēnāntardahyatē'tyarthaṁ tr̥ṣṇāmūrchāpralāpavān ||7|| marmābhighātajō'pyasti sō'sādhyaḥ saptamō mataḥ | sarva ēva ca varjyāḥ syuḥ śītagātrasya dēhinaḥ ||8|| (su. u. taṁ. a. 47) |
क्षतजोऽनश्नतश्चान्नं शोचतो वाऽप्यनेकधा | तेनान्तर्दह्यतेऽत्यर्थं तृष्णामूर्छाप्रलापवान् ||७|| मर्माभिघातजोऽप्यस्ति सोऽसाध्यः सप्तमो मतः | सर्व एव च वर्ज्याः स्युः शीतगात्रस्य देहिनः ||८|| (सु. उ. तं. अ. ४७) |
🔊 Audio coming soon
Adhikarana puShpikA · Śloka 19
iti śrīmādhavakaraviracitē mādhavanidānē dāhanidānaṁ samāptam ||19||
इति श्रीमाधवकरविरचिते माधवनिदाने दाहनिदानं समाप्तम् ||१९||
🔊 Audio coming soon