Adhikarana madAtyayanidAnam (1) · Śloka 1
atha pānātyaya-paramada-pānājīrṇa-pānavibhramanidānam | yē viṣasya guṇāḥ prōktāstē'pi madyē pratiṣṭhitāḥ | tēna mithyōpayuktēna bhavatyugrō madātyayaḥ ||1||
अथ पानात्यय-परमद-पानाजीर्ण-पानविभ्रमनिदानम् | ये विषस्य गुणाः प्रोक्तास्तेऽपि मद्ये प्रतिष्ठिताः | तेन मिथ्योपयुक्तेन भवत्युग्रो मदात्ययः ||१||
🔊 Audio coming soon
Adhikarana madyasvabhAvaH (2-3) · Śloka 3
kintu madyaṁ svabhāvēna yathaivānnaṁ tathā smr̥tam | ayuktiyuktaṁ rōgāya yuktiyuktaṁ yathā'mr̥tam ||2|| prāṇāḥ prāṇabhr̥tāmannaṁ tadayuktyā hinastyasūn | viṣaṁ prāṇaharaṁ tacca yuktiyuktaṁ rasāyanam ||3|| (ca. ci. a. 24) |
किन्तु मद्यं स्वभावेन यथैवान्नं तथा स्मृतम् | अयुक्तियुक्तं रोगाय युक्तियुक्तं यथाऽमृतम् ||२|| प्राणाः प्राणभृतामन्नं तदयुक्त्या हिनस्त्यसून् | विषं प्राणहरं तच्च युक्तियुक्तं रसायनम् ||३|| (च. चि. अ. २४) |
🔊 Audio coming soon
Adhikarana vidhinopayuktamadyaphalam (4-6) · Śloka 6
vidhinā mātrayā kālē hitairannairyathābalam | prahr̥ṣṭō yaḥ pibēnmadyaṁ tasya syādamr̥tōpamam ||4|| (ca. ci. a. 24) | snigdhaistadannairmāṁsaiśca bhakṣyaiśca saha sēvitam | bhavēdāyuḥprakarṣāya balāyōpacayāya ca ||5|| kāmyatā manasastuṣṭistējō vikrama ēva ca | vidhivatsēvyamānē tu madyē sannihitā guṇāḥ ||6|| (su. u. taṁ. a. 47) |
विधिना मात्रया काले हितैरन्नैर्यथाबलम् | प्रहृष्टो यः पिबेन्मद्यं तस्य स्यादमृतोपमम् ||४|| (च. चि. अ. २४) | स्निग्धैस्तदन्नैर्मांसैश्च भक्ष्यैश्च सह सेवितम् | भवेदायुःप्रकर्षाय बलायोपचयाय च ||५|| काम्यता मनसस्तुष्टिस्तेजो विक्रम एव च | विधिवत्सेव्यमाने तु मद्ये सन्निहिता गुणाः ||६|| (सु. उ. तं. अ. ४७) |
🔊 Audio coming soon
Adhikarana prathamamadalakShaNam (7) · Śloka 7
buddhismr̥tiprītikaraḥ sukhaśca pānānnanidrārativardhanaśca | sampāṭhagītasvaravardhanaśca prōktō'tiramyaḥ prathamō madō hi ||7||
बुद्धिस्मृतिप्रीतिकरः सुखश्च पानान्ननिद्रारतिवर्धनश्च | सम्पाठगीतस्वरवर्धनश्च प्रोक्तोऽतिरम्यः प्रथमो मदो हि ||७||
🔊 Audio coming soon
Adhikarana dvitIyamadalakShaNam (8) · Śloka 8
avyaktabuddhismr̥tivāgvicēṣṭaḥ sōnmattalīlākr̥tirapraśāntaḥ | ālasyanidrābhihatō muhuśca madhyēna mattaḥ puruṣō madēna ||8||
अव्यक्तबुद्धिस्मृतिवाग्विचेष्टः सोन्मत्तलीलाकृतिरप्रशान्तः | आलस्यनिद्राभिहतो मुहुश्च मध्येन मत्तः पुरुषो मदेन ||८||
🔊 Audio coming soon
Adhikarana tRutIyamadalakShaNam (9) · Śloka 9
gacchēdagamyānna gurūṁśca manyēt khādēdabhakṣyāṇi ca naṣṭasañjñaḥ | brūyācca guhyāni hr̥di sthitāni madē tr̥tīyē puruṣō'svatantraḥ ||9||
