Adhikarana adhyAyopakramaH (1) · Śloka 1
അസ്മാദനന്തരം ബസ്തിവ്യാപത്സിദ്ധിര്വ്യാഖ്യായതേ||൧||
View original
अस्मादनन्तरं बस्तिव्यापत्सिद्धिर्व्याख्यायते||१||
🔊 Audio coming soon
5. vastivyāpatsiddhiradhyāyaḥ
Adhikarana bastivyApatsiddhiradhyAyaH (2) · Śloka 2
അഥാതോ ബസ്തിവ്യാപത്സിദ്ധിം വ്യാഖ്യാസ്യാമഃ| ഇതി ഹ സ്മാഹുരാത്രേയാദയോ മഹര്ഷയഃ| (ഗദ്യസൂത്രേ)|൨|
View original
अथातो बस्तिव्यापत्सिद्धिं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)|२|
🔊 Audio coming soon
Adhikarana nirUhavyApadaH, ayogavyApadaH, vibandhAkhyA vyApattatsiddhiSca (1-6) · Śloka 6
അസ്നിഗ്ധസ്വിന്നദേഹസ്യ ഗുരുകോഷ്ഠസ്യ യോജിതഃ| ശീതോऽല്പസ്നേഹലവണദ്രവ്യമാത്രോ ഘനോऽപി വാ||൧|| ബസ്തിഃ സങ്ക്ഷോഭ്യ തം ദോഷം ദുര്ബലത്വാദനിര്ഹരന്| കരോത്യയോഗം തേന സ്യാദ്വാതമൂത്രശകൃദഗ്രഹഃ||൨|| നാഭിബസ്തിരുജാ ദാഹോ ഹൃല്ലേപഃ ശ്വയഥുര്ഗുദേ| കണ്ഡൂര്ഗണ്ഡാനി വൈവര്ണ്യമരതിര്വഹ്നിമാര്ദവമ്||൩|| ക്വാഥദ്വയം പ്രാഗ്വിഹിതം മധ്യദോഷേऽതിസാരിണി| ഉഷ്ണസ്യ തസ്മാദേകസ്യ തത്ര പാനം പ്രശസ്യതേ||൪|| ഫലവര്ത്യസ്തഥാ സ്വേദാഃ കാലം ജ്ഞാത്വാ വിരേചനമ്| ബില്വമൂലത്രിവൃദ്ദാരുയവകോലകുലത്ഥവാന്||൫|| സുരാദിമൂത്രവാന് ബസ്തിഃ സപ്രാക്പേഷ്യസ്തമാനയേത്| |൬|
View original
अस्निग्धस्विन्नदेहस्य गुरुकोष्ठस्य योजितः| शीतोऽल्पस्नेहलवणद्रव्यमात्रो घनोऽपि वा||१|| बस्तिः सङ्क्षोभ्य तं दोषं दुर्बलत्वादनिर्हरन्| करोत्ययोगं तेन स्याद्वातमूत्रशकृदग्रहः||२|| नाभिबस्तिरुजा दाहो हृल्लेपः श्वयथुर्गुदे| कण्डूर्गण्डानि वैवर्ण्यमरतिर्वह्निमार्दवम्||३|| क्वाथद्वयं प्राग्विहितं मध्यदोषेऽतिसारिणि| उष्णस्य तस्मादेकस्य तत्र पानं प्रशस्यते||४|| फलवर्त्यस्तथा स्वेदाः कालं ज्ञात्वा विरेचनम्| बिल्वमूलत्रिवृद्दारुयवकोलकुलत्थवान्||५|| सुरादिमूत्रवान् बस्तिः सप्राक्पेष्यस्तमानयेत्| |६|
🔊 Audio coming soon
Adhikarana AdhmAnAkhyA vyApattatsiddhiSca (6-10) · Śloka 10
