Adhikarana vamanakalpAdhyAyaH (2) · Śloka 2
তস্মাত্ কল্পস্থানমুচ্যত ইত্যাহ অথাতো বমনকল্পং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||
तस्मात् कल्पस्थानमुच्यत इत्याह अथातो वमनकल्पं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
Adhikarana madanakalpaH,vamane madanaM shreShTham virecane trivRunmUlaM shreShTham,vyAdhivashAjjImUtAdervishiShTatA (1) · Śloka 1
প্রাধান্যাচ্চ বমনকল্পে মদনমেব শস্যত ইত্যাহ অথ মদনকল্পঃ| বমনে মদনং শ্রেষ্ঠং, ত্রিবৃন্মূলং বিরেচনে| নিত্যমন্যস্য তু ব্যাধিবিশেষেণ বিশিষ্টতা||১||
प्राधान्याच्च वमनकल्पे मदनमेव शस्यत इत्याह अथ मदनकल्पः| वमने मदनं श्रेष्ठं, त्रिवृन्मूलं विरेचने| नित्यमन्यस्य तु व्याधिविशेषेण विशिष्टता||१||
🔊 Audio coming soon
Adhikarana madanaphalAnAM saMskAraH (2-6) · Śloka 6
ফলানি নাতিপাণ্ডূনি ন চাতিহরিতান্যপি| আদাযাহ্নি প্রশস্তর্ক্ষে মধ্যে গ্রীষ্মবসন্তযোঃ||২|| প্রমৃজ্য কুশমুত্তোল্যাং ক্ষিপ্ত্বা বধ্বা প্রলেপযেত্| গোমযেনানু মুত্তোলীং ধান্যমধ্যে নিধাপযেত্||৩|| মৃদুভূতানি মধ্বিষ্টগন্ধানি কুশবেষ্টনাত্| নিষ্কৃষ্টানি গতেঽষ্টাহে শোষযেত্তান্যথাতপে||৪|| তেষাং ততঃ সুশুষ্কাণামুদ্ধৃত্য ফলপিপ্পলীঃ| দধিমধ্বাজ্যপললৈর্মৃদিত্বা শোষযেত্পুনঃ||৫|| ততঃ সুগুপ্তং সংস্থাপ্য র্কাযকালে প্রযোজযেত্| |৬|
फलानि नातिपाण्डूनि न चातिहरितान्यपि| आदायाह्नि प्रशस्तर्क्षे मध्ये ग्रीष्मवसन्तयोः||२|| प्रमृज्य कुशमुत्तोल्यां क्षिप्त्वा बध्वा प्रलेपयेत्| गोमयेनानु मुत्तोलीं धान्यमध्ये निधापयेत्||३|| मृदुभूतानि मध्विष्टगन्धानि कुशवेष्टनात्| निष्कृष्टानि गतेऽष्टाहे शोषयेत्तान्यथातपे||४|| तेषां ततः सुशुष्काणामुद्धृत्य फलपिप्पलीः| दधिमध्वाज्यपललैर्मृदित्वा शोषयेत्पुनः||५|| ततः सुगुप्तं संस्थाप्य र्कायकाले प्रयोजयेत्| |६|
🔊 Audio coming soon
Adhikarana madanaprayogaH (6-9) · Śloka 9
| অথাদায ততো মাত্রাং জর্জরীকৃত্য বাসযেত্||৬|| শর্বরীং মধুযষ্ট্যা বা কোবিদারস্য বা জলে| কর্বুদারস্য বিম্ব্যা বা নীপস্য বিদুলস্য বা||৭|| শণপুষ্প্যাঃ সদাপুষ্প্যাঃ প্রত্যক্পুষ্প্যুদকেঽথবা| ততঃ পিবেত্কষাযং তং প্রাতর্মৃদিতগালিতম্||৮|| সূত্রোদিতেন বিধিনা সাধু তেন তথা বমেত্| |৯|
| अथादाय ततो मात्रां जर्जरीकृत्य वासयेत्||६|| शर्वरीं मधुयष्ट्या वा कोविदारस्य वा जले| कर्बुदारस्य बिम्ब्या वा नीपस्य विदुलस्य वा||७|| शणपुष्प्याः सदापुष्प्याः प्रत्यक्पुष्प्युदकेऽथवा| ततः पिबेत्कषायं तं प्रातर्मृदितगालितम्||८|| सूत्रोदितेन विधिना साधु तेन तथा वमेत्| |९|
