Adhikarana atha lUtApratiShedho nAma catushcatvAriMsho~adhyAyaH, adhyAyapratij~jA (1) · Śloka 1
ಅಥಾತೋ ಲೂತಾಪ್ರತಿಷೇಧಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||
अथातो लूताप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana lUtAsambhave matAntarANi (2) · Śloka 2
ವಿಶ್ವಾಮಿತ್ರಾಯ ರುಷ್ಟಸ್ಯ ವಸಿಷ್ಠಸ್ಯ ಲಲಾಟಜಾಃ| ಸ್ವೇದಲೇಶಾಃ ಸ್ಮೃತಾ ಲೂತಾ ಲೂನೇ ಯೇ ಪತಿತಾಸ್ತೃಣೇ| ಖಾಣ್ಡವೇ ದಹ್ಯಮಾನಾನಾಮಸುರಾಣಾಂ ಶರೀರತಃ| ಯೇ ಸ್ಫುಲಿಙ್ಗಾ ವಿನಿಶ್ಚೇರುಸ್ತೇ ಲೂತಾ ಇತಿ ಕೇಚನ| ಅನ್ಯೇ ವದನ್ತಿ ಭುಕ್ತಸ್ಯ ದುಷ್ಟಸ್ಯಾನ್ನಸ್ಯ ಮೂರ್ಚ್ಛನಾತ್| ಸಮ್ಭವನ್ತಿ ವಿಷಸ್ಫೋಟಾ ಯೇ ಲೂತಾಃ...................||೨||
विश्वामित्राय रुष्टस्य वसिष्ठस्य ललाटजाः| स्वेदलेशाः स्मृता लूता लूने ये पतितास्तृणे| खाण्डवे दह्यमानानामसुराणां शरीरतः| ये स्फुलिङ्गा विनिश्चेरुस्ते लूता इति केचन| अन्ये वदन्ति भुक्तस्य दुष्टस्यान्नस्य मूर्च्छनात्| सम्भवन्ति विषस्फोटा ये लूताः...................||२||
🔊 Audio coming soon
Adhikarana sAmAnye kITalakShaNam (3) · Śloka 3
.....................ಕೀಟಲಕ್ಷಣಮ್| ಯಥಾಸ್ವಂ ಧಾರಯನ್ತಸ್ತೇ ಲೂತಾಃ ಕೀಟಾಶ್ಚ ಸಂಜ್ಞಿತಾಃ||೩||
.....................कीटलक्षणम्| यथास्वं धारयन्तस्ते लूताः कीटाश्च संज्ञिताः||३||
🔊 Audio coming soon
Adhikarana lUtAnAM ghoratamatvam (4) · Śloka 4
ತತ್ರ ಘೋರತಮಾ ಲೂತಾ ಭಿದ್ಯನ್ತೇ ತಾ ಅಪಿ ತ್ರಿಧಾ| ತೀಕ್ಷ್ಣಮಧ್ಯಾವರತ್ವೇನ ಘ್ನನ್ತಿ ಚಾಶ್ವಚಿಕಿತ್ಸಿತಾಃ| ಸಪ್ತಾಹೇನ ದಶಾಹೇನ ಪಕ್ಷೇಣ ಚ ಪರಂ ಕ್ರಮಾತ್||೪||
तत्र घोरतमा लूता भिद्यन्ते ता अपि त्रिधा| तीक्ष्णमध्यावरत्वेन घ्नन्ति चाश्वचिकित्सिताः| सप्ताहेन दशाहेन पक्षेण च परं क्रमात्||४||
🔊 Audio coming soon
Adhikarana AgneyAH lUtAH (5) · Śloka 5
ಕಪಿಲಾಗ್ನಿಮುಖೀ ಪೀತಾ ಪದ್ಮಾ ಮೂತ್ರಾ ಸಿತಾಽಸಿತಾ| ಆಗ್ನೇಯ್ಯಃ ಸ್ವೇದಜಾಃ ಸಪ್ತ ಲತಾಃ ಪಿತ್ತವಿಕಾರದಾಃ||೫||
कपिलाग्निमुखी पीता पद्मा मूत्रा सिताऽसिता| आग्नेय्यः स्वेदजाः सप्त लताः पित्तविकारदाः||५||
🔊 Audio coming soon
Adhikarana saumyAH lUtAH (6) · Śloka 6
ಪಾಣ್ಡುರಾ ರಕ್ತಪದಿಕಾ ಭೃಙ್ಗಾ ಪಿಙ್ಗಾ ತ್ರಿಮಣ್ಡಲಾ| ಪೂತಿರ್ವೀರಾಽರಣ್ಡಜಾಃ ಸಪ್ತ ಸೌಮ್ಯಾಃ ಶ್ಲೇಷ್ಮವಿಕಾರದಾಃ||೬||
पाण्डुरा रक्तपदिका भृङ्गा पिङ्गा त्रिमण्डला| पूतिर्वीराऽरण्डजाः सप्त सौम्याः श्लेष्मविकारदाः||६||
🔊 Audio coming soon
Adhikarana vAyavyAH lUtAH (7) · Śloka 7
ಕುಮುದಾಽಲವಿಷಾ ರಕ್ತಾಶ್ಚಿತ್ರಾ ಸನ್ತಾನಿಮೇಚಕಾ| ಕಸನಾ ಚೋದ್ಭಿದಾಃ ಸಪ್ತ ವಾಯವ್ಯಾ ವಾಯುರೋಗದಾಃ||೭||
कुमुदाऽलविषा रक्ताश्चित्रा सन्तानिमेचका| कसना चोद्भिदाः सप्त वायव्या वायुरोगदाः||७||
🔊 Audio coming soon
Adhikarana mishrAH lUtAH (8) · Śloka 8
ಕಾಕಾಣ್ಡ್ಯೇಣಪದೀ ಲಾಜಾ ವೈದೇಹೀ ಜಾಲಿನೀ ತಥಾ| ಮಾಲಾಗುಣಾ ಸುವರ್ಣಾ ಚ ಮಿಶ್ರಾಃ ಸಪ್ತೋಪಪಾದಿಕಾಃ||೮||
काकाण्ड्येणपदी लाजा वैदेही जालिनी तथा| मालागुणा सुवर्णा च मिश्राः सप्तोपपादिकाः||८||
🔊 Audio coming soon
