2. virēcanakalpādhyāyaḥ

Adhikarana virecanakalpAdhyAyaH (2) · Śloka 2

অথাতো বিরেচনকল্পং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||

Adhikarana trivRucchyAmayoH kalpaH trivRuto guNAshca (1) · Śloka 1

অথ ত্রিবৃচ্ছ্যামযোঃ কল্পঃ| কষাযমধুরা রূক্ষা বিপাকে কটুকা ত্রিবৃত্| কফপিত্তপ্রশমনী রৌক্ষ্যাচ্চানিলকোপনী||১||

Adhikarana trivRutaH saMyogAdikRutA guNAH (2) · Śloka 2

সেদানীমৌষধৈর্যুক্তা বাতপিত্তকফাপহৈঃ| কল্পবৈশেষ্যমাসাদ্য জাযতে সর্বরোগজিত্||২||

Adhikarana trivRuto Bedadvayam (3) · Śloka 3

দ্বিধা খ্যাতং চ তন্মূলং শ্যামং শ্যামাঽরুণং ত্রিবৃত্| |৩|

Adhikarana arUNasya viShayaH (3-4) · Śloka 4

| ত্রিবৃদাখ্যং বরতরং নিরপাযং সুখং তযোঃ||৩|| সুকুমারে শিশৌ বৃদ্ধে মৃদুকোষ্ঠে চ তদ্ধিতম্| |৪|

Adhikarana shyAmasya viShayaH (4-5) · Śloka 5

সাপাযত্বে বিশেষেণ হেতুমাহ | মূর্চ্ছাসম্মোহহৃত্কণ্ঠকষণক্ষণনপ্রদম্||৪|| শ্যামং তীক্ষ্ণাশুকারিত্বাদতস্তদপি শস্যতে| ক্রূরে কোষ্ঠে বহৌ দোষে ক্লেশক্ষমিণি চাতুরে||৫||

Adhikarana grahaNavidhiH (6) · Śloka 6

গম্ভীরানুগতং শ্লক্ষ্ণমতির্যগ্বিসৃতং চ যত্| গৃহীত্বা বিসৃজেত্কাষ্ঠং ত্বচং শুষ্কাং নিধাপযেত্||৬||

Adhikarana vAtaroge virecanayogaH (7) · Śloka 7

অথ কালে ততশ্চূর্ণং কিঞ্চিন্নাগরসৈন্ধবম্| বাতামযে পিবেদম্লৈঃ|৭|

Adhikarana pittaroge virecanayogaH (7-8) · Śloka 8

| পৈত্তে সাজ্যসিতামধু||৭|| ক্ষীরদ্রাক্ষেক্ষুকাশ্মর্যস্বাদুস্কন্ধবরারসৈঃ| |৮|

Adhikarana kaParoge virecanayogaH (8-9) · Śloka 9

| কফামযে পীলুরসমূত্রমদ্যাম্লকাঞ্জিকৈঃ||৮|| পঞ্চকোলাদিচূর্ণৈশ্চ যুক্ত্যা যুক্তং কফাপহৈঃ| |৯|

Adhikarana hRudyo virecanayogaH (9-10) · Śloka 10

| ত্রিবৃত্কল্ককষাযাভ্যাং সাধিতঃ সসিতো হিমঃ||৯|| মধুত্রিজাতসংযুক্তো লেহো হৃদ্যং বিরেচনম্| |১০|

Adhikarana sannipAtajvarAdau virecanayogaH (10-11) · Śloka 11

| অজগন্ধা তবক্ষীরী বিদারী শর্করা ত্রিবৃত্||১০|| চূর্ণিতং মধুসর্পির্ভ্যাং লীঢ্বা সাধু বিরিচ্যতে| সন্নিপাতজ্বরস্তম্ভপিপাসাদাহপীডিতঃ||১১||