🔊 Audio coming soon
Adhikarana shleShmajvarAdau visheShaH (9-10) · Śloka 10
| শ্লেষ্মজ্বরপ্রতিশ্যাযগুল্মান্তর্বিদ্রধীষু চ||৯|| প্রচ্ছর্দযেদ্বিশেষেণ যাবত্পিত্তস্য দর্শনম্| |১০|
| श्लेष्मज्वरप्रतिश्यायगुल्मान्तर्विद्रधीषु च||९|| प्रच्छर्दयेद्विशेषेण यावत्पित्तस्य दर्शनम्| |१०|
🔊 Audio coming soon
Adhikarana jvarArucyAdiShu vamanayogaH (10-11) · Śloka 11
| ফলপিপ্পলিচূর্ণং বা ক্বাথেন স্বেন ভাবিতম্||১০|| ত্রিভাগত্রিফলাচূর্ণং কোবিদারাদিবারিণা| পিবেজ্জ্বরারুচিষ্ঠেবগ্রন্থ্যপচ্যর্বুদোদরী||১১||
| फलपिप्पलिचूर्णं वा क्वाथेन स्वेन भावितम्||१०|| त्रिभागत्रिफलाचूर्णं कोविदारादिवारिणा| पिबेज्ज्वरारुचिष्ठेवग्रन्थ्यपच्यर्बुदोदरी||११||
🔊 Audio coming soon
Adhikarana kaphasthAnage pitte (12) · Śloka 12
পিত্তে কফস্থানগতে জীমূতাদিজলেন তত্| |১২|
पित्ते कफस्थानगते जीमूतादिजलेन तत्| |१२|
🔊 Audio coming soon
Adhikarana hRuddAhAdau vamanayogaH (12-13) · Śloka 13
| হৃদ্দাহেঽধোস্ত্রপিত্তে চ ক্ষীরং তত্পিপ্পলীশৃতম্||১২|| ক্ষৈরেযীং বা| |১৩|
| हृद्दाहेऽधोस्त्रपित्ते च क्षीरं तत्पिप्पलीशृतम्||१२|| क्षैरेयीं वा| |१३|
🔊 Audio coming soon
Adhikarana kaphacchardyAdau vamanayogaH (13) · Śloka 13
কফচ্ছর্দিপ্রসেকতমকেষু তু| দধ্যুত্তরং বা দধি বা তচ্ছৃতক্ষীরসম্ভবম্||১৩||
कफच्छर्दिप्रसेकतमकेषु तु| दध्युत्तरं वा दधि वा तच्छृतक्षीरसम्भवम्||१३||
🔊 Audio coming soon
Adhikarana sukhakArako vamanayogaH (14) · Śloka 14
ফলাদিক্বাথকল্কাভ্যাং সিদ্ধং তত্সিদ্ধদুগ্ধজম্| সর্পিঃ কফাভিভূতেঽগ্নৌ শুষ্যদ্দেহে চ বামনম্||১৪||
फलादिक्वाथकल्काभ्यां सिद्धं तत्सिद्धदुग्धजम्| सर्पिः कफाभिभूतेऽग्नौ शुष्यद्देहे च वामनम्||१४||
🔊 Audio coming soon
Adhikarana bhakShyabhojyeShu vamanayogaH (15-16) · Śloka 16
স্বরসং ফলমজ্জ্ঞো বা ভল্লাতকবিধিশৃতম্| আদর্বীলেপনাত্সিদ্ধং লীঢ্বা প্রচ্ছর্দযেত্সুখম্||১৫|| তং লেহং ভক্ষ্যভোজ্যেষু তত্কষাযাংশ্চ যোজযেত্| |১৬|
स्वरसं फलमज्ज्ञो वा भल्लातकविधिशृतम्| आदर्वीलेपनात्सिद्धं लीढ्वा प्रच्छर्दयेत्सुखम्||१५|| तं लेहं भक्ष्यभोज्येषु तत्कषायांश्च योजयेत्| |१६|
🔊 Audio coming soon
Adhikarana santarpaNavyAdhiShu vamanayogaH (16-17) · Śloka 17