| യുക്തോऽല്പവീര്യോ ദോഷാഢ്യേ രൂക്ഷേ ക്രൂരാശയേऽഥവാ||൬|| ബസ്തിര്ദോഷാവൃതോ രൂദ്ധമാര്ഗോ രുന്ധ്യാത്സമീരണമ്| സ വിമാര്ഗോऽനിലഃ കുര്യാദാധ്മാനം മര്മപീഡനമ്||൭|| വിദാഹം ഗുദകോഷ്ഠസ്യ മുഷ്കവങ്ക്ഷണവേദനാമ്| രുണദ്ധി ഹൃദയം ശൂലൈരിതശ്ചേതശ്ച ധാവതി||൮|| സ്വഭ്യക്തസ്വിന്നഗാത്രസ്യ തത്ര വര്തിം പ്രയോജയേത്| ബില്വാദിശ്ച നിരൂഹഃ സ്യാത്പീലുസര്ഷപമൂത്രവാന്||൯|| സരലാമരദാരുഭ്യാം സാധിതം ചാനുവാസനമ്| |൧൦|
View original
| युक्तोऽल्पवीर्यो दोषाढ्ये रूक्षे क्रूराशयेऽथवा||६|| बस्तिर्दोषावृतो रूद्धमार्गो रुन्ध्यात्समीरणम्| स विमार्गोऽनिलः कुर्यादाध्मानं मर्मपीडनम्||७|| विदाहं गुदकोष्ठस्य मुष्कवङ्क्षणवेदनाम्| रुणद्धि हृदयं शूलैरितश्चेतश्च धावति||८|| स्वभ्यक्तस्विन्नगात्रस्य तत्र वर्तिं प्रयोजयेत्| बिल्वादिश्च निरूहः स्यात्पीलुसर्षपमूत्रवान्||९|| सरलामरदारुभ्यां साधितं चानुवासनम्| |१०|
🔊 Audio coming soon
Adhikarana UrdhvamArUtAkhyA vyApattatsiddhiSca (10-21) · Śloka 21
| കുര്വതോ വേഗസംരോധം പീഡിതോ വാऽതിമാത്രയാ||൧൦|| അസ്നിഗ്ധലവണോഷ്ണോ വാ ബസ്തിരല്പോऽല്പഭേഷജഃ| മൃദുര്വാ മാരുതേനോര്ധ്വം വിക്ഷിപ്തോ മുഖനാസികാത്||൧൧|| നിരേതി മൂര്ച്ഛാഹൃല്ലാസതൃഡ്ദാഹാദീന് പ്രവര്തയന്| മൂര്ച്ഛാവികാരം ദൃഷ്ട്വാऽസ്യ സിഞ്ചേച്ഛീതാമ്ബുനാ മുഖമ്||൧൨|| വ്യേജദാക്ലമനാശാച്ച പ്രാണായാമം ച കാരയേത്| പൃഷ്ഠപാര്ശ്വോദരം മൃജ്യാത് കരൈരുഷ്ണൈരധോമുഖമ്||൧൩|| കേശേഷൂത്ക്ഷിപ്യ ധുന്വീത ഭീഷയേദ്വ്യാലദംഷ്ട്രിഭിഃ| ശസ്ത്രോല്കാരാജപുരുഷൈര്ബസ്തിരേതി തഥാ ഹ്യധഃ||൧൪|| പാണിവസ്ത്രൈര്ഗലാപീഡം കുര്യാന്ന മ്രിയതേ തഥാ| പ്രാണോദാനനിരോധാദ്ധി സുപ്രസിദ്ധതരായനഃ||൧൫|| അപാനഃ പവനോ ബസ്തിം തമാശ്വേവാപകര്ഷതി| കുഷ്ഠക്രമുകകല്കം ച പായേതാമ്ലസംയുതമ്||൧൬|| ഓഷ്ണ്യാത്തൈക്ഷ്ണ്യാത്സരത്വാച്ച ബസ്തിം സോऽസ്യാനുലോമയേത് ഗോമൂത്രേണ ത്രിവൃത്പഥ്യാകല്കം വാऽധോനുലോമനമ്||൧൭|| പക്വാശയസ്ഥിതേ സ്വിന്നേ നിരൂഹോ ദാശമൂലികഃ| യവകോലകുലത്ഥൈശ്ച വിധേയോ മൂത്രസാധിതൈഃ||൧൮|| ബസ്തിര്ഗോമൂത്രസിദ്ധൈര്വാ സാമൃതാവംശപല്ലവൈഃ| പൂതീകരഞ്ജത്വക്പത്രശഠീദേവാഹ്വരോഹിഷൈഃ||൧൯|| സതൈലഗുഡസിന്ധൂത്ഥോ വിരേകൌഷധകല്കവാന്| ബില്വാദിപഞ്ചമൂലേന സിദ്ധോ ബസ്തിരുരഃസ്ഥിതേ||൨൦|| ശിരഃസ്ഥേ നാവനം ധൂമഃ പ്രച്ഛാദ്യം സര്ഷപൈഃ ശിരഃ| |൨൧|
View original
