36. naigamēṣapratiṣēdhādhyāyaḥ

Adhikarana 1 (1-2) · Śloka 2

અથાતો નૈગમેષપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3-4) · Śloka 4

બિલ્વાગ્નિમન્થપૂતીકાઃ કાર્યાઃ સ્યુઃ પરિષેચને | સુરા સબીજં ધાન્યામ્લં પરિષેકે ચ શસ્યતે ||૩|| પ્રિયઙ્ગુસરલાનન્તાશતપુષ્પાકુટન્નટૈઃ | પચેત્તૈલં સગોમૂત્રૈર્દધિમસ્ત્વમ્લકાઞ્જિકૈઃ ||૪||

Adhikarana 3 (5) · Śloka 5

પઞ્ચમૂલદ્વયક્વાથે ક્ષીરે મધુરકેષુ ચ | પચેદ્ઘૃતં ચ મેધાવી ખર્જૂરીમસ્તકેઽપિ વા ||૫||

Adhikarana 4 (6) · Śloka 6

વચાં વયઃસ્થાં ગોલોમીં જટિલાં ચાપિ ધારયેત્ | ઉત્સાદનં હિતં ચાત્ર સ્કન્દાપસ્મારનાશનમ્ ||૬||

Adhikarana 5 (7) · Śloka 7

સિદ્ધાર્થકવચાહિઙ્ગુકુષ્ઠં ચૈવાક્ષતૈઃ સહ | ભલ્લાતકાજમોદાશ્ચ હિતમુદ્ધૂપનં શિશોઃ ||૭||

Adhikarana 6 (8) · Śloka 8

મર્કટોલૂકગૃધ્રાણાં પુરીષાણિ નવગ્રહે | ધૂપઃ સુપ્તે જને કાર્યો બાલસ્ય હિતમિચ્છતા ||૮||

Adhikarana 7 (9) · Śloka 9

તિલતણ્ડુલકં માલ્યં ભક્ષ્યાંશ્ચ વિવિધાનપિ | કુમારપિતૃમેષાય વૃક્ષમૂલે નિવેદયેત્ ||૯||

Adhikarana 8 (10-11) · Śloka 11

અધસ્તાદ્વટવૃક્ષસ્ય સ્નપનં ચોપદિશ્યતે | બલિં ન્યગ્રોધવૃક્ષેષુ તિથૌ ષષ્ઠ્યાં નિવેદયેત્ ||૧૦|| અજાનનશ્ચલાક્ષિભ્રઃ કામરૂપી મહાયશાઃ | બાલં બાલપિતા દેવો નૈગમેષોઽભિરક્ષતુ ||૧૧||

Adhikarana puShpikA · Śloka 36

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે નૈગમેષપ્રતિષેધો નામ(દશમોઽધ્યાયઃ, આદિતઃ) ષટ્ત્રિંશોઽધ્યાયઃ ||૩૬||