| বত্সকাদিপ্রতীবাপঃ কষাযঃ ফলমজ্জজঃ||১৬|| নিম্বার্কান্যতরক্বাথসমাযুক্তো নিযচ্ছতি| বদ্ধমূলানপি ব্যাধীন্ সর্বান্ সন্তর্পণোদ্ভবান্||১৭||
| वत्सकादिप्रतीवापः कषायः फलमज्जजः||१६|| निम्बार्कान्यतरक्वाथसमायुक्तो नियच्छति| बद्धमूलानपि व्याधीन् सर्वान् सन्तर्पणोद्भवान्||१७||
🔊 Audio coming soon
Adhikarana phalAbhAve puShpaM shalATu vA (18-2) · Śloka 2
রাঠপুষ্পফলশ্লক্ষ্ণচূর্ণৈর্মাল্যং সুরূক্ষিতম্| বমেন্মণ্ডরসাদীনাং তৃপ্তো জিঘ্রন্ সুখং সুখী||১৮|| এবমেব ফলাভাবে কল্প্যং পুষ্পং শলাটু বা| |১৯| ইতি মদনকল্পঃ||২||
राठपुष्पफलश्लक्ष्णचूर्णैर्माल्यं सुरूक्षितम्| वमेन्मण्डरसादीनां तृप्तो जिघ्रन् सुखं सुखी||१८|| एवमेव फलाभावे कल्प्यं पुष्पं शलाटु वा| |१९| इति मदनकल्पः||२||
🔊 Audio coming soon
Adhikarana jImUtakalpaH (19) · Śloka 19
অথ জীমূতকল্প:| | জীমূতাদ্যাশ্চ ফলবত্|১৯|
अथ जीमूतकल्प:| | जीमूताद्याश्च फलवत्|१९|
🔊 Audio coming soon
Adhikarana jvarashvAsAdau jImUto yojyaH (19-20) · Śloka 20
| জীমূতং তু বিশেষতঃ||১৯|| প্রযোক্তব্যং জ্বরশ্বাসকাসহিধ্মাদিরোগিণাম্| |২০|
| जीमूतं तु विशेषतः||१९|| प्रयोक्तव्यं ज्वरश्वासकासहिध्मादिरोगिणाम्| |२०|
🔊 Audio coming soon
Adhikarana tumbIkoshAtakIShvapIyaM kalpanA (20-22) · Śloka 22
| পযঃ পুষ্পেঽস্য নির্বৃত্তে, ফলে পেযা পযস্কৃতা||২০|| লোমশে ক্ষীরসন্তানং, দধ্যুত্তরমলোমশে| শৄতে পযসি দধ্যম্লং জাতং হরিতপাণ্ডুকে||২১|| আসুত্য বারুণীমণ্ডং পিবেন্মৃদিতগালিতম্| কফাদরোচকে কাসে পাণ্ডুত্বে রাজযক্ষ্মণি||২২||
| पयः पुष्पेऽस्य निर्वृत्ते, फले पेया पयस्कृता||२०|| लोमशे क्षीरसन्तानं, दध्युत्तरमलोमशे| शॄते पयसि दध्यम्लं जातं हरितपाण्डुके||२१|| आसुत्य वारुणीमण्डं पिबेन्मृदितगालितम्| कफादरोचके कासे पाण्डुत्वे राजयक्ष्मणि||२२||
🔊 Audio coming soon
Adhikarana vAtapittArdite vamanayogaH (23) · Śloka 23
ইযং চ কল্পনা কার্যা তুম্বীকোশাতকীষ্বপি| |২৩|
इयं च कल्पना कार्या तुम्बीकोशातकीष्वपि| |२३|
🔊 Audio coming soon
Adhikarana pittashleShmajvare vamanayogaH (23-25) · Śloka 25
| পর্যাগতানাং শুষ্কাণাং ফলানাং বেণিজন্মনাম্||২৩|| চূর্ণস্য পযসা শুক্তিং বাতপিত্তার্দিতঃ পিবেত্| দ্বে বা ত্রীণ্যপি বাঽঽপোথ্য ক্বাথে তিক্তোত্তমস্য বা||২৪|| আরগ্বধাদিনবকাদাসুত্যান্যতমস্য বা| বিমৃদ্য পূতং তং ক্বাথং পিত্তশ্লেষ্মজ্বরী পিবেত্||২৫||