Adhikarana sannipAtajvarAdau anyo virecanayogaH (12) · Śloka 12

লিম্পেদন্তস্ত্রিবৃতযা দ্বিধাকৃত্বেক্ষুগণ্ডিকাম্| একীকৃত্য চ তত্স্বিন্নং পুটপাকেন ভক্ষযেত্||১২||

Adhikarana vAtarogAdiShu nirapAyo virecanayogaH (13-14) · Śloka 14

ভৃঙ্গৈলাভ্যাং সমা নীলী তৈস্ত্রিবৃত্তৈশ্চ শর্করা| চূর্ণং ফলরসক্ষৌদ্রসক্তুভিস্তর্পণং পিবেত্||১৩|| বাতপিত্তকফোত্থেষু রোগেষ্বল্পানলেষু চ| নরেষু সুকুমারেষু নিরপাযং বিরেচনম্||১৪||

Adhikarana gulmAdiShu virecanayogaH (15-16) · Śloka 16

বিডঙ্গতণ্ডুলবরাযাবশূককণাস্ত্রিবৃত্| সর্বতোঽর্ধেন তল্লীঢং মধ্বাজ্যেন গুডেন বা||১৫|| গুল্মং প্লীহোদরং কাসং হলীমকমরোচকম্| কফবাতকৃতাংশ্চান্যান্ পরিমার্ষ্টি গদান্ বহূন্||১৬||

Adhikarana kalyANakaguDaH kuShThAdiShu (17-21) · Śloka 21

বিডঙ্গপিপ্পলীমূলত্রিফলাধান্যচিত্রকান্| মরীচেন্দ্রযবাজাজীপিপ্পলীহস্তিপিপ্পলীঃ||১৭|| দীপ্যকং পঞ্চলবণং চূর্ণিতং কার্ষিকং পৃথক্| তিলতৈলত্রিবৃচ্চূর্ণভাগৌ চাষ্টপলোন্মিতৌ||১৮|| ধাত্রীফলরসপ্রস্থাংস্ত্রীন্ গুডার্ধতুলান্বিতান্| পক্ত্বা মৃদ্বগ্নিনা খাদেত্ততো মাত্রামযন্ত্রণঃ||১৯|| কুষ্ঠার্শঃকামলাগুল্মমেহোদরভগন্দরান্| গ্রহণীপাণ্ডুরোগাংশ্চ হন্তি পুংসবনশ্চ সঃ||২০|| গুডঃ কল্যাণকো নাম সর্বেষ্বৃতুষু যৌগিকঃ| |২১|

Adhikarana avipattiyogo mUtrakRucCrAdiShu (21-23) · Śloka 23

| ব্যোষত্রিজাতকাম্ভোদকৃমিঘ্নামলকৈস্ত্রিবৃত্||২১|| সর্বৈঃ সমা সমসিতা ক্ষৌদ্রেণ গুটিকাঃ কৃতাঃ| মূত্রকৃচ্ছ্রজ্বরচ্ছর্দিকাসশোষভ্রমক্ষযে||২২|| তাপে পাণ্ড্বামযেঽল্পেঽগ্নৌ শস্তাঃ সর্ববিষেষু চ| অবিপত্তিরযং যোগঃ প্রশস্তঃ পিত্তরোগিণাম্||২৩||

Adhikarana varShAsu virecanayogaH (24) · Śloka 24

ত্রিবৃতা কৌটজং বীজং পিপ্পলী বিশ্বভেষজম্| ক্ষৌদ্রদ্রাক্ষারসোপেতং বর্ষাকালে বিরেচনম্||২৪||

Adhikarana sharadi virecanayogaH (25) · Śloka 25

ত্রিবৃদ্দুরালভামুস্তশর্করোদীচ্যচন্দনম্| দ্রাক্ষাম্বুনা সযষ্ট্যাহ্বসাতলং জলদাত্যযে||২৫||