Adhikarana sAdhyAsAdhyatA (9) · Śloka 9
ವ್ಯಾಪ್ನುವನ್ತ್ಯಾಶು ಗಾತ್ರಾಣಿ ಜ್ವಲತ್ಪಾವಕಸನ್ನಿಭಾಃ| ಸನ್ನಿಪಾತಕೃತೋಽಸಾಧ್ಯಾಃ ಸಾಧ್ಯಾಃ ಕೃಚ್ಛ್ರೇಣ ಚೇತರಾಃ||೯||
व्याप्नुवन्त्याशु गात्राणि ज्वलत्पावकसन्निभाः| सन्निपातकृतोऽसाध्याः साध्याः कृच्छ्रेण चेतराः||९||
🔊 Audio coming soon
Adhikarana teShAM dashanakAlAH (10) · Śloka 10
ತಾ ದಶನ್ತಿ ಸಿತೇ ಪಕ್ಷೇಽಸಿತೇ ಸನ್ಧೌ ಸದೈವ ಚ||೧೦||
ता दशन्ति सिते पक्षेऽसिते सन्धौ सदैव च||१०||
🔊 Audio coming soon
Adhikarana sAmAnyaM daMshalakShaNam (11) · Śloka 11
ದಂಶಃ ಸಾಮಾನ್ಯತಸ್ತಾಸಾಂ ದದ್ಗುಮಣ್ಡಲಸನ್ನಿಭಃ| ಸಿತೋಽಸಿತೋಽರುಣಃ ಪೀತಃ ಶ್ಯಾವೋ ವಾ ಮೃದುರುನ್ನತಃ| ಮಧ್ಯೇ ಕೃಷ್ಣೋಽಥವಾ ಶ್ಯಾವಃ ಪರ್ಯನ್ತೇ ಜಾಲಕಾವೃತಃ| ವಿಸರ್ಪವಾಞ್ಛೋಫಯುತಸ್ತಪ್ಯತೇ ಬಹುವೇದನಃ| ಜ್ವರಾಶುಪಾಕವಿಕ್ಲೇದಕೋಥಾವದರಣಾನ್ವಿತಃ| ಕ್ಲೇದೇನ ಯತ್ಸ್ಪೃಶತ್ಯಙ್ಗಂ ತತ್ರಾಪಿ ಕುರುತೇ ವ್ರಣಮ್||೧೧||
दंशः सामान्यतस्तासां दद्गुमण्डलसन्निभः| सितोऽसितोऽरुणः पीतः श्यावो वा मृदुरुन्नतः| मध्ये कृष्णोऽथवा श्यावः पर्यन्ते जालकावृतः| विसर्पवाञ्छोफयुतस्तप्यते बहुवेदनः| ज्वराशुपाकविक्लेदकोथावदरणान्वितः| क्लेदेन यत्स्पृशत्यङ्गं तत्रापि कुरुते व्रणम्||११||
🔊 Audio coming soon
Adhikarana viShodvamanasAdhanAni (12) · Śloka 12
ಶ್ವಾಸದಂಷ್ಟ್ರಾಶಕೃನ್ಮೂತ್ರಶುಕ್ರಲಾಲಾನಖಾರ್ತ್ತವೈಃ| ಅಷ್ಟಾಭಿರುದ್ವಮನ್ತ್ಯೇತಾ ವಿಷಮ್ ವಕ್ತ್ರಾದ್ವಿಶೇಷತಃ||೧೨||
श्वासदंष्ट्राशकृन्मूत्रशुक्रलालानखार्त्तवैः| अष्टाभिरुद्वमन्त्येता विषम् वक्त्राद्विशेषतः||१२||
🔊 Audio coming soon
Adhikarana karaNabhedena daMshalakShaNAni (13) · Śloka 13
ಶ್ವಾಸೇನ ದಂಶಃ ಸಹಸಾ ಸೂಯತೇ ಜ್ವರದಾಹವನ್| ದಂಷ್ಟ್ರಾಕೃತಸ್ತೂಗ್ರತರೋ ವಿವರ್ಣಃ ಕಠಿನಃ ಸ್ಥಿರಃ| ಗಮ್ಭೀರಶೋಫವಾಂಸ್ತೋದವೇದನಾದಾಹಸಂಯುತಃ| ದುರ್ಗನ್ಧೀ ಶಕೃತಾ ದಾಹಕಣ್ಡೂಚಿಮಿಚಿಮಾನ್ವಿತಃ| ಪಚ್ಯತೇ ಚಾಶು ಪಕ್ವಶ್ಚ ಪಾಣ್ಡುಃ ಪೀಲುಫಲೋಪಮಃ| ಮೂತ್ರೇಣ ರಕ್ತಪರ್ಯನ್ತೋ ಮಧ್ಯೇ ಕೃಷ್ಣೋ ವಿಶೀರ್ಯತೇ| ಆವರ್ತ್ತಸದೃಶಃ ಶೂನಃ ಪೂತಿಃ ಸರ್ಪತಿ ದಹ್ಯತೇ| ಶುಕ್ರೇನ ಗ್ರನ್ಥಿಸಂಸ್ಥಾನಃ ಕಠಿನಸ್ತೀವ್ರವೇದನಾಃ| ಅಲ್ಪಮೂಲೋಽಲ್ಪರುಕ್ಕೋಠೋ ಲಾಲಯಾ ಕಣ್ಡೂರೋ ಮೃದುಃ| ನಖೇನ ಚೋಷಪಿಟಕಾಕಣ್ಡೂಧೂಮಾಯನಾನ್ವಿತಃ| ಕಿಂಶುಕೋದರವರ್ಣಸ್ತು ರಜಸಾ ಚಞ್ಚುಮಾಲವಾನ್||೧೩||
श्वासेन दंशः सहसा सूयते ज्वरदाहवन्| दंष्ट्राकृतस्तूग्रतरो विवर्णः कठिनः स्थिरः| गम्भीरशोफवांस्तोदवेदनादाहसंयुतः| दुर्गन्धी शकृता दाहकण्डूचिमिचिमान्वितः| पच्यते चाशु पक्वश्च पाण्डुः पीलुफलोपमः| मूत्रेण रक्तपर्यन्तो मध्ये कृष्णो विशीर्यते| आवर्त्तसदृशः शूनः पूतिः सर्पति दह्यते| शुक्रेन ग्रन्थिसंस्थानः कठिनस्तीव्रवेदनाः| अल्पमूलोऽल्परुक्कोठो लालया कण्डूरो मृदुः| नखेन चोषपिटकाकण्डूधूमायनान्वितः| किंशुकोदरवर्णस्तु रजसा चञ्चुमालवान्||१३||
🔊 Audio coming soon
Adhikarana kITalUtayordashasthAnAni (14) · Śloka 14
ಲೂತಾ ನಾಭೇರ್ದಶನ್ತ್ಯೂರ್ಧ್ವಮೂರ್ಧ್ವಂ ಚಾಧಶ್ಚ ಕೀಟಕಾಃ| ತದ್ದೂಷಿತಂ ಚ ವಸ್ತ್ರಾದಿ ದೇಹೇ ಪೃಕ್ತಂ ವಿಕಾರಕೃತ್||೧೪||