| कुर्वतो वेगसंरोधं पीडितो वाऽतिमात्रया||१०|| अस्निग्धलवणोष्णो वा बस्तिरल्पोऽल्पभेषजः| मृदुर्वा मारुतेनोर्ध्वं विक्षिप्तो मुखनासिकात्||११|| निरेति मूर्च्छाहृल्लासतृड्दाहादीन् प्रवर्तयन्| मूर्च्छाविकारं दृष्ट्वाऽस्य सिञ्चेच्छीताम्बुना मुखम्||१२|| व्येजदाक्लमनाशाच्च प्राणायामं च कारयेत्| पृष्ठपार्श्वोदरं मृज्यात् करैरुष्णैरधोमुखम्||१३|| केशेषूत्क्षिप्य धुन्वीत भीषयेद्व्यालदंष्ट्रिभिः| शस्त्रोल्काराजपुरुषैर्बस्तिरेति तथा ह्यधः||१४|| पाणिवस्त्रैर्गलापीडं कुर्यान्न म्रियते तथा| प्राणोदाननिरोधाद्धि सुप्रसिद्धतरायनः||१५|| अपानः पवनो बस्तिं तमाश्वेवापकर्षति| कुष्ठक्रमुककल्कं च पायेताम्लसंयुतम्||१६|| ओष्ण्यात्तैक्ष्ण्यात्सरत्वाच्च बस्तिं सोऽस्यानुलोमयेत् गोमूत्रेण त्रिवृत्पथ्याकल्कं वाऽधोनुलोमनम्||१७|| पक्वाशयस्थिते स्विन्ने निरूहो दाशमूलिकः| यवकोलकुलत्थैश्च विधेयो मूत्रसाधितैः||१८|| बस्तिर्गोमूत्रसिद्धैर्वा सामृतावंशपल्लवैः| पूतीकरञ्जत्वक्पत्रशठीदेवाह्वरोहिषैः||१९|| सतैलगुडसिन्धूत्थो विरेकौषधकल्कवान्| बिल्वादिपञ्चमूलेन सिद्धो बस्तिरुरःस्थिते||२०|| शिरःस्थे नावनं धूमः प्रच्छाद्यं सर्षपैः शिरः| |२१|
🔊 Audio coming soon
Adhikarana atiyogavyApadaH (21-23) · Śloka 23
| ബസ്തിരത്യുഷ്ണതീക്ഷ്ണാമ്ലഘനോऽതിസ്വേദിതസ്യ വാ||൨൧|| അല്പേ ദോഷേ മൃദൌ കോഷ്ഠേ പ്രയുക്തോ വാ പുനഃപുനഃ| അതിയോഗത്വമാപന്നോ ഭവേത്കുക്ഷിരുജാകരഃ||൨൨|| വിരേചനാതിയോഗേന സ തുല്യാകൃതിസാധനഃ| |൨൩|
View original
| बस्तिरत्युष्णतीक्ष्णाम्लघनोऽतिस्वेदितस्य वा||२१|| अल्पे दोषे मृदौ कोष्ठे प्रयुक्तो वा पुनःपुनः| अतियोगत्वमापन्नो भवेत्कुक्षिरुजाकरः||२२|| विरेचनातियोगेन स तुल्याकृतिसाधनः| |२३|
🔊 Audio coming soon
Adhikarana kukShishUlAkhyA vyApattatsiddhiSca sravAkhyA vyApattatsiddhiSca (23-28) · Śloka 28
| ബസ്തിഃ ക്ഷാരാമ്ലതീക്ഷ്ണോഷ്ണലവണഃ പൈത്തികസ്യ വാ||൨൩|| ഗുദം ദഹന് ലിഖന് ക്ഷിണ്വന് കരോത്യസ്യ പരിസ്രവമ്| സ വിദഗ്ധം സ്രവത്യസ്രം വര്ണൈഃ പിത്തം ച ഭൂരിഭിഃ||൨൪|| ബഹുശശ്ചാതിവേഗേന മോഹം ഗച്ഛതി സോऽസകൃത്| രക്തപിത്താതിസാരഘ്നീ ക്രിയാ തത്ര പ്രശസ്യതേ||൨൫|| ദാഹാദിഷു ത്രിവൃത്കല്കം മൃദ്വീകാവാരിണാ പിബേത്| തദ്ധി പിത്തശകൃദ്വാതാന് ഹൃത്വാ ദാഹാദികാന് ജയേത്||൨൬|| വിശുദ്ധശ്ച പിബേച്ഛീതാം യവാഗൂം ശര്കരായുതാമ്| യുഞ്യാദ്വാऽതിവിരിക്തസ്യ ക്ഷീണവിട്കസ്യ ഭോജനമ്||൨൭|| മാഷയൂഷേണ കുല്മാഷാന് പാനം ദധ്യഥവാ സുരാമ്| സിദ്ധിര്വസ്ത്യാപദാമേവം|൨൮|