Adhikarana hemante virecanayogaH (26) · Śloka 26

ত্রিবৃতাং চিত্রকং পাঠামজাজীং সরলং বচাম্| স্বর্ণক্ষীরীং চ হেমন্তে চূর্ণমুষ্ণাম্বুনা পিবেত্||২৬||

Adhikarana grIShme virecanayogaH (27) · Śloka 27

ত্রিবৃতা শর্করাতুল্যা গ্রীষ্মকালে বিরেচনম্| |২৭|

Adhikarana snigdhAnAM sarvartuko virecanayogaH (27-28) · Śloka 28

| ত্রিবৃত্ত্রাযন্তিহপুষাসাতলাকটুরোহিণীঃ||২৭|| স্বর্ণক্ষীরীং চ সঞ্চূর্ণ্য গোমূত্রে ভাবযেত্ত্র্যহম্| এষ সর্বর্তুকো যোগঃ স্নিগ্ধানাং মলদোষহৃত্||২৮||

Adhikarana rUkShANAM sarvartuko virecanayogaH (29-1) · Śloka 1

শ্যামাত্রিবৃদ্দুরালম্ভাহস্তিপিপ্পলিবত্সকম্| নীলিনীকটুকামুস্তাশ্রেষ্ঠাযুক্তং সুচূর্ণিতম্||২৯|| রসাজ্যোষ্ণাম্বুভিঃ শস্তং রূক্ষাণামপি সর্বদা| |৩০| ইতি ত্রিবৃচ্ছ্যামযোঃ কল্পঃ||১||

Adhikarana rAjavRukShakalpaH jvarAdiShu virecanayogaH (30-31) · Śloka 31

অথ রাজবৃক্ষকল্পঃ| | জ্বরহৃদ্রোগবাতাসৃগুদাবর্তাদিরোগিষু||৩০|| রাজবৃক্ষোঽধিকং পথ্যো মৃদুর্মধুরশীতলঃ| |৩১|

Adhikarana bAlAdiShu visheSheNa yogaH (31-32) · Śloka 32

| বালে বৃদ্ধে ক্ষতে ক্ষীণে সুকুমারে চ মানবে||৩১|| যোজ্যো মৃদ্বনপাযিত্বাদ্বিশেষাচ্চতুরঙ্গুলঃ| |৩২|

Adhikarana grahaNavidhiH (32-34) · Śloka 34

| ফলকালে পরিণতং ফলং তস্য সমাহরেত্||৩২|| তেষাং গুণবতাং ভারং সিকতাসু বিনিক্ষিপেত্| সপ্তরাত্রাত্সমুদ্ধৃত্য শোষযেদাতপে ততঃ||৩৩|| ততো মজ্জানমুদ্ধৃত্য শুচৌ পাত্রে নিধাপযেত্| |৩৪|

Adhikarana dAhodAvartayoH virecanayogaH (34-35) · Śloka 35

| দ্রাক্ষারসেন তং দদ্যাদ্দাহোদাবর্তপীডিতে||৩৪|| চতুর্বর্ষে সুখং বালে যাবদ্দ্বাদশবার্ষিকে| |৩৫|

Adhikarana dAhodAvartayoH anye pa~jca yogAH (35-36) · Śloka 36

| চতুরঙ্গুলমজ্জ্ঞো বা কষাযং পাযযেদ্ধিমম্||৩৫|| দধিমণ্ডসুরামণ্ডধাত্রীফলরসৈঃ পৃথক্| সৌবীরকেণ বা যুক্তম্ কল্কেন ত্রৈবৃতেন বা||৩৬||

Adhikarana rAjavRukShAriShTaM virecanayogaH (37-2) · Śloka 2

দন্তীকষাযে তন্মজ্জ্ঞো গুডং জীর্ণং চ নিক্ষিপেত্| তমরিষ্টং স্থিতং মাসং পাযযেত্ পক্ষমেব বা||৩৭|| ইতি রাজবৃক্ষকল্পঃ||২||

