Adhikarana 1 (1-2) · Śloka 2
অথাতো নৈগমেষপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो नैगमेषप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
36. naigamēṣapratiṣēdhādhyāyaḥ
Adhikarana 2 (3-4) · Śloka 4
বিল্বাগ্নিমন্থপূতীকাঃ কার্যাঃ স্যুঃ পরিষেচনে | সুরা সবীজং ধান্যাম্লং পরিষেকে চ শস্যতে ||৩|| প্রিযঙ্গুসরলানন্তাশতপুষ্পাকুটন্নটৈঃ | পচেত্তৈলং সগোমূত্রৈর্দধিমস্ত্বম্লকাঞ্জিকৈঃ ||৪||
View original
बिल्वाग्निमन्थपूतीकाः कार्याः स्युः परिषेचने | सुरा सबीजं धान्याम्लं परिषेके च शस्यते ||३|| प्रियङ्गुसरलानन्ताशतपुष्पाकुटन्नटैः | पचेत्तैलं सगोमूत्रैर्दधिमस्त्वम्लकाञ्जिकैः ||४||
🔊 Audio coming soon
Adhikarana 3 (5) · Śloka 5
পঞ্চমূলদ্বযক্বাথে ক্ষীরে মধুরকেষু চ | পচেদ্ঘৃতং চ মেধাবী খর্জূরীমস্তকেঽপি বা ||৫||
View original
पञ्चमूलद्वयक्वाथे क्षीरे मधुरकेषु च | पचेद्घृतं च मेधावी खर्जूरीमस्तकेऽपि वा ||५||
🔊 Audio coming soon
Adhikarana 4 (6) · Śloka 6
বচাং বযঃস্থাং গোলোমীং জটিলাং চাপি ধারযেত্ | উত্সাদনং হিতং চাত্র স্কন্দাপস্মারনাশনম্ ||৬||
View original
वचां वयःस्थां गोलोमीं जटिलां चापि धारयेत् | उत्सादनं हितं चात्र स्कन्दापस्मारनाशनम् ||६||
🔊 Audio coming soon
Adhikarana 5 (7) · Śloka 7
সিদ্ধার্থকবচাহিঙ্গুকুষ্ঠং চৈবাক্ষতৈঃ সহ | ভল্লাতকাজমোদাশ্চ হিতমুদ্ধূপনং শিশোঃ ||৭||
View original
सिद्धार्थकवचाहिङ्गुकुष्ठं चैवाक्षतैः सह | भल्लातकाजमोदाश्च हितमुद्धूपनं शिशोः ||७||
🔊 Audio coming soon
Adhikarana 6 (8) · Śloka 8
মর্কটোলূকগৃধ্রাণাং পুরীষাণি নবগ্রহে | ধূপঃ সুপ্তে জনে কার্যো বালস্য হিতমিচ্ছতা ||৮||
View original
मर्कटोलूकगृध्राणां पुरीषाणि नवग्रहे | धूपः सुप्ते जने कार्यो बालस्य हितमिच्छता ||८||
🔊 Audio coming soon
Adhikarana 7 (9) · Śloka 9
তিলতণ্ডুলকং মাল্যং ভক্ষ্যাংশ্চ বিবিধানপি | কুমারপিতৃমেষায বৃক্ষমূলে নিবেদযেত্ ||৯||
View original
तिलतण्डुलकं माल्यं भक्ष्यांश्च विविधानपि | कुमारपितृमेषाय वृक्षमूले निवेदयेत् ||९||
🔊 Audio coming soon
Adhikarana 8 (10-11) · Śloka 11
অধস্তাদ্বটবৃক্ষস্য স্নপনং চোপদিশ্যতে | বলিং ন্যগ্রোধবৃক্ষেষু তিথৌ ষষ্ঠ্যাং নিবেদযেত্ ||১০|| অজাননশ্চলাক্ষিভ্রঃ কামরূপী মহাযশাঃ | বালং বালপিতা দেবো নৈগমেষোঽভিরক্ষতু ||১১||
View original
अधस्ताद्वटवृक्षस्य स्नपनं चोपदिश्यते | बलिं न्यग्रोधवृक्षेषु तिथौ षष्ठ्यां निवेदयेत् ||१०|| अजाननश्चलाक्षिभ्रः कामरूपी महायशाः | बालं बालपिता देवो नैगमेषोऽभिरक्षतु ||११||
🔊 Audio coming soon
Adhikarana puShpikA · Śloka 36
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে নৈগমেষপ্রতিষেধো নাম(দশমোঽধ্যাযঃ, আদিতঃ) ষট্ত্রিংশোঽধ্যাযঃ ||৩৬||
View original
इति सुश्रुतसंहितायामुत्तरतन्त्रान्तर्गते कुमारतन्त्रे नैगमेषप्रतिषेधो नाम(दशमोऽध्यायः, आदितः) षट्त्रिंशोऽध्यायः ||३६||
🔊 Audio coming soon