View original
| बस्तिः क्षाराम्लतीक्ष्णोष्णलवणः पैत्तिकस्य वा||२३|| गुदं दहन् लिखन् क्षिण्वन् करोत्यस्य परिस्रवम्| स विदग्धं स्रवत्यस्रं वर्णैः पित्तं च भूरिभिः||२४|| बहुशश्चातिवेगेन मोहं गच्छति सोऽसकृत्| रक्तपित्तातिसारघ्नी क्रिया तत्र प्रशस्यते||२५|| दाहादिषु त्रिवृत्कल्कं मृद्वीकावारिणा पिबेत्| तद्धि पित्तशकृद्वातान् हृत्वा दाहादिकान् जयेत्||२६|| विशुद्धश्च पिबेच्छीतां यवागूं शर्करायुताम्| युञ्याद्वाऽतिविरिक्तस्य क्षीणविट्कस्य भोजनम्||२७|| माषयूषेण कुल्माषान् पानं दध्यथवा सुराम्| सिद्धिर्वस्त्यापदामेवं|२८|
🔊 Audio coming soon
Adhikarana anuvAsanavyApadaH (28) · Śloka 28
| സ്നേഹബസ്തേസ്തു വക്ഷ്യതേ||൨൮||
View original
| स्नेहबस्तेस्तु वक्ष्यते||२८||
🔊 Audio coming soon
Adhikarana tatra pa~jcavyApadAM kAraNam (29-30) · Śloka 30
ശീതോऽല്പോ വാऽധികേ വാതേ പിത്തേऽത്യുഷ്ണഃ കഫേ മൃദുഃ| അതിഭുക്തേ ഗുരുര്വര്ചഃസഞ്ചയേऽല്പബലസ്തഥാ||൨൯|| ദത്തസ്തൈരാവൃതഃ സ്നേഹോ നായാത്യഭിഭവാദപി| |൩൦|
View original
शीतोऽल्पो वाऽधिके वाते पित्तेऽत्युष्णः कफे मृदुः| अतिभुक्ते गुरुर्वर्चःसञ्चयेऽल्पबलस्तथा||२९|| दत्तस्तैरावृतः स्नेहो नायात्यभिभवादपि| |३०|
🔊 Audio coming soon
Adhikarana vAtAvRutasya lakShaNaM cikitsitaM ca (30-33) · Śloka 33
| സ്തമ്ഭോരുസദനാധ്മാനജ്വരശൂലാങ്ഗമര്ദനൈഃ||൩൦|| പാര്ശ്വരുഗ്വേഷ്ടനൈര്വിദ്യാദ്വായുനാ സ്നേഹമാവൃതമ്| സ്നിഗ്ധാമ്ലലവണോഷ്ണൈസ്തം രാസ്നാപീതദ്രുതൈലികൈഃ||൩൧|| സൌവീരകസുരാകോലകുലത്ഥയവസാധിതൈഃ| നിരൂഹൈര്നിര്ഹരേത്സമ്യക് സമൂത്രൈഃ പാഞ്ചമൂലികൈഃ||൩൨|| താഭ്യാമേവ ച തൈലാഭ്യാം സായം ഭുക്തേऽനുവാസയേത്| |൩൩|
View original
| स्तम्भोरुसदनाध्मानज्वरशूलाङ्गमर्दनैः||३०|| पार्श्वरुग्वेष्टनैर्विद्याद्वायुना स्नेहमावृतम्| स्निग्धाम्ललवणोष्णैस्तं रास्नापीतद्रुतैलिकैः||३१|| सौवीरकसुराकोलकुलत्थयवसाधितैः| निरूहैर्निर्हरेत्सम्यक् समूत्रैः पाञ्चमूलिकैः||३२|| ताभ्यामेव च तैलाभ्यां सायं भुक्तेऽनुवासयेत्| |३३|
🔊 Audio coming soon