गच्छेदगम्यान्न गुरूंश्च मन्येत् खादेदभक्ष्याणि च नष्टसञ्ज्ञः | ब्रूयाच्च गुह्यानि हृदि स्थितानि मदे तृतीये पुरुषोऽस्वतन्त्रः ||९||
🔊 Audio coming soon
Adhikarana caturthamadalakShaNam (10-11) · Śloka 11
caturthē tu madē mūḍhō bhagnadārviva niṣkriyaḥ | kāryākāryavibhāgajñō mr̥tādapyaparō mr̥taḥ ||10|| kō madaṁ tādr̥śaṁ gacchēdunmādamiva cāparam | bahudōṣamivāmūḍhaḥ kāntāraṁ svavaśaḥ kr̥tī ||11||
चतुर्थे तु मदे मूढो भग्नदार्विव निष्क्रियः | कार्याकार्यविभागज्ञो मृतादप्यपरो मृतः ||१०|| को मदं तादृशं गच्छेदुन्मादमिव चापरम् | बहुदोषमिवामूढः कान्तारं स्ववशः कृती ||११||
🔊 Audio coming soon
Adhikarana avidhikRutamadyapAnasya vikArAntarahetutvam (12) · Śloka 12
nirbhaktamēkāntata ēva madyaṁ niṣēvyamāṇaṁ manujēna nityam | āpādayētkaṣṭatamānvikārānāpādayēccāpi śarīrabhēdam ||12|| (sa. u. a. 47) |
निर्भक्तमेकान्तत एव मद्यं निषेव्यमाणं मनुजेन नित्यम् | आपादयेत्कष्टतमान्विकारानापादयेच्चापि शरीरभेदम् ||१२|| (स. उ. अ. ४७) |
🔊 Audio coming soon
Adhikarana annasahitasyApi madyasya kruddhatvAdikAraNasahitasya vikArakAritvapradarshanam (13-14) · Śloka 14
kruddhēna bhītēna pipāsitēna śōkābhitaptēna bubhukṣitēna | vyāyāmabhārādhvaparikṣatēna vēgāvarōdhābhihatēna cāpi ||13|| atyambubhakṣāvatatōdarēṇa sājīrṇabhuktēna tathā'balēna | uṣṇābhitaptēna ca sēvyamānaṁ karōti madyaṁ vividhānvikārān ||14|| (su. u. taṁ. a. 47) |
क्रुद्धेन भीतेन पिपासितेन शोकाभितप्तेन बुभुक्षितेन | व्यायामभाराध्वपरिक्षतेन वेगावरोधाभिहतेन चापि ||१३|| अत्यम्बुभक्षावततोदरेण साजीर्णभुक्तेन तथाऽबलेन | उष्णाभितप्तेन च सेव्यमानं करोति मद्यं विविधान्विकारान् ||१४|| (सु. उ. तं. अ. ४७) |
🔊 Audio coming soon
Adhikarana madyotthavikArabhedAH (15) · Śloka 15
pānātyayaṁ paramadaṁ pānājīrṇamathāpi vā | pānavibhramamugraṁ ca tēṣāṁ vakṣyāmi lakṣaṇam ||15|| (su. u. taṁ. a. 47) |
पानात्ययं परमदं पानाजीर्णमथापि वा | पानविभ्रममुग्रं च तेषां वक्ष्यामि लक्षणम् ||१५|| (सु. उ. तं. अ. ४७) |
🔊 Audio coming soon
Adhikarana vAtika-paittika-shlaiShmikamadAtyayalakShaNam (16-18) · Śloka 18
hikkāśvāsaśiraḥkampapārśvaśūlaprajāgaraiḥ | vidyādbahupralāpasya vātaprāyaṁ madātyayam ||16|| tr̥ṣṇādāhajvarasvēdamōhātīsāravibhramaiḥ | vidyāddharitavarṇasya pittaprāyaṁ madātyayam ||17|| chardyarōcakahr̥llāsatandrāstaimityagauravaiḥ | vidyācchītaparītasya kaphaprāyaṁ madātyayam | jñēyastridōṣajaścāpi sarvaliṅgairmadātyayaḥ ||18|| (ca. ci. a. 24) |
