36. naigamēṣapratiṣēdhādhyāyaḥ

Adhikarana 1 (1-2) · Śloka 2

ಅಥಾತೋ ನೈಗಮೇಷಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3-4) · Śloka 4

ಬಿಲ್ವಾಗ್ನಿಮನ್ಥಪೂತೀಕಾಃ ಕಾರ್ಯಾಃ ಸ್ಯುಃ ಪರಿಷೇಚನೇ | ಸುರಾ ಸಬೀಜಂ ಧಾನ್ಯಾಮ್ಲಂ ಪರಿಷೇಕೇ ಚ ಶಸ್ಯತೇ ||೩|| ಪ್ರಿಯಙ್ಗುಸರಲಾನನ್ತಾಶತಪುಷ್ಪಾಕುಟನ್ನಟೈಃ | ಪಚೇತ್ತೈಲಂ ಸಗೋಮೂತ್ರೈರ್ದಧಿಮಸ್ತ್ವಮ್ಲಕಾಞ್ಜಿಕೈಃ ||೪||

Adhikarana 3 (5) · Śloka 5

ಪಞ್ಚಮೂಲದ್ವಯಕ್ವಾಥೇ ಕ್ಷೀರೇ ಮಧುರಕೇಷು ಚ | ಪಚೇದ್ಘೃತಂ ಚ ಮೇಧಾವೀ ಖರ್ಜೂರೀಮಸ್ತಕೇಽಪಿ ವಾ ||೫||

Adhikarana 4 (6) · Śloka 6

ವಚಾಂ ವಯಃಸ್ಥಾಂ ಗೋಲೋಮೀಂ ಜಟಿಲಾಂ ಚಾಪಿ ಧಾರಯೇತ್ | ಉತ್ಸಾದನಂ ಹಿತಂ ಚಾತ್ರ ಸ್ಕನ್ದಾಪಸ್ಮಾರನಾಶನಮ್ ||೬||

Adhikarana 5 (7) · Śloka 7

ಸಿದ್ಧಾರ್ಥಕವಚಾಹಿಙ್ಗುಕುಷ್ಠಂ ಚೈವಾಕ್ಷತೈಃ ಸಹ | ಭಲ್ಲಾತಕಾಜಮೋದಾಶ್ಚ ಹಿತಮುದ್ಧೂಪನಂ ಶಿಶೋಃ ||೭||

Adhikarana 6 (8) · Śloka 8

ಮರ್ಕಟೋಲೂಕಗೃಧ್ರಾಣಾಂ ಪುರೀಷಾಣಿ ನವಗ್ರಹೇ | ಧೂಪಃ ಸುಪ್ತೇ ಜನೇ ಕಾರ್ಯೋ ಬಾಲಸ್ಯ ಹಿತಮಿಚ್ಛತಾ ||೮||

Adhikarana 7 (9) · Śloka 9

ತಿಲತಣ್ಡುಲಕಂ ಮಾಲ್ಯಂ ಭಕ್ಷ್ಯಾಂಶ್ಚ ವಿವಿಧಾನಪಿ | ಕುಮಾರಪಿತೃಮೇಷಾಯ ವೃಕ್ಷಮೂಲೇ ನಿವೇದಯೇತ್ ||೯||

Adhikarana 8 (10-11) · Śloka 11

ಅಧಸ್ತಾದ್ವಟವೃಕ್ಷಸ್ಯ ಸ್ನಪನಂ ಚೋಪದಿಶ್ಯತೇ | ಬಲಿಂ ನ್ಯಗ್ರೋಧವೃಕ್ಷೇಷು ತಿಥೌ ಷಷ್ಠ್ಯಾಂ ನಿವೇದಯೇತ್ ||೧೦|| ಅಜಾನನಶ್ಚಲಾಕ್ಷಿಭ್ರಃ ಕಾಮರೂಪೀ ಮಹಾಯಶಾಃ | ಬಾಲಂ ಬಾಲಪಿತಾ ದೇವೋ ನೈಗಮೇಷೋಽಭಿರಕ್ಷತು ||೧೧||

Adhikarana puShpikA · Śloka 36

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ನೈಗಮೇಷಪ್ರತಿಷೇಧೋ ನಾಮ(ದಶಮೋಽಧ್ಯಾಯಃ, ಆದಿತಃ) ಷಟ್ತ್ರಿಂಶೋಽಧ್ಯಾಯಃ ||೩೬||