Adhikarana pittAvRutasya lakShaNaM cikitsitaM ca (33-34) · Śloka 34
| തൃഡ്ദാഹരാഗസമ്മോഹവൈവര്ണ്യതമകജ്വരൈഃ||൩൩|| വിദ്യാത്പിത്താവൃതം സ്വാദുതിക്തൈസ്തം ബസ്തിഭിര്ഹരേത്| |൩൪|
View original
| तृड्दाहरागसम्मोहवैवर्ण्यतमकज्वरैः||३३|| विद्यात्पित्तावृतं स्वादुतिक्तैस्तं बस्तिभिर्हरेत्| |३४|
🔊 Audio coming soon
Adhikarana kaPAvRutasya lakShaNaM cikitsitaM ca (34-36) · Śloka 36
| തന്ദ്രാശീതജ്വരാലസ്യപ്രസേകാരുചിഗൌരവൈഃ||൩൪|| സമ്മൂര്ച്ഛാഗ്ലാനിഭിര്വിദ്യാച്ഛ്ലേഷ്മണാ സ്നേഹമാവൃതമ്| കഷായതിക്തകടുകൈഃ സുരാമൂത്രോപസാധിതൈഃ||൩൫|| ഫലതൈലയുതൈഃ സാമ്ലൈര്ബസ്തിഭിസ്തം വിനിര്ഹരേത്| |൩൬|
View original
| तन्द्राशीतज्वरालस्यप्रसेकारुचिगौरवैः||३४|| सम्मूर्च्छाग्लानिभिर्विद्याच्छ्लेष्मणा स्नेहमावृतम्| कषायतिक्तकटुकैः सुरामूत्रोपसाधितैः||३५|| फलतैलयुतैः साम्लैर्बस्तिभिस्तं विनिर्हरेत्| |३६|
🔊 Audio coming soon
Adhikarana atyashanAvRutasya lakShaNaM cikitsitaM ca (36-38) · Śloka 38
| ഛര്ദിമൂര്ച്ഛാരുചിഗ്ലാനിശൂലനിദ്രാങ്ഗമര്ദനൈഃ||൩൬|| ആമലിങ്ഗൈഃ സദാഹൈസ്തം വിദ്യാദത്യശനാവൃതമ്| കടൂനാം ലവണാനാം ച ക്വാഥൈശ്ചൂര്ണൈശ്ച പാചനമ്||൩൭|| മൃദുര്വിരേകഃ സര്വം ച തത്രാമവിഹിതം ഹിതമ്| |൩൮|
View original
| छर्दिमूर्च्छारुचिग्लानिशूलनिद्राङ्गमर्दनैः||३६|| आमलिङ्गैः सदाहैस्तं विद्यादत्यशनावृतम्| कटूनां लवणानां च क्वाथैश्चूर्णैश्च पाचनम्||३७|| मृदुर्विरेकः सर्वं च तत्रामविहितं हितम्| |३८|
🔊 Audio coming soon
Adhikarana viDAvRutasya lakShaNaM cikitsitaM ca (38-40) · Śloka 40
| വിണ്മൂത്രാനിലസങ്ഗാര്തിഗുരുത്വാധ്മാനഹൃദ്ഗ്രഹൈഃ||൩൮|| സ്നേഹം വിഡാവൃതം ജ്ഞാത്വാ സ്നേഹസ്വേദൈഃ സവര്തിഭിഃ| ശ്യാമാബില്വാദിസിദ്ധൈശ്ച നിരുഹൈഃ സാനുവാസനൈഃ||൩൯|| നിര്ഹരേദ്വിധിനാ സമ്യഗുദാവര്തഹരേണ ച| |൪൦|
View original
| विण्मूत्रानिलसङ्गार्तिगुरुत्वाध्मानहृद्ग्रहैः||३८|| स्नेहं विडावृतं ज्ञात्वा स्नेहस्वेदैः सवर्तिभिः| श्यामाबिल्वादिसिद्धैश्च निरुहैः सानुवासनैः||३९|| निर्हरेद्विधिना सम्यगुदावर्तहरेण च| |४०|
🔊 Audio coming soon
Adhikarana aBuktAdidattasya lakShaNaM cikitsitaM ca (40-43) · Śloka 43