Adhikarana tilvakakalpaH tilvakamUlacUrNasya yogaH (38-40) · Śloka 40

অথ তিল্বককল্পঃ| ত্বচং তিল্বকমূলস্য ত্যক্ত্বাঽঽভ্যন্তরবল্কলম্| বিশোষ্য চূর্ণযিত্বা চ দ্বৌ ভাগৌ গালযেত্ততঃ||৩৮|| রোধ্রস্যৈব কষাযেণ তৃতীযং তেন ভাবযেত্| কষাযে দশমূলস্য তং ভাগং ভাবিতং পুনঃ||৩৯|| শুষ্কং চূর্ণং পুনঃ কৃত্বা ততঃ পাণিতলং পিবেত্| মস্তুমূত্রসুরামণ্ডকোলধাত্রীফলাম্বুভিঃ||৪০||

Adhikarana tilvakamUlakalkasya yogaH (41-3) · Śloka 3

তিল্বকস্য কষাযেণ কল্কেন চ সশর্করঃ| সঘৃতঃ সাধিতো লেহঃ স চ শ্রেষ্ঠং বিরেচনম্||৪১|| ইতি তিল্বককল্পঃ||৩||

Adhikarana sudhAkalpaH sudhAkShIrasya virecanayogaH (42-47) · Śloka 47

অথ সুধাকল্পঃ| সুধা ভিনত্তি দোষাণাং মহান্তমপি সঞ্চযম্| আশ্বেব কষ্ঠবিভ্রংশান্নৈব তাং কল্পযেদতঃ||৪২|| মৃদৌ কোষ্ঠেঽবলে বালে স্থবিরে দীর্ঘরোগিণি| কল্প্যা গুল্মোদরগরত্বগ্রোগমধুমেহিষু||৪৩|| পাণ্ডৌ দূষীবিষে শোফে দোষবিভ্রান্তচেতসি| সা শ্রেষ্ঠা কণ্টকৈস্তীক্ষ্ণৈর্বহুভিশ্চ সমাচিতা||৪৪|| দ্বিবর্ষাং বা ত্রিবর্ষাং বা শিশিরান্তে বিশেষতঃ| তাং পাটযিত্বা শস্ত্রেণ ক্ষীরমুদ্ধারযেত্ততঃ||৪৫|| বিল্বাদীনাং বৃহত্যোর্বা ক্বাথেন সমমেকশঃ| মিশ্রযিত্বা সুধাক্ষীরং ততোঽঙ্গারেষু শোষযেত্||৪৬|| পিবেত্কৃত্বা তু গুটিকাং মস্তুমূত্রসুরাদিভিঃ| |৪৭|

Adhikarana sudhAkShIrasya anyo virecanayogaH (47-4) · Śloka 4

| ত্রিবৃতাদীন্নব বরাং স্বর্ণক্ষীরীং সসাতলাম্||৪৭|| সপ্তাহং স্নুক্পযঃ পীতান্ রসেনাজ্যেন বা পিবেত্| তদ্বদ্ব্যোষোত্তমাকুম্ভনিকুম্ভাগ্নীন্ গুডাম্বুনা||৪৮|| ইতি সুধাকল্পঃ||৪||

Adhikarana sha~gkhinIphalasya kalpaH saptalAmUlasya kalpaH (49-5) · Śloka 5

অথ শঙ্খিনীসপ্তলযোঃ কল্পঃ| নাতিশুষ্কং ফলং গ্রাহ্যং শঙ্খিন্যা নিস্তুষীকৃতম্| সপ্তলাযাস্তথা মূলং তে তু তীক্ষ্ণবিকাষিণী||৪৯|| শ্লেষ্মামযোদরগরশ্বযথ্বাদিষু কল্পযেত্| অক্ষমাত্রং তযোঃ পিণ্ডং মদিরালবণান্বিতম্||৫০|| হৃদ্রোগে বাতকফজে তদ্বদ্গুল্মেঽপি যোজযেত্| |৫১| ইতি শঙ্খিনীসপ্তলযোঃ কল্পঃ||৫||