| पर्यागतानां शुष्काणां फलानां वेणिजन्मनाम्||२३|| चूर्णस्य पयसा शुक्तिं वातपित्तार्दितः पिबेत्| द्वे वा त्रीण्यपि वाऽऽपोथ्य क्वाथे तिक्तोत्तमस्य वा||२४|| आरग्वधादिनवकादासुत्यान्यतमस्य वा| विमृद्य पूतं तं क्वाथं पित्तश्लेष्मज्वरी पिबेत्||२५||
🔊 Audio coming soon
Adhikarana pittjvarAdau vamanayogaH (26-2) · Śloka 2
জীমূতকল্কং চূর্ণং বা পিবেচ্ছীতেন বারিণা| জ্বরে পৈত্তে, কবোষ্ণেন কফবাতাত্কফাদপি||২৬|| ইতি জিমূতকল্পঃ||২||
जीमूतकल्कं चूर्णं वा पिबेच्छीतेन वारिणा| ज्वरे पैत्ते, कवोष्णेन कफवातात्कफादपि||२६|| इति जिमूतकल्पः||२||
🔊 Audio coming soon
Adhikarana kAsashvAsAdau ikShvAkuHshastaH (27) · Śloka 27
অথেক্ষ্বাকুকল্পঃ| কাসশ্বাসবিষচ্ছর্দিজ্বরার্তে কফকর্শিতে| ইক্ষ্বাকুর্বমনে শস্তঃ প্রতাম্যতি চ মানবে||২৭||
अथेक्ष्वाकुकल्पः| कासश्वासविषच्छर्दिज्वरार्ते कफकर्शिते| इक्ष्वाकुर्वमने शस्तः प्रताम्यति च मानवे||२७||
🔊 Audio coming soon
Adhikarana pittashleShmajvarAdou ikShvAku prayogaH (28) · Śloka 28
ফলপুষ্পবিহীনস্য প্রবালৈস্তস্য সাধিতম্| পিত্তশ্লেষ্মজ্বরে ক্ষীরং পিত্তোদ্রিক্তে প্রযোজযেত্||২৮||
फलपुष्पविहीनस्य प्रवालैस्तस्य साधितम्| पित्तश्लेष्मज्वरे क्षीरं पित्तोद्रिक्ते प्रयोजयेत्||२८||
🔊 Audio coming soon
Adhikarana kaphakAsAdau vamanayogaH (29) · Śloka 29
হৄতমধ্যে ফলে জীর্ণে স্থিতং ক্ষীরং যদা দধি| স্যাত্তদা কফজে কাসে শ্বাসে বম্যং চ পাযযেত্||২৯||
हॄतमध्ये फले जीर्णे स्थितं क्षीरं यदा दधि| स्यात्तदा कफजे कासे श्वासे वम्यं च पाययेत्||२९||
🔊 Audio coming soon
Adhikarana pANDukuShThAdau vamanayogaH (30) · Śloka 30
মস্তুনা বা ফলান্মধ্যং পাণ্ডুকুষ্ঠবিষার্দিতঃ| তেন তক্রং বিপক্বং বা পিবেতত্সমধুসৈন্ধবম্||৩০||
मस्तुना वा फलान्मध्यं पाण्डुकुष्ठविषार्दितः| तेन तक्रं विपक्वं वा पिबेतत्समधुसैन्धवम्||३०||
🔊 Audio coming soon
Adhikarana viShagulmAdau vamanayogaH (31) · Śloka 31
ভাবযিত্বাঽঽজদুগ্ধেন বীজং তেনৈব বা পিবেত্| বিষগুল্মৌদরগ্রন্থিগণ্ডেষু শ্লীপদেষু চ||৩১||
भावयित्वाऽऽजदुग्धेन बीजं तेनैव वा पिबेत्| विषगुल्मौदरग्रन्थिगण्डेषु श्लीपदेषु च||३१||
🔊 Audio coming soon
Adhikarana kaphajvarAdau vamanayogaH (32) · Śloka 32
সক্তুভির্বা পিবেন্মন্থং তুম্বীস্বরসভাবিতৈঃ| কফোদ্ভবে জ্বরে কাসে গলরোগেষ্বরোচকে||৩২||
सक्तुभिर्वा पिबेन्मन्थं तुम्बीस्वरसभावितैः| कफोद्भवे ज्वरे कासे गलरोगेष्वरोचके||३२||
🔊 Audio coming soon
Adhikarana gulmajvarAdau vamanayogaH (33) · Śloka 33