लूता नाभेर्दशन्त्यूर्ध्वमूर्ध्वं चाधश्च कीटकाः| तद्दूषितं च वस्त्रादि देहे पृक्तं विकारकृत्||१४||
🔊 Audio coming soon
Adhikarana lUtAnAM viShavardhanaprakAraH (15) · Śloka 15
ದಿನಾರ್ಧಂ ಲಕ್ಷ್ಯತೇ ನೈವ ದಂಶೋ ಲೂತಾವಿಷೋದ್ಭವಃ| ಸೂಚೀವ್ಯಧವದಾಭಾತಿ ತತೋಽಸೌ ಪ್ರಥಮೇಽಹನಿ| ಅವ್ಯಕ್ತವರ್ಣಃ ಪ್ರಚಲಃ ಕಿಞ್ಚಿತ್ಕಣ್ಡೂರುಜಾನ್ವಿತಃ| ದ್ವಿತೀಯೇ ತ್ಯುನ್ನತೋಽನ್ತೇಷು ಪಿಟಕೈರಿವಚಾಚಿತಃ| ವ್ಯಕ್ತವರ್ಣೋ ನತೋ ಮಧ್ಯೇ ಕಣ್ಡೂಮಾನ್ ಗ್ರನ್ಥಿಸನ್ನಿಭಿಃ| ತೃತೀಯೇ ಸಜ್ವರೋ ರೋಮಹರ್ಷಕೃದ್ರಕ್ತಮಣ್ಡಲಃ| ಶರಾವರೂಪಸ್ತೋದಾಢ್ಯೋ ರೋಮಕೂಪೇಷು ಸಾಸ್ರವಃ| ಮಹಾಂಶ್ಚತುರ್ಥೇ ಶ್ವಯಥುಸ್ತಾಪಶ್ವಾಸಭ್ರಮಪ್ರದಃ| ವಿಕಾರಾನ್ ಕುರುತೇ ತಾಂಸ್ತಾನ್ ಪಞ್ಚಮೇ ವಿಷಕೋಪಜಾನ್| ಷಷ್ಠೇ ವ್ಯಾಪ್ನೋತಿ ಮರ್ಮಾಣಿ ಸಪ್ತಮೇ ಹನ್ತಿ ಜೀವಿತಮ್| ವಿಷಮಿತ್ಯತಿತೀಕ್ಷ್ಣಾನಾಮಿತರೇ ವಿಭಜೇದತಃ||೧೫||
दिनार्धं लक्ष्यते नैव दंशो लूताविषोद्भवः| सूचीव्यधवदाभाति ततोऽसौ प्रथमेऽहनि| अव्यक्तवर्णः प्रचलः किञ्चित्कण्डूरुजान्वितः| द्वितीये त्युन्नतोऽन्तेषु पिटकैरिवचाचितः| व्यक्तवर्णो नतो मध्ये कण्डूमान् ग्रन्थिसन्निभिः| तृतीये सज्वरो रोमहर्षकृद्रक्तमण्डलः| शरावरूपस्तोदाढ्यो रोमकूपेषु सास्रवः| महांश्चतुर्थे श्वयथुस्तापश्वासभ्रमप्रदः| विकारान् कुरुते तांस्तान् पञ्चमे विषकोपजान्| षष्ठे व्याप्नोति मर्माणि सप्तमे हन्ति जीवितम्| विषमित्यतितीक्ष्णानामितरे विभजेदतः||१५||
🔊 Audio coming soon
Adhikarana viShashamane paramAvadhiH (16) · Śloka 16
ವಿಷಂ ಶಾಮ್ಯತಿ ಸರ್ವಾಸಾಮೇಕವಿಂಶತಿರಾತ್ರಿತಃ||೧೬||
विषं शाम्यति सर्वासामेकविंशतिरात्रितः||१६||
🔊 Audio coming soon
Adhikarana doShAnusAraM daMshalakShaNAni (17) · Śloka 17
ದಂಶಃ ಪಿತ್ತಾತ್ಮಕೋ ದಾಹತೃಟ್ಸ್ಫೋಟಜ್ವರದಾಹವಾನ್| ಸಶೋಫಃ ಕಠಿನಃ ಪಾಣ್ಡುಃ ಕಣ್ಡೂಮಾನ್ ಶ್ಲೈಷ್ಮಿಕೋಽಲ್ಪರುಕ್| ವಾತಿಕಃ ಪರುಷಃ ಶ್ಯಾವಃ ಪರ್ವಭೇದಾದಿರುಕ್ಕರಃ||೧೭||
दंशः पित्तात्मको दाहतृट्स्फोटज्वरदाहवान्| सशोफः कठिनः पाण्डुः कण्डूमान् श्लैष्मिकोऽल्परुक्| वातिकः परुषः श्यावः पर्वभेदादिरुक्करः||१७||
🔊 Audio coming soon
Adhikarana doShodrekanirdhAraNe upAyAntaram (18) · Śloka 18
ಸರ್ಪಜ್ಞಾನೋದಿತೈರ್ಲಿಙ್ಗೈರ್ದೋಷೋದ್ರೇಕಂ ಚ ಲಕ್ಷಯೇತ್||೧೮||
सर्पज्ञानोदितैर्लिङ्गैर्दोषोद्रेकं च लक्षयेत्||१८||
🔊 Audio coming soon
Adhikarana lUtAsu daMshasambhavaprAyikatvam (19) · Śloka 19
ತ್ರಿದೋಷಾಃ ಪ್ರಾಯಶಃ ಸರ್ವಾ ಲೂತಾಃ ಪಿತ್ತಕಫಾಧಿಕಾಃ||೧೯||
त्रिदोषाः प्रायशः सर्वा लूताः पित्तकफाधिकाः||१९||
🔊 Audio coming soon
Adhikarana prANAntikIShu lakShaNam (20) · Śloka 20
ಪ್ರಾಣಾನ್ತಿಕೀಷು ಹೃನ್ಮೋಹಶ್ವಾಸಹಿಧ್ಮಾಶಿರೋಗ್ರಹಾಃ| ಶ್ವೇತಾಸಿತಾಃ ಪೀತರಕ್ತಾಃ ಪಿಟಕಾಃ ಶ್ವಯಥೂದ್ಭವಃ| ವೇಪಥುರ್ವಮಥುರ್ದಾಹಸ್ತೃಡಾನ್ಧ್ಯಂ ವಕ್ರನಾಸತಾ| ಶ್ಯಾವೋಷ್ಠವಕ್ತ್ರದನ್ತತ್ವಂ ಪೃಷ್ಠಗ್ರೀವಾವಭಞ್ಜನಮ್| ಪಕ್ವಜಮ್ಬೂಸವರ್ಣಞ್ಚ ದಂಶಾತ್ಸ್ರವತಿ ಶೋಣಿತಮ್||೨೦||