हिक्काश्वासशिरःकम्पपार्श्वशूलप्रजागरैः | विद्याद्बहुप्रलापस्य वातप्रायं मदात्ययम् ||१६|| तृष्णादाहज्वरस्वेदमोहातीसारविभ्रमैः | विद्याद्धरितवर्णस्य पित्तप्रायं मदात्ययम् ||१७|| छर्द्यरोचकहृल्लासतन्द्रास्तैमित्यगौरवैः | विद्याच्छीतपरीतस्य कफप्रायं मदात्ययम् | ज्ञेयस्त्रिदोषजश्चापि सर्वलिङ्गैर्मदात्ययः ||१८|| (च. चि. अ. २४) |
🔊 Audio coming soon
Adhikarana paramadalakShaNam (19) · Śloka 19
ślēṣmōcchrayō'ṅgagurutā virasāsyatā ca viṇmūtrasaktiratha tandrirarōcakaśca | liṅgaṁ parasya ca madasya vadanti tajjñāstr̥ṣṇā rujā śirasi sandhiṣu cāpi bhēdaḥ ||19|| (su. u. taṁ. a. 47) |
श्लेष्मोच्छ्रयोऽङ्गगुरुता विरसास्यता च विण्मूत्रसक्तिरथ तन्द्रिररोचकश्च | लिङ्गं परस्य च मदस्य वदन्ति तज्ज्ञास्तृष्णा रुजा शिरसि सन्धिषु चापि भेदः ||१९|| (सु. उ. तं. अ. ४७) |
🔊 Audio coming soon
Adhikarana pAnAjIrNalakShaNam (20) · Śloka 20
ādhmānamugramatha cōdgiraṇaṁ vidāhaḥ pānē'jarāṁ samupagacchati lakṣaṇāni |20| (su. u. taṁ. a. 47) |
आध्मानमुग्रमथ चोद्गिरणं विदाहः पानेऽजरां समुपगच्छति लक्षणानि |२०| (सु. उ. तं. अ. ४७) |
🔊 Audio coming soon
Adhikarana pAnavibhramalakShaNam (20) · Śloka 20
hr̥dgātratōdakaphasaṁsravakaṇṭhadhūmā mūrchāvamijvaraśirōrujanapradāhāḥ ||20|| dvēṣaḥ surānnavikr̥tēṣvapi tēṣu tēṣu taṁ pānavibhramamuśantyakhilēna dhīrāḥ | (su. u. taṁ. a. 47) |
हृद्गात्रतोदकफसंस्रवकण्ठधूमा मूर्छावमिज्वरशिरोरुजनप्रदाहाः ||२०|| द्वेषः सुरान्नविकृतेष्वपि तेषु तेषु तं पानविभ्रममुशन्त्यखिलेन धीराः | (सु. उ. तं. अ. ४७) |
🔊 Audio coming soon
Adhikarana pAnAtyayAdInAmasAdhyalakShaNam (21) · Śloka 21
hīnōttarauṣṭhamatiśītamamandadāhaṁ tailaprabhāsyamapi pānahataṁ tyajēttu ||21|| jihvauṣṭhadantamasitaṁ tvathavā'pi nīlaṁ pītē ca yasya nayanē rudhiraprabhē vā | (su. u. taṁ. a. 47) |
हीनोत्तरौष्ठमतिशीतममन्ददाहं तैलप्रभास्यमपि पानहतं त्यजेत्तु ||२१|| जिह्वौष्ठदन्तमसितं त्वथवाऽपि नीलं पीते च यस्य नयने रुधिरप्रभे वा | (सु. उ. तं. अ. ४७) |
🔊 Audio coming soon
Adhikarana pAnAtyayAdInAmupadravAH (22) · Śloka 22
hikkājvarau vamathuvēpathupārśvaśūlāḥ kāsabhramāvapi ca pānahataṁ bhajantē ||22|| (su. u. taṁ. a. 47) |
हिक्काज्वरौ वमथुवेपथुपार्श्वशूलाः कासभ्रमावपि च पानहतं भजन्ते ||२२|| (सु. उ. तं. अ. ४७) |
🔊 Audio coming soon
Adhikarana puShpikA · Śloka 18
iti śrīmādhavakaraviracitē mādhavanidānē pānātyayaparamadapānājīrṇapānavibhramanidānaṁ samāptam ||18||
इति श्रीमाधवकरविरचिते माधवनिदाने पानात्ययपरमदपानाजीर्णपानविभ्रमनिदानं समाप्तम् ||१८||
🔊 Audio coming soon