গুল্মে জ্বরে প্রসক্তে চ কল্কং মাংসরসৈঃ পিবেত্| নরঃ সাধু বমত্যেবং ন চ দৌর্বল্যমশ্নুতে||৩৩||
गुल्मे ज्वरे प्रसक्ते च कल्कं मांसरसैः पिबेत्| नरः साधु वमत्येवं न च दौर्बल्यमश्नुते||३३||
🔊 Audio coming soon
Adhikarana sukhiShu AdhrApako vamanayogaH (34-3) · Śloka 3
তুম্ব্যাঃ ফলরসৈঃ শুষ্কৈঃ সপুষ্পৈরবচূর্ণিতম্| ছর্দযেন্মাল্যমাঘ্রায গন্ধসম্পত্সুখোচিতঃ||৩৪|| ইতীক্ষ্বাকুকল্পঃ||৩||
तुम्ब्याः फलरसैः शुष्कैः सपुष्पैरवचूर्णितम्| छर्दयेन्माल्यमाघ्राय गन्धसम्पत्सुखोचितः||३४|| इतीक्ष्वाकुकल्पः||३||
🔊 Audio coming soon
Adhikarana kAsagulmAdau dhAmArgavaH iShTaH (35-36) · Śloka 36
অথ ধামার্গবকল্পঃ| কাসগুল্মোদরগরে বাতে শ্লেষ্মাশযস্থিতে| কফে চ কণ্ঠবক্ত্রস্থে কফসঞ্চযজেষু চ||৩৫|| ধামার্গবো গদেষ্বিষ্টঃ স্থিরেষু চ মহত্সু চ| |৩৬|
अथ धामार्गवकल्पः| कासगुल्मोदरगरे वाते श्लेष्माशयस्थिते| कफे च कण्ठवक्त्रस्थे कफसञ्चयजेषु च||३५|| धामार्गवो गदेष्विष्टः स्थिरेषु च महत्सु च| |३६|
🔊 Audio coming soon
Adhikarana kAsAdau dhAmArgavaprayogaH (36-38) · Śloka 38
| জীবকর্ষভকৌ বীরা কপিকচ্ছূঃ শতাবরী||৩৬|| কাকোলী শ্রাবাণী মেদা মহামেদা মধূলিকা| তদ্রজোভিঃ পৃথগ্লেহা ধমার্গবরজোন্বিতাঃ||৩৭|| কাসে হৃদযদাহে চ শস্তা মধুসিতাদ্রুতাঃ| |৩৮|
| जीवकर्षभकौ वीरा कपिकच्छूः शतावरी||३६|| काकोली श्रावाणी मेदा महामेदा मधूलिका| तद्रजोभिः पृथग्लेहा धमार्गवरजोन्विताः||३७|| कासे हृदयदाहे च शस्ता मधुसिताद्रुताः| |३८|
🔊 Audio coming soon
Adhikarana sapittoShme kaPe prayogaH (38) · Śloka 38
| তে সুখাম্ভোনুপানাঃ স্যুঃ পিত্তোষ্মসহিতে কফে||৩৮||
| ते सुखाम्भोनुपानाः स्युः पित्तोष्मसहिते कफे||३८||
🔊 Audio coming soon
Adhikarana viShApahaH prayogaH (39) · Śloka 39
ধান্যতুম্বরুযূষেণ কল্কস্তস্য বিষাপহঃ| |৩৯|
धान्यतुम्बरुयूषेण कल्कस्तस्य विषापहः| |३९|
🔊 Audio coming soon
Adhikarana mAnasaroge prayogaH (39-4) · Śloka 4
| বিম্যাঃ পুনর্নবাযা বা কাসমর্দস্য বা রসে||৩৯|| একং ধামার্গবং দ্বে বা মানসে মৃদিতং পিবেত্| তচ্ছৃতক্ষীরজং সর্পিঃ সাধিতং বা ফলাদিভিঃ||৪০|| ইতি ধামার্গবকল্পঃ||৪||
| बिम्याः पुनर्नवाया वा कासमर्दस्य वा रसे||३९|| एकं धामार्गवं द्वे वा मानसे मृदितं पिबेत्| तच्छृतक्षीरजं सर्पिः साधितं वा फलादिभिः||४०|| इति धामार्गवकल्पः||४||
🔊 Audio coming soon
Adhikarana kuShThAdau kShveDaH shasyate (41) · Śloka 41
