29. skandāpasmārapratiṣēdhādhyāyaḥ

Adhikarana 1 (1-3) · Śloka 3

અથાતઃ સ્કન્દાપસ્મારપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨|| બિલ્વઃ શિરીષો ગોલોમી સુરસાદિશ્ચ યો ગણઃ | પરિષેકે પ્રયોક્તવ્યઃ સ્કન્દાપસ્મારશાન્તયે ||૩||

Adhikarana 2 (4) · Śloka 5

સર્વગન્ધવિપક્વં તુ તૈલમભ્યઞ્જને હિતમ્ | ક્ષીરવૃક્ષકષાયે ચ કાકોલ્યાદૌ ગણે તથા ||૪|| વિપક્તવ્યં ઘૃતં ચાપિ પાનીયં પયસા સહ |૫|

Adhikarana 3 (5-6) · Śloka 6

ઉત્સાદનં વચાહિઙ્ગુયુક્તં સ્કન્દગ્રહે હિતમ્ ||૫|| ગૃધ્રોલૂકપુરીષાણિ કેશા હસ્તિનખા ઘૃતમ્ | વૃષભસ્ય ચ રોમાણિ યોજ્યાન્યુદ્ધૂપનેઽપિ ચ ||૬||

Adhikarana 4 (7) · Śloka 7

અનન્તાં કુક્કુટીં બિમ્બીં મર્કટીં ચાપિ ધારયેત્ |૭|

Adhikarana 5 (7) · Śloka 8

પક્વાપક્વાનિ માંસાનિ પ્રસન્ના રુધિરં પયઃ ||૭|| ભૂતૌદનો નિવેદ્યશ્ચ સ્કન્દાપસ્મારિણેઽવટે |૮|

Adhikarana 6 (8) · Śloka 8

ચતુષ્પથે ચ કર્તવ્યં સ્નાનમસ્ય યતાત્મના ||૮||

Adhikarana 7 (9) · Śloka 9

સ્કન્દાપસ્મારસઞ્જ્ઞો યઃ સ્કન્દસ્ય દયિતઃ સખા | વિશાખસઞ્જ્ઞશ્ચ શિશોઃ શિવોઽસ્તુ વિકૃતાનનઃ ||૯||

Adhikarana puShpikA · Śloka 29

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે સ્કન્દાપસ્મારપ્રતિષેધો નામ (તૃતીયોઽધ્યાયઃ, આદિતઃ) એકોનત્રિંશોઽધ્યાયઃ ||૨૯||