प्राणान्तिकीषु हृन्मोहश्वासहिध्माशिरोग्रहाः| श्वेतासिताः पीतरक्ताः पिटकाः श्वयथूद्भवः| वेपथुर्वमथुर्दाहस्तृडान्ध्यं वक्रनासता| श्यावोष्ठवक्त्रदन्तत्वं पृष्ठग्रीवावभञ्जनम्| पक्वजम्बूसवर्णञ्च दंशात्स्रवति शोणितम्||२०||
🔊 Audio coming soon
Adhikarana lUtAdaMshe chedadAhau (21) · Śloka 21
ಅಥಾಶು ಲೂತಾದಷ್ಟಸ್ಯಶಸ್ತ್ರೇಣಾದಂಶಮುದ್ಧರೇತ್| ದಹೇತ್ ಜಾಮ್ಬವೋಷ್ಠಾದ್ಯೈರ್ನ ತು ಪಿತ್ತೋತರಂ ದಹೇತ್||೨೧||
अथाशु लूतादष्टस्यशस्त्रेणादंशमुद्धरेत्| दहेत् जाम्बवोष्ठाद्यैर्न तु पित्तोतरं दहेत्||२१||
🔊 Audio coming soon
Adhikarana chedanadahanAyogyavraNAH (22) · Śloka 22
ಕರ್ಕಶಂ ಭಿನ್ನರೋಮಾಣಂ ಮರ್ಮಸನ್ಧ್ಯಾದಿಸಂಶ್ರಿತಮ್| ಪ್ರಸೃತಂ ಸರ್ವತೋ ದಂಶಂ ನ ಛಿನ್ದೀತ ದಹೇತ ವಾ||೨೨||
कर्कशं भिन्नरोमाणं मर्मसन्ध्यादिसंश्रितम्| प्रसृतं सर्वतो दंशं न छिन्दीत दहेत वा||२२||
🔊 Audio coming soon
Adhikarana dAhAnantarIyakRutyam (23) · Śloka 23
ಲೇಪಯೇದ್ದಗ್ಧಮಗದೈರ್ಮಧುಸೈನ್ಧವಸಂಯುತೈಃ| ಸುಶೀತೈಃ ಸೇಚಯೇತ್ರ್ಯಾನು ಕಷಾಯೈಃ ಕ್ಷೀರಿವೃಕ್ಷಜೈಃ||೨೩||
लेपयेद्दग्धमगदैर्मधुसैन्धवसंयुतैः| सुशीतैः सेचयेत्र्यानु कषायैः क्षीरिवृक्षजैः||२३||
🔊 Audio coming soon
Adhikarana raktanirharaNam (24) · Śloka 24
ಸರ್ವತೋಽಪಹರೇದ್ರಕ್ತಂ ಶೃಙ್ಗಾದ್ಯೈಃ ಸಿರಯಾಪಿ ವಾ| ಸ್ರುತೇ ರಕ್ತೇ ಪರೀಷೇಕೋ ಘೃತಕ್ಷಿರಾದಿಭಿರ್ಹಿತಃ||೨೪||
सर्वतोऽपहरेद्रक्तं शृङ्गाद्यैः सिरयापि वा| स्रुते रक्ते परीषेको घृतक्षिरादिभिर्हितः||२४||
🔊 Audio coming soon
Adhikarana prapauNDarIkAdilepaH paittike (25) · Śloka 25
ಪ್ರಪೌಣ್ಡರೀಕಹ್ರೀಬೇರಶಾರಿವೋಶೀರಜೀವಕಾಃ| ಲೋಧ್ರಚನ್ದನಜೀವನ್ತೀಮಞ್ಜಿಷ್ಠಾಸರ್ಜವಞ್ಜುಲಾಃ| ಮೃಣಾಲಬಿಸಶೈವಾಲಕುಮುದೋತ್ಪಲಗೈರಿಕಾಃ| ನ್ಯಗ್ರೋಧೋದುಮ್ಬರಾಶ್ವತ್ಥನಿಚುಲಪ್ಲಕ್ಷವೇತಸಾಃ| ಸಮಙ್ಗಾಪಾಟಲೀಗುನ್ದ್ರಾಕಾಕೋಲೀಶತಪರ್ವಿಕಾಃ| ಶಿರೀಷಧಾತಕೀಮೂರ್ವಾವಿದಾರೀಪದ್ಮಕಿಂಶುಕಃ| ಶೃಙ್ಗಾಟಕಂ ಕೋಶವತೀ ವಾಯಸೀ ಸೋಮರಾಜಯಃ| ಮಧುಕಾಂಶುಮತೀ ಮೂರ್ವಾ ಯಥಾಲಾಭಂ ಸಮಾಹೃತಾಃ| ಶಸ್ತಃ ಪರ್ಯುಷಿತೋ ಲೇಪಃ ಸಘೃತಃ ಪೈತ್ತಿಕೇ ವ್ರಣೇ||೨೫||
प्रपौण्डरीकह्रीबेरशारिवोशीरजीवकाः| लोध्रचन्दनजीवन्तीमञ्जिष्ठासर्जवञ्जुलाः| मृणालबिसशैवालकुमुदोत्पलगैरिकाः| न्यग्रोधोदुम्बराश्वत्थनिचुलप्लक्षवेतसाः| समङ्गापाटलीगुन्द्राकाकोलीशतपर्विकाः| शिरीषधातकीमूर्वाविदारीपद्मकिंशुकः| शृङ्गाटकं कोशवती वायसी सोमराजयः| मधुकांशुमती मूर्वा यथालाभं समाहृताः| शस्तः पर्युषितो लेपः सघृतः पैत्तिके व्रणे||२५||
🔊 Audio coming soon
Adhikarana shyAmAdilepaH shlaiShmike (26) · Śloka 26
ಶ್ಯಾಮಾದ್ವಯನಿಶಾಮುಸ್ತಾನಖರಾಸ್ನಾಮಹಾಸಹಾಃ| ವಾಸಾಪತ್ತಙ್ಗಸುವಹಾನಾಕುಲೀಗಿರಿಕರ್ಣಿಕಾಃ| ಸರ್ಪಗನ್ಧಾಯವಫಲಾನಿರ್ಗುಣ್ಡ್ಯಶ್ಮನ್ತಕಸ್ಥಿರಾಃ| ಶುಕಾಖ್ಯಾ ಮಹಿಷಾಕ್ರಾನ್ತಾ ಕುಷ್ಠೇನ್ದ್ರಯವಕುಙ್ಕುಮಮ್| ಕರವೀರಾಗರುನತಂ ಸುಗನ್ಧಾ ಸಿನ್ದುವಾರಕಮ್| ಆಸ್ಫೋತಗುನ್ದ್ರಾ ಚ ಹಿತಾ ಪ್ರಲೇಪಃ ಶ್ಲೈಷ್ಮಿಕೇ ವಿಷೇ||೨೬||
श्यामाद्वयनिशामुस्तानखरास्नामहासहाः| वासापत्तङ्गसुवहानाकुलीगिरिकर्णिकाः| सर्पगन्धायवफलानिर्गुण्ड्यश्मन्तकस्थिराः| शुकाख्या महिषाक्रान्ता कुष्ठेन्द्रयवकुङ्कुमम्| करवीरागरुनतं सुगन्धा सिन्दुवारकम्| आस्फोतगुन्द्रा च हिता प्रलेपः श्लैष्मिके विषे||२६||
