28. skandagrahapratiṣēdhādhyāyaḥ

Adhikarana 1 (1-2) · Śloka 2

અથાતઃ સ્કન્ધગ્રહપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3) · Śloka 3

સ્કન્દગ્રહોપસૃષ્ટાનાં કુમારાણાં પ્રશસ્યતે | વાતઘ્નદ્રુમપત્રાણાં નિષ્ક્વાથઃ પરિષેચને ||૩||

Adhikarana 3 (4) · Śloka 4

તેષાં મૂલેષુ સિદ્ધં ચ તૈલમભ્યઞ્જને હિતમ્ | સર્વગન્ધસુરામણ્ડકૈડર્યાવાપમિષ્યતે ||૪||

Adhikarana 4 (5) · Śloka 5

દેવદારુણિ રાસ્નાયાં મધુરેષુ દ્રુમેષુ ચ | સિદ્ધં સર્પિશ્ચ સક્ષીરં પાનમસ્મૈ પ્રયોજયેત્ ||૫||

Adhikarana 5 (6) · Śloka 6

સર્ષપાઃ સર્પનિર્મોકો વચા કાકાદની ઘૃતમ્ | ઉષ્ટ્રાજાવિગવાં ચૈવ રોમાણ્યુદ્ધૂપનં શિશોઃ ||૬||

Adhikarana 6 (7) · Śloka 7

સોમવલ્લીમિન્દ્રવલ્લીં શમીં બિલ્વસ્ય કણ્ટકાન્ | મૃગાદન્યાશ્ચ મૂલાનિ ગ્રથિતાન્યેવ ધારયેત્ ||૭||

Adhikarana 7 (8) · Śloka 8

રક્તાનિ માલ્યાનિ તથા પતાકા રક્તાશ્ચ ગન્ધા વિવિધાશ્ચ ભક્ષ્યાઃ | ઘણ્ટા ચ દેવાય બલિર્નિવેદ્યઃ સુકુક્કુટઃ સ્કન્દગ્રહે હિતાય ||૮||

Adhikarana 8 (9) · Śloka 9

સ્નાનં ત્રિરાત્રં નિશિ ચત્વરેષુ કુર્યાત્ પુરં શાલિયવૈર્નવૈસ્તુ | અદ્ભિશ્ચ ગાયત્ર્યભિમન્ત્રિતાભિઃ પ્રજ્વાલનં વ્યાહૃતિભિશ્ચ વહ્નેઃ ||૯||

Adhikarana 9 (10-14) · Śloka 14

રક્ષામતઃ પ્રવક્ષ્યામિ બાલાનાં પાપનાશિનીમ્ | અહન્યહનિ કર્તવ્યા યા ભિષગ્ભિરતન્દ્રિતૈઃ ||૧૦|| તપસાં તેજસાં ચૈવ યશસાં વપુષાં તથા | નિધાનં યોઽવ્યયો દેવઃ સ તે સ્કન્દઃ પ્રસીદતુ ||૧૧|| ગ્રહસેનાપતિર્દેવો દેવસેનાપતિર્વિભુઃ | દેવસેનારિપુહરઃ પાતુ ત્વાં ભગવાન્ ગુહઃ ||૧૨|| દેવદેવસ્ય મહતઃ પાવકસ્ય ચ યઃ સુતઃ | ગઙ્ગોમાકૃત્તિકાનાં ચ સ તે શર્મ પ્રયચ્છતુ ||૧૩|| રક્તમાલ્યામ્બરઃ શ્રીમાન્ રક્તચન્દનભૂષિતઃ | રક્તદિવ્યવપુર્દેવઃ પાતુ ત્વાં ક્રૌઞ્ચસૂદનઃ ||૧૪||

Adhikarana puShpikA · Śloka 28

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે સ્કન્દપ્રતિષેધો નામા(દ્વિતીયોઽધ્યાયઃ, આદિતોઽ)ષ્ટાવિંશોઽધ્યાયઃ ||૨૮||