| അഭുക്തേ ശൂനപായൌ വാ പേയാമാത്രാശിതസ്യ വാ||൪൦|| ഗുദേ പ്രണിഹിതഃ സ്നേഹോ വേഗാദ്ധാവത്യനാവൃതഃ| ഊര്ധ്വം കായം തതഃ കണ്ഠാദൂര്ധ്വേഭ്യഃ ഖേഭ്യ ഏത്യപി||൪൧|| മൂത്രശ്യാമാത്രിവൃത്സിദ്ധോ യവകോലകുലത്ഥവാന്| തത്സിദ്ധതൈലോ ദേയഃ സ്യാന്നിരൂഹഃ സാനുവാസനഃ||൪൨|| കണ്ഠാദാഗച്ഛതഃ സ്തമ്ഭകണ്ഠഗ്രഹവിരേചനൈഃ| ഛര്ദിഘ്നീഭിഃ ക്രിയാഭിശ്ച തസ്യ കുര്യാന്നിബര്ഹണമ്||൪൩||
View original
| अभुक्ते शूनपायौ वा पेयामात्राशितस्य वा||४०|| गुदे प्रणिहितः स्नेहो वेगाद्धावत्यनावृतः| ऊर्ध्वं कायं ततः कण्ठादूर्ध्वेभ्यः खेभ्य एत्यपि||४१|| मूत्रश्यामात्रिवृत्सिद्धो यवकोलकुलत्थवान्| तत्सिद्धतैलो देयः स्यान्निरूहः सानुवासनः||४२|| कण्ठादागच्छतः स्तम्भकण्ठग्रहविरेचनैः| छर्दिघ्नीभिः क्रियाभिश्च तस्य कुर्यान्निबर्हणम्||४३||
🔊 Audio coming soon
Adhikarana Amadattasya lakShaNaM cikitsitaM ca (44-45) · Śloka 45
നാപക്വം പ്രണയേത്സ്നേഹം ഗുദം സ ഹ്യുപലിമ്പതി| തതഃ കുര്യാത്സരുങ്മോഹകണ്ഡൂശോഫാന്, ക്രിയാऽത്ര ച||൪൪|| തീക്ഷ്ണോ ബസ്തിസ്തഥാ തൈലമര്കപത്രരസേ ശൃതമ്| |൪൫|
View original
नापक्वं प्रणयेत्स्नेहं गुदं स ह्युपलिम्पति| ततः कुर्यात्सरुङ्मोहकण्डूशोफान्, क्रियाऽत्र च||४४|| तीक्ष्णो बस्तिस्तथा तैलमर्कपत्ररसे शृतम्| |४५|
🔊 Audio coming soon
Adhikarana savAtapraNayanasya lakShaNaM cikitsitaM ca (45-46) · Śloka 46
| അനുച്ഛ്വാസ്യ തു ബദ്ധേ വാ ദത്തേ നിഃശേഷ ഏവ വാ||൪൫|| പ്രവിശ്യ ക്ഷുഭിതോ വായുഃ ശൂലതോദകരോ ഭവേത്| തത്രാഭ്യങ്ഗോ ഗുദേ സ്വേദോ വാതഘ്നാന്യശനാനി ച||൪൬||
View original
| अनुच्छ्वास्य तु बद्धे वा दत्ते निःशेष एव वा||४५|| प्रविश्य क्षुभितो वायुः शूलतोदकरो भवेत्| तत्राभ्यङ्गो गुदे स्वेदो वातघ्नान्यशनानि च||४६||
🔊 Audio coming soon
Adhikarana atidrutotkShiptayoH lakShaNaM cikitsitaM ca (47-48) · Śloka 48
ദ്രുതം പ്രണീതേ നിഷ്കൃഷ്ടേ സഹസോത്ക്ഷിപ്ത ഏവ വാ| സ്യാത് കടീഗുദജങ്ഘോരുബസ്തിസ്തമ്ഭാര്തിഭേദനമ്||൪൭|| ഭോജനം തത്ര വാതഘ്നം സ്വേദാഭ്യങ്ഗാഃ സബസ്തയഃ| |൪൮|
View original
द्रुतं प्रणीते निष्कृष्टे सहसोत्क्षिप्त एव वा| स्यात् कटीगुदजङ्घोरुबस्तिस्तम्भार्तिभेदनम्||४७|| भोजनं तत्र वातघ्नं स्वेदाभ्यङ्गाः सबस्तयः| |४८|