🔊 Audio coming soon
Adhikarana bimbyAdilepaH vAtike (27) · Śloka 27
ಬಿಮ್ಬೀವಿದುಲಬನ್ಧೂಕಕೋವಿದಾರಪಲಾಶಕಾಃ| ಸುವಹಾರಿಷ್ಟಕಬ್ರಾಹ್ಮೀಗುಡೂಚೀವಿಶ್ವಸೈರ್ಯಕಾಃ| ಸಿದ್ಧಾರ್ಥಕಾ ದೇವದಾರುವಿಡಙ್ಗಾನೀನ್ದ್ರವಾರುಣೀ| ಶತಾವರೀಲಾಙ್ಗಲಿಕೀರಾಜವೃಕ್ಷಪುನರ್ನವಾಃ| ಜೀವನ್ತೀವಾಯಸೀಭಾರ್ಙ್ಗೀಕತಕೇನ್ದ್ರಯವಾರ್ಜುನಾಃ| ಮಿಸಿವ್ಯಾಘ್ರಪದೀಸಿಂಹಪುಚ್ಛೀಮಣ್ಡಲಪರ್ಣಿಕಾಃ| ಶ್ವದಂಷ್ಟ್ರಾಕೋಲಬೃಹತೀ ರೇವತೀ ಪುಷ್ಪಸೇವಿಕಾ ಪ್ರಪುನ್ನಾಟಃ ಕುರವಕಃ ಪ್ರಲೇಪೋ ವಾತಿಕೇ ವಿಷೇ||೨೭||
बिम्बीविदुलबन्धूककोविदारपलाशकाः| सुवहारिष्टकब्राह्मीगुडूचीविश्वसैर्यकाः| सिद्धार्थका देवदारुविडङ्गानीन्द्रवारुणी| शतावरीलाङ्गलिकीराजवृक्षपुनर्नवाः| जीवन्तीवायसीभार्ङ्गीकतकेन्द्रयवार्जुनाः| मिसिव्याघ्रपदीसिंहपुच्छीमण्डलपर्णिकाः| श्वदंष्ट्राकोलबृहती रेवती पुष्पसेविका प्रपुन्नाटः कुरवकः प्रलेपो वातिके विषे||२७||
🔊 Audio coming soon
Adhikarana bodhyAdilepaH sarvatra viShe (28) · Śloka 28
ಸರ್ವತ್ರೈವ ಚ ಶಸ್ಯನ್ತೇ ಬೋಧಿಶ್ಲೇಷ್ಮಾತಕಾಕ್ಷಕಾಃ||೨೮||
सर्वत्रैव च शस्यन्ते बोधिश्लेष्मातकाक्षकाः||२८||
🔊 Audio coming soon
Adhikarana mahati viShe vamanarekau (29) · Śloka 29
ಉದೀರ್ಣದೋಷಾನ್ ಬಲಿನೋ ವಿಷೇ ಮಹತಿ ವಾಮಯೇತ್| ಕಾಕಾಣ್ಡಕೀಕೋಶವತೀ ಲೋಧ್ರೇನ್ದ್ರಯವಸೈನ್ಧವೈಃ| ಪಟೋಲಪತ್ರಮರಿಚಕರಘಾಟಪ್ರಿಯಙ್ಗುಭಿಃ| ಕೃಷ್ಣಾಶುಕನಸಾನೀಪನಿಮ್ಬಸಪ್ತಾಹ್ವಯಷ್ಟಿಭಿಃ| ವಿರೇಚಯೇಚ್ಚ ತ್ರಿಫಲಾತ್ರಿವೃತ್ತ್ರಿಕಟುಸೈನ್ಧವೈಃ| ಸದನ್ತೀಪೂಗಮೃದ್ವೀಕಾವಿಡಙ್ಗೈರಥವಾ ಪಚೇತ್| ಏಭಿಃ ಪಲಾರ್ಧಿಕೈಃ ಪ್ರಸ್ಥಂ ಸಮಬ್ರಾಹ್ಮೀರಸಂ ಘೃತಾತ್| ಪಞ್ಚಮೂಲಶೃತಂ ಕ್ಷೀರಂ ತೋಯಂ ವಾ ಶೋಧನೌಷಧೈಃ| ಯಥಾಸ್ವಂ ಕಲ್ಕಿತೈರ್ಯುಕ್ತಂ ಪೃಥಗ್ದದ್ಯಾದ್ವಿರೇಚನಮ್||೨೯||
उदीर्णदोषान् बलिनो विषे महति वामयेत्| काकाण्डकीकोशवती लोध्रेन्द्रयवसैन्धवैः| पटोलपत्रमरिचकरघाटप्रियङ्गुभिः| कृष्णाशुकनसानीपनिम्बसप्ताह्वयष्टिभिः| विरेचयेच्च त्रिफलात्रिवृत्त्रिकटुसैन्धवैः| सदन्तीपूगमृद्वीकाविडङ्गैरथवा पचेत्| एभिः पलार्धिकैः प्रस्थं समब्राह्मीरसं घृतात्| पञ्चमूलशृतं क्षीरं तोयं वा शोधनौषधैः| यथास्वं कल्कितैर्युक्तं पृथग्दद्याद्विरेचनम्||२९||
🔊 Audio coming soon
Adhikarana shuddhasya saMsarjanakramaH (30) · Śloka 30
ಪಿಪ್ಪಲೀಪಿಪ್ಪಲೀಮೂಲಶುಣ್ಠೀನ್ದ್ರಯವಸೈನ್ಧವೈಃ| ಪಾಠಾಜಮೋದಾಯಷ್ಟ್ಯಾಹ್ವಮುಸ್ತಾಸರ್ಷಪದಾರುಭಿಃ| ಲಘುನಾ ಪಞ್ಚಮೂಲೇನ ಸರಲೇನ ಚ ಸಾಧಿತಾ| ಪೇಯಾ ಸಂಸರ್ಜನೇ ಯೋಜ್ಯಾ ಸಘೃತಾ ವಿಷನಾಶಿನೀ||೩೦||
पिप्पलीपिप्पलीमूलशुण्ठीन्द्रयवसैन्धवैः| पाठाजमोदायष्ट्याह्वमुस्तासर्षपदारुभिः| लघुना पञ्चमूलेन सरलेन च साधिता| पेया संसर्जने योज्या सघृता विषनाशिनी||३०||
🔊 Audio coming soon
Adhikarana viShe bastividhAnam (31) · Śloka 31