Adhikarana dantIdravantyoH kalpaH praklinnadehAdiShu kalpaH (51-57) · Śloka 57

অথ দন্তীদ্রবন্ত্যোঃ কল্পঃ| | দন্তিদন্তস্থিরং স্থূলং মূলং দন্তীদ্রবন্তিজম্||৫১|| আতাম্রশ্যাবতীক্ষ্ণোষ্ণমাশুকারি বিকাশি চ| গুরু প্রকোপি বাতস্য পিত্তশ্লেষ্মবিলাযনম্||৫২|| তত্ক্ষৌদ্রপিপ্পলীলিপ্তং স্বেদ্যং মৃদ্দর্ভবেষ্টিতম্| শোষ্যং মন্দাতপেঽগ্ন্যর্কৌ হতো হ্যস্য বিকাশিতাম্||৫৩|| তত্পিবেন্মস্তুমদিরাতক্রপীলুরসাসবৈঃ| অভিষ্যণ্ণতনুর্গুল্মী প্রমেহী জঠরী গরী||৫৪|| গোমৃগাজরসৈঃ পাণ্ডুঃ কৃমিকোষ্ঠী ভগন্দরী| সিদ্ধং তত্ক্বাথকল্কাভ্যাং দশমূলরসেন চ||৫৫|| বিসর্পবিদ্রধ্যলজীকক্ষাদাহান্ জযেদ্ধৃতম্| তৈলং তু গুল্মমেহার্শোবিবন্ধকফমারুতান্||৫৬|| মহাস্নেহঃ শকৃচ্ছুক্রবাতসঙ্গানিলব্যথাঃ| ইতি দন্তীদ্রবন্ত্যোঃ কল্পঃ| বিরেচনে মুখ্যতমা নবৈতে ত্রিবৃতাদযঃ||৫৭||

Adhikarana harItakIkalpaH grahaNyAdiShu kalpaH (58-6) · Śloka 6

অথ হরীতকীকল্পঃ| হরীতকীমপি ত্রিবৃদ্বিধানেনোপকল্পযেত্| গুডস্যাষ্টপলে পথ্যাবিংশতিঃ স্যাত্পলং পলম্||৫৮|| দন্তীচিত্রকযোঃ কর্ষৌ পিপ্পলীত্রিবৃতোর্দশ| প্রকল্প্য মোদকানেকং দশমে দশমেঽহনি||৫৯|| উষ্ণাম্ভোঽনু পিবেত্খাদেত্তান্ সর্বান্বিধিনাঽমুনা| এতে নিষ্পরিহারাঃ স্যুঃ সর্বব্যাধিনিবর্হণাঃ||৬০|| বিশেষাদ্গ্রহণীপাণ্ডুকণ্ডূকোঠার্শসাং হিতাঃ| |৬১| ইতি হরীতকীকল্পঃ||৬||

Adhikarana uktAnAM virecanakalpAnAM ki~jcidvisheShaH (2) · Śloka 2

অল্পস্যাপি মহার্থত্বং প্রভূতস্যাল্পকর্মতাম্||৬১|| কুর্যাত্সংশ্লেষবিশ্লেষকালসংস্কারযুক্তিভিঃ| ৬১ ১/২| ত্বক্কেসরাম্রাতকদাডিমৈলা- সিতোপলামাক্ষিকমাতুলুঙ্গৈঃ| মদ্যেন তৈস্তৈশ্চ মনোনুকূলৈ- র্যুক্তানি দেযানি বিরেচনানি| ৬২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং পঞ্চমে কল্পসিদ্ধিস্থানে বিরেচনকল্পো নাম দ্বিতীযোঽধ্যাযঃ||২||