অথ ক্ষ্বেডকল্পঃ| ক্ষ্বেডোঽতিকটুতীক্ষ্ণোষ্ণঃ প্রগাঢেষু প্রশস্যতে| কুষ্ঠপাণ্ড্বামযপ্লীহশোফগুল্মগরাদিষু||৪১||
अथ क्ष्वेडकल्पः| क्ष्वेडोऽतिकटुतीक्ष्णोष्णः प्रगाढेषु प्रशस्यते| कुष्ठपाण्ड्वामयप्लीहशोफगुल्मगरादिषु||४१||
🔊 Audio coming soon
Adhikarana kShveDasya vamanaprayogaH (42) · Śloka 42
পৃথক্ ফলাদিষট্কস্য ক্বাথে মাংসমনূপজম্| কোশাতক্যা সমং সিদ্ধং তদ্রসং লবণং পিবেত্||৪২||
पृथक् फलादिषट्कस्य क्वाथे मांसमनूपजम्| कोशातक्या समं सिद्धं तद्रसं लवणं पिबेत्||४२||
🔊 Audio coming soon
Adhikarana kShveDasya anyaH prayogaH (43) · Śloka 43
ফলাদিপিপ্পলীতুল্যং সিদ্ধং ক্ষ্বেডরসেঽথবা| |৪৩|
फलादिपिप्पलीतुल्यं सिद्धं क्ष्वेडरसेऽथवा| |४३|
🔊 Audio coming soon
Adhikarana kShveDasya anyaH prayogaH (43-4) · Śloka 4
| ক্ষ্বেডক্বাথং পিবেতত্সিদ্ধং মিশ্রমিক্ষুরসেন বা||৪৩|| ইতি ক্ষ্বেডকল্পঃ||৪||
| क्ष्वेडक्वाथं पिबेतत्सिद्धं मिश्रमिक्षुरसेन वा||४३|| इति क्ष्वेडकल्पः||४||
🔊 Audio coming soon
Adhikarana sukumArAdiShu kauTajaM shreShTham (44) · Śloka 44
অথ কুটজফলকল্পঃ| কৌটজং সুকুমারেষু পিত্তরক্তকফোদযে| জ্বরে বিসর্পে হৃদ্রোগে খুডে কুষ্ঠে চ পূজিতম্||৪৪||
अथ कुटजफलकल्पः| कौटजं सुकुमारेषु पित्तरक्तकफोदये| ज्वरे विसर्पे हृद्रोगे खुडे कुष्ठे च पूजितम्||४४||
🔊 Audio coming soon
Adhikarana kauTajasya vamanaprayogaH (45-5) · Śloka 5
সর্ষপাণাং মধূকানাং তোযেন লবণস্য বা| পাযযেত্কৌটজং বীজং যুক্তং কৃশরযাঽথবা||৪৫|| সপ্তাহং বাঽর্কদুগ্ধাক্তং তচ্চূর্ণং পাযযেত্পৃথক্| ফলজীমূতকেক্ষ্বাকুজীবন্তীজীবকোদকৈঃ||৪৬|| ইতি কুটজফলকল্পঃ||৫||
सर्षपाणां मधूकानां तोयेन लवणस्य वा| पाययेत्कौटजं बीजं युक्तं कृशरयाऽथवा||४५|| सप्ताहं वाऽर्कदुग्धाक्तं तच्चूर्णं पाययेत्पृथक्| फलजीमूतकेक्ष्वाकुजीवन्तीजीवकोदकैः||४६|| इति कुटजफलकल्पः||५||
🔊 Audio coming soon
Adhikarana vamanayogAnAmupasaMhAraH (1) · Śloka 1
বমনৌষধমুখ্যানামিতি কল্পদিগীরিতা| বীজেনানেন মতিমানন্যান্যপি চ কল্পযেত্||৪৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং পঞ্চমে কল্পসিদ্ধিস্থানে বমনকল্পো নাম প্রথমোঽধ্যাযঃ||১||
वमनौषधमुख्यानामिति कल्पदिगीरिता| बीजेनानेन मतिमानन्यान्यपि च कल्पयेत्||४७|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां पञ्चमे कल्पसिद्धिस्थाने वमनकल्पो नाम प्रथमोऽध्यायः||१||
🔊 Audio coming soon