ಆಧ್ಮಾನಹಿಧ್ಮಾಶ್ವಾಸೇಷು ಪೃಷ್ಠಗ್ರೀವಾವಭಞ್ಜನೇ| ಸಙ್ಕೋಚಸ್ತಮಕಮ್ಪೇಷು ಶೂಲೇಷ್ವರ್ಧಾವಭೇದಕೇ| ವಾತರೋಗೇಷು ಚಾನ್ಯೇಷು ಪರ್ವಭೇದಾರ್ದಿತಾದಿಷು| ಏರಣ್ಡಬಿಲ್ವಸರಲಚಿರಿಬಿಲ್ವಾರ್ಕಪಾಟಲೀಃ| ಶಿಗ್ರುಪಾಠಾ ಕುಶವೃಷಂ ವಿದುಲಂ ಚ ಜಲೇ ಪಚೇತ್| ಕನೀಯಃ ಪಞ್ಚಮೂಲಞ್ಚ ತಸ್ಮಿನ್ಮಣ್ಡಂ ಪಚೇದ್ಘೃತಾತ್| ದ್ವಿಗುಣೇ ತುಲ್ಯಗೋಕ್ಷೀರೇ ಪಿಷ್ಟೈರ್ಯಷ್ಟೀನಿಶಾನತೈಃ| ಸುರಾಹ್ವವೇಲ್ಲಸರಲಶತಾಹ್ವಾಲೋಧ್ರಗೈರಿಕೈಃ| ಪಯಸ್ಯಾಕ್ಲುಷ್ಠಗಾಙ್ಗೇಯೀಕೃಷ್ಣಾಮದನಸೈನ್ಧವೈಃ| ಬಸ್ತೌ ಪ್ರತ್ಯಾಗತೇಽಶ್ನೀಯಾತ್ಪಞ್ಚಮೂಲಾನ್ವಿತೈಃ ರಸೈಃ||೩೧||
आध्मानहिध्माश्वासेषु पृष्ठग्रीवावभञ्जने| सङ्कोचस्तमकम्पेषु शूलेष्वर्धावभेदके| वातरोगेषु चान्येषु पर्वभेदार्दितादिषु| एरण्डबिल्वसरलचिरिबिल्वार्कपाटलीः| शिग्रुपाठा कुशवृषं विदुलं च जले पचेत्| कनीयः पञ्चमूलञ्च तस्मिन्मण्डं पचेद्घृतात्| द्विगुणे तुल्यगोक्षीरे पिष्टैर्यष्टीनिशानतैः| सुराह्ववेल्लसरलशताह्वालोध्रगैरिकैः| पयस्याक्लुष्ठगाङ्गेयीकृष्णामदनसैन्धवैः| बस्तौ प्रत्यागतेऽश्नीयात्पञ्चमूलान्वितैः रसैः||३१||
🔊 Audio coming soon
Adhikarana tIkShNaM nAvanam (32) · Śloka 32
ನಾವನಂ ಗೌರವೇ ಶೋಫೇ ಲಾಲಾಸ್ರಾವೇ ಹನುಗ್ರಹೇ| ಗಿರಿಕರ್ಣೀ ಫಲರಸೋ ಬನ್ಧೂಕಂ ಕಿಣಿಹೀ ಸಿತಾ| ಷಡ್ಗ್ರನ್ಥಾಲಶುನವ್ಯೋಷಬ್ರುಹತೀವೇಲ್ಲಸೈನ್ಧವಮ್| ಅಪಾಮಾರ್ಗಫಲಂ ಭಾರ್ಙ್ಗೀ ನಾಕುಲೀ ಸರ್ಪಗನ್ಧಿಕಾ| ಶ್ಯಾಮಾ ಯವಫಲಾ ಬೀಜಂ ಫಣಿರ್ಜಕಶಿರೀಷಯೋಃ| ವಾರ್ತಾಕರಸಪಿಷ್ಟಾನಿ ನಸ್ಯಂ ವಿಷಹರಂ ಪರಮ್||೩೨||
नावनं गौरवे शोफे लालास्रावे हनुग्रहे| गिरिकर्णी फलरसो बन्धूकं किणिही सिता| षड्ग्रन्थालशुनव्योषब्रुहतीवेल्लसैन्धवम्| अपामार्गफलं भार्ङ्गी नाकुली सर्पगन्धिका| श्यामा यवफला बीजं फणिर्जकशिरीषयोः| वार्ताकरसपिष्टानि नस्यं विषहरं परम्||३२||
🔊 Audio coming soon
Adhikarana snehanasyam (33) · Śloka 33
ವಿರಿಕ್ತಶಿರಸಶ್ಚಾಸ್ಯ ಸರ್ಪಿರ್ಮಣ್ಡೋಽನು ನಾವನಮ್||೩೩||
विरिक्तशिरसश्चास्य सर्पिर्मण्डोऽनु नावनम्||३३||
🔊 Audio coming soon
Adhikarana vacAdi a~jjanam (34) · Śloka 34
ನೇತ್ರೋಪರೋಧಶ್ವಯಥುಕಣ್ಡುನಿದ್ರಾಸಮಾಗಮೇ| ವಚಾಮನೋಹ್ವಾತ್ರಿಕಟುತ್ರಿಫಲಾಲೋಧ್ರಗೈರಿಕಾಃ| ಶಙ್ಖೋ ನೀಲೋತ್ಪಲಂ ತಾಮ್ರಂ ಮುಕ್ತಾ ಹೇಮ ಪ್ರವಾಲಕಮ್| ಜೀವನ್ತೀ ಲಶುನಂ ಕುಷ್ಠಂ ಕತಕಂ ಮಾರ್ಕವಂ ನತಮ್| ಪ್ರಪೌಣ್ಡರೀಕಂ ಮಧುಕಂ ಕರಞ್ಜಫಲಸೈನ್ಧವಮ್| ನಿಶೇ ಫಣಿರ್ಜಕಂ ತುತ್ಥಂ ಸ್ರೋತೋಽಞ್ಜನರಸಾಞ್ಜನೇ| ಮೇಷಶೃಙ್ಗ್ಯಾಶ್ಚ ಕುಸುಮಂ ಪಿಷ್ಟಂ ಗೋವಾರಿಣಾಞ್ಜನಮ್||೩೪||
नेत्रोपरोधश्वयथुकण्डुनिद्रासमागमे| वचामनोह्वात्रिकटुत्रिफलालोध्रगैरिकाः| शङ्खो नीलोत्पलं ताम्रं मुक्ता हेम प्रवालकम्| जीवन्ती लशुनं कुष्ठं कतकं मार्कवं नतम्| प्रपौण्डरीकं मधुकं करञ्जफलसैन्धवम्| निशे फणिर्जकं तुत्थं स्रोतोऽञ्जनरसाञ्जने| मेषशृङ्ग्याश्च कुसुमं पिष्टं गोवारिणाञ्जनम्||३४||
🔊 Audio coming soon
Adhikarana surasAdi a~jjanam (35) · Śloka 35
ಸುರಸಪ್ರಸವವ್ಯೋಷಬಿಲ್ವಮೂಲಸುರಾಹ್ವಯಮ್| ಹರಿದ್ರಾಛಾಗಲೀಮೂತ್ರಮ್ ಲೂತಾಕೀಟಘ್ನಮಞ್ಜನಮ್||೩೫||
सुरसप्रसवव्योषबिल्वमूलसुराह्वयम्| हरिद्राछागलीमूत्रम् लूताकीटघ्नमञ्जनम्||३५||
🔊 Audio coming soon
Adhikarana shirIShAdyagadaH (36) · Śloka 36
ಶಿರೀಷಪದ್ಮಕೋಶೀರಪಾಟಲೀಸಿನ್ದುವಾರಕಮ್| ಕ್ಷೀರಿಶುಙ್ಗನತೋದೀಚ್ಯಶಾರಿವಾಕುಷ್ಠಚನ್ದನಮ್| ಶೇಲುಸ್ವರಸಪಿಷ್ಟೋಽಯಮಗದೋ ನಾವನೇಽಞ್ಜನೇ| ಪಾನೇ ಪ್ರಲೇಪೇ ಸೇಕೇ ಚ ಲೂತಾಸು ಪರಮಂ ಹಿತಃ||೩೬||