🔊 Audio coming soon
Adhikarana ulluptasya lakShaNaM cikitsitaM ca (48-49) · Śloka 49
| പീഡ്യമാനേऽന്തരാ മുക്തേ ഗുദേ പ്രതിഹതോऽനിലഃ||൪൮|| ഉരഃശിരോരുജം സാദമൂര്വോശ്ച ജനയേദ്ബലീ| ബസ്തിഃ സ്യാത്തത്ര ബില്വാദിഫലശ്യാമാദിമൂത്രവാന്||൪൯||
View original
| पीड्यमानेऽन्तरा मुक्ते गुदे प्रतिहतोऽनिलः||४८|| उरःशिरोरुजं सादमूर्वोश्च जनयेद्बली| बस्तिः स्यात्तत्र बिल्वादिफलश्यामादिमूत्रवान्||४९||
🔊 Audio coming soon
Adhikarana ativegasya lakShaNaM cikitsitaM ca (50) · Śloka 50
അതിപ്രപീഡിതഃ കോഷ്ഠേ തിഷ്ഠത്യായാതി വാ ഗലമ്| തത്ര ബസ്തിര്വിരേകശ്ച ഗലപീഡാദി കര്മ ച||൫൦||
View original
अतिप्रपीडितः कोष्ठे तिष्ठत्यायाति वा गलम्| तत्र बस्तिर्विरेकश्च गलपीडादि कर्म च||५०||
🔊 Audio coming soon
Adhikarana vamanAdishuddhasya visheShato~apacAraniShedhaH (51-52) · Śloka 52
വമനാദ്യൈര്വിശുദ്ധം ച ക്ഷാമദേഹബലാനലമ്| യഥാऽണ്ഡം തരുണം പൂര്ണം തൈലപാത്രം യഥാ തഥാ||൫൧|| ഭിഷക് പ്രയത്നതോ രക്ഷേത്സര്വസ്മാദപചാരതഃ| |൫൨|
View original
वमनाद्यैर्विशुद्धं च क्षामदेहबलानलम्| यथाऽण्डं तरुणं पूर्णं तैलपात्रं यथा तथा||५१|| भिषक् प्रयत्नतो रक्षेत्सर्वस्मादपचारतः| |५२|
🔊 Audio coming soon
Adhikarana shuddhasyopacAraH (5) · Śloka 5
| ദദ്യാന്മധുരഹൃദ്യാനി തതോऽമ്ലലവണൌ രസൌ||൫൨|| സ്വാദുതിക്തൌ തതോ ഭൂയഃ കഷായകടുകൌ തതഃ| അന്യോന്യപ്രത്യനീകാനാം രസാനാം സ്നിഗ്ധരൂക്ഷയോഃ||൫൩|| വ്യത്യാസാദുപയോഗേന ക്രമാത്തം പ്രകൃതിം നയേത്| സര്വംസഹഃ സ്ഥിരബലോ വിജ്ഞേയഃ പ്രകൃതിം ഗതഃ||൫൪|| ഇതി ശ്രീവൈദ്യപതിസിംഹഗുപ്തസൂനുശ്രീമദ്വാഗ്ഭടവിരചിതായാമഷ്ടാങ്ഗഹൃദയസംഹിതായാം പഞ്ചമേ കല്പസിദ്ധിസ്ഥാനേ ബസ്തിവ്യാപത്സിദ്ധിര്നാമ പഞ്ചമോऽധ്യായഃ||൫||
View original
| दद्यान्मधुरहृद्यानि ततोऽम्ललवणौ रसौ||५२|| स्वादुतिक्तौ ततो भूयः कषायकटुकौ ततः| अन्योन्यप्रत्यनीकानां रसानां स्निग्धरूक्षयोः||५३|| व्यत्यासादुपयोगेन क्रमात्तं प्रकृतिं नयेत्| सर्वंसहः स्थिरबलो विज्ञेयः प्रकृतिं गतः||५४|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां पञ्चमे कल्पसिद्धिस्थाने बस्तिव्यापत्सिद्धिर्नाम पञ्चमोऽध्यायः||५||
🔊 Audio coming soon