शिरीषपद्मकोशीरपाटलीसिन्दुवारकम्| क्षीरिशुङ्गनतोदीच्यशारिवाकुष्ठचन्दनम्| शेलुस्वरसपिष्टोऽयमगदो नावनेऽञ्जने| पाने प्रलेपे सेके च लूतासु परमं हितः||३६||
🔊 Audio coming soon
Adhikarana payasyAdiragadaH (37) · Śloka 37
ಪಯಸ್ಯಾ ಮಧುಮೃದ್ವೀಕಾಶ್ವದಮ್ಷ್ಟ್ರಾಕ್ಷೀರಮೋರಟಾಃ| ಗೋಜೀವಿದಾರೀಯಷ್ಟ್ಯಾಹ್ವಮಧುಕಾನಿ ಚ ತದ್ಗುಣಃ||೩೭||
पयस्या मधुमृद्वीकाश्वदम्ष्ट्राक्षीरमोरटाः| गोजीविदारीयष्ट्याह्वमधुकानि च तद्गुणः||३७||
🔊 Audio coming soon
Adhikarana shirIShakusumAdyagadaH (38) · Śloka 38
ತಥಾ ಶಿರೀಷಕುಸುಮಂ ಚನ್ದ್ರಲೇಖೋದ್ಭವಂ ಫಲಮ್| ಸುರಾಲಾ ಕಟಭೀ ಜಾತಿಃ ಶ್ವೇತಾ ಚ ಗಿರಿಕರ್ಣಿಕಾ||೩೮||
तथा शिरीषकुसुमं चन्द्रलेखोद्भवं फलम्| सुराला कटभी जातिः श्वेता च गिरिकर्णिका||३८||
🔊 Audio coming soon
Adhikarana tagarAdi agadaH (39) · Śloka 39
ತದ್ವಚ್ಚ ಯುಞ್ಜ್ಯಾತ್ತಗರಕುಷ್ಠನಾಗಬಲಾಬಲಾಃ||೩೯||
तद्वच्च युञ्ज्यात्तगरकुष्ठनागबलाबलाः||३९||
🔊 Audio coming soon
Adhikarana haridrAyugalAdiragadaH (40) · Śloka 40
ಹರಿದ್ರಾಯುಗಲಂ ನಾಗದನ್ತೀ ಲೋಧ್ರಂ ಚ ಶಾವರಮ್| ಶಿರೀಷಪುಷ್ಪಂ ತಗರಂ ಸಹದೇವಾ ಶತಾವರೀ| ಪುನರ್ನವಾ ನಾಗಬಲಾ ಸರ್ಪಗನ್ಧಾ ಕುಟನ್ನಟಮ್| ಗವಾದನೀ ದನ್ತಶಠಸೋಮವಲ್ಕೇನ್ದುರಾಜಯಃ| ವಿಷೇಷು ಸರ್ವೇಷ್ವಗದಃ ಸಕ್ಷೌದ್ರಃ ಸರ್ವಕರ್ಮಕೃತ್||೪೦||
हरिद्रायुगलं नागदन्ती लोध्रं च शावरम्| शिरीषपुष्पं तगरं सहदेवा शतावरी| पुनर्नवा नागबला सर्पगन्धा कुटन्नटम्| गवादनी दन्तशठसोमवल्केन्दुराजयः| विषेषु सर्वेष्वगदः सक्षौद्रः सर्वकर्मकृत्||४०||
🔊 Audio coming soon
Adhikarana sarpAkShyAdirvaro agadaH (41) · Śloka 41
ಸರ್ಪಾಕ್ಷೀ ಚನ್ದನಂ ವಕ್ರಂ ಮೃಗಾಕ್ಷೀ ಗನ್ಧನಾಕುಲೀ| ಏಲಾ ಮಹಾಸುಗನ್ಧಾ ಚ ಬಸ್ತಮೂತ್ರೇಣ ಕಲ್ಕಿತಃ| ಲೇಪೇ ಪಾನೇ ಚ ಲೂತಾಸು ನಾನೇನ ಸದೃಶೋಽಗದಃ||೪೧||
सर्पाक्षी चन्दनं वक्रं मृगाक्षी गन्धनाकुली| एला महासुगन्धा च बस्तमूत्रेण कल्कितः| लेपे पाने च लूतासु नानेन सदृशोऽगदः||४१||
🔊 Audio coming soon
Adhikarana kaTabhImUlAdighRutam (42) · Śloka 42
ಕಟಭೀಮೂಲತಗರಸಮಙ್ಗಾದೇವದಾರುಭಿಃ| ಬೃಹತೀದ್ವಯಗಾಙ್ಗೇಯೀರೋಚನಾಚನ್ದನೈರ್ಘೃತಮ್| ಸಿದ್ಧಂ ಚತುರ್ಗುಣಕ್ಷೀರಂ ಪಾನಾಭ್ಯಞ್ಜನಯೋರ್ಹಿತಮ್| ಲೂತಾಕಣಭಕೀಟನಾಂ ವಿಷೇ ಪರಮದಾರುಣೇ||೪೨||
कटभीमूलतगरसमङ्गादेवदारुभिः| बृहतीद्वयगाङ्गेयीरोचनाचन्दनैर्घृतम्| सिद्धं चतुर्गुणक्षीरं पानाभ्यञ्जनयोर्हितम्| लूताकणभकीटनां विषे परमदारुणे||४२||
🔊 Audio coming soon
Adhikarana karNikApAtanam (43) · Śloka 43
ನಿವೃತ್ತೇ ದಾಹಶೋಫಾದೌ ಕರ್ಣಿಕಾಂ ಪಾತಯೇದ್ ವ್ರಣಾತ್| ಕುಸುಮ್ಭಪುಷ್ಪಂ ಗೋದನ್ತಃ ಸ್ವರ್ಣಕ್ಷೀರೀ ಕಪೋತವಿಟ್| ತ್ರಿವೃತಾ ಸೈನ್ಧವಂ ದನ್ತೀ ಕರ್ಣಿಕಾಪಾತನಂ ತಥಾ| ಹರಿದ್ರಾ ಗುಗ್ಗುಲುಃ ಕಿಣ್ವಂ ವಂಶಲೇಖಃ ಕಪೋತವಿಟ್| ತದ್ವಚ್ಚ ಸೈನ್ಧವಂ ಕುಷ್ಠಂ ದನ್ತೀಕಟುಕದೌಗ್ಧಿಕಮ್| ರಾಜಕೋಶಾತಕೀಮೂಲಂ ಕಿಣ್ವೋ ವಾ ಮಥಿತೋದ್ಭವಃ||೪೩||
निवृत्ते दाहशोफादौ कर्णिकां पातयेद् व्रणात्| कुसुम्भपुष्पं गोदन्तः स्वर्णक्षीरी कपोतविट्| त्रिवृता सैन्धवं दन्ती कर्णिकापातनं तथा| हरिद्रा गुग्गुलुः किण्वं वंशलेखः कपोतविट्| तद्वच्च सैन्धवं कुष्ठं दन्तीकटुकदौग्धिकम्| राजकोशातकीमूलं किण्वो वा मथितोद्भवः||४३||
🔊 Audio coming soon
Adhikarana karNikApAtasamaye bRuMhaNam (44) · Śloka 44
ಕರ್ಣಿಕಾಪಾತಸಮಯೇ ಬೃಂಹಯೇತ ವಿಷಾಪಹೈಃ||೪೪||
कर्णिकापातसमये बृंहयेत विषापहैः||४४||
🔊 Audio coming soon
Adhikarana karNikAbAhulyavisheShaH (45) · Śloka 45
ಋತುಕಾಲೇ ಚ ಲೂತಾನಾಂ ಯಾವನ್ತಃ ಶುಕ್ರವಿನ್ದವಃ| ದೇಹೇ ಪತನ್ತಿ ತಾವತ್ಯೋ ಜಾಯನ್ತೇ ಕರ್ಣಿಕಾಃ ಸಮಮ್||೪೫||
ऋतुकाले च लूतानां यावन्तः शुक्रविन्दवः| देहे पतन्ति तावत्यो जायन्ते कर्णिकाः समम्||४५||
🔊 Audio coming soon
Adhikarana vraNashodhanaM sarpiH (46) · Śloka 46
ಗೋದನ್ತದನ್ತೀ ತ್ರಿವೃತಾ ಹರಿದ್ರೇ ಸೈನ್ಧವಂ ತಿಲಾಃ| ಮಧುಕಂ ನಿಮ್ಬಪತ್ರಾಣಿ ಘೃತಂ ಚ ವ್ರಣಶೋಧನಮ್| ಕಾನ್ತಾವಿಡಙ್ಗಖದಿರನಿಮ್ಬಕಾಮ್ಪಿಲ್ಯಕಾಮ್ಬುದೈಃ| ಸರ್ಜೈಲಾಧಾತಕೀಲೋಹೈಃ ಸಿದ್ಧಂ ಸರ್ಪಿರ್ವ್ರಣಾಪಹಮ್||೪೬||
गोदन्तदन्ती त्रिवृता हरिद्रे सैन्धवं तिलाः| मधुकं निम्बपत्राणि घृतं च व्रणशोधनम्| कान्ताविडङ्गखदिरनिम्बकाम्पिल्यकाम्बुदैः| सर्जैलाधातकीलोहैः सिद्धं सर्पिर्व्रणापहम्||४६||
🔊 Audio coming soon
Adhikarana shirIShAdikalkAdirvraNaghnaH (47) · Śloka 47
ಶಿರೀಷಕಟಭೀಶೇಲುಕ್ಷೀರಿವೃಕ್ಷಾರ್ಜುನತ್ವಚಃ| ಕಲ್ಕಚೂರ್ಣಪರೀಷೇಕೈಃ ಕೀಟಲೂತಾವ್ರಣಾಪಹಾಃ||೪೭||
शिरीषकटभीशेलुक्षीरिवृक्षार्जुनत्वचः| कल्कचूर्णपरीषेकैः कीटलूताव्रणापहाः||४७||
🔊 Audio coming soon
Adhikarana shatAhvAdirvraNaropaNam (48) · Śloka 48
ಶತಾಹ್ವಾಲೋಧ್ರಕಾಸೀಸದಾರ್ವೀಜಮ್ಬ್ವಸ್ಥಿರೋಚನಾಃ| ಹರೀತಕೀ ಪೂಗಫಲಂ ಚೂರ್ಣೋಽಯಂ ವ್ರಣರೋಪಣಮ್||೪೮||
शताह्वालोध्रकासीसदार्वीजम्ब्वस्थिरोचनाः| हरीतकी पूगफलं चूर्णोऽयं व्रणरोपणम्||४८||
🔊 Audio coming soon
Adhikarana lAkShAdikaM tvagvishodhanam (49) · Śloka 49
ಲಾಕ್ಷಾ ರಜನ್ಯೌ ಮಞ್ಜಿಷ್ಠಾ ಹರಿತಾಲಂ ಮನಶ್ಶಿಲಾ| ಸರ್ಪಿರ್ಮಧು ಚ ಲೇಪೋಽಯಂ ತ್ವಗ್ವಿಶುದ್ಧಿಕರಃ ಪರಮ್||೪೯||
लाक्षा रजन्यौ मञ्जिष्ठा हरितालं मनश्शिला| सर्पिर्मधु च लेपोऽयं त्वग्विशुद्धिकरः परम्||४९||
🔊 Audio coming soon
Adhikarana romasa~jjananam (50) · Śloka 50
ರೋಮಸಞ್ಜನನಂ ಕುರ್ಯಾದ್ಯದುಕ್ತಂ ವ್ರಣಸಾಧನೇ||೫೦||
रोमसञ्जननं कुर्याद्यदुक्तं व्रणसाधने||५०||
🔊 Audio coming soon
Adhikarana snehakArye sarpireva yojyam (51-44) · Śloka 44
ಸ್ನೇಹಕಾರ್ಯಮಶೇಷಂ ಚ ಸರ್ಪಿಷೈವ ಸಮಾಚರೇತ್| ವಿಷಸ್ಯ ವೃದ್ಧಯೇ ತೈಲಮಗ್ನೇರಿವ ತೃಣೋಪಲಮ್||೫೧|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾ ವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಲೂತಾಪ್ರತಿ ಷೇಧೋ ನಾಮ ಚತುಶ್ಚತ್ವಾರಿಂಶೋಽಧ್ಯಾಯಃ||೪೪||
स्नेहकार्यमशेषं च सर्पिषैव समाचरेत्| विषस्य वृद्धये तैलमग्नेरिव तृणोपलम्||५१|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे लूताप्रति षेधो नाम चतुश्चत्वारिंशोऽध्यायः||४४||
🔊 Audio coming soon